ཡུལ་ཉིད་ཀྱིས་ནི་ཕྱེ་བ་སྟེ། འཁོར་ལོ་བཞི་རྣམས་སུ་བཀོད་པའོ། །འཁོར་ལོ་བཞི་ལ་ཡི་གེ་བཀོད་པ་དེ་ནས་རྩ་གཡས་གཡོན་གཉིས་ལ། ས་བོན་ཏེ་དབྱངས་གསལ་གྱི་ཕྲེང་བས་ཟིན་པར་བྱ་སྟེ། རྡོ་རྗེ་མཁའ་འགྲོ་ལས། གཡོན་དང་གཡས་ཀྱི་ངོས་གཉིས་སུ། །དབྱངས་ཡིག་བཅུ་གཉིས་སྟེང་བལྟས་བྲི། །ཀ་སོགས་འོག་ཏུ་བལྟས་པ་ནི། །ངོས་གཉིས་དག་ཏུ་སྤེལ་བ་སྟེ། །དབུ…

པ་ནི་དཀའ་རྒྱལ་གྱིས་འགོག་པ་ནི་འགྲོ་བ་དང་འོང་བ་རེངས་པའོ། ཞེས་རླུང་འགྲོ་འོང་བྱེད་མི་ནུས་པ་ལ་བཤད་པ་ལྟར་ཡིན་ལ་དེ་ཡང་ལུས་ལ་གནད་དུ་བསྣུན་པའི་རྣལ་འབྱོར་གྱི་སྟོབས་ཀྱིས་བྱེད་དེ། འདིའི་ལུས་ལ་གནད་དུ་བསྣུན་པ་ཐམས་ཅད་ལ་སྦྱར་བར་བྱའོ། །དེ་ལྟར་རླུང་གཉིས་བཅིངས་པ་ལས་བསྒྲུབ་བྱ་སྟེ་དངོས་གྲུབ་ཏུ་འགྱུར་བ་སྟེ། རྟེན་དེ་དམིགས…

འགྲོ་བས་བྱང་སེམས་ཕབ་པའི་རྒྱུན་གྱིས་མཆོག་ཏུ་དགའ་བ་ལ་སྦྱོར་བས་སོ། །ཡང་ལས་རྒྱ་དང་སྦྱོར་བ་ལ་བཤད་པ་ནི། རྡོ་རྗེ་མཁའ་འགྲོ་ལས། ཤེས་རབ་ཐབས་ཀྱི་མཉམ་སྦྱོར་གྱིས། །ཁ་སྦྱོར་ཞེས་བྱར་བརྗོད་པ་ཡིན། །ལག་གཉིས་ཀུན་ཏུ་འཁྱུད་པ་ནི། །རྡོ་རྗེ་ལུ་གུ་རྒྱུད་བཅིངས་བརྗོད། ཅེས་གསུངས་པ་ལྟར་རོ། །ཐབས་ཀྱི་རྡོ་རྗེ་ཤེས་རབ་ཀྱི་པདྨ་དབྱེ་བ…

པ་ལྟར་རིམ་པ་བཞི་ཀ་འཆད་ཅིང༌། རྩ་གནས་སུ་ཡི་གེ་བཀོད་པ་ལ་ཆོས་ཀྱི་ཕྱག་རྒྱར་བྱས་ནས། དེ་སྒོམ་པ་ལ་ཆོས་ཀྱི་ཕྱག་རྒྱ་སྒོམ་པར་འཆད་དོ། །འོན་ཀྱང་ཆོས་རྒྱ་ནི་ཡི་གེ་ལ་དམིགས་ནས་སྒོམ་པ་ཁོ་ན་ལ་མི་བྱ་བར་དེ་ལ་བརྟེན་ནས་སྐྱེས་པའི་རྫོགས་རིམ་དངོས་ལ་ཡང་བྱའོ། །གསུམ་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། ཐབས་ཤེས་…

པ་འདིས་མྱུར་དུ་སྟེ་རིང་པོར་མི་ཐོགས་པར་དངོས་གྲུབ་འགྲུབ་པར་བྱེད་པར་ནི་ཐེ་ཚོམ་མེད་པས། དངོས་གྲུབ་འདོད་པ་རྣམས་ཀྱིས་ཕྱག་རྒྱའི་མཆོད་པ་དེ་བསྟེན་པར་བྱའོ། །གཉིས་པ་ལ་གཉིས། དེ་ཁོ་ན་ཉིད་ཀྱི་མཆོད་པ་དང༌། དེ་ལ་བརྟེན་ནས་ལས་སྒྲུབ་པའི་ཆོ་གའོ། །དང་པོ་ལ་གཉིས། ཕྱག་རྒྱ་གཉིས་ལ་བརྟེན་པའི་མཆོད་པ་དང༌། ཕྱག་རྒྱ་བཞིའི་རྣམ་གཞག་ཅུ…

རྩ་རྒྱུད་ཀྱི་གང་དུ་སྦས་པ་ཡང་ཤེས་པར་བྱའོ། །མཁའ་འགྲོ་ནི་རྡོ་རྗེ་ཕག་མོའོ། །དཔའ་བོ་ནི་ཧེ་རུ་ཀ་སྟེ་གཉིས་སུ་མེད་པར་སྦྱོར་བའོ། །དེ་བཞིན་དུ་སྙིང་པོ་རྣམས་ཀྱིས་ཞེས་པ་ནི། ཡབ་ཡུམ་གྱི་གནས་བཞིར་སྙིང་པོ་གཉིས་དང༌། ཉེ་སྙིང་གཉིས་ཀྱི་སྔགས་རྣམས་འགོད་པ་སྟེ། ཀུན་སྤྱོད་ལས། ལྟེ་བ་སྙིང་ག་ཁ་དང་དཔྲལ་བ་རུ། །སྔགས་ཀྱི་ཚོགས་དང་བཅ…

འགྱུར་ལེགས་སོ། །སྔགས་པས་མཁའ་འགྲོ་མ་ཕག་མོ་དང་སྦྱར་ལ། སྔགས་རྣམས་གནས་བཞིར་འགོད་པ་དེ་བཞིན་དུ་བྱའོ། ཞེས་བྱ་སྟེ། སྐལ་ལྡན་ལ་སོགས་པས། སྔགས་པས་མཁའ་འགྲོ་མ་སྦྱོར་ལ། །སྙིང་པོ་རྣམས་ཀྱིས་དེ་བཞིན་བྱ། །ཞེས་འདོད་ནོ། །དེ་ལྟར་བྱས་པའི་འོག་ཏུ་བློ་ལྡན་ཏེ་སྙོམས་འཇུག་གི་ལས་ལ་མཁས་པས། རྣལ་འབྱོར་མ་ལས་དང་དམ་ཚིག་གི་ཕྱག་རྒྱའི་པད…

པ་ན་སྲོག་དྷཱུ་ཏཱིར་སྡུད་ནུས་པས་དེའི་དབང་དུ་བྱས་པ་ཡིན་པར་ཤེས་པར་བྱ་བ་ནི་གནད་ཀྱི་དོན་ནོ། །གཉིས་པ་ནི། དེ་ལྟར་སོ་བཞི་པ་དང་སོ་ལྔ་པས་ཕྱག་ཆེན་དང་ཆོས་རྒྱ་བསྟན། ལེའུ་འདིའི་འདི་ཡན་ཆད་ཀྱིས་དམ་ཚིག་དང་ལས་རྒྱ་བསྟན་པར་བྱེད་པའི་ལུགས་ཀྱིས་ཕྱག་རྒྱ་བཞི་སོ་སོའི་ངོས་འཛིན་ནི་བཤད་ཟིན་ཏོ། །ཕྱག་རྒྱ་བཞི་ཡང་བཤད་རྒྱུད་ལས། དེ་ཕ…

རྒྱ་དང༌། ལོངས་སྐུ་ནི་ཕྱག་ཆེན་དང༌། བདེ་སྟོང་གི་བྱང་ཆུབ་ཀྱི་སེམས་བདེ་བ་ཆེན་པོའི་སྐུ་ནི་དམ་རྒྱ་དང༌། ཕྱག་རྒྱ་བཞི་པོ་རེ་རེ་ཡང་ཕྱག་རྒྱ་བཞི་བཞིའི་བདག་ཉིད་དོ་ཞེས་འཆད་དོ། །བླ་མ་སྔ་མ་རྣམས་ཀྱི་ལས་རྒྱ་དང་དམ་རྒྱའི་ངོས་འཛིན་དྲིལ་བུ་ཞབས་དང་མཐུན་ལ། ཕྱག་རྒྱ་གཞན་གཉིས་ལ་མི་འདྲ་བ་ཆེན་པོ་ཡོད་དེ། བདེ་མཆོག་རིམ་ལྔའི་བཤད་པ་…

ཡུལ་དབང་རྣམས་དེའི་ངོ་བོར་སྦྱར་བའམ། ཡང་ན་དབང་ཡུལ་རྣམས་སྒྱུ་མ་ལྟ་བུའི་རང་བཞིན་དང་གཉིས་སུ་མེད་པར་རིག་ནས་སྦྱར་རོ། །སྐལ་ལྡན་ལ་སོགས་པས་ནི་ལས་སྒྲུབ་པ་དེ་ཉིད་ནི། ལས་སོ་སོའི་དབྱེ་བས་ཕྱེ་བའི་སྔགས་དེ་རྡོ་རྗེ་དང་པདྨའི་རྩ་ལ་སྟེ་རྩའི་ལམ་དུ་ངེས་པར་སྦྱར་ཞས་འཆད་དེ། གསང་གནས་གཉིས་ནས་སྔགས་འཁོར་བའི་ཚུལ་གྱིས་ལས་སྒྲུབ་པའོ…

ཡིན་ན། །གཞན་རྣམས་ལྟ་ཅི་སྨོས་ཞེས་དགོངས་སོ། །གསུམ་པ་ནི་དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། ཕྱག་རྒྱ་གཉིས་ལ་བརྟེན་པའི་དེ་ཁོ་ན་ཉིད་ཀྱི་མཆོད་པ་དང༌། ཞི་སོགས་ཀྱི་ལས་སྒྲུབ་པའི་ཆོ་གའི་ལེའུ་སྟེ། སུམ་ཅུ་རྩ་དྲུག་པའོ།། །།འཁོར་ལོ་སྡོམ་པར་བརྗོད་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བཤད་པ་སྦས་པའི་དོན་ཀུ…

༼འདི་ནས་མ་མི་འདུག་༽དང་པོ་ནི། ཕན་ཚུན་ཞེས་སོགས་ཀྱིས་ལས་སྒྲུབ་པའི་སྒྲུབ་ཐབས་གསུངས་ཏེ། ཕན་ཚུན་ནི་ཕྱི་དང་ནང་ངོ༌། །མཁའ་འགྲོ་མ་ཉེར་བཞི་ནི་སྔགས་དང་འདྲ་བས་གསང་སྔགས་སོ། །མཁའ་འགྲོ་མ་དང་གཅིག་ཏུ་སྦྱར་བ་ནི། ཕྱི་དཀྱིལ་འགོད་པ་དང༌། ནང་ལུས་དཀྱིལ་འགོད་པ་གཉིས་ཀ་བསྡུས་ཏེ་སྒོམ་པ་ལ་འཆད་དོ། །སྐལ་ལྡན་ལ་སོགས་པ་ནི། ཡབ་ཡུམ་ཕན་…

ནི། ཏིལ་དམར་པོའི་མར་གྱིས་ས་ལུ་དམར་པོ་བཏགས་པ་དང་ལྡན་པས་ལུས་ཀྱི་དྲི་མ་དྲིལ་བས་ལུས་ནི་བསྐུལ་པར་གྱུར་ཅིང༌། ས་ལུའི་ཁམ་སྐྱོང་མར་གྱིས་བཙོས་པའི་སྣུམ་འཁུར་སྔགས་པས་བྱས་ནས་ནི། དེ་བཟའ་བ་ལ་རབ་ཏུ་སྦྱར་ཏེ་བྱིན་ན། གལ་ཏེ་ལས་སྦྱོར་འདི་མ་བཏང་ན་ཇི་སྲིད་འཚོ་བ་ཡི་བར་དུ་བསྒྲུབ་བྱ་དེ་རྟག་ཏུ་རང་གི་དབང་དུ་འགྱུར་རོ། །ཏིལ་ནག་ས…

པས་སྔར་བཤད་པའི་སྦྱིན་སྲེག་རྫོགས་པའི་མཐར་བ་ལང་གི་ཤ་ཁྲག་གིས་ནི་གཏོར་མ་དབུལ་བ་བྱས་ན་ནི། ཁམས་གསུམ་པ་རྣམས་སྐད་ཅིག་གིས་ཏེ་མྱུར་དུ་འགུགས་པ་མཚོན་ཏེ་ཞག་བདུན་གྱིས་ནི་འགྲུབ་པར་འགྱུར་རོ། །ལྭ་བ་པས། ལྟེ་བའི་ཐབ་ཁུང་དུ་པདྨའི་དབུས་སུ་ལྷ་མཐེ་པོའི་ཚད་ཙམ་མམ། ནས་ཙམ་པ་སྐུ་མདོག་དམར་པོ་ཞལ་གཅིག་ཕྱག་གཉིས་པ་ཉི་གདན་ལ་བཞུགས་པ། …

བསྒྲུབས་པས་ཀྱང་འགྲུབ་པར་འགྱུར་རོ། །གསུམ་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། ནང་གི་བདག་ཉིད་ཀྱི་དབང་དུ་བྱ་བ་ནི། ལྭ་བའི་ན་བཟའ་ཅན་གྱིས་ནང་གི་སྦྱིན་སྲེག་གིས་དབང་དུ་བྱེད་པ་གསུངས་པ་ལྟ་བུ་སྟེ། གཙོ་བོའི་མིང་གིས་བཏགས་པའོ། །དེ་འདྲ་བའི་ཆོ་གའི་ལེའུ་སྟེ། སུམ་ཅུ་རྩ་བདུན་པའོ།། །།འཁོར་ལོ་སྡོམ་པར་བར…

ཚིག་དང༌། བྱ་བའི་ཆ་ཡི་དམ་ཚིག་བསྟན་པའོ། །དང་པོ་ནི། སྦ་བར་བྱ་བའི་དམ་ཚིག་ནི། དཔའ་བོའི་དབང་ཕྱུག་ཧེ་རུ་ཀ་དང་དེས་མཚོན་ནས། ཕག་མོ་ལ་སོགས་པའི་སྐུ་མངོན་གསལ་ཅན་དུ་མི་བྲི་བར་རྣམ་པ་ཀུན་ཏུ་སྦས་ཏེ་བྲི་བར་བྱ་བ་དང༌། བྲིས་པ་ཡང་སྦ་བར་བྱའོ། །དེ་ལྟར་ཡང་བཤད་རྒྱུད་ལས། གླེགས་བམ་དང་ནི་བྲིས་སྐུ་ཉིད། །གལ་ཏེ་སྐལ་བ་མེད་མཐོང་ན། །…

ང་ནི་མི་ལྟ་བ་སྟེ་ཐུགས་རྗེས་མི་འཛིན་ནོ། །འོག་ཏུ་འདི་ཡི་བཟློག་ཕྱོགས་ལ། ཧེ་རུ་ཀ་དཔལ་བལྟ་དཀའི་རྒྱུད། །གང་ཞིག་སྲུང་བར་བྱེད་པ་ནི། ཞེས་གསུངས་པས་སྔགས་མི་གསང་བར་འདོན་པ་རྐྱང་པ་མིན་གྱི། འདིའི་དམ་ཚིག་སྤྱིར་མི་སྲུང་བ་དང་། ཁྱད་པར་དུ་གསང་བར་བྱ་བ་མི་སྲུང་བར་སྣོད་མིན་ལ་གསང་བ་སྟོན་པ་ཀུན་ལ་བྱའོ། །ཐུགས་ཀྱིས་མི་འཛིན་པ་ཙ…

ལྷ་རྣམས་ཀྱི་ནི་མཆོག་ཏུ་བདེ། །དམ་ཚིག་མེད་པའི་སློབ་མ་ལ། །ནམ་ཡང་སྦྱིན་པར་མི་འགྱུར་རོ། ཞེས་གསུངས་ལ། ལྷ་རྣམས་ཀྱང་ནི་ཞེས་སོགས་ཀྱི་དོན་ནི། །ཛྙཱ་ན་བོ་དྷིས། སྤོས་དང་མེ་ཏོག་ལ་སོགས་པ། །ཕུལ་ཡང་བཞེས་པར་མི་འགྱུར་རོ། །ཞེས་དྲངས་པ་ལྟར་དམ་ཚིག་རྣམས་ལས་འདས་ནས། སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་ཕུལ་ཡང་མི་བཞེས་པ…

གུས་པས་བསྙེན་བཀུར་བར་བྱེད་པ་དང༌། གསང་བའི་གནས་སྲུང་པར་བྱེད་པའི་སྒྲུབ་པ་པོ་ལ། མཁའ་འགྲོ་མ་རྣམས་རྟག་ཏུ་དགའ་བར་འགྱུར་ཞིང༌། དེ་ལ་དངོས་གྲུབ་ཐམས་ཅད་འབྱུང་བ་སྟེ་སྩོལ་པར་འགྱུར་རོ། །ལོ་ཆེན་གྱིས། གསང་བ་སྲུང་པའི་སྒྲུབ་པོ་ལ། །མཁའ་འགྲོ་མ་རྣམས་རྟག་དགའ་བ། ཞེས་བསྒྱུར་རོ། །དངོས་གྲུབ་ནི་སྒྲུབ་པ་པོ་དཔའ་བོ་ཧེ་རུ་ཀ་ཉིད་དུ…

རྐང་པ་བརྒྱད་པ་ལན་བདུན་དུ་ནི་བརྗོད་པར་བྱའོ། །ལོང་ཡོད་ན་དེ་ལྟར་བྱ་མེད་ན་ལན་ཅིག་གིས་ཀྱང་འགྲུབ་ཅེས་མར་དོ་གསུང་ངོ༌། །རབ་སྟེ་མཆོག་གི་སྔགས་རྐང་བརྒྱད་ལ་མཐར་ཧཱུཾ་དང༌། ལ་སོགས་པས་ཧཱུཾ་གཉིས་པ་དང་ཕཊ་དང༌། མགོར་ཨོཾ་བརྗོད་པས་རབ་ཏུ་ཕྱེ་བ་བརྗོད་ལ། དེ་ནས་འབད་དེ་ཕྱག་བྱས་ན་སངས་རྒྱས་དང་ལ་སོགས་པས་བྱང་སེམས་ཐམས་ཅད་ལ་མཆོད་པར…