བརྒྱད་རེ་ལ་སོགས་པས་བཏེགས་པའི་སྟེང་གསེར་གདུང་རིང་རྒྱུག་བཀལ་བའི་གདུང་དང་ཞུའི་ངོས་ལ་རིན་པོ་ཆེའི་གཟེར་བུ་སྟེང་འོག་བཞི་བཞི་བཏབ་པ་ལ་གསེར་གྱི་སྐུད་པ་བཞི་བཞི་འཕྲེད་ལ་འཐེན་པའི་སྟེང་མ་གཉིས་ལ་བཏགས་པའི་ཆུ་སྲིན་ཙི་པ་ཊའི་ཁ་ཁུག་ནས་ནོར་བུ་རིན་པོ་ཆེའི་ཕྲེང་བ་གཉིས་བསྒྲིགས་སུ་སྦྲེལ་བའི་དྲ་བ་དང་། ཁའི་དབུས་ནས་ཐུང་བ་གསུམ…

འདབ་གཉིས་ཀྱི་བར་རེ་ནས་ཀ་བ་ཞུ་དང་བཅས་པ་རེ་རེ་སྟེ་བརྒྱད་འཛུག །རིང་ཐུང་རྟ་བབས་སྒོ་ཚད་གསུམ་མ་ལ་ཆ་ཕྲན་ཕྱེད་དང་བཅུ་བཞི་ཙམ་བྱས་པའི་སྟེང་དུ་རིན་པོ་ཆེའི་གདུང་མ་ཟླུམ་པོ་བཀལ། ཤར་ནུབ་དང་ལྷོ་བྱང་གི་ཀ་བའི་སྟེང་དུ་ཐལ་གདུང་བཞི་མིག་མང་རིས་སུ་བྲེས་པས་རེའུ་མིག་དགུ་ཡོད་པ་དང་། གདུང་མ་རྣམས་ལ་རྡོ་རྗེས་སྤྲས་པའི་གདུང་ཟླུམ་ལ…

བསྟན་མུ་ཏིག་ཕྲེང་བའི་མ་མཐའ་དང་མཉམ་པ། བྱ་འདབ་སྟེང་དུ་རིན་པོ་ཆེའི་སྤང་ལེབ་བམ་ཕ་གུ་ཐོག་སའི་ཚུལ་དུ་བཀྲམ་པའི་པད་ཀྱི་ཐོག་ཏུ་མདའ་ཡབ་པདྨའི་དབྱིབས་སམ་སོའི་རྣམ་པའམ་མཆོད་རྟེན་རྣམ་གྱི་རྣམ་པ་ཟེར་བའི་བཏགས་སོ་རིས་གང་རུང་བཀྲམ་པ་གཅིག་གཅིག་མ་རེག་ཅིང་རྩེ་མོ་རིན་པོ་ཆེའི་སྐུད་པས་སྦྲེལ་བ། བྱ་འདབ་ནང་གདུང་ཟླུམ་གྱི་མཚམས་ཀྱི…

མིག་མང་རིས་སུ་བྲེས་པ་ལ་དྲྭ་བ་དང་དྲྭ་ཕྱེད་ཀྱིས་སྤྲས་པ། དེའི་རེའུ་མིག་དགུ་པའི་དབུས་ཀྱི་གདུང་བསྣོལ་མཚམས་བཞིའི་སྟེང་ཀ་ཐུང་བཞི་བཙུག་པའི་སྟེང་དུ་གདུང་བཞི་གྲུ་བཞིར་བཏང་། དེ་ལ་རྒྱ་གྲམ་དུ་བཀལ་བའི་གདུང་གཉིས་བསྣོལ་ཐབས་སུ་བཏང་བས་ཟུར་བརྒྱད་འབྱུང་བ་ལ་ཡར་སྣ་གཏད་ཅིང་། མར་སྣ་གདུང་ཟླུམ་གོང་མ་ལ་གཟེར་གྱིས་བསྡོམས་པའི་གད…

ཡིན། དཔང་དུ་སྒོ་ཚད་གསུམ་མའི་ལུགས་ལ་སྣམ་བུ་བཅུ་གཅིག་པ། བརྒྱད་པ། བཞི་པ་སྟེ་རིགས་གསུམ། སྒོ་ཚད་གཉིས་མའི་ལུགས་ལ་སྣམ་བུ་བཅུ་གཅིག་པ་དང་། བརྒྱད་པ་རིགས་གཉིས། སྒོ་ཚད་གཅིག་པའི་ལུགས་ལ་སྣམ་བུ་བཅུ་གཅིག་པ་དང་། སྣམ་བུ་བཞི་པ་རིགས་གཉིས་ཡོད་པར་བཞེད། རྒྱ་གཞུང་རྣམས་ལས་སྒོ་ཚད་གཅིག་མར་བཤད་པ་མང་བ་ནི་བྱ་སླ་བའི་དབང་དུ་མཛད་པར…

པར་མཛད་པའི་རྗེས་སུ་འབྲང་བའོ། །དེ་ལས་གདན་བཞི་ཡབ་ཡུམ་གཉིས་ཀྱི་རྟ་བབས་སྒོ་ཚད་གཅིག་མ་ཁོ་ནར་བཤད་ཅིང་དེའང་སྣམ་བུ་བཅུ་གཅིག་པ་དང་བཞི་པ་གཉིས་ལས་སྔ་མ་དཔངས་དམའ་བས་ཧ་ཅང་མི་མཛེས་པས་སྤྱི་འགྲོའི་བཞི་མར་བཟུང་། གཞན་རྣམས་སྒོ་ཚད་གསུམ་པ་སོགས་སྣ་ཚོགས་བཤད་ཀྱང་སྣམ་བཞི་པའི་ཕྱོགས་ཕལ་ཆེར་སྒོ་ཚད་གཅིག་པ་ཉིད་འཚམས་པར་འགྱུར་རོ། །…

མདའ་ཡབ་བཅས་རྣམ་བུ་བཅུ་གཅིག་པ་སྟེ། བཞི་མ་ལ་ཤར་བུའི་སྟེང་དང་སྒོ་ཁང་ཐོག་འགབ་མཉམ་ཞིང་། བཅུ་གཅིག་པ་ལ་ཝ་རེནྡྲ་དང་མཉམ་པ། འོག་མ་བསྐོར་ཁང་དང་སྟེང་མ་བསིལ་ཁང་གི་རྣམས་པ་དང་མཚུངས་པ། གཡས་གཡོན་སྣེ་སྣམས་རིང་ཐུང་གཞུང་ནས་བཤད་ཚོད་ལྟར་ལས་མདུན་རྒྱབ་རྣམས་མཉམ་པ། ཕྱི་སོ་སོའི་རི་མོ་དང་ཁ་དོག་ཐ་དད་པ་ལས་ནང་ཐམས་ཅད་རྒྱུན་གཅིག་ཏུ…

བཟང་ལས་སྐྱེས་པའི་དཔག་བསམ་ལྗོན་ཤིང་རྒྱལ་སྲིད་རྫས་རྟགས་སོགས་དང་ལྡན་པ། ཟུར་རྣམས་སུ་རྒྱ་གར་པའི་ལུགས་ཀྱི་རྒྱལ་མཚན་དང་བ་དན། སྤྲིན་གསེབ་ལས་བྱུང་བའི་མཆོད་པའི་ལྷ་མོ་ལ་སོགས་པ་དང་། གཞལ་ཡས་ཁང་པའི་གདན་གྱི་པདྨའི་ཕྱི་རོལ་དུ་དུར་ཁྲོད་བརྒྱད། དེ་རྒྱབ་རྡོ་རྗེའི་རྭ་བ་ལས་མེ་རི་རིང་དུ་འབར་བ་བསྒོམ། བདེ་མཆོག་ལ་ནི་རྡོ་རྭ་མེ…

དཀྱིལ་འཁོར་ཕྱི་ནང་གཉིས་རེ་སྒོ་སྦྲགས་ཅན་ཏེ། གཉིས་ཀ་གཞལ་ཡས་ཁང་ཕྱི་མ་ཕྱེད་ཕུབ་པ་དཔེར་ན་རྒྱ་མཐོང་གྲུ་བཞིར་བཞག་པའི་ཁང་པ་བཀབ་ལུགས་ལྟ་བུའི་དབུས་ཀྱི་ལྷ་སྣམ་གར་བུའི་སྟེང་ནས་ཁང་བཟང་ནང་མ་གྱེན་ཏུ་འཕགས་པ་ཐོག་ཕུབ་ཕྱུར་བུ་དང་བཅས་པ། གདན་བཞིའི་ཁང་བཟང་ནང་མ་རྟ་བབས་མེད་ཅིང་། གསང་ལྡན་ཕྱི་ནང་གཉིས་ཀ་རྟ་བབས་དང་བཅས་པའོ། །གཞ…

དགོས་པས། དཀྱིལ་འཁོར་ལྷ་ལ་མང་ཉུང་སྣ་ཚོགས་ཡོད་ཀྱང་ཉུང་བ་རྣམས་ལའང་སྐྱེ་མཆེད་ཀྱི་ལྷ་དང་བཅས་པའི་སྦྱོང་བྱེད་ཚང་བ་དགོས་པའི་ཕྱིར། རྒྱུད་དང་རྒྱ་གཞུང་གྲུབ་ཆེན་ཚད་ལྡན་གྱི་མན་ངག་གིས་ཟིན་པའི་མངོན་རྟོགས་འཆུག་མེད་ཀྱི་གནད་ནས་ཟིན་པ་གལ་ཆེ་ཡི། རང་བཟོས་བྱས་པ་ཕལ་ཆེར་སྟོང་ལས་སུ་འགྱུར་རོ། །འདིར་མི་ཤེས་སུ་མི་རུང་བ་ནི། སྤྱི…

རྒྱས་ཀུན་འདུས་ཀྱི་ངོ་བོ་ཡིན། སེམས་དཔའ་རྣམས་ས་བཅུ་ཁྱད་པར་ཅན་ལ་གནས་པ་སྟེ་དགྱེས་རྡོར་གྱི་རྣལ་འབྱོར་མ་བརྒྱད། འདུས་པའི་བྱང་སེམས་རྣམས་ལྟ་བུའོ། །ཁྲོ་བོ་རྣམས་ས་བཅུ་དབང་བསྐུར་ཐོབ་པ་ཙམ་པོ་ལ་གནས་པ་སྟེ་སྒོ་སྲུང་རྣམས་དང་སྲུང་འཁོར་གྱི་ཁྲོ་བོ་ལ་སོགས་པ་ལྟ་བུའོ། །འཁོར་ལོའི་དབང་ཕྱུག་དེ་ནི་རིགས་གང་ཡིན་པའི་ཧེ་རུ་ཀ་ཡིན་…

བསྒོམས་པའི་དཀྱིལ་འཁོར་དེ་ཡེ་ཤེས་དཀྱིལ་འཁོར་དངོས་ཡིན་ཀྱང་། ངོ་བོ་རྒྱལ་བའི་ཡེ་ཤེས་གཅིག་ཉིད་རྣམ་པ་གང་ལ་གང་འདུལ་གྱི་ཚུལ་དེ་དང་དེར་སྣང་བའི་ང་རྒྱལ་བསྐྱེད་དགོས། བསྐྱེད་རིམ་ལ་གསལ་སྣང་མ་ཐོབ་པའི་མོས་སྒོམ་རབ་རིབ་ཙམ་ནི་རྣམ་པ་དང་དོན་སྤྱི་འདྲེས་པ་ཁོ་ན་ཡིན་ལ། སྐྱེས་བུ་གཅིག་ལ་དུས་སྐབས་གཅིག་ཏུ་གསལ་སྣང་ཤར་བའི་དཀྱིལ་འ…

སྣང་ཁོ་ན་ལ་འཇིག་རྟེན་པའི་ལྷའི་ཐ་སྙད་མི་འཇུག་པའི་ཕྱིར་རོ། །དེས་ན་སྒྲུབ་པ་པོས་དངོས་སུ་བསྒོམས་པའི་དཀྱིལ་འཁོར་དེ་ནི་རང་གཅིག་པུའི་སེམས་ཀྱི་སྣང་བ་ཡིན་པས། ལྷ་ཚོགས་ལ་ངོ་བོ་བཟང་ངན་མེད་ཀྱང་སྔགས་དང་རྣམ་པ་སོ་སོ་ཡིན་པའི་རྟེན་འབྲེལ་གྱིས་ལྷ་དེ་དག་ལ་བྱེད་ལས་དང་ཕན་ཡོན་སོ་སོར་ཡོད་དོ། །འཇུག་རྟེན་ཀུན་རྫོ བ་ཉིད་ཀྱི་དབང་…

དེའང་སློབ་པ་དང་མི་སློབ་པ་གཉིས་ཡོད་མོད། སློབ་པས་ཀྱང་ཡེ་ཤེས་གཅིག་ལས་དཀྱིལ་འཁོར་མཐའ་ཡས་པ་སྤྲོ་ནུས་སོ། །ཡང་དོན་དམ་ཡེ་ཤེས་ཀྱི་ལྷའི་དཀྱིལ་འཁོར་ལ་ནམ་དུ་ཡང་དབྱེ་བ་ཡོད་པ་མ་ཡིན་མོད། རྣམ་པ་ཐམས་ཅད་པ་ཉིད་ཀྱི་ཕྱིར་གྲངས་དང་ཁ་དོག་ཚད་དང་ས་བོན་ངེས་པ་མཐའ་གཅིག་ཏུ་འཇོག་མི་ནུས་ལ། ཀུན་རྫོབ་གཟུགས་སྐུའི་དཀྱིལ་འཁོར་གྱི་འཁོར་…

སེམས་ཀྱི་ཆོས་ཉིད་ལ་ཕན་འདོགས་ཤིང་མཐུན་པའི་ཆོས་ཡིན་པས། ཆོས་དབྱིངས་དེའི་ནུས་པ་དང་ཅུང་ཟད་འདྲེས་པས་གཞན་དགེ་བའི་ཆོས་སྤྱོད་པ་རྣམས་ཀྱང་དེའི་གྲོགས་སུ་འགྱུར་ཞིང་། སྔགས་ཀྱི་བྱིན་རླབས་ཀྱི་རྒྱུན་དེ་རྒྱུར་བྱས་ནས། དང་པོར་དབང་དང་ཕྱིས་བསྐྱེད་རིམ་གྱི་དུས་སུ་དེ་ལྷའི་རྣམ་པ་ཅན་ཏུ་བཞེངས་པར་འགྱུར་ཏེ། དེ་ལ་གསལ་སྣང་རགས་པ་ཐོ…

དངོས་གྲུབ་སྒྲུབ་པར་ཡང་བྱེད་ལ། ཁ་ཅིག་ལ་ནི་རེ་ཞིག་དངོས་གྲུབ་མི་སྩོལ་བ་དང་། གཞན་འགའ་ལ་ནི་འཁུ་བའི་ཚུལ་འབྱུང་ཞིང་། ནད་དང་གནོད་པ་ལ་སོགས་པར་འགྱུར་བ་ཡང་ཡོད་དོ། །དེ་དག་ཀྱང་སྒྲུབ་པ་པོ་རང་ཉིད་ཀྱི་ལས་ཀྱི་སྒྲིབ་པ་ཆེ་ཆུང་དང་། དགེ་བའི་བསགས་པ་ཆེ་ཆུང་དང་དམ་ཚིག་དག་མ་དག་གི་དབང་ལས་སྣང་བ་ཡིན་གྱི། སྔགས་ཀྱི་ལྷ་ལ་རྣམ་རྟོག་…

སེམས་ཀྱིས་བཀོད་པའི་གཟུགས་བརྙན་དངོས་གྲུབ་སྒྲུབ་པར་བྱེད་པའི་སྤོགས་ཆོག་གི་ཁྱད་པར་ཞིག་ཡིན་གྱི། གཞན་རྒྱུད་ཀྱི་ལྷ་ལ་གནོད་པར་འགྱུར་བ་ནི་ནམ་ཡང་མ་ཡིན་ནོ། །འདི་དང་སངས་རྒྱས་དངོས་ཀྱི་བྱིན་རླབས་འདྲེས་ཏེ། སྒྲུབ་པ་པོའི་བློའི་སྣང་བ་ལ་རྒྱུད་གཞན་གྱིས་བསྡུས་པའི་ཡི་དམ་ལྷར་སྣང་ནས་རང་ལ་དངོས་གྲུབ་བསྩོལ་བར་སྣང་བ་ཡང་ཡོད་ཅིང…

རྣམས་ཡིན་ཅིང་། བསྐྱེད་རིམ་དངོས་མའི་སྐབས་འདིར་ནི་ཀུན་རྫོབ་ལ་ལྟོས་ཏེ་བཞག་པས་གོ་དོན་དེ་ལྟར་བློ་ལ་བཞག་ནས་བསྒོམ་དོན་འཕྲོད་ངེས་ལས། ལྟ་བ་མཐོ་མཐོ་མོའི་སྟོང་ཤོབ་ཀྱིས་བསྐྱེད་རྫོགས་གང་གིའང་ལམ་དུ་མི་འགྱུར་པའི་རང་མགོ་བསྐོར་བ་མི་བྱའོ། །དེ་ལ་ཡེ་ཤེས་སེམས་དཔའ་གཞུག་པ་ན་དམ་ཚིག་པ་དང་ཡེ་ཤེས་པའི་དབང་པོ་དང་ལུས་ཀྱི་ཆ་ཤས་ཕྲ…

པར་མངོན་པས་དགྱེས་རྡོར་བསྙེན་པའི་སྐབས་ལྟ་བུར་ཟུར་འདེབས་སྦྱར་ན་ལེགས་སོ། །རྒྱས་གདབ་རྣམ་པ་ལྔ་རུ་རྗེ་བཙུན་གྲགས་པས་བསྡུས་ཤིང་ཐམས་ཅད་དེའི་རྗེས་སུ་འབྲང་བ་དེ་ཉིད་དགྱེས་རྡོར་ལྟ་བུ་ལའང་ཐམས་ཅད་ཚང་ཞིང་། ངོ་བོ་ཉིད་ལ་ཉིད་ཀྱིས་རྒྱས་གདབ་པ་ནི་རྒྱས་འདེབས་བྱེད་དབུ་རྒྱན་རྣམས་ཀྱི་སྤྱི་བོར་ཡང་རང་རིགས་ཀྱི་ཕྱག་མཚན་གྱི་རྒྱས་…

མྱང་བ་ལ། ནང་གི་བདུད་རྩི་མྱང་བ་ནི་ཡབ་ཡུམ་མཉམ་སྦྱོར་གྱི་བྱང་སེམས་དཀར་དམར་ལས་སྐྱེས་པའི་བདེ་ཆེན་པོའི་བདུད་རྩིས་ཐུགས་ཚིམས་པར་བསམ་པ་ཡིན་ལ། ཕྱིའི་བདུད་རྩི་འབུལ་བའི་སྐབས་བརྒྱུད་པའི་བླ་མ། ཡི་དམ་ལྷ་ཚོགས། ཆོས་སྐྱོང་སྲུང་མ། གཞན་ཡང་ལམ་རྒྱུད་ལྔས་བསྡུས་པའི་སེམས་ཅན་ཐམས་ཅད་ཀྱང་ཡི་དམ་དུ་གསལ་བ་ལ་མཆོད་པར་མོས། བདུད་རྩིའ…