ཐམས་ཅད་དང་། སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས། དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། སྒྲོལ་དཀར་ཡིད་བཞིན་འཁོར་ལོ་ཡི་དམ་གྱི་ལྷར་བཟུང་ཞིང་། བཟླས་བརྗོད་ལ་བརྩོན་པར་དམ་འཆའ་ལགས་སོ། །ལན་གསུམ། བྱིན་གྱིས་བརླབ་པའི་སླད་དུ། སློབ་དཔོན་ལ་མེ་ཏོག་འཐོར་བཞིན་དུ་འདིའི་རྗེས་…

ཐུགས་ཀའི་འོད་ཀྱིས་མདུན་བསྐྱེད་ཀྱི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་ངོ་བོ་ཕྱག་མཚན་ཨུཏྤ་ལའི་རྣམ་པར་སྤྱན་དྲངས། མདུན་བསྐྱེད་ཀྱི་ཐུགས་ཀར་ཐིམ། དེའི་ཐུགས་ཀ་ནས་ཡེ་ཤེས་ཀྱི་སྐུ་གཉིས་པ་བྱུང་། ཁྱེད་རང་རྣམས་ཀྱི་སྤྱི་བོ་ནས་ཞུགས། སྙིང་ག…

སྐྱེས་བུ་རྣམས་ཞབས་པད་བརྟན་ཅིང་། སེམས་ཅན་ཐམས་ཅད་ཚེ་མཐར་ཕྱིན་པའི་རྒྱུར་གྱུར་ཅིག །འདིའི་བརྒྱུད་པ་ནི། ཀུན་མཁྱེན་རིན་པོ་ཆེ་ནས། རྗེ་བཙུན་ཡེ་ཤེས་ཆོས་སྒྲོན། ངག་དབང་བསྟན་འཛིན་རྡོ་རྗེ། དགེ་སློང་བློ་བཟང་བསྟན་འཕེལ། བསྟན་འཛིན་རིན་པོ་ཆེ་མཁྱེན་རབ་མཐུ་སྟོབས། དེས་བདག་ལའོ། ༈ །ཚེ་དབང་གྲངས་གསོག་ན། རྒྱས་པ་ཚར་གཅིག་བཀྲ་ཤི…

༈ སྒྲོལ་མ་དཀར་མོ་ལ་བསྟེན་པའི་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། རྗེ་བཙུན་སྒྲོལ་མ་དཀར་མོ་ཡིད་བཞིན་འཁོར་ལོ་ལ་བརྟེན་ནས་མཎྜལ་བཞི་པའི་ཆོ་ག་བྱ་བར་འདོད་ན། གནས་དབེན་པར་དཀོན་མཆོག་གི་རྟེན་སྤྱི་དང་སྟེགས་བུའི་དབུས་སུ་རྗེ་བཙུན་མའི་སྣང་བརྙན་བྲིས་འབུར་སྐུ་མེད་ན་མེ་ཏོག་གི་ཚོམ་བུ་དགོད་ཅིང་། རྗེས་…

གདན་འབུལ། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བར་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་བྲེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། །རོལ་མོ་བཅས་པ་དུ་མས་སྐུ་ཁྲུས་གསོལ། །ཨོཾ་སརྦ་ཏ་ཐཱ…

ནས། ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །ཅེས་པའི་བར་གྱིས་འདོད་པའི་དོན་ལ་གསོལ་བ་གདབ་བོ། །གཉིས་པ་ནི། མདུན་རྟེན་བསང་སྦྱང་། ཨཱཿ ཆོས་རྣམས་ཐམས་ཅད་སྟོང་ཞིང་བདག་མེད་ཀྱང་། །ཞེས་སོགས་ནས། ཞི་ཚུལ་དགུ་དང་རྒྱན་ཆ་བཅུ་གསུམ་མཛེས། །ཞེས་པའི་བར་གཞུང་ལྟར་ལ། དེ་མཐར་པད་འདབ་ཉེར་གཅིག་རྒྱས་པའི་དབུས། །དྲན་པས་སྲིད་ཞིའི་འཇིགས…

པའི་སྒོ་ནས་ཕྱག་དང་བཅས་པས། ཨོ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ཀྱང་ཕྱག་འཚལ་ཉེར་གཅིག་ཚར་གཉིས་དང་། ལྷ་མོ་ལ་གུས་སོགས་ཕན་ཡོན་དྲན་པ་ཚར་གཅིག་བརྗོད། མདུན་བསྐྱེད་ཀྱི་ཐུགས་ཀར་པདྨ་དང་ཟླ་བའི་གདན་ལ་ཏཱཾ་ཡིག་དཀར་པོའི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། འཕགས་པ…

སྤར་བ་ཁྱད་པར་རོ། །རྗེས་ནི། གཏོར་མ་འབུལ་བར་སྤྲོ་ན་འདས་གཏོར་གཞུང་ལྟར་དང་། འཇིག་རྟེན་པ་རྣམས་ལ་གཏོར་མ་ཟུར་དུ་བཤམ་པའམ། འདས་གཏོར་གྱི་ལྷག་མ་ཨོཾ་ཨཱཿཧཱུྃ་གིས་སླར་ཡང་བརླབ། ཨ་ཀཱ་རོས་བསྔོ། འཇིག་རྟེན་པ་ཡི་འབྱུང་པོ་རྣམས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་བཅོལ། མ་འབྱོར་པ་དང་སོགས་ཀྱི་མཐར་ཡི་གེ་བརྒྱ་…

༈ སྒྲོལ་དཀར་ཡིད་བཞིན་འཁོར་ལོའི་ལས་ཚོགས་ཉེར་མཁོ་བཞུགས་སོ། །ཨོཾ་སྭ་སྟི། འདིར་རྗེ་བཙུན་སྒྲོལ་མ་དཀར་མོའི་རྣལ་འབྱོར་ལ་བརྩོན་པས་རང་གཞན་ལ་ཕན་གདགས་པའི་སླད་ལས་ཚོགས་ཉེར་མཁོ་བྱ་ཚུལ་ལ་གསུམ། བཅུད་ལེན་གྱི་ཚེ་རྫས། རིག་པའི་འཁོར་ལོ། ཁྲུས་ཀྱི་ཆོ་གའོ། །དང་པོ་ལ་གཉིས། སྦྱར་ཞིང་བསྒྲུབ་པ་དང་། ཇི་ལྟར་བསྟེན་ཚུལ་ལོ། །དང་པོ་ན…

མཛད་པའི་འཆི་བདག་བསླུ་བའི་རྟོགས་པ་ལས་བཅུད་ལེན་གྱི་རྣམ་གྲངས་མང་དུ་གསུང་པའི་ནང་ནས་སྦྱར་སླ་བ་ལ། འབྲས་བུ་གསུམ་ནི་སྤྱིར་བསྡུས་པའམ། སོ་སོར་བྷིངྒ་རཱ་ཛར་བཅས། །རྣལ་འབྱོར་པ་ཡི་རྟག་སྤྱད་ན། །ཕན་ཞིང་བདུད་རྩིར་འགྱུར་བ་སྟེ། །གཉེར་མ་སྐྲ་དཀར་རྣམས་དང་བྲལ། །རྡོ་རྗེའི་ལུས་ནི་གཟུངས་བཟང་ལྡན། །བསྐལ་པ་ཡི་ནི་གྲངས་སྙེད་དུ། །འ…

ཙམ་སྟེ། དེ་ལྟ་བུའི་སྨན་རྣམས་ཞིབ་བཏགས་དར་ཚག་ལ་དྲངས་བ། བར་སྦྲང་ཀ་རས་མགོ་བསྡུས་ཏེ་རིལ་བུ་སྲན་འཕོས་ཙམ་དྲིལ་བ་རིལ་ཆགས་འཐེམ་པར་བྱ། སྐམ་པ་དང་དཀར་དང་ཀ་ར་འམ་ཟར་མའི་ཁུ་བ་སྦྱར་བ་རྩི་དཀར་པོ་གསོལ། དེ་ནི་བཅུད་ལེན་གཙོ་བོར་བྱས་ཏེ་སྦྱར་བའི་ཚུལ་ཡིན་ལ། ཚེ་རྫས་དཀྱུས་མ་ལ་གོང་གི་སྨན་སྣ་རྣམས་ཇི་ཙམ་འབྱོར་པ་ལ། འབྲས་སམ་ནས་དཀ…

བསམ་ལ་སྔགས་བཟླ། ཐུན་བསྡུ་བ་ན་དབྱངས་གསལ་རྟེན་སྙིང་དང་། མཆོད་བསྟོད་བྱ། བཅོམ་ལྡན་འདས་མ་ཡིད་བཞིན་འཁོར་ལོ་ཡིས། །བདག་དང་མཐའ་ཡས་སེམས་ཅན་ཐམས་ཅད་ཀྱི། །དུས་མིན་འཆི་བའི་འཇིགས་པ་ཞི་བ་དང་། །ཚེ་དང་ཡེ་ཤེས་དངོས་གྲུབ་སྩལ་དུ་གསོལ། །ཞེས་འདོད་པའི་དོན་ལ་གསོལ་བ་གདབ། ནོངས་པ་བཤགས། བདག་བསྐྱེད་ཀྱི་མཇུག་གི་བྱ་བ་རྣམས་དཀྱུས་ལྟར…

བསྡུ་བ་ན། སྔགས་ཕྲེང་གདན་དང་བཅས་པ་རིལ་བུ་ལ་ཐིམ་པས་སོགས་གོང་ལྟར་མཐར་ཡེ་དྷརྨའི་སྔགས་ཀྱིས་བརྟན་པར་བྱ་ཞིང་། སྨོན་ལམ་དང་བཀྲ་ཤིས་བརྗོད་པས་ཀྱང་རུང་སྟེ། རྒྱ་གཞུང་ཁུངས་མ་ལུས་གྲུབ་པའི་རྫས་བྱིན་གྱིས་བརླབས་ཚུལ་འདི་ལྟར་མང་དུ་འབྱུང་བ་ལས། །གཉིས་པ་བསྟེན་ཚུལ་ནི། དེ་ལྟར་ལེགས་པར་བསྒྲུབས་པའི་རིལ་བུ་རླུང་མི་འཆོར་བའི་སྣོད…

སུ་ཕྱོགས་པ་བྲི། ཚེ་རྫས་དང་དྲི་བཟང་གིས་བྱུག །མདུན་དུ་སྟེགས་བུའི་ཁར་བཞག །གཏོར་མ་དང་མཆོད་པ་བཤམ། བདག་བསྐྱེད་སྔོན་དུ་འགྲོ་བས། འཁོར་ལོ་མདུན་བསྐྱེད་ལྟར་གསལ་གདབ། དེའང་མུ་ཁྱུད་རྣམས་ཡོངས་སུ་གྱུར་པ་ལས་ནོར་བུ་ཆུ་ཤེལ་གྱི་གཞལ་མེད་ཁང་དང་། སྔགས་ཀྱི་ཡིག་འབྲུ་རྣམས་ཡོངས་སུ་གྱུར་པ་ལས་སྒྲོལ་མ་དཀར་མོ་བསྐྱེད་པའི་མདུན་དུ། …

མཐའ་དག་རྒྱས་པར་བྱ་བའི་སླད་དུ་རྗེ་བཙུན་སྒྲོལ་མ་དཀར་མོ་ཡིད་བཞིན་འཁོར་ལོའི་ཁྲུས་ཀྱི་ཆོ་གས་རྗེས་སུ་འཛིན་པ་ལའང་བགེགས་ཞི་བའི་ཕྱིར་སྦྱོང་བ་བྱ་བ་དང་། བཀྲུ་བྱབས་སྲུང་གསུམ་བྱ་བ་དང་། བདེན་པའི་སྟོབས་བརྗོད་པ་དང་། ཤིས་པར་བྱ་བ་རྣམས་སུ་ཡོད་པ་ལས་ཐོག་མར་གདོན་བགེགས་ལ་གཏོར་མ་བྱིན་ནས་སྦྱོང་བ་བྱས་པའི་མོས་པ་མཛོད། གཏོར་མ་ག…

འགས་པར་འགྱུར་རོ། །ཞེས་བརྗོད་ཅིང་གཏོར་མ་ཕྱིར་དོར། སུམྦྷ་བརྗོད་ཅིང་གུ་གུལ་བདུག །ཡུངས་ཀྱིས་བྲབ་པ་ནི་དྲག་པོའི་སྦྱོང་བའོ། །གཉིས་པ་བཀྲུ་བྱབས་སྲུང་གསུམ་ལ། ཐོག་མར་བཀྲུ་བའི་སླད་དུ་སློབ་དཔོན་སྒྲོལ་མ་དཀར་མོར་གསལ་བའི་ཕྱག་ན་བུམ་པ་ཡེ་ཤེས་བདུད་རྩིས་གང་བ་ཐོགས་ཏེ་ཁྱེད་རང་རྣམས་ལ་ཁྲུས་བགྱིས་པ་ལ་བརྟེན་ནས་ཚེ་འཁོར་བ་ཐོག་…

དོར་བའི་མོས་པ་མཛོད། ཅེས་དང་། སྔགས་གོང་བཞིན་ལ་ཤཱནྟཾ་ཀུ་རུ་ཞེས་པའི་མལ་དུ། ཨ་པ་ན་ཡ་ཞེས་བཏགས་པས་བྱབས། བསྲུང་བར་བྱ་བའི་སླད་དུ། སློབ་དཔོན་གྱིས་ཕྱག་གི་རྡོ་རྗེ་སྤྱི་བོ་ལ་སོགས་པའི་གནས་རྣམས་སུ་རྒྱ་གྲམ་དུ་རེག་པ་ལ་བརྟེན་ནས་དེ་ལས་དེ་འདྲ་བའི་རྡོ་རྗེའི་རིགས་ཅན་བསམ་གྱིས་མི་ཁྱབ་པ་བྱུང་སྟེ་ལུས་ལ་རྡོ་རྗེའི་གོ་ཁྲབ་བཞུ་…

པས་ཀྱང་མངའ་གསོལ་བའི་མོས་པ་མཛོད། ཕུན་སུམ་ཚོགས་པ་མངའ་བའམ༴ ཆེ་བའི་ཆེ་མཆོག་ལྟ་བུ་མདོ་རྒྱུད་ལས་བཀྲ་ཤིས་ཀྱི་ཚིགས་སུ་བཅད་པ་ཅི་ཤེས་བརྗོད་ཅིང་མེ་ཏོག་འཐོར་བས་བདེ་ལེགས་སུ་བྱའོ། །རྗེས་གནང་དང་ཁྲུས་ཆོག་སྦྲེལ་ན། དེས་རྗེས་གནང་གི་དངོས་གཞི་གྲུབ་ནས། མཐའ་རྟེན་དུ་ཁྱེད་རང་རྣམས་ཀྱི་ཞེས་སོགས་གོང་ལྟར་སྦྱོང་བ་ནས་བཀྲ་ཤིས་ཀྱི་…

བདུད་རྩི་སྨན་གྱི་སྒྲུབ་པ་མདོར་བསྡུས་བྱ་ཚུལ་འཆི་མེད་རྟག་པའི་བཅུད་ལེན་ཞེས་བྱ་བ་བཞུགས་སོ།། །།

དོན་དམ་སྣང་སྲིད་ཐམས་ཅད་ཀུན། །བདུད་རྩིའི་ངོ་བོར་རབ་བཏུད་ནས། །ཀུན་རྫོབ་འགྲོ་བ་དྲང་བའི་སླད། །འཆི་མེད་རྟག་པའི་བཅུད་ལེན་སྤེལ། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལའང་གནས་གང་དུ་བྱ་བ། དུས་ནམ་གྱི་ཚེ་བྱ་བ། སྨན་བསག་ཅིང་སྦྱར་བ། ཡོ་བྱད་ཀྱི་བཤོམ་ཇི་ལྟར་འགོད་པའི་ཚུལ་ཏེ་བཞི་ལས། །དང་པོ་གསུམ་ནི་མན་ངག་གི་…