བཞི་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། རྣལ་འབྱོར་མ་ཐམས་ཅད་ཀྱི་ལག་པ་གཙོ་བོར་བྱས་པའི་ཕྱག་རྒྱའི་བརྡའི་ཆོ་གའི་ལེའུ་སྟེ་ཉི་ཤུ་པའོ། །འཁོར་ལོ་སྡོམ་པར་བརྗོད་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བཤད་པ་སྦས་པའི་དོན་ཀུན་གསལ་བ་ལས་ལེའུ་ཉི་ཤུ་པའི་བཤད་པའོ།། ༈ །།གཉིས་པ་ཡན་ལག་གི་མཚན་ཉིད་ཀྱི་བརྡ་ལ…

སུམ་སྐེད་དེ་སྐེད་རྒྱབ་ཅེས་འབྱུང་བ་སྟོན་པ་ལ་རྒྱབ་བམ་ས་ཞེས་འབྱུང་བ་དང༌། ནུ་མ་སྟོན་པ་ལ་ཀོ་སྐོ་དང༌། ལྟོ་བ་སྟོན་པ་ལ་ལྟེ་བ་དང༌། གསང་བའི་གནས་སྟོན་པ་ལ་ལིང་ག་དང༌། བརླ་སྟོན་པ་ལ་ཕིག་ཀ་ལ་འོག་ཅེས་འབྱུང་བ་དང༌། པུས་མོ་སྟོན་པ་ལ་བྱིན་པ་དང༌། རྐང་པ་སྟོན་པ་ལ་རྐང་མཐིལ་དང༌། སོར་ཚིགས་སྟོན་པ་ལ་སོར་མོ་དང༌། ས་སྟོན་པ་ལ་ནམ་མཁའ…

བསྟན་པའོ། །དང་པོ་ནི། ཉེར་གཅིག་པའི་རྗེས་དེ་ནས་གང་གིས་རྣལ་འབྱོར་མ་རྣམས་མཉེས་པར་འགྱུར་བ་གཞན་ཏེ་མཆོག་ཡན་ལག་གི་ཕྱག་རྒྱའི་ཁྱད་པར་ནི་བཤད་པར་བྱའོ་ཞེས་སྦྱར་རོ། །ལྭ་བ་པས་ལག་པའི་སྤྱི་ལས་ཁྱད་པར་ནི་སོར་མོ་རྣམས་སོ། །ཞེས་གསུངས་པས་ལག་པའི་ཁྱད་པར་གྱི་ཕྱག་རྒྱ་ཞེས་བྱའོ། །ཚུལ་ནི་རྒྱུད་ནས་གསུངས་པའི་ཆོ་ག་བཞིན་དུ་བཤད་པའོ། …

དུ་གུང་མོ་སྟོན་པ་ལ་མཛུབ་མོ་དང༌། སྲིན་ལག་སྟོན་པ་ལ་ལྕེ་དང༌། སྔར་བཤད་པའི་པ་ཏིས་སྟོན་པ་ལ་མདུང་རྩེ་གསུམ་དང༌། སྤྱི་བོ་སྟོན་པ་ལ་སྐྲ་མཚམས་ཀྱི་མཐའ་དང༌། ས་སྟོན་པ་ལ་ཁ་དང༌། ཁྲོ་གཉེར་སྟོན་པ་སྐྲ་མཚམས་དང༌། སོ་སྟོན་པ་ལ་མཆུ་དང༌། མགྲིན་པ་སྟོན་པ་ལ་ཁ་དང༌། དཔྲལ་བ་སྟོན་པ་ལ་མིག་བསྟན་པར་བྱ་སྟེ། སྤྱི་བོ་སྟོན་པ་ལ་སོགས་ལག་པའི…

གཉིས་པའི་རྗེས་དེ་ནས་མཁའ་འགྲོ་མ་ཡི་རྣམ་པར་རོལ་པའི་མཚན་ཉིད་སྒྲུབ་པ་པོ་གང་གིས་རིག་པའི་ཐབས་ཡང་དག་པར་བཤད་པར་བྱའོ་ཞེས་སྦྱར་རོ། །དགོས་པ་གང་གི་དོན་དུ་ཞེ་ན། མཁའ་འགྲོ་མའི་མཚན་ཉིད་ཁྱད་པར་བ་རིག་ནས་ཡུལ་ཐག་རིང་པོ་ནས་ཀྱང༌། དཔའ་བོ་དང་དཔའ་མོའི་སྲིང་མོ་རུ་དགོངས་པར་འགྱུར་བའི་ཕྱིར་དུའོ། །གཉིས་པ་ནི། སྒྲུབ་པ་པོ་གང་ལ་དམ་ཚ…

ཕྱི་དང་ནང་གི་བདེ་བ་རྟག་ཏུ་གསལ་བ་དང༌། དུ་མར་བལྟ་བ་ལ་སོགས་པའི་སྤྱོད་ལམ་སྣ་ཚོགས་པ་མྱུར་དུ་སྟོན་པ་ཤེས་པར་བྱ་བ་སྟེ། དེ་བཞིན་དུ་མཁའ་འགྲོ་མ་ལས་འབྱུང་བའི་རྟགས་གཞན་ཡང་ཤེས་པར་བྱའོ། །བསྐོར་ཞིང་རྣམ་པར་འགྱུར་བ་སྟེ་བསྒྱུར་བའི་ཚུལ་གྱི་མཛོད་སྤུ་ན། རི་མོ་ཟླུམ་པོ་གསུམ་ཡོད་པ་སྟོན་པ་སྟེ། མཁའ་འགྲོ་མ་རྣམས་སུ་ངེས་པར་འགྲོ་…

ནས་སྔ་མ་ཉམས་པར་བྱེད་པའོ། །རྣམ་པ་དེ་ལྟར་དེ་ཡི་དེ། ཞེས་པ་ནི་འགྱུར་གཞན་དང་འགྲེལ་པ་ལ་མེད་ལ། མངོན་བརྗོད་ཁ་ཅིག་ལས། དེ་ཡི་གདོང་ནི་མཛེས་གྱུར་པ། །རྡོ་རྗེ་ལྟ་བུར་གསལ་བ་ཡིན། ཞེས་པ་ལྟར་ན་མཁའ་འགྲོ་མ་དེའི་གདོང་མཛེས་པ་ལ་རྡོ་རྗེ་ལྟ་བུའི་རི་མོ་གསལ་བར་སྣང་བའོ། །མཁའ་འགྲོ་མ་དེའི་སྒྲ་ནི་ཁུ་བྱུག་གི་སྐད་ལྟ་བུར་གསལ་བར་རྟག་…

རལ་གྲི་དང་མདུང་ཐུང་ནི་ནས་ཀྱི་འབྲུ་ཚད་ཙམ་དང༌། འཁོར་ལོ་དང་རིན་པོ་ཆེ་དང་པདྨ་དང་སྣ་ཚོགས་རྡོ་རྗེ་ནི། སྲན་མ་ཙ་ན་ཀའི་ཚད་ཙམ་སྟེ་མི་བསྐྱོད་པ་ལ་སོགས་པའི་རིམ་པ་བཞིན་དུ། རང་གི་རིགས་ཀྱི་མཚན་མ་ཁ་དོག་ལྔ་པོ་རེ་རེའི་ནང་དུ་དཀྱིལ་འཁོར་གྱི་འཁོར་ལོ་ཆུད་པ་ལ་སེམས་བརྟན་པས་ཕྲ་མོའི་རྣལ་འབྱོར་བསྒོམས་པ་ལས། ཕྱག་རྒྱ་ཆེན་པོའི་དངོ…

རྟོག་པའི་ཉེས་པ་རྟོག་ལས་བྱུང༌། །རང་བཞིན་རྣམ་དག་འོད་གསལ་བའི། །སེམས་ནི་མེ་ལོང་བཞིན་དུ་བལྟ། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་པ་ནམ་མཁའ་མཚུངས། །རལ་གྲི་ཉོན་མོངས་གཅོད་བྱེད་པ། །སེམས་ཅན་དོན་བྱེད་རྣོ་བའོ། །བསོད་ནམས་ཀྱིས་བཏེག་རྒྱལ་མཚན་བཞིན། །མདུང་ཐུང་ཉོན་མོངས་འབུགས་བྱེད་པ། །སེམས་ནི་རྩེ་གཅིག་པ་ཉིད་དོ།…

འགྲོ་མའི་ཁྱད་པར་ཏེ་ཁྱད་པར་བའི་རྗེས་སུ་ཆགས་པ་དང༌། རྡོ་རྗེ་ལ་སོགས་པའི་མཚན་མའི་ཕྱག་རྒྱའི་མཚན་ཉིད་ཀྱི་ཆོ་གའི་ལེའུ་སྟེ་ཉི་ཤུ་རྩ་གསུམ་པའོ།། །།འཁོར་ལོ་སྡོམ་པར་བརྗོད་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བཤད་པ་སྦས་པའི་དོན་ཀུན་གསལ་བ་ལས། ལེའུ་ཉི་ཤུ་རྩ་གསུམ་པའི་བཤད་པའོ།། ༈ །།ལྔ་པ་མཁའ་འགྲོ་མ་རྣམས་སྤྱིར་ཤེས་པར་…

ཨ་མྲི་ཏ་སྠ་ནི་དང་ས་མ་ག་མཱ་དང༌། ཏཱ་ལི་ཀཱ་དང་ནཱ་ར་ཀཾ་དང་ཨ་མུ་ཀཾ་དང་ཀ་ཁི་ལ་དང༌། ཤྭ་ས་ནཾ་དང་པ་རི་དྷི་དང་པི་ར་ཏི་དང་ཀྲུ་ཏ་དང༌། ཨན་ཏྱ་སྠ་དང་པ་ཤུ་ལི་ཀ་དང་བྷ་གི་ནི་དང་མེ་ད་ཀ་དང༌། གྲི་ཧཱ་ཎེ་དང་ལྕེ་སོ་ལ་རེག་པ་དང་གན་དྷ་བཱ་སི་ནཱི་དང་ཀུ་ཏ་དང༌། ཀི་ར་ཎ་དང་ཏུ་ལཾ་པ་དང་ད་རོ་དང་ནི་རོ་དྷ་དང༌། ཧྲི་པ་ཏི་དང་དྷུ་ར་ཡུ་དང་དྷ…

དང་རྒྱལ་པོའི་སྐྱེས་བུ་དང༌། ནགས་ན་གནས་པ་དང་ཟོས་སོ་ཞེས་པ་དང་ངོམས་སོ་ཞེས་པ་དང་ངོ་ཚ་བའོ། །ཧཱ་རྣམ་གྲངས་སོ་ཞེས་པ་ནི་ཟ་བའི་མིང་གི་རྣམ་གྲངས་སོ། །ཧོ་ཞེས་པ་ནི་རྣམ་གྲངས་ཏེ་ཁ་ཅིག་ཏུའོ་ཞེས་པ་ནི། ཧོ་ཞེས་པ་ནི་ངོམས་པའི་མིང་གི་རྣམ་གྲངས་ཏེ། དེ་ཡང་སྐབས་ཁ་ཅིག་ཏུའོ་ཞེས་པའོ། །མར་དོ་རྐྱང་པའི་འགྱུར་ལ་དྷྲི་ཞེས་འབྱུང་ཡང་གཉིས…

པ་གྱིས་ཤིག་པ་སྟེ། སྟོང་པ་ལ་རེག་པ་དང་མེ་ཐུ་ན་གཉིས་སྦྱར་རོ། ། བརླ་ལ་རེག་ན་ད་ལྟ་དེ་བཞིན་དུ་གྱིས་ཞེས་པ་སྟེ། དེ་བཞིན་ཞེས་པ་བརླ་ལ་རེག་པ་ལ་སྦྱར་རོ། །སྟེང་དང་འོག་ཅེས་པ་ནི་ཧེ་རུ་ཀ་མངོན་འབྱུང་ལས། འོག་ན་ལྟ་ན་འོག་ན་མེད་ཅེས་པའོ། །སྟེང་དུ་ལྟ་ན་ཡོད་ཅེས་པའོ། །ཞེས་གསུངས་པ་ལྟར་བྱའོ། །ལེའུ་འདིའི་བརྡ་དང་བརྡའི་ལན་རྣམས་ཀ…

བསྒོམས་པའི་ཡེ་ཤེས་ཀྱི་ཕྱག་རྒྱ་དང༌། སྟོང་གཟུགས་ཕྱག་རྒྱ་ཆེན་མོ་ལ་བརྟེན་ནས་འདྲེན་པ་གསུམ་ལས། དང་པོ་གཉིས་ནི་རྒྱུད་དུ་མ་ཞིག་ལས་འབྱུང་ལ། གསུམ་པ་ནི། སེམས་འགྲེལ་སྐོར་གསུམ་ལས་གསལ་བར་གསུངས་ཏེ། དེ་འདྲ་བ་དེ་རྒྱུད་འདིའི་དོན་ལ་ཡང་ཡོད་པ་ནི་བདེ་མཆོག་སྟོད་འགྲེལ་ལས་བཤད་དོ། །ལས་རྒྱའི་མཐར་ཐུག་ཡུལ་ཉེར་བཞི་སོགས་ཀྱི་ཕོ་ཉ་མ…

བཤད་དུ་བཤད་ཟིན་པ་ལས་ཤེས་པར་བྱའོ། །ལྔ་པ་ནི། དཔལ་ཧེ་རུ་ཀ་མངོན་པར་བརྗོད་པའི་རྒྱུད་ལས། སྡེ་སྟེ་རིགས་བཞི་ཐམས་ཅད་ཀྱི་མཚན་ཉིད་དེ་མཚོན་པར་བྱེད་པའི་བརྡའི་ཚིག་གི་བརྡར་བཏགས་པའི་ཆོ་གའི་ལེའུ་སྟེ་ཉི་ཤུ་རྩ་བཞི་པའོ། །འཁོར་ལོ་སྡོམ་པར་བརྗོད་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བཤད་པ་སྦས་པའི་དོན་ཀུན་གསལ་བ་ལས། ལེའུ་ཉ…

ཉན་ཐོས་ལ་སོགས་པ་ཐེག་པ་ཆེན་པོ་གསང་སྔགས་ལ་མོས་པ་དམན་པ་དག་དང༌། མུ་སྟེགས་རྨོངས་པ་དོན་ཟབ་མོ་མི་ཤེས་པའི་སེམས་དང་ལྡན་པ་རྣམས་ཀྱིས་སྨོད་པ་བསྲུང་བའི་དོན་དུ་སྦས་སོ། །གཉིས་པ་ལ་གཉིས། དྲང་བའི་དོན་དུ་བཤད་པ་དང༌། ངེས་པའི་དོན་དུ་བཤད་པའོ། །དང་པོ་ནི། དེ་ལ་དཔའ་བོ་དང་རྣལ་འབྱོར་མ་རྣམས་ཀྱིས་གསལ་བར་གསུངས་པའི་གསང་སྔགས་ནི་འདི…

འོད་ཅན་ནོ། །པར་ཤུ་དགྲ་སྟ་པཱ་ཤ་ཞགས་པ་ཨུ་ཏྱ་ཏ་གདེངས་པའམ་འཕྱར་བ། ཤཱུ་ལ་མདུང་ཁ་ཊྭཱཾ་ག་དྷ་རི་ཎི་ཁ་ཊྭཱཾ་ག་འཛིན་པའོ། །བྱཱ་གྷྲ་སྟག་ཨ་ཛི་ན་པགས་པ་ཨཾ་བ་ར་གོས་དྷ་རཱ་ཡ་འཛིན་པའོ། །མཧཱ་ཆེན་པོ་དྷཱུ་མྦྲ་དུ་བ་ཨནྦྷ་ཀཱ་ར་ནི་ཁ་ཅིག་མཐར་བྱེད་པ་ལ་འཆད། ཁ་ཅིག་མུན་པའི་རྣམ་པ་ལ་འཆད་དོ། །ཝ་བུ་ཥཱ་ཡ་ནི་སྐུ་ལའོ། །ཀ་ར་གཉིས་ནི་གྱིས་ག…

པར་དངོས་གྲུབ་འདོད་པ། འབྲས་འདོད་པས་ཕུབ་མ་བརྡུང་བ་དང་འདྲ་ཞིང༌། སྔགས་ཀྱི་དེ་ཉིད་མི་ཤེས་པར་རྣལ་འབྱོར་པར་འདོད་པ་ངལ་བ་དོན་མེད་པར་གསུངས་པའི་སྔགས་ཀྱི་དེ་ཉིད་ཤེས་པ་ཡིན་པས་གལ་ཆེའོ། དེ་ཡང་རྡོ་རྗེ་མཁའ་འགྲོ་ལས། སྔོན་བསགས་ལས་ནི་མཐར་བྱེད་པ། །མེ་དང་བཅས་ཏེ་ལན་གཉིས་བཟླས། །ཀུ་རུ་ཀུ་རུ་སེམས་པ་བྲལ། ཞེས་གསུངས་སོ། །དེ་ལ་ད…

ཞེས་གསུངས་སོ། །རལ་པ་གསལ་བ་བཅིངས་པ་ཞེས་བོས་ནས། སྡང་བ་རྣམས་ཆིངས་ཤིག་ཅེས་པའི་ངེས་དོན་ནི། རལ་པ་ནི་དེ་བཞིན་གཤེགས་པའི་རིགས་ཀྱི་ཚོགས་སོ། །གྱ་གྱུ་ནི་དོན་དམ་པར་རང་བཞིན་ཅི་ཡང་མེད་བཞིན་དུ་ཀུན་རྫོབ་ཏུ་བདེན་པར་ཡོད་པར་སྣང་བའོ། །དེ་དག་བཅིངས་པ་ནི་བདག་མེད་པའི་འཁོར་ལོས་དོན་དམ་པར་གཅིག་ཏུ་བྱ་བ་སྟེ་དབྱེར་མེད་པར་རོ་གཅིག་…

བདེན་པར་བདར་བ་སྟེ་རྣམ་པར་དཔྱད་པར་བྱའོ། །ཇི་ལྟར་ཨོ་ཞེས་བྱ་བ་ཨ་དང་ཨུའི་ཆ་གཉིས་པ་ཡིན་པ་བཞིན་དུ། ཤེས་རབ་དང་ཐབས་ཀྱི་ཆ་གཉིས་ཡིན་ལ། སྒྲ་ནི་ཐབས་ཤེས་དེ་ཉིད་ཉམས་སུ་མྱོང་བ་སྟེ་དེ་དང་ལྡན་པའོ། །ཐབས་ཤེས་དེ་ཉིད་གསལ་བར་སྟོན་པ་ནི། བྷ་ཡ་ནི་བྷ་ག་སྟེ་ཤེས་རབ་བོ། །དེ་ཀྵོ་ཡི་གློ་གནས་པ་ནི་ཀྵོ་དང་མཚུངས་པ་སྟེ་མཉམ་པར་ཞུགས་པའི…