སྲིད་པའི་མ་རྣམས་སྡུག་བསྔལ་རྒྱ་མཚོ་ལས། །བཏོན་ཏེ་ཐར་པའི་སྐམ་སར་འཇོག་པ་ཡི། །འཕྲིན་ལས་དུས་གསུམ་རྒྱལ་བས་མི་བསྒྲུན་པའི། །འཇིག་རྟེན་དབང་ཕྱུག་ཀརྨ་པ་ལ་འདུད། །འདིར་འཇིག་རྟེན་རྣམ་པར་འདྲེན་པ་དཔལ་ཀརྨ་པ་རང་བྱུང་རྒྱལ་བ་མཆོག་གི་ཞལ་སྔ་ནས་ཉེ་བར་སྩལ་པའི་ངེས་དོན་ཕྱག་རྒྱ་ཆེན་པོའི་སྨོན་ལམ་འདི་ཉིད་ཚིག་ཉུང་ཞིང་དོན་གྱི་ཆ་ནས…

ནའང་། མ་རྟོགས་པ་རྟོགས་པར་བྱེད། རྟོགས་པ་གོང་ནས་གོང་དུ་བོགས་དབྱུང་བར་བྱེད་པའི་གདམས་ངག་གི་གནད་བླ་ན་མེད་པ། ཕྱག་རྒྱ་ཆེན་པོའི་རྣལ་འབྱོར་པ་རྣམས་ལ་མེད་ཀ་མེད་ཀྱི་ཆོས་སུ་མཐོང་བས་བདག་གི་སྐལ་པས་ཅི་ལྟར་དཔོག་པའི་ཚིག་དོན་གྱི་ཆ་ཅུང་ཟད་ཙམ་དགྲོལ་བར་བྱའོ། །དེ་ལ་འདིར་ས་བཅད་རྣམ་པ་གསུམ་གྱི་སྒོ་ནས་འཆད་དེ། སྨོན་ལམ་གདབ་པའི་…

སུམ་ཚོགས་པ་དཔང་པོར་གསོལ་ཞིང་དེའི་དྲུང་དུ་བསམ་པ་ཐག་པ་ནས་སྨོན་ལམ་བྱ་དགོས་ཏེ། རིང་བསྲེལ་ཅན་གྱི་མཆོད་རྟེན་དྲུང་། །བདེ་བར་གཤེགས་པའི་སྔགས་པས་འགྲུབ། །ཅེས་དང་། ཆོས་རྣམས་ཐམས་ཅད་རྐྱེན་བཞིན་དུ། །འདུན་པའི་རྩེ་ལ་རབ་ཏུ་གནས། །གང་གིས་སྨོན་ལམ་ཅི་བཏབ་པ། །འབྲས་བུ་དེ་འདྲ་ཁོ་ནར་སྨིན། །ཅེས་འབྱུང་བས་སོ། །དེས་ན་འདིར་འདུན་པ…

དགེ་བ་རྫོགས་བྱང་དུ་བསྔོ་བ་དང་། བྱེ་བྲག་ཕྱེ་སྟེ་སྨོན་ལམ་གདབ་པ་གཉིས། །དང་པོ་ནི། བདག་དང་མཐའ་ཡས་སེམས་ཅན་ཐམས་ཅད་ཀྱི། །བསམ་སྦྱོར་རྣམ་དག་གངས་རི་ལས་སྐྱེས་པའི། །འཁོར་གསུམ་རྙོག་མེད་དགེ་ཚོགས་ཆུ་རྒྱུན་རྣམས། །རྒྱལ་བ་སྐུ་བཞིའི་རྒྱ་མཚོར་འཇུག་གྱུར་ཅིག །ཅེས་པ་སྟེ་བདག་ནི་སྨོན་ལམ་འདེབས་པར་བྱེད་པ་པོའོ། །སེམས་ཅན་ཐམས་ཅད་…

མ་ཡིན་པར། བྱམས་པ་དང་སྙིང་རྗེ་བྱང་ཆུབ་ཀྱི་སེམས་སོགས་ཀུན་སློང་དགེ་བའོ། །དེ་ཡང་སྡོམ་པ་ཉི་ཤུ་པ་ལས། སེམས་དགེ་བ་ལ་ཉེས་པ་མེད། །ཅེས་གསུངས་པ་ལྟར། དེད་དཔོན་སྙིང་རྗེ་ཆེན་པོས་ཚོང་པ་གཡོ་ཅན་བསད་པས་བསྐལ་པ་མང་པོའི་ཚོགས་བཟླུམས་པ་དང་། དགེ་བཤེས་འབེན་གྱིས་སྦྱིན་བདག་འགའ་ཞིག་མཇལ་བར་ཡོང་གདོང་རྟེན་མཆོད་ལ་བྱི་དོར་གཟབས་ཐོམ་བ…

བ་བཅུ་དང་། སྦྱིན་སོགས་ཕ་རོལ་ཏུ་ཕྱིན་པ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པ་ཟག་བཅས་དང་ཟག་མེད་ཀྱིས་བསྡུས་པའི་དགེ་བའི་རྩ་བ་རྣམས་ཏེ། དེ་དག་ནི་ཆུ་རྒྱུན་གྱི་གཟུགས་སུ་བྱས་པའོ། །དེ་ལྟ་བུའི་དགེ་ཚོགས་ཆུ་རྒྱུན་དེའང་། འཁོར་གསུམ་རྙོག་མེད་ཅེས་འཁོར་གསུམ་གྱི་དམིགས་པའི་རྡུལ་གྱི་རྙོག་པ་དང་བྲལ་བ…

པ་ལྟར། ཡུལ་དང་དངོས་པོ་བྱེད་པ་པོ་གསུམ་ལ་དམིགས་པའོ། །འདིའི་འཁོར་གསུམ་དམིགས་བྲལ་གྱི་ཤེས་རབ་དངོས་ནི་འཕགས་པ་རྣམས་ལས་གཞན་ལ་མེད་ཅིང་། ལུང་དང་བླ་མའི་གདམས་ངག་གིས་རྗེས་མཐུན་རྟོགས་པ་ནི་སོ་སྐྱེ་ལའང་ཡོད་དོ། །སྤྱིར་ཐབས་དང་བྲལ་བའི་ཤེས་རབ་ཀྱིས་ཞི་བ་ཕྱོགས་གཅིག་པར་འཆིང་ལ། ཤེས་རབ་མེད་པའི་ཐབས་ཀྱིས་འཁོར་བར་འཆིང་བས་གཉི་ག…

དང་། སྤྲུལ་པའི་སྐུ་དང་། ངོ་བོ་ཉིད་ཀྱི་སྐུའོ། །དེ་ལ་ཆོས་ཀྱི་སྐུ་ནི་ཆོས་ཀྱི་དབྱིངས་ཀྱི་རང་བཞིན་མཐར་ཐུག་པ་མངོན་སུམ་དུ་རྟོགས་པའི་མཁྱེན་པ་སྟེ་འགྲོ་བ་རྣམས་ལ་བདེ་བར་གཤེགས་པ་དག་གིས་ཕན་པ་བླ་ན་མེད་པ་སྒྲུབ་པའི་བདག་རྐྱེན་དུ་གྱུར་པའོ། །དེའང་འཕགས་པ་ཀླུས། གང་ཞིག་གཅིག་དང་དུ་མ་ཡང་མིན་རང་དང་གཞན་ལ་ཕན་པ་ཕུན་ཚོགས་ཆེན་པོ…

ཅེས་འབྱུང་བ་ལྟར། བདེ་བར་གཤེགས་པ་རྣམས་ཀྱི་གཟུགས་ཀྱི་སྐུའི་འབྱོར་པ་མ་ཚང་བ་མེད་པའི་སྐུར་སྣང་ཡང་རང་བཞིན་དང་བྲལ་བས་ཕྱོགས་སུ་མ་ཆད་པའི་ཕྱིར། རྡོ་རྗེ་ཐེག་པར་རྣམ་པ་ཐམས་ཅད་པའི་སྐུ་དང་ཞལ་སོགས་སུ་གསུངས་པ་དེའོ། །དེའང་ཞིང་དང་འཁོར་ཡོངས་སུ་དག་པའི་ཕྱིར་རྫོགས་པར་ལོངས་སྤྱོད་པའི་ཆོས་ནི་ཐེག་པ་ཆེན་པོ་འབའ་ཞིག་གོ །སྤྲུལ་པའ…

ལེན་པར་སྤྲུལ་པ་སོགས་ཡིན་པར་བོད་ཀྱི་མཁས་པ་རྣམས་བཞེད་ཀྱང་མཆོག་གི་སྤྲུལ་སྐུ་ཉིད་རྒྱལ་རིགས་སོགས་སུ་སྐྱེ་བ་བཞེས་པའི་ཚུལ་དེ་སྐྱེ་བ་སྤྲུལ་སྐུ། བཟོ་གནས་ལ་མཁས་པར་སྟོན་པའི་ཚེ་བཟོ་སྤྲུལ་སྐུ། བྱང་ཆུབ་བརྙེས་པར་སྟོན་པ་ནས་མཆོག་གི་སྤྲུལ་སྐུར་འཕགས་ཡུལ་གྱི་མཁས་པ་དག་གི་གཞུང་དུ་གསལ་ཞིང་། དེ་ལྟར་གྱི་ཚེ། མདོ་སྡེ་རྒྱན་ལས།…

དག་པ་ཞི་ཞིང་རྣལ་འབྱོར་རྣམ་པར་དབེན་ལ་མཆོག་ཏུ་ཞི་བའི་རང་བཞིན་རྣལ་འབྱོར་པ་ཡིས་རྟོགས་བྱ་ཉིད། །རྟོགས་པར་དཀའ་ཞིང་རྣམ་པར་དཔྱད་དཀའ་ནང་དང་གཞན་ལ་ཕན་པ་ཁྱབ་པ་མཚན་མེད་རྣམ་རྟོག་དང་། །བྲལ་བ་གཅིག་པུའི་སྐུ་ནི་རྒྱལ་བ་རྣམས་ཀྱི་མི་མཉམ་མཉམ་པ་བདེ་བའི་སྐུ་ལ་ཕྱག་འཚལ་ལོ། །ཞེས་གསུངས་སོ། །དེ་ལྟར་སྐུ་བཞི་པོ་ཟབ་པ་དང་རྒྱ་ཆེ་བའི་…

རྟོགས་བྱེད་ཀྱི་ཤེས་རབ་ལ་སྨོན་པ། འཁྲུལ་མེད་ཀྱི་ལམ་ཉིད་ལ་སྨོན་པ། ལམ་དེ་ཉམས་སུ་ལེན་ཚུལ་མ་འཁྲུལ་བ་ལ་སྨོན་པ། དེ་མཐར་ཕྱིན་པའི་འབྲས་བུ་ལ་སྨོན་པའོ།། ༈ །།དང་པོ་ལའང་ཐུན་མོང་གི་དང་། ཐུན་མོང་མིན་པའི་དེ་གཉིས། དང་པོ་ནི། ཇི་སྲིད་དེ་མ་ཐོབ་པ་དེ་སྲིད་དུ། །སྐྱེ་དང་སྐྱེ་བའི་ཚེ་རབས་ཀུན་ཏུ་ཡང་། །སྡིག་དང་སྡུག་བསྔལ་སྒྲ་ཡང་…

བསྔལ་དང་། །དེ་བཞིན་ངན་འགྲོ་ཐམས་ཅད་དོ། །མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བ་ཡིན། །དགེ་ལས་བདེ་འགྲོ་ཐམས་ཅད་དང་། །སྐྱེ་བ་ཀུན་དུ་བདེ་བ་དག །ཅེས་དང་སྤྱོད་འཇུག་ལས། མི་དགེ་བ་ལས་སྡུག་བསྔལ་འབྱུང་། །འདི་ལས་ཇི་ལྟར་ངེས་ཐར་ཞེས། །ཉིན་མཚན་ཀུན་ཏུ་བདག་གིས་ནི། །འདི་ཉིད་འབའ་ཞིག་བསམ་པར་རིགས། །ཅེས་འབྱུང་ངོ་།…

ལས། དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིང་ལྷ་དང་ནི། །ལོག་ལྟ་སངས་རྒྱས་ཀྱིས་སྟོངས་པ། །ལྐུགས་པ་འདི་དག་མི་ཁོམ་བརྒྱད། །ཅེས་པ་རྣམས་སོ། །འབྱོར་པ་བཅུ་ནི། མི་ཉིད་དབུས་སྐྱེས་དབང་པོ་ཚང་། །ལས་མཐའ་མ་ལོག་གནས་ལ་དད། །ཅེས་རང་འབྱོར་ལྔ་དང་། སངས་རྒྱས་བྱོན་དང་དེས་ཆོས་གསུངས། །བསྟན་པ་གནས་དང་དེ་རྗེས་འཇུག །གཞན་ཕྱིར་སྙ…

འབྱོར་གྱི་རྟེན་བཟང་པོ་ཐོབ་ཀྱང་དད་པ་དང་བརྩོན་འགྲུས་ཤེས་རབ་གསུམ་མ་འཛོམ་ན་འཁོར་བ་སྡུག་བསྔལ་གྱི་རྒྱ་མཚོ་ལས་བརྒལ་མི་ནུས་ཏེ། ཕལ་པོ་ཆེ་ལས། སྲིད་པའི་གནས་ཅན་དད་པ་ཆུང་བ་ཡིས། །སངས་རྒྱས་བྱང་ཆུབ་ཤེས་པར་མི་ནུས་སོ། །ཞེས་དང་། ཆོས་བཅུ་པའི་མདོ་ལས། དད་པ་མེད་པའི་མི་རྣམས་ལ། །དཀར་པོའི་དགེ་བ་མི་སྐྱེ་སྟེ། །ས་བོན་མེ་ཡིས་ཚིག…

པར་ནུས་མ་ཡིན། །ཞེས་དང་། དབྱིག་གཉེན་གྱིས། ཆོས་རྣམས་རབ་ཏུ་རྣམ་འབྱེད་མེད་པར་ཉོན་མོངས་རྣམས། །གང་ཕྱིར་ཉེ་བར་ཞི་བར་བྱ་བའི་ཐབས་མེད་ལ། །དེ་མེད་པས་ཀྱང་འཇིག་རྟེན་སྲིད་མཚོ་འདིར་འཁྱམས་ཏེ། །ཞེས་གསུངས་པ་སོགས་ཤེས་རབ་མེད་པའི་སྐྱོན་ཡིན་ཞིང་། རྒྱས་པར་ནི་མ་སྤྲོས་སོ། །རྒྱུ་མཚན་དེས་ན། དད་བརྩོན་ཤེས་རབ་ལྡན་ཅེས་སྨོས་པའོ། །…

བའི་ལེ་ལོའི་གཉེན་པོར་གྱུར་པའི་སེམས་བྱུང་སྟེ། ཆོས་མངོན་པ་ལས། བརྩོན་འགྲུས་གང་ཞེ་ན་ལེ་ལོའི་གཉེན་པོ་སྟེ། དགེ་བ་ལ་སེམས་མངོན་པར་སྤྲོ་བའོ། །ཞེས་བཤད་ཅིང་དབྱེ་བ་རྟག་སྦྱོར་དང་གུས་སྦྱོར་གཉིས་སོགས་སུ་ཡོད་དོ། །ཤེས་རབ་ནི་ཤེས་བྱའི་ཆོས་རྣམས་རབ་ཏུ་འབྱེད་པར་བྱེད་པའི་སེམས་བྱུང་སྟེ། ཀུན་བཏུས་ལས། ཤེས་རབ་གང་ཞེ་ན། ཆོས་རབ་…

བཀུར་བར་བྱའོ། །ཞེས་གསུངས་པ་སོགས་ལུང་མཐའ་ཡས་ཤིང་། ཁྱད་པར་གསང་ཆེན་རྡོ་རྗེ་ཐེག་པར་ནི། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང་། །ཀུན་གྱི་བྱེད་པོ་བླ་མ་ཡིན། །ཅེས་དང་། གསང་བ་འདུས་པ་ལས། ང་ཉིད་སློབ་དཔོན་གཟུགས་སྤྲུལ་ནས། །ཅེས་དང་། དུས་འཁོར་ལས། བདུད་རྣམས་ལ་ནི་རྡོ་རྗེའི་དབྱུ…

སྲིད་མཐར་མིན། །ཞེས་དང་། ཀྱཻ་རྡོ་རྗེ་ལས། གཞན་གྱི་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང་། །བདག་གི་བསོད་ནམས་ལས་ཤེས་བྱ། །ཞེས་སོགས་གསུངས་པའི་ཕྱིར་རོ། །དེས་ན་འདིར་ཡང་། བཤེས་གཉེན་བཟང་བསྟེན་ཞེས་གསུངས་ལ་བསྟེན་པར་སྨོན་བྱའི་བཤེས་གཉེན་དེའང་གང་གིས་སྟེན་པར་བྱེད་པའི་གདུལ་བྱ་ད…

བྱེད་སོགས་ཀྱི་སློབ་དཔོན་རྣམས་ཀྱང་རང་རང་གི་མཚན་ཉིད་ཕུན་སུམ་ཚོགས་པ་དང་ཀུན་རྫོབ་དང་དོན་དམ་པའི་བྱང་ཆུབ་ཀྱི་སེམས་གཉིས་མ་སྐྱེས་པ་བསྐྱེད་པའམ། སྐྱེས་པ་གོང་ནས་གོང་དུ་སྤེལ་བར་འོས་པ་ཞིག་གི་སྐབས་སུ། ཞི་ལྷས། རྟག་པར་དགེ་བའི་བཤེས་གཉེན་ནི། །ཐེག་ཆེན་དོན་ལ་མཁས་པ་དང་། །བྱང་ཆུབ་སེམས་དཔའི་བརྟུལ་ཞུགས་མཆོག །སྲོག་གི་ཕྱིར་ཡ…