ཁ་མ་ཕྱོགས་པ་སྟེ། མདང་སུམ་རྨི་ལམ་དུ་བྱུང་བའི་ལྡུམ་རའི་ནང་གི་མེ་ཏོག་ཆུང་ངུ་དེ། དེ་རིང་འདབ་བརྒྱ་པར་གྱུར་ཏོ་ཞེས་པ་དང༌། མདང་ནུབ་རྨི་ལམ་གྱི་ལྕི་བའི་གོང་བུ་དེ་ནི་དེ་རིང་གསེར་དུ་འགྱུར་རོ་ཞེས་སྨྲ་བ་དང་མཚུངས་སོ། །ལྷ་སྐུ་མདོག་ཞལ་ཕྱག་སོ་སོར་ངེས་པ་ཅན་དུ་འདོད་པ་ཡང༌། རྒྱལ་བའི་སྐུ་དང་ཡེ་ཤེས་ནི། ཀུན་རྫོབ་ཀྱི་སྤྲོས་པ…

དག་པ་དང༌། ཆོས་ཉིད་ཀྱི་ངོ་བོར་འཇོག་གོ །ཞལ་ཕྱག་གི་རྣམ་པ་ཅན་དུ་བསྟན་པ་ནི། བསྐྱེད་རིམ་པ་རྣམས་ཀྱིས་སྒོམ་པའི་དོན་དང༌། འབྲས་དུས་སུ་གཞན་སྣང་ལ་འབྱུང་བ་ཙམ་ཡིན་གྱི། གནས་ལུགས་དང་སངས་རྒྱས་རང་སྣང་ནི། རང་རིག་བདེ་ཆེན་སྒྱུ་མ་ཙམ་དེའོ་ཞེས་པ་སྟེ། འདི་ནི་སྔ་རབས་ཀྱི་དམ་པ་མང་པོ་ཞིག་ཀྱང་གསུངས་ལ། སྐབས་འདིར་ཐ་ག་ནའི་འགྲེལ་པ་ད…

དེར་འཇོག་པའི་རྒྱུ་མཚན་གཞན་མེད་ཀྱང་དེར་འཇོག་ན། འཁྲུལ་པ་ཐམས་ཅད་གནས་ལུགས་སུ་ཐལ་བར་འགྱུར་བའི་ཕྱིར་རོ། །གཞན་ཡང་འདི་དག་ལ་མང་དུ་དཔྱད་པ་བྱར་ཡོད་དོ། །དེས་ན་ལྷ་ཡིན་ཕྱིན་ཆད་མཚན་དཔེ་ཅན་གྱི་སྒོ་ནས་འཇོག་པར་མ་ངེས་ཀྱང་སྤྱིར་མཚན་དཔེ་ཞལ་ཕྱག་གི་རྣམ་པ་ཅན་ཏུ་ཅིས་ཀྱང་འབྱུང་བ་ཡིན་ཏེ། དཔེར་མཚོན་ན་མེ་ལོང་ལྟ་བུའི་ཡེ་ཤེས་གདོད…

རྩ་བའི་རྒྱུད་ལས་ཀྱང༌། ཧེ་རུ་ཀ་དཔལ་རྒྱལ་ཆེན་པོ། །འདོད་པ་ཀུན་གྱི་དབང་ཕྱུག་གཙོ། །ཀུན་ཏུ་ཕྱག་དང་ཞབས་ལྡན་ཞིང༌། །ཀུན་ཏུ་སྤྱན་དང་དབུ་དང་ཞལ། །ཀུན་ཏུ་ཐོས་ལྡན་འཇིག་རྟེན་ན། །ཐམས་ཅད་གཡོགས་པས་རྣམ་པར་བཞུགས། །ཞེས་སོ། །བཞི་པ་ནི། དེ་ལྟར་ལུས་ཅན་རྣམས་ཀྱི་ལུས། །ཕུང་པོ་ལ་སོགས་ལྷ་བདག་ཉིད། །ལུས་ཞེས་བྱ་བ་ནི་རང་བཞིན་ཡིན་ལ། …

མོངས་ལ་སོགས་པའི་དབང་གིས་ཉེ་བར་འགྲོ་བ་ནི་འཁོར་བའོ། །དེ་ཡང་སེམས་ཉིད་མྱ་ངན་ལས་འདས་པ་ཡིན་ཀྱང༌། དེའི་དྲི་མ་རྣམ་པར་ཤེས་པ་རྣམས་ནི་སྔོན་གྱི་བག་ཆགས་ཀྱི་རང་བཞིན་ཅན་ཡིན་ལ། བདག་ཆགས་ཀྱང་ཉོན་མོངས་པ་དང༌། ལས་དང༌། སྐྱེ་བའི་བག་ཆགས་ཡིན་པའི་ཕྱིར། བག་ཆགས་ཅན་གྱི་རྣམ་པར་ཤེས་པ་ལས་ཉོན་མོངས་འབྱུང་ཞིང༌། དེས་ཀྱང་ལས་བྱེད་ལ། ལས་…

ཇི་ལྟ་བའི་གནས་ལུགས་ལ། རྣམ་སྣང་ལ་སོགས་པའི་ལྷ་ཁོ་ན་གནས་ཏེ། དེ་བཞིན་གཤེགས་པའི་སྐུ་དེ་རྣམས་དངོས་པོའི་རང་བཞིན་ཡིན་ནོ། །ད་ནི་ལེའུ་གསུམ་པ་འཆད་པ་ལ། ལེའུ་འདིས་སྐུ་གསུང་ཐུགས་ཀྱི་སྒོ་བཤད་པའི་སྒོ་ནས་རླུང་གི་རྣམ་གཞག་གཙོ་བོར་འཆད་པ་ཡིན་པས། གཞིའི་གསང་བ་གཙོ་བོར་སྟོན་ལ། རྣམ་སྣང་ལ་སོགས་ཞེས་མན་ཆད་ཀྱིས་ལམ་གྱི་གསང་བའང་ཞོ…

དང་བརྒྱད་དུ་ཤེས་པར་བྱ། །རིགས་ཀྱི་ཕྱག་རྒྱ་ཡིན་པར་བཤད། །ཞེས་གསུང་པ་རྣམས་ཀྱི་སྒྲ་ཇི་བཞིན་པ་མ་ཡིན་པའི་དོན་སྟོན་པར་བཞེད་ནས། གཞུང་དངོས་ལ། སྐུ་ཡི་སྒོ་དགུ་བཤད་པ། གསུང་གི་སྒོ་བཞི་བཤད་པ། ཐུགས་ཀྱི་སྒོ་གཉིས་བཤད་པ། གསུམ་ཀའི་ཐུན་མོང་གི་དོན་བཤད་པའོ། །དང་པོ་ནི། ཀ་བ་གཅིག་ལ་སྒོ་དགུ་པ། །སྦོམ་པོ་ལྔ་ལས་ལྷག་པའི་ལྷ། །བུ་ག…

མཁའ་འགྲོར་ཡང༌། ཇི་ལྟར་ཀ་བ་ཆེན་པོ་ཡིས། །རོལ་པའི་ཁྱིམ་ནི་བཟུང་བྱ་བ། །དེ་བཞིན་སྒོ་དགུ་ཅན་གྱི་ལུས། །སྒལ་ཚིགས་ཉིད་ཀྱིས་བཟུང་བར་བྱ། །ཞེས་སོ། །སྒོ་དགུ་ནི། མིག་གཉིས་དང༌། རྣ་བ་གཉིས་དང༌། སྣའི་བུ་ག་གཉིས་དང༌། ཁ་དང་གསང་བ་དང་བཤང་ལམ་མོ། །དེ་དག་རེ་རེ་ལ་ཡང༌། ཕྲ་མོའི་སྒོ་དགུ་དགུ་སྟེ། ས་དང་ཆུ་དང་མེ་དང་རླུང་དང་ནམ་མཁའ་ད…

བུ་ག་ཡང་ཡིན་ཞིང༌། ལུས་བདེ་སྡུག་འཕེལ་འགྲིབ་བྱེད་པའི་མཐུ་ཅན་ཡིན་པའི་ཡང་ཕྱིར་ན། སྐུའི་སྒོ་ཞེས་བྱའོ། །ལྡན་པ་ཞེས་པ་ནི་གྱུར་པའི་དོན་ཡིན་ཏེ། ལུས་ཡིན་པའི་དོན་ནོ། །འགོས་འགྱུར་ལས། ལུས་ཀྱི་སྒོ་སྟེ་ཐ་མ་ཡིན། །ཞེས་འབྱུང་བ་གོ་བདེའོ། སྦཽམ་པོའི་ལྷ་ནི། ཕུང་ཁམས་ཀྱི་རླུང་གཅིག་ཏུ་འདྲེས་པས་འབྱུང་བའི་རང་བཞིན་གྱི་ཕུང་པོའི་…

ཡུལ་སྡུག་པ་དང་མི་སྡུག་པ་དང་བར་མ་གསུམ་གྱི་སྣང་བ་འཆར་བ་དང༌། མིག་གི་རྣམ་ཤེས་ལ་སོགས་པ་རྣམ་ཤེས་རྣམ་པ་ལྔའི་བཞོན་པ་བྱེད་ཅིང༌། འདོད་ཆགས་ཞེ་སྡང་གཏི་མུག་ལ་སོགས་པའི་ཉོན་མོངས་པའི་རྣམ་རྟོག་དང༌། མ་ཆགས་པ་དང༌། སྙིང་རྗེ་དང༌། ཡང་དག་པའི་ཤེས་རབ་ལ་སོགས་པ་དགེ་བའི་རྣམ་རྟོག་དང༌། འདུ་ཤེས་ཙམ་དང༌། ཡིད་ལ་བྱེད་པ་སོགས་གཉིས་ཀའང་བ…

འབབ་པའི་རྩ་ནི་ཐམས་ཅད་ལ་ཡོད་ཀྱང༌། སྙིང་གའི་བཞི་པོ་གཙོ་བོ་ཡིན་ལ་འཁོར་ལོ་བཞི་ལ་འཇོག་པ་དང་འདི་གཉིས་གནད་གཅིག་གོ །དེ་ཡང་སྙིང་གའི་མདུན་གྱི་རྩ་ཆུའི་རླུང་འབབ་པ་ནི། སྤྱི་བོ་དང་གནད་གཅིག་ཅིང༌། རྒྱབ་ཀྱི་མེ་རླུང་འབབ་པ་ནི་མགྲིན་པ་དང༌། གཡོན་གྱི་རླུང་གི་རླུང་འབབ་པ་ནི་སྙིང་ག་དང༌། གཡས་ཀྱི་ས་རླུང་འབབ་པ་ནི་ལྟེ་བ་དང་གནད་…

ཡིན་པའི་ཕྱིར་རོ། །དེ་རྣམས་ལས་འབྱུང་བའི་མེ་རླུང་གི་དཀྱིལ་འཁོར་ཉིད་དང༌། རླུང་ཁམས་ཀྱི་རླུང་གི་དཀྱིལ་འཁོར་ཉིད་དང༌། དབང་ཆེན་ནི་ས་སྟེ་ས་རླུང་གི་དཀྱིལ་འཁོར་ཉིད་དང༌། དེ་བཞིན་དུ་ཆུ་རླུང་གི་དཀྱིལ་འཁོར་རྣམས་ནི། རྩ་འཁོར་ལོའི་རྩེ་མོ་ནས་རྩེར་མོར་འཕོ་ཞིང་ཀུན་ཏུ་སྤྱོད་པ་ནི་ལུས་ཀྱི་ནང་གི་རྒྱུ་བའི་ཚུལ་དང༌། སྟེང་ལོགས་…

གཡོ་བ་རླུང་གི་ཁམས་ཏེ། དེ་ལ་ཕྱི་ནང་གཉིས་ལས་ནང་གི་འབྱུང་བའོ་དབྱེ་ན་རང་བཞིན་གྱི་རླུང་རྣམ་པ་ལྔ་ནི། ས་ཆུ་མེ་རླུང་ནམ་མཁའི་ཁམས་ཀྱི་རླུང་ངོ༌། །རྣམ་འགྱུར་གྱི་རླུང་ནི། སྲོག་དང་ཐུར་སེལ་གྱེན་རྒྱུ་དང༌། ཁྱབ་དང་མཉམ་གནས་ཞེས་བྱ་དང༌། །ཀླུ་དང་རུས་སྦལ་རྩངས་པ་དང༌། །ལྷ་སྦྱིན་དང་ནི་གཞུ་ལས་རྒྱལ། །ཞེས་པ་ལྟར་རོ། །གསུམ་པ་གནས་…

ཆེན་འབྱུང་ལྡན་ནོ། །འདི་ནི་དགྱེས་རྡོར་སོགས་ལས། ནམ་མཁར་སེར་སྣ་རྡོ་རྗེར་འགྱུར། །ཞེས་གསུངས་པའི་དག་པ་སྟེ། སྡོམ་འབྱུང་དང་རྡོ་རྗེ་འཕྲེང་བའི་དངོས་བསྟན་ལྟར་ན་ས་རིན་འབྱུང་དང༌། ནམ་མཁའ་རྣམ་སྣང་ངོ༌། །ཤེས་རབ་ཀྱི་ཕྱོགས་ཁམས་ལྔའི་དབང་ལྟར་ན། ས་སྤྱན་མ། ཆུ་མཱ་མ་ཀཱི །མེ་གོས་དཀར་མོ། རླུང་སྒྲོལ་མ། ནམ་མཁའ་རྡོ་རྗེ་དབྱིངས་ཀྱ…

དབང་ཆེན་གྱིས་ནི་རྒྱལ་སྲིད་འགྱུར། །ཆུ་ཡིས་དོན་རྣམས་ཡང་དག་འབྱུང་ཞེས་པ་དང༌། ཅུང་ཟད་རྣལ་འབྱོར་ལ་གོམས་པ་རྣམས་ཀྱིས། མེས་དབང་དུ་བྱེད་པ། རླུང་གི་བསད་པ་དང་སྡང་བ། དབང་ཆེན་གྱིས་རྒྱས་པ་དང་གནོན་པ། ཆུས་ཞི་བ་དང་བསྲུང་བ། ནམ་མཁས་བསད་པ་དང་གསོ་བ་གཉིས་ཀར་བྱེད་དོ། །དེ་བཞིན་དུ་ས་ལ་མི་ཐོགས་པ་དང༌། ཆུ་ལ་མི་བྱེད་པ་དང༌། མེས་མ…

གྱིས་གླལ་བ་དང༌། ནོར་ལས་རྒྱལ་གྱིས་རླུང་དང་ལུས་མི་འབྲལ་བར་བྱེད་ཅིང༌། ནང་གི་དོན་སྣོད་རྣམས་ལ་གནས་ཏེ་དེ་དག་གིས་ནད་འཕེལ་འགྲིབ་བྱེད་དོ། །ལྔ་པོ་དེས་ནི་མིག་ལ་སོགས་པའི་དབང་པོ་ལ་གནས་ནས་དབང་ཤེས་རྣམ་རྟོག་དང་བཅས་པ་སྐྱེད་པར་བྱེད་ལ། དེ་དག་ལེགས་པར་བཅིངས་ན་གཉིས་སྣང་འགག་ཅིང༌། ཡང་དག་པའི་ཡེ་ཤེས་སྐྱེ་བར་བྱེད་པ་སོགས། མདོར…

ཞེས་པ་དང༌། དགོངས་པ་ལུང་སྟོན་ལས། གོས་དཀར་ལ་སོགས་ཟླས་བཤད་པ། །བརྒྱ་ཕྲག་གཉིས་དང་ཉི་ཤུ་ལྔ། །བཞི་པོ་ལེགས་པར་འགྲཻས་ནས་ནི། །སྦྱོར་བཞི་བསྡུས་པས་བརྒྱ་ཕྲག་དགུ །དགུ་བརྒྱ་དག་ཏུ་གང་བསྟན་པ། །ཉི་ཤུ་རྩ་བཞིའི་རིམ་གྱིས་ནི། །དེ་ནི་སོ་སོར་འབྱུང་བ་ལས། །ཉི་ཁྲི་ཆིག་སྟོང་དྲུག་བརྒྱའོ། །ཞེས་སོ། །དེ་ཡང་དབུགས་འབྱུང་འཇུག་གནས་གསུ…

པར་འདྲེས་ཀྱང༌། མེ་རླུང་གི་ཕྱོགས་ནས་མེ་ཁམས་ཀྱི་དབང་བསྒྱུར་བས། གོས་དཀར་མོའི་དཀྱིལ་འཁོར་དང༌། མེ་རླུང་གི་མེ་ཞེས་བཏགས་པ་ཡིན་ནོ། །དེ་བཞིན་དུ་སྡེ་ཚན་གཉིས་པ་ལ་ཕོ་རླུང་མེ་ཁམས་ཀྱི་དབང་བསྒྱུར་ཡང༌། མོ་རླུང་རླུང་ཁམས་ཀྱི་དབང་བསྒྱུར་བས། སྒྲོལ་མའི་རླུང་དང༌། མེ་རླུང་གི་རླུང་ཞེས་བྱའོ། །སྡེ་ཚན་གསུམ་པ་ཡང༌། ཕོ་རླུང་མ་དང…

འབྱུང་གི་གོས་དཀར་མོ་ཞེས་རིམ་བཞིན་སྦྱར་རོ། །དེའི་རྗེས་སུ་གཡས་གཡོན་གཉིས་ཀ་ནས། དལ་བར་རྒྱུ་བ་དབུགས་དགུ་བརྒྱ་པ་ཕྲག་གཅིག་ནི། ཐབས་ཀྱི་རླུང་ཆུ་ཁམས་ཡིན་པས་མི་བསྐྱོད་པའི་རྒྱུ་བ་དང་ཆུའི་དཀྱིལ་འཁོར་ཞེས་བྱ་ལ། དེའི་ནང་ཚན་ཤེས་རབ་ཀྱི་རླུང་ལ་སྡེ་ཚན་བཞི་ལས། ཆུ་རླུང་གི་མེ་སོགས་དང༌། མི་བསྐྱོད་པའི་གོས་དཀར་མོ་སོགས་སྔར་བཞ…

དལ་བ་ནི་ཤིན་ཏུ་འཇམ་པའི་དོན་ནོ། །སའི་དཀྱིལ་འཁོར་ནི་འདི་ལ་ལྟོས་ནས་ཤུགས་དྲག་པ་དང༌། རྩུབ་པ་ཡིན་ཚུལ་ནི་ཡོང་བའི་ཕྱོགས་གཅིག་རྒྱུ་བ་ཤིན་ཏུ་ཞན་ཡང༌། ཅིག་ཤོས་ཆུའི་དཀྱིལ་འཁོར་གི་གཡས་གཡོན་གང་རུང་གཅིག་ལས་ཤུགས་ཆེ་བས་ཆུ་དཀྱིལ་ལ་ལྟོས་ནས་རྒྱུ་བ་དྲག་པོར་འཇོག་གོ ཁམས་ལྔ་རྣམ་པར་སྣང་མཛད་ཀྱི་རྒྱུ་བ་མཁའི་ཁམས་ཀྱི་རླུང་ནི། བཤ…