དཔལ་འཁོར་ལོ་སྡོམ་པ་ལྷ་ལྔའི་དཀྱིལ་ཆོག་གི་རྣམ་པར་བཤད་པ་རྣལ་འབྱོར་དགྱེས་པའི་དགའ་སྟོན་ཅེས་བྱ་བ་བཞུགས་སོ། །

ན་མཿཤྲཱི་ཛཱ་ལ་སམྦ་རཱ་ཡ། །རབ་འབྱམས་རྒྱལ་བའི་མི་ཟད་རྒྱན་འཁོར་ལྔ། །འཕོ་མེད་བདེ་ཆེན་ཀློང་དུ་སྡོམ་མཛད་པ། །བཅོམ་ལྡན་དཔའ་བོའི་དབང་ཕྱུག་གང་དེ་ལ། །གུས་པས་འདུད་དོ་བཀའ་གནང་བྱིན་གྱིས་རློབས། །ཟབ་གསང་རྒྱུད་རྒྱལ་དགོངས་དོན་པདྨོའི་ཚལ། །རྒྱུད་འགྲེལ་ཉི་མའི་སྣང་བས་འབྱེད་མཛད་ལ། །བརྟེན་ཏེ་རྣམ་འགྲེལ་ལེགས་བཤད་བདུད་རྩིའི་སྐ…

ཡབ་སྲས་ཀྱི་གདམས་སྐོར་མ་རྒྱུད་སྐོར་དྲུག་ཏུ་གྲགས་པའི་ཡ་རྒྱལ་ཡང་སྙིང་འཁོར་ལོ་བདེ་མཆོག་ལྷ་ལྔའི་དཀྱིལ་འཁོར་གྱི་ཆོ་གའི་ཟིན་བྲིས་རྣམ་བཤད་མདོར་བསྡུས་ཙམ་བྲི་བ་ལ་བཞི་སྟེ། དང་པོ་སྟོན་པས་རྒྱུད་ཇི་ལྟར་གསུངས་པའི་ཚུལ། བྱེ་བྲག་ཏུ་རྒྱུད་འདི་གང་དུ་གཏོགས་ངོས་བཟུང་བ། སྦྱོར་བ་ཡོ་བྱད་ཀྱི་བཤམ། དངོས་གཞི་རིམ་པ་དང་པོའི་སྒོམ་…

སངས་རྒྱས་ཐམས་ཅད་ཀྱིས་རྒྱ་ཆེར་གསུངས་པ་ལ། སླར་ཡང་གཉིས་ལྡན་གྱི་དུས་སུ་འཛམ་གླིང་འདིར་སྟོན་པ་སྤྲུལ་པའི་སྐུ་ཉིད་འབྲས་བུ་ཧེ་རུ་ཀའི་རྣམ་པར་བཞེངས་ཏེ། རི་རབ་ཀྱི་བྱང་ཤར་དང་ལྷ་གནས་རྣམས་དང་མ་ག་དྷ་རུ་འཁོར་སངས་རྒྱས་དང་བྱང་སེམས་རིགས་ལྔའི་དཔའ་བོ་དང་རྣལ་འབྱོར་མ་རྣམས་ལ་རྒྱུད་ཐམས་ཅད་གསུངས་ཤིང་། སླར་ཡང་རྩོད་ལྡན་གྱི་དུས་ས…

ཀའི་སྐུར་བཞེངས་ཏེ་རི་རབ་ཀྱི་རྩེ་མོར་བྱོན་ཏེ། འཛམ་བུ་གླིང་འདིར་བདེ་མཆོག་ཞལ་བཞི་ཕྱག་བཅུ་དྲུག་པའི་སྐུར་སྤྲུལ་ཏེ། འཇིགས་བྱེད་དང་དུས་མཚན་གཉིས་ཞབས་འོག་ཏུ་མནན་ཞིང་བཏུལ། སྤྲུལ་པའི་འཁོར་རྣམས་ཀྱིས་ཀྱང་གནས་ཡུལ་དུར་ཁྲོད་བརྒྱད་ཀྱི་མ་རུང་པ་ཐམས་ཅད་ཚར་བཅད་དེ་རི་རབ་ཀྱི་རྩེ་མོར་བཅོམ་ལྡན་འདས་ཀྱི་གཞལ་ཡས་ཁང་དུ་འཁོད་དེ། …

དཔལ་སྡོམ་པའི་རྒྱུད་ཕྱི་མ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །བསྟན་པའི་སྙིང་པོ་དམ་པ་ཞིག །ལྷ་གནས་གསུམ་དུ་གྲགས་པ་སྟེ། །རྒྱ་གར་ཤར་ལྷོའི་ཕྱོགས་མཚམས་སུ། །རྒྱལ་པོ་ཛ་ཞེས་བྱ་བ་ལ། །ལག་ན་རྡོ་རྗེས་སྣང་བར་བྱེད། །བྱང་ཆུབ་མཆོག་ཏུ་འགྲུབ་འགྱུར་བས། །དེ་ལ་རྟག་ཏུ་གུས་པར་གྱིས། ཅེས་གསུངས་པ་ལྟར་སྟོན་པ་མ…

མཆོག་གི་གྲུབ་པ་བརྙེས་ནས་ཨུ་ཌ་བི་ཤའི་རྒྱལ་པོ་དང་བློན་པོ་རྫུ་འཕྲུལ་གྱིས་བཏུལ་ཏེ་རྗེས་སུ་བཟུང་བས། རྒྱལ་པོ་གྲུབ་པ་ཐོབ་པ་ལ་ད་རི་ཀ་པ་དང་། བློན་པོ་གྲུབ་པ་ཐོབ་པ་ཌིངྒི་པར་དཔལ་ཏཻ་ལོ་བས་ཀྱང་འདི་ལས་གསན་པའོ། །མཆན། གྲགས་ཏེ་འཁོར་ལྔ་བརྒྱ་དང་བཅས་པ་འཇའ་ལུས་སུ་བྱོན། སློབ་དཔོན་འདིས་ཨོ་རྒྱན་ནས་རྣལ་འབྱོར་མ་ཀུན་སྤྱོད་ཀྱི་…

དུ་ཁྱེའུ་དང་བུ་མོ་གཉིས་སྤྲུལ་ཏེ་ཡུལ་དེར་བྱོན་པས་མ་དད་དེ་སྐུར་པ་བཏབ་པས། རྭའི་གསོལ་ཞལ་ས་ལ་བརྡབས་པས་ས་འོག་ནས་ཆུ་བྱུང་། ཁྱེའུ་དེ་རྡོ་རྗེར་བྱས། བུ་མོ་དྲིལ་བུར་སོང་བ་ཕྱག་ཏུ་བསྣམས་ཏེ་སློབ་དཔོན་ཡབ་ཡུམ་བདེ་མཆོག་ལྷན་སྐྱེས་ཀྱི་སྐུར་གྱུར་ནས་ནམ་མཁའ་ལ་གཤེགས་པས་མཚན་དུ་རྡོ་རྗེ་དྲིལ་བུར་པར་གྲགས། ཨོ་རྒྱན་ནས་བདེ་མཆོག་…

མིང་ཅན་རྣལ་འབྱོར་འབྱུང་བར་འགྱུར། ཞེས་ལུང་བསྟན་པ་ལྟར་གྲུབ་ཐོབ་སྟོང་དང་བཞི་བརྒྱའི་འཁོར་གྱིས་བསྐོར་ཏེ་ཡུལ་ཆེན་བཅུ་གསུམ་གྱི་སྐྱེ་བོ་ཕལ་ཆེར་རྡོ་རྗེ་འཛིན་པའི་ས་ལ་བཀོད་ཅིང་། མཁའ་འགྲོ་མ་བསྐལ་པ་བཟང་པོའི་ཕྱག་ནས་དཔལ་སམྦུ་ཊིའི་རྒྱུད་དང་། སྡོམ་འབྱུང་དང་། རྡོ་རྗེ་མཁའ་འགྲོ་སོགས་ཀྱི་རྒྱུད་སྤྱན་དྲངས་ཏེ། དཔལ་ཧེ་རུ་ཀ་…

གྲུབ་ཐོབ་ལཱུ་ཡི་པ་དང་ནག་པོ་པའི་གདམས་སྲོལ་ལས་བྱུང་བ་ལྟར་རོ། ༈ །གཉིས་པ་རྒྱུད་འདི་ཉིད་གང་དུ་གཏོགས་ངོས་བཟུང་བ་ནི། དེ་ཡང་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོས་ཆོས་ཀྱི་སྒོ་མོ་བསམ་གྱིས་མི་ཁྱབ་པར་གསུངས་པ་ཐམས་ཅད་མདོར་དྲིལ་ན་ཐེག་པ་ཆེ་ཆུང་གཉིས་སུ་འདུ་ལ། ཐེག་པ་ཆེན་པོ་དེ་ལའང་མཚན་ཉིད་རྒྱུའི་ཐེག་པ་དང་འབྲས་བུ་སྔ…

རྒྱུད་ལ་བརྟེན་པ་སྟེ། གུར་ལས། ཤེས་རབ་ཕ་རོལ་ཕྱིན་མའི་ཐབས། །འདི་ནི་རྣལ་འབྱོར་མར་བརྗོད་དོ། །ཕྱག་རྒྱ་ཆེན་པོར་རབ་སྦྱོར་བས། །གང་ཕྱིར་དེ་ཉིད་ལ་འཇུག་པ། །རྣལ་འབྱོར་མ་ཡི་རྒྱུད་བཞེད་དོ། །ཞེས་གསུངས་པ་ལྟར་ལྷ་འདི་ཉིད་ཀྱི་རྫོགས་རིམ་མཐར་ཐུག་ནི་འོད་གསལ་ཕྱག་རྒྱ་ཆེན་པོའི་གདམས་པ་ཉིད་ཡིན་པས་འདིའི་བསྐྱེད་རིམ་གྱི་རྩལ་འབྱོང…

བ་རེ་རེ་བསྲུང་བར་ནི། །གཉིས་མེད་གཉིས་མེད་འཁོར་ལོར་གནས། །ཚེས་བཅུ་ལ་ནི་དེ་རབ་མཆོད། །ཅེས་དང་། ལཱུ་ཡི་པའི་མངོན་རྟོགས་འགྲེལ་པ་ལས། རྒྱལ་དང་ནག་པ་བྲ་ཉེ་བྱ་དབོའི་ཟླ་བ་མ་གཏོགས་པའི་ཟླ་བ་རྣམས་དང་། ཚེས་གཉིས་པ། གསུམ་པ། ལྔ་པ། བདུན་པ། བཅུ་པ། བཅུ་གསུམ་པ། ཉ་དང་། གཟའ་ཟླ་བ། ལྷག་པ། ཕུར་བུ། པ་སངས་རྣམས་སུའོ། །སྐར་མ་སྣར་མ། …

བརྒྱུད་བཞིན་དང་ཆུ་བཞི་སྔོན་དུ་འགྲོ་བའི་མཆོད་པ་རྣམ་ལྔ་དང་མཚམས་འཛིན་བདུད་རྩིའི་ཐོད་པ་ཙམ་འདུ་བྱ། མདུན་བསྐྱེད་སྒྲུབ་པ་སོགས་དང་འབྲེལ་ཚེ་གཞུང་གསལ་ལྟར་རྡུལ་ཚོན་ནམ་རས་བྲིས་སྐུ་རྟེན། ཐུན་མོང་དང་ཐུན་མིན་གྱི་དབང་རྫས་སོགས་མཐོང་བརྒྱུད་ལྟར་ཚོགས་པར་བྱས་ཏེ་མཆོད་པ་རྣམས་གཡོན་སྐོར་དུ་བཀོད་པར་བྱ་སྟེ། རྒྱུད་ལས། གང་ཕྱིར་…

པར་ཡང་མིའི་སྲོག་སོང་དངོས་སམ་རི་མོར་བྲིས་པས་ཀྱང་རུང་སྟེ། བརྟག་གཉིས་ལས། རོ་ཡི་གཟུགས་ཅན་དགུ་དང་ནི། །ཡང་ན་སྟག་གི་པགས་པ་ཉིད། །དུར་ཁྲོད་རས་ནི་དེ་བཞིན་ནོ། །ཞེས་གསུངས་པ་ལྟར། རོ་གདན་གྱི་རྣམ་པ་གང་རུང་བྲིས་པའི་སྟེང་དུ་གདུལ་བྱ་དྲག་པོ་དབང་ཕྱུག་ཆེན་པོ་ལྷོ་ཕྱོགས་ལ་གནས་པ་དེར་ཁ་ཕྱོགས་པའམ། ཡང་ན་རྣམ་པར་རྟོག་པ་ཐམས་ཅད་ན…

མ་རུའམ་ཅང་ཏེའུ་ནི། ཕྱི་ལྟར་ན་ཙནྡན་དཀར་དམར་ལ་ཚད་དང་ལྡན་པར་བཟོས་པ་སྟེ། དཔལ་ཡང་དག་སྒྲུབ་པའི་རྒྱུད་ལས། བཛྲི་ཤིཪྴ་རྩ་བ་དང་། །ཙནྡན་དམར་པོ་ལས་བྱུང་དང་། །གཞན་རྣམས་གང་ལ་དེ་རྣམས་ནི། །ཡིད་ལ་འདོད་པ་རྣམས་ལ་བྱ། །ཞེས་དང་། ཚད་ཀྱང་རྒྱུད་དེ་ཉིད་ལས། བཅུ་གཉིས་པ་དང་བཅུ་པ་ཉིད། །ཁ་ལ་སོར་ནི་དྲུག་དང་ལྔ། །དགུ་པ་དང་ནི་བཅུ་གཅི…

པ་ཡི་ཡང་རྔེའུ་ཆུང་ནི། །ཐོད་པ་ལས་ནི་བསྐོར་བ་ཉིད། །སྤྲེའུ་པགས་པས་གཡོགས་པའོ། །དེ་ཡི་ཁ་སྦྱོར་གཉིས་ལ་ནི། །པདྨ་དག་ནི་བྲི་བར་བྱ། །བུད་མེད་ཁྲག་གིས་མཛེས་པར་བྱ། །དུར་ཁྲོད་སྐྱེས་པའི་སྐྲ་ལས་ནི། །བཀལ་ནས་རུས་པ་གཉིས་པོ་དྲིལ། །ཁྱིམ་གྱི་མེ་ཏོག་གཉིས་ཀྱིས་ནི། །པདྨའི་ཟེའུ་འབྲུ་གཉིས་པ་ལ། །དཀྱིལ་འཁོར་སྙིང་པོ་བྲི་བར་བྱ། །…

ཐམས་ཅད་འགུགས་པར་བྱེད་པར་འགྱུར། །གལ་ཏེ་འོངས་པར་མ་གྱུར་ན། །དེ་ཚེ་མཁའ་འགྲོ་མ་ཀུན་འཆི། །ངེས་པ་ཉིད་དུ་འགྲུབ་འགྱུར་བས། །ངས་གསུངས་པ་ལ་ཐེ་ཚོམ་མེད། །ཅེས་གསུངས་པ་ལྟར་རོ། །གསང་བ་ལྟར་ན་བུ་མོ་གྲོང་པའི་ཆོས་ཀྱིས་མ་གོས་པའི་གསང་བའི་རུས་པ་རྐང་པ་འབྲེལ་མཚམས་ནས་དྲལ་ཏེ་དབྱིབས་ལེགས་པར་བཅོས་པ་བུ་མོ་དེ་ཉིད་ཀྱི་ཀླད་རྒྱས་གཡོག…

བུའི་དེ་ཉིད་མདོར་བསྡུས་ནི། དང་པོ་རྡོ་རྗེ་ལའང་གཉིས་ཏེ་མཚོན་བྱ་དོན་གྱི་རྡོ་རྗེ་ནི་རང་སེམས་གཉིས་མེད་ཀྱི་ཡེ་ཤེས་ཉིད་དེ། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ལས། དེ་ནས་དོན་གྱི་རྡོ་རྗེ་བཤད། །གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེར་བཤད་པའོ། །ཞེས་གསུངས་པ་ལྟར་ལ། གཉིས་པ་རྟགས་ཀྱི་རྡོ་རྗེ་ནི།…

བར་དེར་ཆ་གཅིག་སྟེ་ཆ་གསུམ་དུ་བྱའོ། །རྡོ་རྗེའི་ལྟེ་བ་ལ་རྡོ་རྗེ་སེམས་དཔའི་ཞལ་དངོས་སུ་མི་འགོད་པ་ནི་ཀཱ་ལི་གསལ་བྱེད་ཀྱི་ཕྲེང་བ་སྲོག་དང་བྲལ་བས་བརྗོད་དུ་མེད་པའི་ཕྱིར་རྡོ་རྗེའི་ལྟེ་བ་ལ་ཞལ་མེད་པ་དང་། ཨཱ་ལི་དབྱངས་ཀྱི་ཕྲེང་བ་སྲོག་གི་རང་བཞིན་བརྗོད་པར་བྱ་བ་ཡིན་པས་དྲིལ་བུ་ལ་སྙེམ་མའི་ཞལ་ཡོད་པའོ། །དག་པ་ནི། འོད་ཕྲེང་…

སྤྲོས་པའི་ཡུལ་ལས་འདས་པ་མཚོན་པའི་ཕྱིར་ཀུན་ཟླུམ་ཐིག་ལེའི་རྣམ་པར་གནས་པའོ། །རྭ་ལྔ་ཡིས་ནི་རིགས་ལྔའི་བདག་ཉིད་མཚོན་པ་དང་དེ་རེ་རེ་བཞིན་གྲུ་བཞིར་བྱས་པ་ནི་གཙོ་བོའི་རིགས་ཆུང་བཞི་ཡི་ཁྱབ་བྱེད་མཚོན་པའོ། །རྭ་བཞི་ཆུ་སྲིན་གྱི་ཁ་ནས་ཐོན་པ་ནི་སྲིད་པའི་དབུས་ལས་རིང་དུ་སོང་སྟེ་མྱ་ངན་ལས་འདས་པའི་དབྱིངས་སུ་བགྲོད་པ་མཚོན་པའོ། …