ཧཱའི་གོང་དུ་ཨཱརྒྷཾ་སོགས་སྦྱར་བས་མཆོད་ཡོན་ཉེར་སྤྱོད་རྣམས་དང་། བ་ལིཾ་སྦྱར་བ་ལན་གསུམ་གྱིས་གཏོར་མ་ཕུལ། སླར་ཡང་མེ་ལྷའི་སྔགས་རིང་བས་དགང་བླུགས་ལན་བདུན་གྱི་མཐར། ཚངས་དབང་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཡོངས་སུ་བསྐྱབ་པའི་ཕྱིར། །ཐུགས་རྗེ་སྤྲུལ་པའི་སྐུ་སྤྲུལ་པ། །རིགས་སྔགས་གྲུབ་པ…

ལས་མཐེ་བོང་ཕྱིར་བསྐྱེད། ཨོཾ་ཨཱགྣ་ཡེ་སོགས་སྔགས་ཐུང་བའི་མཐར། གཙྪ་གཙྪ་ཞེས་བརྗོད་པས་གཤེགས་སུ་གསོལ། །བཞུད་ཅིག་ཅེས་ནི་བདག་པོའི་བཀའ། །བཟློས་པས་རབ་ཏུ་བསྒྲགས་ནས་བཞུད། །སྤྱན་ཡང་དྲངས་མ་ཐག་ཏུ་ནི། །གསང་སྔགས་དགྱེས་ནས་འབྱོན་པར་མཛོད། །ཅེས་པའང་སྤྲོ་ན་བརྗོད། མཐར་སྨོན་ལམ་དང་ཤིས་བརྗོད་རྒྱས་པར་བྱ། གསུམ་པ་རྗེས་ཀྱི་བྱ་བ་ན…

དང་། གཞན་འདི་ཉིད་ལ་ཁ་བསྒྱུར་བར་ཆོག་གོ །སྤྱོད་རྒྱུད་ལུགས་ཀྱི་སྦྱིན་སྲེག་ཅུང་བྱ་དཀའ་བ་དང་། འདིར་ཡན་ལག་ཐམས་ཅད་བྱ་རྒྱུད་ལུགས་གཞིར་བཞག་པ་མ་ཟད་རྒྱ་གཞུང་ལས་ཚུལ་འདི་གསལ་བར་བཤད་པས་བྱ་རྒྱུད་རང་ལུགས་སུ་བཀོད་པའོ། །གསུམ་པ་གཞན་ལ་ཕན་གདགས་པའི་རིམ་པ་ལ་གཉིས། གསོན་པོ་ལ་ཕན་གདགས་པ་དང་། གཤིན་པོ་ལ་ཕན་གདགས་པའོ། །དང་པོ་ལ་གས…

མོའི་སརྦ་ཀརྨ་པ་རཾ་པ་ར་ཎི་མེ་རཀྵ་རཀྵ་སྭཱ་ཧཱ། ཞེས་ཡིག་འགོ་ཐམས་ཅད་ཕྱིར་བསྟན་གཡོན་སྐོར་དུ་བྲི། ཚོན་ཐོབ་ནི། ལྟེ་བ་དཀར། རྩིབས་སེར། གཞི་སྔོ། མུ་ཁྱུད་དམར། དེའི་ཕྱི་རོལ་རྭ་བ་སེར་པོ་བྱ། ཡང་། ལུགས་གཅིག་ལ། པད་འདབ་དགུ་བྲིས་པའི་ལྟེ་བར་ཧཱུྃ་གི་མཐར་ཆེ་གེ་མོ་ལ་སྲུངས་ཤིག་རཀྵ་རཀྵ། ནུབ་ཀྱི་འདབ་མ་ལ་ན་མོ་རཏྣ་ཏྲ་ཡཱ་ཡ། ནུབ…

བས་ཞི་དྲག་གི་སྦྱོང་བ་དང་། བདུད་རྩི་འཁྱིལ་པའི་སྔགས་བཟླས་པའི་བུམ་ཆུས་ཁྲུས་གསོལ། མདུན་ཏུ་མཆོད་པ་བཤམ། རང་མི་འཁྲུགས་པར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། ཤར་ཕྱོགས་མངོན་པར་དགའ་བའི་ཞིང་ཁམས་ནས་བཅོམ་ལྡན་འདས་མི་བསྐྱོད་བ་རྒྱལ་བ་སྲས་དང་བཅས་པས་བསྐོར་བ་མདུན་གྱི་ནམ་མཁར་སྤྱན་དྲངས་པར་གྱུར། སྤོས་འཐུལ་ལ། ཧཱུྃ་…

བརྒྱད་དང་བཅུ་དྲུག་སོགས་དུས་མ་ཡིན་པའི་འཆི་བ། ནད་གདོན་བགེགས་དང་བར་དུ་གཅོད་པ་མཐའ་དག་ཞི་བ་དང་སྲུང་བ་ཆེན་པོ་མཛད་དུ་གསོལ། ཞེས་ལན་གསུམ། གསོལ་བ་གདབ་པས་བཅོམ་ལྡན་འདས་འཁོར་དང་བཅས་པ་ཡིག་འབྲུའི་རྣམ་པར་ཞུ་ནས་ཙ་ཀྲའམ་གླེགས་བམ་ལ་ཐིམ་པས་ལྷའི་རང་བཞིན་སྲུང་བའི་ནུས་པ་དང་ལྡན་པར་གྱུར། རྟེན་འབྲེལ་སྙིང་པོ་བརྒྱ་རྩ་བཟླས་པའི་མ…

བམ་ལ་བྲིས་ནས་མགུལ་དུ་ཐོགས་ཏེ་འཆང་ན། དེ་ལ་དུས་མ་ཡིན་པའི་འཆི་བ་རྣམས་གཏན་ཏུ་འབྱུང་བར་མི་འགྱུར་རོ། །ཞེས་གསུངས་པ་ལྟར་རོ། །གཉིས་པ་སྲུང་དམིགས་ནི། མདོའི་དགོངས་པ་དང་གཏེར་མའི་མན་ངག་གྲུབ་ཆེན་ཆགས་མེད་རིན་པོ་ཆེས་བཀྲལ་བ་སྟེ། རང་ཉིད་ཡི་དམ་སྐུར་གསལ་ཐུགས་ཀ་ཡི། །ས་བོན་འོད་ཟེར་ཤར་གྱི་ཕྱོགས་སུ་འཕྲོས། །ཤར་ཕྱོགས་མངོན་པར་…

སེམས་དཔའི་སྤྱད་པ་སྤྱོད་པ་ན། བདེན་པ་དང་བདེན་པའི་ཚིག་གང་གིས་དམ་བཅས་པ་དང་། ཚིག་བརྗོད་པ་གང་ཡིན་པའི་དམ་བཅས་པ་དང་། ཚིག་བརྗོད་པ་དེ་དག་ཐམས་ཅད་ཡོངས་སུ་རྫོགས་པར་གྱུར་ཅིང་དམ་བཅས་པ་དང་། ཚིག་བརྗོད་པ་དེ་དག་ཐམས་ཅད་ཀྱི་ཕ་རོལ་ཏུ་སོན་པའི་བདེན་པ་དང་། བདེན་པའི་ཚིག་དེས་བདག་ཅག་དཔོན་སློབ་བམ། བསྲུང་བྱ་འདི་ལ་འཇིགས་པའམ། གདོན…

གསུངས་ཤིང་། དོན་ལའང་སྐྱོབ་སྲུང་གཞན་གང་ལས་ཀྱང་ཟབ་ངེས་པའི་ཉམས་མྱོང་ཅན་ཡིན་སྙིགས་དུས་སུ་ཆོས་སྒྲུབ་པ་ལ་བདུད་ཀྱིས་ལྷག་པར་བར་དུ་གཅོད་པར་བྱེད་ཅིང་། མི་འཁྲུགས་པའི་མཚན་གཟུང་བ་ཙམ་གྱིས་ཀྱང་བདུད་ཀྱི་གནས་ཐམས་ཅད་དཀྲུགས་ཤིང་བདུད་ཀྱི་སྤྱོད་ཡུལ་ལས་རབ་ཏུ་འདའ་བར་གསུངས་པས། རང་གི་རྒྱུན་གྱི་ཉམས་ལེན་ཏུའང་ཤིན་ཏུ་ཟབ་པར་གོ་ཞ…

མོ་ངན་པ་དང་། ཆག་ཆེ་བ། ལོ་ཟླའི་སྐག །གཞན་གྱི་སྦྱོར་ངན། དམོད་པ་སོགས་ཞི་བར་འདོད་ན། བདག་བསྐྱེད་བཟླས་པ་བཅས་སྔོན་ཏུ་འགྲོ་བས། དཀྱིལ་ཆོག་ལྟར་མདུན་བུམ་བསྒྲུབ་པ་དང་། ཆ་གསུམ་བཏང་། བསྲུང་བྱ་མདུན་ཏུ་འཁོད། རྒྱས་པར་སྤྲོ་ན་ཀུན་རིག་ལྟར་ཞི་སྦྱོང་ཕྱེད་མ་དྲག་སྦྱོང་ཏིལ་སྦྱོང་བཅས་བྱ། བསྡུ་ན་མི་དགོས། བུམ་ལྷ་ནམ་མཁར་ཡིད་ཀྱིས…

འཆི་བ་ཐམས་ཅད༴ རྨི་ལམ་ངན་པ་ཐམས་ཅད༴ ལྟས་ངན་པ་ཐམས་ཅད༴ སེམས་ཀྱི་གཡེང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཅེས་བརྗོད་ཅིང་བཀྲུ། བྱབ་པ་ནི། རྒྱ་གཞུང་ལས། ཨ་པཱ་ན་ཡས་བྱབ་པར་བྱ། ཅེས་པ་ལྟར། །བར་བུམ་ཆུ་ཅུང་ཟད་བཟུང་དུ་གཞུག་ལ། རྨ་བྱའི་སྒྲོའི་དབུས་སུ་ཟླ་བ་ལ་གནས་པའི་ཧཱུྃ་གི་མཐར་སྔགས་ཀྱི་ཕྲེང་བས་བསྐོར་བའི་འོད་ཟེར་ཀྱིས་ཁྱེད་ར…

རེག་པ་ལ་བརྟེན་དེ་ལས་དེ་འདྲ་བའི་རྡོ་རྗེ་བསམ་གྱིས་མི་ཁྱབ་པ་བྱུང་བས་ལུས་ལ་རྡོ་རྗེའི་གོ་གྱོན་ཏེ་བར་དུ་གཅོད་པ་གང་གིས་ཀྱང་གླགས་མི་རྙེད་པར་བྱས་སྙམ་དུ་མོས་པ་མཛོད། གཟུངས་ཀྱི་མཐར། ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ལས་རཀྵ་རཀྵ། སོགས་བརྗོད། སྤྱི་བོ། མདུན། རྒྱབ། དཔུང་མགོ་གཉིས། པུས་མོ་གཉིས་ཏེ་གནས་བདུན། རྡོ་རྗེ་ར…

བྱ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །ཅེས་དང་། ཞལ་ནས་གསུངས་པའི་ཤིས་བརྗོད་བྱ། རྗེས་ཆོག་སོགས་གཞུང་ལྟར་གྱིས་འགྲུབ་པོ། །གལ་ཏེ་དབང་བསྐུར་དང་སྦྲེལ་བར་སྤྲོ་ན་བདག་མདུན་བུམ་པ་ཆ་གསུམ་བདག་འཇུག་བཅས་གྲུབ་པའི་རྗེས་སུ་སྦྱོར་བ་སྔོན་ཏུ་འགྲོ་བའི་དབང་བསྐུར་རྟགས་བརྒྱད་སྦྱིན་པ་ཡན་གྲུབ…

ཐབ་བརྩིགས། དབུས་སུ་ལྷ་མཚན་པདྨ་འདབ་བརྒྱད་སོགས་ཞི་བའི་ཐབ་ཁུང་སྤྱི་དང་མཚུངས། གཟུངས་སྔགས་དང་ངན་སོང་སྦྱོང་བའི་སྔགས་བཏབ་པའི་བུད་ཤིང་བརྩིགས། བསྲེག་རྫས་བུད་ཤིང་སོགས་ལའང་ཡུངས་ཀར་ལ་ལས་སྔགས་བཟླས་པས་བྲབས། རས་སམ་ཤོག་གུར་པདྨ་འདབ་བརྒྱད་ཁྲུ་གང་པའི་ལྟེ་བར་འཁོར་ལོས་མཚན་པ་བྲིས་ཤིང་ཞུན་མར་གྱིས་བགོས་པ་རོའི་གདན་ཏུ་བཏིང་།…

ཨཱཿདང་། གཟུངས་རིང་གཤམ། ཆེ་གེ་མོའི་ངག་གི་སྒོ་ནས་སོགས། སྙིང་གར་ཧཱུྃ་དང་གཟུངས་རིང་གཤམ། ཆེ་གེ་མོའི་ཡིད་ཀྱི་སྒོ་ནས་ཞེས་སོགས་ཀྱི་ཤམ་བུ་སྦྱར་བ་མཐིང་ཤོག་ལ་གསེར་དངུལ་ལམ། མ་འབྱོར་ན་རྒྱ་ཤོག་ལ་དྲི་བཟང་བསྲེས་པའི་མཚལ་གྱིས་བྲིས་ཏེ་གནས་སོ་སོར་ཡིག་ངོ་ནང་བསྟན་ཏུ་དགྲིས་ཏེ་སྦྱར། དེ་དག་ལས་འོད་ཟེར་འཕྲོས་རྟེན་དེའི་སྡིག་སྒ…

གསུམ་བྱིན་གྱིས་བརླབས་ལ་མཆོད་པ་ལྔས་མཆོད། སློབ་དཔོན་རྡོར་དྲིལ་ཐོགས་ཤིང་གཟུངས་སྔགས་བརྗོད་པས་སྣ་དྲངས་ཏེ་བསྲེག་ཁང་དུ་མགོ་སློབ་དཔོན་ལ་བསྟན་ནས། དཀྲིས་ཕུང་དེ་ལྟག་པའི་ཕྱོགས་སུ་བཞག །ཞི་བའི་སྲེག་བླུགས་དཀྱུས་བཞིན་བྱ་བ་ལས། མེ་སྦར་སྐབས། གསོན་ཅིག་དགོངས་ཤིག་རིགས་ཀྱི་བུ་སོགས་བརྗོད། བསྲེག་རྫས་རྣམས་བྱིན་གྱིས་བརླབ་པའི་…

ཐུགས་ཀའི་འོད་ཟེར་གྱི་ལྕགས་ཀྱུས་ཚེ་འདས་ཀྱི་སྡུག་བསྔལ་སྡིག་སྒྲིབ་ཉེས་ལྟུང་ཐམས་ཅད་དྲངས་ཏེ་རོ་དང་བསྲེག་རྫས་རྣམས་དང་གཉིས་སུ་མེད་པ་བདུད་རྩིའི་དྭངས་མར་བྱས་ཏེ་བཞེས་པར་བསམ། བསྲེག་རྫས་སྔགས་ཤམ་དུ། ཚེ་འདས་ཀྱི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་སྦྱར། དཀྱིལ་འཁོར་པའི་བསྟོད་པ་རྒྱལ་བ་ཟླ་བའི་རྗེས་སུ། ནམ་མཁའི་…

ལེགས་སྒྲོགས་པ། །བཅོམ་ལྡན་མི་འཁྲུགས་གསུང་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུའི། །ཐོག་མེད་ནས་བསགས་རྫུན་ཚིག་ལ་སོགས་བ། །ངག་གི་སྒྲིབ་པ་མ་ལུས་དག་གྱུར་ནས། །ཡན་ལག་དྲུག་ཅུ་གསུང་གི་དངོས་གྲུབ་སྩོལ། །ཡེ་ཤེས་རྒྱ་མཚོ་ཡོན་ཏན་ནོར་བུས་བརྒྱན། །ཆོ་འཕྲུལ་རྣམ་པར་འཕྲུལ་བའི་རྦ་རླབས་ཅན། །སྲིད་ཞིའི་རླུང་གིས་རྣམ…

བསགས་པའི་སྒྲིབ་པ་གང་མཆིས་དང་། །བག་ཆགས་དང་བཅས་སྒྲིབ་པ་སོལ་མཛོད་ལ། །སྲིད་དང་རྣམ་གྲོལ་བདེ་བ་གང་ལགས་པ། །དངོས་གྲུབ་བདེ་ཆེན་མྱུར་དུ་བསྩལ་དུ་གསོལ། །ཞེས་གསོལ་བ་གདབ་བོ། །དེ་ནས་ལྟུང་བ་སློང་བའི་སྔགས་རྒྱས་ངན་སོང་གསུམ་ཚེ་འདས་དང་བཅས་པ་གཙོ་བོའི་མདུན་ཏུ་བཀུག་པར་བསམ། འདོད་པའི་རྒྱལ་པོའི་ཕྱག་རྒྱ་དང་། སྡིག་པ་དགུགས་པའི་…

དེའི་ལུས་ལ་དབང་བསྐུར་ཞིང་སྡིག་སྒྲིབ་དང་ངན་སོང་གི་སྡུག་བསྔལ་ལ་སོགས་པ་ཞི་བར་བྱས་པར་བསམ། རྫས་ཚན་རེའི་མཐར། བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་ཐུགས་རྗེའི་བདག་པོ་མི་འཁྲུགས་པའི་ལྷ་ཚོགས་འཁོར་དང་བཅས་པས་ཚེ་ལས་འདས་པ་ཆེ་གེ་མོ་ཞེས་བྱ་བའི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཡོངས་སུ་སྦྱོང་བ་དང…