གོང་གི་སྔགས་ཀྱི་ས་པ་རི་ཝཱ་རའི་མཐར་ཨོཾ་ཨ་ཀཱ་རོ་བཏགས་པ་ལན་གསུམ་གྱིས་གཏོར་མ་ཕུལ། རྡོ་རྗེ་ཐུགས་ཀར་བཟུང་ཞིང་དྲིལ་བུ་ཆིག་རྡུང་གིས། འཇིག་རྟེན་སྐྱོང་བ་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་སོགས་ཀྱིས་ཕྲིན་ལས་བཅོལ་ལ་གཏོར་མ་ཕྱིར་བསྐྱལ། འོ་དེས་རྟེན་འབྲེལ་ཟབ་མོའི་བྱིན་རླབས་གསན་པ་ཡིན་པས་ཉིན་རེ་བཞིན་རྟེན་འབྲེ…

བསམས་ཏེ་རྟེན་འབྲེལ་ཟབ་མོའི་དོན་ལ་མཉམ་པར་བཞག་ཅིང་བསྔོ་སྨོན་བྱ། མཆོད་པ་ནི་དངོས་སུ་བཤམ་པ་དང་། བྱིན་རླབས་མི་དགོས། ཡིད་ཀྱིས་སྤྲུལ་ཏེ་ཕུལ་ལོ། །དེ་ཙམ་མ་གྲུབ་ན་མདུན་གྱི་ནམ་མཁར་བཅོམ་ལྡན་འདས་ཐུབ་པའི་དབང་པོ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་མངོན་སུམ་བཞིན་དུ་བཞུགས་པའི་ཞལ་ནས་རྟེན་འབྲེལ་ཟབ་མོའི་སྔགས…

ཐུག་རྟེན་ཅིང་འབྲེལ་འབྱུང་ཟབ་མོའི་དོན་ཁོང་དུ་ཆུད་པས་འཕགས་པའི་ལམ་གྱི་ཡེ་ཤེས་རྒྱུད་ལ་སྐྱེ་བར་འགྱུར་བ་ཡིན་ནོ། །གསུམ་པ་ལས་སྒྲུབ་པའི་རིམ་པ་ལ་གཉིས། འདི་ཉིད་ཀྱི་ཆོ་ག་ཞིབ་མོ་ལས་ཇི་ལྟར་འབྱུང་བ་དང་། གཟུངས་དང་མན་ངག་གཞན་ལས་འབྱུང་བའི་ཚུལ་ལོ། །དང་པོ་ལ་གཉིས། ལས་ཐམས་ཅད་ཀྱི་སྔོན་དུ་འགྲོ་བའི་སྒོམ་བཟླས་དང་། ལས་ཀྱི་རིམ་…

དགེ་འདུན་ལ༔ ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་བཞུགས་པ་ལ༴ རང་སངས་རྒྱས་རྣམས་ལ་ཕྱགཌ དགྲ་བཅོམ་པ་རྣམས་ལ༴ རྒྱུན་དུ་ཞུགས་པ་རྣམས་ལ༴ འཕགས་པ་བྱམས་པ་ལ་སོགས་པའི་བྱང་ཆུབ་སེམས་དཔའ་རྣམས་ལ༴ བརྟུལ་ཞུགས་གྲུབ་པ་རྣམས་ལ །སེམས་ཅན་གྱི་སྨན་པ་རྣམས་ལ་ཕྱག་འཚལ་ལོ། །ནོར་བུ་གྲུབ་པ་རྣམས་ལ་ཕྱག་འཚལ་ལོ། །ཞེས་གཟུང…

ནི་ལྷའི་སྐུ་རྗེས་སུ་དྲན་པའོ། །དེ་ནས་གཟུངས་བཟླ་བ་ནི། བཅོམ་ལྡན་འདས་ཀྱི་སྐུ་ལ་དམིགས་པ་དང་། གཟུངས་ཀྱི་ཚིག་དོན་རྗེས་སུ་དྲན་པས། ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ནས་ཤྲ་མ་ཎཿསྭཱ་ཧཱ། ཞེས་ཇི་ཙམ་ནུས་པ་བཟླས་ཏེ་ལས་ཀྱི་ཆོ་ག་སོ་སོ་ལ་འཇུག །མཐར་ལྷའི་སྐུ་མི་དམིགས་པར་བསམས་ལ་དགེ་བ་བསྔོ་ཞིང་སྨོན་ལམ་གདབ། རྟེན་ཅིང་འབྲེལ་འབྱུ…

ལྟར་འདུས་ནས་ནད་བདག་སོ་སོ་ལ་ཐིམ་པར་བསམས་པས་ཞི་བར་འགྱུར་རོ། །ཡང་ན་བུ་མོ་གཞོན་ནུ་མས་འགལ་བའི་སྐུད་པ་དཀར་པོ་སུམ་བསྒྲིལ་ལ་མདུད་པ་གསུམ་བྱས་ལ་གཟུངས་སྔགས་ཉི་ཤུ་རྩ་བརྒྱད་བཟླས་པས་བཏབ་ནས་གང་གི་མགུལ་དུ་བཏགས་ན་སྲུང་བ་དང་ཞི་བར་འགྱུར་རོ། །སྙིང་ག་དང་རྩིབ་ལོགས་ན་བ་ལ་ཆུ་གྲང་མོ་ལ་བཟླས་ཏེ་བཏང་བས་སེལ་བར་འགྱུར་རོ། །གཞན་ཡང…

ཀླུང་ཆེན་པོའི་བྱེ་མ་དང་། རི་ཆེན་པོའི་རྩེ་མོའི་ས་དང་། དུར་ཁྲོད་ཀྱི་ཐལ་ཆེན་རྣམས་ལ་བརྒྱ་རྩ་བརྒྱད་སྔགས་ནས་གཏོར་ན་ལོ་ཏོག་དང་། བཟའ་ཤིང་གི་ར་བ་ལ་འཚེ་བའི་སེམས་ཅན་གྱི་ཁ་འཆིང་བར་འགྱུར་རོ། །བཅོམ་ལྡན་འདས་ལ་ཕུལ་བའི་མེ་ཏོག་རྙིང་པ་སྟེ། མཎྜལ་སོགས་ཀྱི་མེ་ཏོག་རྙིང་པ་ལ་སྔགས་ཉི་ཤུ་རྩ་གཅིག་བཟླས། གཙང་ཞིང་བླ་གབ་མེད་པའི་ཕྱ…

སུ། བུམ་པ་གཙང་མ་ལྔའམ། མ་འབྱོར་ན་གཅིག་ལེགས་པར་བཀྲུས་ཏེ་གུ་གུལ་གྱིས་བདུག །ནང་དུ་ཆུ་གཙང་མ་དང་ཡུངས་ཀར། ག་བུར། ཙནྡན་དཀར་པོ། །གླ་རྩི། གཞན་ཡང་ཤུ་དག་སོགས་དྲི་དང་ལྡན་ཞིང་གདོན་འཕྲོག་པའི་སྨན་གྱི་རིགས་རྣམས་ལེགས་པར་སྦྱར་བས་སུམ་གཉིས་དགང་སྟེ་ཁ་རྒྱན་མགུལ་ཆིངས་དང་བཅས་པ་བཞག །སྔགས་བརྒྱ་རྩ་བརྒྱད་བཟླས་པས་ཆུ་ནུས་ལྡན་དུ་བ…

ཧཱུྃ་ཕཊ། ཞེས་བྲིས་པ་གཟུངས་སྔགས་ཀྱིས་རབ་ཏུ་གནས་པ་དང་། སྔགས་བཟླས་པའི་ཡུངས་ཀར་གྱི་ཐུམ་པོ་བཅས་གཙང་སྦྲ་དང་ལྡན་པས་མགུལ་དུ་གདགས་ན་གདོན་ཐམས་ཅད་ལས་ཐར་བར་འགྱུར་རོ། །བྱེ་བྲག་མཁའ་འགྲོ་སྟེ་བྱའི་གདོན་གྱིས་ཟིན་པ་ལ་ཡུངས་ཀར་དང་། གུ་གུལ་ནག་པོ་ལ་རྟེན་སྙིང་དང་། གོང་གི་སྔགས་འདི་ཉིད་ལན་བདུན་བཟླས་པའི་ཐུམ་པོ་མགུལ་དུ་གདགས་པ…

དཀར་པོའམ་གོས་ཀྱི་གྲྭར་མདུད་པ་བདུན་བྱ། མདུད་པ་རེ་ལ་སྔགས་ཚར་རེ་བཏབ་པ་བཅིངས་ཏེ་ཕྱིན་ན་འཇིགས་པ་ཐམས་ཅད་སྲུང་ཞིང་། ཇི་ལྟར་འདོད་པའི་དོན་བདེ་བླག་ཏུ་འགྲུབ་པར་འགྱུར་རོ། །བདུན་པ་ཡིད་གཞུངས་པའི་ཆོ་ག་ནི། ཤུ་དག་ཚོན་གང་པ་དང་། ཞུན་མར་སྲང་སུམ་བརྒྱ་དྲུག་ཅུ་ལ་སྔགས་བཟླས་པ་ལྷན་ཅིག་ཏུ་བསྲེས་ནས་བུམ་པར་བླུགས། ལོ་གཅིག་ཏུ་ཉི་…

དང་ཕྱུགས་ནད་ཐམས་ཅད་ཞི་ཞིང་སྲུང་བར་འགྱུར་རོ། །རྟ་ལ་སོགས་པའི་ཕྱུགས་ཀྱི་རིགས་འཆི་བར་ཉེ་པའི་ནད་ཀྱིས་ཐེབས་པ་ན། ཆུ་དང་ཡུངས་ཀར་ལ་བརྒྱ་རྩ་བརྒྱད་བཟླས་ནས་ལུས་ལ་གཏོར་ན་སོས་པར་འགྱུར་རོ། །ཡུངས་ཀར་ལ་བརྒྱ་རྩ་བརྒྱད་བཟླས་པའི་ཐུམ་པོ་མགུལ་དུ་གདགས་ན་ནད་དང་གནོད་པ་ཐམས་ཅད་སྲུང་ཞིང་ཞི་བར་འགྱུར་རོ། །བཅུ་པ་རྒྱུན་དུ་བཟླས་བརྗོ…

བའི་སྙིང་པོའི་གཟུངས་ལས། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས། མི་གནས་པའི་ས་ཕྱོགས་སུ་མཆོད་རྟེན་ནི་སྒྱུ་རུ་རའི་འབྲུ་ཙམ། སྲོག་ཤིང་ནི་ཁབ་ཙམ། གདུགས་ནི་བ་ཀུ་ལའི་མེ་ཏོག་ཙམ་ཞིག་བྱས་ལ། རྟེན་ཅིང་འབྲེལ་བར་འབྱུང་བ་ཆོས་ཀྱི་དབྱིངས་ཀྱི་ཚིགས་སུ་བཅད་པ་ནང་དུ་བཅུག་ན། དེས་ཚངས་པའི་བསོད་ནམས་བསྐྱེད་པར་འགྱུར་ཏེ། འདི…

སྦགས་པ་ལ་མངོན་པར་བསྔགས་ཏེ་རྡུལ་ཕྲ་རབ་རེ་རེ་བཞིན་འབྲུའི་ཕུང་པོ་བསམ་གྱིས་མི་ཁྱབ་པ་འཕེལ་བའི་རང་བཞིན་དུ་བསམས་ལ་ས་བོན་དང་ལྷན་ཅིག་ཏུ་འདེབས་པར་བྱའོ། །ཕྱུགས་འཕེལ་བར་འདོད་ན། གྲོ་གའམ་ཤོག་བུ་ལ་གཟུངས་བྲིས་ཏེ་གིའུ་ཝང་གིས་བྱུག །རབ་ཏུ་གནས་པ་དང་བཅས་སྐར་མ་རྒྱལ་གྱི་ཉིན་ཕྱུགས་མ་དགེ་མཚན་ཅན་གྱི་གདོང་པ་ལ་གདགས་པར་བྱའོ། །ར…

བརྒྱ་རྩ་བརྒྱད་བཟླས་པས་བོང་ང་ནག་པོ་སྲན་མ་ཙམ་ལ་བཏབ་སྟེ་བདུག་པའམ། སོ་བར་དུ་བཟུང་བས་ཕན་པར་འགྱུར་རོ། །གྲེ་བ་འགགས་ན་ཨ་རུ་རའི་ཁུ་བའམ། དྲི་ཆུ་བར་པ་ལ་བཏབ་ནས་བཏང་ན་འཕྲལ་དུ་སེལ་ལོ། །ཡིད་མི་བདེ་བ་ལ་ཨ་ག་རུ་ནག་པོ་དང་ཏིལ་མར་བསྲེས་པ་ལ་སྔགས་ནས་དུ་བས་བདུག་པས་ཕན་ནོ། །རྨི་ལམ་ངན་པ་ཞི་བར་འདོད་ན། རང་གི་སྤྱི་བོར་རྃ་ལས་ཉི་མ…

བྱའོ། །ཚེ་སྲིང་བར་འདོད་ན། སྤྱི་གཙུག་ཏུ་གསེར་གྱི་རྡོ་རྗེ་རྒྱ་གྲམ་འོད་འབར་བའི་ལྟེ་བར་ཟླ་བ་ལ་གཟུངས་སྔགས་ཀྱི་ཕྲེང་བ་གསལ་བཏབ་ལ་བཟླས་པས་འཇིག་རྟེན་དང་། འཇིག་རྟེན་ལས་འདས་པའི་བཅུད་ཐམས་ཅད་འདུས་ཏེ་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས་པས་ལུས་ཀྱི་ནང་ཐམས་ཅད་གང་། འཆི་མེད་ཚེའི་དངོས་གྲུབ་ཐོབ། རྡོ་རྗེ་ལས་རྡོ་ར…

བརྩེའི་དབང་པོས་སྦྱར་བའི་དགེ་བས་འགྲོ་ཀུན་སྲིད་པ་དང་ཞི་བའི་དགེ་ལེགས་ཀྱི་རྟེན་འབྲེལ་ཕུན་སུམ་ཚོགས་པའི་དཔལ་ལ་དུས་རྟག་ཏུ་ལོངས་སྤྱོད་པའི་རྒྱུར་གྱུར་ཅིག། །།མངྒ་ལཾ།། །།

༈ སངས་རྒྱས་སྨན་བླ་མཆེད་བདུན་གྱི་རྗེས་གནང་བྱ་ཚུལ་བཀླག་ཆོག་དོན་གྲུབ་བསམ་འཕེལ་ཞེས་བྱ་བ་བཞུགས་སོ། །བླ་མ་དང་སངས་རྒྱས་སྨན་བླ་ལ་ཕྱག་འཚལ་ལོ། །འདིའི་རྗེས་གནང་ལ་སྦྱོར་དངོས་རྗེས་གསུམ་ལས། དང་པོ་ནི། གནས་ཡིད་དུ་འོང་བར་གཞི་བཟང་པོའི་སྟེང་དུ་མཉྫིའི་ཁར་མཎྜལ་ལ་ཚོམ་བུ་བདུན་བཀོད་པའི་མཐར་མཚམས་འཛིན་གྱི་མེ་ཏོག་ཆུ་གཉིས་ཉེར་…

ཀླས་པར་གྱུར། ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱདྱཾ་སྭཱ་ཧཱ། ཨོཾ་བཛྲ་པུཥྤེ་སྭཱ་ཧཱ། ཞེས་སོགས་ནས། ཨོཾ་བཛྲ་ཤཔྟ་སྭཱ་ཧཱ། ཨོཾ་བཛྲ་དྷརྨཱ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲཙཱ་ལི་ནི། པྲཛྙཱ་པཱ་ར་མི་ཏ་ནཱ་ད་སཾབྷ་ཝེ། བཛྲ་སཏཱ་ཧྲི་ད་ཡ་སནྟོ་ཥ་ནི་ཧཱུཾ་ཧཱུཾ་ཧཱུཾ་ཧོ་ཧོ༔ཧོ་ཨཱཎཁཾ་སྭཱ་ཧཱ། ལན་གསུམ་རོལ་མོ་དང་…

པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྻ་ཡི་འོད་ལ་ཕྱག་འཚལ་ལོ། །ཨོཾ་བྷེཥ་ཛྱཻ་གུ་རུ་བཻཌཱུརླ་པྲ་བྷ་རཱ་ཛཱ་ཡ་ས་པ་རི་ཝཱ་ར་ཨོཾ་བཛྲ་ཨརྒྷཾ་སོགས་ནས། ཤཔྟ་སྭཱ་ཧཱ། དཀོན་མཆོག་གསུམ་ལ་བདག་སྐྱབས་མཆི། །སོགས་ནས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་ག…

སྟེང་དུ་ཨོཾ་ལས་རྒྱལ་སྲས་ཉི་མ་ལྟར་སྣང་བྱེད་སྐུ་མདོག་དམར་སེར་ཞལ་གཅིག་ཕྱག་གཉིས་པ། གཡོན་པས་པདྨའི་སྡོང་བུ་ཐུགས་ཀར་བཟུང་བའི་སྟེང་ན་ཉི་མ་བསྣམས་པ། གཡོན་དུ་ཟླ་བའི་སྟེང་དུ་ཨ་ལས་རྒྱལ་སྲས་ཟླ་བ་ལྟར་སྣང་བྱེད་སྐུ་མདོག་དཀར་པོ་ཞལ་གཅིག་ཕྱག་གཉིས་པ། གཡོན་པས་པདྨའི་སྡོང་བུ་ཐུགས་ཀར་བཟུང་བའི་སྟེང་ན་ཟླ་བ་བསྣམས་པ། །གཉིས་ཀའང་…