ལ་ཤར་ནས་བརྩམས་ནས། ཨོཾ་དང་ན་མ་དང་སྭཱ་ཧཱ་དང་བཽ་ཥཌ་དང་ཧཱུཾ་ཧཱུཾ་དང་ཕཊ་བྲི། ཧཱ་ཧཱི་ཧཱུཾ་ཧཻ་ཧཽ་ཧཿ རྣམས་སྤངས་པའི་ཧ་ཧི་ཧུ་ཧེ་ཧོ་ཧཾ་རྣམས་རྡོ་རྗེའི་ལྟེ་བའི་མུ་ཁྱུད་ལ་དགོད་དོ། །ལྭ་བ་པའི་འགྲེལ་པར་རྡོ་རྗེ་མཁའ་འགྲོའི་རྒྱུད་ཚིག་དྲངས་པ་ཙམ་མ་གཏོགས་པ། བྲི་ཚུལ་མི་གསལ་བ་ལ་ལྷ་སྦས་ཀྱིས། ཧ་ལ་སོགས་པ་ཐུང་ངུ་དྲུག་རྡོ་རྗེའི་…

འགྲོ་བར་འགྱུར་ཞིང༌། ལྷ་རྣམས་ཀྱིས་ཀྱང་མི་མཐོང་ངོ༌། །རོ་རས་ལ་ལྡོང་རོས་དང་ཡུང་བའི་ཁུ་བས་ཨ་ཤོ་ཀའི་སྨྱུ་གུས་སྔར་གྱི་འཁོར་ལོ་ཁྱད་པར་དུ་ཐིག་ལེས་བསྐོར་བ་བྲིས་ཏེ། གོ་ཆའི་སྔགས་བརྒྱ་བཟླས་ལ། དེ་ནས་བསྒྲུབ་བྱ་དཔུང་དང་བཞོན་པར་བཅས་པའི་མིང་སྤེལ་དང་བཅས་པ་བཟླའོ། །དེ་ནས་བསྒྲུབ་བྱའི་རྐང་རྗེས་ཀྱི་ས་དང༌། གླང་པོ་ཆེའི་རྐང་ར…

རིམས་ཀྱིས་བཏབ་པར་འགྱུར་རོ། །ཞི་བའི་བསམ་པས་ཆུ་ལ་ལན་ལྔ་བཟླས་ཏེ་གཏོར་ན་སླར་འཚོ་བར་འགྱུར་རོ། །གཞན་དང་རྩོད་པ་བྱེད་ན་བསྒྲུབ་བྱའི་རྐང་རྗེས་ཀྱི་ས་དང༌། དུར་ཁྲོད་ཀྱི་ས་དང༌། གྲོག་མཁར་གྱིས་གསུམ་བསྲེས་བ་ལ་བསྒྲུབ་བྱའི་གཟུགས་བྱས་ལ། ཆེ་གེ་མོའི་ཝཱ་ཀ་ཧ་རནྟུ་ཞེས་པའི་སྤེལ་ཚིག་དང་བཅས་པའི་འཁོར་ལོ་བྲིས་པའི་སྙིང་གར་བཅུག །ད…

ནི་སྣ་ཚོགས་པའི་གཟུགས་ཏེ། རང་བཞིན་ཅན་མཁའ་འགྲོ་མའི་རིགས་སུ་སྐྱེས་པ་དང༌། དེ་བཞིན་དུ་ལཱ་མ་དང༌། ཁཎྜ་རོ་ཧི་དང༌། དེ་བཞིན་དུ་གཟུགས་ཅན་མ་རུ་རབ་ཏུ་གྲགས་པ་དེ་དང༌། སོགས་ཀྱིས་རབ་གཏུམ་མ་སོགས་ཀྱི་རྣལ་འབྱོར་མ་དེ་ཀུན་ཏེ་ཐམས་ཅད་སྒྲུབ་པ་པོ་དེའི་དབང་དུ་འགྱུར་རོ། །སྦྲུལ་གྱི་རྒྱལ་པོ་རྙེད་ནས་དེའི་དཀར་ནག་གི་མཚམས་སུ་དུམ་བུར…

བརྒྱད་བཟླས་ནས་བདུག་གོ། དེ་ནས་བླ་མ་དང་དཔའ་བོ་དང་རྣལ་འབྱོར་མ་རྣམས་ལ་མཆོད་པ་བྱས་ནས་ལྷའི་རྣལ་འབྱོར་ལ་དམིགས་ཏེ། རས་དེ་རྣལ་འབྱོར་མའི་བཀས་དཀར་པོ་ཡར་ངོ་དང༌། ནག་པོ་མར་ངོ་ལ་བགོའོ། །དེ་གྱོན་པའི་ལུས་ཀྱིས་རྣལ་འབྱོར་པ་ཏིང་ངེ་འཛིན་ལ་མཉམ་པར་བཞག་པས་སྟོང་ཕྲག་བཅུ་བཟླས་ན་དེའི་འོག་ཏུ་མི་སྣང་བ་འགྲུབ་པར་འགྱུར་ཏེ། རས་དེ་གྱ…

བདེ་སྟོང་དབྱེར་མེད་ཀྱི་ངོ་བོར་མོས་ནས་འདོད་ཡོན་ཀུན་ལ་ལོངས་སྤྱོད་པས་ལས་ཚོགས་རྣམས་བསྒྲུབ་པར་བྱའོ། ཞེས་པའི་དོན་ཏེ། ལེའུ་དགུ་པར་སྔགས་ཀྱི་དེ་ཉིད་ཤེས་དགོས་པར་བསྟན་པ་བཞིན་ནོ། །བཞི་པ་ནི། སྔར་བསྐྱེད་པའི་ཆོ་གས་རོའི་ཁར་བསྐྱེད་པའི་ཤིང་ཡོངས་འདུའི་ཁུ་བཅུད་བླངས་ལ། དེ་ལ་བཟླས་བརྗོད་སྟོང་བྱས་ཏེ་གང་ལ་ཐིག་ལེ་བྱས་ཏེ་ཤིང་…

དེ་ནས་བདག་ཉིད་བོང་བུའི་ཞལ་གྱི་རྣམ་པའི་རྣལ་འབྱོར་སྒྲུབ་པ་པོས་དངོས་གྲུབ་མྱུར་དུ་འགྲུབ་པའི་སྒྲུབ་ཐབས་དེ་ནི་བཤད་པར་བྱའོ་ཞེས་སྦྱར་རོ། །འདི་སྒོམ་པ་དགོས་པ་གང་གི་དོན་དུ་ཡིན་ཞེ་ན། དཀའ་རྒྱལ་ཟླ་བས་ཧེ་རུ་ཀ་ཤིན་ཏུ་མཛེས་པ་ཡིན་ན། ཅིའི་ཕྱིར་མི་སྡུག་པ་བོང་བུའི་གདོང་དུ་བསྒྱུར་ཞེས་པའི་ལན་དུ། ཡིད་ནི་ཐམས་ཅད་དུ་སོང་ཞིང་བ…

ཞེས་འབྱུང་བ་བདེའོ། །ཕྱིན་ཅི་ལོག་གི་སྒྲིབ་པ་ནི་ལུས་དག་པའི་སྒྱུ་མའི་སྐུར་འགྱུར་བ་ལ་གེགས་བྱེད་པ་སྟེ། དེ་སྤངས་པ་ནི་བསྒྱུར་བའོ། །གེགས་དེ་སྤངས་པ་དེས་དག་པའི་ལུས་སུ་འགྱུར་བའི་དཔེ་ནི། །ལུས་རགས་པ་ལས་ལོགས་སུ་བྱེད་པར་སྣང་བའི་རླུང་སེམས་ཙམ་གྱི་རྨི་ལམ་གྱི་ལུས་བཞིན་དུ་འབྱུང་ལུས་རགས་པ་ལས་ལོགས་སུ་བྱེ་བའི་རླུང་སེམས་ཙམ…

བདག་མེད་པའི་ངོ་བོའོ། །ཞེས་འབྱུང་བ་ནི་རང་བཞིན་དང་འབྱུང་བ་གཉིས་ལ་སྐད་དོད་ཐུན་མོང་བ་ཡོད་པ་མ་ཕྱེད་པའི་འགྱུར་སྐྱོན་ནོ། །རྨི་ལམ་གྱི་ལུས་བཞིན་དུ་གཟུགས་བརྗེ་བའི་སྒྱུ་མའི་སྐུ་འོད་གསལ་ལས་བྱུང་བར། ལྭ་བ་པ་དང༌། ལྷ་སྦས་ཀྱིས་བཤད་པ་འདི། བདེ་མཆོག་ལ་ཡང་ཤིན་ཏུ་གལ་ཆེའོ། །གཉིས་པ་ལ་གཉིས། སྒྲས་ཟིན་ལྟར་བཤད་པ་དང༌། བརྡས་བཤད་…

ཀྱིས་ཁ་བསྐངས་ཏེ་རེ་གཉིས་པར་བྱའོ། །དེ་ལ་ཐུགས་འཁོར་དང་གསུང་འཁོར་དང་སྐུ་འཁོར་གྱི་དཔའ་བོ་རྣམས་ནི་རིམ་པ་བཞིན་དུ་མཁའ་ལྡིང་དང༌། རྨ་བྱ་དང༌། སེངྒེའི་གདོང་པ་ཅན་དང༌། སྒོ་མ་བཞི་ནི་ཁྭ་ལ་སོགས་པ་བཞིའི་གདོང་པ་ཅན་དང༌། མཚམས་མ་བཞི་ནི་མངོན་བརྗོད་མང་པོ་ལས། མ་ཧེ་དང་རི་དྭགས་ཀྱི་གདོང་པ་ཅན་དུ་བཤད་དེ། དཀའ་རྒྱལ་དང་བཤད་སྦྱར་གྱ…

སྙིང་པོའི་སྔགས་འབུམ་ཕྲག་བདུན་བཟླས་ནས་ལས་བྱ་བ་དང༌། མངོན་བརྗོད་ལས་ཉེ་སྙིང་བཟླས་པར་ཡང་བཤད་དོ། །གཉིས་པ་ནི། བོང་ཞལ་ཅན་སྒོམ་པའི་ཡིད་ཀྱི་ཤུགས་ཀྱིས་དག་པའི་སྒྱུ་མའི་སྐུར་བྱེད་པ་འདི་ལ། རྫོགས་རིམ་ཞིག་ཀྱང་བཤད་པ་ནི། ལྭ་བ་པའི་འགྲེལ་པ་ལས། དབུགས་རྣམས་ལྟེ་བའི་རྩ་བ་ནས། །གཡས་དང་གཡོན་པ་གཉིས་དག་གི། ཟླ་བ་ཉི་མར་རྣམ་པར་བཤད…

དུ་འགྲེང་བར་བསྟན་པས་ནི་རྩ་དབུ་མ་བསྟན་ནོ། །བ་ལང་གི་རྨིག་པ་འདྲ་བ་ནི་དེའི་རྨིག་པ་ཁ་བྲག་ཏུ་ཡོད་པའི་གཡས་གཡོན་གཉིས་རྒྱས་ཤིང་དབུས་སྟོང་པར་ཡོད་པ་བཞིན་དུ། རོ་རྐྱང་གི་རྩ་གཉིས་རླུང་གིས་རྒྱས་པའི་དུས་སུ་དབུས་མ་རླུང་རྒྱུ་བས་སྟོང་པའོ། །དེའི་པདྨ་ནི་རྩ་འཁོར་ཏེ། དེ་ལ་མང་དུ་ཡོད་ཀྱང་འདིར་ལྟེ་བའི་པདྨའི་རྩ་འཁོར་རོ། །དེའི…

གཡོས་པ་ལས་སོ། །གཏུམ་མོའི་མེས་ཐོག་མར་ལྟེ་བ་དང༌། དེ་ནས་སྙིང་ག་དང༌། དེ་ནས་སྟེང་དུ་སྟེ་མགྲིན་པ་དང༌། དེ་ནས་སྤྱི་བོ་སྟེ་འཁོར་ལོ་བཞི་ཡི་ལྟེ་བ་ཕུག་སྟེ་གྱེན་དུ་འགྲོའོ། །མེ་སྤྱི་བོར་ཕྱིན་པས་བྱང་སེམས་དྲངས་ནས་གསང་གནས་ཀྱི་རྩེའི་བར་དུ་འཛག་པ་ནི། སྔ་མའི་ཤུགས་ཀྱིས་ཤེས་པར་ནུས་སོ། །དེ་ལྟར་ཡས་བབས་དང་མས་བརྟན་གྱི་མཐར། ཡུ…

པས་གྲུབ་ན་ཚེ་ཟད་པ་དང་ནི་ཚེ་རིང་བ་ཡང་སྣང་བ་ཡིན་ཏེ། རང་གཞན་གྱི་ཚེ་རིང་ཐུང་ཤེས་པར་འགྱུར་རོ། །འདིར་ནི་རྣལ་འབྱོར་པ་དེ་སྔར་བོང་བུར་གྱུར་པ་ཡིན་ན། དེ་བཞིན་དུ་བོང་བུར་མཐོང་བ་དང༌། སྔོན་དུ་སྟེ་སྐྱེ་བ་སྔོན་མར་གླང་པོར་གང་སོང་བ་དེ་གླང་པོའི་གཟུགས་ཅན་དུ་མཐོང་ངོ༌། །དེ་བཞིན་དུ་རང་དང་གཞན་གྱི་སྐྱེ་བ་གང་དང་གང་སྔོན་གྱི་ས…

ཡིན་ནོ། །ལྔ་པ་ནི། བོང་བུའི་རྣལ་འབྱོར་གྱི་རིམ་གཉིས་ཀྱི་དེ་ཉིད་མཆོག་ཤེས་པའི་རྣལ་འབྱོར་པ་དེ་ནི། བདེ་མཆོག་འདིར་ཐབས་ཤེས་ཁྱད་པར་ཅན་སྦྱོར་བའི་རྣལ་འབྱོར་པ་རུ་ཐེ་ཚོམ་མེད་དོ། །གོང་དུ་བཤད་པ་དེ་དག་ཐམས་ཅད་ནི་མཁའ་འགྲོ་དྲ་བའི་བདེ་བ་མཆོག་གི་རྒྱུད་འདིར་བརྗོད་པ་ཡིན་གྱི། འདིའི་སྐོར་ལས་གཞན་དུ་མི་འབྱུང་བས་གཅེས་པར་གཟུང་ང…

པར་བྱའོ། །སྡོམ་པ་ཐམས་ཅད་ཅེས་པ་སྔར་བཤད་པའི་བཤད་རྒྱུད་རྣམས་ལ་འཆད་པ་ནི། འཁོར་ལོ་སྡོམ་པའི་སྐོར་གྱི་རྒྱུད་ཀྱི་རྣལ་འབྱོར་པ་ལ་ཞེས་པའོ། །ཁ་ཅིག་ནི་ཉན་ཐོས་ལ་སོགས་པ་ལ་སྦ་བར་བྱ་བའི་སྡོམ་པ་སྲུང་བ་དེའི་དོན་དུ་ཞེས་ཟེར་རོ། །གཉིས་པ་ནི། ཌ་ཞེས་བྱ་བ་ནི་སྐྱེས་བུ་སྟེ་སྐྱེས་པར་སངས་རྒྱས་རྣམས་ཀྱིས་བཤད་ལ། ཌི་ཞེས་པ་ནི་བུད་མེད…

རྣམས་ཀྱི་བརྡས་ཤེས་པར་བྱེད་ཚུལ་ཡང་ཤེས་པར་བྱའོ། །ཕུ་ཞེས་བྱ་བ་ནི་གནོན་པ་སྟེ་རེངས་པའི་བརྡ་ཡིན་ལ། སུ་ཞེས་བྱ་བ་ནི་ཟ་བ་ཉིད་ཀྱི་དོན་ནོ། །མ་ཞེས་པ་ནི་མ་རུ་བཤད་ལ་ཡཱ་ཞེས་པ་ནི་ཆུང་མ་དང༌། བྷི་ཞེས་པ་སྲིང་མོ་དང༌། དེ་བཞིན་དུ་བཱི་ཞེས་པ་མཛའ་མོ་དང༌། ལུ་ཞེས་པ་བུ་མོ་དང༌། སྟི་ཞེས་པ་ཁྲག་ཏུ་ཤེས་པར་བྱའོ། །དེ་བཞིན་སོ་དང་པེ་དང…

ཏུ་ཉེ་བར་བྱེད་པའི་དོན་ནོ། །འདུ་ཤེས་པར་ཞེས་པ་འགྱུར་གཞན་ལ་མེད་པ་ལྟར་བདེའོ། །སྐལ་ལྡན་གྱིས་བརྡ་འདི་རྣམས་གྲུབ་པའི་རྣལ་འབྱོར་མ་རྣམས་ཀྱི་བརྡར་བཤད་པ་ལྟར་ཡིན་ལ། དངོས་གྲུབ་བརྙེས་པའི་ཕོ་ཉ་མོའི་བརྡ་ཡིན་ནོ། །གུས་པ་དང་ཞེས་སོགས་ལ་ལོ་ཆེན་གྱི་འགྱུར་ལས། དད་པ་དང་མི་ལྡན་པ་རྣམས་ལ་སྦྱིན་པར་མི་བྱའོ། ཞེས་འབྱུང་བ་ལྟར་ལེགས་ལ…

སྐལ་བཟང་དང༌། མཚན་ཉིད་དང་མི་ལྡན་པའི་སྐལ་ལྡན་མིན་པ་ནི་མདོར་བསྡུས་ནས་ནི་བཤད་པར་བྱའོ། །འོག་ནས་སྐལ་མིན་དངོས་སུ་མི་སྟོན་ཀྱང༌། སྐལ་ལྡན་གྱིས་མཚན་ཉིད་བསྟན་པ་ལས་བཟློག་པ་ནི་སྐལ་མིན་དུ་གོ་བའི་དོན་ནོ། །སྐལ་ལྡན་ནི་ཕོ་ཉ་མོའི་དམ་ཚིག་མཆོག་ལ་གནས་པ་སྟེ་སྒྲུབ་པ་པོའི་ཡིད་དུ་འོང་ཞིང༌། དེ་ལ་ཕན་འདོགས་པར་བྱེད་པ་ཡིན་ལ། དེ་རྣ…

བུད་མེད་གང་ཞིག་ཁ་དོག་པདྨའི་རྩ་བ་ལྟར་དཀར་ལ། མིག་གི་དབྱིབས་པདྨའི་འདབ་མ་ལྟར་དཀྱུས་རིང་བ། རྟག་ཏུ་གོས་ནི་དཀར་པོ་ལ་དགའ་བ། ཙནྡན་གོར་ཤིརྵ་གསར་པའི་དྲི་དང་ལྡན་པ། བདེར་གཤེགས་ཀུན་གཅིག་ཏུ་འདུས་པ་རྡོ་རྗེ་སེམས་དཔའ་ཉིད་ལ་དགའ་བ་སྟེ་དད་པ་ནི། བདེར་གཤེགས་འདུས་པ་རྡོར་སེམས་དེའི་རིགས་ལས་བྱུང་བར་ཤེས་པར་བྱའོ། །བུད་མེད་གང་ཞི…