བཤད་པ་དེ་རྣམས་ནི་ལྭ་བ་པའི་འགྲེལ་པར་གསལ་བར་འབྱུང་བས་ཁ་བསྐངས་པའོ། །གཉིས་པ་ནི། སྐལ་ལྡན་ལ་སོགས་པ་ནི་མེ་ཏོག་ཆུ་ནི་སྔར་དང་འདྲ། སྔགས་ནི་རྩ་སྔགས་སམ་ཡི་གེ་བདུན་པ་དང༌། དེ་བཞིན་སྦྱིན་ནི་འཁོར་ལོ་གསུམ་ལ་གནས་པ་ལ་སྦྱིན་པ་དང༌། གཙོ་མོ་ཆེ་ཞེས་པ་ལ་ནག་མོ་ཆེ་ཞེས་འདོན་ཞིང༌། དོན་ནི་རྡོ་རྗེ་ཕག་མོ་ལ་འཆད་དེ་ལས་རྒྱ་དེར་སྒོམ་པ…

ཚོགས་པ་ལ་དབང་བྱེད་པའི་དབང་ཕྱུག་མ་རྣམས་མཆོག་ཏུ་དགའ་བར་ཏེ་རྗེས་སུ་ཆགས་པར་བྱེད་པའོ། །ཧ་ཧཱ་ཞེས་སོགས་བྱ་བར་གསུངས་པ་འདི་རྣམས་ཉེ་བར་ཏེ་ཕོ་ཉ་མོ་ཁྱད་པར་ཅན་རྣམས་ཀྱི་མངོན་སུམ་དུ་སྒྲུབ་པ་པོས་བྱའོ། །རྟག་ཏུ་སྟེ་སྒྲུབ་པ་པོ་ལ་གནས་པ་དེ་སྲིད་དུ་ངུ་ཞིང་མཆི་མ་འབྱུང་བར་བྱེད་པ་དེ་དག་བསྔགས་ལ། ངུ་བ་དང་མཆི་མ་འབྱུང་བ་དང་བཞད་…

ཀུན་གསལ་བ་ལས། ལེའུ་བཞི་བཅུ་རྩ་གཉིས་པའི་བཤད་པའོ།། ༈ །།བཅུ་གཅིག་པ་ཐུན་མོང་གི་དངོས་གྲུབ་སྒྲུབ་པའི་ཚུལ་གཞན་བསྟན་པ་ལ་ལྔ། ཡབ་ཀྱི་ཉེ་སྙིང་དང་གོ་ཆས་ལས་བསྒྲུབ་པ། དཔའ་མོའི་གོ་ཆ་དང་ཧ་ལྔ་ལ་བརྟེན་ནས་ལས་བསྒྲུབ་པ། སངས་རྒྱས་མཁའ་འགྲོ་མའི་སྔགས་ཀྱིས་སྒྲུབ་པ་དང་ལྷ་སྒོམ་པ་རྟག་ཏུ་བྱ་བ། སྐྱེ་བདུན་བརྟག་པ་རྒྱས་པར་བསྟན་པ། ཡུ…

ཤེས་ནས་ཀྱང་དེ་དག་སྒོམ་པ་ལ། དུས་རྟག་ཏུ་མངོན་པར་དགའ་ཞིང་སྒོམ་པ་ལ་སྤྱན་རས་ཀྱིས་གཟིགས་པར་འགྱུར་རོ། །འདིས་ནི་ཕོ་ཉ་མོ་མཆོག་རྣམས་དང་འདུས་ཏེ་ལམ་བགྲོད་པ་ལ། ལུགས་འདིའི་སྒྲུབ་ཐབས་ཕྱིན་ཅི་མ་ལོག་པར་ཤེས་ནས་དུས་རྒྱུན་དུ་སྒོམ་དགོས་པར་སྟོན་ཏེ། འདི་ལ་ངེས་པ་ཆེན་པོ་རྙེད་དགོས་སོ། །གཉིས་པ་ལ་ལྔ། གང་དུ་གཟིགས་པའི་གནས། གཅེར་…

སུ་གྲོལ་བར་འགྱུར་རོ། །ཕྱག་རྒྱ་གཅེར་བུར་མཆོད་པ་ཡི། །ལས་ཉིད་ཀྱིས་ནི་ཡོངས་སུ་གྲོལ། ཞེས་འབྱུང་ངོ༌། །དེ་ཡང་སྟག་ལྤགས་ཀྱི་གོས་ཉིད་ཀྱིས་ནི་བཀབ་པ་སྟེ་སྨད་དཀྲིས་པ་དང༌། འམ་གྱི་སྒྲས་གཅེར་བུ་དང༌། གཞན་ནི་རུས་རྒྱན་ཡན་ལག་ལ་བཞག་པས། ཇི་ལྟར་པདྨ་ལ་ཆུས་མི་གོས་ཤིང༌། མཁའ་ལ་ཉི་མའི་གདུང་བས་མི་གནོད་པ་བཞིན་དུ། འདོད་པ་རྣམས་ལ་ལ…

འཕེལ་དུ་འགྲོ་བས། སྐོམ་སྲེད་ཅན་གྱིས་སྨིག་རྒྱུ་ལ་ཆུར་འདུ་ཤེས་ནས་ཞུགས་པ་དང་འདྲ་བས། དེ་འདྲ་བ་ནི་སྨད་ལ། སྔར་བཤད་པ་ལྟར་གྱི་བདེ་སྟོང་སྦྱོར་ནུས་པ་ལ་ནི། ཐབས་དེ་མེད་ན་ས་གསུམ་གྱི་འགྲོ་བའི་རེ་བ་སྐོང་བའི་སངས་རྒྱས་མྱུར་དུ་མི་འཐོབ་པས། མྱུར་ལམ་གྱི་སྒོ་ནས་བསྔགས་པ་མཛད་དེ། ས་ར་ཧས། མ་ལུས་རང་བཞིན་གང་གིས་མི་ཤེས་པ། །ཀུན་ཏ…

བཞིན་དུ་གཞན་ཏེ་ཞལ་བཞི་པའི་སྔགས་ཀྱིས་ར་བ་དང་འདྲ་བ་དང་། གུར་དང༌བླ་རེ་དང་མདའི་དྲ་བ་དང༌། མེའི་དྲ་བའི་སྔགས་རྣམས་ཀྱིས་ཕྱོགས་རྣམས་བཅིང་བར་ནི་འཇུག་པ་ཡིས་བསྲུངས་ནས་བྱེད་པ་ནི། ལྷ་ཡུལ་བའི་ལྷའི་ཚོགས་རྣམས་ཀྱིས་ཀྱང་མ་མཐོང་བར་ཏེ་མི་མཐོང་ན། མི་རྣམས་ཀྱིས་ལྟ་ཅི་སྨོས་པས་དེ་བྱས་ནས་གཅེར་བུའི་མཆོད་པ་སོགས་ཀྱིས་ཤིག་ཅེས་པའོ…

གཏམ་སྟེ་སྐད་ཤེས་ཤིང༌། སྐར་མའི་རྒྱུ་བ་རྣམས་ཀྱང་ཤེས་པར་འགྱུར་རོ། །གོ་རིམ་ཞེས་སོགས་ནི་འགྲེལ་པ་རྣམས་ལ་མེད་ལ། ཡོད་པ་ལྟར་ན་སྐད་རྣམས་གོ་རིམ་མི་འཆོལ་བར་ཤེས་པའི་དོན་ནོ། །གཉིས་པ་ལ་གསུམ། མི་སྣང་བ་དང་ཤིང་དགུག་པ། རྨི་ལམ་བརྟག་པ་དང་པྲ་དབབ་པ། ནད་ཞི་པ་ལ་སོགས་པའི་ལས་སྒྲུབ་པའོ། །དང་པོ་ནི། གྲོང་གྲོང་ནི་གྲོང་མང་པོ་སྡུད་…

པར་བསམས་ན་ཤིང་སྡོང་དེ་དམའ་བ་སྟེ་འགྱེལ་པར་འགྱུར་རོ། །ཤིང་དྲུང་ཞེས་པ་ལྟར་ན་ཤིང་གི་རྩ་བར་སེམས་པ་ཡིན་མོད་ཀྱང་བྷ་བས་རྩེ་མོར་ཡི་གེ་བདུན་སེམས་པར་བཤད་དོ། །ས་རྣམས་ཞེས་པ་ལ་ས་འཛིན་ཞེས་འབྱུང་ཞིང༌། དེའི་དོན་རྡོ་ཡི་རི་བོ་ལ་བཤད་དེ་སྔར་ལྟར་བྱས་ན་དེ་རྣམས་ཀྱང་ནི་འགྱེལ་བར་འགྱུར་བ་ལས་གཞན་དུ་མིན་ནོ། །གཉིས་པ་ནི། རང་ཧེ་རུ…

འཁོར་གྱི་སྟེང་དུ་ཁ་དོག་དཀར་པོའི་ཡི་གེ་བདུན་དགོད་ཅེས་འཆད་དོ། །བྷ་བས་བདག་གི་ལུས་ལ་བཀོད་པའི་དོན། མིག་དང་རྣ་བ་དང་སྣ་དང་ལྕེ་དང་ལུས་དང་ཡིད་ལ། ཨོཾ་ནས་བགྲངས་པའི་ཡི་གེ་དྲུག་དང༌། ཡིད་ལ་ཧཱུཾ་བཀོད་པའི་མཐར་ཕཊ་དགོད་པར་འདོད་དོ། །རྨི་ལམ་རྟོག་པ་འདི་ནི་བྱ་སླ་ཞིང་དོན་ཆེ་བ་དང༌། གྲུབ་ཆེན་སོ་སོའི་མན་ངག་ལས་འབྱུང་བ་ཡིན་པས་…

བར་བྱེད་པར་འགྲེལ་པ་གསུམ་ལས་འཆད་དེ། དུས་མིན་དུ་འཆི་བ་སོགས་ཀྱི་མཚན་མ་མཐོང་ན། འདི་ལ་འདི་ལྟར་གྱིས་ཞེས་ཐབས་བསྟན་པས་དུས་མིན་གྱི་འཆི་བ་སེལ་བ་སོགས་བྱེད་པའོ། །ལྷས་རྨི་ལམ་དུ་ལུང་སྟོན་པ་དེ་བཞིན་དུ་ལྷའི་མཐུས་པྲ་ཕབ་པས་བྱ་བ་དང་མི་བྱ་བ་སྟོན་པ་ནི། མཛེས་པའི་གཞོན་ནུ་མའམ་ཁྱེའུ་གཞོན་ནུ། དུས་ཚོད་མིན་པ་ཞེས་པ་དགོངས་མོ་བོས…

ལས་ཀྱི་དབྱེ་བས་ཁ་དོག་གི་དབྱེ་བ་བསྟན་པ། དུག་དང་རིམས་ལ་སོགས་པ་འཇིག་ཚུལ། རྒྱན་པོ་དང་གཡུལ་ལས་རྒྱལ་བ་ཞར་བྱུང་དང་བཅས་པའོ། །དང་པོ་ནི། པྲ་འབེབས་པ་བཤད་པ་དེ་ནས་དཔའ་བོ་ཧེ་རུ་ཀའི་ཉེ་སྙིང་ཡི་གེ་བདུན་པའི་སྔགས། འཁོར་ལོ་ལ་དགོད་པའི་དབྱེ་བ་མི་འདྲ་བ་ཉིད་ཀྱི་ལས་སྒྲུབ་ཚུལ་བཤད་པ་ནི། ཉི་མའི་དཀྱིལ་འཁོར་གྱི་དབུས་སུ་ཉེ་སྙིང་…

པའི་ཕ་བཞི་དགོད་དེ། ཡི་གེ་ཤེལ་གྱི་མདོག་ལྟར་དཀར་པོར་སྣང་ཞིང་གསལ་བའི་འཁོར་ལོར་ནད་རྣམས་ཀུན་སེལ་བ་ལ། བསྒྲུབ་བྱ་དབུས་སུ་གནས་པའི་འཁོར་ལོ་ལག་པ་གཡོན་པར་བསྒོམས་ཏེ། རྒྱུ་བ་དང་མི་རྒྱུ་བའི་དུག་གིས་ཟིན་པའི་མགོ་བོར་བཞག་ལ། དེ་ལས་བདུད་རྩིའི་རྒྱུན་བབ་པས་ལུས་ཐམས་ཅད་ལ་དུག་མེད་པར་བསམས་ན་དུག་མེད་པར་འགྱུར་རོ། །དེ་བཞིན་དུ་…

པའི་ཐབ་ཏུ་སྟོང་ཕྲག་བརྒྱད་དུ་སྦྱིན་སྲེག་བྱས་ན། སྔགས་པས་ནང་བར་གྱི་དུས་སུ་ནི། གསེར་སྲང་སྟོང་ནི་རྙེད་པར་འགྱུར་ལ། སྦྱིན་སྲེག་སྟོང་ཕྲག་བཅུ་ཡིས་ནི་ཡུལ་འཁོར་དམ་པ་སྟེ་མཆོག་རྙེད་པར་འགྱུར་རོ། །སྦྱིན་སྲེག་གིས་སྒྲུབ་པ་ལས་ཡང་ན་སྔར་བཤད་པའི་གནས་གང་དང་གང་དུ་གསང་སྔགས་ཀྱི་རྒྱལ་པོ་ཉེ་སྙིང་ནི། ཞི་བ་ལ་སོགས་པའི་དོན་དུ་བསམ…

པ་ཐམས་ཅད་གནོན་པ་སྟེ་རེངས་པར་འགྱུར་ཏེ། ལས་སོ་སོ་ལ་ཁ་དོག་གི་དབྱེ་བ་སོ་སོར་བཤད་པ་འདི་ནི་བསྟན་བཅོས་ཏེ་རྒྱུད་རྣམས་ལས་ངེས་པ་ཡིན་ནོ། །ཐམས་ཅད་གནོན་ཞེས་པའི་གནོན་བྱ་སྟོན་པ་ནི་ལྷ་ལ་སོགས་པ་ཁ་དོག་སེར་པོ་ཡིས་ནི་གཞན་གྱི་དཔུང་ནི་གནོན་པ་དང༌། ཆུ་ལ་འགྲོ་བའི་གྲུ་དང༌། གཞན་གྱིས་བྱས་པའི་འཁྲུལ་འཁོར་དང༌། གླང་པོ་ཆེ་ལ་སོགས་པ་…

གལ་ཏེ་དགྲ་བོ་ལག་ན་ནི་མཚོན་ཆ་འཕྱར་པར་བྱེད་པ་ཡང༌། ཇི་སྲིད་ཁུ་ཚུར་མ་བཀྲོལ་བར་དུ་མཚོན་ཆ་གཏོང་བར་མི་ནུས་སོ། །ལས་སྦྱོར་འདི་ལ་ལཱ་བ་པས། ལྡོང་རོས་སམ་ཡུང་བས་ལག་པ་གཡོན་པའམ་ཟངས་ལེབ་ལ་འཁོར་ལོ། ཆེ་གོ་མོའི་ལུས་ལ་འཁོར་ལོ་ཐམས་ཅད་ཟློག་ཅིག་ཅེས་པ་སྤེལ་ཚིག་དང་བཅས་པ་བྲིས་ལ། སྔགས་སྟོང་བཟླས་ནས་ཁ་བསུབས་ལ་རྡོ་རྗེའི་ཆུ་རུ་གཞུ…

གདམས་ངག་གོ་ཞེས་འཆད་པ་ལྟར་བྱའོ། །ལྔ་པ་ནི། དེ་ལྟར་སྔར་བཤད་པའི་ལས་སྒྲུབ་པའི་ནུས་པ་འགྲུབ་པའི་ཐབས་ནི། སྔར་བཤད་པའི་གནས་སུ་གནས་ནས་ལུས་ཏེ་སྐུའི་སྦྱོར་བ་སྟེ་རྣལ་འབྱོར་བྱེད་པ་ནི་དང་པོ་སྟེ། དཔལ་འཁོར་ལོ་བདེ་མཆོག་གི་གཟུགས་ཀྱི་བདག་ཉིད་དུ་རྫོགས་པར་བྱེད་པའོ། །དེ་བཞིན་དུ་གཉིས་པ་ནི་ཡིད་ཀྱིས་ལྷ་མོ་ཕག་མོ་སྒོམ་པའོ། །ནུས…

བཅུད་ཀྱི་སེམས་ཅན་དང༌། མི་རྒྱུ་བ་སྣོད་ཀྱི་འཇིག་རྟེན་དང་བཅས་པར་དམོད་པ་འདེབས་པ་སྟེ། ངག་ཙམ་གྱིས་ཚར་གཅོད་པ་དང་ཕན་འདོགས་པའི་རྗེས་སུ་འཛིན་པར་ནུས་པ་ཡིན་ནོ། །གསུམ་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། ཉེ་བའི་སྙིང་པོའི་སྒོ་ནས་ལས་སྒྲུབ་པའི་ཆོ་གའི་ལེའུ་སྟེ། བཞི་བཅུ་རྩ་གསུམ་པའོ།། །།འཁོར་ལོ་སྡོམ་པ…

པདྨ་འདབ་མ་དྲུག་པ་བྲི། དེའི་ལྟེ་བ་ལ་ཨོཾ། འདབ་མ་ལ་ཧྲིཿཧ་ཧ་ཧུཾ་ཧུཾ་ཕཊ་ཅེས་པ་དགོད། འཁོར་ལོའི་རྩིབས་དྲུག་ལ་རྣལ་འབྱོར་མའི་གོ་ཆའི་སྔགས་ཨོཾ་བཾ་ལ་སོགས་པ་དྲུག་ལས་དང་རྗེས་སུ་མཐུན་པའི་ཁ་དོག་ཅན། བསྒྲུབ་བྱའི་མིང་དང་སྤེལ་བ་རྣམ་པར་དགོད། ཡི་གེ་བདུན་པའི་ཆོ་ག་ཡིས་ཞེས་པ་དང༌། རྣལ་འབྱོར་མ་དྲུག་ཡང་དག་གནས། ཞེས་པ་ལ། ལག་དབུས…

ལྟ་བ་བཞིན་བྲིས་ནས་དེའི་སྙིང་གར་བཅུག་སྟེ། བདག་ཉིད་ལ་མངོན་དུ་ཕྱོགས་པར་བཞག་ལ། བསྒྲུབ་བྱ་མྱོས་པ་བཀུག་གཟུགས་བརྙན་ལ་བཅུག་སྟེ། མིང་སྤེལ་དང་བཅས་པའི་སྔགས་བཟླས་པའི་སྦྱོར་བ་འདི་ནི་བརྩམ་པར་བྱས་ལ། ཇི་སྲིད་བརྒྱ་ཕྲག་གཅིག་གི་བར་དུ་བཟླས་ན་དེས་ནི་ངེས་པར་ཏེ་གདོན་མི་ཟ་བར་འགུགས་པར་འགྱུར་རོ། །གང་ལ་དགུག་པའི་ལས་བྱེད་པའི་བས…