ལག་གོ །དེ་ནས་གདན་དབུས་མའི་སྟེང་དུ། ཧཱུཾ་ལས་ཉི་མའི་དཀྱིལ་འཁོར། དེའི་དབུས་སུ་ༀ་ལས་ཟླ་བའི་དཀྱིལ་འཁོར། དེའི་སྟེང་དུ་ཨཱ་ལས་པདྨ་དམར་པོ་འདབ་མ་བརྒྱད་པའི་སྟེང་ན། ༀ་ཨཱ་ཧཱུཾ་གི་ཡི་གེ་གསུམ་སྟེང་ནས་སྟེང་དུ་བརྩེགས་པར་བསམ་སྟེ། ཉི་མ་ལ་སོགས་པ་ལ་དམིགས་པ་ལྡང་བའི་དེ་ཉིད་དོ། །དེ་ཐམས་ཅད་གཅིག་ཏུ་འདྲེས་པ་ལས་ཟླ་བའི་དཀྱིལ་འཁ…

ལས་བྱང་ཆུབ་པའི་དེ་ཉིད་དོ། །རྡོ་རྗེ་ཡི་གེ་དང་བཅས་པ་ཡོངས་སུ་གྱུར་པ་ལས། སྔར་བཤད་པ་ལྟ་བུའི་དང་པོའི་མགོན་པོ་ཡུམ་མེད་པ་བསྐྱེད་དེ། སྐུ་རྫོགས་པ་ལས་བྱང་ཆུབ་པའི་དེ་ཉིད་དོ། །བྱང་ཆུབ་པ་དེ་གསུམ་ནི་རྗེས་སུ་རྣལ་འབྱོར་རོ། །འདི་ནི་འཆི་བའི་འོད་གསལ་ལས། ཡིད་ཀྱི་ལུས་ཅན་གྱི་བར་དོ་གྲུབ་པ་དང་རྗེས་སུ་མཐུན་པར་བསྒོམས་པས། བར་ད…

དང༌། སྣའི་རྣམ་ཤེས་མེ་ཏོག་གི་ཕྲེང་བ་དང༌། ལྕེའི་དབང་པོ་དྲིལ་བུ་དང༌། ལུས་ཀྱི་དབང་པོའི་ཚོགས་རྔ་ཡབ་ཏུ་གྱུར་པ་རྣམས་ནི་དྲ་བ་དང་དྲ་ཕྱེད་ཀྱི་རྒྱན་ནོ། །རྣ་བ་དང་ལུས་ཀྱི་རྣམ་ཤེས་ནི་མདའ་ཡབ་ལ་གནས་པའི་བ་དན་དང་དར་འཕན། རྗེ་ངར་བརླ་དཔུང་ལག་ངར་གྱི་རྐང་བརྒྱད་ནི་ཀ་བ་བརྒྱད། ལྟོ་བ་ནི་དཀྱིལ་འཁོར་གྱི་ནང་གི་བུམ་པ། རྣ་བའི་དབང་…

གཤེགས་པར་སྒོམ་པའི་དེ་ཉིད་དོ། །ལྟེ་བར་ལུས་ཀྱི་སའི་ཁམས་ཐམས་ཅད་ཀྱི་ངོ་བོ་ལཾ་ལས་སྤྱན་མ། དེ་བཞིན་དུ་སྦྱར་ལ། སྙིང་ཁར་ཆུའི་ཁམས་ཀྱི་ངོ་བོ་མཱཾ་ལས་མཱ་མ་ཀཱི། མགྲིན་པར་མེའི་ཁམས་ཀྱི་ངོ་བོ་པཾ་ལས་གོས་དཀར་མོ། སྤྱི་བོར་རླུང་གི་ཁམས་ཀྱི་ངོ་བོ་ཏཱཾ་ལས་སྒྲོལ་མ་བསྐྱེད་དེ། ཁམས་གཤེགས་མར་སྒོམ་པའི་དེ་ཉིད་དོ། །མིག་ཏུ་མིག་དབང་ག…

གཡོན་པར་དེའི་ངོ་བོ་ཧཱུཾ་ལས་གཞན་གྱིས་མི་ཐུབ་པ། ཁ་ལ་དེའི་ངོ་བོ་ཧཱུཾ་ལས་རྟ་མགྲིན། རྡོ་རྗེ་ལ་དེའི་ངོ་བོ་ཧཱུཾ་ལས་བདུད་རྩི་འཁྱིལ་པ། དཔུང་པ་གཡས་པའི་རྩ་བར་དེའི་ངོ་བོ་ཧུཾ་ལས་མི་གཡོ་བ། དཔུང་པ་གཡོན་པའི་རྩ་བར་དེའི་ངོ་བོ་ཧཱུཾ་ལས་འདོད་པའི་རྒྱལ་པོ། པུས་མོ་གཡས་ལ་དེའི་ངོ་བོ་ཧཱུཾ་ལས་དབྱུག་སྔོན་ཅན། པུས་མོ་གཡོན་ལ་དེའི་…

ནམ་མཁའ་གང་བ་སྤྱན་དྲངས་པའི་དབུས་ན་བཞུགས་པའི་བདག་པོ། རྣམ་པར་སྣང་མཛད་སྤྱན་མ་དང་སྦྱོར་བའི་མདུན་ན་རང་ཉིད་གནས་པར་བསམས་ལ། དཔལ་ལྡན་སངས་རྒྱས་སྐུ་འཆང་བ། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་སྐུས་ནི་མཛད་དུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒ…

ཨཱཏྨ་ཀོ྅ཧཾ། ཞེས་བརྗོད་དེ་བྱིན་གྱིས་བརླབ་པ་ནི། སྐུ་བྱིན་གྱིས་བརླབ་པའི་དེ་ཉིད་དོ། །དེ་ནས་ལྕེའི་དབུས་སུ་ཨཱཿལས་བྱུང་བའི་པདྨ་དམར་པོ་འདབ་མ་བརྒྱད་པའི་ལྟེ་བར་ཨཱཿ དམར་པོ་འོད་ཟེར་ལྔ་འཕྲོ་བ་ལས། གོས་དཀར་མོའི་ཚོགས་ནམ་མཁའ་གང་བ་སྤྲོས་པས། སྐད་ཅིག་གིས་གསུང་རྡོ་རྗེའི་ཚོགས་ནམ་མཁའ་གང་བ་སྤྱན་དྲངས་པའི་དབུས་ན་བཞུགས་པའི་གཙ…

བདག་གི་ཚིག་ཀྱང་དེ་འདྲ་ཞིང༌། །ཆོས་འཛིན་པ་དང་འདྲ་བར་ཤོགཅེས་སྨོན་ལམ་བཏབ་པས། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེའི་བདག་ཉིད་དུ་ང་རྒྱལ་བརྟན་པར་བྱས་ལ། ༀ་སརྦ་ཏ་ཐཱ་ག་ཏ་ཝ་ཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་དེ་བྱིན་གྱིས་བརླབ་པ་ནི། གསུང་བྱིན་གྱིས་བརླབ་པའི་དེ་ཉིད་དོ། །མདོ་བསྲེ་ལས། ལྐོག་མར་པདྨ་ལ་ཨཱ་ཡིག་སྒོམ…

ནག་པོའི་ངོ་བོར་ཞུ་བ་ཡེ་ཤེས་སེམས་དཔའི་ཚུལ་གྱིས་སྙིང་ཁར་ཞུགས་ཏེ། ཡེ་ཤེས་ཀྱི་ས་ཐོབ་པས་ལུས་ཐམས་ཅད་བཀང་སྟེ་ཚིམ་ནས། ཐུགས་ཀྱི་དབང་ཕྱུག་ཐོབ་པར་བསམས་ལ། ཀུན་ཏུ་བཟང་པོའི་ཐུགས་གང་ཡིན། །གསང་བའི་དབང་པོ་བློ་ལྡན་པ། །བདག་ཀྱང་དེ་དང་འདྲར་འགྱུར་ཞིང༌། །རྡོ་རྗེ་འཛིན་དང་མཚུངས་པར་ཤོགཅེས་སྨོན་ལམ་བཏབ་པས། དེ་བཞིན་གཤེགས་པ་ཐམས་…

པ། ཁ་སྦྱོར་གྱི་སྦྱོར་བས་ལུས་རྒྱས་པར་བྱེད་པ་བསྒོམ་པ་ནི་ཡེ་ཤེས་སེམས་དཔའི་དེ་ཉིད་དོ། །མདོར་བྱས་ལས་ཡེ་ཤེས་སེམས་དཔའ་ཕྲ་མོ་བསྒོམ་པར་གསུངས་པའི་དོན་ནས་འབྲུའི་ཆད་ཙམ་སྒོམ་པར་མ་ག་ཏའི་པཎྜི་ཏ་ཐུབ་པ་དཔལ་བཟང་པོས་བཤད་དོ། །དེའི་ཐུགས་ཀར་ཟླ་བའི་གདན་ལ་རྡོ་རྗེ་སྔོན་པོའི་ལྟེ་བའི་ནང་དུ། ཏིང་ངེ་འཛིན་སེམས་དཔའ་ཧཱུཾ་ཡིག་སྔོན་…

རྡོར་སེམས་སུ་བསྒྱུར་བ་ལ་མངལ་གྱི་སྐབས་ཡོངས་སུ་རྫོགས་པ་དང་འདྲ་བས། ༀ་ཡིག་ནས་ཏིང་ངེ་འཛིན་སེམས་དཔའ་ཧཱུཾ་ཡིག་གི་བར་གྱི་སྔགས་ཐམས་ཅད་ཀྱིས་བྱིན་གྱིས་བརླབས་པས། ཕུང་པོ་ཁམས་སྐྱེ་མཆེད་ཡན་ལག་སྐུ་གསུང་ཐུགས་ལ་སོགས་པའི་གནས་སྐབས་རྣམས་ཡོངས་སུ་རྫོགས་པའི་ཚེ། སྤྲུལ་སྐུ་ཞལ་གསུམ་ཕྱག་དྲུག་པ་ཡོངས་སུ་རྫོགས་པར་མཐོང་བ་ནི། སྐྱེ་…

བསྟེན་པར་བྱའོ། །དེ་ལ་རིག་མ་འདུ་བྱ་བ་ནི། ཕྱི་རོལ་གྱི་རིག་མའམ་ཡང་ན། སྙིང་ཁ་ནས་རང་རིགས་ཀྱི་རིག་མ་ཕྱུང་ལ། སྟོང་པར་སྦྱངས་ཏེ་ཁཾ་ལས་རྡོ་རྗེ་དེ་ལས་རེག་བྱ་རྡོ་རྗེ་མར་སྔར་བཤད་པ་བཞིན་བསྐྱེད། དེའི་སྤྱི་གཙུག་ནས་སྐྲ་མཚམས་ཀྱི་བར་དུ་ༀ་དཀར་པོ་ལས་རྣམ་སྣང་སོགས་སྔར་བཤད་པ་བཞིན་ས་བོན་རྐྱང་པ་ལས་བསྐྱེད། ལྟེ་བ་སོགས་ཀྱི་གནས་…

དེ་ནས་རིན་འབྱུང་གི་ང་རྒྱལ་གྱིས་ཡབ་ཡུམ་རྗེས་སུ་ཆགས་པས། ཕན་ཚུན་འཁྱུད་པ་དང་འོ་བྱ་བ་དང་འཇིབ་པ་སོགས་བྱས་ལ། ༀ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ་྅ཧཾ། ཞེས་བརྗོད་དེ་དེ་བཞིན་གཤེགས་པ་ཐམས་ཅད་ཀྱི་རྗེས་སུ་ཆགས་པའི་རྡོ་རྗེའི་བདག་ཉིད་ངའོ་སྙམ་དུ་རྗེས་སུ་ཆགས་པའི་ང་རྒྱལ་བྱའོ། །རྗེས་སུ་ཆགས་པའི་དེ་ཉིད་དོ། །རིན…

ཕུན་སུམ་ཚོགས་པ་རྒྱལ་མཆོག་གཉིས་ཀྱིས་སྒྲུབ་པ་ལ། ཐོག་མར་དཀྱིལ་འཁོར་རྒྱལ་མཆོག་གི་རྟེན་གྱི་དཀྱིལ་འཁོར་ནི། ཐིག་ལེ་ཆ་གཅིག་བྷྲུཾ་དང། དེ་ཡོངས་སུ་གྱུར་པ་ལས་གཞལ་ཡས་ཁང་གྲུ་བཞི་སྒོ་བཞི་པ་སོགས་གདན་དང་བཅས་པ་བསྐྱེད། ཐིག་ལེ་ཆ་གཅིག་གདན་རྣམས་ཀྱི་སྟེང་དུ། ཆ་སུམ་ཅུ་སོ་གཉིས་སུ་གྱུར་དེ་རྣམས་ཡོངས་སུ་གྱུར་པ་ལས། ༀ་ཨཱ་ཧཱུཾ་ཧཱ…

རྡོ་རྗེའི་ལམ་ནས་ཐུགས་ཀར་དྲངས། བཛྲ་དྷྲིཀ་ཅེས་བརྗོད་པས་ཐུགས་ཀ་ནས་ཕྱིར་ཕྱུང་ཕྱོགས་བཅུར་འཕྲོས་ཆོས་ཀྱི་འཁོར་ལོ་བསྐོར་བ་ལ་སོགས་པ་སངས་རྒྱས་ཀྱི་མཛད་པ་ཐམས་ཅད་མཛད། ཁྱད་པར་དུ་ཞེ་སྡང་ཅན་རྣམས་ཀྱི་ཞེ་སྡང་སྦྱངས་ནས་མི་བསྐྱོད་པའི་གོ་འཕང་ལ་བཀོད། སྤྲུལ་པ་རྣམས་གཅིག་ཏུ་འདུས། མི་བསྐྱོད་པ་ཡེ་ཤེས་པ་དང་དབྱེར་མེད་དུ་འདྲེས། ར…

སོགས་པ་བཞིའི་འབྱིན་སྔགས་ནི་རིམ་པ་བཞིན། མོ་ཧ་ར་ཏི་དང་དྭེ་ཥ་ར་ཏི་དང་རཱ་ག་ར་ཏི་དང་བཛྲ་ར་ཏིའོ། །མཛད་པ་ནི་རིམ་པ་བཞིན་སེམས་ཅན་ནད་དང་གདོན་གྱིས་གདུངས་པ་རྣམས་ཞི་བ་དང༌། བགེགས་ཆེན་པོས་གཟིར་བ་རྣམས་བསྲུངས་ཏེ་རྒྱས་པ་དང༌། སེམས་ཅན་གདོན་གྱིས་ཉེན་པ་རྣམས་ཞི་ཞིང་སྲུང་བ་དང༌། སེམས་ཅན་ཐམས་ཅད་དབང་དུ་མཛད་པ་སྟེ། གཤེགས་མ་དབྱུ…

གདོན་དང༌། མེ་ལྷའི་གདོན་དང༌། བདེན་བྲལ་གྱི་གདོན་དང༌། རླུང་ལྷའི་གདོན་དང༌། དབང་ལྡན་གྱི་གདོན་དང༌། ཚངས་པ་དང་ལྷའི་གདོན་དང༌། བརྟན་པ་དང་གཡོ་བའི་དུག་དང་ཀླུ་དང་ས་བདག་གི་གདོན་རྣམས་བཅོམ་པ་སྟེ། ཁྲོ་བོ་དབྱུང་བའི་དེ་ཉིད་དོ། །ཁྱད་པར་ལྷག་མ་རྣམས་ནི་སྔར་བཤད་པ་བཞིན་སྦྱར་རོ། །གཞལ་ཡས་ཁང་ཐུགས་ཀར་དྲངས། ༀ་ཨཱཿཧཱུཾ་གིས་ཐུགས་ཀ་…

དང༌། རིགས་ལྔ་སོགས་ཀྱི་འབྱིན་སྔགས་ཀྱིས་གཞན་རྣམས་ཀྱི་འབྱིན་སྔགས་མཚོན་པར་བྱའོ། །མདོར་བྱས་ལས། རང་སྔགས་ཡི་གེ་ལས་བྱུང་བ། །རྡོ་རྗེ་གསུམ་གྱིས་བྱིན་བརླབས་བདག །ཅེས་གསུངས་པས་རང་རང་གི་ས་བོན་གྱི་སྔགས་འབྲུ་གསུམ་དང་སྤེལ་བ་ཡིན་ལ། ལྷ་གཞན་ཐམས་ཅད་ཞེ་སྡང་རྡོ་རྗེའི་ཏིང་ངེ་འཛིན་གྱིས་འབྱིན་པར་གསུངས་པས། འབྱིན་པའི་ཚེ་སོ་སོའ…

གཉིས་རགས་པའི་ལྷའི་རྣལ་འབྱོར་གྱིས་གཅོད་པར་ནུས་པའི་ཚེ། རྟོག་པའི་རྣལ་འབྱོར་ཕྲ་མོ་ལ་བསླབ་པར་གསུངས་པ་ནི། ཐིག་ལེ་ཕྲ་མོའི་ནང་དུ་རྟེན་དང་བརྟེན་པའི་དཀྱིལ་འཁོར་ཡོངས་སུ་རྫོགས་པ་སྒོམ་པ་ལ་དགོངས་པ་ཡིན་གྱི། ཕྲ་མོ་ཙམ་ལ་སེམས་འཛིན་པ་ལ་གསུངས་པ་མིན་ནོ། །དེས་ན་དཀྱིལ་འཁོར་རྒྱལ་མཆོག་གི་རྣལ་འབྱོར་ཟིན་པའི་འོག་ཏུ་རང་གི་སེམས་…

སོགས་པ་ལ་འདོན་པ་བསྒྱུར་རོ། །དེ་ནས་རང་གི་རྡོ་རྗེའི་ཁར་ཉི་གདན་ལ་ཐིག་ལེ་སྔོན་པོ་ཡུངས་ཀར་ཙམ་ཞིག་མི་བསྐྱོད་པའི་ངོ་བོར་བལྟས་ལ། མ་བརྟན་གྱི་བར་དུ་བསྒོམ། བརྟན་པ་ན་རྡོ་རྗེ་དང་པདྨ་འདུ་བྱ་བ་སྔོན་དུ་འགྲོ་བས། ཡུམ་གྱི་པདྨར་དབྱུང་ལ་ཡུངས་འབྲུ་ཙམ་གྱི་ཐིག་ལེའི་ནང་དུ་བྱང་ཆུབ་ཀྱི་སེམས་ལས་ཕྱུང་བ་ལས། རྟེན་དང་བརྟེན་པའི་དཀྱ…