གཉེན་པོ་བླང་དུ་མེད་པས་མྱང་འདས་ལ་ཞི་བར་མི་འཛིན། སངས་རྒྱས་གཞན་ན་མེད་པའི་འབྲས་བུ་ལ་རེ་བ་བྲལ། དེ་ཁོ་ན་ཉིད་གཟའ་གཏད་བྲལ་བས་སྒོམ་པ་ཡིད་ལ་བྱར་མེད་པའོ། །གསུམ་པ་རྟོགས་པའི་ཐབས་ནི། ཚིག་ཙམ་གྱིས་མི་རྟོགས་བརྒྱུད་ལྡན་བླ་མས་བསྟན་རང་སེམས་བརྡ་ཐབས་ཀྱིས་ཤེས་པར་བྱ། སོ་མ་ལྷུག་པར་རང་ཐལ་ངོས་འཛིན། འགྲོ་འོང་བྲལ་བའི་དོན་ལ་མཉམ་…

ཟེར་ཙ་ན། འགག་རྒྱུའམ། ཞིག་འགྲོ་རྒྱུ་མེད། རྒྱུ་རྐྱེན་མ་འཛོམས་པས་སྣང་བ་མ་ཤར་བ་ཙམ་ཡིན། དེས་ན་སྐྱེ་འགག་ཏུ་སྣང་བ་དེ་བློས་བཏགས་པ་ཙམ་ཡིན། ངོ་བོས་མ་གྲུབ། ཐལ་མོའི་སྒྲའི་དཔེ་སོགས་དང་སྦྱར་ཏེ་ངོ་སྤྲད་དོ། །དེ་ལྟར་ན་རང་བཞིན་སྤྲོས་བྲལ་དང༌། སྣང་བ་གློ་བུར་བར་ངོ་སྤྲོད་པའོ། །གསུམ་པ་བསམ་མི་ཁྱབ་ཀྱི་གདམས་ངག་ནི། སེམས་ཀྱི་ར…

དོན་ལ་ཁྱད་མེད་ཀྱང་ཚིག་རྒྱུད་ཕན་ཚུན་མ་འཁྲུགས་པར་བྱུང་བའི་ཕྱིར། ལུགས་འདི་ལེགས་པ་ཡིན་ལ། མེས་ལུགས་ལ་གདམས་ངག་ལྷག་པོ་འགའ་རེ་འདུག་ཀྱང༌། དེང་སང་རྒྱུན་མེད་པས་འདིར་ནི་རྔོག་ལུགས་གཙང་མར་བཤད་དོ། །དགྱེས་རྡོར་རྒྱུད་སྡེའི་རྒྱ་མཚོ་སྲུབས་པ་ལས། །ཟབ་དོན་སྙིང་པོའི་རི་བོང་ཅན་འདི་བྱུང༌། །བསྟད་སོ་མེད་ཀྱང་གཡོ་སྒྱུའི་དག་ཚིག་…

ཕྱག་རྒྱ་བཞི་པའི་སྙིང་པོའི་མན་ངག་རབ་གསལ་ངེས་དོན་སྙིང་པོ་བཞུགས།

ན་མོ་བཛྲ་དྷ་རཱ་ཡ། གང་གི་ཞབས་ཀྱི་བཀའ་དྲིན་གྱིས། །འཁོར་བ་ལས་ཀྱང་མྱང་འདས་རྙེད། །བླ་མའི་ཞབས་པད་བདག་ཅག་གི །སྙིང་ལ་ངེས་པར་འཁོད་གྱུར་ཅིག །འདིར་དཔལ་དགྱེས་པ་རྡོ་རྗེའི་རྒྱུད་ཀྱི་ངེས་པའི་དོན་གྱི་སྙིང་པོ་ཉམས་སུ་བླང་བའི་རིམ་པ་གྲུབ་ཆེན་བྱཱ་ད་ལི་པའི་ཞལ་ལུང༌། བླ་མ་དམ་པའི་གསུང་ལས་བྱུང་བ་ནི་འདི་སྙེད་ཅིག་སྟེ། རྒྱུད་ཀྱ…

ཅིག་གིས་དག་པའི་ཞིང་རབ་འབྱམས་ཀྱི་དབུས་སུ། རང་གི་མདུན་གྱི་ནམ་མཁར་སེང་གེའི་ཁྲི་དང༌། པདྨ་དང་ཉིན་མོར་བྱེད་པའི་གདན་ལ། མིག་འཛུམ་ཙམ་གྱི་རྩ་བའི་བླ་མ་ལྷག་པའི་ལྷ་ཧེ་བཛྲ་སྐུ་མདོག་སྔོན་པོ། ཕྱག་གཡས་ཁྲོ་བོའི་རྡོ་རྗེ་གསོར་བའི་ཚུལ་དང༌། ཕྱག་གཡོན་པདྨའི་སྣོད་རང་བྱུང་གི་མེ་ཏོག་གི་རྒྱུན་གྱིས་བཀང་བ་ཐུགས་ཀར་འཛིན་པ། གྲུ་མོར…

ལུས་བདུད་རྩིར་བསྒྱུར་ནས་འབུལ། ཨོཾ་ཨཱཿཧཱུཾ་ཞེས་བརྗོད། འདི་སྐད་ཅེས་ཀྱང་བརྗོད་དོ། ཁོང་སྟོང་ཁྱོད་ཀྱི་སྐུ་ལ་མེད། །ཤ་དང་རུས་པ་ཁྲག་མེད་པས། ཁྱོད་ཀྱི་སྐུ་ནི་རྡོ་རྗེའི་སྐུ། །བདག་ཀྱང་དེ་དང་འདྲ་བར་ཤོག །ཅེས་བརྗོད་པའི་རྐྱེན་གྱིས། བླ་མ་སངས་རྒྱས་བྱང་སེམས་ཀྱི་ཚོགས་ཀྱིས་མཆོད་ཅིང་བསྐུར་བ་དང་བཅས་པ་འོད་ཀྱི་རྣམ་པར་གྱུར་ན…

བླངས་དགོས་ཏེ། ཕྱི་ལུས་ཀྱི་གནད་དང༌། ནང་རྩའི་གནད་དང༌། དུས་ཀྱི་གནད་དང༌། ཐིག་ལེའི་གནད་དང༌། རླུང་གི་གནད་དང༌། དམིགས་པའི་གནད་རྣམས་ཏེ། གནད་དྲུག་གོ །དེ་རྣམས་ཉམས་སུ་བླངས་བའི་རིམ་པ་ནི། བླ་མ་འོད་ཀྱི་རྣམ་པར་སྙིང་གར་བསྡུས་པ་ཡན་ཆད་སྔར་བཞིན་ལ། དེ་ནས་ལུས་ཀྱི་གནད་རྐང་པ་སྲོག་ཤིང་གི་སྐྱིལ་ཀྲུང་བཅས། ལག་པ་བ་དན་རྩེ་གསུམ་པ…

གཉིས་སྨིན་མཚམས་ཀྱི་དབུ་མའི་ནང་དུ་བསྒོམ་ཤིང༌། གལ་ཏེ་རྒོད་ན། གསང་བའི་ལྟེ་བར་ཨེ་ཝཾ་བསྒོམ་པས་སེལ་བར་འགྱུར་རོ། །དེ་ནས་ཧཱུཾ་གི་སྒྲས་སྣོད་བཅུད་འོད་གསལ་དུ་བསྡུ་བ་ནི། སྔར་བཤད་པ་ཉིད་དོ། །དུས་ཀྱི་གནད་ནི། ཉིན་མོ་སྨིན་མཚམས་དང༌། སྙིང་གར་སྒོམ་པ་གཉིས་ཆ་མཉམ་དང༌། མཚན་མོ་སྙིང་ག་དང༌། གསང་བ་སྒོམ་པ་གཉིས་ཆ་མཉམ་དུ་བྱ་བ་ཡིན…

རྣམས་ནི། དུས་ལ་བབ་ཚེ་བླ་མའི་ཞལ་ལས་རྟོགས་པར་བྱའོ། །འདིར་སྨྲས་པ། མཐོང་ཐོས་ཀུན་ལ་རྟོག་གེའི་ཡིད་དཔྱོད་ཀྱིས། །རྣམ་པར་དཔྱད་ལས་ལེགས་བཤད་ལྟར་སྣང་བས། །ངེས་པའི་དོན་གྱི་མན་ངག་ཨ་མྲའི་ཚལ། །རབ་འཇོམས་ཆེར་རློམ་ཕྱོགས་ཀྱི་གླང་པོ་ཀྱེ། །གྲོང་བའི་ཚིག་གི་མེ་ཏོག་ཧུ་ལུའི་ཕྲེང༌། །ཀ་ལའི་དཔྱིད་ཀྱི་དགའ་སྟོན་ཆེར་རྒྱས་ཀྱང༌། །ཆུ་…

རུ་ཀ་དྲག་པོ་ཆེན་པོའི་སྐུར་གྱུར་པ་ནི། ཆར་སྦྲིན་ལྟ་བུར་སྐུ་མདོག་གནག །རྩ་བའི་ཞལ་ནི་བུང་བ་མཚུངས། །གཡས་དཀར་གཡོན་དམར་སྟེང་དུད་ཁ། །ལྷག་མ་བཞི་ནི་མུན་ལྟར་འཇིགས། །རྡོ་རྗེ་རལ་གྲི་མདའ་འཁོར་ལོ། །གཤོར་དབྱུག་རྩེ་གསུམ་ལྕགས་ཀྱུ་གཡས། །དྲིལ་བུ་པདྨ་གཞུ་དང་ནི། ཁ་ཊྭཱཾ་ཐོད་ཁྲག་ནོར་བུ་དང༌། །སྡིགས་མཛུབ་ཞགས་པ་གཡོན་པའི་ཕྱག །ཉ…

དཔྲལ་བར་ཨོཾ། མགྲིན་པར་ཨཱཿ ཐུགས་ཀར་པད་ཉིའི་སྟེང་དུ་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུཾ་སྔོན་པོ་བཛྲ་སཱ་མཱ་ཛཿ ཛཿཧཱུཾ་བཾ་ཧོཿཞེས་བརྗོད་པས། དག་པའི་སྣོད་ཐམས་ཅད་གཞལ་ཡས་ཁང་དང༌། བཅུད་ཐམས་ཅད་ཀྱཻ་རྡོ་རྗེའི་རྣམ་པས་རང་ལ་ཐིམ་པར་བསམས། ཨོཾ་ཨཱཿཧཱུཾ་ཞེས་བརྗོད་པས། དབང་གི་ལྷ་ཐམས་ཅད་མདུན་གྱི་ནམ་མཁར་བྱོན་ནས། ཨོཾ་ཨཱཿཕུཾ…

མཐར་སྔགས་ཕྲེང་གིས་བསྐོར་བའི་སྔགས་ཐམས་ཅད་ལས་འོད་ཟེར་འཕྲོས་པ་རྟ་རྔ་ལྟར་ཕྲ་བ་གཅིག་ཏུ་གྱུར་ཏེ། ཏོག་ཕུག་ཅེས་པའི་སྒྲ་དང་བཅས་སྟེང་གི་ཟླ་བ་ཕུག་སྟེ། འོད་ཟེར་དེ་དབུ་མའི་ནང་ནས་ཡར་དུ་བ་ལྟར་ཕྱུར་གྱིས་སོང༌། ཕྱིར་ཐོན། སླར་ཡང་རླུང་དང་ལྷན་ཅིག་ནང་དུ་ཞུགས་ཧཱུཾ་ལ་ཐིམ། དེ་ལྟ་བུ་ལན་བདུན་ཙམ་སྒོམ་རྗེས་རླུང་འགྲོ་འོང་མེད་པར་…

གཞོན་ནུར་འགྱུར་བྲལ་ལྷན་སྐྱེས་དགའི། །དགའ་སྟོན་མཆོག་གིས་ནམ་ཡང་ཚིམ་པར་གྱུར།། །།ཤཱཀྱའི་དགེ་སློང་ཀུན་དགའ་སྙིང་པོ་ལ། །དད་དང་ཤེས་ལྡན་སློབ་མས་བསྐུལ་བ་ལས། །འཕགས་ཡུལ་གྲུབ་པའི་ཐུགས་ཀྱི་འཆི་མེད་བཅུད། །བླ་མས་ཞལ་ལུང་ལས་འོང་བརྗེན་པར་བྲིས། །དགེ་ཞིང་བཀྲ་ཤིས་གོང་འཕེལ་ཤོག །

ཕྱག་རྒྱ་བཞི་པའི་སྙིང་པོའི་ཊཱི་ཀ་བཞུགས། ཨོཾ་སྭཱ་སྟི། སངས་རྒྱས་ཀུན་གྱི་ཐུགས་ཀྱི་གསང་མཛོད་གང༌། །རྒྱུད་སྡེའི་རྒྱ་མཚོར་སྦས་པའི་ལྷན་སྐྱེས་ཀྱི། །རིན་ཆེན་བླངས་ནས་མགོན་མེད་འགྲོ་རྣམས་ལ། །སྩོལ་མཛད་རྗེ་བཙུན་བླ་མས་བདག་སྐྱོངས་ཤིག །ཕྱག་རྒྱ་བཞིའི་སྙིང་པོ་ཞེས་བྱ་བའི་མན་ངག་འདི། རྒྱུད་པ་གང་ལས་འབྱུང་བ་ནི། དཔལ་ཨཽ་ཊི་ཡ་ཎ…

སློབ་དཔོན་བྱཱ་ད་ལི་ལ་གནང༌། འདི་བྱ་རྔོན་པའི་རིགས་ཡིན། དགེ་བའི་བཤེས་གཉེན་ནེ་ཙོ་ལ་བསྟེན་ཏེ། བི་རཱུ་པ་བསྟེན་པས་ཕྱག་རྒྱ་བཞིའི་གདམས་པ་གནང༌། ཅུང་ཟད་སྒོམ་པས། རྔོན་པའི་བྱ་བ་ལ་སེམས་གཡེངས་པ་ན། འཇིམ་པ་དང་ཟན་སོགས་ལ་བྱའི་གཟུགས་བཅོས་ཏེ། དེའི་མགྲིན་པ་བཅད་ཅིང་བསྒོམ་པས། ཇི་ཞིག་ནས་མཆོག་གི་དངོས་གྲུབ་ཐོབ་སྟེ། གྲོང་ཁྱེར་…

ཐུན་མོང་མ་ཡིན་པའི་རྒྱུ་རྐྱེན་བསྟན་པའོ། །དང་པོ་ནི། བུམ་པར་ཆུའི་རྐང་པ་གནས། །ཆུ་མཐར་བྱེད་པས་བུམ་པའོ། །བུམ་པ་ལུས་ཏེ། ཆུ་ཞེས་བྱ་བ། བྱང་ཆུབ་ཀྱི་སེམས་ཀུནྡ་རྐང་པ་ཞེས་པ་བཞིའི་དོན་ཏེ། འབྱུང་བ་བཞིའི་རླུང་གནས་སོ་ཞེས་སྦྱར་རོ། །ཆུ་མཐར་བྱེད་པ་ཞེས་པའི་དོན་ནི། ཆུ་ཏེ་དཔྱིད་དང༌། ཐིག་ལེ་མཐར་བྱེད་པ་སྟེ་སྦྱངས་ནས་དག་པའོ། …

གྱིས་མངོན་དུ་བྱེད་པ་ཡིན་ནོ། །དེ་ལྟར་ན། བླ་མ་སྟེ། རྡོ་རྗེ་འཆང་ཆེན་པོའི་གོ་འཕང་མངོན་དུ་བྱེད་དོ། །གཉིས་པ་ལ། སྒོམ་བྱ་དཔྱིད་རྒྱས་པར་བཤད་པ་དང༌། ཐིག་ལེ་དེ་བཅིང་གྲོལ་གྱི་བྱེད་པོ་ཡིན་པར་བཤད་པའོ། །དང་པོ་ནི། ཨེ་ཝཾ་ཡི་གེ་ཞེས་བྱ་བ་ལ་སོགས་པའོ། །དེ་ལ་གང་དུ་གནས་པ་ནི། འགྲོ་བའི་སྙིང་གར་རོ། །རྣམ་པ་ཇི་ལྟར་གནས་པ་ནི། རླུ…

ལས་དང་ཉོན་མོངས་ཏེ། དེས་ཀྱང་བག་ཆགས་བགོ་བར་བྱེད་དོ། །ཞེས་རྟེན་པ་ནི་གཉིས་པ། མཁའ་སྤྲིན་དག་ལྟར་ཞེས་བྱ་བ་ལ་སོགས་པའོ། །དེ་ཡང་དཔེ་དོན་གཉིས་ལས། དཔེ་ནི། བྲམ་ཟེ་ཆེན་པོས། སྤྲིན་གྱི་མདོག་དབྱེ་བས་ནམ་མཁའ་ལས་བྱུང་བ། དེ་ནི་གཞན་དུ་སོང་བ་མཁའ་ལ་དྲིས། །ཞེས་པ་ལྟར་རོ། དོན་ནི། དོན་དམ་པར། ནམ་མཁའ་རྡོ་རྗེ་སྟེ། གཉུག་མའི་འོད་གས…

གདོད་མ་ནི་ཐོག་མ་མེད་པ་ནས་རིགས་འདི་རྒྱུན་མ་ཆད་པ་སྟེ། ཁ་ཅིག་ནི་དངོས་པོ་ནམ་མཁའ་ལྟར་དག་པའོ་ཞེས་འཕགས་ཡུལ་ན་མོལ་ཏེ་མ་གོ་གསུང༌། འདི་དག་གང་ལ་བརྟེན་པའི་རྒྱུད་ཀྱི་ཚིག་དང་སྦྱར་བ་ནི། ཧེ་བཛྲ་ལས། ལུས་ལ་ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤངས། །དངོས་པོ་ཀུན་ལ་ཁྱབ་པ་པོ། །ལུས་ལ་གནས་ཀྱང་ལུས་སྐྱེས་མིན། །ཞེས་པ་ནི། …