སཿ འཁོར་བའི་རྒྱ་མཚོ་སྐེམ་པར་ཤོག༔ རྩ་སྔགས་དང་། ཡིག་བརྒྱ། མི་འཁྲུགས་པའི་གཟུངས་སོགས་བཟླས་ལ་བསྲེག །ཐལ་བ་བུམ་ཆུས་སྦྱངས་ཤིང་། བྱེ་མས་བྲབས། ས་གཙང་མ་དང་སྦྱར་ནས་སཙྪ་གདབ། རབ་གནས་རྒྱས་བསྡུས་ཇི་ལྟར་རིགས་པ་བྱ་ཞིང་དབེན་པའི་གནས་སུ་བསྐྱལ། ཚེ་འདས་ཀྱི་དོན་དུ་བཟང་པོ་སྤྱོད་པ་ལ་སོགས་པའི་སྨོན་ལམ་རྒྱ་ཆེར་གདབ་ཅིང་། དཀྱིལ་འ…

༈ རྟ་མགྲིན་གསང་སྒྲུབ་ཀྱི་བརྒྱུད་འདེབས་གྲུབ་གཉིས་ཆར་འབེབས་ཞེས་བྱ་བ་བཞུགས་སོ། །ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས། །སྤྲུལ་སྐུ་པད་འབྱུང་གཏེར་སྟོན་གངས་རི་བ། །ཆོས་ཀྱི་སེང་གེ་གཉན་སྟོན་ཆེན་པོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཆོས་རྗེ་སྟོན་པ་གཙང་མ་ཤངས་སྟོན་དང་། །རྒྱལ་མཚན་འབུམ་དང་ཁྱུང་པོ་ཚུལ་…

མཆོག་རོལ་པ་གསང་སྒྲུབ་ཀྱི་རྒྱུན་ཁྱེར་གྲུབ་གཉིས་དཔལ་སྟེར་ཅེས་བྱ་བ་བཞུགས་སོ། །ན་མོ་གུ་རུ་ཧ་ཡ་ཤྲཱི་བཱ་ཡ། རྟ་མཆོག་རོལ་པ་གསང་སྒྲུབ་ཀྱི་རྣལ་འབྱོར་ཟབ་མོ་མདོར་བསྡུས་ཏེ་ཉམས་སུ་བླང་པའི་ཚུལ་ལ། སྐྱབས་སེམས་ནི། །བདག་སོགས་འགྲོ་ཀུན་དེང་ནས་བྱང་ཆུབ་བར། །རྩ་གསུམ་ལྷ་ཚོགས་རྣམས་ལ་སྐྱབས་སུ་མཆི། །གཞན་དོན་རྫོགས་པའི་སངས་རྒྱས་…

འཕྲོས་པ་ཡིས། །འཕགས་མཆོད་བྱིན་རླབས་དངོས་གྲུབ་རང་ལ་ཐིམ། །འགྲོ་ཀུན་སྒྲིབ་སྦྱངས་བདེ་བའི་དཔལ་ལ་བཀོད། །སྡེ་བརྒྱད་འབྱུང་པོ་བྱད་མ་བརླག་ཅིང་གཟིར། །སྣང་བ་ལྷ་ལ་གྲགས་པ་སྔགས་ཀྱི་སྒྲ། །དྲན་རྟོག་ཀ་དག་ཆོས་སྐུའི་ངོ་བོར་གྱུར། ཨོཾ་ཧྲཱིཿཔདྨ་ནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ། ཞེས་ཅི་ནུས་དང་། སྔོན་ཏུ་བསྙེ…

གསུམ་ཞུ་བ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ། རང་གི་སྙིང་ག་ནས་འོད་ཟེར་འཕྲོས་པས་དཔལ་རྟ་མགྲིན་ལ་རྩ་གསུམ་ཆོས་སྲུང་རྒྱ་མཚོས་བསྐོར་བ་མདུན་གྱི་ནམ་མཁར་བཛྲ་ས་མཱ་ཛཿ དེ་རྣམས་ཀྱི་ལྗགས་རྡོ་རྗེའི་སྦུ་གུ་གཏོར་མ་ལ་ཟུག་ནས་གསོལ་བར་བསམས་ལ། རྩ་སྔགས་ཀྱི་མཐར། ས་པ་རི་ཝཱ་ར་ཨི་དཾ་བ་ལིདྷ…

པོར་དྲིལ་ཏེ་སྦྱར་བ་སིདྡྷིར་སྐུ། །།།དཔལ་རྟ་མཆོག་རོལ་པ་གསང་སྒྲུབ་ཀྱི་གདམས་པའི་ཟིན་བྲིས་ཉུང་གསལ་གྲུབ་གཉིས་ས་བོན་ཅེས་བྱ་བ་བཞུགས་སོ། །ཨོཾ་སྭ་སྟི། །གང་གི་ཡེ་ཤེས་འབར་བའི་མེས། །བདུད་སྡེའི་བུད་ཤིང་ཀུན་བསྲེགས་ནས། །གྲུབ་གཉིས་སྣང་བ་རྒྱས་མཛད་པ། །བླ་མ་རྟ་མཆོག་རོལ་པས་སྐྱོངས། །དེ་ལ་འདིར་སྙེ་མོ་གངས་རི་བ་སངས་རྒྱས་དབང…

ཆ་སྔ་མའི་སྟེང་ནས་ཐོབ་ན་ཕྱི་མའི་གོ་ཆོད་ཅིང་། ཕྱི་མར་བཟླས་ལུང་མ་གསུངས་པས་སྔ་མའི་གོ་མི་ཆོད་པས་ན་དབང་ལུང་སྤྱིར་བཏང་དང་། བསྙེན་སྒྲུབ་དོན་ཏུ་གཉེར་བ་རྣམས་ཀྱིས་ཚར་ཆེན་རིན་པོ་ཆེའི་གསུང་རབ་སྟེང་ནས་འཆད་ཉན་བྱ་བ་ཅིས་ཀྱང་གལ་ཆེ། གཞན་ཏུ་རྐྱེན་སེལ་ཙམ་ལ་ནི་གང་ལྟར་ཡང་རུང་བར་མ་ཟད། གཏོར་དབང་རྐྱང་པ་བསྐུར་ཡང་རུང་བས། དེའི་…

པ་རེ་བྱུང་། ཁྱེད་རང་རྣམས་ཀྱི་སྤྱི་བོ་ནས་ཐིམ་པས་སོགས་ནས། ཛཿཧཱུྃ་བྃ་ཧོཿཞེས་བརྗོད། སླར་ཡང་གཏོར་མ་དཔལ་རྟ་མཆོག་རོལ་པའི་ལྷ་ཚོགས་སུ་གསལ་བ་ལ་གུས་འདུད་དྲག་པོ་སོགས་ནས། བྃ་ཧོཿཞེས་པའི་བར་གོང་ལྟར་ལ། བརྒྱུད་པའི་གསོལ་འདེབས་བསྡུ་ན། སློབ་དཔོན་པདྨ་འབྱུང་གནས་དང་། དཔོན་སྟོན་སྐྱེར་སྒང་པ་ཆོས་ཀྱི་སེངྒེ་ནས། བདག་ཅག་གི་དྲིན་…

བརྗོད་ན་གསུམ། དང་པོ་ལྷ་ཉེ་བར་བསྙེན་པ། བར་དུ་དངོས་གྲུབ་སྒྲུབ་པ། མཐར་ལས་ཀྱི་སྦྱོར་བས་རང་གཞན་ལ་ཕན་གདགས་པའི་ཚུལ་ལོ། །དང་པོ་གཉིས་ལ་བསྙེན་སྒྲུབ་སོ་སོར་བྱ་བ་དང་། བསྙེན་སྒྲུབ་སྦྲགས་མའི་ཚུལ་གཉིས་ལས། ཕྱོགས་སྔ་མ་ལྟར་ན་དང་པོ་བསྙེན་པའི་རིམ་པ་ནི། གནས་དབེན་ཞིང་རང་དབང་འདུས་པའི་བསམ་གཏན་གྱི་ཁང་བུར་ཕྱག་དར་ལེགས་པར་བྱ། …

ཧཱུྃ་ཧཱུྃ་ཧཱུྃ་ཕཊ་སྭཱ་ཧཱས་བརྟན་པར་བྱ། སྤྲོ་ན་རྒྱལ་ཆེན་ཐོ་འཛུགས་སྤྱི་ལྟར་དང་། གང་ལྟར་ཡང་མི་དམངས་སྲུང་ཐུབ་ངེས་ཀྱི་ཐོ་བརྟན་པར་བརྩིགས་ལ་མཚམས་དམ་པར་བཅད། བདག་བསྐྱེད་བརྒྱུད་འདེབས་དང་སྐྱབས་འགྲོ་ནས་བརྩམས་ཏེ་བཟླས་པའི་བར་ཚར་ཆེན་རིན་པོ་ཆེའི་གསུང་རབ་སོགས་ཡིག་ཆ་ཚད་ཐུབ་གང་ལྟར་བགྱིས་ཀྱང་རུང་། མཐར་ལྷ་སྐུ་འོད་གསལ་ཏུ་…

སྲེག་རིག་འཛིན་པདྨ་ཕྲིན་ལས་ཀྱི་གསུང་རབ་ལྟར་བྱ། ཐོར་ཐུན་ནམ་སྔ་ཐུན་གྱི་མཇུག་ཏུ་གཏོར་མ་རྒྱས་པར་ཕུལ་ལ་བསྔོ་སྨོན་ཤིས་བརྗོད་རྒྱ་ཆེར་བྱ་ཞིང་མཚམས་གྲོལ་བ་སོགས་སྤྱི་ལྟར་བྱའོ། །གཉིས་པ་སྒྲུབ་པ་ནི། བསྙེན་པ་དེ་ཀའི་མཇུག་ཏུ་བྱེད་ན་སྔོན་འགྲོ་གཏོར་མ་བཏང་བ་སོགས་མི་དགོས་ཤིང་། དེ་མིན་སྦྱོར་བའི་རིམ་པ་རྣམས་གོང་ལྟར་བྱ། དམིག…

རི་ཝཱ་ར་ཨརྒྷཾ་སོགས་ཀྱིས་མཆོད། རྒྱལ་བ་ཀུན་གྱི་སོགས་ཀྱིས་བསྟོད། འདིའི་སྤྱན་འདྲེན་ནས་བསྟོད་པའི་བར་སྤྲོ་ན་རྒྱལ་དབང་རིན་པོ་ཆེའི་སྒྲུབ་ཐབས་ལྟར་བཏང་། རང་གི་སྙིང་ག་ནས་སྔགས་ཀྱི་ཕྲེང་བ་ལས་འོད་ཟེར་འཕྲོས། མདུན་བསྐྱེད་ཀྱི་ཐུགས་ཀར་ཕོག་པས་ཐུགས་རྒྱུད་བསྐུལ། རང་དང་མདུན་བསྐྱེད་ཀྱི་སྐུའི་ཆ་ཐམས་ཅད་ཀྱི་ཁྲོ་ཆུང་རྣམས་ཀྱི་…

པས་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་བསམས་ལ་སྔགས་བཟླ་བཞིན་ཏུ་གཏོར་མ་གནས་གསུམ་དུ་རེག །སླར་ཡང་སྤྱི་བོར་བཟུང་ལ། རྩ་སྔགས་ཀྱི་མཐར་ཛཿཧཱུྃ་བྃ་ཧོཿབརྗོད་པས་ལྷ་འོད་དུ་ཞུ་ནས་རང་ལ་ཐིམ། གཏོར་ཟན་དངོས་གྲུབ་ཀྱི་རྫས་སུ་བསམས་ལ་ཅུང་ཟད་རོལ། དེ་ནས་ལྷ་སྐུ་བསྡུ་ལྡང་བསྔོ་སྨོན་ཤིས་བརྗོད་སོགས་རྒྱ་ཆེར་བྱས་ལ་མཚམས་གྲོལ་…

༈ ལྷ་བྲག་གཏེར་བྱོན་ལས་ཀྱི་བྱ་ཁྱུང་ནག་པོའི་བྱིན་རླབས་ཀྱི་ཆོ་ག་བར་ཆད་ཀུན་སེལ་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། རིག་འཛིན་ཆེན་པོ་དངོས་གྲུབ་རྒྱལ་མཚན་གྱི་གཏེར་བྱོན་ལས་ཀྱི་བྱ་ཁྱུང་ནག་པོའི་སྒོ་ནས་སློབ་མ་ལ་བྱིན་རླབས་བྱ་བར་འདོད་ན། སྟེགས་ཀྱི་ཁར་མཉྫིའི་སྟེང་དུ་གཏོར་མ་དཔལ་གཏོར་བརྗིད་ལྡན་འཁོར་རང་འདྲ་བརྒྱད་ཀྱ…

ལྷ་བྲག་ནས་སྤྱན་དྲངས་པའི་བཀའ་བརྒྱད་དྲག་པོ་རང་བྱུང་རང་ཤར་གྱི་ཆ་ལག་རྒྱལ་སྲས་ཁྱུང་ཆེན་ཡོངས་རྫོགས་དང་། གསང་མཚན་ཐུགས་ཀྱི་སྒྲུབ་པའི་ལས་ཚོགས་ལས་ཀྱི་བྱ་ཁྱུང་ནག་པོ་གཉིས་ཀྱི་ཕྱི་མ་འདིའི་སྒོ་ནས་བྱིན་རླབས་གཏོར་དབང་གི་རིམ་པ་ཟབ་མོ་བསྒྲུབ་པ་ལ། སློབ་དཔོན་གྱི་བྱ་བ་རྣམས་གྲུབ་ནས། སློབ་མ་ལ་བྱ་བའི་རིམ་པ་སྦྱོར་དངོས་རྗེས་ག…

དོན་བྱེད་པར་སེམས་བསྐྱེད་དོ༔ དངོས་གཞི་ལ་སྐུ་གསུང་ཐུགས་ཀྱི་བྱིན་རླབས་དང་། གཏོར་མའི་དབང་བསྐུར་བ་རྣམས་སུ་ཡོད་པ་ལས། དང་པོ་སྐུའི་བྱིན་རླབས་ཀྱི་སླད་དུ་དམིགས་པ་འདི་བཞིན་མཛོད། ལས་སྔགས་ཀྱིས་བསང་། སྭ་བྷ་ཝས་སྦྱང་། སློབ་མ་རྣམས་ཀྱི་ཕུང་ཁམས་སྐྱེ་མཆེད་ཀྱིས་མཚོན་པའི་མ་དག་པའི་སྣང་བ་ཐམས་ཅད་མི་དམིགས་ཏེ་སྟོང་པ་ཉིད་དུ་གྱ…

བུ། བར་ནས་བུ་ཡུག་འཚུབས་པ་ལྟ་བུ། ནམ་མཁའ་ས་གཞི་བར་སྣང་ཐམས་ཅད་ཡོམ་ཡོམ་ཤིག་ཤིག་བྱོན་ནས། ཁྱེད་རང་རྣམས་ཀྱི་གཞི་ལུས་ལྷར་གསལ་བ་ལ་དབྱེར་མེད་དུ་ཐིམ་པས་ལུས་ཀྱི་ནད་གདོན་སྡིག་སྒྲིབ་ཐམས་ཅད་དག་ཅིང་རྡོ་རྗེ་ཁྱུང་གི་སྐུའི་བྱིན་རླབས་མ་ལུས་པ་རྒྱུད་ལ་ཞུགས་པའི་མོས་པ་མཛོད། ཨོཾ་དྲུང་དྲུང་། ངུར་ངུར། ཆེམ་ཆེམ། ཁཾ་ཁཾ། སོད་སོད།…

འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀྱི་བྱིན་རླབས་མ་ལུས་པ་སྤྲུལ་པའི་ཁྱུང་ནག་ཆེན་པོའི་ཐུགས་ས་བོན་གྱི་རྣམ་པ་བསམ་གྱིས་མི་ཁྱབ་པར་སྤྱན་དྲངས་ནས་ཡིད་ཡེ་ཤེས་སུ་གསལ་བ་ལ་དབྱེར་མེད་དུ་ཐིམ་པས་ཡིད་ཀྱི་ནད་གདོན་སྡིག་སྒྲིབ་ཐམས་ཅད་དག །རྡོ་རྗེ་ཁྱུང་གི་ཐུགས་ཀྱི་བྱིན་རླབས་མ་ལུས་པ་རྒྱུད་ལ་ཞ…

པ་སྐྱེས་ཏེ་སྤྲུལ་པའི་བྱ་ཁྱུང་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་དང་དབྱེར་མེད་དུ་བྱིན་གྱིས་བརླབས་པ་ཡིན་སྙམ་དུ་ཐུགས་མོས་མཛོད། སྤྲོ་ན་བརྒྱུད་པའི་བཤར་འདེབས་དང་། །བསྡུ་ན། རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། ཡི་དམ་དཀྱིལ་འཁོར་གྱི་ལྷ་ཚོགས། གནས་གསུམ་གྱི་དཔའ་བོ་མཁའ་འགྲོ་ཆོས་སྐྱོང་སྲུང་མའི…

བརླབས་པའི་མོས་པ་མཛོད། ཅེས་དང་སྔགས་ཀྱི་མཐར། ཛཿཧཱུྃ་བྃ་ཧོཿ ཞེས་བརྗོད། རྗེས་དམ་ཚིག་ཁས་བླང་བ་སོགས་སྤྱི་ལྟར་བྱས་ལ་སློབ་མ་རྣམས་རང་གནས་སུ་བཏང་། སློབ་དཔོན་གྱིས་བདག་བསྐྱེད་ལ་མཆོད་བསྟོད་བཟོད་གསོལ་ཉེར་བསྡུ་བསྔོ་སྨོན་ཤིས་བརྗོད་སོགས་སྤྱི་ལྟར་བྱའོ། །ཞེས་པའང་ཡིག་རྙིང་མཛད་བྱང་མི་གསལ་བ་ཞིག་ལ་མཚམས་སྦྱོར་སོགས་ཀྱི་གསལ་…