བོ་གངྒཱ་ཚུན་ཆོད་དུ་རྟོགས་པ་མཐོ་བར་ལུང་བསྟན། འདི་གཅིག་ཅར་བའི་སྐྱེས་ཚུལ་ལོ། །རྒྱ་རས་པས་གླིང་གི་དྲུང་དུ་ཉམས་དང་རྫུ་འཕྲུལ་བསམ་གྱིས་མི་ཁྱབ་པ་བྱུང་བས་རྟོགས་པར་རློམས་ཏེ་ཞུས་ པས། རྟོགས་པ་གཤའ་མ་ད་སྟེ་ལོ་ལྔ་ན་འཆར་བར་གསུངས་པ་བཞིན། མཁར་ཆུར་རྐྱེན་ངན་ལམ་དུ་ལོངས་ཤིང་། བླ་མའི་མོས་གུས་ཚད་མེད་པས་རྐྱེན་བྱས་ཏེ་ཤར། ཚལ་པ…

བརྒྱད་ནི། སྒྲ་དང་། སྐད་དང་། མིང་དང་། མཚན་མ་དང་། བརྡ་དང་། ཐ་སྙད་དང་། ཚིག་དང་། དོན་རྣམས་སོ། །དེ་ལ་དང་པོ་ནི། ཟིན་པའི་སྒྲ་སེམས་ཅན་དུ་སྟོན་པའོ། །གཉིས་པ་ནི། ལེགས་སྦྱར། རང་བཞིན། ཟུར་ཆག །ཤ་ཟའི་སྐད་དང་བཞིའོ། །གསུམ་པ་ནི། ཆོས་མངོན་པའི་ལུགས་ཀྱིས་ཡི་གེ་འདུས་པ་སའི་བདག་ཉིད་ཅན་ལ་བཞག་སྟེ། བརྡ་སྤྲོད་པས་བྱིངས་ལ་རྐྱེན་…

མཚོ་སྐྱེས། ནག་པོ་དམ་ཚིག་རྡོ་རྗེ། ནཱ་རོ་པ། བིརཱུ་པ། མེ་ཏྲི་པ། ཤནྟི་པ། ཁ་ཆེ་སྙན་གྲགས་བཟང་པོ་སྟེ་བདུན། དེ་ལས་བོད་དུ་ག་ཡ་དྷ་ར་ལ། འབྲོག་མི་ཤཱཀྱ་ཡེ་ཤེས་དང་། །འགོས་ལོ་ཙཱ་བ་བསོད་ནམས་རྩེ་མོ་དང་། གྱི་གྱོ་ལོ་ཙཱ་བ་ཟླ་བའི་འོད་ཟེར་གྱིས་ཞུས། མར་པས་ནཱ་རོ་དང་། དཔྱལ་ལོ་ཀུན་དགའ་རྡོ་རྗེས་པཎྜི་ཏ་འཇིགས་མེད་གྲགས་པ་རྣམས་ལ་…

ལེན་པ་ཙམ་གྱི་དགོས་པ་ཅི་ཞིག་སྙམ་ན། ལས་དང་པོ་པ་དྲང་པའི་ཕྱིར་མིང་ཙམ་ཞིག་ཁས་བླངས་ཏེ། ཕྱིས་ཞིབ་ཏུ་འཆད་པ་ན། གང་ལ་སྟོང་པ་ཉིད་རུང་བ། །སོགས་ཀྱི་རིག་པས་བདེན་གྲུབ་འགོག་པར་བྱེད་དོ། །ཞེས་བཞེད། ༈ །ཀུན་གཞིའི་ངོ་བོ་རྣམ་པར་ཤེས་པ་གསལ་ཙམ་རང་བཞིན་གྱིས་སྟོང་པ་འཁོར་འདས་ཐམས་ཅད་ལ་རྒྱུན་ཆགས་པ་སྟེ། དེ་ལ་འཁོར་འདས་ཀྱི་བྱ་བྱེད་…

དགོངས་པ་མཐུན་ནོ། ༈ །སྲོང་བཙན་གྱིས་བྲམ་ཟེ་ཀུ་སཱ་དང་། ཤང་ཀུ་སོགས་སྤྱན་དྲངས། ཁྲི་སྲོང་གིས་ཞི་འཚོ་པད་འབྱུང་པདྨའི་ངང་ཚུལ་སོགས། མངའ་བདག་ཁྲི་སྡེ་གཙུག་བསྟན་གྱིས་དྭ་ན་ཤཱི་ལ་དང་། ཤཱི་ལེནྡྲ་བོ་དྷི་སོགས་སྤྱན་དྲངས། ལྷ་བཙུན་བྱང་ཆུབ་འོད་ཁུ་དབོན་མཆེད་ཀྱིས་ཇོ་བོ་སྤྱན་དྲངས། ཡེ་ཤེས་འོད་ཀྱི་ལོ་ཆེན་བརྒྱུད་ནས་ཤཱནྟུ་སོགས་…

བའི་རྣམ་པ་དྲུག་ཅུ་རྩ་གཉིས་ནི། གཟུགས་བདག །གཟུགས་བདག་དང་ལྡན་པ། བདག་གཟུགས། བདག་གཟུགས་དང་ལྡན་པ་ཡིན་པ་གང་ཞིག་ཕུང་པོ་ལྷག་མ་བཞི་ལ་སྦྱར་བས་ཉི་ཤུར་འགྱུར་ལ། དེ་ཉིད་དུས་གསུམ་ལ་སྦྱར་བའི་སྟེང་ལོག་ལྟ་དང་། མཐར་འཛིན་གཉིས་བསྣན་པས་ཏེ་དེ་གཉིས་ནི་ཚེ་སྔ་ཕྱི་དང་། ལས་དགེ་སྡིག་གི་འབྲས་བུ་བདེ་སྡུག་ཡོད་པར་མི་ལྟ་བ་སྟེ། དེས་ན་…

བོན་ཡིན་ནོ། །དེས་ན་སྐུ་དང་གསུང་དང་ཐུགས་ཀྱི་ས་བོན་ཡིན་ནོ། །བི་ཀྲྀ་ཏཱ་ན་ན་ནི་གྲགས་པའི་གདོང་ཅན་ནོ། །ཞེས་གསུངས། མདོ་སྡེ་མིག་བཅུ་གཉིས་པར་རྒྱ་མཚོའི་ཉ་མོ་ཆེ་གཡོ་བས་ས་གཡོ་བར་བཤད། ༈ །ཕྱག་རྡོར་གོས་སྔོན་ཅན་གྱི་སྒྲུབ་ཐབས་སློབ་དཔོན་བཛྲ་པཱ་ཎིས་མཛད་པར། དེ་ནས་ཙནྡྲ་པའི་ཨུ་ཎཱ་དི་སོགས་ཡོད། དེའི་ཏིང་མཐར། ཇི་ལྟར་སྦས་པ་ན…

གསེར་མདོག་གི་རྟོགས་པ་བརྗོད་པ། གཞི་བརྟག་པ། གོས་བརྟག་པ། རིན་པོ་ཆེ་བརྟག་པ། ཤིང་བརྟག་པ། གླང་པོ་བརྟག་པ། རྟ་བརྟག་པ། གཞོན་ནུ་བརྟག་པ། གཞོན་ནུ་མ་བརྟག་པ་བརྒྱད་གསུངས་སོ། །འདུལ་བ་གཞིར། བསགས་པ་ཀུན་གྱི་མཐའ་འཛད་ཅིང་། །མཐོན་པོ་རྣམས་ཀྱི་མཐའ་རུ་ལྷུང་། །འཕྲད་པའི་མཐའ་ནི་བྲལ་བ་སྟེ། །གསོན་པའི་མཐའ་ནི་འཆི་བ་ཡིན། ཞེས་དང་། བ…

ཕུག་པ་དང་། གི་ཝཾ་དང་གུར་གུམ་གྱིས་བྲིས་པའི་རྟེན་འབྲེལ་སྙིང་པོ་དང་། རྨ་བྱའི་སྒྲོ་ལ་རྨ་བྱ་ཆེན་མོའི་ཡང་སྙིང་བཟླས་པ། ཡུངས་ཀར་དང་ཡི་གེ་བཏགས་པ་ལུས་ལ་གདགས་པ་དང་། གླ་རྩི་ལ་ གོས་སྔོན་ཅན་གྱི་སྙིང་པོ་བཟླས་པའི་ཆུས་ལུས་ལ་བྱུགས་པ་དང་། བྱ་ཁྱུང་གི་སྔགས་ཡི་གེ་ཀླུ་འབྲུ་གཅིག་པ་གསེར་གྱིས་བྲིས་པ་སྤྱི་བོར་གདགས་པ་དང་། ཡང་ན…

ནོ། །དེ་སྐད་དུ་སོ་ཊིར། དགོད་དང་བལྟ་དང་། སོགས་སོ། ༈ །རབ་དབྱེའི་འགྲེལ་བ་སྤོས་ཁང་བ་རིན་ཆེན་རྒྱལ་མཚན། དགའ་གདོང་པ་ཆོས་རྒྱལ་དཔལ་བཟང་། བསམ་ཡས་པ་ལྷ་བཙུན་བསོད་ནམས་ཊྛ དཔལ་ལྡན། ལས་ཆེན་གཞོན་ནུ་སེང་གེས་མཛད་པ་རྣམས་ལ་ཚད་ཐུབ་ཀྱི་འགྲེལ་ཆེན་བཞི་ཟེར། ༈ །སྦྱོང་རྒྱུད་ཊཱི་ཀར་སྡིག་སྦྱོང་སྒོ་དགུ་ནི། བསྙེན་པ་སྔོན་དུ་སོང་ནས་…

ཀྱིས་བྲིས་པ་འབི་འབིའི་ནང་དུ་བཅུག་པའི་སཱཙྪ་འབུམ་ཕྲག་ཚང་བར་བྱེད་པ་མཆོད་རྟེན་བྱས་ཏེ་སྡིག་པ་སྦྱོང་བ། ཚེ་འདས་ཀྱི་མིང་སྤེལ་བའི་རྩ་རིག་འབུམ་ཕྲག་སོགས་བྱེད་པ་བཟླས་པ་བྱས་ཏེ་སྡིག་པ་སྦྱོང་བ། སྦྱིན་སྲེག་བྱས་ཏེ་སྡིག་པ་སྦྱོང་བ༦། རོ་བསྲེགས་ཏེ་སྡིག་པ་སྦྱོང་བ་ནི་ཡིག་ཆར་གསལ་ལ། གནས་ཡིག་གི་གོ་དོན་སྔགས་རྣམས་གོང་དུ་བསླན་པ…

རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་བཅའ་སྟེ། བདག་གི་ཁར་ལྕགས་ཀྱི་ཐོ་ལུམ་མེད་ཀྱང་བླའི། ཚུལ་ཁྲིམས་ཉམས་པའི་ལུས་ཀྱིས་ནམ་དུའང་སྦྱིན་བདག་གིས་དད་པས་སྦྱིན་པའི་ཟས་མི་བཟའོ། །ཞེས་དང་། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་བཅའ་སྟེ། ལྕགས་ཀྱི་ཐུར་མ་…

ལུས་དུམ་བུ་དུམ་བུར་བཏུབ་ཀྱང་བླའི། འདོད་ཆགས་ཀྱི་སེམས་ཀྱིས་རེག་བྱ་མང་པོ་ལ་མི་ཆགས་སོ། །དེ་ཅིའི་ཕྱིར་ཞེ་ན། དེའི་རྒྱུ་དེའི་རྐྱེན་ཀྱིས་རྣལ་འབྱོར་ཅན་དག་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེ་བར་འགྱུར་རོ། །ཞེས་སོ། ༈ །སྟག་ཚང་ལོ་ཙཱ་བའི་རྟེན་གསུམ་བཞེངས་ཐབས་དཔའ་འབྱོར་རྒྱ་མཚོ།…

ཅེས་པའི་ཉེས་པ་བཟློག་པར་མི་ནུས། དེས་ན་རང་ལུགས་མ་ཤི་གོང་དུ་འཕོས་ན་གང་བྱས་ཀྱང་དུས་མིན་ལྷ་བསད་པའི་སྐྱོན་འོང་བས། རྣམ་ཤེས་འོད་གསལ་ལ་ཐིམ་པའི་ཚེ་སྦྱངས་སྟོབས་འཕོ་དགོས། ཞེས་ པྲ་མཱི་མུཀྟ་གྲས་གསུངས། ཤུ་བྷཾ།། ༈ །།འཇམ་དཔལ་དབྱངས་དངོས་ཁྲི་སྲོང་ལྡེའུ་བཙན་གྱིས་མཛད་པའི་བཀའ་ཡང་དག་པའི་ཚད་མ་ཞེས་ལེའུ་བཅོ་ལྔ་པ་ལས། ཆོས་སོ་ཅ…

པར་བསྟན་པའོ། །བྱ་བ་བྱེད་པའི་རིག་པ་ཞེས་བྱ་བ་ནི་ལས་དང་རྒྱུའི་སྒོ་ནས་བརྗོད་པ་ཡིན་ཏེ། གང་དང་གང་གི་བྱ་བ་དེ་དང་དེ་ལ་བྱེད་པ་གང་གི་རྒྱུ་དང་རྐྱེན་དུ་ངེས་པ་ནི་དེ་དང་དེའི་འབྲས་བུའི་བྱ་བ་བྱེད་པར་བསྟན་པའོ། །གཏན་ཚིགས་སྒྲུབ་པའི་རིག་པ་ཞེས་བྱ་བ་ནི་ཀུན་ཏུ་འགྲོ་བ་ཡིན་ཏེ། གང་དང་གང་བསྒྲུབ་པའི་ཚད་མའི་མཚན་ཉིད་བསྟན་པའོ། །ཆ…

དག་ཚད་མ་མ་ཡིན་པར་ཚད་མར་སྟོན་ཅིང་ཚད་མར་མི་རུང་བ་ལ་ཚད་མར་འཛིན་པར་བྱུང་བ་དང་། འབྱུང་བ་དང་། འབྱུང་བར་འགྱུར་བ་མཁྱེན་ནས། ལོག་པར་ལྟ་བའི་དྲྭ་བ་བསལ་པའི་ཕྱིར་ཚད་མ་འདི་gགསུངས་པ་ཡིན་ནོ། །ཚད་མ་ཞེས་བྱ་བ་ནི་རིང་ཐུང་ལ་སོར་མོ་ལ་སོགས་པས་གཞལ་བ་དང་། མང་ཉུང་ལ་བྲེ་ལ་སོགས་པས་གཞལ་བ་དང་། ལྕི་ཡང་ལ་སྲང་ལ་སོགས་པས་གཞལ་བ་ལྟ་བུ་ཡ…

རང་གི་རིགས་ཀྱི་དཔེས་བསལ་བར་བྱེད་དོ། །དེ་གསུམ་ཚོགས་ནས་འགྲུབ་པ་ལ་གཅིག་ཏུ་ངེས་པས་ཡོངས་སུ་གྲགས་པ་ཡིན་ཏེ། འཇིག་རྟེན་གྱི་ཚད་མའི་གྲངས་སུ་ཆུད་དོ། །ལུང་ནི་མི་ལས་བླ་མར་གྱུར་པའི་ཆོས་ཡོད་པར་མི་ཤེས་པ་དེས་མཚོན་ཅིང་སྟོན། མཚན་ཉིད་འདི་ལྔས་ཡོངས་སུ་དག་པར་འགྱུར་རོ། །ཡང་ནི་འཇིག་རྟེན་གྱི་ཆོས་ཀྱང་རུང་། འཇིག་རྟེན་ལས་འདས་པའ…

མི་དམིགས་པ་དང་འདྲ་བ་དང་མི་འདྲ་བ་ཕྱི་མ་མེད་ཅིང་སྔ་མ་གཏོང་བར་དམིགས་པ་དེ་དག་སོ་སོ་རང་གིས་རིག་པ་ནི་མངོན་སུམ་གྱི་མཚན་ཉིད་དོ། །དེ་ལ་འདྲ་བ་དང་མི་འདྲ་བའི་རྒྱུན་གཞན་བྱུང་བའི་ཚེ།། སྔ་མ་འགགས་པའི་ཕྱིར་མི་རྟག་པ་ཉིད་དུ་རྟོགས་པར་ཁོང་དུ་ཆུད་པ་ནི་ཉེ་བར་རྗེས་སུ་དཔག་པའི་མཚན་ཉིད་དོ། །འདུ་བྱེད་རྣམས་ནི་རྟག་པའི་མཚན་ཉིད་དང…

དང་མི་མཐུན་པར་དམིགས་པའི་མཚན་ཉིད་དང་། ཐམས་ཅད་མཐུན་པར་དམིགས་པའི་མཚན་ཉིད་དང་། ཐམས་ཅད་མི་མཐུན་པར་དམིགས་པའི་མཚན་ཉིད་དང་། རང་བཞིན་གྱི་རིགས་དང་མཐུན་པའི་དཔེའི་མཚན་ཉིད་དང་། ཡོངས་སུ་གྲགས་པའི་མཚན་ཉིད་དང་། ལུང་རྣམ་པར་མ་དག་པའི་མཚན་ཉིད་དོ། །ཞེས་དང་། དེ་རྣམས་རྒྱས་པར་བཤད་ཅིང་། མེའི་རྟགས་ནི་དུ་བའོ། །རང་བཞིན་ནི་དྲོ་བ…

བཀོད་པར། མདོར་བསྡུ་ན་རྣམ་པ་གསུམ་སྟེ། ཡོངས་སུ་དག་པའི་ཡོན་ཏན་རྫོགས་པ་ཡིན། ཡོངས་སུ་མ་དག་པའི་སྐྱོན་གྱིས་མ་གོས་པ་ཡིན། ཕན་ཡོན་གྱི་ལེགས་པ་དང་ལྡན་པ་ཡིན་ནོ། །དེ་ལ་ཡོངས་སུ་དག་པའི་ཡོན་ཏན་རྫོགས་པ་གང་ཞེ་ན། རྣམ་པ་ལྔར་ཤེས་པར་བྱ་སྟེ། ཚད་མ་ཡོངས་སུ་དག་པས་འགྲུབ་པ་ལ་གཅིག་ཏུ་ངེས་པ་དང་། གཞལ་བྱ་ཕུན་སུམ་ཚོགས་པས་འཇིག་རྟེན་ད…