ༀ་ཨཱཿཧཱུྃ་ལས་བྱུང་བའི་སྐུ་གསུམ་མཚོན་པའི་ཐོད་པའི་སྒྱེད་བུ་གསུམ་ལ་གནས་པའི་ཆོས་སྐུ་སྐྱེ་བ་མེད་པ་མཚོན་པའི་ཨ་ཡིག་ལས་བྱུང་བའི་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ། རྣལ་འབྱོར་མ་ཀུན་སྤྱོད་དང་། མངོན་བརྗོད་དང་། རྡོ་རྗེ་མཁའ་འགྲོའི་ལུགས་གྲུབ་པའི་དབང་ཕྱུག་ནག་པོ་ཞབས་རྗེས་འབྲང་དང་བཅས་པས་བཞེད་པ་ཤ་ལྔ་དང་བདུད་རྩི་ལྔ…

དག་པ་སྦྱོར་བའི་ལུགས་དེའང་དབུས་སུ་ཧཱུྃ་ལས་རྡོ་རྗེ་ལྕགས་ཀྱུ་ཆེན་པོ་མིའི་ཤ། ཤར་དུ་ༀ་ལས་རྡོ་རྗེ་ལྕགས་ཀྱུ་བ་ལང་གི་ཤ། བྱང་དུ་ཁཾ་ལས་རྒྱལ་པོའི་ལྕགས་ཀྱུ་གླང་པོ་ཆེའི་ཤ། ནུབ་ཏུ་ཨཱཾ་ལས་གཡོ་བའི་ལྕགས་ཀྱུ་རྟའི་ཤ། ལྷོར་ཏྲཱཾ་ལས་གནས་ཀྱི་ལྕགས་ཀྱུ་ཁྱིའི་ཤ་རྣམས་ཏེ་དངོས་གྲུབ་འགུགས་པར་བྱེད་པས་ན་དེ་ལྟར་གྲགས་སོ། །ཡང་དེ་དག་ག…

ཏུ་ཁ་བལྟ་བ་དེ་ཡང་བདུད་རྩིའི་བཅུད་ཀྱིས་ཆེས་ལྗི་བས་ལྷུང་བའི་རྣམ་པས་བདུད་རྩི་ལ་འདྲེས་པ་ནི་བདུད་རྩིར་རྟོགས་པར་བྱ་བའོ། །ཡང་དེའི་སྟེང་དུ་ཨ་ཨཱ་ཨི་ཨཱི་སོགས་ཨཱ་ཕྲེང་དང་། ཀ་ཁ་ག་གྷ་ང་སོགས་ཀཱ་ཕྲེང་འོད་དུ་ཞུ་བ་ལས་བྱུང་བའི་མས་རིམ་གྱིས་ༀ་དཀར་ཨཱཿདམར་ཧཱུྃ་མཐིང་མགོ་བོ་མཐུར་དུ་བལྟ་བ་དེ་ལས། རིམ་བཞིན་ས་འོག་སྐུའི་འཁོར་ལོའ…

པ་ནི་བདུད་རྩིར་སྦར་བའོ། །དེ་ནས་བདུད་རྩི་མྱང་ནས་ཁ་དག་པར་བྱས་ནས། སྔོན་འགྲོ་གཏོར་མ་ལ་གཡོན་པའི་མཐེབ་སྲིན་གྱིས་བདུད་རྩི་འཐོར་ཞིང་ནང་མཆོད་ལྟར་བྱིན་གྱིས་བརླབས་ནས། རང་གི་སྙིང་གའི་འོད་ཟེར་གྱི་གཏོར་མགྲོན་སྲིད་པ་གསུམ་གྱི་འབྱུང་པོའི་རིགས་ཆེ་ཕྲ ་མ་ལུས་པ་ཐམས་ཅད་སྤྱན་དྲངས་ནས་སྐད་ཅིག་གིས་འོད་གསལ་དུ་ཞུགས་པས་སོ་སོར་འ…

ཞེས་པ་ཁོ་ན་ཡོད་འདུག་ཅེས་གསུངས་ཤིང་། །ཚིག་དོན་ཀྱང་མཆོག་གི་བདེ་བ་དག་པ་ཞེས་པའང་མི་རུང་བ་ཡང་མེད་དོ། །དེ་ནས་ལྷ་ཀླུ་གནོད་སྦྱིན་སོགས་ལ་ཕྲིན་ལས་བཅོལ་བས་དེ་བཞིན་དུ་ཕྲིན་ལས་བསྒྲུབ་པར་ཞལ་གྱིས་བཞེས་ཏེ་རང་གནས་སུ་གཤེགས་པར་བསམ་མོ། །མཆོད་པ་བྱིན་རླབས་ནི། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་…

ཙ་མཱ་ནཾ་ཞེས་པ་ཡོད་པ་དག་གོ །སྐྱབས་འགྲོ་ནི་རྒྱས་པར་ཕྱག་ཆེན་གྱི་སྔོན་འགྲོའི་སྐབས་ལྟར་སྐྱབས་ཡུལ་ལྔ་ཚོམ་མམ། བསྡུ་ན། མདུན་གྱི་ནམ་མཁར་བླ་མ་མི་བསྐྱོད་པས་དབུ་བརྒྱན་པའི་འཁོར་ལོ་སྡོམ་པའི་ལྷ་དང་། གཙོ་བོའི་ཐུགས་ཀར་ཉི་མ་ལ་ཧཱུྃ་གི་མཐར་སྙིང་པོ་དང་ཉེ་སྙིང་གིས་བསྐོར་བར་བསྒོམ་པའང་ལེགས་པ་ཡིན་ནོ། །དེའི་དྲུང་དུ་བདག་དང་འག…

འཁོར་ལོ་གསུམ་གྱི་དཔའ་བོ་དང་མཁའ་འགྲོ་མ་ཐམས་ཅད་དགེ་འདུན་དཀོན་མཆོག་སྟེ་སྔགས་ཚུལ་འདི་ཡི་ཐུན་མོང་མིན་པའི་དཀོན་མཆོག་གསུམ་མོ། །སྐྱབས་སུ་འགྲོ་ཚུལ་སོགས་སྤྱི་དང་འདྲ་ཞིང་སེམས་བསྐྱེད་པ་ལ་སྨོན་འཇུག་སེམས་བསྐྱེད་གཉིས་ཀྱི་དང་པོ་ནི། སེམས་ཅན་ཀུན་གྱི་དོན་གྱི་ཕྱིར། །བདག་ནི་ཧེ་རུ་ཀར་གྱུར་ནས། །སེམས་ཅན་ཐམས་ཅད་ཧེ་རུ་ཀའི། །…

རྟེན་སོ་ཐར་རིས་བརྒྱད་གང་རུང་དང་ལྡན་པ་ལས་མི་སྐྱེ་བར་གསུངས་པའི་སྔ་མ་ལ་དེང་སང་དབུ་མ་ལུགས། ཕྱི་མ་ལ་སེམས་ཙམ་ལུགས་ཟེར། སེམས་བསྐྱེད་ཀྱི་ཆོ་ག་དེ་ཡང་ལྟ་བ་བཟང་ངན་ལས་ཐ་དད་དུ་གྱུར་པར་བསམ་ནས་དེ་ལྟར་སྨྲ་མོད། དེ་དག་དེ་འདྲ་ཡིན་དཀའ་ཞིང་སྔགས་གཞུང་རྣམས་ནས་བཤད་པའི་སྨོན་འཇུག་གི་སྡོམ་པ་ལེན་པའི་ཚིག་འདི་རྣམས་ཕལ་ཆེར་གྱིས་དབ…

པོ་སྟེ། ཞབས་ཀྱུ་བྱ་བ་གྲུབ་པའི་ཡེ་ཤེས། ཁོག་པ་སོར་རྟོག །མགོ་བོ་མཉམ་ཉིད། ཟླ་ཚེས་མེ་ལོང་། ཐིག་ལེ་ནཱ་དར་བཅས་པ་ཆོས་དབྱིངས་ཡེ་ཤེས་སོ། །དེ་འདྲ་སྙིང་གར་བསམ་པ་ཡིད་དག་པ། དེའི་འོད་ཟེར་གྱིས་ལུས་སྦྱངས་ཏེ། སླར་ཡང་དཔལ་འཁོར་ལོ་བདེ་མཆོག་ཡབ་ཡུམ་དུ་གསལ་བ་ནི་ལུས་དག་པ་སྟེ། ལུག་ངག་ཡིད་གསུམ་ཐུགས་གསུང་སྐུའི་དག་པར་བསྒྱུར་བའོ…

ལྷ་བརྒྱད་དང་། གསུང་གི་འཁོར་ལོ་ལྷ་བརྒྱད། ཐུགས་ཀྱི་འཁོར་ལོ་ལྷ་བརྒྱད་རྣམས་སྤྲོས། ས་འོག་ས་སྟེང་ས་བླའི་བགེགས་ཐམས་ཅད་བཅོམ་ནས་སྔགས་ཕྲེང་སོ་སོ་ལ་ཐིམ་པར་བསམ་མོ། །དེ་ཡང་ཨཱ་ལི་ལས་སྤྲོས་པ་རྣམས་སྣ་བུག་གཡས་དང་ཀཱ་ལི་ལས་སྤྲོས་པ་རྣམས་སྣ་བུག་གཡོན་ནས་སྤྲོ་བ་དང་སྡུད་པ་སོགས་བྱེད་དགོས། འདི་ལ་མན་ངག་མི་འདྲ་བ་ཞིག་ཀྱང་ཡོད་འད…

བཤད་ཅིང་། ཀུན་སྤྱོད་དང་མངོན་བརྗོད་ལས་གསལ་བར་གསུངས་པའི་ཕྱིར། མགོ་བོར་བུཾ་ལས་གཟུགས་ཀྱི་ཕུང་པོ་རྣམ་པར་སྣང་མཛད་དཀར་པོ། །གཡས་འཁོར་ལོ་དང་གཡོན་སྙེམས་པ་དང་བཅས་པས་འཁོར་ལོས་ཡུ་བ་བྱས་པའི་དྲིལ་བུ་དཀུར་བརྟེན་པ། ལྟེ་བར་ཨཱཾཿལས་ཚོར་བའི་ཕུང་པོ་རྡོ་རྗེ་ཉི་མ་སྟེ་རིན་འབྱུང་སེར་པོ་གཡས་རིན་པོ་ཆེ་དང་གཡོན་དེའི་ཡུ་བ་ཅན་གྱི་…

དྲིལ་བུ་དཀུར་བརྟེན་པ། སྤྱི་གཙུག་ཏུ་ཧི་ནག་པོ་ལས་ཡེ་ཤེས་ཀྱི་ཕུང་པོ་དཔལ་ཧེ་རུ་ཀ་རྡོ་རྗེ་ནག་པོ་གཡས་ས་གནོན་གྱིས་རྡོ་རྗེ་དང་གཡོན་དྲིལ་བུ་དཀུར་བརྟེན་པ་ནི་ཕུང་པོ་དྲུག་དང་རིགས་དྲུག་བྱིན་གྱིས་བརླབ་པའོ། །མིག་གཉིས་སུ་ༀ་དཀར་པོ་ལས་གཏི་མུག་རྡོ་རྗེ་སྟེ་སའི་སྙིང་པོ་དཀར་པོ་གཡས་འཁོར་ལོ་ཕྱར་ཞིང་གཡོན་དྲིལ་བུ་དཀུར་བརྟེན་…

སྙིང་གར་ཏཾ་ལས་དབང་ཕྱུག་རྡོ་རྗེ་སྟེ་ཀུན་བཟང་དཀར་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པའོ། །དེ་དག་ནི་སྐྱེ་མཆེད་དྲུག་བྱིན་གྱིས་བརླབ་པའོ། །དེ་ལྟར་ལྷ་བཅུ་གཉིས་པོ་རྣམས་ཞལ་གཅིག་ཕྱག་གཉིས་སྤྱན་གསུམ་པ། ཅུང་ཁྲོས་པ། རལ་པའི་ཅོད་པན་དང་ཕྱག་རྒྱ་ལྔ་ནི། ནོར་བུ་རྣ་ཆ་མགུལ་ཆུ་གདུབ། །འཁོར་ལོ་རྣམས་ནི་ཕྱག་རྒྱ་ལྔ། །ཅེས…

དང་པོས་པདྨ་འཛིན་པ། མེ་དཀྱིལ་དམར་པོ་གྲུ་གསུམ་ལ་གནས་པ། དཔྲལ་བར་ཏཱཾ་ལས་རླུང་གི་ཁམས་པདྨ་གར་གྱི་དབང་ཕྱུག་མ་སྟེ་སྒྲོལ་མ་ལྗང་གུ་གཡས་དང་པོས་རལ་གྲི་འཛིན་པ། རླུང་གི་དཀྱིལ་འཁོར་ཟླ་གམ་ནག་པོ་ལ་གནས་པ། དེ་བཞི་ཀའང་ཞལ་གཅིག་ཕྱག་བཞི་མ་གཡས་འོག་མས་གྲི་གུག་དང་། གཡོན་དང་པོས་ཐོད་པ་དང་གཡོན་འོག་མས་ཁ་ཊྭཱཾ་ག་འཛིན་པ། གསང་བར་ཁཾ་…

བའི་དཀྱིལ་འཁོར་ལ་བཞུགས་པའོ། །ཞེས་པ་ནི་འབྱུང་བ་ལྔ་བྱིན་གྱིས་བརླབས་པའོ། །ༀ་པྲ་ཀྲྀ་ཏ་སོགས་ཀྱིས་ཕུང་ཁམས་སྐྱེ་མཆེད་རྣམས་ལྷ་དེ་དང་དེའོ་སྙམ་པའི་ང་རྒྱལ་བཟུང་ངོ་། །སྲུང་འཁོར་གྱི་སྐབས་སུ། ཤར་དུ་ༀ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ་ནག་པོ། བྱང་དུ་ༀ་གྲྀཧྞ་སོགས་ལྗང་གུ། ནུབ་དུ་ༀ་གྲྀཧྞ་པཱ་ཡ་སོགས་དམར་པོ། ལྷོར་ༀ་ཨ་ནཱ་སོགས་སེར…

གུར་ཏེ་ལྕགས་རི་ཁ་དོག་མཐིང་ཞིང་དཔངས་མཐོ་བ། ལྕགས་རི་ལ་ཁ་ཆོད་བཀབ་པའི་རྣམ་པ། བང་རིམ་ཟླུམ་པོའི་རྣམ་པས་ཇེ་མཐོར་སོང་བའི་དབུས་ཀྱི་སྟེང་དུ་དྲིལ་བུའི་རྣམ་པ་བསྒོམས་པ་ནི་གུར་ཁང་མཆོད་རྟེན་གྱི་རྣམ་པ་ཟེར་བ་དེ་ཡིན། གུར་དང་རྭ་བ་འཕྲད་མཚམས་སུ་རྡོ་རྗེའི་དྲྭ་བས་བཀབ་པ་ནི་རྡོ་རྗེའི་བླ་བྲེ་དང་། རྡོ་རྗེའི་རྭ་གུར་གྱི་ཕྱི་རོལ…

ལན་གཅིག་བརྗོད་ན་ནི་རྟེན་བྱེད་དུ་བྱའོ། །ཡང་ཕྱོགས་བཞིའི་ༀ་སུམྦྷ་སོགས་སྔགས་ཚན་བཞི་ལས་རྭ་བའི་ཕྱི་རོལ་དུ་ཁྭ་གདོང་མ་སོགས་སྒོ་མ་བཞི་དང་། ཡང་ཤར་ལྷོར་ༀ་སུམྦྷ་ནི་ནག་པོ་དང་། ༀ་ཨཱ་ན་སོགས་སེར་པོ་ལས་གཤིན་རྗེ་བརྟན་མ་གཡས་སྔོ་གཡོན་སེར། ལྷོ་ནུབ་དུ་ༀ་ཨཱ་ན་སེར་པོ་དང་། ༀ་གྲྀཧྞ་དམར་པོ་ལས་གཤིན་རྗེ་ཕོ་ཉ་མོ་གཡས་སེར་གཡོན་དམར། …

བུ་འཛིན་པ་བྱས་ཀྱང་ཆོག །གཡས་རྡོ་རྗེའི་ཐོ་བ་འཛིན་པར་བསྒོམ། །ཕུར་བུ་ཟེར་བ་ནི། མཚོན་ཀ་ཎཱ་ཡ་བྱ་བ། བོད་སྐད་དུ་རྡོ་རྗེ་རྩེ་གཅིག་གམ། མདུང་ཐུང་ངམ། ཕུར་བུ་རྣམས་དོན་འདྲ་ཞིང་། ཕུར་བུའི་དབལ་མདའ་སྒྲོ་ལྟ་བུ་བྱེད་པ་ནི་རྒྱ་ནག་གི་བཟོ་སྒྲོས་ཡིན་པས་འདིར་མི་འདོད་ལ་གྲུ་གསུམ་དུ་བྱེད་ཚེ་དེ་ལྟར་རོ། །དེའི་ཚེ་ན་རྒྱ་མདུད་དང་བར…

གཟུགས། །སྤྱན་དམར་སྐྲ་སེར་གྱེན་དུ་བརྫེས། །ལང་ཚོ་ཕུན་སུམ་ཚོགས་པར་ལྡན། །སྟག་གི་པགས་པའི་ཤམ་ཐབས་ཅན། །ལྗགས་འདྲིལ་བས་ནི་ཆེར་འཇིགས་པ། །འཇིགས་པ་མཐའ་དག་འཇིགས་པར་མཛད། །ཅེས་གསུངས་པ་བཞིན་ཡིན་ལ། སྤྲུལ་པ་དུ་མ་ཕྱོགས་མཚམས་དང་། །ཞེས་སོགས་ནི། སྒོ་མཚམས་མ་བརྒྱད་ལས་སྤྲུལ་པའི་རང་འདྲ་བའི་ལྷ་མོ་སྐུ་མདོག་ཁ་ཅིག་དུ་ཕྱོགས་མདོག་…

ཞབས་གར་སྟབས་སུ་བྱེད་ནའང་ལེགས་སོ། །དེ་ལྟར་ཁྲོ་མོ་རྣམས་ལ་གནོད་མཛེས་ཀྱི་སྔགས་ཀྱིས་བཀའ་བསྒོས་པས། ཕྱོགས་བཅུའི་བགེགས་ཞི་བས་འདུལ་བ་རྣམས་ནི་ཞི་བས་བཏུལ། ཕྱོགས་བཅུའི་བགེགས་ཀྱི་གཙོ་བོ་རྣམས་ལས་གཞན་ལྷག་མ་བགེགས་སྡོང་ཟླ་རྣམས་རྒྱང་རིང་དུ་བསྐྲད། ཕྱོགས་བཅུའི་བགེགས་ཀྱི་གཙོ་བོ་མ་ལུས་པ་རྣམས་ཕྱོགས་སོ་སོ་རེ་རེ་ལ་འདུས་ཏེ་ཕ…