དེ། ཡིད་སྐྱོབ་པའི་དོན་ནི་ལམ་སྒྱུར་བ་དང༌། བདེ་སྟོང་དབྱེར་མེད་ནི་ཆགས་ཆེན་གྱི་དོན་ཡིན་ནོ། །གཉིས་པ་ནང་སེལ་གཉིས་སུ་དབྱེ་བ་ནི། འོ་ན་དེ་འདྲ་བའི་ལམ་དེ་ལ་རང་འབྲས་དངོས་གྲུབ་སྒྲུབ་ཚུལ་རྣམ་པ་གཉིས་ཀྱི་དབྱེ་བ་རྟོགས་པའི་ཕྱིར། བསྐྱེད་པའི་རིམ་པ་དང༌། རྫོགས་པའི་རིམ་པ་གཉིས་སུ་དབྱེའོ། །དེ་གཉིས་ཀྱི་སྒྲ་དོན་ནི། བསྐྱེད་རིམ…

ཡིན་ནོ། །རྫོགས་པའི་རིམ་པ་ནི། ཇི་སྐད་དུ། མངོན་སུམ་དག་ནི་དེ་ཉིད་སྦྱོར་བས་མཁའ་ལ་སྐར་མ་བཞིན་དུ་དུ་མ་ལོངས་སྤྱོད་རྫོགས་པའི་སྐུ། །ཞེས་ནམ་མཁའ་ལ་སྐར་མ་ཤར་བའི་དཔེ་འདིས་སྟོང་པ་ཉིད་ལས་མ་གཡོས་བཞིན་དུ་ཤར་བའི་དོན་དང༌། སྔར་མའི་གཟུགས་བརྙན་རྟོགས་པས་བསྒོམ་མི་དགོས་པར་མིག་གིས་དངོས་སུ་མཐོང་བ་ལྟར་རྫོགས་རིམ་གྱི་ལྷ་ནི་སྟོང་…

ཉིད་མི་མཐུན་པ་ཆེ་བའི་ཕྱིར། །དེ་ཁོ་ན་ཉིད་མིན་པ་ཞེས་གསུངས་ལ། གོང་དུ་སྨོས་པ་ལྟར་རྟོག་སྒོམ་ཉིད་ཀྱི་ཕྱིར། མཆོག་ཏུ་བཟང་ཡང་རྗེས་དཔག་ལས་མ་འདས་སོ། །འོ་ན་ལུས་ཀྱི་ཆོས་ཉིད་ལྷ་སྐུའི་རྣམ་པ་ཅན་དུ་གནས་པར་ཁྱེད་འདོད་ན་ཅིའི་ཕྱིར་བསྐྱེད་རིམ་དེ་ཁོ་ན་ཉིད་ཡིད་བྱེད་མ་ཡིན། འཛིན་སྟངས་དང་གནས་ཚུལ་མཐུན་པས་སོ་སྙམ་ན། དེ་ཁོ་ན་ཉིད་…

དམ་ཆོས་ཉིད་ཀྱི་ལྷ་སྐུ་རྣམ་བཅས་མི་འདོད་པ་རྣམས་ལ་ནི། བསྐྱེད་རིམ་ནམ་དུ་ཡང་དེ་ཁོ་ན་ཉིད་ཡིད་བྱེད་དུ་འགྱུར་བའི་དྲི་ཙམ་ཡང་མེད་དེ། ཐ་མལ་གྱི་ལུས་སམ། དེ་སྦྱངས་པའི་ཤུལ་ཙམ་མམ། དེའི་ཆོས་ཉིད་སྟོང་པ་ཙམ་མམ། རིག་སྟོང་ཟུང་འཇུག་ཙམ་མམ། འབྲས་བུ་སངས་རྒྱས་འབྱུང་བའི་ནུས་པ་ཙམ་མམ་གང་ལ་དམིགས་ནས་བསྒོམས་ཀྱང་འདྲ་སྟེ། མཚན་དཔེའི་ར…

པ་སྐྱེ་བའི་རིམ་པ་རྣམས་འདྲ་མཚུངས་ཀྱི་སྒོ་ནས་དག་པར་བྱེད་པ་དང༌། འབྲས་བུ་སངས་རྒྱས་ཀྱི་ཆོས་རྣམས་རྣམ་པ་མཚུངས་པའི་སྒོ་ནས་རྫོགས་པ་སྟེ་ཐོབ་པར་བྱེད་པའི་རྒྱུ་དང༌། ལམ་གོང་མ་རྫོགས་རིམ་བསྒོམ་པའི་གཞི་འདིངས་ཤིང་རྒྱུད་སྨིན་པར་བྱེད་པ་རྣམས་སོ། །རྫོགས་པའི་རིམ་པ་ལ་ནི། ངོ་བོ་རྣམ་པར་མི་རྟོག་པའི་ཡེ་ཤེས་ལ་ཁྱད་ཆོས་རྒྱུའི་ཁྱད…

དུ་སྐྱེད་པ་དང༌། ལྷག་པར་སྐྱེད་པའི་དོན་དང༌། འགའ་ཞིག་ཚེ་དེ་ལ་རྫོགས་རིམ་སྒོམ་པར་མི་ནུས་པ་དང༌། མི་མོས་པའི་རིགས་ཅན་དག་རྗེས་སུ་བཟུང་བ་དང༌། རྫོགས་པའི་རིམ་པའི་རྣལ་འབྱོར་པ་ལའང་བསྐྱེད་རིམ་གྱིས་བོགས་འབྱིན་པའི་གནས་སྐབས་ཡོད་པས་བསྐྱེད་པའི་རིམ་པ་བསྒོམ་པར་བསྟན་པའི་དགོས་པ་ནི་དེ་དག་ཡིན་ནོ། །སྐབས་འདིར་ལས་ཚོགས་ནི། ལས་ཆེ…

ཁམས་གསུམ་གྱིས་ཕྱག་བྱས་པ། ཞེས་པའི་སྐབས་སུ། གཟུགས་མེད་ཁམས་པས་ཀྱང་ཕྱག་བྱས་པར་བཤད་པ་སོགས་དང་འགལ་ཏེ་ལུས་གཏན་ནས་མེད་ན། གནས་ཀྱི་དགོས་པ་སྟོང་པ་དང༌། ཕྱག་ཇི་ལྟར་འཚལ། འདི་དག་གིས་ནི་ཐེག་པ་ཆེན་པོའི་མདོ་སྡེ་རྣམས་ངེས་པོར་མ་བཀླགས་ཤིང༌། ཐེག་ཆེན་རྒྱུད་བླའི་འགྲེལ་བར་ཐོགས་མེད་ཀྱིས་དྲངས་པའི་མདོ་སྡེའི་ལུང་མང་པོ་ལའང་རང་བཟ…

འགྱུར་བཅས་ཀྱི་ཐིག་ལེ་བཅུ་དྲུག་བཀག་ནས་འགྱུར་མེད་ཀྱི་ཐིག་ལེ་བཅུ་དྲུག་སྒྲུབ་པའི་ཐབས་རྣམས་མང་མི་དགོས་ཤིང་ཉུང་ན་མི་འདུ་བའི་གྲངས་ངེས་སོ། །བསྐྱེད་རིམ་གྱི་སྒོ་ནས་རིག་པ་འཛིན་པའི་དངོས་གྲུབ་སྒྲུབ་པ་ལའང་མོས་སྒོམ་གྱི་རྒྱུ་ལས་བྱུང་བའི་གསལ་སྣང་ཅན་གྱི་ཏིང་ངེ་འཛིན་ལ། དེ་དག་གི་རྣམ་པ་ལམ་བྱེད་ཚང་དགོས་པ་ཡང་མང་མི་དགོས་ཤི…

པའོ། །དེ་བཞིན་དུ། རྡོ་རྗེ་ཅན་དག་གིས་བསྟན་པ། རིམ་པ་གཉིས་ལ་ཡང་དག་གནས། །བསྐྱེད་པ་ཡི་ནི་རིམ་པ་དང༌། །རྫོགས་པ་ཡི་ཡང་རིམ་ཉིད་དོ། ཞེས་གསུངས་ནས། དེ་ལ་དེང་སང་ཕལ་གྱིས་གོ་ལུགས་ལྟར་ཀུན་རྫོབ་དང༌། དོན་དམ་ཞེས་བྱ་བ། ཀུན་རྫོབ་རྟེན་འབྲེལ་སྣ་ཚོགས་དང༌། དོན་དམ་སྤྲོས་བྲལ་ཙམ་གྱི་དབང་དུ་བྱས་པའི་སྒོ་ནས་རིམ་པ་གཉིས་འཇོག་པ་ནི་མ…

ཐུག་པ་སྐད་ཅིག་རེ་རེ་རང་རང་གི་ངོ་ཐོག་དེ་ན་སྐྱེ་བའི་མཚན་ཉིད་ཅན་ཤ་དག་ཀྱང་ཡིན་ལ། ཡང་དུས་དེ་ཉིད་དུ་འགག་ཅིང་འཇིག་པའི་མཚན་ཉིད་ཅན་འབའ་ཞིག་ཀྱང་ཡིན་པའི་ཕྱིར། སྐྱེས་བུའི་སྐྱེ་བ་དེ་ལ་ཚེ་སྟོད་སྨད་ལྟ་བུར་ཁྱད་གཞི་སོ་སོར་ཕྱེ་ནས། སྐྱེ་འཇིག་གི་ཆ་སོ་སོ་ལ་སྦྱོར་རྒྱུ་མེད་དོ། །དེས་ན་འཆི་བ་ནི་འཇིག་པའི་མཚན་ཉིད་ཅན་ཡིན་པར་སོ…

འོ་ན་རྫོགས་རིམ་གྱི་སྐབས་སུ་ཡེ་ཤེས་ཀྱི་སྣང་བ་སྐྱེད་པ་མ་ཡིན་ནམ་ཞེ་ན་ཡིན་མོད་ཀྱི། རྣམ་རྟོག་གི་རྒྱུ་ལས་སྐྱེད་པ་ནི་ཀུན་རྫོབ་འབའ་ཞིག་པ་དང༌། འཇིག་རྟེན་སྐྱེད་པ་ཁོ་ན་ཡིན་ལ། མ་བརྟགས་པར་ཤར་བའི་ཡེ་ཤེས་ཀྱི་སྣང་བ་ཡང་ངེས་པར་དཔྱད་ན་ཀུན་རྫོབ་དོན་དམ་གཉིས་ཀའི་ཆ་ཡོད་མོད་ཀྱི། དོན་དམ་གཙོ་བོ་ཡིན་ཞིང༌། སྲིད་པ་སྐྱེད་པའི་རིམ…

མི་རྟོག་པ་ལ་རྣམ་འཇུག་བྱ། །ཞེས་གསུངས་ཤིང༌། དགྱེས་རྡོར་ལ་སོགས་པའི་རྒྱུད་གཞན་ལས་ཀྱང༌། དེ་ལྟར་གསུངས་པ་མང་སྟེ། དབང་རྟུལ་དང་པོའི་ལས་ཅན་ཤིན་ཏུ་མང་པོ་ཞིག་ཚེ་འདིར་རྫོགས་རིམ་གྱི་ཡེ་ཤེས་སྐྱེ་བའི་སྐལ་བ་མེད་པ་དང༌། ཅུང་ཟད་ཡོད་དུ་ཆུག་ཀྱང་བསྐྱེད་རིམ་སྔོན་དུ་མ་སོང་བར་རྫོགས་རིམ་གྱི་རྟོགས་པ་དངོས་མི་སྐྱེ་བའི་དབང་དུ་མཛད…

ཞིང་དུལ་བར་བྱས་པའི་རྗེས་སུ་ས་ལུ་ལ་སོགས་པའི་བཟང་འབྲུ་འདེབས་པར་བྱེད་པ་བཞིན་དུ། རྫོགས་རིམ་ཀྱི་སྔོན་དུ་བསྐྱེད་རིམ་དེར་ཕྱིན་པར་བྱེད་པའམ། བསྐྱེད་རིམ་ཅི་རིགས་པ་སྔོན་དུ་གཏོང་པ་ཡིན་ལ། སྐྱེ་བ་དང་པོ་ལ་བསྐྱེད་རིམ་ཁོ་ན་བསྒོམས་ཤིང༌། ཕྱི་མ་ལ་རྫོགས་རིམ་སྒོམ་པ་ཡང་དེའི་རིགས་ཡིན་ནོ། །དང་པོ་ཉིད་ནས་ཆ་མཉམ་དུ་སྒོམ་པ་རྣམས་…

འགའ་ཞིག་འདི་སྙམ་དུ། རྒྱུད་གཞུང་ཐམས་ཅད་ཀྱི་དགོངས་པ་ནི། བསྐྱེད་རིམ་བརྟན་ནས་རྫོགས་རིམ་སྒོམ་པ་ཡིན་ལ། ཆ་མཉམ་དུ་སྒོམ་པ་འདི་འདྲ་བསྐྱེད་རིམ་མི་སྒོམ་པར་རྫོགས་རིམ་ལ་ཅང་འཇུས་བྱེད་པ་ལས་བཟང་ཞིང་དགག་བྱ་ཆུང་ཡང༌། སྔ་མ་ལྟ་བུའི་ཕན་ཡོན་མེད་ལ། བོད་ཀྱི་གསང་སྔགས་པ་ཕལ་ཆེར་དང༌། རྒྱ་གར་བ་འགའ་ཞིག་འདོད་དུ་ཆུག་ཀྱང་རང་འདོད་དང་བ…

གིས་སྔགས་ལ་ཞུགས་པ་ཡིན་པས། འདི་དག་ལ་ནི་རྫོགས་རིམ་དངོས་གཞི་སྐྱེད་དཀའ་བ་བཞིན་དུ་བསྐྱེད་རིམ་དངོས་ཀྱང་སྐྱེ་དཀའ་ལ་རྗེས་མཐུན་ཙམ་ནི་གཉིས་ཀར་སྐྱེར་རུང་བས་གང་མོས་པ་ལ་ཞུགས་པས་གདུལ་བྱ་དེ་ཉིད་ལ་བལྟོས་པའི་དོན་ཁྱད་པར་ཅན་འགྲུབ་ཀྱི་སྔ་ཕྱིའི་གོ་རིམ་ངེས་པ་མེད་དེ། གཽ་ཌ་བཞད་གད་མཁན་གྱི་རྩོད་པའི་དཔེ་བཞིན་ནོ།། །།བདུན་པ་དབང…

དེ་ལྟར་ན་གྲོལ་བྱེད་དངོས་རྫོགས་རིམ་ཡིན་ལ། བསྐྱེད་རིམ་ནི་དེའི་སྔོན་འགྲོའམ་ཆ་ལག་ལྟ་བུར་འགྱུར་བའི་ཕྱིར། དེའི་ཁོངས་སུ་བསྡུ་བ་ཡིན་གྱི་གྲོལ་བྱེད་དངོས་མ་ཡིན་ནོ། །འབྲས་བུའི་སྐབས་ས་ལ་སྦྱར་ན། དབང་བདུན་ས་བདུན་གྱི་དག་པ་དང་སྦྱར་བ་ལྟར་མངོན་བྱང་ལྔ་དང་སྙིང་རྗེའི་དབང་དང་དམ་ཚིག་གི་དཀྱིལ་འཁོར་དང༌། ཡེ་ཤེས་པ་གཞུག་པ་དང༌། …

འབྲས་བུ་དེ་ཡང་དངོས་སུ་ས་བཅུ་གཅིག་པ་ཉིད་ཀྱི་དངོས་འབྲས་ཡིན་པའི་ཕྱིར། རྒྱུ་ས་བཅུ་གཅིག་པ་དང༌། འབྲས་བུ་ས་བཅུ་གཉིས་གཉིས་ཀར་འདས་པའི་དབང་བཞི་པ་ཁོ་ནའི་ཐོབ་སྐལ་དུ་བྱུང་ངོ༌། །འཇིག་རྟེན་པའི་དབང་རྣམས་དང་མི་མཚུངས་ཏེ། དཔེར་ན་ས་བརྒྱད་པ་བུམ་དབང་གི་ཐོབ་བསྐལ་ཡིན་ལ། བརྒྱད་པའི་དངོས་འབྲས་དགུ་པ་ཡིན་ཡང༌། དེ་གསང་དབང་གིས་ཐོབ…

བྲག་ཏུ་བཤད་པ་ལ། གང་གིས་སྒྲུབ་པའི་གང་ཟག་གང་དུ་སྒྲུབ་པའི་གནས། ཇི་ཙམ་བར་དུ་སྒྲུབ་པའི་དུས། ཇི་ལྟར་སྒྲུབ་པའི་ཐབས། དེ་ལྟར་བསྒྲུབས་པའི་འབྲས་བུ་སྟེ་ལྔ་ལས། དང་པོ་ནི། རྒྱུད་ལས། ཟབ་ཅིང་རྒྱ་ཆེ་ལ་སེམས་བླ་མའི་ངེས་པ་ལ་དགའ་གཏོང་བའི་ངང་ཚུལ་དང་ལྡན་ཡོན་ཏན་ཤེས། །ཐར་པ་དོན་གཉེར་རྒྱུད་ལ་གུས་ཤིང་གཡོ་བ་མིན་པའི་སེམས་ལྡན་དེ་ཉ…

ཅིག་དགོས། དེ་ལ་དབང་དེ་དག་བསྐུར་དགོས་པའི་ཕྱིར་རོ། །དེ་ལས་ཀྱང་བསྐྱེད་རིམ་ལ་གཙོ་བོར་བྱེད་ཀྱང་རིམ་གཉིས་འབྲེལ་ཅན་སྒོམ་པ་ལ་ནི། དབང་བཅུ་གཅིག་པོ་ཐོབ་པ་མེད་དུ་མི་རུང་བའི་ཡན་ལག་གོ། །།གཉིས་པ་ནི་གནས་སྤྱིའི་དབང་དུ་བྱས་ནས། རྩ་རྒྱུད་ལས། གང་ན་ས་སྐྱོང་ཆོས་ལྡན་ཞིང༌། །གང་ཞིག་ཁོ་ནར་སྐྱེ་དགུ་རྣམས། །བདེར་གནས་ས་འཛིན་རྩོད་…

དང་པོ་ལ་ཡང་གཉིས་ཏེ། སྒྲུབ་ཐབས་ཀྱི་ཆིངས་ཟུར་ཙམ་སྨོས་པ་དང༌། མངོན་རྟོགས་རྒྱས་པའི་རིམ་པ་རྣམ་པར་ངེས་པའོ། །དང་པོ་ནི། སྤྱིར་རྣལ་འབྱོར་ཕྱི་ནང་གི་རྒྱུད་ཀུན་ལས། དང་པོ་ལ་སྦྱོར་བ་དང༌། དཀྱིལ་འཁོར་རྒྱལ་མཆོག་དང༌། ལས་རྒྱལ་མཆོག་སྟེ་ཏིང་ངེ་འཛིན་གསུམ་དུ་གསུངས་བ་མང་པོ་ཡོད་ལ། རྣལ་འབྱོར་ཆེན་པོ་ཐབས་ཀྱི་རྒྱུད་དཔལ་གསང་བ་འདུ…