བཟླས་ཚེ་ཅི་ཡང་མི་བྱ་ཞིང་། །ཡན་ལག་འགྱུར་བར་མི་བྱའོ། ། ཞེས་སོ། །ཧཱུྃ་མཛད་ཀྱི་རྒྱུད་ལས་ཀྱང་། སྟན་གྱི་དྲོད་མ་ཡལ་བ་ཚིག་གིས་བར་མ་ཆོད་པ་དགོས་པར་བཤད། མདོར་ན་སྤང་བྱ་ནི། དཔུང་བཟངས་ལས། ཆོ་ག་ཉམས་ཤིང་ཡི་གེ་གུག་སྐྱེད་མེད། །མཆོད་པ་མེད་ཅིང་མི་གཙང་བཟླས་བརྗོད་བྱེད། །གུག་སྐྱེད་ཡི་གེ་ལྷག་པར་གྱུར་པ་ན། །གསང་སྔགས་དངོས་གྲུ…

གཉིད་སད་མ་ཐག་གཞན་དང་ངག་མ་འདྲེས་པར་བྱས་ཏེ། བདག་གིས་དེ་རིང་བྱ་བ་ཅི་བྱེད་ཀྱང་སེམས་ཅན་རྣམས་ཀྱི་དོན་དུ་བྱེད་ཅིང་ཅི་སྨྲ་ཐམས་ཅད་ཀྱང་སེམས་ཅན་རྣམས་ཀྱི་དོན་དུ་སྨྲ་སྙམ་པའི་བསམ་པ་རྣམ་རྗེ་ཆོས་ཀྱི་དབང་ཕྱུག་གསུང་། པར་དག་པ་ཡིད་ལ་བཞག་ནས་ངག་ཏུ་འདི་ལྟར་བཟླས་བརྗོད་བྱའོ། །རང་གི་ལྕེ་པདྨ་འདབ་མ་གཅིག་པའི་སྟེང་ཨཱཿཡིག་དབྱངས་ག…

བརླབ་ཅིང་། ཡི་གེ་བརྒྱ་པས་ལྷག་ཆད་བསྐང་། སྟོབས་ནུས་སྐྱེད་པའི་གཙོ་བོ་ལྷ་ལ་དབང་བསྐུར་བ་ཡིན་པས་ཡེ་ཤེས་པ་གཞུག་པ་དང་ལམ་དུས་ཀྱི་དབང་ལེན་པ་ནན་ཏན་བྱ་ཞིང་། དུས་ཀྱི་མཆོད་པས་ཀྱང་མཉེས་པར་བྱའོ། །བཞི་པ་ཇི་ཙམ་བཟླ་བའི་ཚད་ནི། སྤྱིར་སྔགས་ཡི་གེ་བཅོ་ལྔ་ལས་ཉུང་བ་ལ་ཡིག་འབྲུའི་གྲངས་དང་མཉམ་པའི་འབུམ་ཕྲག་དང་། ཡི་གེ་སོ་གཉིས་པ་ལ…

ཉིད་མཚོན་པར་བྱ། །གྲངས་མེད་སྔགས་ནི་བཟླས་པ་ཡིས། །བླ་ན་མེད་པའི་དགེ་བ་འབྱུང་། །ཞེས་དང་། དེའི་དཀའ་འགྲེལ་པདྨ་ཅན་ལས། གྲངས་མེད་ཅེས་པ་བྱེ་བ་ལ་སོགས་པའི་སྔགས་བཟླས་པས་ཕྱག་རྒྱ་ཆེན་པོའི་དངོས་གྲུབ་དང་རྗེས་སུ་མཐུན་པའི་དངོས་གྲུབ་རྣམས་སྐྱེ་བར་འགྱུར་རོ། །ཞེས་པའི་དོན་ཏོ། །དེའི་ཕྱིར་སྔ་མས་ཐུན་མོང་གི་དངོས་གྲུབ་ཉིད་དོ། །ཞ…

བར་མས་འབུམ་བཟླ་བར་གསུངས་ཏེ། མྱུར་བར་ཞེས་པ་ནི་མགྱོགས་པར་ཞེས་པའི་དོན་ཏོ། །གང་གསུངས་ཞེས་པ་ནི་གང་བཤད་པའོ། །བསོད་ནམས་ཆེ་བས་ཞེས་པ་ནི་བསོད་ནམས་ཆེ་བའི་རྣལ་འབྱོར་པ་མཆོག་གིས་ནི་ཁྲི་བཟླ་བར་བཤད་དོ། །ཞེས་གསུངས་པ་ལྟར་རོ། །ཡང་། སྡོམ་འབྱུང་ལས། རྫོགས་ལྡན་དུས་སུ་གཅིག་བཟླས་པ། །གསུམ་ལྡན་དུས་སུ་ཉིས་འགྱུར་བཟླ། །གཉིས་ལྡན་…

ལས། ད་ནི་དུས་མཐའི་དུས་དེའི་ཚེ། །ཛམྦུའི་གླིང་པའི་མི་རྣམས་ལ། །ལྷག་པར་བྱིན་གྱིས་རློབ་ཅིང་ལྟ། །ང་ཡི་དམ་ཚིག་ལྡན་པ་ལ། །དུས་དེར་ད་ནི་ཆེར་བརྩེ་བས། །དམ་ཚིག་དབང་གི་ངས་བྱིན་རློབས། །ཞེས་དང་། ཁྲག་འཐུང་མངོན་འབྱུང་ལས། ཧེ་རུ་ཀ་དཔལ་བཟུང་བྱས་ན། །སྙིགས་མའི་དུས་སུ་འགྲུབ་པར་འགྱུར། །ཞེས་སོགས་འབྱུང་བ་ལྟར་གསང་སྔགས་དང་ཁྱད་པ…

འདུས་སོགས་ཀྱི་དཀྱིལ་འཁོར་གཞན་རྣམས་ཁྲིས་ཆོག་པར་བཞེད་ལ། དེའང་གཙོ་འབུམ་འཁོར་ཁྲི་ཞེས་པ་ནི་བླ་མེད་ཀྱི་རྒྱུད་ཐམས་ཅད་ཀྱི་སྤྱི་འགྲོ་ཡིན་ལ། རྒྱུད་སྡེ་སོ་སོའི་ཐུན་མོང་མ་ཡིན་པ་ནི་མང་དུ་ཡོད་དོ། །མཆོག་སྒྲུབ་པ་ལ་ཚད་མེད་ཅེས་བཤད་པའང་། དེ་ནི་ལྷ་སྐུའི་རྣལ་འབྱོར་ཤིན་ཏུ་གོམས་པས་བསྒྲུབ་བྱ་ཡིན་པའི་ཕྱིར་བཟླས་པ་ཁྲི་ལ་སོགས་…

མཆོག་དང་ཐུན་མོང་གི་དངོས་གྲུབ་འགྲུབ་པ་ཡིན་ཏེ། རྡོ་རྗེ་གུར་ལས། སངས་རྒྱས་བྱང་ཆུབ་སེམས་དཔའ་དང་། །མཁའ་འགྲོ་མ་དང་རང་བཙུན་མོ། །མངོན་སུམ་དུ་ནི་བྱ་བའི་པྱིར། ། སྔགས་ན་སྙན་གསན་འབེབས་པར་བརྗོད། །དཔེར་ན་སྐྱེས་བུ་ལ་ལ་ཞིག །སྐད་ཀྱི་ང་རོས་བོས་པ་ན། །མངོན་སུམ་དུ་ནི་འོང་བར་འགྱུར། །དེ་བཞིན་དེ་བཞིན་གཤེགས་ཀུན་གཤེགས། །ཞེས་ག…

གཡེང་བ་ཆུང་ཞིང་སྔགས་བཟླས་འགྲོ་ཆེ་བས་ཤིན་ཏུ་ལེགས་ཞེས་ཇོ་ནང་པས་གསུངས་ཤིང་འཕགས་བལ་ཕལ་ཆེར་ཡང་ཕྱག་བཞེས་མཛད་ཀྱི་ཡོད་པ་སྣང་རུང་། དེང་སང་བྱེད་མཁན་ཉུང་། སྔ་ཐུན། ཕྱི་ཐུན། དགོངས་ཐུན་ཏེ་ཐུན་གསུམ་བྱེད་པ་ནི་ལས་དང་པོ་པ་ལ་སྟབས་བདེ་ཞིང་ཕལ་ཆེར་གྱིས་བྱེད། ད་ལྟའི་རྒྱུན་གྱི་ཕྱག་བཞེས་ནི་ཐུན་བཞི་སྟེ། དེའང་ཀྱེ་རྡོར་དང་མངོན…

སྲོད་ལ་བདུད་བཏུལ་བའི་དུས་ཡིན་པས་སྔོན་འགྲོ་སྲུང་འཁོར་སོགས་ནས་དབུ་འཛུག་པ་དང་། ཐོ་རངས་སངས་རྒྱས་པའི་དུས་ཡིན་པས་བསྐྱེད་བཟླས། དངོས་གཞིའི་དབུ་འཛུག་སྟེ། རྡོ་རྗེ་གུར་ལས། རྡོ་རྗེ་ཉི་མ་ནུབ་ནས་ནི། །སྒྲུབ་པ་ཀུན་ཏུ་བརྩམ་པར་བྱ། །སྐྱ་རེངས་འཆར་བའི་དུས་སུ་ནི། །སྒོམ་པ་མཆོག་ནི་འགྲུབ་པར་འགྱུར། །ཞེས་པའི་རྒྱུད་ཚིག་དངོས་མང…

བྱས་པ་དེ་བསྙེན་པ་མཐར་མ་ཕྱིན་བར་མ་ཆག་པ་བྱ་དགོས་སོ། །གཉིས་པ་ནི། གཙོ་བོར་བྱང་ཆུབ་མཆོག་ཏུ་སེམས་བསྐྱེད་པ་དང་ལྡན་པས། སེམས་ཅན་ཐམས་ཅད་ཀྱི་དོན་ཏུ་ཕྱག་རྒྱ་ཆེན་པོ་མཆོག་གི་དངོས་གྲུབ་མྱུར་དུ་ཐོབ་པར་བྱ་དགོས། དེའི་ཆེད་དུ་ལྷག་པའི་ལྷ་འདི་བསྒྲུབས། དེའང་མྱུར་དུ་འགྲུབ་པ་ཞིག་བྱ་སྙམ་པའི་བསམ་པ་བརྟན་པོས་རྟག་ཏུ་ཟིན་ན་དགེ་སྦ…

བརྡར་ཁ་ནུབ་ཏུ་ཕྱོགས་པའམ། རིགས་དང་རྗེས་སུ་མཐུན་པར་བྱ། གཞན་ཡང་གསང་འདུས་ལ་སྨན་ཞབས་སོགས་ཀྱིས་ཤར་དུ་ལྟ་བར་གསུངས་པས་ཕ་རྒྱུད་མཚོན་ཅིང། བདེ་མཆོག་ལ་ལྭ་བ་པ་སོགས་ཀྱིས་ལྷོ་དང་། ཕག་མོ་ལ་ནུབ་ཏུ་ལྟ་བར་བཤད་པས་མ་རྒྱུད་མཚོན། གཤེད་སྐོར་ལྷོར་ལྟ་བ་བཞེད་དོ། །ལས་བཞི་སོ་སོར་བསྒྲུབ་སྐབས་ཞི་བར་ཤར། རྒྱས་པར་བྱང་། དབང་ལ་ནུབ། དྲ…

བྱ་དགོས་ཀྱི་བྱིང་རྨུགས་རྣམ་གཡེང་གི་དབང་དུ་བཏང་ན་ནུས་པ་འདྲེས་འཕྲོག་པར་བཤད། ཐུན་ལ་ཞུགས་ནས་རྗེས་བསྡུ་བའི་བར་ཉལ་བ་དང་། ལྡང་བ་དང་། བཞད་གད་དང་། རྩ་ཆུ་འཆག་པ་དང་། ཟས་ཟ་བ་དང་། མི་དང་ཚིག་བསྲེ་བ་དང་། སྔགས་ཀྱི་སྒྲ་རྒྱུན་བཅད་པ་དང་། ལྷ་དང་སྔགས་འཁོར་གྱི་དམིགས་པ་མི་བྱེད་པ་དང་། འོད་ཟེར་གྱི་སྤྲོ་བསྡུ་མི་བྱེད་པ་རྣམས་ཅ…

སྤང་། །བཟའ་བ་བཟའ་ཞིང་སྔགས་ཟློས་སྤང་། །ཁ་མ་བཤལ་བ་སྔགས་ཟློས་སྤང་། །བསམ་པ་མེད་པ་སྔགས་ཟློས་སྤང་། །ལྷ་མ་གསལ་བར་སྔགས་ཟློས་སྤང་། གཉིད་ཀྱི་དབང་དུ་གྱུར་པ་སྤང་། །གསལ་ཞིང་སྔགས་སྒྲ་ཆེ་བ་སྤང་། །ཞི་བའི་དུས་སུ་དྲག་པོ་སྤང་། །དྲག་པོའི་དུས་སུ་ཞི་བ་སྤང་། །དབང་གི་དུས་སུ་ཞི་བ་སྤང་། །སྔགས་བཟླས་གཞན་ཏུ་སྤེལ་བ་སྤང་། །བསྒྲུབ…

འདོན། །བླ་མེད་དངོས་གྲུབ་འདོད་པ་ལ། །གཞུང་བཞིན་རྟགས་རྫོགས་བར་དུ་འདོན། །ཕྱག་རྒྱ་ཆེན་པོ་འདོད་པ་ལ། །དེ་ཉིད་གསུམ་གསལ་ཡུན་ཏུ་འདོན། །ནུས་པ་མྱུར་དུ་སྐྱེ་འདོད་ན། །སྨྲ་བ་བཅད་བཟླས་དངོས་གྲུབ་འཕེལ། །ལོ་གཅིག་རང་གར་བཟླས་པ་བས། །ཟླ་གཅིག་སྨྲ་བཅད་ནུས་པ་ཆེ། །ཡུལ་དུ་ལོ་གཅིག་བསྒྲུབ་པ་བས། །དབེན་ས་ཞག་གཅིག་བརྟེན་པ་ལེགས། །སྒྲ…

རྫས་ཡལ་ལོ། །གཞན་ཡང་བསྙེན་བསྒྲུབ་ཀྱི་སྐབས་རང་གི་གོས་དྲོན་མོ་མི་ལ་མི་སྟེར། ཡི་དམ་བསྒོམ་ཞིང་ཏིང་ངེ་འཛིན་གྱི་སྐབས་རྒོད་པ་སོགས་ཡེངས་ཐབས་སྤང་། སྔགས་བཟླ་དུས་མེ་ལ་ཕུ་མི་བཏབ། སྔགས་ཚད་དུ་མ་འཁྱོལ་བར་ནད་པ་དང་སེར་བ་མི་སྔགས། ཉམས་པ་དང་ལྟོ་གོས་མི་བསྲེ། ཕྲེང་བ་བྱིན་རླབས་ཚར་ནས་མི་ལག་མི་བརྒྱུད། དམེ་ཅན་ལ་འཛེམ། ཡུག་ས་མོ…

བསྟེན་དགོས་ཀྱི། གཞན་ཏུ་ནེ་ཙོའི་སྨྲ་བ་ལྟར་འགྱུར་རོ། །ཏིང་ངེ་འཛིན་གསལ་བ། སྔགས་དག་པ། སེམས་དད་སྤྲོའི་ཐེ་ཚོམ་དང་བྲལ་བ་ནི་མྱུར་དུ་འགྲུབ་པའི་རྒྱུ་ཡིན། རྩ་ཁམས་དྭངས་པའི་སྟོབས་ཀྱིས་མགུར་དང་ཚིགས་བཅད་རྩོམ་འདོད་པ་དང་། ལྕེ་བདེ་ཞིང་སྔགས་གྲངས་འགྲོ་ཆེ་བ་དང་ཉམས་རྨིས་བཟང་བ་སོགས་ལ་དགའ་སྤྲོ་དང་ཧ་ཅང་བརྩོན་ཐལ་བྱས་ན་བར་ཆད་…

སོགས་ཧ་ཅང་དཀྲིག་ཆ་ཆེ་ཞིང་འཇུར་དྲག་ན་བར་ཆད་དུ་འགྲོ་བས། སྔགས་གྲངས་འགྲོ་མང་ཉུང་ཙམ་ལ་རྩིས་གདབ་མི་བྱ་བར་ཕྱི་གློད་ལ་ནང་གྲིམས་པར་བྱ། ད་རེས་བཟླས་པ་འདི་མ་གྲོལ་བར་རྐྱེན་གང་གི་ཡང་དབང་དུ་མི་བཏང་། ན་ན་ཡང་ན་གོ་ཆོད། ཤི་ན་ཡང་ཤི་གོ་ཆོད། སྔར་མི་ལུས་ཐོབ་པ་ཕལ་ཆེར་དོན་མེད་དུ་སོང་བ་ལས། ད་ལྟ་ཡི་དམ་གྱི་ལྷ་འདི་ལྟ་བུ་བསྒྲུབ་…

ཉིད་ལེགས་པར་སྣང་ངོ། །ཐུན་གྲོལ་བ་ན། ཕ་རྒྱུད་མ་རྒྱུད་སོ་སོ་དང་མཐུན་པའི་ཡི་གེ་བརྒྱ་པ་དང་དབྱངས་གསལ་གསུམ་མམ་བདུན་སོགས་ཀྱིས་ལྷག་ཆད་ཁ་བསྐང་ཞིང་བརྟན་པར་བྱ། འདོད་པའི་དོན་ལ་གསོལ་བ་དྲག་ཏུ་གདབ། དེ་ནས། རྩ་བརྒྱུད་བླ་མ་ལྷག་པའི་ལྷ་དང་། སངས་རྒྱས་དང་བྱང་ཆུབ་སེམས་དཔའ་རྣམས་བདག་ལ་དགོངས་སུ་གསོལ། བདག་གིས་ད་ལྟའི་དུས་འདི་ལ་…

ནུས་སུ་བགྲང་ངོ། །གསུམ་པ་ཐུན་བཚམས་ཀྱི་བྱ་བ་ནི། ཐུན་བཞི་ཀའི་མཇུག་ཏུ་གཏོར་འབུལ་གྲུབ་ན་རབ། མ་གྲུབ་ཀྱང་སྲོད་ཐུན་གྱི་མཇུག་ཏུ་གཏོར་མ་རྒྱས་པ་གཏང་དགོས་ཤིང་། གཤེགས་སུ་གསོལ་བ་ལ་སོགས་པ་རང་རང་གི་སྒྲུབ་ཐབས་ནས་འབྱུང་བ་བཞིན་བྱ། རྗེས་བསྔོ་བ་སྨོན་ལམ་རྣམ་པར་དག་པ་བཏབ། ཁ་ཟས་ཀྱི་རྣལ་འབྱོར་སྒྲུབ་ཐབས་སོ་སོ་ལས་གཤད་པ་ལྟར་བྱ།…