ལ་བྱིན་གྱིས་བརླབ་ཏུ་གསོལ། ཨོཾ་བཛྲི་བྷ་བ་ཨ་བྷི་ཥིཉྩ་ཧཱུཾ། རྡོ་རྗེ་ཆེ་དང་དྲིལ་བུ་ཆེ། །སོགས་ཀྱི་བུམ་དབང༌། ཡབ་ཡུམ་བྱང་སེམས་ལྕེ་ཐོག་ཏུ་གནང༌། ཨོཾ་ཨཱཿཧཱུཾ། ཇི་ལྟར་འདས་པའི་སོགས་ཀྱིས་གསང་དབང༌། ཕྱག་རྒྱ་བཏད། དགའ་གཏེར་གནས་སྟེར་སོགས། སྙོམས་པར་ཞུགས། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་བ་ཨཏྨ་ཀོ྅ཧཾ། ཤེས་རབ་ཡེ་ཤ…

གསུམ་གྱི་ཡི་གེ་གསུམ་པོ་རེ་རེ་དང༌། གསུམ་ཅར་གྱི་འོད་ཟེར་རང་ལ་སྟིམ་པ་ལ་དབང་བཞིར་བྱེད་པ་ཡང་སྐུ་གསུང་ཐུགས་ཀྱི་བྱིན་རླབས་འཇུག་པའི་གནད་ཆེན་པོ་ཡོད་ལ། དབང་བཞི་དང་ཆོས་མཚུངས་ཙམ་ཡིན་གྱིས། དབང་དངོས་ཀྱི་ཆོ་ག་མ་ཡིན་ནོ། །བླ་མ་འོད་དུ་ཞུ། སྨིན་མཚམས་སོགས་གནས་བཞིར་ཁྱབ་པས་དབང་བཞི་ཐོབ་པར་བསམ་པ་ཡང་དབང་དངོས་མ་ཡིན་ཀྱང༌། རང་…

སྒོམ་དུ་འགྲོ་བ་མང༌། དེ་མུ་སྟེགས་པ་རབ་ཀྱི་ཏིང་ངེ་འཛིན་ལས་དམའ་བ་ཡིན། ཞི་ལྷག་རྣམ་དག་ཅིག་ཡོད་ན། །དེ་མ་བོར་བའི་ངང་ནས་གང་ཤར་མ་བཅོས་པ་ལམ་དུ་བྱེད་པ་བཙན་ཐབས་སུ་ངོ་སྤྲོད་པ་འདི། ཤིན་ཏུ་ཟབ་པའི་མན་ངག་གྲུབ་ཆེན་རྣམས་ཀྱི་ལུགས་ཡིན། སྤྱིར་ཞི་ལྷག་བཟང་པོ་ཐུན་མོང་བ་དེ། ཚེ་རིལ་བསྒོམས་ཀྱང༌། རྐྱེན་ལ་བརྟེན་ནས་འཕེལ་འགྲིབ་སྣ་…

ངོ་སྤྲད་པས། ཉི་མ་སྐྱེལ་བ་དང་མི་ཚེ་འཕུལ་བ་ཙམ་དུ་འགྲོ་ཡིན་སྣང་བས། འདིའི་གནད་མ་འཆུགས་པ་ཞིག་ལག་ཏུ་བླང་བའི་ཚུལ་ལ། དང་པོར་སེམས་གནས་པ་གལ་ཆེ་ཞིང༌། དམིགས་རྟེན་གང་ལ་འཇོག་ཀྱང༌། ཆེད་འཛིན་དང་བྲལ་ཞིང༌། རྩེ་གཅིག་ཏུ་འདྲིལ་བ་ཞིག་དགོས། དམིགས་པ་ཡང་ཕྱི་ལ་མི་བྱ་བར་སེམས་ལ་སེམས་འཇོག་པའོ། །གནས་དང་ལུས་གནད་ལྟ་སྟངས་གཅིག་ལ་སེམ…

གསུམ་ལེགས་པར་རྩལ་བས། སྣང་ཙམ་ལ་གང་དུ་ཡང་མ་གྲུབ་པ་ཞིག་འོང་སྟེ། དེ་ལ་མཉམ་པར་འཇོག དེའི་རྩི་མ་ཡལ་བ་ཞིག་དགོས་པས། ཡང་ནས་ཡང་དུ་འཕྲོ་བཅད་དེ་སྐྱར་གིན་སྒོམ་པ་ལ་གལ་ཆེའོ། །དེ་ཡང་སྔ་མ་བཞིའི་མཉམ་རྗེས་ཐམས་ཅད་ལ་རྩལ་ཞིང་སྲེ་བར་བྱའོ། །ཐམས་ཅད་ལ་སྲེ་ནུས་ཤིང༌། རྩོལ་བ་དང་བཅས་པའི་ཚེ་མ་བཅོས་པ་ལམ་དུ་བྱེད་པ་ཡིན་ཏེ། བཟང་ངན་འཆར…

རྒྱུ་མེད་པར། རང་ངོ་རྩོལ་མེད་དུ་ཤེས་པ་ཞིག་བྱུང་བའི་ཚེ། རྩ་བ་བྲལ་བ་ཞེས་བྱ་བའམ། འགྱུར་བ་མེད་པ་ཡིན་ནོ། །འདི་ཐོབ་ནས་ཀྱང་རིག་པས་དཔྱོད་པ་དང༌། བསྐྱེད་རིམ་སོགས་སྤྲོས་བཅས་ཇི་ལྟར་མང་གིན་རྩ་བྲལ་ལས་མི་འདའ་བས་ཤིན་ཏུ་བོགས་ཆེ་བ་ཡིན་གྱི། ཉོན་མོངས་ཡེ་ཤེས་སུ་རློམ་ཤིང༌། སྤྲོས་བཅས་ཀྱི་དགེ་སྦྱོར་ལ་སྡང་བ་ནི་སྤངས་བླང་འཛོལ་…

ལྟ་བ་ལ་བརྟེན་ནས་དུག་ལྔ་མ་བཅོས་ལམ་དུ་འཁྱེར་ཚུལ་ནི། དཔེར་ན། སེམས་འདོད་ཆགས་ཀྱི་རྣམ་པར་ལམ་མེ་ཤར་བའི་ཚེ། རང་དགའ་མར་སོང་ན་སྐྱེ་བོ་ཕལ་པའི་སེམས་དང་འདྲ། ཆེད་ཀྱི་སྤོང་ན་ཐབས་ལ་མི་མཁས། དེས་ན་ཆགས་ཡུལ། ཆགས་མཁན། ཆགས་ཚུལ་རང་བཞིན་གྱི་གྲུབ་པ་མེད་ཅིང༌། བརྙེད་རྒྱུ་མེད་ཀྱང༌། འདོད་ཆགས་ཀྱི་འཆར་སྒོ་མ་འགགས་པ་དེ་ལ་སྐྱོན་ཡོན་…

ཤེས་པར་བྱ་བས་འདིར་མ་བརྗོད། ལྷའི་རྣམ་པ་བསལ་བ་དང་གཅིག ང་རྒྱལ་ཤུགས་དྲག་པ་དང་གཉིས། རང་བཞིན་མེད་པའི་ལྟ་བས་ཟིན་པ་དང་གསུམ་རང་ལྷར་སྒོམ་པ་གང་ལ་ཡང་གལ་ཆེ། བསྐྱེད་རིམ་དུ་འགྲོ་བ་ལ་དེའི་སྟེང་དུ་སྐྱེ་ཤི་བར་དོ་གསུམ་སྦྱོང་བྱེད་དང༌། སྐུ་གསུམ་ལམ་ཁྱེར་དུ་སོང་བ། ཞུ་བདེས་རྒྱས་ཐེབས་པ་རྣམས་དགོས། རྫོགས་རིམ་ལ་གཏུམ་མོ་སྒོམ་ན།…

ཟད་མྱོང་བ་ཐོན་ནས། ལུས་གནད་ལག་པ་གཉིས་རྐང་པའི་བོལ་ལ་བཅང་པ་ལྕེ་སྤྱང་གི་འདུག་སྟངས་བྱས་ལ། ལག་ལེན་བཞིན། རླུང་ཕྱིར་བུས་ལ་མནན། འཐུར་སེལ་ཐེན། རྩའི་ཀ་བ་གཟུག་པར་བྱ། ཐོག་མར་སྒྲ་མེད་ལ་སླབ་སྟེ་ཐུན་གཅིག དེ་ནས་ཧ་དང་ཧཀ་དང་ཧིཾ་དང་ཧྲིཾ་དང༌། ཧཱུཾ་གི་སྒྲ་རྣམས་ལ་ཐུན་རེ་རེ། དེ་ནས་སྟེང་རླུང་ཅུང་ཟད་བརྔུབ་ཅིང་ཐུར་སེལ་འདྲེན་པ…

པར་རྒྱལ་བ་ཐོབ་པར་འགྱུར་རོ། །གནད་འཆུགས་པའི་རླུང་སྦྱོར་གྱིས་ནི་མི་ཚེ་ལའང་ཡོན་ཏན་མི་སྐྱེད་པར་སྣང་ངོ༌། །རླུང་སྦྱོར་གྱི་ཡིག་ཆུང་སྟེ་དྲུག་པའོ། །ཨྠིྀ། ན་མོ་གུ་ར་བེ། གལ་ཏེ་རྨི་ལམ་བཟུང་བར་འདོད་ན། མགྲིན་པའི་འཁོར་ལོའི་དབུས་སུ། ཡི་གེ་ཨོཾ་དམར་པོ་ལ་སེམས་གཏད་ཅིང༌། རྨི་ལམ་འཛིན་པའི་འདུན་པ་དྲག་ཏུ་སྦྱངས། ཐུན་རེ་རེ་ལ་ད…

བརྟན་པ་ཐོབ་པ་གཉིས། དང་པོ་ནི། གཏུམ་མོའམ་ལས་རྒྱ་ལ་སོགས་པའི་བདེ་སྟོང་གི་མྱོང་བ་ཅུང་ཟད་ཡོད་ན་རབ། མེད་ན་སྟོང་པའི་ངང་ལས་སྐད་ཅིག་ཙམ་གྱི་བསྐྱེད་ནས། བདེན་མེད་ཀྱི་འདུན་པ་དྲག་ཏུ་སྒོམ། གསལ་སྣང་ཅུང་ཟད་ཐོབ་ནས་སྣང་བ་ཐམས་ཅད་ལ་གསལ་སྣང་དང་བདེན་མེད་ཀྱི་འདུན་པ་སྤྲོས་ནས། ཡང་བདག་ཉིད་ལ་བསྡུ་བ་སོགས་གོམས་པར་བྱའོ། །འདིར་བསྐྱ…

གཏད་ལ་ཡུན་རིང་དུ་སྒོམ། མཚན་མོ་ཡང༌། དེ་ཀའི་ངང་ལ་གཉིད་དུ་འགྲོ་བར་བྱ། གཉིད་དུ་འགྲོ་བའི་ཚེ་ན་ཡང་དམིགས་པ་དང་དྲན་འཛིན་བྱ། ཧ་ཅང་གྲིམས་གྲགས་ན་གཉིད་དུ་མི་འགྲོ། ལྷོད་གྲགས་ན་མི་ཟིན་པས་རན་པའི་སྐྱོང་ལུགས་བྱ། ཐིམ་རིམ་ཐན་ཐུན་དང་འདྲེས་པའི་ཅི་རིགས་ཟིན་ན། སྣང་བ་གཞན་ཐམས་ཅད་རྗེས་གཞིག་གི་བསྡུས་ནས། ཆོས་འཁོར་ཙམ་དམིགས་ནས་ས…

སུ་བཤད་པ་ཡིན། ལྟེ་བ་ལ་ཡས་མས་ཀྱི་ཆ་གཉིས་ཡོད་པས་མི་འགལ་ཅེས་བླ་མ་ལྷོ་ཕྱོགས་པས་གསུངས༌། དེའི་གནད་ཀས་ནོར་བུ་དང་སྙིང་ཁར་འོད་གསལ། གསང་བ་དང་མགྲིན་པར་རྨི་ལམ། ལྟེ་བ་དང་སྤྱི་བོར་ཡས་བབས་དང་མས་བརྟན་གྱི་ལྷན་སྐྱེས་སོགས་སྒོམ་པ་ཡིན། ལྷན་སྐྱེས་དེ་སྒོམ་པ་ལ་རྟོག་ཅན་རྣལ་འབྱོར་ལ་བརྟེན་པ་གཏུམ་མོའོ། །ཆགས་ཅན་འོག་སྒོ་ལ་བརྟེན་…

བསྒོམ་པར་བྱ། །རྩ་འཚོལ་བ་སོགས་གནད་ཆེ་ཞིང༌། །ལྟ་བས་མ་ཟིན་ངན་སོང་རྒྱུ། །འདོད་ཆེན་ཁུ་བ་མྱུར་འཛག་པ། །དེ་ལ་དངོས་གྲུབ་མི་བྱུང་ཞེས། །སངས་རྒྱས་ཐོད་པའི་རྒྱུད་ལས་གསུངས། ང་ཡི་རྡོ་རྗེའི་ཐ་ཚིག་འདི། །བཀའ་ལས་འདའ་བར་མ་བྱེད་ཅིག །བྱང་ཆུབ་སེམས་ནི་ལྷུང་འགྱུར་ན། །དམ་ཚིག་ཉམས་པས་དམྱལ་བར་ལྷུང༌། །ཚེ་འདི་སྡུག་བསྔལ་ཐམས་ཅད་འབྱུ…

ཐིག་ལེ་ཁ་དོག་དཀར་པོ་རེ་རེ་བཀོད། དེའི་འོད་ཟེར་དཀར་པོ་མཐུག་པོས་སྒོ་དེ་དང་དེ་བརྟན་པོར་བཀག་པར་བསམ། རེ་རེ་ལ་ཡང་ཞག་ལྔ་ལྔ་རེ་བསླབ་ཅིང༌། དེ་ནས་གཉིས་སྡོམས་སོགས་ལ་རིམ་གྱི་བསླབ། མཐར་ཐམས་ཅད་གཅིག་ཆར་གསལ་བཏབ་ནས། རླུང་ནང་དུ་བཟློག་པའི་རྟགས་བྱུང་བྱུང་སྒོམ་སྟེ། བུམ་པ་ཅན་དང་སྦྱོར་དགོས་སོ། །ལུས་གནད་ཀྱང་ལྕེ་སྤྱང་གི་འདུག…

བསྒོམ་པ་ལ་འགལ་བ་མེད་དེ། འོན་ཀྱང་འདི་ལ་ནི་སྤེལ་གྱིན་སྒོམ་པ་ཡིན་ནོ། །བུམ་པ་ཅན་མ་བརྟན་ན། གསེར་གྱི་སྒོ་འབྱེད་ནུས་པ་དཀའ་ཞིང༌། ཁྱད་པར་འཕོ་བ་དང་གྲོང་འཇུག་ལ་དབང་འབྱོར་བ་ནི་མི་འབྱུང་ངོ༌། །དེས་ན་བུམ་པ་ཅན་བརྟན་བརྟན་གྱི་བར་བུམ་ཅན་འདོད་དུ་མི་རུང་ངོ༌། །འཕོ་བ་རྒྱས་པར། སྙིང་ཁར་ཡི་གེ་བདུན་འགོད་པ་སྟེ། ཡུམ་བཞི་དང༌། ཧཱ…

འཇུག་པ་དང༌། ཚར་གཅད་རྗེས་འཛིན་འདིར་མ་བཀོད། སྒོ་འབྲིང་ནས་འཕོ་བའི་མན་ངག་ཀྱང་ཤིན་ཏུ་མང་བས་མ་བྲིས། འཕོ་བའི་ཡིག་ཆུང་སྟེ་བཅུ་གཉིས་པའོ། །ཨྠིྀ། །ན་མོ་གུ་ར་བེ། གལ་ཏེ་འཁྲུལ་འཁོར་བྱེད་འདོད་ན། །འཆི་མེད་གྲུབ་པ་ལ་སོགས་བྱ། །ཡང་ན་ཐོར་བུ་བ་རྣམས་བསྡུ། །ལྟོ་བ་སྐོར་དང་རོ་སྟོད་བཅུ། ། མགོ་བོ་བསྐོར་ཞིང་དགྱེ་དགུ་བྱ། །སྟེང་ད…

ན་མོ་གུ་ར་བེ། རྫོགས་རིམ་གྱི་དམིགས་པ་གང་ལ་ཡང༌། སེམས་གཏད་པ་ཙམ་གྱི་རླུང་ཡོན་པོ་ཡང་མཉམ་རྒྱུར་ཐེངས་ན། དབུ་མར་ཞུགས་པ་ཞེས་བྱ། དམིགས་པ་གང་ལ་སེམས་གཏད་པས། སྣ་སྒོར་རྒྱུ་བ་འགགས་ན་གནས་པ་ཞེས་བྱ། ཁོང་རླུང་གི་ཁེངས་པ་བཞིན་ཡོད་པ་ཡང་ཡལ་ཞིང་ཐིམ་པའི་ཚེ། ཐིམ་པ་ཞེས་བྱ། ཐིམ་མ་ཐག་དྲོད་དང་ཞུ་བདེ་སྐྱེ། བདེ་དྲོད་མ་བྱུང་ན་ཐིམ་པ…

བདེ་བར་སྣང་ཙམ་གདོང་ལ་ལྗིད་བབས་པ་འདྲ་བ་ནི་དགའ་བ་རྫོགས་པའི་ཚད་ཡིན། སྙིང་ཁར་ལྷང་བས་ནི་མཆོག་དགའ་རྫོགས་ལྟེ་བར་ཤིགས་སེ་འབྱུང་བས་ཁྱད་དགའ་རྫོགས། གསང་བར་མེར་གྱི་འབྱུང་བ་ནི་ལྷན་སྐྱེས་སོ། །ལུགས་བཟློག་ལ་ཡང༌། གསང་བར་སྟོང་སང་བ་དང༌། ལྟེ་བར་སྒྲིང་ངེ་བ་དང༌། སྙིང་ཁ་ཁང་བ་དང༌། སྤྱི་བོར་སྒྲིད་ཆིལ་བ་དང་བདེ་བ་དང་ཟུག་ངུའི་…

དང༌། ནང་གི་ཁ་སྦྱོར་གྱི་བཅུད་ལེན་ཅིང་ནད་གསལ་བ་དང༌། གློད་ཅིང་སྐྲད་པའི་མཐའ་འགྱུར་བ་འགེགས་པ་དང༌། རྒྱལ་མཚན་གཟུག་པའི་ཆོ་གས་བོགས་དབྱུང་བའོ། །དང་པོ་ནི་སྟེང་རླུང་བསུ་མ་ཅུང་ཟད་བཅུག་ལ། ཐུར་སེལ་དལ་བུས་དྲང་བ་དང༌། དྲག་ཏུ་དྲང་བ་དང༌། དཔེ་མེད་པར་འདྲེན་པ་གསུམ། ཐུར་སེལ་གྱི་བསུ་མ་བཅུག་ནས། སྲོག་མནན་པ་དང༌། དྲག་ཏུ་མནན་པ་ད…