རྡོ་རྗེ་སེམས་དཔའ་ལ་བརྟེན་པའི་བླ་མ་མཆོད་པའི་ཆོ་ག་དང་འབྲེལ་བའི་ཁྱད་པར་གྱི་ཕྲིན་ལས་བདེ་ཆེན་སྙིང་པོ་ཞེས་བྱ་བ་བཞུགས་སོ།། །།

ན་མོ་གུ་རུ་བཛྲ་སཏྭཱ་ཡ། སྟོང་ཉིད་རྡོ་རྗེར་སྲིད་ཞིའི་ཆོས། །སྡོམ་མཛད་བདེ་ཆེན་སེམས་དཔའ་ཆེ། །དཔལ་ལྡན་བླ་མ་ལ་བཏུད་ནས། །ཁྱད་པར་ཕྲིན་ལས་ཅུང་ཟད་དབྱེ། །འདི་ལ་གསུམ། སྡིག་སྒྲིབ་ཞི་བ་ཚེ་བསོད་རྒྱས་པ། མཆོག་གི་ཡེ་ཤེས་སྐྱེད་པའོ། །དང་པོ་ནི། རྫོགས་པ་ཆེན་པོ་རྡོ་རྗེ་སེམས་དཔའི་སྙིང་ཐིག་གི་རྒྱུད་ཕྱི་མ་ལས། སློབ་མའི་ལུས་ཀྱི…

མདུན་བསྐྱེད་ཀྱི་བཟླས་པ་གྲུབ་རྗེས། བུམ་པ་ཤུནྱ་ཏཱས་སྦྱང་། སྟོང་པའི་ངང་ལས་པད་ཟླའི་གདན་གྱི་སྟེང་། །ཧཱུྃ་ཡིག་ཡོངས་གྱུར་རིན་ཆེན་བུམ་པ་ནི། །མཚན་ཉིད་ཡོངས་རྫོགས་བདུད་རྩིས་གང་བའི་དབུས། །གླང་པོས་མཚན་པའི་རིན་ཆེན་པད་ཟླའི་ཁྲིར། །ཞེས་སོགས་ནས། “བཛྲ་ཏུཥྛ་ཧོ༔ཞེས་པའི་བར་བླ་མ་མཆོད་པའི་ཕྲིན་ལས་ལྟར་བྱ།། ཨོ་ཨཱཧཱུྃ། དངོས་ས…

རྗེ་ཐབས་ཀྱི་ཡེ་ཤེས་ནི། །དམིགས་མེད་ཤེས་རབ་ཡུམ་གྱི་ངང་དུ་རྟོགས། །ཐུགས་རྗེའི་བྱེ་བྲག་སྣ་ཚོགས་ཅིར་ཡང་སྟོན། །རྡོ་རྗེ་སེམས་དཔའ་ཆེ་ལ་ཕྱག་འཚལ་བསྟོད། །ཅེས་མཆོད་ཅིང་བསྟོད། རང་གི་ ཐུགས་ནས་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཡི་ཐུགས་རྒྱུད་བསྐུལ། །སྙོམས་འཇུག་བྱང་ཆུབ་སེམས་ཀྱི་བདུད་རྩིའི་རྒྱུན། །བབས་པས་བུམ་ཆུ…

གར་མིའི་ས་བོན་ནི་སྔོ་སྐྱ། ལྟེ་བར་དུད་འགྲོའི་ས་བོན་ཏྲི་ལྗང་གུ། གསང་གནས་སུ་ཡི་དྭགས་ཀྱི་ས་བོན་སྡེ་ཐལ་སྐྱ། རྐང་མཐིལ་གཉིས་སུ་དམྱལ་བའི་ས་བོན་དུ་དུད་ཀའི་རྣམ་པར་གནས་པ། སློབ་དཔོན་རྡོ་རྗེ་སེམས་དཔར་གསལ་བའི་ཕྱག་ན་བུམ་པ་བྱང་ཆུབ་སེམས་ཀྱི་བདུད་རྩིས་གང་བས་ཁྲུས་བགྱིས་པས་ཡེ་ཤེས་ཀྱི་ཆུ་རྒྱུན་སྤྱི་བོ་ནས་ཞུགས། གནས་དྲུག་…

ཤེས་རབ་རང་བཞིན་ཆུ། །ཉོན་མོངས་གཏི་མུག་སྦྱོང་བྱེད་པ། །མེ་ལོང་ལྟ་བུའི་ཡེ་ཤེས་ཀྱིས། །དཔལ་ལྡན་སྐུ་ཡི་ཁྲུས་བགྱིའོ། །སརྦ་ཏིརླ་ཀ་ག་ཏེ་པཱ་པཾ་ཀྵེ་ཤ་ཤཱནཾ་ཀུ་རུ་སྭཱ་ཧཱ། འདི་ནི་སྦྱིན་པའི་རང་བཞིན་ཆུ། །ཉོན་མོངས་སེར་སྣ་སྦྱོང་བྱེད་པ། །མཉམ་པ་ཉིད་ཀྱི་ཡེ་ཤེས་ཀྱིས། །དཔལ་ལྡན་ཡོན་ཏན་ཁྲུས་བགྱིའོ། །སརྦ་པྲ་ཏ་ཀ་ག་ཏེ་པཱ་པཾ་ཀྵེ…

མངའ། །དམ་ཆོས་བདེན་པས་དུག་སྦྱང་ངོ་། །སྔགས་བརྗོད། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །འཕགས་པའི་དགེ་འདུན་དུག་མི་མངའ། །དགེ་འདུན་བདེན་པས་དུག་སྦྱང་ངོ་། །སྔགས་བརྗོད། སྤྲོ་ན་འབྱུང་བཞི་སོ་སོས་ཀྱང་བྱབ་ཅིང་། ས་འདི་དུག་གི་ཕ་ཡིན་ཏེ། །ས་འདི་དུག་གི་མ་ཡང་ཡིན། །སངས་རྒྱས་སྤྱན་མའི་བྱིན་རླབས་…

གང་གིས་གཞོམ་པར་མི་ནུས་ཏེ། །ལས་དང་ཉོན་མོངས་བག་ཆགས་བཅས། །དེང་ནས་ཀུན་ཏུ་སྲུང་གྱུར་ཅིག །ཅེས་དང་སྔགས་ཀྱི་མཐར། ཨ་སུ་ནཾ་ཏྲི་པྲ་དུསརྦ་པཱ་པཾ་ཀྵེ་ཤ་རཀྵ་རཀྵ ཞེས་བརྗོད་ལ་རྡོ་རྗེ་གནས་དྲུག་ཏུ་རྒྱ་གྲམ་གྱི་ཚུལ་གྱིས་རེག རྒྱལ་བར་བྱ་བའི་སླད་དུ་ཤིས་པ་བརྗོད་པས་ཀྱང་མངའ་གསོལ་བའི་མོས་པ་མཛོད། ཅེས་དང་། བཀྲ་ཤིས་པའི་ཚིགས་བཅད་ཇ…

གཡས་སུ་ཚེ་རིལ། གཡོན་དུ་ཚེ་ཆང་། རང་གི་མདུན་དུ་ཚེ་འགུགས་པའི་མདའ་དར་སོགས་བཤམ། ཕྲིན་ལས་ཀྱི་གཞུང་བསྲངས་ལ་འདུན་བསྐྱེད་ཀྱི་བཟླས་པའི་མཇུག་ཏུ། ཚེའི་འབྲང་རྒྱས་ལ་དམིགས་ཏེ། ཤཱ་རྱ་ཏཱས་སྦྱང་། སྟོང་པའི་ངང་ལས་འཁོར་འདས་སྙིང་པོ་ཀུན། །དྭངས་མ་འོད་ཕུང་གཅིག་ཏུ་འཁྱིལ་པའི་ཀློང་། །གླང་པོས་མཚན་པའི་རིན་ཆེན་པད་ཟླའི་ཁྲིར། །ཞེས་…

ཨོ་། མགོན་པོ་སངས་རྒྱས་ཀུན་གྱི་བདག །རྡོ་རྗེ་སེམས་དཔའ་ཚེ་དཔག་མེད། །བདེ་ཆེན་སྙེམས་མར་མཉམ་སྦྱོར་བ། །སྒྱུ་འཕྲུལ་དྲྭ་བའི་དཀྱིལ་འཁོར་གཙོ། །ཐུགས་དམ་བསྐུལ་ལོ་ཐུགས་རྗེ་ སྐྱེད། །ཡེ་ཤེས་ཆེན་པོའི་རོལ་པ་ལས། །ལྷ་མོ་མགྱོགས་མའི་ཕོ་ཉ་སྤྲོས། །བླ་ཚེ་ཆད་ཉམས་ཡར་བ་ཁུག །འབྱུང་བཞིའི་བཅུད་ཀྱི་དྭང་མ་སྡུས། །ཁམས་གསུམ་སྐྱེ་འགྲོའ…

སརྦ་ཏ་ཐཱ་ག་ཏ་བཛྲ་ཨ་དྷི་ཏིཥྛ་བཛྲ་ཡ་སྭཱ་ཧཱ། ཞེས་བརྟན་པར་བྱ། ཕྱག་འཚལ་ཚོགས་བསག་གི་རིམ་པ་ནས་བཟུང་དཀྱུས་ལྟར་བྱའོ། །སྒྲུབ་པ་སོགས་ཀྱི་སྐབས་ཚེའི་དངོས་གྲུབ་བླང་བ་དང་རྗེས་སུ་འབྲེལ་བར་དབང་ལེན་པར་སྤྲོ་ན། ཚོགས་ཀྱི་མཆོད་པའི་རྗེས། ཁྲུས་བྱ། མཎྜལ་ཕུལ། རྡོ་རྗེ་སེམས་དཔའ་བདེ་བ་ཆེ། །སྒྱུ་འཕྲུལ་གཙོ་བོ་དགོངས་སུ་གསོལ། །རྡོ་…

ཡེ་ཤེས་དབབ་ཅིང་བསྟིམ། ཚེ་འགུགས་བསྐུལ། ཚེ་འབྲང་དང་དབང་སོགས་གོང་ལྟར་བསྐུར་རོ། །དེས་ནི་རྡོ་རྗེ་སེམས་དཔའི་ཚེ་དང་ལང་ཚོ་ལ་མངའ་བརྙེས་ཤིང་། མཐར་ཐུག་འཆི་མེད་གྲུབ་པའི་ཡེ་ཤེས་མངོན་དུ་བྱེད་པར་འགྱུར་རོ།། །།གསུམ་པ་ནི། རྒྱུད་ཀླུ| ལས། བདུད་རྩི་མཆོག་ནི་མཉམ་པའི་དབྱིངས། །བདུད་རྩིའི་དོན་ནི་སྐྱེ་ཤི་མེད། །བདུད་རྩིའི་གནས་…

དང་། །བི་མུ་མ་ར་ཤུ་ལས་བདུད་རྩི་ལྔ། །ཧཱུྃ་ཨོཾ་སྭཱ་མཾ་ཨོཾ་དང་ཧཱ་ཡིག་དང་། །ཨཾ་ལཾ་ཏཱཾ་པཱ་ཏྭཾ་གྱིས་མཚན་པ་ལས། །འོད་འཕྲོས་རླུང་གཡོས་མེ་སྦར་རྫས་རྣམས་ཞུ། །བྱང་ཆུབ་སེམས་ཀྱི་བདུད་རྩིར་འཁྱིལ་བའི་དབུས། །གླང་པོས་མཚན་པའི་རིན་ཆེན་པད་ཟླའི་ཁྲིར། །བརྟན་གཡོའི་དྭང་མ་མི་ཤིགས་ཐིག་ལེའི་གཟུགས། །རིགས་ཀུན་ཁྱབ་བདག་དཔལ་ལྡན་བླ་མ…

ཀུན་སྤྱོད་ན། །དེ་དག་གྲོལ་བར་ངས་བཤད་དོ། །ཞེས་བརྗོད་པས་རྟོག་པ་དག་ནས་དངོས་གྲུབ་སྩོལ་བ་ལ་དགྱེས་པར་བསམ། གཟུངས་ཐག་ནས་བཟུང་ལ། བདག་གི་ཐུགས་ནས་རྡོ་རྗེའི་སྔགས་ཀྱི་འོད། །གཟུངས་ཐག་ལ་ འཁྲིལ་མདུན་བསྐྱེད་ཐུགས་རྒྱུད་བསྐུལ། །འོད་འཕྲོས་སྲིད་ཞིའི་དྭངས་བཅུད་ཞལ་དུ་བཀུག །སྦྱོར་མཚམས་ནས་བབས་དམ་ཚིག་རྫས་ལ་ཐིམ། །ཞེས་བརྗོད་ཅིང…

ཧཱུྃ་གིས་བྱིན་བསྡུས་པས། ནམ་མཁའ་གང་བའི་ལྷ་ཚོགས་ཐམས་ཅད་སྒྲུབ་པའི་རྫས་ལ་ཐིམ་པས་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོས་བྱིན་གྱིས་བརླབས་པར་གྱུར་པར་བསམ། རྗེས་ཆོག་གཞུང་ལྟར་ལ། ཉེར་བསྡུའི་མལ་དུ་བརྟན་བཞུགས་བྱ། དེ་ལྟར་ཐུན་བཞིའམ་དྲུག་ཏུ་ཞག་གྲངས་ཅི་རིགས་སུ་བསྒྲུབས་པའི་མཐར། ཐུན་ཐ་མ་ལ་རྗེས་ཆོག་གི་བཤགས་པའི་རྗེས། མ…

མེ་སྦར་ཐོད་པའི་རྫས་རྣམས་ཞུ། །ཟེར་རླངས་རྡོར་སེམས་ཞི་ཁྲོའི་ལྷ་ཚོགས་ལ། །ཕོག་པས་སྙོམས་འཇུག་བདེ་བའི་འོད་དང་སྒྲས། །འཁོར་འདས་དྭངས་བཅུད་ཀུན་བསྡུས་ཞལ་དུ་ཞུགས། །སྐུ་ཡི་དབྱིབས་བརྒྱུད་བདེ་སྟོང་སྦྱོར་མཚམས་ནས། །ཡེ་ཤེས་བདུད་རྩི་མུ་ཏིག་དཀར་པོའི་མདོག །ཆར་ལྟར་བབས་ནས་སྒྲུབ་པའི་རྫས་ལ་ཐིམ། །མི་འགྱུར་འཆི་མེད་རྟག་པའི་རྡོར…

ཙམ་གྱིས་ཆོག་པར་རྒྱུད་དང་མན་ངག་གི་གཞུང་ལས་གསལ་བས། ཇི་སྐད་བཤད་པ་བཞིན་ཐུན་བཞིའམ་དྲུག་ཏུ་འབད་པས་འོད་དང་། སྒྲ་དང་། དྲི་སོགས་དངོས་གྲུབ་ཀྱི་མཚན་རྟགས་མཐོང་བའམ། བདུན་ཕྲག་སོགས་དུས་ཀྱི་ངེས་པ་རྫོགས་ནས་ནངས་པར་སྔ་བར་དངོས་གྲུབ་ལེན་པའི་ཚུལ་ནི། གོང་ལྟར་ཕྲིན་ལས་ཀྱི་གཞུང་བསྲང་། རྗེས་ཆོག་གི་མཆོད་བསྟོད་ནོངས་བཤགས་ཀྱི་རྗེ…

མཐར་ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཨོཾ་ཨཱ༔ ཞེས་བརྗོད་ཅིང་གནས་གསུམ་རེག །ཨ་ཧོ་མ་ཧཱ་སུ་ཁ་ཧོཞེས་རྟོགས་པ་བརྗོད་ལ། བཛྲ་པྲ་བེ་ཤ་ཡ་ཕཊ་ཅེས་རྒྱ་དཀྲོལ། སརྦ་པཉྩ་ཨ་མྲྀ་ཏ་ཨ་བེ་ཤ་ཡ་ཨཱ༔ ཞེས་བརྗོད་པས་བདུད་རྩིའི་དྭངས་མ་དཀར་དམར་མཐིང་བའི་འོད་ཀྱི་རྣམ་པས་རང་ལ་ཐིམ་པར་བསམ། ནང་མཆོད་དང་སྦྱར་ལ་གཞུང་ལྟར་སྨན་མཆོད་ཀྱི་རྗེས། བདུད་རྩི་ས…

རྒྱུད་དང་གྲུབ་པའི་མན་ངག་དོན། །བྱིན་རླབས་སྣང་བས་ཕྱེས་པའི་དགོས། །འགྲོ་ཀུན་མི་མཐུན་ཀུན་ཞི་ཞིང་། །ཚེ་དང་ཡེ་ཤེས་རྒྱས་པར་ཤོག །ཅེས་པའང་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་ལྷས་སོ།། །།སརྦ་མངྒ་ལཾ་བྷ་བ་ཏུ། །