རིམ་ལའང་བརྟན་པ་འཕྲལ་དུ་ཐོབ་པ་དཀའ་བས། བསྐྱེད་རྫོགས་གཉིས་ཀར་སྦྲགས་ཏེ་སྒོམ་དགོས་ལ། རྫོགས་རིམ་སྒོམ་པས་ཀྱང་བསྐྱེད་རིམ་ལ་ཕན་བཏགས་ཏེ། ནམ་ཞིག་བསྐྱེད་རིམ་བརྟན་པ་ན། རྫོགས་པའི་རིམ་པ་ལ་དྲིལ་ཏེ་སྒོམ་པར་བྱེད་པའོ། །བྱིན་རླབས་ཀྱི་སྟོབས་དང་ཁམས་དང་དབང་པོའི་ཁྱད་པར་དང༌། ལམ་འཁྲིད་ཚུལ་གྱི་ཁྱད་པར་འགའ་ཞིག་ལས་ནི། དམན་པ་དང་འ…

སྒྲུབ་པའི་རྗེས་སུ་སེམས་གཞོལ་ཞིང་འབྲངས་བས་ཐུན་མོང་བའི་འབྲས་བུ་འདོད་པའི་མི་རྣམས་དེ་དང་དེའི་བྱ་བ་བྱེད་ཀྱང༌། ལུས་ངག་ཡིད་གསུམ་སྡུག་བསྔལ་བའི་འབད་པས། ཡུན་རིང་དུ་ཉོན་མོངས་པ་སྟེ་ངལ་ཞིང༌། ཤ་ཐང་ཆད་པ་བསྐྱེད་ཅིང་བླངས་ནས། རང་གི་སེམས་དེ་བཞིན་ཉིད་ལ་ཡང་དག་པར་གནས་པ་མེད་པས་སླར་ཡང་ཉོན་མོངས་པ་དང་སྡུག་བསྔལ་གྱིས་འཇོམས་སོ།…

མེད་པའི་དབྱིངས་དེར་མཉམ་པར་གཞག་པ་ཁོ་ནས་སངས་རྒྱས་ཐོབ་བོ་སྙམ་དུ་སེམས་པ་ལ། རྣམ་མི་རྟོག་ལས་སངས་རྒྱས་མིན། །ཞེས་གསུངས་ཏེ། དེ་ནི་སྟོང་པ་ཉིད་ཀྱི་འདྲ་འབག་ཙམ་ལ་སྤྱོད་པ་ཡིན་ཞིང༌། ཆད་པའི་མཐའ་བརྟེན་པ་དང༌། བསོད་ནམས་ཀྱི་ཚོགས་ལས་ཉམས་པས་སངས་རྒྱས་ཐོབ་པའི་ལམ་རྣལ་མ་མིན་ནོ། །དེ་བཞིན་དུ་ཟླ་བ་རྡོ་རྗེ་ལ་སོགས་པའི་རིམ་པས་ལྷར་…

བཅོས་མའི་ལམ་འདི་དག་སངས་རྒྱས་ཐོབ་པ་ལ་མེད་ན་མི་འབྱུང་གི་རྒྱུ་མ་ཡིན་ཞིང༌། ཐུན་མོང་མ་ཡིན་པའི་ལམ་མིན་ནོ། །ཞེས་སྨྲའོ། །དེ་ལྟར་ན་རྟོག་བཅས་ཀྱི་རྣལ་འབྱོར་རྣམས་དང་རྟོག་མེད་ཡིན་ཀྱང་སྟོང་རྐྱང་ཙམ་ནི་ལམ་ཡང་དག་པ་མ་ཡིན་ནོ་ཞེས་བཀག་ནས། ཤིན་ཏུ་རྣམ་པར་དག་པའི་རིམ་པ་ཡོངས་སུ་ཤེས་ནས་སྒོམ་པའི་མཁས་པ་རྣམས་ནི། སངས་རྒྱས་སུ་འགྱུ…

གི་ལམ་ཞེས་བྱ་བ་དེ་ཡིན་ནོ། །དེ་ཡང་སེམས་ཀྱི་གདོད་མའི་བདེ་བ་སྤྲོས་བྲལ་དང༌། དེ་ཉིད་ཀྱི་གསལ་སྣང་ཟུང་དུ་འཇུག་པ་དེ་ཐབས་ཀྱིས་མཚོན་པར་བྱས་ནས། ངོས་བཟུང་སྟེ་སྒོམ་པ་ནི། ཤིན་ཏུ་རྣམ་པར་དག་པའི་རིམ་པའོ། །བཞི་པ་ནི། བྱ་བའམ་རང་བཞིན་ཉིད་དུ་ཡོད༌། །བྱེད་པ་པོ་ཡང་རང་བཞིན་ཉིད། །བྱ་དང་བྱེད་པའི་དངོས་པོ་ཡི། །རང་བཞིན་ཉིད་ཀྱི་དང…

རང་གཞན་གྱི་སྡིག་པ་དང་ཉེར་འཚེ་ཞི་བར་བྱེད་པས་ཞི་བའི་ལས་དངོས་སུ་ཡང་འགྲུབ་ལ། བདེ་སྟོང་དེ་རྣམ་པ་ཐམས་ཅད་པ་ཡིན་པའི་འཆར་སྒོ་ལས། རྣམ་རྟོག་མེད་བཞིན་དུ་ལྷ་སྔགས་ཀྱི་རྣམ་པར་ཤར་ནས་ཞི་བས་ལས་ཀྱང་བྱེད་ཅིང༌། བསྐྱེད་རིམ་གྱི་ཕྱོགས་ལ། དཀར་པོའི་བསམ་གཏན་གྱིས་ཞི་བར་བྱེད་ཅིང༌། གསོད་པར་མི་བྱེད་པ་སོགས་ཡིན་ཀྱང༌། འདིར་ནི་ཐམས་ཅད…

དེ་ཉིད་ཀྱི་རང་ངོས་ནས། བྱ་བྱེད་རྒྱུ་འབྲས་ལ་སོགས་པའི་དབྱེ་བ་མེད་དེ། བདེ་བ་ཆེན་པོ་འབའ་ཞིག་ཏུ་རོ་མཉམ་པའི་ཕྱིར་རོ། །དེས་ན་གཞུང་གཞན་གྱི་འགྱུར་གཞན་ལས། རང་བཞིན་ལས་ནི་བྱ་བའང་ཡོད། །རང་བཞིན་ལས་ནི་བྱེད་པའང་ཡོད། །རང་བཞིན་ཡོངས་སུ་ཤེས་པ་ན། །བྱ་བ་མེད་ཅིང་བྱེད་པའང་མེད། །ཅེས་འབྱུང་བ་གོ་བདེའོ། །བྱ་བ་ཀུན་གྱི་རང་བཞིན་ནི…

འབར་སྣང་གི་རྣམ་པ་ཅན་དུ་ཤར་ནས། ཨཾ་ཡིག་གི་དོན་དེ་རྟོགས་པར་འགྱུར་བ་ཡིན་པས། ལྟེ་བར་གནས་ཞེས་གསུངས་ཤིང༌། འབར་སྣང་དེ་ཉིད་སྟོང་གཟུགས་ཕྱག་རྒྱ་ཆེན་པོ་ཡང་ཡིན་ལ། བློ་སྟེ་ཤེས་རབ་ཀྱང་ཡིན་ནོ། །དེའི་ཕྱིར་འདི་ནི་ཆོས་ཀྱི་སྐུ་ཡིན་པས་ཐོག་མར་སྐྱེ་བ་དང་མཐར་འགག་པ་མེད་ཅིང༌། ཡུལ་དུས་དང་བྱེད་པ་པོའི་གནས་པ་ཡང་མེད་ལ། གདོད་མ་ཡིན…

ཨ་ཡིག་གི་དོན་ལས་འཕྲོས་ནས། བདེན་པ་གཉིས་བསྟན་པ་ནི། ཆོས་ཐམས་ཅད་གདོད་མ་ནས་སྐྱེ་བ་མེད་པར་བསྟན་པ་ཡིན་ལ། གཟུགས་སྒྲ་ལ་སོགས་པ་མཚན་མ་དང་མིང་དང་དངོས་པོ་ཐ་དད་པ་འདི་དག་ཅིའི་ཕྱིར་འབྱུང་སྙམ་ན། འཇིག་རྟེན་ཏེ་ཀུན་རྫོབ་ཀྱི་སྣང་བ་འདི་ཐམས་ཅད་ནི། རྟག་ཏུ་ཐ་སྙད་ཙམ་མིང་ཙམ་བློས་བཏགས་པ་ཙམ་དུ་ཟད་ཀྱི། གཟུགས་སྒྲ་ལ་སོགས་པའི་མཚན་མ…

རང་བཞིན་སངས་རྒྱས་ཉིད་ཡིན་ཏེ། །ཞེས་འབྱུང་བ་ལྟར་ན། དོན་གཞན་བཤད་དུ་ཡོད་དོ། །འདི་ཉིད་ཀྱིས་ནི་སངས་རྒྱས་ཉིད། །འདི་ཉིད་ཀྱིས་ནི་གྲོལ་བར་འགྱུར། །རང་བཞིན་ལམ་ལ་བརྟེན་ནས་ནི། །ཐམས་ཅད་བྱེད་ཅིང་རྣམ་པར་གྲོལ། །ཤིན་ཏུ་རྣམ་པར་དག་པའི་རིམ་པ་འདི་ཉིད་སྒོམ་པ་ལས་ནི། སངས་རྒྱས་ཏེ་ཡེ་ཤེས་དང་ཡོན་ཏན་ཐམས་ཅད་ཡོངས་སུ་རྒྱས་པ་ནི་རྟོག…

བྱ་བ་གཟུང་བ་དང་འཛིན་པའི་དངོས་པོ་རྣམ་པར་གཅོད་པ། མཚོན་པ་སྔོན་དུ་འགྲོ་བའི་རང་བཞིན་བཤད་པ། རྒྱས་པར་བསྟན་པ་སྟེ་དང་པོའོ། །འདི་ལ་འགོས་འགྱུར་ལས། གཟུང་བ་དང་འཛིན་པའི་དངོས་པོ་ལ། མངོན་པར་ཞེན་པ་རྣམ་པར་གཅོད་པ། སྔོན་དུ་འགྲོ་བའི་རྣལ་མ་ཞེས་བྱ་བ་ངེས་པར་བསྟན་པ་སྟེ་དང་པོའོ། །ཞེས་འབྱུང་བ་ལྟར་ལེགས་ཏེ། བཅོས་མའི་དཀྱིལ་འཁོར་…

རྒྱུད་ཀྱི་བདག་ཉིད་ཅེས་པ་ལ། ཇི་སྐད་དུ། རྒྱུད་ནི་རྒྱུན་ཆགས་ཞེས་བྱ་སྟེ། །འཁོར་བ་རྒྱུད་དུ་འདོད་པ་ཡིན། །ཞེས་བྱ་བའི་ཚུལ་གྱིས། རྒྱུ་རྒྱུད་ཀྱིས་བསྡུས་པའི་བདག་ཉིད་དེ་ཡང་ཕུང་པོ་དྲུག་དང་ཁམས་ལྔ་དང༌། སྐྱེ་མཆེད་དྲུག་རྣམས་ཀུན་རྫོབ་ཏུ་དེ་དང་དེར་སྣང་བ་ཡིན་ཀྱང༌། དོན་དམ་པར་ལྷའི་ངོ་བོར་རྣམ་པར་དག་པ་སྟེ། ལུས་ཅན་གང་ཡང་རུང…

གཞིའི་གནས་ལུགས་ལྷར་དག་ཚུལ་དང༌། དེ་ལ་འཁོར་བ་འཇུག་བཟློག་རུང་བར་བསྟན་པའོ། །དང་པོ་ལ་ཕུང་པོའི་དག་པ། སྐྱེ་མཆེད་ཀྱི་དག་པ། ཁམས་ཀྱི་དག་པ། དེ་རྣམས་ཀྱི་དོན་བསྡུ་བ་དང་བཅས་པའོ། །དང་པོ་ནི། གཟུགས་ནི་སངས་རྒྱས་རྣམ་སྣང་མཛད། །རྡོ་རྗེ་ཉི་མ་ཚོར་བ་སྟེ། །འདུ་ཤེས་པདྨ་གར་དབང་ཕྱུག།དེ་བཞིན་འདུ་བྱེད་རྡོ་རྗེ་རྒྱལ། །རྣམ་ཤེས་རྡོ་…

ཐོས་པ། །དེ་བཞིན་ཕྲག་དོག་རྡོ་རྗེ་སྣ། ཁ་ནི་འདོད་ཆགས་རྡོ་རྗེར་བརྗོད། །རེག་ལ་སེར་སྣ་རྡོ་རྗེ་སྟེ། །ལྔ་པོ་དེ་དག་སྦོམ་པོའི་ལྷ། །སྐྱེ་མཆེད་ཁམས་རྣམས་ཐམས་ཅད་ནི། །དམ་པའི་དབང་ཕྱུག་ཧེ་རུ་ཀ །མིག་སོགས་སྐྱེ་མཆེད་བཞི་ལ་དབང་པོ་སྨོས་ལ། ལྔ་པ་ལ་ཡུལ་རེག་བྱ་སྨོས་སོ། །དེས་ན་དག་པ་རྒྱས་པ་གཞན་ལ། ཡུལ་རྣམས་གཟུགས་རྡོ་རྗེ་མ་ལ་སོག…

སེམས་དཔའ་ཁྱབ་པ་དང་ཧེ་རུ་ཀ་ཁྱབ་བྱེད་དུ་བཤད་པ་ནི། འཁོར་ལོ་སྡོམ་པའི་རྒྱུད་རྣམས་སུ་ཧེ་རུ་ཀ་རིགས་ཀྱི་གཙོ་བོར་སྟོན་པའི་དབང་གིས་ཡིན་ལ། ཁམས་ཀྱང་རྣམ་ཤེས་ཁྱབ་བྱ་དང༌། ནམ་མཁའ་ཁྱབ་བྱེད་དུ་འཆད་པའི་དབང་དུ་བྱས་ཤིང༌། རྒྱུད་གཞན་འགའ་ལས། འདི་གཉིས་གོ་ཟློག་སྟེ་གསུངས་པ་ནི། རྡོ་རྗེ་སེམས་དཔའ་དང་ཡེ་ཤེས་ཀྱི་ཁམས་གཙོ་བོར་སྟོན་པ…

གསོད་བྱེད་མ་རུ་བརྗོད། །འགུགས་བྱེད་མ་ནི་མེ་ཡི་ཁམས། །རླུང་ནི་གར་གྱི་དབང་ཕྱུག་མ། །ནམ་མཁའི་ཁམས་ཞེས་བརྗོད་པ་ནི། །པདྨ་དྲ་ཅན་མ་འཁྲུགས་པ། །ཞེས་པ་འདི་ལ་འགོས་འགྱུར་ལས། རབ་ཏུ་བརྟན་པ་ནམ་མཁའི་ཁམས། པདྨའི་དྲ་བ་ཅན་དུ་བརྗོད། །ཅེས་འབྱུང་བ་ཉིད་ལེགས་ཏེ། །མ་འཁྲུག་པ་དང་རབ་ཏུ་བརྟན་པ་དོན་གཅིག་པ་ལས། འདི་གོ་བདེ་བས་སོ། །འདིར་…

རྣམས་སོ། །སེམས་དང་སེམས་བྱུང་གི་ཁྱད་པར་རྣམས་ཀྱང་ཁམས་ལྔའི་དབང་ལྟར་བྱས་ན་ནམ་མཁའ་ཁམས་སུ་བསྡུ་ལ། ཁམས་དྲུག་གི་དབང་དུ་བྱས་ན། ཡེ་ཤེས་སམ་རྣམ་པར་ཤེས་པའི་ཁམས་སུ་བསྡུ་དགོས་སོ། །ལྟུང་བྱེད་མ་ནི་སྤྱན་མ་སྟེ་གཟུགས་ཅན་མ་དང༌། གསོད་བྱེད་མ་ནི་མཱ་མ་ཀཱི་སྟེ་མཁའ་འགྲོ་མ་དང༌། འགུགས་བྱེད་མ་ནི་གོས་དཀར་མོ་སྟེ་ཁནྚ་རོ་ཧཱ་དང༌། གར་…

བའི་ཕྱིར་རོ། །དེ་ལྟར་ཕུང་ཁམས་སྐྱེ་མཆེད་དེ་རྣམས། སེམས་ཉིད་བག་ཆགས་ངན་པས་གཡོགས་པ་ལ། མ་དག་འཁྲུལ་བའི་སྣང་བ་དེ་དང་དེ་རྣམས་སུ་འཆར་བ་ཡིན་ཀྱང༌། ཇི་ལྟར་སྣང་བ་དེ་ཐམས་ཅད་གདོད་མ་ནས་ཡོད་མ་མྱོང་ཞིང༌། དེ་རྣམས་ཀྱི་རང་བཞིན་ཆོས་ཉིད་གང་ཡིན་པ་དེ་ནི་རྟག་ཏུ་གནས་པ་ཡིན་ཀྱང༌། ཕུང་ཁམས་ཀྱི་ངོ་བོར་མེད་དེ་གདོད་མ་ནས་ལྷའི་འཁོར་ལོར…

གཅིག་པར་འཇོག་མ་ཐུབ་ཀྱང༌། མེད་བཞིན་དུ་སྣང་བ་ཡིན་པའི་ཕྱིར། ཐ་དད་པའི་ངོ་བོར་ཡང་མེད་དོ། །ཁྱབ་བྱེད་དོན་དམ་པའི་ཡེ་ཤེས་དེ་ནི། རྣམ་པར་སྣང་མཛད་ཡིན་པ་ནས། པདྨ་དྲ་བ་ཅན་གྱི་བར་ཡང་ཡིན་ན། གང་རྣམ་པར་སྣང་མཛད་ཡིན་པའི་ལྡོག་ཆ་ལ་གློ་བུར་གྱི་དྲི་མར་གྱུར་པ་ནི་གཟུགས་ཕུང་ཡིན་པ་ནས་བརྩམས་ཏེ། གང་པདྨ་དྲ་བ་ཅན་ཡིན་པའི་ལྡོག་ཆ་ལ་སྒ…

ལྔ་ནི། ལྟུང་བྱེད་མ་ལ་སོགས་པའོ། །འདིར་ནི་མཚོན་པ་ཙམ་སྟེ། དེ་དག་ལ་སོགས་པ་མཐའ་ཡས་པའི་བར་དུ་སྦྱར་རོ། །དེ་ལྟར་ན་ཡང་དག་པའི་ལྷ་དངོས་ནི་ཡེ་ཤེས་དེ་དག་ཡིན་ལ། འོན་ཀྱང་གནས་འདི་ལ་འཁྲུལ་པར་རྟོགས་པ་གཉིས་ཡོད་དེ། ཆེས་ཆེ་བར་གྲགས་པ་མང་པོ་ཞིག་ཀྱང་འཁྲུལ་པ་འདི་གཉིས་ལ་བརྟེན་ནོ། །གཉིས་དེ་ཡང་གང་ཞེ་ན་མཐར་ཐུག་ཀུན་རྫོབ་ཏུ་སྨྲ་བ…