སེམས་ཤེས་པ་སོགས་མངོན་ཤེས་ལྔ་ལྷག་པར་རྒྱས་པ་དང༌། ཉོན་མོངས་དུག་ལྔ་མངོན་འགྱུར་བ་གཏན་ནས་འགགས་ཤིང༌། དེའི་དོད་དུ་ཡེ་ཤེས་ལྔ་འཆར་བར་འགྱུར་རོ། །སྙིང་གའི་ཡས་མཐའ་ནས་མགྲིན་པའི་འཁོར་ལོ་གང་བར་བྱང་ཆུབ་ཀྱི་སེམས་བརྟན་པའི་ཡེ་ཤེས་ནི། གཟུང་འཛིན་གྱི་སྣང་བ་ནུབ་པའི་རང་བཞིན་ནན་ཏན་དུ་བསྐྱར་བའི་ཚུལ་གྱི་ཤེས་པས། རྣམ་པར་ཉེད་པ་ཞེ…

དཀྱིལ་འཁོར་གྱི་འཁོར་ལོ་སྤྲོ་བ་དང་འདྲ་བས། ཤིན་ཏུ་རྣལ་འབྱོར་རོ། །གཞན་ཡང་མི་བརྗེད་པའི་གཟུངས་ཐོབ་ཅིང༌། སངས་རྒྱས་རྣམས་ལས་ཆོས་མངོན་སུམ་ཐོས་པ་དང༌། ཁམས་ལྔ་ལས་ཀྱང་ཆོས་ཀྱི་སྒྲ་རྟག་ཏུ་འབྱུང་བ་དང༌། རིགས་སྔགས་མཐའ་ཡས་པ་གསར་དུ་བྱེད་ནུས་པ་དང༌། ངག་ཅིག་ལས་ཀྱང་སེམས་ཅན་སོ་སོའི་བསམ་པ་དང་མཐུན་པའི་ཆོས་ཀྱི་སྒྲ་དུ་མ་དང༌། སོ…

པའི་སྤྲིན་གྱི་ཕུང་པོ་རྒྱུན་མི་འཆད་པ་འབྱུང་བ་དང༌། ཏིང་ངེ་འཛིན་གྱི་སྒོ་མི་འདྲ་བ་མཐའ་ཡས་པ་ཐོབ་པ་དང༌། ངར་འཛིན་ཟད་ཅིང་སངས་རྒྱས་དཔག་ཏུ་མེད་པ་ཅིག་ཅར་ཞལ་མཐོང་བ་ཡང་ཡིན་ནོ། །དེ་ལྟར་དགའ་བ་བཞིའོ། །དེ་རེ་རེ་ལ་ཡང་ཁུ་རྡུལ་རླུང་དང་རྣམ་པར་ཤེས་པ་ཐིམ་ཚུལ་ཤས་ཆེ་ཆུང་གི་དབང་གིས་དགའ་བ་བཞི་བཞིར་ཕྱེ་བས་བཅུ་དྲུག་ཡིན་ལ། ལྷའི་…

ཡེ་ཤེས་སྐྱེ་ལ། དེ་མ་ཐག་ཏུ་རྡོ་རྗེ་སེམས་དཔའ་ཟུང་འཇུག་གི་སྐུ་འགྲུབ་ནས་ཕྱོགས་ལས་རྣམ་པར་རྒྱལ་བའི་སྤྱོད་པས་རོལ་བར་བྱའོ། །ཞེས་བསྟན་པ་ཡིན་ནོ། །བཞི་པ་རྩ་སུམ་ཅུ་རྩ་བདུན་བཤད་པ་ལ། བདེ་ཆེན་འཁོར་ལོའི་རྩ་རྣམས་བཤད་པ། འཁོར་ལོ་གསུམ་གྱི་རྩ་རྣམས་བཤད་པ། དམ་ཚིག་འཁོར་ལོའི་རྩ་རྣམས་བཤད་པ། དེ་དག་གི་དོན་བསྡུ་བའོ། །དང་པོ་ནི། …

ག་ཆོས་འཁོར་གྱི་གནས་ལ་ནང་གི་འདབ་མའོ། །འདིར་ནི་རྩ་བཞི་པོ་དེ་ལ་མཁའ་འགྲོ་ལ་སོགས་བཞི་པོའི་མིང་གིས་བསྟན་ཞིང༌། །སུམ་སྐོར་མ་ལ་སོགས་པ་བཞི་ནི་རྒྱུད་གཞན་ལས་བཤད་པའི་མིང་ངོ༌། །མཚམས་ཀྱི་རྩ་བཞི་པོ་ནི་དེ་བཞི་ལས་གྱེས་པའི་ཡལ་ག་སྟེ། སུམ་སྐོར་མ་ལས་ཤར་ལྷོའི་རྩ་དང༌། གཏུམ་མོ་ལས་ལྷོ་ནུབ་ཀྱི་རྩ་དང༌། ཁྱིམ་མ་ལས་ནུབ་བྱང་གི་རྩ་…

དཔལ་ཧེ་རུ་ཀའི་རྗེས་འབྲང་ལྷན་ཅིག་སྤྱོད་པའི་ཡུམ་ཡིན་པའི་ངེས་པས་སོ། །དེས་ན་བྱང་སེམས་འབབ་པའི་རྩ་སོ་གཉིས་ལ། རྩའི་གཙོ་མོ་བཞི་པོ་དེ་རེ་རེ་ནས་སྒྲོང་དགོས་ལ། རྩ་སུམ་ཅུ་རྩ་བདུན་གྱི་སྐབས་འདིར་ལོགས་སུ་མི་བསྒྲང་ངོ༌། །སྙིང་གའི་རྩ་ལྔ་པོའི་ངོས་འཛིན་འདི། གཞུང་འདི་དང༌། སློབ་དཔོན་རིན་ཆེན་འབྱུང་གནས་ཞི་བ་དང༌། འཇིགས་མེད་འ…

གོང་དུ་བསྟན་པ་ལྟར་རྩ་སུམ་ཅུ་རྩ་གཉིས་པོ་ཐམས་ཅད་ཀྱང༌། སྤྱི་བོའི་རྩ་སོ་གཉིས་དང་འབྲེལ་ཞིང༌། དེ་དག་ལ་བརྟེན་ནས་རྩ་སུམ་ཅུ་རྩ་གཉིས་སུ་ཁམས་འབབ་པར་བྱེད་པའི་ཁམས་ཐམས་ཅད་ཀྱི་རྩ་བ་སྤྱི་བོ་ནས་བྱུང་བའི་ཕྱིར། རྩ་ཉེར་བཞི་ནས་ཁམས་འབབ་པ་དེ་སྤྱི་བོ་ནས་བྱུང་ཞེས་པའི་དོན་ནོ། །རྩ་ཉེར་བཞི་པོ་དེའི་ནང་ནས་ཁམས་འདྲེན་ཞིང་འབབ་ཚུལ་ན…

རེ་རེ་ལས། ཡང་མུན་རྡུལ་སྙིང་སྟོབས་ཀྱི་རྩ་གསུམ་གསུམ་བྱུང་བ་ནི། རྩ་ཆེན་བདུན་ཅུ་རྩ་གཉིས་སོ། །དེ་རེ་རེ་ལས་ཁམས་འབབ་པར་བྱེད་པ་པོ་རྩ་སྟོང་ཕྲག་རེ་རེ་སྐྱེས་པ་ནི་རྩ་བདུན་ཁྲི་ཉིས་སྟོང་ངོ༌། །གཉིས་པ་རྒྱས་བཤད་ནི། པུ་ལིར་རབ་གཏུམ་མ་ཞེས་བྱ། །སོ་དང་སེན་མོས་འབབ་པར་བརྗོད། །དྲ་བ་འཛིན་པར་གཏུམ་མིག་མ། །དེ་བཞིན་སྐྲ་དང་བ་སྤུ་…

དག་ཉེ་གནས་ཡང་དག་གནས། །མིག་འབབ་པ་ཡི་རྩ་གང་ཞིག །ཀཱ་མ་རུ་པར་རྣམ་གནས་པ། །གཟུགས་ནི་མཐོང་བར་འདོད་པ་སྟེ། །ས་སྲུངས་མ་ཞེས་རྣམ་པར་བཤད། །ཨོ་ཏྲེར་འཁྲིས་པ་འབབ་པའི་རྩ། །འཇིགས་བྱེད་ཆེན་མོ་རུ་ནི་བརྗོད། །མཁའ་འགྲོ་རྣལ་འབྱོར་མ་མོ་དག།འདི་དག་ཞིང་དུ་ཡང་དག་བཤད། །ཏྲི་ཤ་ཀུ་ནིར་ཡང་དག་བྱུང༌། །རླུང་གི་ཤུགས་མ་གློ་བར་བཅས། །ཆང་ཐུ…

པར་བཤད། །སཽ་རཥྟར་ནི་དམར་པོས་མཚན། །མཁའ་འགྲོ་སྣ་རིང་མ་རུ་འདོད། །རྡུལ་ནི་འབབ་པར་གྱུར་པའི་རྩ། །གསེར་གླིང་དུ་ནི་ཡང་དག་གནས། །ཤིན་ཏུ་གསལ་ལུས་ཡང་དག་འཁྲུགས། །དེ་ནི་འཁོར་ལོའི་གོ་ཆར་བཤད། །མཁའ་འགྲོ་རྣལ་འབྱོར་མ་མོ་དང༌། །ཉེ་བའི་འདུ་བ་ཅན་དུ་སྨྲས། །ན་གར་ཤིན་ཏུ་དཔལ་མོ་ཞེས། །ཚུལ་ཅན་སྦོམ་པོའི་ལུས་ཅན་མ། །སིནྡྷུར་སྟོབས་…

དངོས་མིང་དུ་འཇུག་པ་ཡིན་ནོ། །མི་ཕྱེད་མ་ཞེས་བྱ་བ་ལ་སོགས་པ་ནི་རྒྱུད་སྡེ་གཞན་ལས་གསུངས་ཤིང༌། དོན་གཅིག་པའི་ཕྱིར་འདིར་ཡང་ཐ་སྙད་རེ་སྦྱོར་མོད་ཀྱི། ཁ་སྦྱོར་གྱི་རྒྱུད་དུ་མི་ཕྱེད་མ་ལ་སོགས་པའི་མིང་གསུངས་པ་རྣམས་འདིར་རབ་གཏུམ་ལ་སོགས་པར་བསྒྱུར་བར་མཛད་པའི་དགོས་པ་ནི། དོན་འདྲ་བ་ལས་ལྷའི་དག་པའང་ཞོར་ལ་རྟོགས་ནུས་པའི་ཕྱིར། …

འཁོར་ལོ་གསུམ་ལྟ་བུའི་རྟེན་གྱི་དཀྱིལ་འཁོར་གཞལ་ཡས་ཁང་དང༌། བརྟེན་པ་དཔའ་བོ་དཔའ་མོའི་རྣམ་པར་སྒོམ་ཞིང༌། དེ་ཉིད་རྫོགས་རིམ་གྱི་སྐབས་རྩ་རླུང་ཐིག་ལེའི་བདེ་བར་འཆར་ལ། འཇིག་རྟེན་ལས་འདས་པའི་ལམ་དུ་ནི་ཡེ་ཤེས་ཀྱི་ས་བཅུ་གཉིས་ཏེ། རྣམ་པར་ཤེས་པའི་རང་བཞིན་གྱི་རྩ་ཁམས་རླུང་རྣམ་དག་ཅིང་ཆོས་ཉིད་ཀྱི་རྩ་ཁམས་རླུང་གསུམ་མངོན་དུ་འག…

མ་དང༌། མ་མོ་དང༌། མཚན་མོ་དང༌། བསིལ་སྦྱིན་མ་དང༌། ཚ་བ་མ་དང༌། གཞོལ་མ་དང༌། རངས་མ་རྣམས་སོ། །འཁོར་ལོའི་ཤུགས་ཅན་མ་ལ་སོགས་པ་བརྒྱད་ནི། ཤིན་ཏུ་གཟུགས་ཅན་མ་དང༌། སྤྱན་མ་དང༌། རྒྱུ་སྦྱིན་མ་དང༌། སྦྱོར་བྲལ་མ་དང༌། སྡུག་གུ་མ་དང༌། གྲུབ་མ་དང༌། འཚེད་མ་དང༌། ཡིད་བཟང་མ་རྣམས་སོ། །གཞུང་དུ་མཁའ་འགྲོ་མ་ནི་ཤ་ཟ་བསམ་ཞེས་པ། ཁམས་ཤ་སྐྱ…

ནི་འགྱུར་གཞན་ལས། ཡན་ལག་གཟི་བརྗིད་ཀུན་ཁྱབ་མ་ཞེས་སྒྱུར་ཏེ། ལུས་ལ་སྣུམ་པའི་མདངས་ཀྱིས་ཁྱབ་པར་བྱེད་པའི་དོན་ནོ། །གསུམ་པ་ནི། སྔར་གྱི་ངག་གི་སྒོ་ལ་ནི། །མཁའ་འགྲོ་མ་ནི་རྣམ་པ་བཞི། །དེ་ཡི་མཚམས་ཀྱི་ཆར་གནས་པ། །གཞན་དག་དེ་བཞིན་ཡང་དག་གནས། །རྩ་ཡི་སྒོར་ནི་ཁྭ་གདོང་མ། །གཉིས་པ་དེ་བཞིན་འུག་གདོང་མ། །གསུམ་པ་ལ་ནི་ཁྱི་གདོང་མ། …

མཚམས་ཀྱི་ཆ་ནི། ཕྱི་སྐོར་དེའི་མཚམས་བཞིའི་རྩ་སྟེ་མཆོད་པའི་རྩ་བཞི་ལས་སྐྱེས་པའོ། །ཆའི་སྒོ་ཞེས་བྱ་བ་ནི། བརྒྱད་ཀར་གྱི་མཚན་ཉིད་སྟོན་པ་ཡིན་ཀྱང༌། རྩའི་སྒོ་དང་པོར་ཁྭ་གདོང་མ་ཞེས་སྦྱོར་དགོས་སོ། །དང་པོ་ཁའི་སྒོ་སྟེ། གཉིས་པ་ནི་ཆུ་ལམ་མོ། །དེ་བཞིན་དུ་གསུམ་པ་ནི་བཤང་ལམ། བཞི་པ་ནི་སྣ་སྒོ། གྲྭ་བཞི་ནི་གོ་བོའི་གྲྭ་བཞི་ན་གན…

འགྲེའོ། །བཞི་པ་ནི། རྡོ་རྗེ་མཁའ་འགྲོ་མ་འདི་རྣམས། །རྩ་ཡི་ཚུལ་དུ་ཡང་དག་གནས། །ཐུགས་ཀྱི་རྡོ་རྗེ་རྣལ་འབྱོར་མ། །སུམ་ཅུ་རྩ་བདུན་དུ་ནི་བརྗོད། །འདི་དག་ཤེས་རབ་ཕ་རོལ་ཕྱིན། །ལུས་ལ་ཡང་དག་རྣམ་པར་གནས། །རྡོ་རྗེ་མཁའ་འགྲོ་མ་སུམ་ཅུ་རྩ་བདུན་འདི་རྣམས། སེམས་ཅན་རྣམས་ཀྱི་ལུས་ལ་རྩ་རྣམས་ཀྱི་རང་བཞིན་ཆོས་ཉིད་དུ་གནས་པ་ཡིན་ལ། ཆོས…

དེ་ལྔ་པོ་གཅིག་ཏུ་སྒྲོང་པ་ཡིན་ལ། ཡབ་ཡུམ་ཐ་དད་དུ་བྱས་ན། གཙོ་མོ་བཞི་པོ་སྤྱི་ཁྱབ་ཏུ་བཏང་ནས། དཔྱིད་ཀྱི་རྩ་དང་སྙིང་གའི་སུམ་སྐོར་མ་ལ་སོགས་པ་བཞི་དང༌། རྩ་ཉི་ཤུ་རྩ་བཞི་དང༌། བུ་ག་བརྒྱད་ཀྱི་རྩའོ། །སྙིང་གའི་ཕྱི་སྐོར་གྱི་རྩ་འདབ་བརྒྱད་དང༌། བུ་ག་བརྒྱད་ཀྱི་རྩ་ནི་གང་བགྲངས་ཀྱང་འདྲ་སྟེ། རྩ་གཅིག་གི་རྩ་བ་དང་རྩའི་ཁྱད་པར་ཙ…

སྙིང་ག་དང༌། མགྲིན་པ་དང༌། སྤྱི་བོ་དང༌། གཙུག་ཏོར་ཏེ་དབུ་མས་དབུས་སུ་ཕུག་པའི་རྩ་འཁོར་ལོ་བརྒྱད་ཡོད་དོ། །དེ་ལ་དཔྲལ་བའི་འཁོར་ལོ་དང་སྤྱི་བོའི་འཁོར་ལོ་གཅིག་སྟེ་བདེ་ཆེན་འཁོར་ལོའོ། །དེ་དག་ལས་བུད་མེད་ལ་ནི་ནོར་བུའི་འཁོར་ལོའི་དོད་སྣ་རྩེའི་འཁོར་ལོ་དང༌། རྡོ་རྗེའི་འཁོར་ལོའི་དོད་ཟེའུ་འབྲུའི་འཁོར་ལོ་ཡིན་ནོ། །འཁོར་ལོ་ད…

སྙིང་གའི་རྩ་བཞི་དང་ནོར་བུའི་རྩ་བཞི་ཡན་ལག་འབྲེལ་ཞིང་ཁམས་འགྲོ་འོང་གི་གནད་གཅིག་པ་ཡིན་ལ། རྒྱུད་གཞན་ལས་གཉིས་ཀར་ཐུགས་དང་གཉིད་མཐུག་པོའི་གནས་སུ་འདྲ་བར་གསུངས་པ་ཡང་འདི་ལ་དགོངས་པ་མངོན་ནོ། །དེ་བཞིན་དུ་རྡོ་རྗེའི་སྐེད་པའི་རྩ་མདུད་བཞི་གྲོལ་བ་དང༌། མི་ཕྱེད་མ་སོགས་སྦྱར་ཏེ་གནས་དང༌། གསང་གནས་ཀྱི་བཞི་དང་ཐུང་ངུ་མ་སོགས་སྦྱ…

བར་བྱའོ། །དེའི་ལུགས་ལྟར་ན། མོས་པའི་ས་གནས་ལ་སོགས་པ་བཅུ་གཉིས་ལ་མི་སྒྲོང་ངོ༌། །རྩ་རླུང་དངོས་ཀྱི་ས་བཅུ་གཉིས་འདི་ལ་རྒྱུད་འདིའི་ཕྱོགས་ལས་ཡོན་ཏན་གྱི་ཁྱད་པར་དམིགས་བསལ་གསུངས་པ་མ་མཐོང་ཡང༌། དཔལ་དུས་ཀྱི་འཁོར་ལོར་གསུངས་པ་བཞིན་དུ་སྦྱར་བར་བྱ་ལ། འཕགས་ལམ་གྱི་སའི་ཡོན་ཏན་ནི། འཕགས་པ་ས་བཅུ་པ་སོགས་ལས་ཤེས་པར་བྱའོ། །དེ་ལྟར…