གཉིས་གན་རྐྱལ་དུ་བརྐྱང་བ་རྩེ་སྤྲད། སའི་གནས་ལྔར་བརྡབས་ཏེ། ཨོཾ་ཛུཾ་ཕཊ། ས་འོག་རིམ་པ་བདུན་དུ་ཕུག་པས་བགེགས་རྣམས་ཀྱིས་སྙིང་གར་ཕུར་བུས་གདབ་ཅིང༌། རྡོ་རྗེའི་ས་གཞི་བཅིངས་པར་འགྱུར། དེ་ནས་དངོས་གཞི་སྒྲུབ་པའི་ཆོ་ག་ལ་གཉིས་ལས། དང་པོ་བུམ་པ་སྒྲུབ་པ་ནི། བུམ་པ་བཅུ་བཞིའམ་བརྒྱད་འབྱོར་ན་རབ་སྟེ། ལྷ་མོ་བཅུ་གསུམ་དང་ལས་ཐམས་ཅད་…

ཀྱི་འབྱིན་སྔགས་གང་རུང་གི་སྒོ་ནས། འཁོར་གྱི་བཟླས་པ་ཡང་ཅི་འགྲུབ་བྱས་ཏེ། མཐར་མངོན་རྟོགས་བཞིན་མཆོད་པ་བྱིན་གྱིས་རླབས། ཨོཾ་ཤྲཱིཾ་སྭཱཧཱ། ལ་སོགས་པས་མཆོད། སེམས་ཅན་སྒྲོལ་བྱེད༴ སོགས་ཀྱིས་བསྟོད་ནས། ཡིག་བརྒྱ་ལན་གསུམ། མ་འབྱོར་པ་དང་༴ སོགས་ཀྱིས། བཟོད་པར་གསོལ་མཆོད་ཡོན་ཕུལ། ལྷ་རྣམས་འདོད་ཆགས་ཆེན་པོའི་མེས་ཡེ་ཤེས་ཀྱི་བདུ…

ཕྱོགས་བཞིར་སུཾ་ཀྵུཾ་ཡུཾ་ཧཱུཾ་རྣམས་ལས་བྱུང་བའི་ཁ་ཊཱཾ་ག་མཚམས་བཞིར་རྣམས་ལས་བྱུང་བའི་ལྕགས་ཀྱུ་སྒོར་བཞིར་ཕུཾ་ཕྲེཾ་ཕྲོཾ་ཕྲིཾ་རྣམས་ལས་བྱུང་པའི་རང་རང་གི་ཕྱག་རྒྱ་རྣམས་ཡོངས་སུ་གྱུར་པ་ལས་དབུས་ཀྱི་གདན་གྱི་སྟེང་དུ། ཡེ་ཤེས་མཁའ་འགྲོ་མ་སྔོན་མོ༴ ཞེས་པ་ནས། ཡོངས་སུ་བསྐོར་བའོའི་བར་ལྷ་སྟ་གོན་དང་བུམ་བསྐྱེད་ཀྱི་སྐབས་བཞིན་…

མཆོད་བསྟོད་བདུད་རྩི་མྱང་བ་ཙམ་གྱིས་ཀྱང་ཆོག་ལ། ཅུང་ཟད་རྒྱས་པར་བྱེད་ན། དྭངས་ཤིང་དྲི་མེད་ཡིད་འོང་བའི༴ སོགས་དང༌། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། སྣ་ཚོགས་ལྷ་ཡི་དྲི་ཞིམ་པ༴ སོགས། ཨོཾ་པྲ་ཏཱིཙྪ་སུ་གནྡྷེ་ཧཱུཾ་སྭཱཧཱ། ཨོཾ་ལྷ་ཡི་མེ་ཏོག་ཤིན་ཏུ་དམར༴ སོགས། ཨོཾ་པུཥྤེ་མཱ་ལེ་ཧཱུཾ་སྭཱཧཱ། ཨོཾ་ཙནྡན་ག་བུར་སོགས། ཨོཾ་དྷཱུ་པེ་ཤ…

སྟེང་དུ་བསྒྲེང་བ། བླ་བྲེའི་ཚུལ་གྱིས་བྲི་བ་དང༌། བཛྲ་བི་ཏ་ན་རྡོ་རྗེ་ཁུ་ཚུར་གྱི་འཛུབ་མོ་བརྐྱང་བས་ངོས་གཉིས་སུ་བླ་རེ་བྲི་བའི་ཚུལ་ལོ། །བ་དན་ཚུལ་གྱིས་འཕྱར་བ་དང༌། །བཛྲ་པ་ཏང་གི གཡོན་པའི་མཛུབ་མོ་སྒྲེང་བ་ལ། གཡས་པའི་གོང་མཛུབ་བསྒྲེང་བས་བསྐོར་བ་དང༌། གདུགས་ཀྱི་ཚུལ་གྱིས་དགབ་པ་དང༌། བཛྲ་ཚ་ཏྲང་གགཡོན་དེ་དང་འདྲ་བ་ལས་གཡས…

མཐུན་པར་བཅས་ལ། ཨོཾ་ཧཱུཾ་སྭཱཧཱ། སྒེག་མོ་དང་༴ ཞེས་པ་ནས། མར་མེ་མའི་བར་སྒེག་སོགས་བརྒྱད་ཀྱིས་མཆོད། དེ་བཞིན་དུ་རྒྱལ་སྲིད་སྣ་བདུན་དང་འདོད་ཡོན་ལྔ་ལ་སོགས་པ་སྣ་ཚོགས་པའི་མཆོད་པས་མཆོད་པར་བྱའོ། །སྤྱི་བོར་ཐལ་མོ་སྦྱར་ནས་ལྟག་པར་དར་སྣེ་འཕྱང་བ་དང༌། ཨོཾ་ཧཱུཾ་སྭཱཧཱ། ཞེས་དར་དཔྱངས་དང༌། སྔགས་དེ་ཉིད་དང༌། ལག་པ་གཡོན་པས་མགོའི…

སྐུ། །སྤྱན་དཀྱུས་རིང་རབ་གསལ་ཞིང་སྙིང་རྗེའི་རྒྱན་གྱིས་བརྒྱན། ཁ་ཊྭཾ་ག་དང་བདུད་རྩིས་གང་བའི་ཐོད་པ་བསྣམས། །དཔལ་ལྡན་རྡོ་རྗེ་མཁའ་འགྲོ་མ་ཁྱོད་ཞབས་ཀྱི་པདྨར་འདུད། །འོད་ཀྱི་རང་བཞིན་ནོར་བུའི་རིགས་ལས་བྱུང་བའི་དྲི་མེད་ལུས། །ཕྱག་གི་ཁུ་ཚུར་གྱིས་ནི་ཁ་ཊྭཱཾ་ག་དང་པདྨའི་སྣོད། །དྲག་པོའི་ཆར་གྱི་རྒྱུན་དང་འདྲ་བས་ས་སྟེང་ཚིམ་…

མཉམ་མེད་དངོས་གྲུབ་མང་ལ་སྟེར། །གདུལ་དཀའ་འདུལ་བར་མཛད་པའི་སེམས་ཀྱི་བདག་ཉིད་རྒྱལ། ཁྱོད་ཀྱི་ཞབས་ཀྱི་པདྨར་ཕྱག་འཚལ་སྐྱབས་སུ་མཆི། ཞེས་པས་བསྟོད། ཨོཾ་ཤུདྡྷ་དྷརྨ་ཧཱུཾ་ཨ་ཨཱ་ཨཱཿཨཾ་སྭཱཧཱ། ཞེས་ལན་མང་དུ་བརྗོད་དོ། །དེ་ནས་གཏོར་མ་འབུལ་བ་ནི། དང་པོ་སློབ་དཔོན་གྱིས་དྲིལ་བུ་དཀྲོལ་ཞིང་རྡོ་རྗེ་སེམས་དཔའི་ང་རྒྱལ་ལ་གནས་པས། བརྒྱ…

འཛིན་པ་ཉིད། །ལྷག་པ་དང་ནི་ལྷག་པ་ཆེ། །ལྷ་ཡི་རྒྱལ་པོ་ལྷ་མིན་རྒྱལ། །པུཀྐཱ་སི་དང་སྤོས་ཆེན་མོ། །ཧཱུཾ་ཧོཿཨཱ་ཀརྵ་ཡ་ཨཱརྵ་ཡ། ས་མ་ཡ་ཨ་དྷི་པ་ཏི་ཧཱུཾ་ཕཊ་ཛཿསྭཱཧཱ། ཞེས་སྤྱན་དྲངས། ཕྱག་རྒྱ་སྔ་མ་ལས་འཛུབ་མོ་གཉིས་འདུད་དེ། ཨོཾ་བྷཀྵ་བྷཀྵ་ས་མ་ཡ་ཨ་དྷི་པ་ཏི་ཛུཾ་ཧཱུཾ་ཕཊ་སྭཱཧཱ། ཞེས་ལན་བདུན་ལ་སོགས་པས་ཕུལ་ཨརྒྷཾ་ནས་ཤབྟའི་བར་གྱིས…

རིན་ཆེན་འོད་དང་གཟུགས་མཛེས་དང༌། གཟུགས་ཆེན་འོད་བཟང་ལྟོ་འཕྱེ་ཆེ། །སྨིག་སྒྱུ་དང་ནི་སྨིག་སྒྱུ་ཆེ། །ཨོཾ་ཨཱ་གཙྪ་ཨ་གཙྪ་མཧཱ་ནཱ་ག་ཨ་དྷཱི་པ་ཏི་སརྦ་བྷུརྦྷུ་ཝ་ཕུཾ་ཕཊ་སྭཱཧཱ། གཡོན་གྱི་མཐེ་བོའི་སྟེང་དུ་གཡས་ཀྱི་ལག་མཐིལ་བཞག་སྟེ། སོར་མོ་རྣམས་གདེངས་ཀ་ལྟར་བྱས། ཨོཾ་ཧི་ལི་ཧི་ལི་མཧཱ་ཧི་ལི་ཕྲུཾ་ཕྲེཾ་ཕུཿསྭཱཧཱ། ལན་བདུན་གྱིས་ཕ…

ཕྱོགས་སུ་བཏང་ངོ༌། །དེ་ནས་ལྷོ་ཕྱོགས་སུ་ཙན་དན་དམར་པོ་དང༌། ཁྲག་གི་མཎྜལ་གྲུ་གསུམ་ལ། མེ་ཏོག་དམར་པོ་དང་སྔོན་པོ་སོགས་བཀྲམ། གཏོར་མ་ཤ་ཁྲག་སྒོག་གཙོང་འཁུར་བ་སྣུམ་འཁུར་སོགས་ཀྱིས་བརྒྱན། ཁྲག་གི་མཆོད་ཡོན་དང་བཅས་པ་བཤམ། སློབ་དཔོན་གྱིས་རྐང་པ་ལན་གསུམ་དུ་སྤོས་པས་གྲུ་གསུམ་གྱི་རྣམ་པར་བྱས། དེའི་དབུས་སུ་རྡོ་རྗེའི་རྐང་སྟབས་…

ཤེས་པའི་དགོས་པ་ཡོད་པས་དེས་བྱེད་དོ། །དེ་ནས་སྐབས་འདིར་འགྲུབ་ན་སྦྱིན་སྲེག་དང༌། ཆུའི་མཆོད་སྦྱིན་རྒྱས་པས་མཉེས་པར་བྱ་ལ། ལོང་མེད་པའམ་མི་ནུས་ན། ལག་མཐིལ་གཡས་པར་ཉི་མའི༴ ཞེས་པ་ནས། བསྲུབས་པའི་རྒྱ་མཚོར་གྱུར༴ གྱི་བར་མངོན་རྟོགས་བཞིན། །རྡོ་རྗེ་འཆང་དབང་རྣལ་འབྱོར་མ། །ཀླུ་སྒྲུབ་ཨཱཪྱ་དེ་བ་དང༌། །ཀུན་ཏུ་བཟང་པོ་སུ་མ་ཏི། །…

ཀུན་ཀྱིས་དྲི་མེད་མཐོང་བར་ཤོག །ཅེས་བདེན་སྟོབས་བརྗོད། དཀྱིལ་འཁོར་དུ་འཇུག་པའི་དོན་དུ་མཎྜལ་ཕུལ། །དགའ་ཆེན་ཁྱོད་བདག་སྟོན་པ་སྟེ། སོགས་ཀྱིས་གསོལ་བ་བཏབ། །སངས་རྒྱས་ཆོས་དང་དགེ་འདུན་ལ། །ཞེས་པ་ནས། །སེམས་ཅན་མྱ་ངན་འདས་ལ་འགོད། །དེ་ལྟར་རྗེས་སུ་བརྩེ་བའི་ཕྱིར། །བདག་གི་ཚུལ་ཁྲིམས་འདི་བགྱིའོ། །ཞེས་སྡོམ་པ་བཟུང༌། ཨཱ་ཁཾ་ཝཱི…

ཞིང༌། །སྲོག་གཅོད་རྐུ་བ་དེ་བཞིན་ནོ། །ལོངས་སྤྱོད་ཀུན་ལ་མ་ཆགས་ཤིང༌། །བདག་ཉིད་ངེས་པར་ཆོག་ཤེས་བྱ། །གར་དང་རོལ་མོ་ལྟ་བུ་ཡི། །ཕྱི་ཡི་གཙུག་ལག་ཆགས་མི་བྱ། །ལྕགས་ཀྱུ་ལྔ་སོགས་དམ་ཚིག་རྣམས། །བརྙས་ཤིང་སྤང་བར་མི་བྱའོ། །ཞེས་དམ་ཚིག་ལ་བཀོད། །ཨོཾ་པཉྩ་ཌཱ་ཀི་ནི་པཱུ་ཛ་ཨུ་པསྠཱ་ནཱ་ཡ། ཨཱཏྨ་ནཾ་ནི་ཪྱ་ཏ་ཡཱ་མི་ཨོཾ་ཨཱ་ཙཱཪྱ་པཱུ་ཛ་ཨ…

ཀྱིས་ཀྱང་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་པར་འགྱུར་ཏ་རེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་བྲལ་ཏེ་གཤེགས། །དུང་གི་ཆུ་ལ། ཧ་ཧོ་ཧྲཱི། ལན་གསུམ་སྔགས་པ་ཁར་འཐུངས་ལ། དེ་རིང་ཡེ་ཤེས་འདི་ཤེས་པས། །བདུད་རྩི…

ཤེས་ལྔའི་རང་བཞིན་རྐང་པ་གཉིས་ཀྱི་འོག་ཏུ་ཡང་ཡུཾ་ལས་རླུང་གི་དཀྱིལ་འཁོར། དཀྱིལ་འཁོར་གྱི་གཙོ་མོའི་ཐུགས་ཀ་ནས་འོད་ཟེར་འཕྲོས། རང་གི་རྐང་འོག་གི་རླུང་དྲག་ཏུ་གཡོས་པས་བར་སྣང་ལ་ཡེ་རེ་རེ་བཏེག དེའི་རྐྱེན་གྱིས་སྙིང་གའི་རླུང་གི་ས་བོན་ལྔ་ལས་རླུང་གཡོས། ཧཱུཾ་ཡིག་བསྐུལ་བས། ཡེ་ཤེས་ལྔའི་རང་བཞིན་འོད་ཟེར་སྣ་ལྔ་མཆོག་ཏུ་འབར་བ…

བཞག་པ། ཏིཥྛ་ཡོ་ག་མཧཱ་ཀྲོ་དྷ་ཧཱུཾ་ཧཱུཾ་ཧཱུཾ་སྭཱཧཱ། ཞེས་པ་བརྟན་བྱེད་ཀྱི་སྔགས་སུ་བླ་མ་གོང་མ་རྣམས་བཞེད་དོ། །སླར་ཡང༌། ཨོཾ་ཏིཥྛ་བཛྲ་ས་མཱ་ཡ། པྲ་ཏི་བ་ཏི་ཏ་ཧཱུཾ་ཧཱུཾ་ཧཱུཾ་ཧོ་ཧོ་ཧོ་སྭཱཧཱ། ཞེས་པ་ནི་ཡེ་ཤེས་པ་གཤེགས་པའི་སྔགས་སོ། །ནམ་མཁའི་ཁ་དོག་བརྟག་ན་སྐབས་འདིར་ཡིན་ཡང༌། རང་གཞུང་ནས་གསལ་བར་མ་བཤད་པས་མེད་ཀྱང་ཆོག་གོ །ཏ…

པའི་ཕྱག་རྒྱས་གནས་རྣམས་སུ་རེག་ཅིང་སྤྱི་བོར་ཀྵུཾ་ནས། གྱི་བར། གནས་བརྒྱད་དུ་བསྲུང་བར་བྱ། དེ་རྣམས་ཀྱི་འཇུག་པའི་ཆོ་ག་ཡིན་ཅིང༌། དཀྱིལ་ཆོག་དངོས་བསྟན་དང་འདྲ་མིན་ཅུང་ཟད་ཡོད་པ་ནི། དཀྱིལ་ཆོག་རྒྱུད་རྒྱས་པ་ལ་བརྟེན་པ་ཡིན་ནོ་ཞེས་འདོད་ལ་དཀྱིལ་འཁོར་འདི་བསྡུས་རྒྱུད་ཀྱི་ཡིན་ཅིང༌། གསང་གདན་དང་པོར་འཇུག་པའི་ཆོ་ག་གསལ་བར་བསྟ…

དེ་ཡང་རྒྱུད་ལས། གཉིས་མེད་གཏོར་སྦྱིན་དབང་བསྐུར་བ། དེ་ཡི་ཆོས་ནི་བཤད་པར་བྱ། ཞེས་གསུངས་པའི་དོན་དུ་བཞེད་ལ། འགྲེལ་པ་ནས་གཏོར་མ་གཏོང་བ་སྔོན་དུ་འགྲོ་བས། རྡོ་རྗེའི་དབང་སོགས་བསྐུར་བ་ལ་འཆད་དོ། །དེས་ན་གཏོར་དབང་ནི། རྒྱུད་ཚིག་དེའི་དོན་ལ་ཞུགས་པ་དཀའ་ཡང༌། བྱིན་བརླབ་ཆེན་པོ་དང་ལྡན་པ་དང༌། མན་ངག་ཡིན་པའི་ཕྱིར། བྱས་ན་ལེགས་…

བརྒྱན་དུ་གྱུར། སློབ་དཔོན་རིན་ཆེན་འབྱུང་ལྡན་གྱི་རྣམ་པ་ཅན། དཀྱིལ་འཁོར་གྱི་ཐུགས་ཀ་ནས་སྤྲུལ་ཏེ། ཅོད་པན་གྱི་དབང་བསྐུར་ཐོར་ཚུགས་ཅོད་པན་གྱིས་བརྒྱན་པ། །སངས་རྒྱས་ཀུན་གྱིས་བསྔགས་པ་ཡི། །རིན་ཆེན་ཅོད་པན་དམ་པ་ནི། །དར་དཔྱངས་ལྡན་པས་དབང་བསྐུར་བྱ། །ཨོཾ་ཧཱུཾ་ཨཱཿསྭཱཧཱ། ཨརྒྷཾ་སོགས་ཀྱིས་མཆོད། ཅོད་པན་གྱིས་དབང་བསྐུར་བས། ཉོ…