ལུས་བརྟན་ཞིང་ཚེ་ལོ་བརྒྱ་ཐུབ་པར་འགྱུར་རོ། །གཞན་ཡང་བཟླས་པ་བྱས་པ་ཙམ་གྱིས། ཞི་བ་དང་རྒྱས་པ་དང་དབང་ལ་སོགས་པའི་ལས་རྣམས་བརྟགས་མི་དགོས་པར་འགྱུར་ཏེ་ཐེ་ཚོམ་མེད་དོ།། །། དེ་ནི་འཇིག་རྟེན་པའི་དཀྱིལ་འཁོར་དྲུག་ལས་ཐོག་མར་རྒྱལ་པོ་ཆེན་པོ་བཞིའི་དཀྱིལ་འཁོར་སྟོན་ཏེ། དེ་ནས་རྒྱལ་པོ་ཆེན་པོ་བཞིས། འཇིག་རྟེན་པའི་དཀྱིལ་འཁོར་སྒྲུ…

བདེ་བའི་སླད་དུ། རང་རང་གི་སྙིང་པོ་བཤད་པར་འཚལ་གྱིས། བཅོམ་ལྡན་འདས་ཀྱིས་བཀའ་སྩལ་དུ་གསོལ། རྡོ་རྗེ་འཛིན་པས་བཀའ་སྩལ་དུ། སྟེ་བྱིན་གྱིས་བརླབ་ཏུ་གསོལ། རྒྱལ་པོ་ཆེན་པོ་རྣམས་ལེགས་ཀྱིས་ཤོད་ཅིག་དང༌། ངས་ཀྱང་རྗེས་སུ་ཡི་རང་ཞིང་བྱིན་གྱིས་བརླབ་པར་བྱའོ། །དེ་ནས་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུས། བཅོམ་ལྡན་འདས་ཀྱིས་གན…

བྱིན་ལྡན་པ་བྲི་ཟེར། །ཁ་ཅིག་རྣམ་སྲས་ཀྱི་གཡོན་དུ་གནོད་སྦྱིན་ནོར་བུ་བཟང་པོ་དང༌། བུམ་པ་བཟང་པོ་བྲི་བ་དང༌། ཁ་ཅིག་བུམ་པ་དང་ནོར་བུ་བྲིས་ནས་དེ་ལས་རིན་པོ་ཆེའི་ཆར་འབེབ་པར་འདོད་དོ། །ལྡན་པར་བྲི། །མཁས་པས་བུམ་པ་བཟང་པོ་དང་ལ་སོགས། །ཁོངས་ནས་དཔག་བསམ་ཤིང་དང་འདོད་འཇོའི་བ། སྐུ་ལས་རིན་ཆེན་ཆུ་བོ་འབབ་པ་བྲི། །མདུན་དུ་ཡུལ་འཁོ…

ཆེ་འདིས་དོར་བར་བྱའོ། །ༀ་བཛྲ་པྲ་ཏཱི་ཙྪ་ཏྭཾ་མ་ཧོ་ཏ་ཏ་མ། མེ་ཏོག་གང་ལ་བབས་པའི་རྒྱལ་པོ་ནི། །སྒྲུབ་པ་པོ་དེ་ནི་འདིས་འགྲུབ་གཞན་དུ་མིན། །དེ་ནས་གྲྭ་ན་གནས་པ་རྒྱལ་པོ་བཞི་ཡི། །བུམ་པ་བཞི་ཡིས་དབང་བསྐུར་ཏེ། །བུམ་པ་ལྔ་པ་ཕྱག་ན་རྡོ་རྗེ་ཡི། །རྡོ་རྗེ་རྩེ་ལྔ་པའི་ཕྱག་རྒྱ་ཉིད་ཀྱིས་སློབ་མའི་སྤྱི་བོ་སོགས་གནས་བཞིར་གཏུགས་ནས། ད…

ལུས་འཕགས་པོ་ཡིས་འཇོམས། །མིག་མི་བཟང་གིས་བཀྲ་ཤིས་ཤིང༌། །མུ་གེ་ལ་སོགས་རྣམ་པར་འཇོམས། །མདོར་ན་བདག་གིས་དེ་ཡི་ནི། །རེ་དང་བསམ་པ་ཀུན་བགྱི་སྟེ། །ཇི་སྟེ་ངེས་པར་ཁས་བླངས་པ་བཞིན། མ་ལགས་ན། །ཕྱག་ན་རྡོ་རྗེ་ལ་འཁུས་པ་སྟེ་བསླུས་པར་གྱུར། །ཅིག་ཅེས་མནའ་དོར་བའོ།། །། རྒྱལ་ཆེན་བཞིའི་དཀྱིལ་འཁོར་བཤད་པའི་རྗེས་དེ་ནས་ཕྱོགས་སྐྱོང་…

སུ་དེ་བཞིན་བཞག །ཕྱོགས་སྐྱོང་རང་གི་ཕྱོགས་གནས་སུ། །གཞག་བྱ་སྤྱན་སྔར་ཉི་མ་དང༌། །ཕག་གི་གཟུགས་དང་གཉིས་བཞག་སྟེ། །སྒོ་བ་རྣམས་ཀྱང་དེ་བཞིན་ནོ། །བྲིས་ཟིན་ནས་དམ་ཚིག་པ་བསྐྱེད་ཆད་ལྷག་གི་ཉེས་པ་ཞི་བར་བྱས་ནས། ཆག་གིས། དེ་ནས་ཡེ་ཤེས་པ་དེ་ཀུན་སྤྱན་དྲངས་ལ། །བཅུག་པའི་དཀྱིལ་འཁོར་སྒྲུབ་པ་ལ། མཆོད་པ་ཀུན་གྱིས་མཆོད་བྱས་ལ། །དེ་ན…

དབང་པོ་དང་མེ་ལྷ་མ་གཏོགས་བྱེ་བྲག་སོ་སོར་ཁས་བླངས་པ་ནི་དེ་ནས་ཆོས་ཀྱི་རྒྱལ་པོ་གཤིན་རྗེས་ཀྱང༌། བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། རྒྱལ་པོ་ཆེན་པོ་དེའི་ཚེ་བསྲིང་བར་བགྱི། དུས་མ་ལགས་པར་འཆི་བ་བརྒྱད་ནི་ནད་པ་རིམ་གྲོ་མི་བསྟེན། སྨན་ལོག་པར་སྩལ་བ། རྒྱལ་པོའི་ཆད་པ་དང༌། མི་མ་ཡིན…

བསྐྱེད་པར་བགྱི། ཀླུའི་ཉེས་པ་རྣམས་མི་འབྱུང་བར་བགྱི། དུག་དང་སེར་བ་རྣམས་མི་དབབ་པར་བགྱི། དུས་མ་ཡིན་པར་འཆི་བ་རྣམས་སོ་སོར་དགག་པར་བགྱིའོ། །དེ་ནས་རླུང་གི་རྒྱལ་པོ་ཡ་བ་བེས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་ཆེན་པོ་དེ་ལ་དུས་ཐམས་ཅད་དུ་རླུང་གི་འཇིགས་པ་མི་འབྱུང་བར་བགྱི། དུས་མ་ལགས་པའི་རླུང་…

ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། རྒྱལ་པོ་དང༌། རྒྱལ་པོའི་བུ་དང༌། རྒྱལ་རིགས་དང༌། བྲམ་ཟེའི་རིགས་རྣམས་འདི་དང་ཕ་རོལ་ཏུ་སྐྱོབ་པ་དང༌། ཕན་གདགས་པ་དང༌། ཡོངས་སུ་བསྐྱང་བ་དང༌། ཞི་བ་དང༌། བཀྲ་ཤིས་པ་དང༌། ཆག་གིས་འདི་ལྟར། ཆད་པ་སྤང་བ་དང༌། མཚོན་ཆ་སྤང་བ་དང༌། དུག་གཞིལ་བ་དང༌། དུག་གཞོམ་པ་དང༌། མཚམས་བཅད་པ་དང༌། ས་འོག་…

བར་བགྱི། མཆོག་ཐམས་ཅད་རབ་ཏུ་བརྟས་པར་བགྱི། ནད་ཐམས་ཅད་རབ་ཏུ་ཞི་བར་བགྱི། དུས་ཐམས་ཅད་དུ་ཕྱི་བཞིན་འབྲང་བར་བགྱིའོ། །དེ་ནས་སའི་ ཆག་གིས་འོག་གི །བདག་པོ་ཕག་ཆེན་པོས་ཀྱང༌། བཅོམ་ལྡན་འདས་ལ་ཕྱག་བཙལ་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། མིའི་བདག་པོ་དེ་དང༌། མིའི་བདག་པོ་དེའི་བུ་དང༌། བྲམ་ཟེ་དང་པོ་རང་གི་མ…

ཏོ། །ༀ་ཨཱ་དི་བྱ་ཉི་མ། ༀ་སོ་མ་ཟླ་བ། ༀ་ཨཾ་ག་རཱ་ག ། མིག་དམར། ༀ་བུ་ང་ངྷ། གཟའ་ལྷག ། ༀ་བྲི་ཏ་སྦ་ཏི། ཕུར་བུ། ༀ་ཤུ་ཀྲ། པ་སངས། ཨ་ཤི་ནེ་ཤྩར། སྤེན་པ། ༀ་རཱ་ཧུ། སྒྲ་གཅན། དེ་ནས་སྟ་གོན་ཡན་ཆད་སོང་ནས། དེ་དག་གི་དཀྱིལ་འཁོར་བྲི་བ། བཤད་དེ། མཚན་མ་བྲི་བའི་ཚེ། དབུས་སུ་ནི་བཅོམ་ལྡན་འདས་ཕྱག་ན་རྡོ་རྗེ་ཉིད་འཇིག་རྟེན་གསུམ་ལས་རྣམ…

མ་རྣམས་གཞུག་སྟེ། །འཇུག་པའི་སྔགས་ༀ་བཛྲ་ཧ་ན་ཧཱུཾ་ཕཊ། ཡེ་ཤེས་དབབ་པའི་སྔགས་ༀ་བཛྲ་གྲ་ཧ་གཟའ་ས་མ་ཡེ་ཧཱུཾ་ཕཊ། མེ་ཏོག་དོར་བའི་སྔགས། ༀ་བཛྲ་གྲ་ཧ་པྲ་ཏཱི་ཙྪ་ས་མ་ཡེ་སྭཱཧཱ། དེ་ནས་གཟའ་བརྒྱད་སྔགས་བཏབ་པའི། །བུམ་པ་བརྒྱད་ཀྱི་དབང་བསྐུར་རོ། །དེ་ནས། ཕྱག་ན་རྡོ་རྗེའི་ཕྱག་རྒྱ་དང་བུམ་པ་ས་དབང་བསྐུར་བར་བྱས་ཏེ། འདི་རྣམས་ངོ་བོ་འཇ…

གནས་དང་རང་བཞིན་ནི་བསམ་གྱིས་མི་ཁྱབ་སྟེ། བཅོམ་ལྡན་འདས་ཀྱིས་ཀྱང་དགེ་སློང་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་པའི་སེམས་ཅན་ནི་ཉུང་གི །ཤིང་རྟའི་འཕང་ལོ་ཙམ་ལ་ལྷའི་སྤྱན་གྱིས་གཟིགས་པའི་སེམས་ཅན་ནི་རབ་ཏུ་མང་ངོ་ཞེས་གསུངས་སོ། །དཀྱིལ་འཁོར་གྱི་ལྷ་རྣམས་ཀྱིས་ཀྱང༌། དེ་བཞིན་དུ་ཕྱག་བཙལ་ནས་འདི་སྐད་ཅེས་…

དེ་དག་མགུ་ནས། བཅོམ་ལྡན་འདས་ལ་ཕྱག་བཙལ་ཏེ་འདི་སྐད་ཅེས་གསོལ་ཏོ། །ༀ་ཕུ་ཨ་ནནྟ། མཐའ་ཡས། ༀ་ཕ་ཏ་ཀྵོ་ཀ་འཇོག་པོ། ༀ་ཕུཾ་ཀརྐོ་ཊ། སྟོབས་རྒྱུ། ༀ་ཕཱ་ཀོལ་ཀོ ། རིགས་ལྡན། ༀ་ཕཱི་བ་སུ་ཀི་ནོར་རྒྱས། ༀ་ཕེ་ཤོ་ཀ་པཱ་ལ། དུང་སྐྱོང༌། ༀ་ཕཻ་པདྨོ། ༀ་ཕཽ་བ་རུ་ཎ། ཆུ་ལྷ། དེ་ནས། བསྙེན་པ་དང་ལྷག་གནས་སོང་ནས། དེ་དག་གི་དཀྱིལ་འཁོར་བྲི་བ་བཤད་…

དཀྱིལ་འཁོར་དུ་རང་ཉིད་ཞུགས་ནས་སློབ་མ་འཇུག་པའི་ཕྱིར་དེ་ནས་སློབ་མ་བཟང་པོ་ནི་རང་གི་བུ་དང་རྒྱལ་པོ་དང༌། །རྒྱལ་རིགས་ཐམས་ཅད་རབ་བཅུག་ལ། །དུག་གི་ཉེས་སྐྱོན་བསལ་བའི་ཕྱིར། །ཕུཊ་ཅེས་བྱ་བས་མགོ་དྲངས་ལ། རང་གི་སྙིང་པོ་བར་དུ་བཅུག་སྟེ་ཨ་བྷི་ཥཱིཉྩ་བཏགས་ནས་གཙོ་བོའི་བུམ་པ་དང་བུམ་པ་བརྒྱད་ཀྱིས་མཚོན་པའི་རྫོགས་པར་དབང་བསྐུར་རོ…

བའི་བཀའ་དང༌། རྡོ་རྗེ་འཛིན་གྱི་བཀའ་རབ་ཏུ་བསྒྲུབ་པར་བགྱིའོ། །དེ་ནས་སྒྲུབ་པ་བཤད་དེ། ད་ནི་དུག་བསལ་བའི་སྒྲུབ་པའི་ཐབས་སྟོན་ཏེ། འདིར་མི་རྣམས་ལ་འཚེ་བའི་ཀླུ་ནི། གླང་པོ་ཆེ་དང༌། སྦྲུལ་དང༌། སྦལ་པ་དང༌། རྟ་དག་གི་རིགས་སུ་གནས་པ་ལས། སྦྲུལ་གྱི་རིགས་རྣམས་ནི། མི་རྣམས་ལ་འཚེ་བ་མང་ཞིང༌། དེ་ལ་ཡང་རིགས་བརྒྱད་ཅུ་ཡོད་པར། ས་ཡི་…

ཇི་ལྟ་བར། །དུག་དང་སྦྲུལ་དང་ལྷན་ཅིག་དགོས་མེད་རྩེ། །ཞེས་གསུངས་པས། རྒྱུད་ཀྱི་རྒྱལ་པོ་རྣམས་དང་ཁྱད་པར་རྒྱུད་འདིར་ཡང་དུག་རིགས་བཞི་པོ་དེ་བསལ་བའི་ཕྱིར། བསམ་གཏན་སྔགས། ཕྱག་རྒྱའི་བྱ་བ་སྣ་ཚོགས་ཤིག་གསུངས་སོ། །དེས་ནས་ཀླུའི་དཀྱིལ་འཁོར་གསུངས་པ་ལས། ལྷ་རྫས་འོད་ཕྲེང་དཀར་པོ་ཁ་བ་ལྟར་བསིལ་བ་ཡིས། །དབུ་ལ་སྦྲུལ་མགོ་ཇི་སྙེད་…

ཅད་མ་ལུས་པར། །ཕུཊ་ཅེས་བྱ་བའི་ལག་པས་དྲང༌། །སྟེ་སྤོ་བ་སོགས་རྣལ་འབྱོར་གསུམ་གཉེ་བར་མཚོན་པ་ཡིན་ནོ། །རྣལ་འབྱོར་འདི་གསུམ་གང་ཡང་རུང་བས་དུག་བསལ་བའི་ནུས་པ་ནི། དུག་དེ་སྲང་ལ་ཅུང་བར་གྱུར་ནའོ། །དེ་ནས་རྫས་དེས་མདའ་དུག་གམ་སྦྲུལ་གྱི་དུག་རྣམས་རྣལ་འབྱོར་གང་ལ་གོམས་པ་ཤས་ཆེ་བས་བསལ་བར་བྱའོ། །དེ་ནས་ཕན་འདོགས་ཀྱི་ལས་རྣམས་ཀུན་…

པའི་སླད་དུ། བདག་ཅག་གི་སྙིང་པོ་དབུལ་བར་འཚལ་གྱིས། བཅོམ་ལྡན་འདས་ཀྱིས་དེ་ལེགས་པར་བྱིན་གྱིས་བསླབ་པར་གསོལ། འཇིགས་པར་བྱེད་པ་ཆེན་པོ་དེ་ལེགས་སོ་ལེགས་སོ། །རབ་ཏུ་འཇིགས་པར་བྱེད་པས་བདག་ཉིད་དང༌། ལྷའི་བུད་མེད་ཐམས་ཅད་ཀྱི་སྙིང་པོ་ཤོད་ཅིག །དེ་ནས་འཇིགས་པར་བྱེད་པ་ཆེན་པོས་འཇིགས་པར་བྱེད་པའི་སྒྲ་ཕྱུང་ནས། འདི་སྐད་ཅེས་གསོལ་…

ནི། །བུད་མེད་རྣམས་དང་ལྡན་པ་ལ། །ཁྲོས་པའི་བཞིན་དང་ཡིད་ཁྲོས་པར། །ཅི་བདེ་བར་ནི་བྲི་བར་བྱ། །འདིར་ནི་སྒོ་སྒོར་དེ་བཞིན་དུ། །སྒོ་བ་ཤིན་ཏུ་ཁྲོས་ལྡན་བྲི། །དེ་ལྟར་བྲིས་ཟིན་པ་དང༌། དཀྱིལ་འཁོར་བརྒྱན་པ་དང༌། ཡོ་བྱད་དགོད་པ་འོག་ནས་ཡར་བླངས་ལ། དམ་ཚིག་པ་བསྐྱེད་པ་ལ་ཡེ་ཤེས་པ་སྤྱན་དྲངས་ལ། དེ་ནས་ལྕགས་ཀྱུ་ལ་སོགས་པས། །བཀུག་སྟ…