ལྟེ་བའི་ཨཾ་ཡིག་ལ་བྱང་ཆུབ་ཀྱི་སེམས་ཐིམ་པ་ནི། ཡེ་ཤེས་དགུག་གཞུག་དང་དབང་སྐུར་རྒྱས་བཏབ་ཀྱང་ཡིན་པས། བསྙེན་སྒྲུབ་ཡན་ལག་བཞི་ཚང་བ་དང༌། ཡང་ལྟེ་བའི་ཡི་གེ་ཨཱ་ལི་ཀཱ་ལི་འདྲེས་པ་དང་གཏུམ་མོ་འབར་བ་ནི། མངོན་བྱང་ལྔ་ལས་གཙོ་བོར་བཞེངས་པ་དང༌། གཏུམ་མོ་འབར་བས་སྙིང་ག་སྲེག་པ་ན། གཟུང་འཛིན་གྱི་རླུང་རྣམས་འགག་པ་ནི། སྐྱེ་མཆེད་བྱིན…

ཤིང་མཆོད་ན། ལྷ་མཉེས་པ་དང༌། དངོས་གྲུབ་སྩོལ་བ་སོགས་མཛད་དོ། །རྫོགས་པའི་རིམ་པའི་སྐབས་འདིར་རླུང་གི་དེ་ཁོ་ན་ཉིད་ཤེས་པའི་རྣལ་འབྱོར་པས། རླུང་ནང་འཇུག་སྤྱན་འདྲེན་པ། གནས་པ་ནི་བཞུགས་པ། ཕྱིར་འགྲོ་བ་ནི་གཤེགས་སུ་གསོལ་བའོ། །ཐིག་ལེ་ལ་སྦྱར་ན། བྱང་ཆུབ་ཀྱིས་སེམས་སྤྱི་བོ་ནས་འོང་བ་སྤྱན་འདྲེན་པ། འཁོར་བཞིར་ཡས་བབས་དང༌། མས་བ…

ཁོ་ན་ཉིད་དངོས་ཡིན་ལ། དེ་ཉིད་ལྟེ་བའི་གཏུམ་མོ་འབར་བས་རྟོགས་པར་འགྱུར་བའི་ཕྱིར། ལྟེ་བ་ནི་སྔགས་ཀྱི་དེ་ཉིད་དོ། །ཀུན་རྫོབ་ཏུ་ལུས་ནི་ལྷ་ཞེས་བྱ་ན། ལུས་ཀྱི་སྣང་བ་འབྱུང་བའི་གཞི་ཡིན་པ་དང༌། ལུས་ཐོག་མར་འགྲུབ་པ་དང༌། མཐར་འཆི་བའི་ཚེ་བསྡུད་པའི་གནས་དང༌། བར་དོར་ལྡང་བ་སོགས་སྙིང་ག་ནས་བྱེད་པ་དང༌། བསྐྱེད་རིམ་གྱི་སྐབས་དཀྱིལ…

བདེ་ལས་ངེས་པར་རྟོག་པར་འགྱུར་བ་ཡིན་ལ། ཞུ་བདེ་འབྱུང་བའི་རྩ་བའི་གནས་སྤྱི་བོ་ཡིན་པའི་ཕྱིར། སྤྱི་བོ་ནི་ཡེ་ཤེས་ཀྱི་དེ་ཉིད་དུ་བཞག་གོ །ཡང་སྔགས་ཀྱི་དེ་ཉིད་གཏུམ་མོའི་མེ་ཡིན་ཏེ་ལྟེ་བ་ན་གནས་པ་དང༌། ལྷ་ནི་དཔྱིད་ཀྱི་རྒྱལ་པོ་དེ་སྙིང་ག་ན་གནས་པ་དང༌། དཀྱིལ་འཁོར་ནི་སྙིང་པོ་འཛིན་པའི་ཕྱིར་ཐིག་ལེའི་བདེ་བ་སྟེ་དེ་དང་པོར་ཞུ་…

སཽ་རཥྟ་དང༌། སུ་བརྞ་དྭི་པ་ནི་ཉེ་བའི་འདུ་བའོ། །ན་ག་ར་དང༌། སིནྡྷུ་ནི་དུར་ཁྲོད་དོ། །མ་རུ་དང༌། ཀུ་ལུ་ཏ་ནི་ཉེ་བའི་དུར་ཁྲོད་དོ། །འདིར་རིམ་པ་ཇི་ལྟ་བར། མགོ་བོ་དང༌། སྤྱི་གཙུག་དང༌། རྣ་བ་གཡས་པ་དང༌། རྒྱབ་དང༌། རྣ་བ་གཡོན་པ་དང༌། སྨིན་མཚམས་དང༌། མིག་གཉིས་དང༌། དཔུང་པ་དག་དང༌། མཆན་ཁུང་དག་དང༌། ནུ་མ་གཉིས་དང༌། ལྟེ་བ་དང༌། ས…

སྤྱི་མིང་བྱེ་བྲག་ལ་བཏགས་ཏེ་མོས་པས་སྤྱོད་པའི་སའོ། །དེ་བཞིན་དུ་རྡོ་རྗེའི་སྐེད་པའི་རྩ་མདུད་བཞི་གྲོལ། མི་ཕྱེད་མ་ལ་ཆོ་ག་བཞི་ཏེ། དེ་རྣམས་བྱང་ཆུབ་ཀྱི་སེམས་ཀྱི་གང་བས། གནས་དང༌། རབ་ཏུ་དགའ་བའི་སའོ། གསང་གནས་ཀྱི་བཞི་དང་ཐུང་ངུ་མ་སོགས་བཞི་སྦྱར་ཏེ། ཉེ་གནས་དང་དྲི་མ་མེད་པའི་སའོ། །ལྟེ་བའི་གཉིས་དང་སྐྱོན་མ་སོགས་གཉིས་སྦྱ…

བརྒྱད་དང་བཅས་པ་ཡང༌། སྔར་ནས་བྱང་ཆུབ་ཀྱི་སེམས་ཀྱིས་གང་བའི་རྒྱུན། སྐབས་འདིར་གང་བ་མཐར་ཐུག་པ་དུས་མཉམ་པར་འགྱུར་ཏེ། ཉེ་བའི་མཐུང་གཅོད་དམ། སངས་རྒྱས་ཀྱི་སའི་མིང་ཅན་དུ་འགྱུར་ཏེ། དངོས་སུ་ན་མཐོང་ལམ་རྣམ་པར་མི་རྟོག་པའི་ཡེ་ཤེས་དང༌། དེའི་རྗེས་ལ་ཐོབ་པའི་ཟུང་འཇུག་གི་སྐུ་དང་པོའོ། དེའི་རྗེས་སུ་ལམ་གྱི་ཡེ་ཤེས་ལས་བྱུང་བའི་…

ཉི་ཤུ་རྩ་བཞིའི་དབྱེ་བས་ཐ་དད་དེ། ཞེས་པ་ནི་གནས་སོགས་བཅུ་པོ་དེ་དག་ནང་ཚན་ཉི་ཤུ་རྩ་བཞིར་དབྱེ་ཞེས་པའི་དོན་དང༌། འདིར་རིམ་པ་ཇི་ལྟ་བར་ཞེས་པ་ནི། པུལླི་ར་མ་ལ་ཡ་ནས། ཀུ་ལུ་ཏའི་བར་ལ། རེ་རེ་ཞིང་མགོ་བོ་ནས། པུས་མོའི་བར། ཕྱི་ནང་དག་པ་གཅིག་ཏུ་སྦྱོར་རོ་ཞེས་པ་སྟེ། དེ་ལ་གནས་ཀྱི་སའམ་རབ་ཏུ་དགའ་བ་ལ་དབྱེ་ན། ཡུལ་ལམ་སྤྱོད་ཡུལ་བ…

འགྱུར་བའམ། ཞིང་དུ་མི་རྒྱུ་བར་གནས་གཅིག་ཏུ་སྡོད་པ་ཡིན་ན། ནང་གི་རྩ་ཁམས་དེ་དང་དེ་རྣམས་དག་པར་ཉེ་བ་ན། གནས་སོ་སོའི་དཔའ་བོ་དང་རྣལ་འབྱོར་མ་རྣམས་ཀྱི་འདུ་བ་ཁང་ཁྱིམ་ཉིད་དུ་ཐོབ་པར་འགྱུར་ཞིང༌། སྒྲུབ་པ་པོ་གང་དུ་གནས་པའི་ས་དེ་ཉིད། གནས་དེ་དང་དེར་བྱིན་གྱིས་རློབས་པ་ཡིན་ཏེ། རྒྱུད་དེ་ལས་རྩ་དེ་དག་ཤིན་ཏུ་རྣམ་པར་འགྱུར་རོ། །…

བཞི་པོ་རྣམས་ནི། ཀུན་དུ་ཁྱབ་པའི་རྩ་ཞེས་བྱ་ཏེ། རྩ་ཉི་ཤུ་རྩ་བཞི་རྣམས་དག་པའི་མགོ་མ་ཚུགས་པ་ནས་ཀྱང་དེ་དག་གི་དག་ཚུལ་ཡོད་ལ། ཉེར་བཞི་དག་པ་དང་ལྷན་ཅིག་ཏུ་ཡང་དེའི་དག་ཚུལ་འཇུག་ཅིང༌། ཉེར་བཞི་པོ་ཡོངས་རྫོགས་དག་པའི་རྗེས་སུ་ཡང༌། འདི་རྣམས་ཀྱི་དག་པ་མཐར་ཕྱིན་རྒྱུ་སླར་ཡང་ཡོད་པས། མཐུང་གཅོད་དང་ཉེ་བའི་མཐུང་གཅོད་ཀྱི་རྩ་དག་ཚུ…

ཁ་ཕྱེ་བ་བཞིན་མངོན་དུ་གྱུར་པ་ནི། སྐྱེས་བུ་དེའི་གནས་སྐབས་དེ་ལ་ལྟོས་ནས། དག་པ་གཉིས་ལྡན་འབྲས་བུ་མཐར་ཐུག་ཅེས་བརྗོད་དོ། །དེ་ལ་སྐུའི་དཀྱིལ་འཁོར་ནི་གཡོན་རྐྱང་མ་དང༌། གསུང་གི་དཀྱིལ་འཁོར་ནི་གཡས་རོ་མ་དང༌། ཐུགས་ཀྱི་དཀྱིལ་འཁོར་ནི་དབུས་དབུ་མ་དང་ཆོས་ཆོས་ཉིད་ཀྱི་འབྲེལ་བ་ཅན་ཡིན་པས། རྩ་གསུམ་རྣམ་པར་དག་པ་ལས་དེ་དག་མངོན་དུ…

འཁོར་བའི་ལུས་ངག་ཡིད་གསུམ་དང༌། དེའི་རྩ་བ་དཀར་དམར་རླུང་གསུམ་དང༌། ཡང་ན་སེམས་སེམས་བྱུང་གི་བསྡུས་པའི་ཀུན་རྟོག་དང༌། ལུས་ངག་གནས་གསུམ་གྱི་སྣང་བ་དང༌། བྱ་བྱེད་ལས་གསུམ་ལོངས་སྤྱོད་བཅས་པ་སྟེ། མདོར་ན་དྲི་མ་གློ་བུར་བ་དེ་དག་གི་སྒྲིབས་པ་ལས། རྡོ་རྗེ་རྣམ་གསུམ་དབྱེར་མི་ཕྱེད་པ་ལམ་དུ་བྱས་ཤིང་སྒོམས་པས། དྲི་མ་དེ་བྲལ་བ་ན། འ…

གྱི་གསལ་བ་རྣམས། རིམ་པས་ལམ་དུས་ཀྱི་ཆོས་ལོངས་སྤྲུལ་གསུམ་མོ། །ཡང་འགའ་ཞིག་རླུང་འགགས་པའི་སྟོང་པ་དང༌། ཐིག་ལེའི་བདེ་བ་དང༌། གཏུམ་མོའི་གསལ་བ་ཞེས་འཆད་ན། དེའི་གོ་དོན་སྔགས་རིམ་སོགས་རིམ་པ་གསུམ་ལ་ངོས་འཛིན་པར་བྱེད་ན་ནི། འགལ་བ་མེད་པར་འགྱུར་མོད། ཚིག་མི་གསལ་བ་ལས་ནི་དོན་གྱི་རྣམ་པ་ཡང་མི་གསལ་ལོ། །དེས་ན་སྟོང་པའི་སྐབས་ཀྱི…

པའི་ཆེད་དུ་མ་ཡིན་ཏེ། །རྒྱུད་ཀྱི་དངོས་པོ་ཞེས་བྱ་བ། གཞི་ལམ་འབྲས་བུའི་བཞུགས་ཚུལ་སྤྱི་དང༌། ཁྱད་པར་ཆོས་ཐམས་ཅད་རང་ཉིད་ལ་གནས་པར་བསྟན་པའོ། །ཅིའི་ཕྱིར་རྒྱུད་ཅེས་བྱ་བ། ཐབས་ཀྱི་རྒྱུད་ལྟར་ཕན་ཚུན་འབྲེལ་བ་སྟེ། ཕྱིའི་དངོས་པོ་ཐམས་ཅད་ནང་གི་ལུས་ཀྱི་སྣང་བ་ལས་བྱུང་ལ། དེ་ཡང་སེམས་ཀྱི་བག་ཆགས་ལ་བརྟེན་ཞིང༌། བག་ཆགས་ཀྱང་ཆོས་ཉ…

ཡིན་ནམ་ཞེ་ན། མ་ཡིན་ཏེ། རྒྱུད་ལ་ནི་དེ་ལྟར་སྲིད་ཀྱང་དགོངས་འགྲེལ་གྱི་བསྟན་བཅོས་ལ་ནི་མི་མཛེས་པས་སོ། །འོ་ན་ཅི་ཞེ་ན། འདིར་གོང་དུ་བཤད་པའི་ཚུལ་འདི་ནི་མངོན་རྟོགས་ཀྱི་རིམ་པར་སྡེབས་པ་ཡིན་ལ་གཞུང་གི་དངོས་བསྟན་ནི་ཚིག་གི་འབྲེལ་རྩིས་པ་ལས་དེ་ལྟར་བྱུང་ངོ༌། །ཇི་ལྟར་ཞེ་ན་འགྲོ་བ་དང་འོང་བ་ཞེས་པ་ལ། དེ་ནི་རླུང་རྒྱུ་བའི་ཚུལ…

མོད་ཀྱང༌། ངེས་པ་མེད་ལ། ལས་ཀྱི་རྡོ་རྗེས་རིམ་པ་དང་པོ། ལུས་དབེན་དང༌། ངག་དབེན་ཏེ་རྡོ་རྗེའི་བཟླས་པའི་རིམ་པ། གཉིས་པ་ངག་དབེན། གསུམ་པ་བདག་བྱིན་བརླབ་པ། བཞི་པ་འོད་གསལ། དེའི་འབྲས་བུ་ཟུང་འཇུག་གོ་ཞེས་འཆད་པ་ནི། དོན་ལ་ཤིན་ཏུ་གནས་པས་ལེགས་པར་བཤད་པ་ཡིན་ལ། དེ་ལྟར་ན་སྐབས་འདིར་འདི་སྐད་ཅེས་བྱ་སྟེ། རྒྱུད་ཀྱི་རིམ་པ་དང༌། སྔ…

དེ་ལ་འདིར་རྒྱུད་ཅེས་བྱ་བ་ནི། གནས་པ་རྩ། གཡོ་བ་རླུང༌། བཀོད་པ་བྱང་ཆུབ་ཀྱི་སེམས། རང་བཞིན་ཆོས་ཉིད་དང་བཅས་པའི་མིང་ཡིན་ལ། དེ་རྣམས་བཞུགས་ཚུལ་དང་རྗེས་སུ་མཐུན་པར། སྒོམ་པའི་རིམ་པ་ནི། རྒྱུད་ཀྱི་རྣལ་འབྱོར་ཡིན་ཞིང༌། རྩ་དབུ་མར་གཏུམ་མོ་འབར་བ་སོགས་རིམ་པ་གོང་མའི་ཡོན་ཏན་དང་མི་ལྡན་ཞིང་དེ་ཙམ་ཡིན་པ་ནི་རྒྱུད་ཀྱི་རིམ་པའོ། …

པ་མཐའ་དག རྒྱུད་ཀྱི་རིམ་པ་ཡིན་གྱི། དམིགས་པ་གཅིག་ཁོ་ན་ལ་རྒྱུད་རིམ་ཡིན་པར་འདོད་པ་ནི་མི་འཐད་ལ། རྩ་རླུང་ཐིག་ལེའི་བཞུགས་ཚུལ་ཙམ་རྒྱུད་རིམ་ཡིན་པར་འདོད་པ་ཡང་ཤིན་ཏུ་འཁྲུལ་ལོ། །དེས་ན་རིམ་བཞིར་གྲགས་པའི་འཁྲིད་ཚུལ་ལས་བྱུང་བའི་དམིགས་པ་འདི་རྣམས་ནི། སྡོམ་པ་རྩ་རྒྱུད་ཀྱི་མན་ངག་ལས་རྩམས་ནས། སློབ་དཔོན་ནག་པོ་སྤྱོད་པའི་གདམ…

སོགས་པའི་ཁོང་སྟོང་ནི་ཨོ་ཊི་ཡ་ན་སྟེ། རྩ་དེ་རྣམས་ཀྱི་གནད་འབྱེད་པའི་སྒོ་ཞེས་བྱ་བ་རྩ་མདུད་ཀྱི་སྒོ་རྣམས་ནས་རླུང་འཇུག་པས་དབུ་མ་ཅུང་ཟད་ཁ་དབྱེ་ཞིང༌། རྩའི་ཁོང་སྟོང་དེ་རྣམས་སུ། རྡོ་རྗེ་མཁའ་འགྲོ་མ་གཏུམ་མོ་བསྐུལ་བ་ལ་ཞུགས་པ་དེ། དབུ་མར་དངོས་སུ་འབར་བའམ་དངོས་ཀྱི་སྦྱོར་བ་ལ་རེག་པ་ནི་མ་ཡིན་པ་དང༌། ཛ་ལན་དྷ་ར་སྟཻ་ལྟེ་བ་ན…

གྲགས་པ་ལས། ཚོགས་ལམ་གྱི་སྐབས་སུ་ཁམས་རྣམས་དབུ་མའི་མདུད་སྒོར་འདུ་ཞིང་ཚོགས་པའོ། །ཞེས་འདོད་པ་ཡང༌། གནས་སྐབས་འདི་དང་མཐུན་རུང་ཡིན་ནོ། །དེ་ལྟར་ན་རྩའི་མདུད་སྒོ་ནས་རླུང་འཇུག་ཅིང༌། དབུ་མ་དང་རྩ་འདབ་རྣམས་ཀྱི་ཁོང་སྟོང་དུ། འཇུག་པ་དང༌། གནས་པ་དང༌། ཐིམ་པས་རིམ་པས་གཏུམ་མོ་བསྐུལ་བར་ནི་བྱེད་ལ། དབུ་མའི་ཁ་ཅུང་ཟད་བྱེ་ཞིང་རླུ…