ཅུ་གཉིས་འདབ་འདམ་སྐྱེས་ནི། །བདེ་ཆེན་འཁོར་ལོ་ཆེན་པོའོ། །ཚིགས་བཅད་འདི་དག་ནི་ཨེ་ཝཾ་མ་ཡཱ་ཞེས་པའི་ཡི་གེ་བཞིའི་བརྡས་མཚོན་པའི་རྩ་འཁོར་ལོ་བཞི་དང་འབྲེལ་བ་བཞི་ཚན་གྱི་ཆོས་རྣམས་སྟོན་ཏེ། ཨེ་ཡིག་གི་བརྡས་འབྱུང་བ་སའི་ཁམས་སུ་ཤེས་པར་བྱ་ཞིང༌། གཞི་དུས་ལྟེ་བ་སྤྲུལ་པའི་འཁོར་ལོའི་དབུས་སུ་ས་ཁམས་ཀྱི་དྭངས་མ་གཙོ་བོར་གྱུར་པའི་ར…

སྨོན་ལམ་གྱི་ཕ་རོལ་ཏུ་ཕྱིན་པ། འབྲས་བུ་ལྷ་མོ་མཱ་མ་ཀཱི་དང༌། རྡོ་རྗེའི་རིགས་མི་བསྐྱོད་པ། གཞི་ལམ་འབྲས་ཀུན་ཏུ་བྱམས་པ་ཆེན་པོའོ། །མ་ཡིག་གི་བརྡས་མགྲིན་པ་ལོངས་སྤྱོད་ཀྱི་འཁོར་ལོ་ཆུ་སྐྱེས་ཏེ། རྩ་འདབ་བརྒྱད་གཉིས་བཅུ་དྲུག་གི་འདབ་མ་ཅན་དུ། མེ་ཁམས་ཀྱི་དྭངས་མ་གནས་པར་བསྟན་པ་སྟེ། ལམ་ཕྱག་རྒྱ་ཆེན་པོ་དང༌། སྟོབས་ཀྱི་ཕ་རོལ་ཏ…

གཏན་ལ་འབབས་པའི་གཞི་ཡིན་ཞིང༌། འབྱུང་བཞིའི་དྭངས་མ་ནི་འཁོར་བའི་དུས་ཀྱི་ཆོས་ཉིད་དང་ཕྱག་རྒྱ་བཞི་དང༌། ཕར་ཕྱིར་བཞི་འཁོར་ལོ་དེ་དག་ལ་གནད་དུ་བསྣུན་པས་དག་པར་བྱེད་པའི་ལམ་དང༌། ལྷ་མོ་བཞི་དང་རིགས་བཞི་ནི་དག་འབྲས་དཀྱིལ་འཁོར་བཞིར་འཆར་བ་དང༌། ཚད་མེད་བཞི་ནི་གཞི་ལམ་འབྲས་གསུམ་ཀུན་ཏུ་ཁྱབ་པའི་ཡེ་ཤེས་བདེ་བ་ཆེན་པོའོ། །དེ་ལ་ཐབ…

ཤེས་རབ་དང་སྙིང་རྗེ་དང༌། དགེ་རྩ་བསགས་པའི་སྟོབས་ཆེན་པོས། རང་རྒྱུད་ལ་ངོ་སྐལ་གྱི་སྒྲིབ་པས་ཚུར་ཟིལ་གྱིས་མི་གནོན་ཞིང་ཕར་ལ་འཇོམས་པ་དང༌། གཞན་རྒྱུད་ཀྱི་བདུད་བཞིའི་སྟོབས་མ་ལུས་པ་འཇོམས་ཤིང་འཕྲོག་པར་བྱེད་པ་སྟེ། དེ་ནི་ཆོས་སྟོན་པ་དང་རྫུ་འཕྲུལ་གྱིས་སོ། །ཐེག་པ་འདིར་ནི་རླུང་དང་ཐིག་ལེ་རྣམ་པར་དག་པའི་སྟོབས་ཀྱང་བསྣན་པར་…

པའོ། །དེ་ལྟར་ཡང་གསང་བ་འདུས་པ་ལས། རེག་པ་ཆེན་མོ་སྤྱན་ལ་སོགས། །རྟག་ཏུ་འདོད་པའི་དོན་བརྩོན་པ། །འདོད་པའི་ལོངས་སྤྱོད་དག་གིས་ནི། །ཇི་ལྟར་འདོད་པར་བསྟེན་ན་འགྲུབ། །ཅེས་སོ། །འདིར་ཆོས་ཉིད་དོན་དམ་པའི་ཡེ་ཤེས་གདོད་མའི་སྐུ་བཞིའམ་རྡོ་རྗེ་བཞིར་གནས་པ་ལ། རྣམ་པ་ཅན་ཐམས་ཅད་པའི་འཆར་ཚུལ་བཞི་ཚན་དེ་རྣམས་འབྱུང་བ་སྟེ། འཁོར་འདས་ཀ…

འདི་ནི་ཨེ་དང་ཝཾ་གི་ཡི་གེ་གཉིས་བྱེ་བྲག་ཏུ་བཤད་པ་ཡིན་ཏེ། སྔར་གྱི་འཁོར་ལོ་བཞི་པོ་དེ་ཐབས་ཤེས་སུའང་བསྟན་ནོ། །དེ་ལ་ཨེ་དང་ཝཾ་ཞེས་བྱ་བ་ཉིད་ནི། འོག་གི་སྒོ་དང་འབྲེལ་བའི་ཨེ་ཝཾ་གཉིས་དང༌། སྟེང་གི་སྒོ་དང་འབྲེལ་བའི་ཨེ་ཝཾ་གཉིས་སུ་བརྗོད་པ་སྟེ། དེ་ཐམས་ཅད་ཀྱང་ཐབས་དང་ཤེས་རབ་ཁ་སྦྱོར་གྱི་རང་བཞིན་ནོ། །འོག་དང་སྟེང་དུ་སྙོམས…

ཡང་ན་མགྲིན་པའི་བརྡས་བོལ་དང༌། སྤྱི་བོའི་བརྡས་ཀཀྐོ་ལ་མཉམ་པར་སྦྱོར་བ་སྟེང་གི་དང༌། སྙིང་གའི་བརྡས་ཤེས་རབ་ཀྱི་སྣ་རྩེ་དང༌། ལྟེ་བའི་བརྡས་ནོར་བུའི་རྩ་འཁོར་ཏེ། འོག་གི་སྙོམས་འཇུག་གོ །དེས་ན་ཝཾ་ནི་སྙིང་ག་དང༌། མགྲིན་པའི་འཁོར་ལོའི་དབུས་ན། རྩ་མདུད་ཟླུམ་པོ་རྒྱན་གྱི་མཆོག་ལྟར་གནས་པ་རྒྱན་པར་བྱེད་པ་པོ་དེ་ཡིན་ལ། ཨེ་ནི་མག…

འདི་ནི་ཝཾ་གི་སོགས་པ་འབྲོག་འགྱུར་ལས། ཝཾ་གིས་རྣམ་པར་བརྒྱན་པ་འདི། །ཨེ་ནི་ངེས་པར་མཛེས་པར་འགྱུར། །ཞེས་འབྱུང་བ་གོ་བདེའོ། །དོན་དམ་པའི་ཨེ་ཝཾ་ནི་སངས་རྒྱས་ལྔ་སྟེ། ཕུང་པོ་ལྔའི་དྭངས་མའི་བདག་ཉིད་ཀྱི་སྐུ་སྟེ་ཡེ་ཤེས་ལྔ་ནི་ཝཾ་ཡིག་གི་མཚོན་དོན་བདེ་སྟོང་གཉིས་སུ་མེད་པའི་འོད་གསལ་རྡོ་རྗེར་བརྗོད་པ་ཡིན་ལ། ལྷ་མོ་ལྔ་སྟེ་འབྱུ…

ཡང་ཡིན་ལ། རྟེན་རྩ་འཁོར་བརྟེན་པ་ཞུ་བདེར་བཅས་པ་དེ་ནི་དོན་དམ་པའི་སངས་རྒྱས་ཀྱི་རིན་པོ་ཆེ་ཡེ་ཤེས་ལྔ་གཉིས་གཅིག་ཏུ་འདྲེས་པ་དེའི་ཟ་མ་ཏོག་སྟེ་སྣོད་ལྟ་བུ་ཡིན་ན། སྣོད་ཀྱི་དོན་ཡང་ད་ལྟ་སྒྲིབ་གཡོགས་སུ་ཡང་ཡོད་ཅིང༌། དེའི་ནང་ན་དེ་གནས་པ་དང༌། ཆུད་མི་འཛའ་བར་འཛིན་ཅིང་དེ་ལས་མངོན་གྱུར་དུ་འབྱུང་བའི་དོན་ནོ། །ཞུ་བདེ་དེ་ནི་རང…

སམ་རྒྱུད་ཀྱི་དངོས་པོ་གཙོ་བོར་བསྟན་པའོ། །འོན་ཀྱང་ཞོར་བྱུང་གི་ཚུལ་དུ་རང་ལུས་འཁོར་ལོ་བཞི་དང་གཞན་ལུས་རིག་མ་བཞི་ལས། རླུང་སེམས་དབུ་མར་འགག་པར་འགྱུར་བའི་རྒྱུད་རིམ་དང༌། རང་ལུས་ཐབས་ལྡན་དང་གཞན་ལུས་ཤེས་རབ་ཀྱི་ཨེ་ཝཾ་སྙོམས་འཇུག་ཏུ་གཏོགས་པའི་སྔགས་རིམ་ཡང་རྒྱས་པར་བསྟན་པ་ནི་ཡིན་ནོ། །གཉིས་པ་འབྲས་བུའི་རྫོགས་རིམ་ཡེ་ཤེས་…

བདག་གིས་ཞེས་པ་སྟེ། དེ་ལ་མ་ཐིག་ལེའི་རྣམ་པ་སྟེ། བདེ་བ་ཆེན་པོ་བྱང་ཆུབ་ཀྱི་སེམས་ཡིན་ལ། ཡཱ་ནི་ཡ་ཧི་སྟེ་བགྲོད་པ་འགྲོ་འོང་ངོ༌། །དེ་བས་ན་བྱང་ཆུབ་ཀྱི་སེམས་ཀྱི་བགྲོད་པ་འགྲོ་འོང་ལས་བྱུང་བའི་ཡེ་ཤེས། ཞུ་བདེ་འགྱུར་མེད་ཀྱི་རང་བཞིན་དགའ་བའི་ས་བཞི་ནི། བདག་གིས་ཞེས་པའི་དོན་ཡིན་ཞིང༌། དེ་ཉིད་ཁྱད་པར་ཅན་དུ་ན་ཡེ་ཤེས་ཀྱི་རིམ…

མ་དང་རླུང་ནི་མུན་པ་ཡིན་ལ། རོ་མ་དང་ཁྲག་ནི་རྡུལ། རྐྱང་མ་ཁུ་བ་ནི་སྙིང་སྟོབས་ཀྱི་ཡོན་ཏན་ནོ། །སྤྱིར་སྙིང་སྟོབས་ནི་བདེ་བ། དེའི་དྲི་མའི་ཆ་ནི་འདོད་ཆགས། རྡུལ་ནི་གསལ་བ། དེའི་དྲི་མའི་ཆ་ནི་ཞེ་སྡང༌། མུན་པ་ནི་སྟོང་པ། དེའི་དྲི་མའི་ཆ་ནི་གཏི་མུག་གོ །རིམ་པ་དེས་གནས་སྐབས་མང་པོར་སྙིང་སྟོབས་ནི་སྤྱི་བོའི་ཧཾ་ཡིག རྡུལ་ནི་ལྟ…

པའང་ཡོད་ལ། དེ་དག་རེ་རེ་ལ་ཡང་ནང་གསེས་ཡོན་ཏན་གསུམ་གསུམ་དུ་དབྱེ་བ་སོགས་རྣམ་གྲངས་མཐའ་ཡས་པར་འགྱུར་ཏེ། རྟོགས་པར་སླའོ། །དེ་ཉིད་ངོ་བོས་སྒྲུབ་པ་སྟེ་ཞེས་པ་འབྲོག་འགྱུར་ལས། སྒྲུབ་པ་རིན་ཆེན་གཟུགས་ཀྱིས་ནི། །ཞེས་བསྒྱུར་བ་ལྟར་ལེགས་པས། ཐིག་ལེ་དེ་བརྟན་པར་སྒྲུབ་པ་ན། རིན་པོ་ཆེ་ལྟར་ཡོན་ཏན་དུ་མ་དང་ལྡན་པའི་གཟུགས་ཀྱིས་མིའི…

སྣང་བས་ཤིན་ཏུ་མཛེས་པར་འགྱུར་རོ། །འདི་མས་བརྟན་རྗེས་སུ་དྲན་པའི་ས་དངོས་མིན་ཡང༌། མས་བརྟན་གྱི་རྗེས་དྲན་ཙམ་ནི་ཡིན་ལ། རིམ་པ་བཞི་ལས་ནི་ཡེ་ཤེས་ཀྱི་རིམ་པ་ཁོ་ནའོ། །དགའ་བའི་རང་བཞིན་ཞེས་པ། དགའ་བ་བཞིའི་ནང་ཚན་གྱི་དགའ་བ་དང་པོ་ལ་མི་ཟེར་ཡང༌། དགའ་བདེ་ཁྱད་པར་ཅན་གྱི་དོན་ཡིན་ལ། དགའ་བའི་སྐད་དོད་རཱ་མ་ཞེས་པ་ལ། ཡི་གེ་བསྣན་པའ…

འཕྲོ་བའོ། །རིག་པའི་སྣ་རྩེར་གནས་ནས་ནི། །པདྨ་བཞི་ནི་གསལ་བྱེད་པ། །རྒྱལ་བ་རྣམས་ཀྱི་སྤྲུལ་སྐུ་སྟེ། །དེ་ནི་ཐོས་པ་ཞེས་བྱར་གྲགས། །འདིས་ནི་གསང་རིམ་དངོས་བསྟན་པ་ཡིན་ཏེ། འདིར་ཐོས་པ་ཞེས་པའི་སྐད་དོད། ཤུཏ་ཞེས་པ་ཡིན་པ་ལས། ཤྲུ་ནི་ཤྲ་བ་སྟེ་འཛག་པ། ཏ་ནི་ཏ་རུ་ཎ་སྟེ་དར་བ་ཡིན་ན། ཏའི་སྲོག་གི་ཨ་ནི་དགག་པའི་དོན་ཏེ། མེ་འཛག་པར་…

བསྟན་པར་འདོད་ལ། བདེ་བ་ཆེ་ཆེར་འཕེལ་ཡང༌། ཟག་བཅས་སྲེད་པའི་ཆགས་པ་འགགས་པས། ཆགས་བྲལ་གྱི་རང་བཞིན་དེ་ནི། གཏུམ་མོ་ལྷག་པར་འབར་བའི་སྟོབས་ཀྱིས་དབང་དུ་བྱས་ནས། སྟེང་དུ་རིམ་པས་བརྟན་པ་ཡིན་པའི་ཕྱིར། ཉི་མ་ལྟ་བུའི་འོད་དང༌། ཁྲག་གི་དབང་དུ་བྱས་པ་ཞེས་ཤེས་པར་བྱ་ལ། དེ་ལ་འདིར་ཡང་ཐིག་ལེའི་ངོ་བོ་ནི་དཀར་པོ་ཡིན་ལ། གྲོགས་ཀྱི་དབང་…

བཅས་པ་ལ། ཟུང་དུ་འཇུག་པའི་མཚན་ཉིད་བསྟན་པར་བཞེད་དེ། ཤེས་རབ་ཐབས་ཀྱི་བདག་ཉིད་སྦྱོར། །འདིར་ནི་བདག་གིས་ཐོས་པར་བརྗོད། །ཤེས་རབ་བདག་གིས་ཞེས་བརྗོད་དེ། །ཐོས་པ་ཐབས་ཀྱི་མཚན་ཉིད་དོ། །དམིགས་པར་བཅས་དང་དམིགས་མེད་པའི། །ཤེས་རབ་གཉིས་སུ་བརྗོད་པ་སྟེ། །དམིགས་མེད་བདག་གིས་ཞེས་བྱ་ལ། །དམིགས་དང་བཅས་པ་ཐོས་པར་འདོད། །དམིགས་དང་བཅས…

རབ་འཇུག་པའོ། །འདི་ནི་བདག་གིས་ཞེས་པ་དང༌། ཐོས་པ་ཞེས་པ་ཚིག་གཉིས་པོ་དབུགས་དབྱུང་གཉིས་སུ་སྟོན་པར་བྱེད་པ་སྟེ། ཨེ་དང་འབྲེལ་བའི་འཁོར་ལོ་གཉིས་ལས་རྡོ་རྗེ་འཆང་གི་དབུགས་དབྱུང་དང༌། ཝཾ་དང་འབྲེལ་བའི་འཁོར་ལོ་གཉིས་ལས་དེ་བཞིན་གཤེགས་པའི་དབུགས་དབྱུང་འཆར་བ་ཡིན་ནོ། །འོན་ཀྱང་གཞུང་འདིའི་སྐབས་འདི་ཐད་དུ་འཁོར་ལོ་ལ་སྦྱར་བའི་བཤ…

ཁྱད་པར་ཁོ་ནས་འཇོག་གོ དེས་ན་སྐབས་འདིར་ནི་བདག་གིས་ཐོས་པ་ཞེས་གསུངས་པ། ཤེས་རབ་དང་ཐབས་གཉིས་སུ་མེད་པའི་བདག་ཉིད་དུ་སྦྱོར་བ་ཟུང་འཇུག་གི་ཚུལ་དུ་བརྗོད་ལ། དེ་ལྟ་བུའི་ཤེས་རབ་ནི་བདག་གིས་ཞེས་པས་བསྟན་ཅིང༌། ཐོས་པ་ཞེས་པས་ཐབས་ཀྱི་མཚན་ཉིད་བསྟན་ཏོ། །ཡང་ཤེས་རབ་རྣམ་པ་གཉིས་སུ་བརྗོད་པར་བྱ་སྟེ་དམིགས་པ་དང་བཅས་པ་དང་དམིགས་པ་མེ…

ཀྱི་ཤེས་རབ་དམིགས་བཅས་དང༌། ལམ་བདེ་སྟོང་གི་ཡེ་ཤེས་ནི། གོང་གི་དམིགས་མེད་དེར་དབུགས་འབྱིན་བྱེད་ཀྱི་ཤེས་རབ་དམིགས་མེད་དོ། །དེ་འདྲ་བའི་རང་བཞིན་དང་ལམ་གྱིས་བསྡུས་པའི་ཤེས་རབ་དམིགས་མེད་ནི་བདག་གིས་ཞེས་བྱ་བས་བསྟན་ལ། རང་བཞིན་དང་ལམ་གྱིས་བསྡུས་པའི་ཤེས་རབ་དམིགས་པ་དང་བཅས་པ་ནི། ཐོས་པ་ཞེས་པས་བཤད་པར་འདོད་ལ། རང་བཞིན་དམིགས…