ཡི་དབང་ནི་བླ་མས་བསྐུར། །ལམ་གྱི་དབང་ནི་རང་གིས་ལེན། །འབྲས་བུའི་དབང་ནི་མཐར་ཐུག་ཐོབ། །ཅེས་གསུངས་པ་ལྟར་རོ། །བཞི་པ་དབང་མ་ཐོབ་པའི་ཉེས་དམིགས་ནི། ཕྱག་ཆེན་ཐིག་ལེ་ལས། དབང་མ་ཐོབ་པར་དངོས་གྲུབ་མེད། །བྱེ་མ་བཙིར་ན་མར་མི་འབྱུང་། །མཁའ་ལ་ཁུ་ཚུར་གྱིས་བརྟེན་དང་། །སྨིག་རྒྱུའི་ཆུ་ལ་བཏུང་དང་མཚུངས། །ཞེས་གསུངས་སོ། །དྲུག་པ་ཐོ…

བཅིངས་བར་བགྱིའོ། །ཞེས་དང་། ཨཱ་ཁཾ་བཱི་ར་ཧཱུྃ་ནི། ཀུན་ཏུ་ནམ་མཁའི་མེ་ཏོག་སྩོལ། །ཅེས་པའོ། །དེ་ནས་གསོལ་གདབ་དང་ཡན་ལག་ལྔ་པ་བྱ། བདག་ཉིད་ཧེ་རུ་ཀར་གསལ་སོགས་ཀྱིས་ལག་གཡས་རྡོ་རྗེ་མེ་ཏོག་དང་བཅས་སྙིང་གར་བཞག་ལ། ༀ་སརྦ་ཐམས་ཅད། ཡོ་ག་རྣལ་འབྱོར་དུ། ཙིཏྟཾ་སེམས། ཨུཏྤ་དཱ་ཡཱ་མི། བསྐྱེད་པར་བགྱིའོ། །ༀ་སུ་ར་ཏེ་རབ་ཏུ་དགའ་བའི། ས…

གཞན་དོན་བྱེད་པ་སེམས་ཅན་དོན་བྱེད་ཀྱི་ཚུལ་ཁྲིམས་གསུམ་བཟུང་བ་དང་། བླ་ན་མེད་པའི་དཀོན་མཆོག་གསུམ་ནམ་དུ་ཡང་མི་སྤོང་བའོ། །རྡོ་རྗེའི་རིགས་མི་བསྐྱོད་པའི་དམ་ཚིག་ཏུ། རྡོ་རྗེའི་དེ་ཉིད་བྱང་ཆུབ་ཀྱི་སེམས་དང་། དྲིལ་བུའི་དེ་ཉིད་ཤེས་རབ་ཀྱི་ཆོས་སྟོན་པ་དང་། ཕྱག་རྒྱའི་དེ་ཁོ་ན་ཉིད་ལྷའི་རང་བཞིན་བསྟན་པ་དང་གསུམ་མི་འབྲལ་བ་དང་…

ཉན་ཐོས་རང་རྒྱལ་བྱང་ཆུབ་སེམས་དཔའི་ཐེག་པ་དང་། ནང་བྱ་སྤྱོད་རྣལ་འབྱོར་གྱི་ཐེག་པ་དང་། གསང་བ་རྣལ་འབྱོར་ཆེན་པོ་བླ་ན་མེད་པའི་ཐེག་པ་སྟེ། དེ་དག་ལས་གསུང་པའི་དམ་པའི་ཆོས་མཐའ་དག་བཟུང་བའོ། །ལས་ཀྱི་རིགས་དོན་ཡོད་གྲུབ་པའི་དམ་ཚིག་ཏུ། ཕྱི་ནང་གི་སྡོམ་པ་ཐམས་ཅད་དང་ལྡན་པར་བྱ་བ་དང་། ཕྱི་ནང་གསང་བའི་མཆོད་པའི་ལས་ཀྱང་ཅི་ནུས་སུ་…

དབུགས་དབྱུང་ཞིང་། མདོར་ན་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པ་འགོད་པར་བྱའོ་ཞེས་ལན་གསུམ་གྱིས་ཐེག་ཆེན་གྱི་སྡོམ་པ་བཟུང་བའོ། །དེ་ནས་གནས་གསུམ་དུ་དྲིའི་ཐིག་ལེ་བྱ་ཞིང་། སྤྱི་བོར་ཟླ་སྟེང་སོགས་ཀྱི་ཚིག་དོན་གཉིས་ཀ་གོ་སླ་ལ། ཕྱག་བྱ་བའི་སྔགས། ༀ་ན་མ་ཏེ་ཧཱུྃ། ཁྱོད་ལ་ཕྱག་འཚལ་ལོ། །ན་མ་མི་ཧཱུྃ་ཕྱག་བགྱིའོ། །ན་མོ་ན་…

ༀ་དཀར་པོ། སྙིང་གའི་རྩ་འཁོར་དབུས་སུ་ཧཱུྃ་སྔོན་པོ། ལྟེ་བའི་རྩ་འཁོར་དབུས་སུ་ཨཾ་དམར་པོ་གསུམ་གསལ་བར་བསྒོམ། དེ་ནས་སྲོག་རྩོལ་གྱི་སྦྱོར་བས་ཨཾ་ལས་ཡེ་ཤེས་ཀྱི་མེ་འབར་སྙིང་གའི་ཧཱུྃ་དང་མགྲིན་པའི་ༀ་བསྲེགས་ཏེ་སྤྱི་བོའི་ཧཾ་ཡིག་ལ་རེག་པས་བདུད་རྩིའི་རྒྱུན་བབས་པས་ལུས་ལ་ཟག་མེད་ཀྱི་བདེ་བ་རབ་ཏུ་སྐྱེས་པར་བསམས་ལ། ཡི་གེ་བདུན…

ཡེ་ཤེས་དབབ་པའི་བདུག་རྫས་ཀྱང་། རྒྱུད་ལས། བདུད་རྩི་ལྔ་དང་བྱི་ལའི་བྲུན། །གུ་གུལ་བུད་མེད་གོས་ཀྱི་མཐའ། །པདྨའི་སྣོད་དུ་བཞག་ནས་སུ། །དུར་ཁྲོད་མེ་ལ་བདུག་ནས་སུ། །རྐང་པ་གཡོན་བརྐྱང་ལ་གནས་པས། །གཉིས་མེད་གསང་སྔགས་བཟླས་བྱས་ན། །སྐད་ཅིག་ཉིད་ལ་ཡང་དག་འཇུག །ཅེས་གསུངས་སོ། །ཕེབས་ནས་རྡོ་རྗེ་མགོར་བཞག་སྟེ། ཏིཥྛ་བཛྲ་སྟེ་རབ་ཏུ…

མཆོག་བརྙེས་ཏེ། རྡོ་རྗེ་ལྟ་བུའི་ཏིང་ངེ་འཛིན་མངོན་དུ་གྱུར་པས་ན་བྱང་ཆུབ་རྡོ་རྗེ་སྟེ། དེ་དག་གིས་ད་ལྟར་བྱུང་བའི་སངས་རྒྱས་ཤཱཀྱ་ཐུབ་པ་ལ་མཆོད་ཆེན་ཏེ་མཆོག་ཏུ་དགྱེས་པ་སྐྱེད་པར་བྱེད་པའི་འཕོ་མེད་དོན་གྱི་ཡེ་ཤེས་ཀྱི་དབང་མཆོག་བསྐུར་བའི་མཆོད་པ་ཆེན་པོ་ཇི་ལྟར་སྩལ་བ་ལྟར། ལམ་ཟབ་མོར་འཇུག་འདོད་ཀྱི་བློ་ཅན་བདག་ཀྱང་འཁོར་བའི…

བསྐུར་དུ་གསོལ་ཞེས་པ་སྟེ། དེ་བཞིན་དུ་རཏྣ་རིན་ཆེན། པདྨ་ཆུ་སྐྱེས། ཀརྨ་ལས། བུདྡྷ་སངས་རྒྱས། བཛྲ་རྡོ་རྗེ། ཨུ་ད་ཀ་ཆུ་ཡིས། ཨ་བྷི་ཥིཉྩི་ཧཱུྃ་མངོན་པར་དབང་བསྐུར་དུ་གསོལ། སུ་ར་ཏ་སྟྭཾ་རབ་ཏུ་དགའ་བར་བཞུགས་པ། ཨ་ཧཾ་ངའོ། །དབང་ལྷ་སློབ་མ་ལ་ཐིམ་སོགས་གོ་སླའོ། །དེ་ནས་གཉིས་པ་སངས་རྒྱས་ལྔ་རིགས་བདག་གི་ཚུལ་དུ་རྒྱས་འདེབས་པའི་ཕྱི…

དོན་ཡོད་གྲུབ་པའི་ངོ་བོ་དྲིལ་བུའི་དབང་བསྐུར་བའི་སྔགས་དོན། ༀ་བཛྲ་རྡོ་རྗེའི། ཨ་དྷི་པ་ཏི་སྟྭཾ་བདག་ཉིད་ཀྱིས། ཨ་བྷི་ཥིཉྩ་མཾ་ནི་མངོན་པར་དབང་བསྐུར་བགྱིའོ། །ཏིཥྛ་བཛྲ་བརྟན་པའི་རྡོ་རྗེ། ས་མ་ཡ་སྟྭཾ་དམ་ཚིག་ལ་ཞུགས། གཞན་གོང་དང་འདྲའོ། །ལྔ་པ་མ་འོངས་པར་འཚང་རྒྱ་བའི་མཚན་གྱི་ས་བོན་འགོད་པའི་ཆེད་དུ་རྣམ་པར་སྣང་མཛད་ཀྱི་ངོ་བོ…

ས་བོན་བཞག །རྡོ་རྗེའི་དབང་གིས་ཉོན་མོངས་འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར་སོར་རྟོགས་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག །དྲིལ་བུའི་དབང་གིས་ཉོན་མོངས་ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར་བྱ་གྲུབ་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག །མིང་དབང་གིས་ཉོན་མོངས་གཏི་མུག་དག །གཟུགས་ཕུང་གནས་གྱ…

ལན་གསུམ་གསོར་ཏེ་སྙིང་གར་བཟུང་། སྔགས་དོན་ༀ་སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད་ཀྱི། སིདྡྷི་དངོས་གྲུབ། བཛྲ་ས་མ་ཡ་རྡོ་རྗེའི་དམ་ཚིག་ལ། ཏིཥྛ་གནས་པ། ཨེ་ཥ་སྟྭཾ་འདི་ཉིད། དྷཱ་ར་ཡ་མི་ཧཱི་བཟུང་བར་བགྱིའོ། །ཧི་ཡིག་ནི་ངེས་བཟུང་ལ་འཇུག་པས་ལན་བཞིར་འབྱུང་བ་ནི་ཡང་ནས་ཡང་དུ་ངེས་པར་བཟུང་བའི་དོན་ཏོ། །ཧཱུྃ་ཡིག་ནི་རྡོ་རྗེ་སེམ…

ཐོད་པ་སྟེ་ནང་ལྟར་ན་གོང་གི་བདེ་བ་དང་སྟོང་པ་གཉིས་གཅིག་ཏུ་འདུས་པའི་ཟག་མེད་ཀྱི་བདེ་བ་སྐྱོང་བའོ། །ཕྱི་ལྟར་ན་ཚངས་སྐུད་དེ་ཕྱི་རོལ་པའི་བྲམ་ཟེ་རྣམས་ཀྱིས་ཚངས་པ་མཆོད་པའི་ཚེ་སེ་རལ་ཁར་ཐོགས་པས་ན་མཆོད་ཕྱིར་ཐོགས་སམ་ཚངས་སྐུད་ཅེས་གྲགས་པས་མིའི་རྒྱུས་པ་བསྒྲིལ་བའི་སྐུད་པ། ནང་ལྟར་ན་རྣམ་པར་མི་རྟོག་པའི་ཡེ་ཤེས་ཀྱི་དོན་མཚོན་…

སྒྲུབ་ཐབས་ལས། གཡོན་པ་ཡིས་ནི་ཆོས་གོས་བཟུང་། །གཡས་ཀྱིས་མི་འཇིགས་དབུགས་འབྱིན་པ། །ཧེ་རུ་ཀ་དཔལ་རྣལ་འབྱོར་ཆེ། །ཞེས་གསུངས་པ་ལྟར་ཀུན་མཁྱེན་དྷརྨཱ་ཀ་རའི་ཞལ་ནས། ཆོས་གོས་ཀྱི་གྲྭ་རི་དྭགས་ཀྱི་རྣ་བ་ལྟར་འཛིན་ཞེས་པ་ལ། ད་ལྟ་རྣ་བ་གཉིས་ཀྱི་གཟུགས་ལྟར་འཛིན་པར་འདུག་ཀྱང་། དེ་ལྟར་མི་དགོས་ཏེ་སྔོན་བཅོམ་ལྡན་འདས་ཀྱིས་ལུང་བསྟན་མཛ…

དབང་བསྐུར་སྐབས་སུའང་འདི་དུས་ཞྭ་བཞེས་པར་མི་མཛད་པ་ནི་དེ་བཞིན་གཤེགས་པ་དབུ་ཞྭ་དང་རྡོ་དྲིལ་ཅན་མེད་པའི་ཕྱིར་རོ། །དེ་ནས་འདི་ལྟར་ངས་ནི་སོགས་ཀྱིས་ལུང་སྟོན་པ་སྟེ། ཤྲཱི་ཧེ་རུ་ཀ་ཏེ་དཔལ་ཁྲག་འཐུང་། ནཱ་མ་ཞེས་བྱ་བ། ཏ་ཐཱ་ག་ཏ་སིདྡྷི་དེ་བཞིན་གཤེགས་པ་གྲུབ་པའི། ས་མ་ཡ་སྟྭཾ་དམ་ཚིག་ལ་བཞུགས་ཤིག །བྷུར་ཏེ་ས་སྟེང་། བྷུ་ཝཿསྟེ་ས་…

རྒྱལ་སྲིད་ལ་སྦྱོར་བ་ལས་ཕྱིར་མི་ལྡོག་པའི་ཆེད་དུ་རྡོ་རྗེ་སློབ་དཔོན་གྱི་དབང་སྟེ་བུམ་དབང་དངོས་གཞི་བསྐུར་བ་སྟེ། འདུས་པའི་རྒྱུད་ཕྱི་མ་ལས། བུམ་པའི་དབང་ནི་དང་པོ་སྟེ། གཉིས་པ་གསང་བའི་དབང་ཡིན་ནོ། །གསུམ་པ་ཤེས་རབ་ཡེ་ཤེས་ཏེ། །བཞི་པ་དེ་བཞིན་ཉིད་ཡིན་ནོ། །ཞེས་གསུངས་པ་ལྟར་དང་པོ་བུམ་དབང་གི་གསོལ་གདབ་ནི། ཁམས་གསུམ་གྱི་འཁ…

རྒྱ་བཅས་བྱ་བ་ནི་ཕྱག་བཞེས་སོ། །དེ་ལྟར་དམ་ཚིག་གསུམ་པོ་ཞེས་པ་ནི། ཐབས་ཡབ་རྡོ་རྗེ་སེམས་དཔའ་དང་ཡུམ་ཤེས་རབ་རྡོ་རྗེ་སྙེམས་མར་གསལ་བ་ཕན་ཚུན་ཡབ་ཡུམ་སྙོམས་པར་ཞུགས་པ་ཁ་སྦྱོར་སྐུའི་དམ་ཚིག་དང་། རྡོ་རྗེ་ཐབས་ཀྱི་དེ་ཁོ་ན་ཉིད་ཐུགས་ཀྱི་དམ་ཚིག་གཡས་སུ་འཆང་བ་དང་། དྲིལ་བུ་ཤེས་རབ་ཀྱི་དེ་ཁོ་ན་ཉིད་གསུང་གི་དམ་ཚིག་གཡོན་དུ་འཆང་བ…

སྲིད་ལ་སྦྱོར་བར་བྱེད་ཅིང་སློབ་དཔོན་ནུས་པའི་གོ་འཕང་ཐོབ་པའི་དབང་བསྐུར་སྦྱིན་པར་བྱེད་པས་ན་སློབ་དཔོན་གྱི་དབང་ངམ་ཕྱིར་མི་ལྡོག་པའི་ས་བོན་བསྐྲུན་པར་བྱེད་པས་ན་ཕྱིར་མི་ལྡོག་པའི་དབང་ཞེས་བྱའོ། །དབང་འདི་བསྐུར་བའི་དཀྱིལ་འཁོར་ནི་ཕྱི་བཏགས་པའི་དཀྱིལ་འཁོར་རྡུལ་ཚོན་ནམ་རས་བྲིས་དང་ནང་ལུས་དཀྱིལ་སོགས་ལྷ་རྟེན་དང་བརྟེན་པར་…

པ་ལྟར་རོ། །དེ་ནས་མཆོག་དབང་གོང་མ་གསུམ་བསྐུར་བ་ལ་གསང་བ་ཤེས་རབ་ཡེ་ཤེས་དང་གསུམ་རིམ་པ་ལྟར། དང་པོ་ནི་རྡོ་རྗེ་སློབ་དཔོན་ཡབ་ཡུམ་གྱི་སྐུའི་དཀྱིལ་འཁོར་རམ་ལུས་དཀྱིལ། གཉིས་པ་རིག་མའི་བྷ་གའམ་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར། གསུམ་པ་ནི་རང་རིག་སྤྲོས་བྲལ་ལམ་དོན་དམ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ཏེ་བསྐུར་བ་ཡ…

གཉིས་ཀྱིས་མཚོན་པའི་སྒྱུ་ལུས་རྟོགས་པར་བྱེད་པའོ། །གསང་དབང་གི་ངོ་བོ་ནི་བྱང་སེམས་མྱོང་བ་ལས་བྱུང་བའི་ཏིང་ངེ་འཛིན་བདེ་བ་དང་བཅས་པ། སྒྲ་དོན་ནི་བླ་མ་ཡབ་ཡུམ་གྱི་བྱང་སེམས་གསང་བའི་རྫས་ཀྱིས་དབང་བསྐུར་བ་ཡིན་པས་ན་གསང་བའི་དབང་ཞེས་བྱའོ། །དེ་ནས་དབང་ཚིག་ནི་གཞུང་གསལ་ལྟར་གོ་སླ་ལ། ཨ་ཧོ་མ་ཧཱ་སུ་ཁ་ནི་ངོ་མཚར་རྨད་དུ་བྱུང་བའི…