ཨོཾ་སྭཱ་སྟི། དཔལ་ལྡན་བླ་མ་དམ་པ་རྡོ་རྗེ་འཆང་ཏཱ་ར་ནཱ་ཐས་མཛད་པའི་ལྷ་སོ་སོའི་བསྙེན་པ་སྤྱི་ཁྱབ་ཏུ་བྱེད་ཚུལ་བསྡུས་པ་ནི། སྤྱིར་བསྙེན་པ་གང་ལའང་ཐོག་མར་མཚམས་འོག་ཏུ་མི་མང་ཉུང་གང་བཅུག་ཀྱང་ཆོག་ཅིང་ཐོག་མར་མཚམས་འོག་ཏུ་མ་བཅུག་པ་ཕྱིས་མི་འཇུག མཚམས་འདི་མི་ཚེ་གང་བྱ་ཞིང༌། གྲོལ་བ་སྔ་དྲོ་གྲོལ་བར་བྱའོ། །ཐུན་གྱི་སྐབས་ངག་བསྡ…

འགྲུབ་ན་བསྙེན་པ་རྫོགས་མཚམས་ནང་དུ་རྫོགས་པར་བྱ། མཚམས་གྲོལ། བསྙེན་པའི་ཐུན་མཚམས་སྐབས་གཏམ་ཅལ་ཅོལ་མང་པོ་མི་སྨྲ་ཞིང་སྒྲུབ་གཡོགས་པའི་ཀྱང་སྐད་ཆ་གསལ་བ་ཆེ་བ་རྣམས་མི་བཤད། བཟླས་པའི་སྐབས་སྔར་མི་དྲན་པ་མང་པོ་དྲན་པ་དང༌། དཔེ་ཆ་ལྟ་བ་དང༌། ཤོར་བ་སོགས་བསྙེན་པ་ཉིད་མ་ཡིན་པའི་བྱ་བ་གང་འདོད་ཀྱང་བར་ཆད་དུ་གོ་བར་བྱས་ནས་སྤང་པ་གཙོ…

ཐུན་གྱི་སྐབས་ངག་སྡོམ་ཞིང༌། ངག་བཅད་པའི་སྔགས་དེ་བསྙེན་པའི་གྲགས་སུ་རྩི་ཞིང༌། ཐུན་མཚམས་རྣམས་སུ་ངག་བཅད་གཅིག་ཏུ་མི་དགོས། སྔགས་གང་འགྲུབ་འགྲུབ་སྒྲོངས། ཐུན་མཚམས་ཀྱི་སྔགས་གྲངས་སུ་མི་རྩི། བསྙེན་པའི་འཕྲེང་བ་མི་གཞན་གྱིས་མ་མཐོང་བར་བྱེད། ཁྱད་པར་འཁོར་ལོ་སྡོམ་པའི་སྐབས། མཚམས་ཐོ་བརྩིགས་ནས་ས་དེར་སྔོན་འགྲོ་གཏོར་མ་བཏང༌། …

མ་ཡེངས་པ་དགོས་ཤིང༌། དམིགས་པ་གསལ་རུང་མི་གསལ་རུང༌། ཚིག་སོ་སོའི་ཐད་དུ་རྣམ་པ་ལམ་ལམ་དྲན་པའི་ཤར་སྒོམ་ཚར་རེ་གལ་ཆེ། དག་པ་དྲན་པའི་རྗེས་སུ་འཕྲེང་བ་བྱིན་རླབས་རེ་བྱེད་དགོས་ཤིང༌། དེ་ཡང་བསངས་སྦྱངས། སྟོང་པའི་ངང་ལས་ཧྲཱིཿལས་པདྨ་ཧྲཱིཿམཚན་པ་ལས་འོད་དཔག་མེད་དམར་པོ་ཕྱག་དང་པོ་གཉིས་པདྨ་དང་དྲིལ་བུ་འཛིན་པས། ཡུམ་གོས་དཀར་མོ་གྲ…

ཡང་དེ་མི་བདེ་ན་ཐོག་མར་གཙོ་བོ་ཡབ་ཡུམ་གྱི་བསྙེན་པ་རྫོགས་པའི་དུས་སུ། རིམ་པ་བཞིན་དུ་འཁོར་རྣམས་སོ་སོ་ལ་བསྙེན་པ་བྱས་པའི་རུང༌། དེའི་ཚེ་གཙོ་བོ་ཡབ་ཡུམ་ལ་འབུམ་ཕྲག་བཞི། ཡུམ་བཞི་ལ་སྟོང་ཕྲག་བཞི་བཞི། དཔའ་བོ་དཔའ་མོ་ཉེར་བཞི་ལ། བཞི་ཁྲི་རེ། སྒོ་མཚམས་མ་བརྒྱད་ལ། ཡུམ་བཞི་དང་འདྲ། ཡབ་ཡུམ་གྱི་བཟླས་པ་དང༌། རྣམ་པ་དང༌། ང་རྒྱལ་…

ལ་འདོད་པ་སྡུག་པ་དང་དོག་པ་ཙབ་ཚོབ་མི་བྱེད་པར་བློ་བདེ་བའི་ངོས་ནས་ལྷོད་ལྷོད་ནས་བྱ། ཉི་མ་གཅིག་ལ་གྲངས་འདི་ཙམ་སོང་ན་མ་སོང་ནི་མི་བྱ། ནང་དུ་སྤྱོད་ལམ་བག་ཡང་ཙམ་བྱ། རིགས་པ་བཅུར་བཅུར་མི་བྱ། སྐྲ་སེན་མི་དྲེག་གདན་མི་བསྒུལ། བླ་མ་ལ་གསོལ་བ་འདེབས་པ་དང༌། གཏོར་མའི་སྐབས་གསོལ་འདེབས་འདུན་པ་དྲག་པ་གལ་ཆེ། ཞེས་པའང་སློབ་མ་འགའ་ཞི…

རང་སེམས་ལོངས་སྐུར་འཆར་བར་བྱིན་གྱིས་རློབས། །འདིའི་ཐོག་མཐའི་ཤོ་ལོ་ཀ་གཉིས་པོ་ནི་རྗེ་གྲོལ་མཆོག་གི་རྡོ་རྗེའི་ལྗགས་ཀྱིས་སྩལ་བ་དངོས་ཡིན་ལ། བར་གྱིས་ཁ་བསྐང་གི་ཤོ་ལོ་ཀ་ཟུང་ནི་དྷརྨ་ཝཱརྟའི་གནང་བའོ། །དགེ་ལེགས་འཕེལ། སྐྱབས་འགྲོ་ནི། སངས་རྒྱས་ཆོས་དང་དགེ་འདུན་ནི། །བླ་མ་ཡི་དམ་མཁའ་འགྲོ་དང༌། ཁྲོ་བོ་ཆོས་སྐྱོང་བཅས་པ་ལ། །བ…

མཛད་པ་གཉིས་ཀ་ལྟར་ཡང་རུང་ཞིང་ཡིད་ཆེས་ཅན་ཡིན་ནོ། །དེ་ཡངའདིར་བདེ་མཆོག་ལྷན་སྐྱེས་བརྟེན་ནས་བཤད་པར་བྱ་སྟེ། དེ་ལ་ཡིད་དང་མཐུན་པའི་གནས་སུ་ནང་མཆོད་མཆོད་གཏོར་ཡོ་བྱད་རྣམས་སྣ་ཚོགས་པར་བྱས་ནས། སྐྱབས་འགྲོ་སེམས་བསྐྱེད་སྤྱི་དང་མཐུན་པར་བྱ། ནང་མཆོད་གཏོར་མ་ལྟར་བྱིན་རླབས་ལ། ཨོཾ་ཤཱུ་ནྱ་ཏ་སོགས། པདྨ་དང་ཉི་མའི་སྟེང་དུ་ཧཱུཾ་ས…

བདག་སྐྱབས་མཆི། །སོགས་ལན་གསུམ་བྱ། རང་གི་ལུས་ངག་ཡིད་གསུམ་གྱི་དྲི་མ་མཐའ་དག་དག་སྟེ་མེ་ལོང་དང་གཟུགས་བརྙན་ལྟར་རང་དང་ཚོགས་ཞིང་དབྱེར་མེད་དུ་གྱུར། ཚད་མེད་བཞི་སྤྱི་དང་མཐུན་པར་བསྒོམ། ཨོཾ་སྭ་བྷཱ་བ་ཤུདྡྷ་སརྦ་དྷརྨ་སྭ་བྷཱ་བ་ཤུདྡྷོ྅ཧཾ། གཟུང་བ་རང་བཞིན་མེད་པའི་བདག་ཉིད་དོ། ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། འ…

བའི་ཁྲོ་གཉེར་ཅན་བུང་བ་ལྟར་གནག་པའི་དབུ་སྐྲ་རལ་པའི་ཐོར་ཚུགས་སྤྱི་བོར་བཅིངས་པའི་རྩེ་མོར་རུས་པའི་འཁོར་ལོ་ལ་གནས་པའི་ནོར་བུ་དང་རལ་པའི་ངོས་ལ་སྣ་ཚོགས་རྡོ་རྗེ་དང༌། གཡོན་ངོས་སུ་ཟླ་བ་ཕྱེད་པས་བརྒྱན་པ་མི་རུས་ཀྱི་རྣ་ཆ་དང་མགུལ་རྒྱན་དང་གདུ་བུའི་ཚོགས་དང༌། སྐ་རགས་དང་མཆོད་ཕྱིར་ཐོགས་ཀྱིས་བརྒྱན་པ་ཐལ་བ་ཆེན་པོས་ཉེ་བར་བྱུག…

ཚོ་གསར་དུ་བདོ་བ་མེ་དཔུང་འབར་བའི་དབུས་ན་བཞུགས་པའོ། །ཡབ་ཀྱི་སྐུ་ལ་རྩ་གསུམ་འཁོར་ལོ་ལྔ་དང་བཅས་པ་སྐད་ཅིག་གིས་གྲུབ་པའི་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞིའི་ལྟེ་བར། རྡོ་རྗེ་གསུམ་གཅིག་ཏུ་འདུས་པའི་ཡོན་ཏན་གྱི་ངོ་བོ་རང་དང་མཚུངས་པས་བདེ་མཆོག་ཡབ་ཡུམ། བདེ་ཆེན་འཁོར་ལོ་སྐུ་གསང་བ་འདུས་པ་སྐུ་མདོག་སྔོན་པོ་ཡུད་ཙམ་ཁ…

སྐྲ་སེར་པོ་གྱེན་དུ་བརྫེས་ཤིང་དུར་ཁྲོད་ཀྱི་ཆས་རྫོགས་པ་གཡོན་བརྐྱང་གིས་པད་ཉི་ལ་མ་ཧེ་མནན་པའོ། །ཡང་ན་ཐམས་ཅད་ཧཱུཾ་ལས་བསྐྱེད་ཀྱང་རུང་བར་བཤད་དོ། །རང་གི་སྙིང་ཁའི་ཧཱུཾ་ལས་འོད་ཟེར་འཕྲོས། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་བཛྲ་ས་མཱ་ཛཿ ཛཿཧཱུཾ་བཾ་ཧོཿགཉིས་སུ་མེད་པར་ཐིམ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར…

ཡི་ལྷར་གྱུར་པ། །ཀུན་བཟང་ཧེ་རུ་ཀ་ལ་ཕྱག་འཚལ་ལོ། །ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེ་དབང་ཕྱུག་དང༌། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་ལ་འདུད་དོ། །སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་འཕྲིན་ལས་རབ་རྫོགས་པ། །དཀྱིལ་འཁོར་ལྔ་པོ་ཐམས་ཅད་ལ། །ཀུན་ནས་དང་བས་ཕྱག་འཚལ་ལོ། །ཞེས་བསྟོད་དོ། །ཨོཾ་ཧྲཱི་ཧ་ཧ་…

གོ །གཏོར་མ། ཨ་མྲྀ་ཏས་བསངས། སྭ་བྷཱ་ཝས་སྦྱངས། ཡཾ་ལས་རླུང༌། རཾ་ལས་མེའི་སྟེང་དུ་ཨཱ་ལས་ཀཱ་པ་ལ་ཤ་ལྔ་བདུད་རྩི་ལྔས་ཡོངས་སུ་གང་བ་ཧཱུཾ་བྷྲུཾ་ཨཾ་ཛྲིཾ་ཁཾ་རྣམས་ཀྱིས་མཚན་པ། རླུང་གཡོས། མེ་སྦར་རྫས་བཅུ་ཡི་གེ་དང་བཅས་པ་ཞུ་སངས་རྒྱས་རྣམས་ཀྱི་ཐུགས་ཀ་ནས་བདུད་རྩི་སྤྱན་དྲངས་ཏེ་ཐིམ་པས་ཡེ་ཤེས་ཀྱི་སྒྲོན་གསལ་ལས། དོན་མཚོན་པ་ནི་ས…

འདུས་པ་ལ་བྱས་པ་ཉིད་མང་བར་འདོད་པ་ཡོད་ནའང༌། རང་གང་ལ་མོས་པ་ཉིད་གཙོ་བོར་བྱས་པས་ཆོག་གོ །དེ་བཞིན་དུ་ཡིག་རྙིང་འགའ་ན་ཕྱི་དཀྱིལ་འཁོར་ལོ་བདེ་མཆོག་ལྷ་ལྔ་ལ་བརྟེན་ནས་ཡང་ཡོད་དོ། །ཤིན་ཏུ་ཟབ་པའི་སྒྲུབ་ཐབས་འདི། །ཁྱུང་པོ་རྣལ་འབྱོར་ལ་སོགས་པའི། །དེ་ཉིད་མཁྱེན་པའི་ལུང་གི་དོན། །ངག་འདོན་ཙམ་དུ་བསྒྲིགས་པ་ཡིན། །ཞེས་པའང་རྒྱལ་ཁ…

དབྱངས། །ཐུགས་རྗེས་གདུག་པ་འདུལ་བའི་ཕྱིར། །ཁྲོ་བོར་གྱུར་པའི་གཤིན་རྗེ་གཤེད། །ཞལ་དགུ་སུམ་ཅུ་རྩ་བཞིའི་ཕྱག །བཅུ་དྲུག་ཞབས་ཀྱི་གཡས་རྣམས་བསྐུམ། །གཡོན་བརྐྱང་རྣམ་པར་འགྱིང་པས་བཞུགས། །རྩ་ཞལ་མ་ཧེ་ཁྲོས་པའི་གདོང༌། །ཧཱུཾ་དང་ཕཊ་ཀྱིས་སྒྲ་ཆེན་སྒྲོགས། །སྟེང་ཞལ་དམར་མོ་རྒྱ་ཆེན་བཞད། །དེ་སྟེང་འཇམ་དཔལ་གཞོན་ནུའི་ཞལ། །གསེར་གྱི…

ནི་ཕྱག་གཉིས་ཀྱིས། །གླང་ཆེན་ཀོ་རློན་གོས་སུ་གྱོན། །ཞབས་གཡས་རྣམས་ཀྱི་རིམ་བཞིན་སུ། །མི་དང་མ་ཧེ་གླང་བོང་བུ། །རྔ་མོང་ཁྱི་ལུག་ལྕེ་སྤྱང་མནན། །གཡོན་རྣམས་རིན་བཞིན་བྱ་རྒོད་དང༌། །འུག་པ་བྱ་རོག་ནེ་ཙོ་དང༌། ཁྲ་དང་ཁྱུང་ཆེན་རི་སྐེག་བཞད། །མནན་ཅིང་ཞབས་རྣམས་ཐམས་ཅད་ཀྱིས། །ཚངས་པ་དབང་པོ་ཉེ་དབང་དང༌། དྲག་པོ་གཞོན་ནུ་གདོང་དྲུག…

དཔྲལ་བར་སྐུ་ཡི་རྡོ་རྗེ་ཨོཾ། །མགྲིན་པར་གསུང་གི་རྡོ་རྗེ་ཨཱཿ །སྙིང་གར་ཐུགས་ཀྱི་རྡོ་རྗེ་ཧཱུཾ། །ནམ་མཁའ་གང་བའི་བཅོམ་ལྡན་འདས། །འཇིགས་མཛད་རྣམ་པར་སྤྱན་དྲངས་ཏེ། དགུག་དང་གཞུག་དང་བཅིངས་མཉེས་པས། །བདག་ལ་གཉིས་སུ་མེད་པར་བསྟིམས། །བཛྲ་བྷཻ་ར་ཝ་ས་པ་རི་ཝཱ་ར་བཛྲ་ས་མཱ་ཛཿ ཨོཾ་ཧྲཱིཿཧ་བྷོ་མཧཱ་ཀྲོ་དྷ་ཨ་གཙྪ་ཨ་གཙྪ་ཨརྨ་དྷ་ར་པཱུ་…

ཨོཾ་ཨཱཿཧཱུཾ། གཟུགས་སྒྲ་ལ་སོགས་དྲུག་པོ་ནི། །ཞེས་སོགས་ཀྱི་མཐར། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷ་ཝ་ཨཏྨ་ཀོ྅ཧཾ། དུར་ཁྲོད་རྒྱན་གྱིས་ལེགས་བརྒྱན་པའི། །ཞེས་པ་ནས། དུད་ཁ་མུན་ཅན་ཁྱོད་ལ་འདུད། །ཨོཾ་སརྦ་ཏ་ཐཱ་ག་ཏ་པཱུ་ཏ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་ཡ་མ་ར་ཛ། ས་དོ་མེ་ཡ། ཡ་མེ་དོ་རུ། ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ། ཡ་ཀྵེ་…

ཡོ་བྱད་བྱིན་གྱིས་རླབས། །སློབ་དཔོན་ཡོད་ན་ཞུ་འབུལ་བྱ། །བདག་བསྐྱེད་བཟླས་པ་ལག་བྱིན་རླབས། །མདུན་བསྐྱེད་ཡེ་ཤེས་སྤྱན་དྲངས་ནས། །མཆོད་དང་གཏོར་མ་ལ་སོགས་བྱ། །དེ་ནས་ཚོགས་ཀྱི་འཁོར་ལོ་དང༌། །མཐར་ནི་རྗེས་ཆོག་བྱ་བ་ཡིན། །སྤྲོ་ཞིང་ཤེས་ན་མཆོད་པ་ཡི། །སྔོན་དུ་ལག་མཆོད་བྱ་བར་བཤད། །མ་གྲུབ་ན་ཡང་ཉེས་པ་མེད། །ཅེས་བྱའོ། ། མཎྜལ་བ…