བདག་གིས་ཐོབ་པར་མཛོད། །ལན་གསུམ། བུ་ཁྱོད་ཇི་ལྟར་འདོད་པ་བཞིན། །རྒྱལ་བ་ཀུན་གྱི་བདེ་ཆེན་སྦྱིན། །ཞེས་གནང་བ་རྩལ། མཚན་ཉིད་ཐམས་ཅད་ཡོངས་སུ་རྫོགས་པའི་ཕྱག་རྒྱ་ཤེས་རབ་ཀྱི་ཕ་རོལ་ཏུ་ཕྱིན་པར་གྱུར། རྗེས་སུ་ཆགས་པ་རྣམ་མང༌། ནས་ཐམས་ཅད་ཀྱི་དྲི་མ་སྦྱངས་པར་གྱུར། གྱི་བར་རྗེས་སུ་རྣལ་འབྱོར་བཞིན། དེ་ལྟ་བུའི་ལྷན་ཅིག་སྐྱེས་པའི་ར…

སྣ་ཚོགས་གཟུགས་ཅན་ཡིད་འོང་མ། །ཟུང་ཅིག་ཁྱེར་ཅིག་སེམས་དཔའ་ཆེ། །བཟུང་ལ་མཆོད་པ་རྟག་ཏུ་གྱིས། །ཐབས་གཞན་གྱིས་ནི་སངས་རྒྱས་མིན། །འགྲོ་བ་གསུམ་དུ་དག་པ་ཡིན། །དེ་ཕྱིར་འདི་དང་བྲལ་བར་ནི། ཁྱོད་ཀྱིས་ནམ་ཡང་མ་བྱེད་ཅིག །འདི་སྟེ་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདའ་བྱེད་པ། །དངོས་གྲུབ་མཆོ…

སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ལན་གསུམ། དེ་ལྟར་ཡང༌། སེམས་དཔའ་སངས་རྒྱས་ཀུན་གྱིས་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །ཞེས་པ་དང༌། ཐབས་དང་ཤེས་རབ་གཉིས་མེད་པའི། །རྣམ་གསུམ་ཕྱག་རྒྱ་གང་རུང་ལས། །གཉིས་མེད་བདེ་…

གསོལ་བཏབ་དང༌། ཡིག་བརྒྱ་དང༌། བཟོད་གསོལ་རྣམས་སྤྱི་དང་མཐུན་པར་བྱས། རས་བྲིས་ཡིན་ན་བརྟན་བཞུགས་བྱས་ལ། བདག་སྲུང་བ་དང༌། སྨོན་ལམ་བཀྲ་ཤིས་རྣམས་བྱའོ། །རྡུལ་ཚོན་གྱི་ཆོ་ག་ཞག་སྦྲེལ་མར་བྱེད་པའི་ཉི་མ་སྔ་མ་རྣམས་ལ་ཡང་དེ་བཞིན་ནོ། །དཀྱིལ་འཁོར་གཤེགས་སུ་གསོལ་བར་བྱེད་ན། ཨོཾ་བཛྲ་ཨུ་ཏིཥྟཿ ཞེས་ལན་མང་པོས་ཡེ་ཤེས་ཀྱི་དཀྱིལ་འཁོར…

དང་མཐུན་པར་བྱས། རྒྱུད་སྡེ་གཞན་གྱི་རྒྱུད་ཚིག་ལ་བཅོས་སླད་ལྟར་སྣང་བ་འགའ་རེ་འདུག་པ། སོ་སོའི་རྒྱུད་ཚིག་བཞིན་དུ་བཅོས། དཀྱིལ་ཆོག་རྙིང་མ་འདི་གཉིས། གསང་སྔགས་རྙིང་མ་དངོས་ཡིན་ཡང༌། ཆོག་སྒྲིགས་རྣམས་རྙིང་མ་བཀའ་གཏེར་ཞེས་ཕྱོགས་འདི་ན་གྲགས་པ་རྣམས་དང༌། མི་འདྲ་བར། གསར་མའི་ཆོ་ག་རྣམས་དང་ཁྱད་པར་མི་སྣང་བའི་ཕྱིར། ཆོ་གའི་རིམ…

ཡང་སློབ་དཔོན་དེ་དང་དེས་མཛད་པ་དངོས་ཡིན་དུ་ཆུག་ཀྱང༌། བར་བར་དུ་གོ་བདེ་བའི་ཕྱིར་ཚིག་སྣ་བསྲིངས་པ་ཡང་སྲིད་དེ། གང་ལྟར་ཡང་གཞུང་བཟང་པོར་ནི་སྣང་ངོ༌། །འདི་ལ་བོད་ཀྱི་མཁས་པས་ལག་ལེན་གསལ་པོར་སྦྱར་བའི་ཡི་གེ་གཞན་ཉུང་བར་སྣང་ཞིང༌། ཕྱིས་བྱོན་གྱི་མཁས་གྲུབ་འགའ་ཞིག་གིས་མཛད་པ་མཐོང་ཡང༌། རྒྱས་ཆེས་པ་དང་གོ་དཀའ་བར་གྱུར་པས་དུས་མ…

འཁོར་ལོ་སྡོམ་པའི་ལྷ་ཚོགས་ཀྱི་བཀྲ་ཤིས་དགེ་ལེགས་རྒྱ་མཚོ་ཞེས་བྱ་བ་བཞུགས།

ཨོཾ་སྭ་སྟི། བདེ་ལེགས་སུ་གྱུར་ཅིག །དཔལ་ལྡན་ཕྱོགས་ཀུན་དགེ་ལེགས་སྦྱིན་མཛད་པ། །མཁའ་དབྱིངས་རབ་གང་རྒྱལ་བ་སྲས་བཅས་དང༌། །བླ་མ་དཀྱིལ་འཁོར་ལྷ་ཚོགས་ཐམས་ཅད་ཀྱིས། །ཤིན་ཏུ་དགེས་པའི་སྤྱན་ནི་རབ་ཕྱེ་ནས། ཁ་ཅིག་མེ་ཏོག་ཆར་འབེབས་རྔ་ཆེན་བརྡུང༌། །གཞན་དག་བཀྲ་ཤིས་གླུ་ལེན་མཆོད་པ་བྱེད། ཁྲོ་བོ་ལྷ་མོར་བཅས་པས་བར་ཆད་བསྲུང༌། ཁྱེད་…

འཁོད་པ་རྣམས་གཙོ་བོར་གྱུར་པའི་ཁམས་གསུམ་གྱི་སྐྱེ་འགྲོ་ཐམས་ཅད་སྲིད་པ་དང་ཞི་བའི་ཕུན་ཚོགས་ཀྱི་དཔལ་ལ་གནས་པས་ལྷག་པར་སྐྱོང་བར་གྱུར་ཅིག །རྒྱལ་བ་དབང་ཕྱུག་བརྒྱད་ལྡན་འཁོར་ལོ་སྡོམ། རྣལ་འབྱོར་མ་དཔལ་གསང་བའི་བདག་པོ་དང༌། །ས་ར་ཧ་དང་ཀླུ་སྒྲུབ་ཤཱ་བཱ་རི། །ལཱུ་ཡི་པ་དང་ད་རི་ཌེངྒེ་པ། །རྡོ་རྗེ་དྲིལ་བུ་པ་དང་རུས་སྦལ་ཞབས། །ཛཱ་…

ཉིན་མོར་བྱེད་པ་ལ། འཇིགས་བྱེད་དང་དུས་མཚན་གྱི་གདན་ལ། མཆོག་ཏུ་མཛེས་པའི་མཚན་དང་དཔེ་བྱད་རབ་ཏུ་འབར་བ་ཨིནྡྲ་ནཱི་ལིའི་ལྷུན་པོ་ལ་ཉིན་མོར་བྱེད་པའི་འོད་ཟེར་འབུམ་གྱིས་འཁྱུད་པ་ལྟ་བུ་དབང་ཕྱུག་བརྒྱད་དང་ཡོན་ཏན་བརྒྱད་དང་ཡན་ལག་བདུན་དང་རོ་མྱང་བརྒྱད་ལ་སོགས་པ་ཡོན་ཏན་ཐམས་ཅད་དང་ལྡན་པའི་སྟོན་པ་ཕུན་སུམ་ཚོགས་པ་བཅོམ་ལྡན་འདས་ད…

གཙོ་བོ་གྲུབ་པའི་རྟོག་པ་རྨད་དུ་བྱུང་བ། དཔའ་བོ་ཆེན་པོ་བཀླགས་པས་འགྲུབ་པ། ཐམས་ཅད་དུ་གཞན་གྱིས་མི་ཐུབ་པ་གདོད་ནས་གྲུབ་བརྒྱུད་ཐམས་ཅད་ཀྱི་བླ་མ། དཔལ་ཧེ་རུ་ཀ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་རྩ་བའི་རྒྱུད་དང༌། བཤད་པའི་རྒྱུད་དང༌། ཡན་ལག་གི་རྒྱུད་དང་བཅས་པ་ལ་ཤིན་ཏུ་ངོ་མཚར་བའི་དགེ་ལེགས་ཀྱི་མཚན་མ་ཇི་སྙེད་མངའ་བའ…

དཔའ་བོ་ཆེན་པོ་སྣ་རྡོ་རྗེ་དང༌། དཔའ་བོ་ཆེན་པོ་ལྕེ་རྡོ་རྗེ་དང༌། དཔའ་བོ་ཆེན་པོ་ལུས་རྡོ་རྗེ་དང༌། དཔའ་བོ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་དང༌། རྣལ་འབྱོར་མ་ཆེན་མོ་ལྟུང་བྱེད་མ་དང༌། རྣལ་འབྱོར་མ་ཆེན་མོ་གསོད་བྱེད་མ་དང༌། རྣལ་འབྱོར་མ་ཆེན་མོ་འགུགས་བྱེད་མ་དང༌། རྣལ་འབྱོར་མ་ཆེན་མོ་པདྨ་གར་གྱི་དབང་ཕྱ…

ཀུན་ཞི་ཕུན་ཚོགས་དཔལ་འབྱོར་རྒྱས། །ཆོས་ཀུན་ལྷན་སྐྱེས་རབ་འབྱམས་སྡོམ་པའི་མཆོག །རང་གཞན་ཕན་བདེ་རྒྱས་པའི་བཀྲ་ཤིས་ཤོག །བཀྲ་ཤིས་གང་ཞིག་སྣ་ཚོགས་པདྨའི་འདབ་མ་ལ། །རིགས་ཀྱྀ་ཡུམ་བཞི་དཔའ་བོའི་ཕྱོགས་བཞིའི་ཞལ་ལ་གཟིགས། །པདྨའི་མུ་ཁྱུད་གྲི་གུག་ཕྲེང་བས་རྣམ་པར་མཛེས། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །མཁའ་འགྲོ་ལཱ་…

ཀུན་ལྷན་སྐྱེས་རབ་འབྱམས་སྡོམ་པའི་མཆོག །རང་གཞན་ཕན་བདེ་རྒྱས་པའི་བཀྲ་ཤིས་ཤོག །བཀྲ་ཤིས་གང་ཞིག་ནམ་མཁའི་གནས་ན་ལེགས་སྤྱོད་པའི། །འཁོར་ལོ་སྔོན་པོ་རྩིབས་བརྒྱད་མུ་ཁྱུད་རྡོ་རྗེའི་ཕྲེང༌། །གནས་ལ་སོགས་པར་དཔའ་བོ་དཔའ་མོ་གཉིས་མེད་རོལ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །ཐུགས་ཀྱི་རིགས་གྱུར་ཕོ་ཉ་གསུམ་འདུས་ལས། །འ…

ལོ་དཀར་པོ་རྩིབས་བརྒྱད་མུ་ཁྱུད་འཁོར་ལོའི་འཕྲེང༌། །འདུ་ལ་སོགས་པར་དཔའ་བོ་དཔའ་མོ་གཉིས་མེད་རོལ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །སྐུའི་རིགས་གྱུར་ཕོ་ཉ་གསུམ་འདུས་ལས། །འོད་གསལ་དགའ་སྟོན་སྦྱིན་མཛད་ས་འོག་སྤྱོད། །འདུ་དང་དུར་ཁྲོད་ཉེ་བར་བཅས་པ་ཡི། །དཔའ་བོ་ལྷ་མོར་དགེ་ལེགས་ཅི་མངའ་བས། །མི་མཐུན་ཀུན་ཞི་ཕུན་ཚ…

སྣ་ཚོགས་ལས་གྲུབ་པའི་སྟེང་ན་རྡོ་རྗེ་རིན་པོ་ཆེའི་གཞལ་ཡས་ཁང་རྒྱན་དང་མཚན་ཉིད་ཐམས་ཅད་རྫོགས་པ་ཉི་མ་དང་ཟླ་བའི་འོད་ལྟར་འབར་བའི་དཔག་ཚད་བྱེ་བར་ཁྱབ་པ། དྲིལ་བུ་དཔྱངས་པའི་སྒྲ་ལས་ཡན་ལག་དགུ་དང་ལྡན་པ། རྡོ་རྗེ་ཐེག་པའི་ཆོས་ཀྱི་འཁོར་ལོ་གཞོམ་དུ་མེད་པའི་དབྱངས་ལ་འཇུག་པའི་སྒྲ་སྒྲོག་པ། སྲུང་བའི་འཁོར་ལོས་བསྐོར་བའི་ཕྱིར་རོལ་…

གང་ཞིག་རྟ་བབས་པདྨ་འཁོར་ལོ་གདུགས། །རི་དྭགས་དང་བཅས་མཛེས་པའི་བ་དན་བཅུ་དྲུག་འཕྱར། །རླུང་གིས་བསྐྱོད་པའི་དྲིལ་བུ་ཆོས་ཀྱི་སྒྲ་སྒྲོགས་པ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཅུ་གཉིས་ས་ཡི་རང་བཞིན་འཁོར་ལོ་ལྔ། །རབ་ཡངས་ཕོ་བྲང་དམ་པ་གཞལ་མེད་ཁང༌། །རིན་ཆེན་རྒྱན་རྣམས་ཀུན་ལྡན་སྣང་བྱེད་གཙོ། །བཅོམ་ལྡན་རྟག་པའི་ར…

བླ་རེས་ཀུན་ནས་བྲིས་ཤིང་མདའ་ཡི་དྲ་བར་ལྡན། །ཡེ་ཤེས་མེ་དཔུང་འབར་བའི་ཀུན་ནས་ཡོངས་བསྐོར་བའི། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །རྣམ་ཤེས་བརྒྱད་ཀྱི་སྲིད་པ་སྤངས་པ་ལས། །དུར་ཁྲོད་བརྒྱད་པོ་ཉེར་སྤྱོད་ཡོངས་རྫོགས་པ། །དཀྱིལ་འཁོར་པ་ཀུན་མཆོད་ཅིང་ལས་ཀུན་སྒྲུབ། །སྒྲུབ་ལ་ཞི་རྒྱས་དབང་དང་དྲག་པོའི་ལས། །སྦྱིན་མཛད་…

འཁོར་ལོ་སྡོམ་པའི་ཚོགས་མཆོད་དགེ་ལེགས་རྒྱ་མཚོ་ཞེས་བྱ་བ་བཞུགས།