བས་དེ་རྣམས་ཀྱི་གདམས་ངག་ནས་བར་དོའི་སྐབས་ཡིན་པར་བསམས་ཀྱིན་བསྒོམ་པར་བྱའོ། །ཚེ་འདིར་ལམ་གོམས་པའི་རྣལ་འབྱོར་པ་དེ་མངལ་དུ་སྐྱེ་བར་མ་ངེས་པས། སྐྱེ་གནས་གཞན་གསུམ་དུ་ཡང་སྐྱེ་བ་འོང་བས། སྔར་བཞིན་གང་སྣང་ལྷ་དང༌། ལྷ་སྐུ་སྒྱུ་མ་དང༌། སྒྱུ་མ་རང་བཞིན་གྱིས་སྟོང་བཞིན་དུ་དེར་སྣང་བའི་དོན་ལ་ངེས་པ་དྲངས་ནས། ལེགས་པར་བསྐྱངས་ན་ཕ་མ…

མོང་བ་སྟེ། སྤྱི་དོན་གྱི་འོད་གསལ་ཞེས་ཀྱང་བྱའོ། །ཐུན་མོང་མ་ཡིན་པ་ནི་ཡུལ་གྱི་འོད་གསལ་དེ་ཁོ་ན་ཉིད་ལ་ཁྱད་པར་མེད་ཀྱང༌། ཡུལ་ཅན་ལྷན་སྐྱེས་ཀྱི་བདེ་བ་ཆེན་པོས་དེ་རྟོགས་པ་ནི། རྣལ་འབྱོར་བླ་མེད་ཉིད་ཀྱི་ཁྱད་ཆོས་ཡིན་པས། ཐུན་མོང་མ་ཡིན་པ་ཞེས་བྱའོ། །འདིའི་ཡང་གཙོ་བོ་ནི་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་འབྱུང་བའི་ལ…

པ་ཅིག་ཡིན་ནོ། །འོད་གསལ་དུ་འཇུག་པའི་སྡུད་རིམ་ནི། འདིའི་མན་ངག་ཕལ་ཆེ་བར་མི་གསལ་ཡང༌། གདམས་ངག་ཁ་ཅིག་ལས་འབྱུང་བ་ཤིན་ཏུ་ལེགས་པར་སྣང་ངོ༌། །དེའི་རིམ་པ་ནི་རང་ཡི་དམ་ཡབ་ཡུམ་དུ་གསལ་བའི་སྙིང་ཁ་ཆོས་ཀྱི་འཁོར་ལོའི་དབུས་ཀྱི་དྷཱུ་ཏཱིའི་ནང་དུ་ཉི་གདན་ལ་ཧཱུཾ་ཡིག་སྔོན་པོ་ཅིག་བསྒོམས། དེ་ལས་འོད་ཟེར་འཕྲོས་པས་སྣོད་ཐམས་ཅད་སྦྱང…

རྗེས་གཞིག་གི་བསམ་གཏན་ཁྱད་པར་ཅན་དུ་སྣང་བས། འདུས་པའི་གདམས་ངག་གིས་ཅུང་ཟད་བརྒྱན་ནས་བཤད་དོ། །སྔར་གཏུམ་མོ་བསྒོམ་པའི་སྐབས་སུ་རླུང་དབུ་མར་ཐིམ་པའི་ལྷན་སྐྱེས་སྐྱེད་ནུས་པ་ཞིག་ཡིན་ན། སྐབས་འདིར་སྔར་བཤད་པའི་སྡུད་རིམ་དེ་ཉིད་ཀྱིས། སྲོག་དྷཱུ་ཏཱིར་ཞུགས་པའི་ལྷན་སྐྱེས་ཀྱི་འོད་གསལ་བདེ་བླག་ཏུ་སྐྱེད་ནུས་ལ། དེ་ལྟ་མིན་ནའང་ས…

མཆོག་ལ་མཆོད་པ་དབུལ། ཆོས་སྐྱོང་ལ་གཏོར་མ་བཏང་ལ། གཉིད་ཀྱི་འོད་གསལ་ཟིན་པ་དང༌། དེའི་འགལ་རྐྱེན་ཞི་བའི་འཕྲིན་ལས་བཅོལ། རང་ལྷར་བསྒོམས་པ་དང་བླ་མའི་རྣལ་འབྱོར་བསྒོམས་ལ་གཉིད་ཀྱི་འོད་གསལ་ཟིན་པའི་གསོལ་བ་དྲག་པོ་མང་དུ་གདབ། གཉིད་བྱུང་བ་ན་རྨི་ལམ་དུ་མ་ཤོར་བར་གཉིད་ཀྱི་སྟོང་པ་རྣམས་ཟིན་པར་བྱའོ་སྙམ་དུ་འཕེན་པ་མང་དུ་བཏང་ངོ༌།…

རྣམས་རིམ་པ་བཞིན་དུ་འཆར་བའི་དགོས་པ་ཡོད་པར་སྨྲའོ། །དེ་ལྟར་སྨྲ་ཡང་ཡི་གེ་དབུས་ཀྱི་དྷཱུ་ཏཱིའི་ནང་དུ་བཀོད་པ་ལ་དམིགས་པས། སྲོག་སྙིང་ཁའི་དྷཱུ་ཏཱིར་བསྡུས་པའི་ཞུགས་གནས་ཐིམ་གསུམ་ལས་སྟོང་པ་བཞི་འཆར་བའི་མན་ངག་གི་གནད་མ་རྟོགས་པར་སྣང་ལ། དེའི་རྒྱུ་མཚན་གྱིས་དབུས་ཀྱི་ཡི་གེ་ཡང་སྙིང་གར་འགོད་ཟེར་བ་ཙམ་མིན་པ། སྙིང་ཁའི་རྩ་འཁོ…

ཆ་བརྟན་པོ་རྙེད་པ་ལ་གཉིད་ལས། སད་དུས་སུ་གཏུམ་མོ་ལ་སོགས་པའི་གནད་ལེགས་པར་ཤེས་ནས་བསྐྱངས་པའི་སྟོབས་ཀྱིས། སྲོག་དྷཱུ་ཏཱིར་ཞུགས་གནས་སོགས་བྱས་པ་ལས་སྟོང་པ་འདྲེན་ནུས་པ་ཞིག་ཡིན་ན། ཉལ་ཁར་སྔར་བཤད་པའི་དམིགས་པ། དྷཱུ་ཏཱིའི་ནང་དུ་ཧཱུཾ་ཡིག་བསྒོམ་པ་སོགས་ཤེས་ནས་བསྒོམ་པ་ཡིན་ན། ཞག་གཉིས་གསུམ་ཕན་མི་འགྱང་བར་ངེས་པར་གཉིད་ཀྱི་སྟ…

གསལ་གྱི་དོན་མེད་དོ། །ད་ནི་སྔར་བཤད་པ་ལྟར་སྙིང་གར་དམིགས་པ་ལས་རླུང་སྟོབས་ཀྱིས་འཛིན་ནུས་པ་ལ། སྟོང་པ་བཞི་འཆར་ལུགས་བཤད་པར་བྱ་སྟེ། གཞི་དུས་སུ་སྙིང་ཁའི་འཁོར་ལོ་ན་གཉིད་འཐུག་གི་གནས་སྐབས་སྐྱེད་པའི་ཐིག་ལེ་ཡོད་པའི་གནད་ཀྱིས། དེ་ལམ་དུ་བྱས་པ་ན་མི་རྟོག་པའི་འོད་གསལ་ཕུལ་དུ་བྱུང་བ་འཆར་བ་ཡིན། དེ་ལམ་དུ་མ་བྱས་པའི་ཚེ་ཡང་གཉ…

རྗེས་ལ་ཀོར་ལེ་རེར་དམར་ཁྱིལ་ཁྱིལ་སྣང་བ་མིན་པར། ཡིད་ངོར་གང་སྣང་ཐམས་ཅད་ནམ་མཁའ་གཡའ་དག་འདྲ་བ་ཞིག་ལ། དེ་ལ་ཉི་འོད་ལྟ་བུ་དམར་པོའམ། དམར་སེར་དུ་སྣང་བས་ཐམས་ཅད་དུ་ཁྱབ་པ་འདྲ་བ་ཞིག་འོང་སྟེ། ཤིན་ཏུ་སྟོང་པ་དང་སྣང་བ་མཆེད་པ་ཞེས་ཟེར་རོ། །སྣང་བ་དེ་བསྡུས་པའི་རྗེས་སུ་ཀོར་ལེ་རེར་ཐིག་ལེ་ནག་པོ་སོགས་སྣང་བ་མིན་པར། ཡིད་ངོར་གང་…

དེ་འདྲ་བའི་སྟོང་པ་བཞི་པོ་དེ་དགའ་བ་བཞིར་ཡང་འཇོག་ལ། བཞི་པ་འོད་གསལ་ནི་ལྷན་སྐྱེས་ཀྱི་དགའ་བའི་མཆོག་ཡིན་པས། དེའི་བདེ་བ་དང་སེམས་མི་རྟོག་པར་འཇོག་པ་ཙམ་བསྐྱངས་པའི་བདེ་བ་གཉིས་བདེ་བའི་མིང་ཙམ་མཚུངས་ཀྱང༌། དོན་ནམ་མཁའ་དང་ལག་མཐིལ་དང་འདྲ་བ་ཡིན་ནོ། །དེ་འདྲ་བའི་བདེ་ཆེན་དེ་སྐྱེས་པ་དང༌། སྔར་གྱི་དེ་ཁོ་ན་ཉིད་ཀྱི་ལྟ་བ་དྲན་པ…

ཏེ་རྨི་ལམ་གཞན་དག་འབྱུང་བ་ནི། ཇི་སྲིད་དུ་རྣམ་ཤེས་མི་གཡོ་བ་དེ་སྲིད་དུ་གཉིད་ལོག་ནས་འོད་གསལ་བ་ལ་བལྟ་སྟེ། ཞེས་གསུངས་པ་འདིར་སྣང་ལ། གྲུབ་ཆེན་གྱི་གཞུང་ཁུངས་ཐུབ་ནས་གཉིད་ཀྱི་སྟོང་པ་བཞི་བཤད་ནས་འོད་གསལ་འཛིན་ཚུལ་འདི་འདྲ་བ་གཞན་གང་ནས་ཀྱང་མི་འབྱུང་བས། འདི་ནས་བཤད་པ་བཞིན་ཤེས་དགོས་སོ། །དེ་ལ་ཕུང་པོ་ལ་སོགས་པ་ནི་ཞེས་པ་ནི…

ཞིག་མ་གཏོགས་པ་སྣང་བ་གཞན་གང་ཡང་མི་འཆར་རོ། །འདིར་ཆག་འགྱུར་ལས། ཡང་གྲོལ་བ་ན་རླུང་གིས་རང་བཞིན་གཡོས་ཏེ། གལ་ཏེ་རྨི་ལམ་གཞན་དག་མ་བྱུང་ན། ཇི་སྲིད་དུ་ཞེས་སོགས་འབྱུང་བ་ལེགས་ལ། དེའི་དོན་ནི་འོད་གསལ་གྱི་ཏིང་ངེ་འཛིན་དེ་གྲོལ་བ་སྟེ། དེ་ལྷོད་པར་སོང་ནས་ལྡང་བ་ན། རླུང་གིས་རང་བཞིན་གྱི་རྟོག་པ་གཡོས་ཏེ། རྨི་ལམ་འཆར་བ་ཡིན་པ་ལ།…

དུས་དང་གཉིད་དུས་གཉིས་ཀའི་འོད་གསལ་ཡང་དག་པ་དང་ལྟར་སྣང་བ། འཕགས་པ་ཡབ་སྲས་ཀྱི་གཞུང་ལ་བརྟེན་ནས་ལེགས་པར་ཕྱེ་བ་འདི། ཤིན་ཏུ་གཅེས་པའི་གདམས་ངག་ཏུ་གཟུང་བར་བྱའོ། །དེ་ལྟར་འོད་གསལ་ལ་འཇོག་ཅི་ནུས་བྱས་ཀྱང༌། རླུང་གཡོས་པའི་དབང་གིས་འཇོག་མ་ནུས་ན། རྨི་ལམ་དུ་ལྡང་ལུགས་ཁྱད་པར་ཅན་ནི། མར་ལུགས་ཀྱི་གསང་འདུས་ཀྱི་གདམས་ངག་ཏུ་བཤད་པ་…

འགྱུར་ཞིང༌། །སྲིད་པའི་སྐྱོན་ལས་རིང་དུ་འགྲོ། ཞེས་གསུངས་ཏེ། འགྱུར་ཁྱད་འགའ་ཡར་མ་གཏོགས་པ་ཁ་སྤྱོར་དང༌། གདན་བཞི་ལས་ཀྱང་དེ་བཞིན་དུ་གསུངས་པས། ཤིན་ཏུ་དོན་ཆེ་བས་འདི་ལ་འབད་དགོས་སོ། །ལམ་འདིས་དག་པ་དང་གྲོལ་བར་གསུངས་པ་ནི། ངག་འགྲོ་ལས་གྲོལ་བ་དང་དེར་སྐྱེ་བའི་སྡིག་པ་དག་པ་ཡིན་པར་མན་སྙེ་སོགས་ལས་བཤད་དོ། །འཕོ་བས་ལས་ལ་སྦྱར…

ཡིན་ནོ། ཞེས་གསུངས་པས། ནད་ཀྱིས་མ་ཕོག་པའི་གོང་དུ་བྱ་དགོས་ཀྱི། ནད་ཀྱིས་བཏབ་ན་ནི་སྔར་ལེགས་པར་སྦྱངས་པ་ཡིན་ཀྱང༌། ཇི་བཞིན་དུ་འཕོ་མི་ནུས་པར་གསུངས་སོ། །ཡང་རྒས་པས་ཤིན་ཏུ་སྡུག་བསྔལ་བར་མཐོང་བ་དང༌། ནད་དྲག་པོའི་སྡུག་བསྔལ་མ་བཟོད་ནས་འཕོ་བ་བྱེད་ན། སྔར་བཞིན་དུ་བྱ་མི་རུང་བར་གསུངས་པས། འདིའི་གདམས་ངག་ཁ་ཅིག་ཏུ་སྔ་མ་ལ་འཕོ་…

སྒོ་མ་གཏོགས་པའི་སྒོ་བརྒྱད་ནས་རྣམ་ཤེས་འཕོ་བ་བཀག་ནས། སྤྱི་གཙུག་གསེར་གྱི་སྒོ་ནས་འཕོས་ཏེ། སྔགས་སྤྱོད་པའི་རིག་པ་འཛིན་པའི་རྟེན་མཆོག་ཏུ་གྱུར་པ་འཐོབ་པའི་འཕོ་བ་ལ། རྒྱུད་ནས་གསུངས་པ་དེ་རྣམས་དགོས་ཤིང༌། རྣམ་ཤེས་ལུས་ལས་འདོན་པའི་དམིགས་པ་རྣམས་ཀྱང༌། རྒྱུད་དེ་རྣམས་ནས་བཤད་པའི་དམིགས་པ་མཚན་ཉིད་རྫོགས་པ་དགོས་སོ། །འདིའི་གད…

བྱས་ན་བདེའོ། །དེ་ལྟར་རྒྱུན་དུ་རྟགས་མ་བྱུང་གི་བར་དུ་སྦྱང་ངོ༌། །རྟགས་ནི་སྤྱི་གཙུག་ཟ་བ་དང༌། འཕྲིག་པ་སོགས་སོ། །དེ་ནས་ལས་ལ་སྦྱར་བ་ནི། ལུས་གནད་ཙོག་པུར་བྱ། ལག་པ་གཉིས་ཀྱིས་པུས་མོ་གཉིས་ལ་འཁྱུད་ཅིང༌། སྐྱབས་འགྲོ་སེམས་བསྐྱེད་སྔོན་དུ་འགྲོ་བས། རང་ཉིད་ཡི་དམ་གྱི་ལྷར་གསལ་བའི་ངང་ནས་སྤྱི་གཙུག་གི་ཐད་ཀའི་མདུན་གྱི་ནམ་མཁར…

པའི་ཡི་གེ་གཉིས་ཀྱི་གདན་དང༌། ཡི་གེ་གཉིས་གང་དུ་འགོད་པའི་གནས་དང༌། མགོ་བོ་གྱེན་དང་ཐུར་དུ་ལྟ་བའི་ཚུལ་དང༌། ཡར་འཕུལ་མར་འབེབས་ཀྱི་དུས་གཉིས་སུ་རླུང་གི་བཟླས་པ་དང༌། སྦྱོང་ཚུལ་ཁྱད་པར་ཅན་སྦྱོང་ལུགས་རྣམས་ད་དུང་ལེགས་པར་ཤེས་པར་བྱས་ནས་བསྐྱངས་ན་ཤིན་ཏུ་ལེགས་པར་རྟོགས་སོ། །སྤྱིར་བདེ་འགྲོའི་གནས་ཙམ་དུ་འཕོ་བའི་གདམས་ངག་ལ་ཡང…

རྒྱུད་རྣམས་སུ་སྒོ་དགུར་ཡི་གེ་འགོད་ལུགས་གསལ་བར་བཤད་པ་བོར་ནས། ཧཱུཾ་བསྒྲིལ་མ་རེ་རེས་འགོག་པ་ཟབ་པར་འདོད་པར་སྣང་སྟེ། རྒྱུད་དོན་མ་གོ་བར་བཤད་པའོ། །གཉིས་པ་རྣམ་ཤེས་གཞན་གྱི་གྲོང་དུ་འཇུག་པ་ནི། མིག་སོགས་ཀྱི་དབང་པོ་ལ་གྲོང་དང༌། དབང་པོའི་རྟེན་ལ་གྲོང་ཁྱེར་གྱི་སྒྲས་བསྟན་པ་ནི་ཕར་ཕྱིན་ནས་འབྱུང་ལ། གང་ཟག་གཞན་ཤི་བའི་ལུས་མ…

བཞོན་པ་ཅན་གྱི་ཡིད་ཤེས་ཀྱི་ཧཱུཾ་ཡིག་བསྐུལ་ནུས་པ་ཅིག་དགོས་པ་ནི། རྡོ་རྗེ་མཁའ་འགྲོ་དང༌། གདན་བཞི་དང༌། དེ་གཉིས་ཀྱི་འགྲེལ་པ་བྷཱ་བ་བྷ་དྲས་མཛད་པ་དང༌། ཁ་སྦྱོར་དང་དེའི་འགྲེལ་པ་མན་ངག་སྙེ་མ་རྩ་འགྲེལ་གྱི་དགོངས་པར་སྣང་ངོ༌། །རྣམ་ཤེས་རང་གཞན་ལ་འཇུག་པ་གཉིས་ནུས་པ་ལ་ནི་སྔར་བཤད་པ་དེ་ལས་ཀྱང་རླུང་འབྱོངས་པ་ཅིག་དགོས་པར་སེམས་…