ཡོན་དང་བཅས་པའོ། །དང་པོ་ནི། རྣལ་འབྱོར་མ་རྣམས་སྒྲུབ་པའི་ཚུལ་ཇི་ལྟར་ཡིན་ཞེ་ན། རྣལ་འབྱོར་མ་རྣམས་ཀྱི་སྔར་བཤད་པའི་མཚན་ཉིད་ཀྱི་དབྱེ་བ་སྟེ་ཁྱད་པར་རྣམས་ཤེས་པར་བྱས་ནས། རྣལ་འབྱོར་མ་རྣམས་བསྒྲུབ་པོ། །དགོས་པ་གང་གི་དོན་དུ་ཞེ་ན། ཕོ་ཉ་ལ་བརྟེན་ནས་དངོས་གྲུབ་མྱུར་དུ་འཇུག་པ་ཐོབ་པར་བྱ་བའི་དོན་དུའོ། །མྱུར་དུ་དངོས་གྲུབ་འཇུ…

ཡང་མྱུར་བ་ཉིད་དུ་སྟེ་ཚེ་འདི་ཉིད་ལ་འགྲུབ་པར་འགྱུར་བས། སྒྲུབ་པ་པོས་ནང་གི་སྔགས་བཟླས་པ་དང༌། ཕྱག་རྒྱ་ལ་བརྟེན་ནས་ནང་གི་མཆོད་པ་ཉིད་ལ་རབ་ཏུ་འཇུག་སྟེ། འདི་ལས་གཞན་པ་སྟེ་མཆོག་ཏུ་གྱུར་པའི་ལྷ་མཉེས་པའི་མཆོད་པ་མེད་དོ། །དེ་ལྟར་བསྟན་པ་ནི་ཕ་རྒྱུད་མ་རྒྱུད་ཀྱི་བསྟན་བཅོས་ཀྱི་ངེས་པ་སྟེ་མི་འགྱུར་བ་ཡིན་ནོ། །དེ་ལྟར་ཤེས་པ་ཡི…

སྒྲུབ་པའི་དངོས་གྲུབ་སྒྲུབ་པའི་ཆོ་ག་ལ་སྤྱོད་པའི་ཚེ་ནི། ཕོ་ཉ་ལ་སྤྱོད་པའི་དཔལ་ཧེ་རུ་ཀའི་རྣལ་འབྱོར་གཅིག་པུ་ཁོ་ན་མཆོག་ཏུ་གྱུར་པ་ཡིན་ནོ། །ཡང་ན་དེའི་ཚེ་ཕོ་ཉ་མོ་རྣལ་འབྱོར་མ་རབ་ཏུ་བསྐུལ་བས་དངོས་གྲུབ་སྒྲུབ་པ་སྟེ་འགྲུབ་པ་དང་ཉེ་བར་འགྱུར་བས་རྣལ་འབྱོར་དེ་མཆོག་ཡིན་ནོ། །ཞེས་བཞེད་དེ་ལང་ཀ་དང་དཔའ་བོ་ཡང་དེའི་རྗེས་སུ་འབ…

ཉ་གཅིག་བྱིན་ཏེ་སྤྱོད་པ་བྱེད་པའི་སློབ་མ་བདག་གཉིད་ཆེན་པོས། ཧེ་རུ་ཀའི་ཆས་སུ་ཞུགས་པའི་བརྟུལ་ཞུགས་ཀྱི་གཟུགས་ཀྱིས་ཕྱག་རྒྱ་ཆེན་པོའི་དངོས་གྲུབ་ཀྱི་ཆོ་གའི་དོན་དུ་ཕོ་ཉ་ལ་བརྟེན་ནས་བསྒྲུབ་པར་བྱའོ། །དེ་ལྟར་བླ་མའི་མན་ངག་གི་རིམ་པས་དབང་ཐོབ་པ་ནི། རྣལ་འབྱོར་མ་རྣམས་ཀྱིས་གསུངས་པའི་ཡེ་ཤེས་ཡང་དག་པར་རྫོགས་པའི་ལུས་སུ་སྐྱེ་…

ཡན་ལག་ལས་འདས་པ་ཉིང་ལག་ཏུ་བྱས། ཤསྟ་ཎི་ཞེས་པ་མཚོན་ཆ་དང༌། བསྟན་བཅོས་གཉིས་ལ་འཇུག་པ་བསྟན་བཅོས་སུ་མཛད་ནས། ལུས་ལ་གནས་པའི་ཉིང་ལག་སྟེ་ལུས་ཀྱི་ཆ་ཤས་བྱང་སེམས་དཀར་པོ་སོགས་ཀྱི་བདུད་རྩི་ལྔ་ལ་ཀུན་ཏུ་སྤྱད་པ་ནི། བགེགས་ཐམས་ཅད་བཟློག་པ་དང༌། ཚོགས་གཉིས་འཕེལ་བའི་ཕྱིར་དུའོ། ། བསྟན་བཅོས་ནི་རྣལ་འབྱོར་གྱི་རིམ་པ་སྟོན་པའི་བསྟན་…

བརྩོན་པ་ལས་འདའ་བར་མི་བྱའོ། །ཞེས་ལྭ་བ་པ་དང་ལྷ་སྦས་ཀྱིས་བཤད་དོ། །དམ་ཚིག་ཅན་མ་དེ་རྣམས་དང་ལྷན་ཅིག་ཕྱག་རྒྱ་ཆེན་པོའི་ཐབས་སུ་བདེ་བ་བསྐྱེད་པར་བྱའོ། །གྲོལ་བའི་དོན་ནི་བདག་གི་ལུས་གནས་པར་བྱ་བ་དང༌། ལུས་དེའི་དོན་དུ་བདུད་རྩི་རྣམ་པ་ལྔ་བསྟེན་པར་བྱ་བར་ལྷ་སྦས་ཀྱིས་བཤད་དེ། དེ་དོན་དུ་ཞེས་འདོན་ནོ། །འགྲེལ་པ་གསུམ་ལས་བདག་གི…

བཅོས་མའི་སྐྲ་དང་སྐྲ་དངོས་ལ་སོགས་པས་བརྒྱན་ཞིང༌། རྡོ་རྗེས་མཚན་པའི་ཐོད་པ་ཁ་ཊྭཱཾ་ག་དང་བཅས་པ་དང༌། ཌཱ་མ་རུ་བརྡུང་ཞིང་ངག་ཏུ་ཧཱུཾ་གྱི་སྒྲ་སྒྲོགས་པ་ཞེས་པ་ནི་སྤྱོད་པ་བྱེད་མཁན་ལྷའི་ཆས་སུ་འཇུག་པའོ། །འདི་དག་གིས་སྤྲོས་བཅས་ཀྱི་སྤྱོད་པ་སྟོན་པ་ནཱ་རོ་པའི་མན་ངག་དག་ཡིན་པས། ཧེ་རུ་ཀ་ལས་གཞན་པའི་ལྷའི་ཆས་སུ་འཇུག་པ་ཡང་སྟོན་པ…

གཉིས་གཞན་དུ་དྲངས་པའི་འགྱུར་ལ། དཔའ་བོ་ཀུན་དང་རྣལ་འབྱོར་མའི། གོ་ཆ། ཞེས་ཀྱང་འབྱུང་བ་ལྟར་ན་དཔའ་བོའི་གོ་ཆ་དང༌། དཔའ་མོའི་གོ་ཆ་གཉིས་ཀྱིས་བརྒྱན་པའི་དོན་ནོ། །སྲོག་ཆགས་ཀྱི་ཡན་ལག་སྟེ་ལུས་ལས་བྱུང་བའི་སྟག་ལྤགས་དང༌གླང་ལྤགས་ཀྱི་སྨད་གཡོགས་དང་སྟོད་གཡོགས་ན་བཟར་གྱོན་ཞིང༌། ལྷན་སྐྱེས་ཀྱི་བདེ་བ་འདོད་ཅིང་དོན་དུ་གཉེར་བས་བད…

བ་མེད་པར་སྤྱད་དོ། །མཚན་མོ་ཞེས་སོགས་རྐང་པ་བཞི་པོ་འདི་འགྲེལ་པ་གཞན་རྣམས་ལ་མི་སྣང་ཡང༌། འགྱུར་བཞི་ཀ་ལ་འབྱུང་བ་ལྟར་བྷ་བའི་འགྲེལ་པར་ཡང་འབྱུང་ངོ༌། །གསུམ་པ་ལ་གཉིས། གཙང་སྦྲའི་མཆོད་པ་དང༌། དེ་ལྟར་བྱས་པའི་ཕན་ཡོན་ནོ། །དང་པོ་ནི། ཧེ་རུ་ཀའི་རྣལ་འབྱོར་གྱིས་གཙང་སྦྲ་བྱེད་པ་དེ་ལ་གཙང་སྦྲ་རྣམ་པ་གསུམ་དུ་ཤེས་པར་བྱ་སྟེ། དེ་ཡ…

པོ་གང་ལས་ཕྱག་རྒྱ་ཆེན་པོའི་དངོས་གྲུབ་འབྱུང་བར་མི་འགྱུར་ཏེ་འབྱུང་བར་འགྱུར་རོ། །རྣལ་འབྱོར་གྱི་རྒྱུད་དེ་ཉིད་བསྡུས་པ་དང༌། སྒྱུ་མ་བདེ་མཆོག་དང༌། གསང་བ་མཛོད་ཀྱི་རྒྱུད་དང༌། རྣལ་འབྱོར་གྱི་རྒྱུད་དཔལ་མཆོག་དང་པོ་དང༌། རྡོ་རྗེ་འཇིགས་བྱེད་ཀྱི་རྒྱུད་དང༌། བཟླས་པ་དང་བརྟུལ་ཞུགས་དང༌། སོགས་ཀྱིས་སྦྱིན་སྲེག་དང་འཁྲུལ་འཁོར་ས…

སྟོབས་བཅུ་ལ་སོགས་པ་ཀུན་ཚང་བ་དེ་ལྟ་བུར་རྣལ་འབྱོར་པ་ཡང་འགྱུར་བས་ཕན་ཡོན་ཆེའོ། །སྒྲུབ་པ་པོ་ཕོ་ཉ་མོ་དང་གཉིས་སུ་མེད་པར་སྦྱོར་བ་ལས་བྱུང་བ་ཡི་བདེ་བའི་ཆུ་སྟེ་བདེ་སྟོང་གཉིས་སུ་མེད་པ་ཉིད་གཉིས་སུ་མེད་པར་སྦྱོར་བའི་སྒྲུབ་པ་པོ་ཡིས། རེག་པ་སྟེ་བསྟེན་པས་གཞན་གྱི་ལུས་ལ་རེག་པ་དང་ནི་གཏམ་སྨྲས་བས་ཀྱང་དག་པར་བྱེད་ཅིང༌། སྡིག་…

བཤད་རྒྱུད་ལས་གསུངས་པའི་ཆོ་ག་ཇི་ལྟ་བ་བཞིན་དུ་གཏོར་མ་སྦྱིན་པར་བྱའོ། །དེ་ཡང་སྡོམ་འབྱུང་ལས། དཀྱིལ་འཁོར་སྦྱིན་སྲེག་བཟླས་པ་དང༌། རབ་གནས་ཞི་བ་རྒྱས་པ་དང༌། །དབང་དང་བསྐྲད་པ་བསད་པ་དང༌། །འབྱུང་པོ་གནོད་སྦྱིན་མོ་སྒྲུབ་དང༌། །གནས་ཀྱི་སྒྲུབ་པའི་དུས་རྣམས་དང༌། །ལས་རྣམས་ཀུན་ལ་མཆོག་ཡིན་ཏེ། །མྱོས་བྱེད་གཏོར་མ་མེད་པར་ལས། །མ…

པ་ལྭ་བའི་ན་བཟའ་ཅན་གྱིས་ལེགས་པ་བཀྲལ་བ་སོགས་ནི། ལཱུ་ཨི་པའི་རྣམ་བཤད་དང་སྒྲུབ་ཐབས་སུ་བཤད་ཟིན་པ་ལས་ཤེས་པར་བྱའོ། །གཏོར་མ་ཕུལ་བའི་ཕན་ཡོན་ནི། སྒྲུབ་པ་པོའི་སྐྱེ་བོ་གུས་པའི་བསམ་པ་ཅན་གྱིས་མགྲོན་གཉིས་པོ་དེ་རྣམས་ལ། གཏོར་མས་ཆོད་པ་བྱས་ན། ཧེ་རུ་ཀ་དཔལ་སྒྲུབ་པ་པོ་ལ་མངོན་པར་དགའ་བ་སྟེ་དགྱེས་པར་འགྱུར་ལ། དགྱེས་ན་མགུ་བའི་…

མའི་སྔགས་བརྗོད་ནས། སྐད་ཅིག་ལ་ཕུང་པོ་ཁམས་སྐྱེ་མཆེད་དག་པ་དང༌། གོ་ཆ་གཉིས་དང༌། ལུས་ཀྱི་གནས་ཉེར་བཞི་རྣམས་ལ། དཔའ་བོ་དང་དཔའ་མོ་ཉེར་བཞི་ལ་སོགས་པ་མཐའ་དག་ཚང་བར་ལྷག་པར་མོས་ཏེ་མདུན་དུ་དྲི་བཟང་ལ་སོགས་པའི་མཎྜལ་བྱས་ལ། དེར་ལྷའི་འཁོར་ལོ་མཆོད་ནས་གཏོར་མ་གཏོང་བར་བཤད་དེ། ཆོ་ག་འདི་བདེའོ། །གསུམ་པ་ནི། དཔལ་ཧེ་རུ་ཀ་མངོན་པར་བ…

དོན་བྱེད་པའི་ཕྱིར་རྣམ་པར་དག་པའི་དངོས་པོ་སྟེ་བདག་ཉིད་དོ། །མྱ་ངན་ལས་འདས་པ་ནི་མཆོག་ཏུ་དགའ་བ་ལྷན་ཅིག་སྐྱེས་པའི་གནས་སྐབས་སོ། །དེ་ལས་བྱུང་བ་ནི་དེའི་རྗེས་ཐོགས་སུ་དཔའ་བོ་དང་རྣལ་འབྱོར་མ་རྣམས་མཆོད་པར་བྱའོ་ཞེས་སྦྱར་རོ། །དེ་ལྟར་ཕྱི་དང་གསང་བའི་མཆོད་པས་བདག་ཉིད་མཆོད་པ་དེ་ཡིས་ནི་བདག་ཉིད་སངས་རྒྱས་སུ་བྱས་པ་མཆོད་པས། ས…

བྱེད་ན་སྤྲོས་མེད་ཀྱི་སྤྱོད་པར་འགྱུར་རོ། །གཉིས་པ་ནི། རང་དང་བདེ་བ་དང་སྡུག་བསྔལ་ཀུན་ལྷན་ཅིག་ཏུ་སྟེ་ཐུན་མོང་དུ་འབྱུང་བའི་སྤུན་དང་བུ་ལ་སོགས་པ་དེར་ནི། འཇིག་རྟེན་པའི་བརྩེ་གདུང་གི་དབང་གིས་སྔགས་དང་ཕྱག་རྒྱ་འཆིང་བ་དང༌། ཕྱག་རྒྱ་ཆེན་པོའི་ཡེ་ཤེས་དང༌། དཀྱིལ་འཁོར་དང་ཚོགས་ཀྱི་འཁོར་ལོ་བསྟན་པར་མི་བྱ་ཞིང༌། རྡོ་རྗེའི་གླ…

བྷ་བས། མན་ངག་རྣམ་པར་ཉམས་མི་བྱ། ཞེས་འདོད་པའི་དོན་ལན་ཅིག་ཙམ་གསོལ་བ་བཏབ་པ་ལ། སྲེག་པའི་དབང་གིས་དབང་བསྐུར་བ་སོགས་མི་བྱ་བ་ལ་བཤད་དོ། །འོ་ན་གང་ལ་སྦྱིན་སྙམ་ན། དབང་བསྐུར་བ་དང་དམ་ཚིག་ལ་གནས་པ་ལ་མན་ངག་རྣམས་ཀྱང་དོན་ཇི་ལྟ་བ་བཞིན་དུ་སྦྱིན་པར་བྱའོ། །ཕོ་ཉ་མོ་དམ་ཚིག་དང་ལྡན་པ་མ་གཏོགས་པ་འདོད་མའི་ཁྱད་པར་གཞན་དག་ལ། འདོད་པ་…

ནི་དམ་ཚིག་དང་ལྡན་པའི་ཕོ་ཉ་མོ་འདའ་བ་སྟེ་སྟོབས་ལ་སོགས་པས་བླངས་ལ་སྤྱད་པར་བྱ་ཟེར་རོ། །ལས་རྒྱ་སྐྱེ་གནས་བཟང་བའམ་ངན་པ་ཡིན་ཡང་རུང་ཕོ་ཉའི་མཚན་ཉིད་ཕུན་སུམ་ཚོགས་པར་མ་གྱུར་ན། སྐྱེ་གནས་དམན་པ་ཡིན་ལ། དེ་ལ་མི་གནས་པ་ནི་མཚན་ཉིད་ཚང་བ་ཡིན་པས་དེ་ལ་བསྙེན་བཀུར་གྱིས་གུས་པར་བྱ་བ་ཉིད་དེ་དེ་ཙམ་ནི་བྱ་བ་མིན་ནོ། །ལཱ་བ་པས། ཕོ་ཉ་མ…

ཞེས་ལྷ་སྦས་ཀྱི་འགྲེལ་པར་འབྱུང་བ་འགྱུར་ལེགས་སོ། །དེ་ལྟ་བུས་དམ་ཚིག་ཉམས་ན། དེ་ལས་ལྡང་བའི་ཐབས་དམ་ཚིག་གསོ་བའི་སྒྲུབ་ཐབས་དང༌། བཟླས་པ་ལྭ་བ་པ་དང་ལྷ་སྦས་ཀྱི་འགྲེལ་པར་བཤད་དོ། །མཆོག་དང་ལྷན་ཅིག་འཇུག་པར་བྱ། ཞེས་པ་ལྟར་ན་ཕོ་ཉ་མཆོག་དང་ལྷན་ཅིག་ཏུ་ཟླ་བོ་འགུགས་པའི་ཆོ་ག་ལ་རྣམ་རྟོག་མི་བྱ་ཞིང༌། ཟས་ལ་ལྷན་ཅིག་ཏུ་ལོངས་སྤྱོད…

པ་དང༌། ལག་པ་གཡོན་པ་མཆོད་ནས་ལག་པ་གཡོན་གྱི་སྤྱོད་པས་རབ་ཏུ་མཆོད་པར་བྱེད་པ་དང༌། རིག་མ་ལ་སྔོན་དུ་ལག་པ་གཡོན་པས་འཁྱུད་པ་དང༌། ལག་པ་གཡོན་པ་ཡིས་ནི་ལྷ་ལ་མཆོད་ཅིང་ཟས་ཟ་བ་སྟེ། དེ་ལྟར་གཡོན་པའི་ཀུན་སྤྱོད་ཀྱིས་སྤྱོད་པ་ནི། བརྟུལ་ཞུགས་མ་ཉམས་ཤིང་བརྟུལ་ཞུགས་རྫོགས་པའོ། །ཧེ་རུ་ཀ་མངོན་འབྱུང་ལས། གཡོན་པའི་ཀུན་སྤྱོད་མང་དུ་གས…