ལྷ་སྐུ་དང༌། དེར་མ་ཟད་རྫོགས་རིམ་པའི་བདེ་བ་ཆེན་པོ་རྙེད་པའི་དབེན་གསུམ་གྱི་སྐབས་ཀྱི་ལྷའི་སྐུ་ཡང༌བདག་བྱིན་བརླབས་ཀྱི་སྒྱུ་ལུས་མིན་པར་བསྟན་ནས། གང་ལ་བརྟེན་ན་དེའི་མན་ངག་ཤེས་པར་འགྱུར་བའི་རྣལ་འབྱོར་གྱི་རྒྱུད་ཅེས་པ་ནི་དཔལ་འདུས་པ་རྩ་བཤད་ལ་སོགས་པའི་རྒྱུད་དོ། །སྒྱུ་ལུས་རྡོ་རྗེ་འཆང་གི་སྐུ་རྫོགས་པའི་རྒྱུ་རྐྱེན་ཁོང་ད…

ཅེས་ཟེར་བ་ནི་བདེན་གཉིས་ཀྱི་སྒོ་ནས་ལན་བཏབ་པས། སྔར་གྱི་དོགས་པ་ཆོད་པ་ལ་ཅི་ཡང་མི་ཕན་ཞིང༌། རླུང་གིས་འཁྱམ་དུ་བཅུག་པ་འབྲེལ་མེད་ཀྱི་ལན་ཡིན་པས་སྙིང་པོ་མེད་དོ། །དེས་ན་སེམས་ཁ་དོག་དང་དབྱིབས་དང་བྲལ་བ་དང༌། ནམ་མཁའ་དང་མཉམ་པ་སྟེ་འདྲ་བར་ལུས་ཅན་མིན་པ་དང༌། དོན་དམ་བདེན་པ་དང་འདྲ་བར་རེག་པ་སྟེ་རྟོགས་དཀའ་བ། བདེན་པར་ན་སྟེ་བད…

དེ་དག་གི་དོན་བསྡུས་ན། རླུང་མེད་པའི་སེམས་རྐྱང་པ་ཡིན་ན། དེ་ལས་ཞལ་ཕྱག་སོགས་དང་ལྡན་པའི་ལྷའི་སྐུ་མི་འགྲུབ་ཀྱང༌། འོད་ཟེར་ལྔ་པའི་རླུང་དང་སེམས་གཉིས་ངོ་བོ་གཅིག་ཏུ་ཡོད་པས། ལྷའི་གཟུགས་འགྲུབ་པ་ལ་སྐྱོན་མེད་ཅེས་པའོ། །འདིས་ནི་ལྷའི་རྣམ་པར་སྣང་བའི་ཤེས་པ་རྐྱང་པ་ཡིན་ན། གཟུགས་སྣང་ཡོད་ཀྱང་། དེས་སྒྱུ་མའི་སྐུ་དངོས་སུ་མི་འ…

སོགས་པ་མེད་ཅིང༌། ཁམས་ཀྱིས་གཞིག་མི་ནུས་པ་དང་འདྲ་བར་གསུངས་ལ། ཆག་འགྱུར་ལས། རྣམ་པར་ཤེས་པ་འདི་ཐོག་མར་འཕོ་བའི་ལུས་ཀྱི་ཁོག་པ་སྤངས་ནས་གཞན་གཟུགས་ཀྱི་རྣམ་པ་ལྟ་བུར་འགྱུར་རོ། ཞེས་གསུངས་པ་རྣམས་དྲངས་པའི་འོག་ཏུ། དེ་ལྟར་བྱིས་པ་སོ་སོའི་སྐྱེ་བོའི་སྲིད་པ་བར་མ་ཞེས་བྱ་བ་འཁོར་བའི་རྒྱུར་འགྱུར་རོ། ཞེས་སོགས་སྔར་དྲངས་པ་བཞིན་…

ནུས་པ་ཞིག་དགོས་སོ། །དེ་ཡང་རྣམ་ཤེས་གོང་དུ་འཕོ་བ་དང༌། གཞན་གྱི་གྲོང་དུ་འཇུག་པའི་རྣལ་འབྱོར་གྱིས་དེ་གཉིས་སོ་སོར་འབྱེད་པ་ནི། སམ་བྷུ་ཊའི་དོན་མན་ངག་སྙེ་མར་བཤད་པ་ལྟར་བུམ་པ་ཅན་ལ་སོགས་པའི་རླུང་སྦྱོར་སྔོན་དུ་བྱང་བར་བྱས་ནས། རྣམ་ཤེས་ཀྱི་གནས་སྙིང་ཁ་ནས་རླུང་གི་བཞོན་པ་ཅན་གྱི་རྣམ་ཤེས་འདོན་པའི་དམིགས་པ་ཡང་དང་ཡང་དུ་བྱེད…

པ་དང་ཁྱད་པར་ཤིན་ཏུ་ཆེ་སྟེ། འདི་ནི་མོས་བློ་ཙམ་མིན་པར་རླུང་སེམས་ཉིད་ལྷའི་སྐུར་སྐྱེས་པ་ཡིན་པས། བསྒོམས་པ་ན་སེམས་དེའི་རྣམ་པར་སྣང་བ་ཙམ་གྱི་ལྷ་སྐུ་དང་མི་འདྲའོ། །སློབ་པའི་ཟུང་འཇུག་གི་སྒྱུ་མའི་སྐུ་ཐོབ་ཕྱིན་ཆད་ནས་དེའི་རིགས་འདྲ་མི་འཆད་པས་དངོས་པོ་ལ་གནས་པ་ཞེས་བྱ་ལ། རྡོ་རྗེའི་སྐུ་ཞེས་པའི་མཚན་ཉིད་ཀྱང་ཚང་ངོ༌། །རིམ་…

ལངས་པ་ནི། ཉེར་ཐོབ་ལ་སོགས་པའི་རིམ་པའི་ཐབས་ཞེས་བཤད་དོ། །རང་གི་ལུགས་ནི་ཟུང་འཇུག་གི་སྐབས་སུ་འཆད་པར་འགྱུར་རོ། །ལུས་རྙིང་པ་ལས་ལོགས་སུ་ཕྱེ་བ་ལ། ལུས་རྙིང་པའི་གོ་ས་སྤངས་ནས་གནས་དགོས་པས་མ་ཁྱབ་པ་ནི་སྔར་བཤད་པ་དང༌། སྒྲོན་གསལ་ལས་དག་པའི་སྒྱུ་མའི་སྐུ་ཕུང་པོའི་ཟ་མ་ཏོག་ན་གནས་པར་གསུངས་པ་སོགས་ཀྱིས་ཀྱང་ཤེས་སོ། །སེམས་དབེན…

ཕུང་པོ་བོར་ནས། བདག་ལ་བྱིན་གྱིས་བརླབ་པའི་རིམ་གྱིས་ལྡང་བར་བྱའོ་སྙམ་པའི་འཕེན་པ་གཏོང་བར་བཤད་པའི་རིགས་པ་སྦྱོར་ཤེས་དགོས་སོ། །འདི་ནི་སྒྱུ་ལུས་རྗེས་མཐུན་པ་རྣམས་ལ་ཡང་སྦྱར་བར་བྱའོ། །དེ་འདྲ་བའི་སྐུ་དེ་ནི་ཡེ་ཤེས་རྡོ་རྗེ་ཀུན་ལས་བཏུས་ལས་སྒྱུ་མའི་དཔེ་བཅུ་གཉིས་ཀྱིས་མཚོན་པར་གསུངས་ལ། བཅུ་གཉིས་ནི། སྒྱུ་མ་དང༌། ཆུ་ཟླ་དང…

ཁྱེར་ལྟ་བུའོ། །གཅིག་ཡིན་ཀྱང་དུ་མར་སྣང་བ་ནི་མིག་འཕྲུལ་ལྟ་བུའོ། །སྐུའི་ཁ་དོག་རྣམ་པ་ལྔ་ཐོགས་པ་མེད་ཅིང་མ་འདྲེས་པར་སྣང་བ་ནི་འཇའ་ཚོན་ལྟ་བུའོ། །རྣམ་སྨིན་གྱི་ལུས་ཀྱི་ཕུང་པོའི་ནང་ན་གནས་པ་ནི་སྤྲིན་གྱི་གསེབ་ན་གློག་འགྱུ་བ་ལྟ་བུའོ། །སྟོང་པའི་ངང་ནས་ཐོལ་གྱིས་བཞེངས་པ་ནི་ཤིན་ཏུ་དྭངས་པའི་ཆུ་ལས་ཆུ་བུར་རྡོལ་བ་ལྟ་བུའོ། …

ལ་སྐད་ཅིག་དག་གིས་རྙེད། །སྲིད་པ་གཅོད་པར་འགྱུར་བ་དང༌། །འགྲོ་ན་རབ་མཆོག་སྟོན་པར་འགྱུར། །ལྷ་དང་བཅས་པ་ཀུན་གྱིས་མཆོད། །ཡང་དང་ཡང་དུ་ཕྱག་བྱེད་འགྱུར། ཞེས་གསུངས་པ་རྣམས་དང༌། སྤྱོད་བསྡུས་ལས། སངས་རྒྱས་ཀྱི་དབང་བསྐུར་བ་འཐོབ་པར་གསུངས་སོ། །རྩ་བའི་རྒྱུད་ལས་ཀྱང༌། ལུས་དང་ངག་སེམས་རྡོ་རྗེ་ལ། །རྡོ་རྗེ་འཇམ་པ་རབ་ཏུ་བསྒོམ། །ལ…

གྱི་ཕྱག་རྒྱ་ཆེན་པོ་དེ་ནི་སོ་སོ་སྐྱེ་བོ་རྣམས་ཀྱིས་མི་མཐོང་ཞིང་མི་རེག་པས་ན། ཏིང་ངེ་འཛིན་འདི་ནི་མི་སྣང་བ་ཞེས་བྱའོ། ཞེས་བཤད་དོ། །འདིའི་མཇུག་ཉིད་དུ་སྒྱུ་མའི་རང་བཞིན་གྱི་སྐུ་འདི་ཉིད་འོད་གསལ་བས་རྣམ་པར་སྦྱངས་བས་བསྒྲུབ་པར་བྱ་བའི་ཕྱིར། ཞེས་ཀྱང་གསུངས་ཤིང༌། འདི་བསམ་གཏན་གཉིས་ཀྱིས་འོད་གསལ་དུ་འཇུག་པར་བཤད་ལ། ཟུང་འཇ…

སྦྱངས་པ་རྣམས་ཀྱིས་ཀྱང་ལྷ་སྐུ་གཉིས་ཀྱི་རྣམ་དབྱེ་བྱས་ཀྱང༌། དེ་རྣམས་ཀྱི་རྣམ་དབྱེ་ལེགས་པར་ཕྱེ་བ་ཤིན་ཏུ་དཀོན་པར་མཐོང་བས། ཆེས་ཤིན་ཏུ་གསང་བའི་གནས་འདི་མ་ནུས་ན་སྙམ་པའི་གསལ་བར་བྱས་སོ། །གསུམ་པ་ལ་གཉིས། མན་ངག་ལས་ཇི་ལྟར་འབྱུང་བ་དང༌། དེའི་དོན་གཞུང་ལ་སྦྱར་ཏེ་བཤད་པའོ། །དང་པོ་ནི། མར་ལུགས་ཀྱི་གདམས་པ་གསེར་སྡིངས་པས་མཛད་…

པའི་ཐིག་ལེ་ལ་བསྡུས་པའི་ཐིག་ལེ་ལྷ་ཡབ་ཡུམ་གྱི་སྐུར་ཤར་བ་མེ་ལོང་གི་གཟུགས་བརྙན་ལྟ་བུར་སྒོམ་པ་ཡིན་ཞེས་བཤད་ཅིང༌། རིམ་ལྔ་གདན་རྫོགས་ལས། ཐིག་ལེ་ལ་སེམས་གཏད་ནས་སྒོམ་པ་སློབ་པའི་འོད་གསལ་དང༌། འཇོག་པའི་ཚེ་ཐིག་ལེ་སྟོང་པ་ལས་ལྷ་སྐུར་ལངས་ཏེ་སྤྱོད་ལམ་བྱ། ཞེས་པ་ནི་ལུགས་དེའི་མན་ངག་ཆེ་བ་གཉིས་དང་ཆུང་བ་རྣམས་དང་ཡང་མི་མཐུན་པའ…

ཏུ་སྐར་ཁུང་གདོད་ཅིང་མཐོངས་བཞག །རྒྱ་སྐྱེགས་ཀྱི་ཆུས་ཟངས་གང་བའི་སྟེང་ན་རལ་གྲི་འཕྱར་བ་དང༌། མདུན་དུ་མེ་ལོང་བཞག་པ་ལ་རས་བྲིས་ཀྱི་རྡོར་སེམས་ཀྱི་སྐུའི་གཟུགས་བརྙན་ཤར་བ་ལ་སེམས་གཏད་ནས་བསྒོམ། དེ་ལ་བདེན་ཞེན་མི་འོང་བས་སྒྱུ་མ་ངོས་འཛིན་པ་ཡིན། འདི་བསྐྱེད་རིམ་ལ་སྦྱོང་བའི་གདམས་པ་ཡིན་གསུང༌། ཞེས་འཆད་དེ། རིམ་ལྔ་ལས། རྡོ་རྗ…

དང་ལྟ་སྟངས་དམ་པོས་སེམས་གཡོ་མེད་དུ་བཞག་པས་སེམས་ཟིན། དེ་ཟིན་པས་རླུང་ཟིན། དེ་ལས་ཉམས་སྐྱེ་སྟེ། ས། ཆུ། མེ། རླུང༌། སེམས། སེམས་བྱུང༌། མ་རིག་པ། ཐམས་ཅད་སྟོང་པ་རྣམས། སྔ་མ་ཕྱི་མ་ལ་ཐིམ་པས། སྨིག་རྒྱུ་ནས་མུན་ནག་གི་རྣམ་པ་ལྟ་བུའི་བར་རྣམས་འབྱུང༌། དེ་ནས་ཐམས་ཅད་སྟོང་པ་སྤྲིན་མེད་པའི་ནམ་མཁའ་ལྟ་བུ། དེ་ནས་ལུགས་ལྡོག་ཏུ་སྣང…

བལྟས་པ་ན། ཐོག་མར་གསལ་བ་སྣང་བ། དེ་ནས་དེ་ཕྲ་རུ་སོང་བ་མཆེད་པ། ཐ་མར་མི་གསལ་བར་འགག་པ་ལ་ཕྱོགས་པ་ཉེར་ཐོབ་ཏུ་བཤད་པ་ལ་བརྟེན་ནས་བྱས་པར་སྣང་ངོ༌། །སྒྱུ་མའི་རྣམ་ཐར་ལ་སློབ་པ་ལ། དོན་ལྔ་མར་ཉིན་མོ་སད་དུས་སུ་སྦྱོང་བ་དང༌། མཚན་མོ་རྨི་ལམ་དུ་སྦྱོང་བ་གཉིས་བཤད་པའི་དང་པོ་ནི། ལྷ་སྐུ་གསལ་བའི་ངང་ནས་མགྲིན་པར་བདེ་སྟོང་གི་ཉམས་ཀྱི…

རློམ་པ་སོགས་མེད་པར། ངམ་གྲོག་དང་གཡང་ས་སོགས་ལ་ཐོགས་པ་མེད་པར་སྟོང་ཐལ་ཐལ་སྦྱོང་བར་བཤད་དོ། །དོན་བཞི་མར་ལྷ་སྐུར་གསལ་བའི་མཛོད་སྤུ་སོགས་ནས་འོད་ཟེར་སྤྲོས་པས་རྒྱལ་བ་ལ་མཆོད་པ་དང༌། སེམས་ཅན་ལ་གང་འདུལ་གྱི་སྐུ་བསྟན་ནས་སྒྲིབ་གཉིས་སྦྱངས་ཏེ་འོད་ཟེར་རང་ལ་སྡུད་པ་དང༌། ལྷ་སྐུར་བྱེད་པ་རྣམས་འོད་དུ་བཞུས་ནས། བསམ་གཏན་གཉིས་ཀྱི…

ཙམ་ནི་སྒྱུ་ལུས་སུ་མི་བྱའོ། །དེ་ལྟར་བྱས་ན་རིམ་ལྔ་བསྡུས་པ་ལས། སྔགས་ཀྱི་འཁོར་ལོ་བཀོད་ནས་རྡོར་བཟླས་བྱ་བར་བཤད་པའི་མཇུག་ཐོགས་སུ། ཐ་མལ་རྣམ་རྟོག་བག་ཆགས་རྣམས། །སྔགས་ཉིད་སེམས་སུ་དམིགས་པའོ། །ལུས་དག་པས་ནི་རྟོག་པ་དག །རླུང་དག་པས་ནི་དྲི་མེད་འགྱུར། །རླུང་དག་པས་ནི་ཡེ་ཤེས་ཀྱི། །ཀུན་རྫོབ་སྒྱུ་མ་མངོན་དུ་བྱེད། ཅེས་སྔགས་…

པ་ཉིད་སྒྱུ་ལུས་གཏན་ལ་འབེབས་བྱེད་དུ་འཆད་པ་ལེགས་པར་སྣང་ནའང་བསྐྱེད་རིམ་སྒོམ་པ་མི་གསལ་ན་དེ་གསལ་བའི་བོགས་འབྱིན་བྱེད་དུ་བཤད་པའི་མན་ངག་རྣམས། སྒྱུ་ལུས་ཀྱི་སྐབས་སུ་རིམ་ལྔར། རྡོ་རྗེ་སེམས་དཔའ་ལེགས་བྲིས་པ། ཞེས་སོགས་གསུངས་པའི་དོན་དུ་བྱས་ནས། མེ་ལོང་དུ་ཤར་བའི་གཟུགས་བརྙན་ལ་དམིགས་ནས་སྒོམ་པ་དང༌། དེ་ནས་དེ་བློས་བཏོན་ནས…

སྣང་བ་དང་མཚུངས་པའི་སྐུ་དེ་ནི། མཚན་གྱི་རྣམ་པ་ཀུན་གྱི་མཆོག་དང་ལྡན་པ་དང༌། བལྟ་བས་ཆོག་མི་ཤེས་པ་ཡིན་ནོ་ཞེས། མེ་ལོང་གི་གཟུགས་བརྙན་དང་སྒྱུ་མའི་སྐུ་གཉིས་དཔེ་དོན་དུ་སྦྱར་ནས། སློབ་མ་ལ་བསྟན་པའི་དོན་དེ་ལ་བདག་བྱིན་གྱིས་བརླབས་ཞེས་བཤད་དོ་ཞེས་པའི་དོན་ཡིན་གྱི། མེ་ལོང་དུ་ཤར་བ་ལ་དམིགས་ནས་སྒོམ་པ་དང༌། དེ་ནས་བློས་བཏོན་ཏེ…