གྲུབ་སྩོལ་བར་བཤད་པ་ལྟར་ཡིན་ནམ་བསམ་གསུང་། ཕྱོགས་སྐྱོང་རྣམས་འགུགས་པའི་ཚེ་སྐུ་མདོག་ཕྱག་མཚན་འདི་ལྟ་བུ་ཞེས་བཤད་ན་དམིགས་པ་གསལ་བར་ཡོད་བས་ན་འོག་ནས་གཏོར་མགྲོན་སྤྱན་འདྲེན་པ་ལས་འབྱུག་བ་ལྟར་བྱ་སྟེ། འདིར་ཐུབ་པ་དཔལ་གྱིས་འགའ་ཞིག་གནས་ཆེན་པོར་མི་མངོན་ནོ། །ཕུར་བུ་ལ་རྫས་ཀྱི་དང་བསམ་གཏན་གྱི་ཕུར་བུའོ། །དང་པོ་ནི་དཀྱིལ་འཁོ…

སུ་ཕྱག་མཚན་གྱི་བར་དུ་བསྒྲུབ་བྱ་འགོད་པར་གསུངས་པ་དང་མཐུན་པས་དེ་ལྟར་བྱེད་ན་དམ་ཚིག་པ་བསྐྱེད་ནས་ཡེ་ཤེས་པ་དགུག་གཞུག་བྱེད་པ་ལྟར་བྱའོ། །ཡང་ན་ཨ་བྷ་ཡཱས་གཞན་གྱི་དོན་དུ་སྲུང་བ་བྱེད་ན་འཁོར་ལོའི་རྩིབས་བཅུ་ལ་ཁྲོ་བོ་རྣམས་བཀོད་ནས་གཙོ་བོའི་གནས་སུ་བསྒྲུབ་བྱ་འགོད་པར་གསུངས་པ་ལྟར་བྱར་ཡང་རུང་ངོ་། །འདིར་སྒྲུབ་ཐབས་སུ་ལོ་ཆེན…

རྡོ་རྗེ་ར་བའི་དབྱིབས་ནི་གྲུ་བཞི་པར་བྱ་ཞེས་ཐུབ་པ་དཔལ་གྱིས་བཤད་དོ། །མཐོ་དམན་ནི་འོག་གསེར་གྱིས་གཞི་ལ་ཐུག་པ་དང༌། སྟེང་ཚངས་པའི་འཇིག་རྟེན་ལ་ཐུག་པར་བྱ་ཞེས་གཞུང་གཞན་ནས་སྟེན་ནོ། །ཆུ་མེ་རླུང་གི་ར་བ་གསུམ་བྱེད་པར་རྡོ་རྗེ་སེམས་དཔའི་སྒྲུབ་ཐབས་ལས་གསུངས་ཏེ་དབྱིབས་དང་མཐོ་དམན་ར་བ་བཞིན་བྱའོ། རྒྱ་ཁྱོན་ནི་རང་ཇི་ལྟར་འདོད་…

པའི་ཚིགས་སུ་བཅད་པ་ངག་ཏུ་བརྗོད་ཅིང་དོན་ཡིད་ལ་བསམ་པར་བྱའོ། །དོན་ནི་སྒྲོན་གསལ་ལས། ཡིག་དོན་དང་སྤྱི་དོན་སྦས་དོན་མཐར་ཐུག་པའི་དོན་ཏེ་ཚུལ་བཞིར་བཤད་པའི་སྔ་མ་གཉིས་འདིར་སྐབས་སུ་བབ་པས་དེ་གཉིས་བཤད་ན་ཡིག་དོན་ནི་བསྒོམ་པ་ལ་སོགས་པའི་འཁོར་གསུམ་མི་དམིགས་པ་དང༌། སྤྱི་དོན་ནི་སྟོང་ཉིད་དང་མཚན་མེད་དང་སྨོན་མེད་ལ་བཤད་པ་ལྟར་བས…

སློབ་དཔོན་ཆེན་པོ་དཔལ་འཛིན་དང་ལུ་ཨཱི་པ་ལ་སོགས་པས་གྱེན་དུ་འགྲེང་བར་གསུངས་པས་དེ་བཞིན་བྱའོ། །ཤཱནྟི་པས་གདེངས་ཀ་ཆེ་བ་གྱེན་དུ་ཕྱོགས་པས་ནི་ཡོན་ཏན་གོང་ནས་གོང་དུ་རྒྱ་ཆེ་བར་འགྱུར་བ་མཚོན་པར་བཤད་དོ། །ཁ་དོག་ལ་སྔ་མ་འགའ་ཞིག་ཕྱི་དཀར་ལ་ནང་དམར་བ་ཞེས་བཞེད་དེ། པདྨའི་གཞི་ཆོས་འབྱུང་གི་སར་ཚོན་དམར་སྐྱ་དགྱེ་ཞེས་པ་ལ་བསམ་སོ། འ…

སེར་བ་སོགས་དང་། དེ་བཞིན་དུ་ཕྱོགས་གཞན་གསུམ་ལའང་སྦྱར་བ་སྟེ་དེ་ལྟར་ལུགས་གཉིས་ལས་གང་ཡང་རུང་ངོ་། །བྷཱུཾ་གྱི་ཁ་དོག་དཀར་པོར་ཐུབ་པ་དཔལ་གྱིས་བཤད་པ་རྣམ་སྣང་གི་དང་མཐུན་པའོ། །སངས་རྒྱས་ཀྱི་སྤྲིན་གྱི་འོད་ཟེར་འཕྲོ་བའི་དོན་ནི་འོད་ཟེར་གྱི་སྣེ་ལ་སངས་རྒྱས་ཡོད་པའོ། །འདི་ནི་སྒྲོན་གསལ་ལས་བཤད་དོ། །རྩིག་པ་ལྔ་ལ་ཨ་བྷྱ་ཡཱས་སྟ…

ཟླ་བ་ལ་སོགས་པ་ཞེས་བཤད་པ་དང༌། རྒྱུད་ཉིད་ལས་ཀྱང༌། གསལ་བ་ལ་སོགས་དཀྱིལ་འཁོར་ལྡན། །ཞེས་འབྱུང་ཞིང༌། དེའི་འགྲེལ་པར་གསལ་བ་ནི་ཟླ་བ་ལ་བཤད་པས་ཤར་ཕྱོགས་པ་རྣམས་གདན་ཟླ་བ་འགོད་པར་གསལ་ལོ། །དེ་ལྟར་སྣོད་ཀྱི་གཞལ་ཡས་ཁང་གསལ་བཏབ་ནས་བཅུད་ཀྱི་ལྷ་བསྐྱེད་པ་ནི་ལྷག་མོས་ཀྱི་ལྷ་བསྒོམ་པ་ལ་སོགས་པའོ། །དེ་ལྟ་བུའི་བསྐྱེད་རིམ་བསྒོམས་པ…

བ་ལས་གཉིས་ཀ་ཡོད་པ་ནི་མཆོག་ཡིན་ལ། ང་རྒྱལ་བརྟན་པོ་ཡོད་ལ་སྔ་མ་མེད་པ་ནི་དེའི་འོག་མ་ཡིན། དེ་ལ་བགེགས་ལ་སོགས་པས་མི་ཚུགས་ཤིང་ལྷའི་བྱིན་རླབས་མྱུར་དུ་འཇུག་པ་ཡིན་གསུང་། འོག་མ་གཉིས་ནི་གོ་སླའོ། །གཉིས་པ་ཇི་ལྟར་འཚང་རྒྱ་བའི་རིམ་པ་མཛད་པ་དང་བཅས་པ་བསྒོམ་པ་བརྟེན་པའི་རྣལ་འབྱོར་ནི་ལྷག་མོས་ཀྱི་ལྷ་བསྐྱེད་པ་ལ་སོགས་པའོ། །དེ་…

ཀྱི་མཚན་མ་སྟེ་དམར་པོའོ། །དྲིལ་བུ་ནི་དྲུག་པ་རྡོ་རྗེ་འཆང་གི་སྟེ་ཇི་ལྟར་ཤེས་ཤེ་ན། དྲིལ་བུའི་དབང་ལ་མིང་གཉིས་པ་བདག་པོའི་དབང་ཞེས་ཀྱང་འབྱུང་ལ་དྲིལ་བུ་དཀྲོལ་པའི་ཚེ་ཆོས་ཀྱི་ཕུང་པོ་སྟོང་ཕྲག་བརྒྱད་ཅུའི་སྒྲ་སྒྲོག་པར་སེམས་པ་ཡིན་ཞིང་དེ་སྟོན་པའི་བདག་པོ་རྡོ་རྗེ་འཆང་ཡིན་པས་དེས་ན་དྲིལ་བུ་ནི་རྡོ་རྗེ་འཆང་གི་མཚན་མར་བྱས་…

འཁོར་བ་དེ་དག་གིས་ཅི་ཞིག་མཛད་ཅེ་ན་སྤྱིར་བཤད་པས། གཙོ་བོའི་ཐུགས་ཀ་དང་གཞན་རྣམས་ཀྱི་སྐུ་ལས་འོད་ཟེར་འཕྲོས་པས་སེམས་ཅན་ཐམས་ཅད་བཀུག་ནས་དཀྱིལ་འཁོར་གྱི་ཕྱོགས་བཞི་ནས་གཞུག་པ་སོགས་བྱའོ། །དེ་ལ་འཇུག་ཚུལ་བཞི་སྟེ་སློབ་མའི་འཇུག་པ་དང་ཡེ་ཤེས་ཀྱི་འཇུག་པ་དང་རྡོ་རྗེ་སེམས་དཔའི་དང་རྡོ་རྗེ་ཤུགས་ཀྱིའོ་འདིར་ནི་གསུམ་པའོ། །རང་རང་…

ལས་འདིར་ཕྱི་མའོ། །ཐིམ་པའི་གོ་རིམ་ནི་གཟུགས་ཕུང་སོགས་རགས་རིམ་ནས་ཏེ་འཇམ་དཔལ་འཇུག་ཏུ་ཐིམ་པ་ནི་ཡིད་དབང་གཞན་རྣམས་ཀྱི་འཇུག་ཏུ་འོད་གསལ་དུ་འཇུག་པས་སོ། འདིར་རྣམ་ཤེས་མི་བསྐྱོད་པ་ལ་བྱས་ནས་ལྷག་མོས་ཀྱི་གཙོ་བོ་མི་བསྐྱོད་པ་ཡིན་ཏེ་རྣམ་གཞག་ཏུའང་གཙོ་བོ་མི་བསྐྱོད་པ་ལ་བཤད་པས་སོ་ཞེས་སྨྲ་མོད་ཀྱང་མི་རིགས་ཏེ་འོག་ནས་འབྱུང་བའ…

ཨ་ཧཾ་ནི་ང་རྒྱལ་འཛིན་པའོ། །དེ་དག་རིགས་དྲུག་དང་སྦྱར་ནས་བཤད་དེ་ཨོཾ་དང་ཤཱུ་ནྱ་ཏཱ་དང་ཛྙཱ་ན་དང༌། བཛྲ་དང་སྭ་བྷཱ་ཝ་ཨཱ་ཏྨ་ཀ་ནི་རིམ་པ་བཞིན་རྣམ་སྣང་ལ་སོགས་པའི་རིགས་ལྔའོ། །ཨ་ཧཾ་ནི་དྲུག་པ་རྡོ་རྗེ་འཆང་ངོ་། །ཨོཾ་ལ་སོགས་པ་ལྔ་པོ་དེ་དག་རེ་རེ་ཞིང་ཨ་ཧཾ་དང་སྦྱར་བར་བྱ་སྟེ། འོད་གསལ་དུ་འཇུག་རྒྱུའི་རྣམ་སྣང་ལ་སོགས་པའི་རིགས་ས…

མ་ཡིན་ཏེ་བཅུད་འོད་གསལ་དུ་བསྡུས་ནས་དག་པའི་བཅུད་ཁྱད་པར་ཅན་བསྐྱེད་པ་ནི་འདི་ཉིད་ནས་འབྱུང་བས་སོ། །དེས་ནི་འདིར་གཞལ་ཡས་ཁང་བསྡུ་བ་ཡང་མི་འཐད་པར་གྱུར་སྟེ། རྒྱལ་མཆོག་གི་སྐབས་སུ་སྔར་བཤད་པའི་གཞལ་ཡས་ཁང་དུ་ཞེས་འབྱུང་བ་དང་ཡང་འགལ་བས་སོ། །འདིར་ཡི་གེ་གསུམ་ལས་ཉི་མ་སོགས་པ་བསྐྱེད་པ་ནི་ལེའུ་བཅུ་གཅིག་པའི་སྒྲོན་གསལ་ལས་བཤད་ད…

ལོངས་སྐུ་སྤྲུལ་སྐུར་བསྒྱུར་བའི་ཚུལ་ལ་མདོར་བྱས་ལས། མི་བསྐྱོད་པ་ནི་རྗེས་ཞུགས་པས། ཞེས་བཤད་པས་དང་པོའི་མགོན་པོ་སྤྲུལ་སྐུར་བསྒྱུར་ལུགས་ལ་མདོ་བསྲེ་ནས་མི་གསལ་ཞིང་མདོར་བྱས་ལས། མི་བསྐྱོད་པ་ན་རྗེས་ཞུགས་པས། །ཞལ་གསུམ་ཕྱག་དྲུག་འབར་བ་དང༌། །ཞེས་པ་ཙམ་ལས་མ་བཤད་ལ། །དེའི་དོན་རབ་ཏུ་སྒྲོན་གསལ་དང་འགྲེལ་པ་རིན་ཆེན་ཕྲེང་བ་དང…

མདུན་རྒྱབ་དང༌། གཡས་དང་གཡོན་གྱི་དབྱེ་བས་སོ། ཞེས་བཤད་དོ། །འདིར་ཟུར་ནི་དབང་ལྡན་ནས་མེ་མཚམས་ཀྱི་བར་ལྟ་བུའི་ཕྱོགས་ལའང་བྱའོ། །སྟེང་འོག་སྒོ་ཡི་དབྱེ་བ་ཡིས། །སྒོ་བཞི་པོ་ནི་བསམ་ཞེས་བཤད་པ་ལ་གཞན་དག་སྐུའི་སྒོ་དགུ་ལ་གཅིག་ཏུ་བྱས་ཏེ་དེ་བཞིན་དུ་གསུང་གི་སྒོ་བཞི་ལ་གཅིག་ཏུ་བྱས་ནས་སྒོ་གཉིས་དང༌། ཐུགས་ཀྱི་སྒོ་ལ་སྟེང་འོག་གི…

ཡང་ཁ་ཅིག་ལྷ་ཉི་ཤུ་བདུན་འགོད་ཀྱི་ལྷ་མོ་ལྔ་པོ་རྣམས་མི་འགོད་ཅེས་སོ། །དེ་ཡང་མི་རིགས་ཏེ་རྣམ་གཞག་ལས་ལྷ་མོས་རྣམས་ཀྱང་བསྐྱེད་པར་བཤད་པས་སོ། །འོ་ན་ལུས་ཀྱི་གནས་དེ་དང་དེ་དག་ཏུ་ལྷ་བསྒོམ་པ་ཙམ་གྱིས་ལུས་དཀྱིལ་དུ་འགྱུར་རམ་ཞེ་ན། མ་ཡིན་ཏེ་གཟུགས་ཀྱི་ཕུང་པོ་ལ་སོགས་པ་དེ་དག་ཉིད་ལྷའི་ངོ་བོར་བསྐྱེད་ནས་བསྒོམ་རིགས་པས་སོ། །བསྐ…

ལྔ་པོ་དེ་ཉིད་རྡོ་རྗེ་མ་ལྔར་བསྐྱེད་པར་བྱའོ། །རྡོ་རྗེ་ཕྲེང་བ་ལས། དེ་ཡི་མིག་གི་དབང་གཉིས་ལ། །ཞེས་དང༌། དེ་བཞིན་དུ་རྣ་བ་ལ་སོགས་པ་ལའང་སྦྱར་ཏེ་བཤད་པས་སའི་སྙིང་པོ་དང༌། གཤིན་རྗེ་གཤེད་ལ་སོགས་པ་གཉིས་བསྐྱེད་དགོས་པ་རྣམས་ལ་དེ་ལྟར་བྱ་སྟེ། རྟེན་སོ་སོར་ཆད་པ་རྣམས་ལའོ། །འོན་ཀྱང་ལྷའི་གྲངས་ལྷག་པར་མི་འགྱུར་ཏེ་སའི་སྙིང་པོ་…

བའི་མདུན་ན་གནས་པའོ། །གལ་ཏེ་ཡབ་ཐམས་ཅད་རྣམ་སྣང་དང༌། ཡུམ་ཐམས་ཅད་སྤྱན་མའི་རྣམ་པར་གནས་པ་མིན་ནམ་ཇི་ལྟར་གཙོ་འཁོར་དུ་འགྱུར་ཞེ་ན་བདེན་མོད་འོན་ཀྱང་འདིར་དབུས་ན་བཞུགས་པ་དེ་གཉིས་གཞན་ལས་བོང་ཚོད་ཆེ་བར་བསམས་ཏེ་དེའི་དབང་གིས་གཙོ་འཁོར་དུ་བཞག་པའོ། །གསོལ་བ་ཅི་ཞིག་འདེབས་ཤེ་ན། བདག་གི་ལུས་ད་ལྟ་ཉིད་དུ་སྐུ་རྡོ་རྗེའི་ངོ་བོར་མ…

གསོལ་བ་བཏབ་པས་རང་གིས་སྤྲོས་པའི་སྤྱན་མ་རྣམས་དང་། སྤྱན་དྲངས་པའི་རྣམ་སྣང་གི་ལྷའི་ཚོགས་གཉིས་པོ་ཐམས་ཅད་ཕན་ཚུན་རྗེས་སུ་ཆགས་པ་སྔོན་དུ་འགྲོ་བས་སྙོམས་པར་ཞུགས། དེ་ལས་མཆོག་ཏུ་དགའ་བའི་བདེ་བ་མྱོང་བས་ཚིམ། དེ་ལས་འོད་ཟེར་དཀར་པོའི་ངོ་བོར་ཞུ། དེ་ཉིད་རང་གི་སྤྱི་བོ་ནས་ཐིམ་པས་ཡེ་ཤེས་ཀྱི་ས་ཐོབ་པ་སྟེ། འོད་གསལ་མངོན་དུ་བྱས་…

ལྟར་ཡང་རུང་བས་སོ། །གསོལ་བ་འདེབས་པའི་ཚེ་རང་ཉིད་རྡོ་རྗེ་འཆང་གི་ང་རྒྱལ་དུ་གནས་པར་བྱ་སྟེ། རྡོ་རྗེ་མི་ཕྱེད་གསུམ་བསྒོམས་པས། །ཞེས་འབྱུང་བས་སོ། །ཆོས་ཀྱི་གསུང་ལམ་དཔལ་ལྡན་པས། །ཞེས་པ་ལ་ཆོས་ནི་འོད་དཔག་མེད་དོ། །དེའི་གསུང་ནི་འོད་དཔག་མེད་ཀྱི་གསུང་ངོ་། །དེ་ཉིད་གང་ལས་འབྱུང་བ་ནི་ལམ་སྟེ་འོད་དཔག་མེད་ཉིད་དོ། །ལྷག་མ་ནི་ས…