ཚང་བར་སྟོན་པ་ལ། ལེའུ་གཉིས་ཡོད་པ་ལས་སྔ་མ་འཆད་པར་བྱེད་པ་ལ། བཤད་པར་དམ་བཅའ་བ་ནི། དེ་ནས་དེ་བཞིན་གཤེགས་པ་གང་ཡང་རུང་བའི་སྐུའི་དཀྱིལ་འཁོར་དང༌། སྦྱིན་སྲེག་དང༌། མཆོད་སྦྱིན་དང༌། བཟླས་པ་དང༌། སྒོམ་པའི་ཆོ་གའི་བྱ་བ་ཕྱི་རོལ་དང་མཐུན་པར་ནང་གི་ངོ་བོས་ཡང་དག་པར་རབ་ཏུ་བཤད་པར་བྱའོ། །ཞེས་པ་སྟེ། སྐུའི་དཀྱིལ་འཁོར་ནི། ལུས་དང་…

སུམ་ཅུ་རྩ་བདུན་གནས་མཚན་ཉིད། །ཧེ་རུ་ཀ་སོགས་ལྷ་རྣམས་ནི། །རྩ་ཡི་གཟུགས་སུ་ཡང་དག་གནས། །གོང་དུ་རྒྱས་པར་བཤད་པའི་བྱང་ཕྱོགས་དང་ལྷ་སོ་བདུན་རྩ་རྣམས་ལ་བྱིན་གྱིས་རློབས་བྱེད་དུ་གནས་པའི་རྒྱུ་མཚན་གྱིས། ལུས་དང་རྩ་དང་ཐིག་ལེའི་དཀྱིལ་འཁོར་འགྲུབ་པ་ཡིན་ནོ་ཞེས། ལེའུ་སྔ་ཕྱིའི་མཚམས་སྦྱོར་ཞིང༌། ལེའུ་སྔ་མར་བཤད་པའི་དོན་གྱི་གཏན…

དབྱངས་དང་གསལ་བྱེད་ཡང་དག་བྱུང༌། །སུམ་ཅུ་རྩ་གཉིས་བྱང་ཆུབ་སེམས། །པདྨའི་དབུས་སུ་གནས་པ་གང༌། །ཟླ་བའི་དཀྱིལ་འཁོར་དུ་བརྗོད་དེ། །མགོ་བོའི་ནང་དུ་ཀླད་པ་ནི། །གནས་པ་གང་ཡིན་དེ་ལ་བརྗོད། །དེ་ཡི་ནང་དུ་ཧཾ་ཡིག་ནི། །ཐིག་ལེའི་གཟུགས་ཅན་མི་ཤིགས་པ། །འཇིག་རྟེན་ཀུན་གྱི་རྩ་བ་དེ། །བརྟན་དང་གཡོ་བའི་བདག་ཉིད་དེ། །གསལ་དང་མི་གསལ་ངོ་…

ཡན་ལག་ལས་བྱུང་བ་ནི། ལག་ངར་དཔུང་པ་བརླ་དང་བྱིན་པ་རྣམས་ལ་གཉིས་གཉིས་ཏེ་བརྒྱད་དོ། །དངོས་པོ་ཐམས་ཅད་རང་བཞིན་ཀུན་ཏུ་མཉམ་པའི་ཕྱིར། དངོས་པོ་སོགས་ཏེ། མགོས་འགྱུར་ལས་ཀྱང་དངོས་པོ་ཀུན་དུ་མཉམ་པས་གནས། ཞེས་འབྱུང་ངོ༌། །འགྲེལ་ཆེན་དང་བླ་མ་སྔ་མ་རྣམས་ལུས་འདོམ་གང་གྲུ་བཞི་ལ་བཞེད་དེ། རང་བཞིན་མཉམ་པ་མཚོན་བྱེད་དུ་འཆད་པ་ཡིན་ན་མི…

སྐྱེས་ནི་སྤྱི་བོ་བདེ་ཆེན་འཁོར་ལོ་རྩ་འདབ་སུམ་ཅུ་རྩ་གཉིས་པ་དང༌། དབྱངས་དང་གསལ་བྱེད་ཡང་དག་འབྱུང་ཞེས་པ་རྩ་འདབ་སོ་གཉིས་ལས་དབྱངས་སོ་གཉིས་དང༌། གསལ་བྱེད་སོ་གཉིས་ཀྱི་ཡི་གེ་འབྱུང་བའི་དོན་ཡིན་ལ། ད་ལྟ་ཕྲ་ཐིག་གི་གཏུམ་མོ་སྒོམ་པའི་སྐབས་སུ། དབྱངས་འབའ་ཞིག་འགོད་པ་ནི་དཀར་ཆ་གཙོ་ཆེ་བའི་དབང་དུ་བྱས་ཀྱི། ཡི་གེ་གཉིས་ཀར་འབྱུང…

སྦྱར་ན་བརྟན་པ་སྣོད་དང༌། གཡོ་བ་སེམས་ཅན་གྱི་འཇིག་རྟེན་ཐམས་ཅད་ཀྱི་རྩ་བ་ཡིན་ཏེ། ལུས་ཅན་ཐམས་ཅད་ཀྱི་གཟུགས་ཏེ་ལུས་དང་ལོངས་སྤྱོད་དང༌། སྣོད་ཀྱི་འཇིག་རྟེན་རྣམས་དང་པོར་དེ་ལས་སྐྱེས་པས་ན། དེ་རྣམས་གང་ལས་སྐྱེ་བའི་གཞི་མཐར་ཐུག་པ་ཡིན་ནོ་ཞེས་པའི་དོན་ནོ། །ལུས་འགྲུབ་པའི་རྒྱུ་ཕ་ལས་ཐོབ་པའི་དྭངས་མ་ཡིན་པས། རྩ་ཁམས་རླུང་གསུམ་…

འཛིན་པར་བསྐྱེད། དེ་ལས་འབྲས་བུ་རྡོ་རྗེ་འཛིན་པ་འབྱུང༌། དེས་དཀྱིལ་འཁོར་གཞན་རྣམས་སྤྲོ་བའི་ལུགས་ལྟར་ན། རྒྱུ་རྡོར་འཛིན་གྱིས་བརྒྱུད་ནས་དཀྱིལ་འཁོར་སྤྲོ་བ་ཡིན་ཏེ། དེ་དང་མཚུངས་པར་ཁམས་སོ་གཉིས་དང་དབྱངས་ཡིག་ཚོགས་པ་རྒྱུ་རྡོར་འཛིན། དེ་ལྟར་ཚོགས་པས་ཧཾ་ཡིག་རྒྱས་ཤིང་བདེ་བར་ཤར་བ་ནི་འབྲས་བུ་རྡོར་འཛིན། ཧཾ་ཡིག་རྒྱས་པ་ལས་ར…

ཐབས་རྫོགས་པར་འགྱུར་རོ། །དགྱེས་པའི་རྡོ་རྗེ་ལས་ཀྱང༌། འདིས་ནི་ཧེ་རུ་ཀ་རྫོགས་པ་ཉིད་དོ་ཞེས་གསུངས་པའི་ཕྱིར་རོ། །དཀྱིལ་འཁོར་གྱི་སྒྲ་བཤད་ནི། དངོས་པོ་སྟེ་ཆོས་ཐམས་ཅད་ཀྱི་སྙིང་པོ་མཆོག་སྟེ་དོན་དམ་པའི་ལྷ་སྐུ་དེ་ཉིད་དཀྱིལ་འཁོར་ཞེས་བརྗོད་དེ། མཎྜལ་ཞེས་པ་ལ་མཎྜལ་སྙིང་པོ་དང་ལ་ཏི་ནི་འཛིན་པའམ་ལེན་པ་ལ་འཇུག་པས། ལྷ་རྣམས་འཛ…

དེ་ནས་རྩའི་དཀྱིལ་འཁོར་བསྟན་པ་ནི། རྩ་ཆེན་སུམ་ཅུ་རྩ་བདུན་གྱི། འཁོར་ལོ་དཀྱིལ་འཁོར་དུ་འདོད་དེ། དེ་ཡང་རྩ་རྣམས་ཀྱང་དཀྱིལ་འཁོར་ཞེས་བརྗོད་དེ། སྙིང་པོ་ཐིག་ལེ་ལེན་ཞིང་འཛིན་པའི་ཕྱིར་རོ། །དེ་ནས་བྱང་ཆུབ་སེམས་ཀྱི་དཀྱིལ་འཁོར་བསྟན་པ་ནི། བྱང་ཆུབ་སེམས་ནི་རིན་པོ་ཆེ། །སྙིང་པོ་དེ་ཁོ་ན་དཀྱིལ་འཁོར། །ཞེས་ཏེ་ཐིག་ལེ་ལའང་དཀྱི…

ཕྱི་འཇིག་རྟེན་ཁམས་དང་ནང་བཅུད་ཀྱི་སེམས་ཅན་ཐམས་ཅད་ལ། ངོ་བོ་དང་བྱེད་ལས་དང་རྒྱུ་དང་འབྲས་བུ་ལ་སོགས་པ་སྣ་ཚོགས་པའི་ཚུལ་གྱིས་ཁྱབ་སྟེ། དེ་ལྟར་ཡང་འགྲོ་བ་འདི་ཀུན་སངས་རྒྱས་ལྔ་བདག་ཉིད། །གར་མཁན་དང་ནི་རི་མོ་བཟང་ལྟར་སྣང༌། གང་ཡང་དྲུག་པའི་སངས་རྒྱས་ཞེས་བྱ་བ། །གཅིག་པུ་ཉམས་ནི་དུ་མས་གར་མཛད་དོ། །ཞེས་སོ། །དེ་ཉིད་རྒྱས་པར་བཤ…

རགས་པའི་རྫས་ནི་རྣམ་དགུ་སྟེ། །ཕྲ་མོའི་ཚིལ་བུ་གྲུབ་པའི་རྫས། །གཞན་པ་ཞུ་བྱེད་རྫས་དབྱེ་བས། །ཞེས་སོ། །ཡང་སྦོམ་པོ་གཟུགས་ཕུང་དང༌། ཕྲ་མོ་ཕུང་པོ་བཞི་ལ་བཤད་པ་དང༌། སྦོམ་པོ་ཡུལ་དྲུག་དང་ཐིག་ལེ། ཕྲ་མོ་རྣམ་ཤེས་དང་བདེ་བ་ལ་བཤད་པ་སོགས་སྣ་ཚོགས་ཞིག་བཤད་པའང་སྤྱིར་མི་འགལ་མོད་ཀྱི། སྐབས་འདིར་སྦོམ་པོ་ཀུན་རྫོབ་དང་ཕྲ་མོ་དོན་དམ…

ཤེས་རབ་མེ་ནི་ཆེར་འབར་ལ། །ནང་གི་ཁུ་བ་ལ་སོགས་དང༌། །དེ་བཞིན་ཕྱིའི་གཟུགས་ལ་སོགས། །སྲེག་རྫས་རྣམས་ཀྱི་སྦྱིན་སྲེག་བྱེད། །བདུད་རྩི་ལྔ་པོ་རྣམས་དང༌། གཟུགས་སོགས་འདོད་ཡོན་ལྔ་དང༌། སོགས་ཀྱི་སྒྲས་ཕུང་ཁམས་སྐྱེ་མཆེད་ཐམས་ཅད་དེ། དེ་རྣམས་ཡེ་ཤེས་ཤེས་རབ་ཀྱི་གཏུམ་མོའི་མེ་ལ་ཐིམ་པར་བྱེད་པའོ། །ཡེ་ཤེས་ཀྱི་གཏུམ་མོ་གང་ཞེ་ན། སྒོ…

དེ་རྣམས་གཏུམ་མོ་འབར་བའི་སྙོམས་འཇུག་དང༌། ཧཾ་ཡིག་འཛག་པའི་བཟའ་བཏུང་དེ་ཡིས་མཆོད་པ་ནི་མཆོད་སྦྱིན་ནོ། །ཁྱད་པར་གྱིས་ཞེས་པ་ནི། སྐྱེ་མཆེད་སོགས་དང་ལྷ་སོ་སོར་སྦྱོར་བའི་དོན་ཡིན་ལ། ལྷའི་གཟུགས་ཅན་ནི་ལྷའི་རང་བཞིན་ཅན་ནོ། །བཞི་པ་གསང་བའི་སྦྱིན་སྲེག་བསྟན་པ་ནི། འདི་ལ་མགོ་བོའི་ཐོད་པ་ཉིད། །སྲེག་རྫས་སྣོད་དུ་བརྗོད་པ་སྟེ། །…

འགྲེལ་ཆེན་དང་བོད་སྔ་མ་རྣམས་སྦྱིན་སྲེག་གོང་འོག་གཉིས་ལ་དེ་ཁོ་ན་ཉིད་དང་གསང་བའི་ཁྱད་པར་ཡོད་པ་མ་རྟོགས་པར་བསྟན་བཤད་དུ་འཆད་ཀྱང་མི་འགྲིག་པར་སྣང་ངོ༌། །ལྔ་པ་བཟླས་པ་ནི། སྒྲ་ནི་སྔགས་ཞེས་བརྗོད་པ་སྟེ། །འཁོར་བར་བྱས་པ་བཟླས་བརྗོད་ཡིན། །སྒྲའི་སྐད་དོད་ན་ད་སྟེ་དེ་ནི་ལྟེ་བའི་གཏུམ་མོ་ལ་སྐབས་འདིར་བཤད་དེ། དེ་ཡང་གཏུམ་མོ་ཡེ་…

པར་བྱ། །དེ་ལྟར་ན་རང་བཞིན་ལྷན་ཅིག་སྐྱེས་པའི་ཡེ་ཤེས་དང༌། ལམ་གྱི་ལྷན་ཅིག་སྐྱེས་པའི་ངོ་བོ་འདི་དག་ནི། རྒྱལ་བ་སངས་རྒྱས་རྣམས་ཀྱི་སྦྱིན་སྲེག་དང་མཆོད་སྦྱིན་ལ་སོགས་པ་ཡིན་ན། དཀྱིལ་འཁོར་སྒྲུབ་པ་པོ་དང༌། སྦྱིན་སྲེག་མཆོད་སྦྱིན་སོགས་བྱེད་པ་པོའི་རྡོ་རྗེ་སློབ་དཔོན་དེ་སུ་སྙམ་ན། སེམས་ཀྱི་རྒྱལ་པོ་སྟེ་རང་བཞིན་གྱི་སེམས་ཉི…

ཁྲག་ཆེན་པོ་ནི་མགྲིན་པ་སྟེ། །འདི་ལ་ལན་གསུམ་བཟློག་པར་བཤད། །མེ་མ་ཐལ་མོ་ཡིན་པས་བཤད། །མེ་ཏོག་དོར་བར་གང་གསུངས་པ། །དེ་ནི་འབར་བ་ཉིད་ཡིན་ཏེ། །གང་ལས་དར་རས་ལེགས་བཀབ་པ། མཐོང་བ་བཅིངས་པར་གྱུར་པ་ནི། །གཉིས་མེད་མ་ཡི་ལམ་གང་ཡིན། །ཤིན་ཏུ་བཀག་པར་གྱུར་པའོ། །སྐོར་བ་ཚངས་པའི་མེ་གནས་སུ། །དུང་གི་དབྱིབས་ལ་རྣམ་པར་གནས། །ཕོ་བྲང་ཉ…

བོའི་སྒྲ་ནི་མི་ཆོམས་པ། །ལྔ་བཅུ་རྩ་བཞིར་དག་པའོ། །ཡི་གེ་མང་དང་ལྡན་པའི་ཕྱིར། །མགོ་ནི་བློན་པོར་བརྗོད་པ་སྟེ། །ཉི་ཤུ་རྩ་བཞི་དེ་ལས་འབྱུང༌། །གང་གི་རོ་ནི་སྤྱོད་པའི་ཕྱིར། །ལོངས་སྤྱོད་པ་ནི་རྒྱལ་ཕྲན་ཏེ། ཁམས་ནི་སུམ་ཅུ་གཉིས་སུ་བཤད། །འབྱུང་པོ་ཉི་ཤུ་བྲམ་ཟེ་ལ། །དེ་སྒྲ་རིགས་ཀྱི་གཙོ་བོར་གྲགས། དཔྱིད་དང་ན་ད་ཉིད་ལའོ། །སྐ…

སླར་ཡང་སྔགས་ཀྱི་དེ་ཉིད་གཅིག་པུ་རྒྱས་པར་འཆད་པ་ནི་ལེའུ་དགུ་པ་འདི་ཡིན་ཏེ། རྩ་རྒྱུད་ལས། དེ་ནས་ཐམས་ཅད་ཆོས་འབྱུང་བར། །སྣ་ཚོགས་ལྟེ་བར་མི་ཤིགས་དགེ །བྲིས་ནས་ཆོ་ག་བཞིན་དུ་སྔགས། །ཆོས་ཀུན་གཅིག་ཏུ་བསྡུ་བར་བྱ། །སྔགས་ཀྱི་ཚིག་ནི་འདི་ཡིན་ཏེ། །ཨཱ་ལི་ཀཱ་ལི་མཉམ་བྱས་ནས། །སྡེ་ཚན་རྣམས་ནི་སྒྱུར་བར་བྱ། །བཞི་བཞི་རུ་ནི་ངེས་བྱ…

དེ་ཡི་ནང་སོན་པདྨ་ནི། །འདབ་བརྒྱད་སྙིང་པོ་དང་བཅས་པ། །དེ་ལ་ཨཱ་ལི་ཀཱ་ལི་འདྲེས། །སྡེ་ཚན་བརྒྱད་པོ་རྣམ་པར་གནས། །ཞེས་པ་སྟེ། གསང་བ་ནས་ལྟེ་བའི་བར་དུ་རྩའི་དཀྱིལ་འཁོར་གྲུ་གསུམ་གྱི་གནས་ཡོད་པ་ནི། བདེ་བ་སྐྱེ་བའི་གཞི་ཡིན་པས་ཉམས་དགའ་བ། རྡོ་རྗེ་ནི་རྣམ་པར་རྟོག་པ་འཇོམས་པའི་འོད་གསལ། ཨ་རལླི་ནི་རོལ་རྩེད་དེ་བདེ་བ་ལ་རོལ་བ། …

རྩའི་པདྨ་འདབ་བརྒྱད་ལྟེ་བ་དང་བཅས་པ་གནས་ལ། དེ་ལ་ཨཱ་ལི་ཀཱ་ལི་འདྲེས་པ་སྟེ་གཉིས་ཆར་འབྱུང་བའི་རླུང་དང་ཐིག་ལེ་གནས་ཏེ། ཨཱ་ལི་ཀཱ་ལི་ནི་སྡེ་ཚན་བརྒྱད་ཀྱི་ཡི་གེ་འདབ་མ་བརྒྱད་ལ་གནས་པའོ། །འདི་ནི་སྔགས་བཏུའི་དཀྱིལ་འཁོར་ཆོས་འབྱུང་གི་དབུས་སུ་པདྨ་འདབ་བརྒྱད་དང༌། འདབ་མ་དང་པོ་ལ་ཨ་སོགས་དབྱངས་ཀྱི་སྡེ། དེ་ནས་གཡས་བསྐོར་གཡོན་ས…