དབང་པོ་ལྔའི་གནས་སུ་བྱང་ཆུབ་ཀྱི་སེམས་ཀྱི་བདེ་བའི་ཆ་ཤས་ཀྱིས་ཅུང་ཟད་བསླན་པ་དེ་ཉིད་དབུ་མར་ཅུང་ཟད་འབབ་པས། མི་འགྱུར་བའི་ཆ་ཤས་ཀྱི་བདེ་བའི་ཡེ་ཤེས་ཕྲ་མོ་སྐྱེས་པ་ནི། གནས་ལུགས་ལ་ལྟ་བའི་ཕྱིར་མིག་ཡིན་ལ། མ་དག་པའི་དབང་པོ་ལྔས་ཤིན་ཏུ་གཡོགས་པའི་ཕྱིར་ཤའི་མིག་དང༌། སྟོབས་དམན་པའི་ཕྱིར་ཁྱིའི་མིག་ཅེས་ཀྱང་བཏགས་ཏེ། བདེ་བའི་ཡ…

དྲངས་པའི་དགའ་བདེ་ཆུང་ངུ་ཞེན་པ་ཕྲ་མོ་དང་བཅས་པ་ནི་དགའ་བ་དང༌། སྟོང་གཟུགས་དང་སེམས་གཅིག་ཏུ་རྟོགས་པས་དགའ་བདེ་ཆེན་པོ་ཞེན་པ་དང་བྲལ་བ་ནི་གཡོ་མེད་བདེ་བའོ། །འདི་དག་ཏུ་གནས་ལུགས་རྟོགས་པའི་ཚུལ་ནི། གསལ་སྣང་རྙེད་པའི་ཚུལ་གྱིས་རྟོགས་པ་ཡིན་གྱི། མཐོང་སྤངས་ལ་སོགས་པའི་སྒྲིབ་པ་སྤངས་པའི་ཚུལ་གྱིས་རྟོགས་པ་ནི་མ་ཡིན་ནོ། །གཞུང་…

མིག་གིས་མི་མཐོང་ཞིང༌། །རང་གི་མིག་གིས་མཐོང་མིན་པ། །སྐྱེ་བ་མེད་པ་མཐོང་བ་ནི༌། །གཞོན་ནུ་མ་ཡི་བུ་ཇི་བཞིན། །ཞེས་གསུང་པའི། གཞུང་འདི་དག་དོན་ཚན་བཞིར་འདུས་ཏེ། སྟོང་གཟུགས་ཀྱི་རྣལ་འབྱོར་འདི་རྟོག་པའི་སྒོམ་པ་མ་ཡིན་པ་དང༌། ཡོད་མེད་ལས་འདས་པའི་སྤྲོས་བྲལ་ལ་རྣལ་འབྱོར་དུ་བྱེད་པ་ཡིན་པ་དང༌། དངོས་པོ་ལས་འདས་ཀྱང་ཕུན་སུམ་ཚོགས…

རྒྱང་ཆད་དུ་ཤར་བའི་ལྡོག་ཆ་ནི་གཉིས་སྣང་གི་བག་ཆགས་ཀྱི་མཐུ་ཡིན་ཀྱང༌། སྟོང་གཟུགས་ཉིད་སྣང་བའི་ངོས་ནས་བག་ཆགས་ཀྱི་སྟོབས་ལས་མ་ཡིན་ཏེ། དཔེར་ན་ཆུར་སྣང་བའི་རྒྱུར་གྱུར་པའི་བག་ཆགས་ལས། ཆུ་ཉིད་སྣང་བ་འཐད་ཀྱི། ཆུ་མ་ཡིན་པ་སྣང་བ་ཇི་ལྟར་འཐད་དེ་སྟོང་གཟུགས་ཆུའི་སྣང་བརྙན་ནི་ཆུ་མ་ཡིན་ནོ། །ཅི་སྟེ་གདོན་མི་ཟ་བར་ཆུའི་བག་ཆགས་ལས་…

སྟོང་གཟུགས་ཀྱི་རྣལ་འབྱོར་ནི་ཇི་ལྟར་ན་དེར་འགྱུར་ཏེ། གཟུགས་སོགས་ལ་རབ་ཏུ་དམིགས་པའི་ཕྱིར་རོ། །ཞེ་ན་ཡོད་མེད་ལས་འདས་པའི་རྣལ་འབྱོར་དུ་སྟོན་པ་ནི་ཇི་ལྟར་པྲ་ཕབ་སོགས་ཤོ་ལོ་ཀ་གཉིས་ཕྱེད་དང་བཅས་པ་སྟེ། ཇི་ལྟར་པྲ་ཕབ་པའི་གཞོན་ནུ་མས་མེ་ལོང་ལ་མཐོང་བའི་གཟུགས་བརྙན་དེ་རྣམས་ནི། གཟུགས་སོགས་རྡུལ་གྱི་དངོས་པོ་མེད་ཀྱང་སྔགས་ལ་ས…

དུ་ཡོད་པའི་ཕྱིར་རོ། །དེ་ཡང་པྲ་ཕབ་པའི་གཟུགས་བརྙན་དཔེར་བླངས་པ་ན། མེ་ལོང་ལ་སོགས་པ་བརྟེན་ནམ་འཁྲུལ་བའི་གཞི་ཡོད་པ་ཡིན་ནོ་སྙམ་པ་ལ། རྟེན་གྱི་སྣང་བ་མེད་ཀྱང་སྒྱུ་མ་རྨི་ལམ་ལ་སོགས་པ་དཔེར་བྱས་སོ། །དེ་ལྟར་ན་རྡུལ་ཕྲན་སོགས་དངོས་པོ་མེད་པའི་ཆོས་ཅན་ཡང༌། གསལ་བར་སྣང་བའི་ཆོས་སྐྱེ་བ་འདི་ནི་འཇིག་རྟེན་ན་ཡང་རབ་ཏུ་མང་པོ་མཐོང་…

འདྲེས་པའི་བག་ཆགས་མེད་པར། རྐུན་པོའི་གཟུགས་བརྙན་མེ་ལོང་སོགས་ལ་མཐོང་ཞིང་གསལ་བར་སྣང་བར་འགྱུར་རོ། །གཞོན་ནུ་མ་དེའི་ངག་ལས་ཐོས་ནས་སྒྲུབ་པ་པོ་དེས་ཚོལ་དུ་སོང་ན་སྒྲུབ་པ་པོའི་ཉེ་ཚེ་བའི་མིག་སྔགས་ཀྱིས་བྱིན་གྱིས་མ་བརླབས་པ་དེས་ཀྱང༌། རྐུན་པོ་དེ་དངོས་སུ་མཐོང་སྟེ་རྫས་དེ་དག་ཐོབ་པར་འགྱུར་རོ། །འདི་ལ་སྒྲུབ་པ་པོ་དག་སོང་ནས་…

གསལ་མི་གསལ་རྗེས་སུ་འགྲོ་བ་མེད་པ་དང༌། གཟུགས་བརྙན་ལན་ཅིག་གྲུབ་ན། མིག་མེད་ཀྱིས་རྟག་ཏུ་མཐོང་བའི་ཕྱིར་རོ། །ཡིད་ལའང་མི་སྣང་སྟེ་མི་རྟོག་པ་ཆེས་འཐུག་པོས་ནོན་པ་ནའང་འདི་གསལ་བར་སྣང་བས་སོ། །སེམས་སེམས་བྱུང་གཞན་ལ་ནི་དེ་ལས་ཀྱང་མི་སྣང་བ་དེས་ན་གསལ་ལ་ངོས་བཟུང་མེད་པའི་ཚུལ་གྱི་སྐྱེ་བ་མེད་པ་སྟེ། སྐྱེ་འགག་གནས་གསུམ་དང་བྲལ་…

ལ་བརྟན་པ་མ་ཐོབ་བར་ཡང་བུམ་པ་ཅན་ལ་སོགས་པ་སྒོམ་དུ་མི་རུང་བ་མ་ཡིན་ཞིང༌། ཡོན་ཏན་ཅི་རིགས་པར་མི་སྐྱེད་པའང་མ་ཡིན་མོད་ཀྱི། ཉི་ཟླའི་ལམ་ཡང་དག་པར་བཀག་པའི་ཡེ་ཤེས་བསྐྱེད་མི་ཐུབ་པས་སྲོག་རྩོལ་གྱི་ཡན་ལག་དངོས་སུ་མི་འགྲོ་བ་ལ་དགོངས་སོ། །སྲོག་རྩོལ་ཇི་ལྟར་བསྒོམ་པར་བྱ་ཞེ་ན། སྟེང་གི་རྩ་གསུམ་དང་འོག་གི་རྩ་གསུམ་པོ་རྣམས་ལ། ལུས…

གཅན་བཤང་གཅི་དང་ཞེས་པ་ནས། དཀྱིལ་འཁོར་ལྔ་རྣམས་འབབ་པའི་ཕྱིར། །ཞེས་པའི་བར་དུ། ཤོ་ལོ་ཀ་བཞི་བཅུ་ཞེ་གཅིག་སྟེ། དེ་ལ་ཀུན་སྤྱོད་དངོས་དང༌། འཕྲོས་དོན་འཆི་རླུང་རྒྱུ་བའི་ཚུལ་གཉིས་སོ། །དང་པོ་ལ་མདོར་བསྟན་པ་དང་རྒྱས་པར་བཤད་པའོ། །དང་པོ་ནི། ཟླ་ཉི་སྒྲ་གཅན་བཤང་གཅི་དང༌། །ཁུ་བ་འབབ་པའི་ལམ་རྣམས་སུ། །ཆུ་མེ་སྟོད་པ་ས་རླུང་དང༌། …

རྩ་དྲུག་རྩ་གསུམ་དུ་འདུ་བའི་ཚུལ་རྣམས་ཏེ་དེ་ལྟར་དོན་བསྡུས་བཅུ་གཅིག་རྣམས་ཀྱིས། རྩ་རླུང་ཐིག་ལེའི་ཀུན་སྤྱོད། རྫོགས་རིམ་གྱི་ལམ་ཟབ་མོ་གང་ལ་གནད་དུ་བསྣུན་པའི་གཞི་རྣམས་རྒྱས་པར་བཤད་དོ། །དེ་དག་སྡོམ་དུ་བྱས་ན་འདི་ལྟར། སྲོག་ཐུར་སྒོ་གསུམ་ཐབས་ཤེས་སྒོ་གསུམ་དང༌། །སྐྱེ་འཆིའི་རླུང་དང་དབུ་མའི་རླུང་མཚན་ཉིད། །རྩ་དྲུག་མིང་ར…

འཁོར་རྣམས་ཀྱི་ཐབས་ཤེས་སྦྱར་བའི་འོག་འདིར། ཟླ་བ་ཉི་མའི་སོགས་ཤོ་ལོ་ཀ་ཕྱེད་དང་གཉིས་སོ། །དེ་ལྟར་དོན་ཚན་བཅུ་གཅིག་ལས། དང་པོ་སྲོག་ཐུར་གྱིས་བསྡུས་པའི་སྒོ་གསུམ་རྩ་དྲུག་དང་སྦྱར་བ་ནི། གང་ཞིག་ཟླ་ཉི་མུན་ཅན་དང༌། །བཤང་གཅི་ཁུ་བ་འབབ་མ་རྣམས། །སྲོག་དང་ཐུར་སེལ་རིམ་པ་ལས། ལུས་ངག་སེམས་ཀྱི་རྩ་རྣམས་སོ། །ཞེས་པ་སྟེ་གང་ཞིག་སྟེང…

ནམ་མཁའ་གསུམ་ཐབས་ཀྱི་དངོས་པོའི་སྐུ་གསུང་ཐུགས་ཀྱི་ཡན་ལག་སྟེ་དབྱེ་བས་དང༌། རྣལ་འབྱོར་ཏེ་ཐབས་ཤེས་ཕན་ཚུན་གཉིས་མེད་དུ་སྦྱོར་བའི་ཚུལ་གྱིས། ལུས་ཅན་ཀུན་གྱི་ལུས་ལ་ཏྶཾ་རྣམ་པར་གནས་སོ། །དོན་ཚན་གསུམ་པ་སྐྱེ་འཆིའི་རླུང་བཤད་པ་ནི། འཆི་ལྟས་ལུས་ངག་རྩ་དག་ལ། །སྟེང་འོག་ལྷག་པའི་རླུང་རྣམས་ཀྱིས། །མུན་ཅན་ཁུ་བ་འབབ་མ་ལ། །སྐྱེ་བ་…

གཡོན་དང་གཡས་པའི་རྩར་འབབ་བོ། །ཕྱོགས་གསུམ་དང་བཅས་ལོ་གསུམ་རྣམས། །ལོ་བརྒྱ་རྣམས་ལས་དབུ་མའོ། །ཞེས་པ་སྟེ། གཞན་ཡང་རླུང་དབུ་མར་འབབ་པའི་དུས་ཡོད་སྟེ། མུན་ཅན་མ་ལས་སྟེང་དུ་མཉམ་རྒྱུ་འབབ་བའི་དུས་ནའོ། །དེ་ཡང་རླུང་འགྲོ་འོང་གནས་གསུམ་གཅིག་ཏུ་སྡོམ་པ་ནི་དབུགས་གཅིག་ཡིན་ལ། དེ་དྲུག་ལ་ཆུ་སྲང་དང༌། དེ་དྲུག་ཅུ་ལ་དབུགས་སུམ་བརྒྱ…

ཤིང་ཕྱི་མ་འཆར་བའི་བར་མཚམས་དེར། དུས་སྦྱོར་དེ་ལ་དབུ་མའི་དབུགས་ལྔ་བཅུ་ང་དྲུག་རྐང་པ་དང་བཅས་པ་ཡིན་ལ། འབྱུང་བ་དང་འཇུག་པའི་ཚུལ་གྱིས། དབུ་མ་ནས་གཡས་གཡོན་མཉམ་པ་སྟེ་མཉམ་རྒྱུའི་ཚུལ་དུ་འབབ་བོ་ཞེས་པ་སྟེ། དུས་སྦྱོར་གཅིག་ལ་དབུ་མའི་མཉམ་རྒྱུ་བསྡོམས་པས་འཕོ་མཚམས་སུ་རྩིས་ན། ང་དྲུག་རྐང་བཅས་སུ་ལོངས་པའི་དོན་ནོ། །དེ་འདྲ་བ་བ…

སུ་བསྡོམས་ཏེ་ང་དྲུག་རྐང་བཅས་རྒྱུ་བར་འདོད་པ་ཡང༌། ཤིན་ཏུ་མི་འཐད་དེ། དཀྱིལ་འཁོར་རེ་རེའི་མཚམས་སུ་དྲག་པོ་རྐང་བཅས་དང༌། ཞག་གཅིག་གི་མཐར་དྲུག་བརྒྱ་དོན་ལྔ་ལ་ཡང་དེ་ལྟ་བུ་དགོས་པར་ཐལ་བར་འགྱུར་རོ། །ཡང་དེ་གཉིས་ཐོབ་སྐལ་ཙམ་རྩིས་པ་ཡིན་ལ། འཕོ་མཚམས་ཀྱི་འདི་ནི་གཡས་གཡོན་ཕན་ཚུན་དུ་འཕོ་བའི་བར་དུ་མཉམ་རྒྱུ་འབྱུང་བའི་ངེས་པ་ཡི…

བྱས་པའི་རླུང་གི་ལུས་ལ། དབུ་མས་དབང་བྱས་པའི་རླུང་གི་བཅུད་ཀྱིས་ཁྱབ་པ་ཡིན་ནོ། །འདི་ནི་ལམ་མ་སྒོམས་པའི་དབང་དུ་བྱས་པ་སྟེ། དབུ་མའི་དབུགས་ཀྱི་གྲོལ་བ་མི་ཐོབ་པར་མ་ཟད། དུས་ཀྱི་འཆི་བ་ནི་འདི་ཁོ་ནའི་སྟོབས་ཀྱིས་ཡིན་ལ། དུས་མིན་དུ་འཆི་བ་ཡང་འདིས་རྒྱུ་བྱས་ནས་རོ་རྐྱང་ལ་སྐྱོན་ཞུགས་པ་ཡིན་པས། དེ་ལྟ་བུའི་སྐྱོན་བཟློག་པའི་ཕྱི…

ཅན་མ། །ཞེས་ཚིག་བཅད་འོག་མ་འདིར་བླངས་ཏེ། ལྟེ་བའི་སྟེང་དུ་དབུས་མ་སྒྲ་གཅན་གྱི་རྩ་དེ་ནི་ཀུན་འདར་མ་སྟེ། གང་དེ་ལ་ཡིད་བཟང་མ་ཞེས་ཀྱང་བྱ་བ་མུན་པ་སྟེ་རླུང་དང༌། མུན་པའི་ཁམས་འབབ་པའོ། །འོག་ཏུ་ཁུ་བ་འབབ་པའི་རྩ་དེ་ནི་རྩ་མཁའ་འགྲོ་གདོང་སྟེ་བྱ་གདོང་དང༌། དུང་ཅན་མ་ཞེས་ཀྱང་བྱའོ། །ཡང་འོག་ནས་འབྱུང་བ་རྡུལ་འབབ་ཕྱིར་དེ་གཏུམ་མོ…

འགྲོ་བས། རྒས་པ་དང་འཆི་བ་སོགས་ཀྱི་རྒྱུ་ཡིན་ལ། ནང་དུ་འཇུག་པ་ནི་སྐྱེ་རིམ་ཡིན་པས། སྟོབས་དང་ཚེ་ལ་སོགས་པའི་རྒྱུའོ། །དེ་ཡང་ལྟེ་བའི་དཀྱིལ་འཁོར་ནས་བརྩམས་ཏེ་སྲོག་གི་རླུང་རྒྱུ་བ་ཡིན་པ་ལ། ལྟེ་བར་ས་དང༌། སྙིང་གར་ཆུ་དང༌། མགྲིན་པར་མེ་དང༌། དཔྲལ་པར་རླུང་དང༌། གཙུག་ཏོར་དུ་ནམ་མཁའི་རིམ་པས་རྒྱུད་ནས། སླར་ཡང་སྨིན་མཚམས་ནས་སྣ…

བར་གྱི་ཨ་ཝ་དྷཱུ་ཏཱི་ལ་གཞི་འཁོར་བའི་གནས་སྐབས་སུ་འགྲོ་འོང་མི་བྱེད་པའི་དོན་ཏེ། དེ་ཡང་འགྲོ་འོང་གཏན་ནས་མི་བྱེད་པ་མིན་ཡང༌། རྩ་དེས་རླུང་དེ་ལ་དབང་མི་སྒྱུར་བའི་དོན་ནོ། །དོན་མཚན་བདུན་པ་ཐུར་སེལ་འགྲོ་འོང་བཤད་པ་ནི། ལྟེ་གསང་ནོར་བུའི་ཆུ་སྐྱེས་ལ། །ལུས་ངག་སེམས་རྣམས་འབབ་པ་ནི། །འབྱུང་དང་དེ་ནི་འཇུག་པ་དག །བསྡུད་དང་སྐྱེད…