རབ་གྲགས་པའོ། །ཞེས་གསུངས་པ་དང་། གཞན་ཡང་རྒྱུད་སྡེ་རྣམས་ནས་ཅི་སྐད་བཤད་པའི་མཚན་ཉིད་དང་ལྡན་པའི་རྡོ་རྗེ་སློབ་དཔོན་ལྟ་བུའོ། །དེའང་སྤྱིར་གདུལ་བྱ་རང་ཉིད་འཁོར་བ་ན་སྒྲིབ་པ་སྟུག་པོའི་སྦུབས་སུ་གནས་པའི་ཚེ་བླ་མའང་སོ་སོ་སྐྱེ་བོའི་ཚུལ་དང་། དེ་ལས་སྒྲིབ་པ་ཤས་ཆུང་བར་གྱུར་པ་ན་བྱང་འཕགས་ཀྱི་ཚུལ་དང་། ཚོགས་ལམ་ཆེན་པོ་ནས་མཆོག…

ཀྱི་སྒོ་ནས་བསྟེན་པ་སྟེ། ཚོང་དཔོན་གྱི་བུ་ནོར་བཟང་དང་། བྱང་ཆུབ་སེམས་དཔའ་རྟག་ཏུ་ངུས་དགེ་བའི་བཤེས་གཉེན་བསྟེན་པ་དང་། སྒྲུབ་བརྒྱུད་འདི་པའི་དམ་པ་རྣམས་ཀྱིས་བླ་མ་བསྟེན་པའི་ཚུལ་ཇི་ལྟ་བར་བཤེས་གཉེན་དམ་པ་སྙིང་རྗེའི་དབང་དུ་གྱུར་པ་དེའི་བཞེད་པ་སྐོང་བར་བྱེད་པའོ། །གདམས་པའི་བཅུད་ཐོབ། ཅེས་པའི་གདམས་པ་ནི། གདུལ་བྱའི་རྒྱུར…

པའོ། །དེ་ལྟར་སྒྲུབ་པ་ལ་བར་ཆད་མ་མཆིས་པ་ཞེས་བྱ་བ་ནི། ཕྱི་རོལ་གྱི་འབྱུང་བ་བཞི་དང་མི་དང་མི་མ་ཡིན་པ་ལ་སོགས་ཀྱི་བར་ཆད་དང་། ནང་དུ་ནད་དང་ཉོན་མོངས་པ། རྣམ་པར་རྟོག་པ་ལ་སོགས་པའི་བར་ཆད་དེ་མདོར་ན་ཐར་པ་དང་ཐམས་ཅད་མཁྱེན་པ་སྒྲུབ་པའི་ལམ་ལ་བར་དུ་གཅོད་པ་མཐའ་དག་དང་བྲལ་བ་ཞེས་སོ། །ཚིག་རྐང་མཐའ་མས་ནི། སྔ་མ་གསུམ་གྱི་དོན་མདོར་…

མུན་ནག་བཅོམ། །བསྒོམས་བྱུང་འོད་ཀྱིས་གནས་ལུགས་ཅི་བཞིན་གསལ། །ཤེས་རབ་གསུམ་གྱི་སྣང་བ་རྒྱས་པར་ཤོག །ཅེས་པ་སྟེ་ཚིག་རྐང་དང་པོས་ཐོས་བྱུང་གི་ཤེས་རབ། གཉིས་པས་བསམ་བྱུང་གི །གསུམ་པས་བསྒོམས་བྱུང་གི །བཞི་པས་སྨོན་ལམ་གྱི་མདོར་བསྡུས་སྟོན་པའི་དང་པོ་ནི། ལུང་ཞེས་པ་འདི་སྐབས་བཀའ་དང་བསྟན་བཅོས་གཉིས་ཀྱི་བཀའ་ནི། རྒྱུད་བླ་མ་ལས། …

སྔགས་སྡེ་སྣོད་འདི་དག་ཏུ་འདུ་འམ་ཞེ་ན། གསུམ་གའི་སྙིང་པོ་ཡིན་པའི་ཕྱིར་ཁྱད་པར་གྱི་སྒོ་ནས་རིག་པ་འཛིན་པའི་སྡེ་སྣོད་ཅེས་ཟུར་དུ་བྱས་པ་ཙམ་ལས་ངེས་པར་འདུ་སྟེ། རང་བྱུང་རྒྱལ་བས། ཟབ་མོའི་མདོ་འདུལ་མངོན་པ་ཡིས། །ཅེས་གསུངས་ཤིང་། རྡོ་རྗེ་སྙིང་འགྲེལ་ལས། སངས་རྒྱས་པ་ལ་བཞི་པ་དང་། །ལྔ་པ་ཐུབ་པའི་དགོངས་པ་མིན། །ཞེས་གསུངས་པས་ས…

དང་སྡེ་བདུན་ལ་སོགས་པའི་གཞུང་ལུགས་རྣམས་ནས་འབྱུང་བ་ལྟར་དམ་བཅའ་དང་གཏན་ཚིགས་དང་། དཔེ་ལ་སོགས་པའི་སྒོ་ནས་ལེགས་པར་གཏན་ལ་ཕབ་པས། རྟོགས་བྱའི་དོན་གང་ཡིན་པ་དེ་དོན་སྤྱིའི་ཚུལ་གྱིས་ཤེས་པར་བྱེད་པའོ། །དེ་ལྟར་བུའི་ལུང་དང་རིག་པ་གཉིས་བླ་མ་ལས་ཐོས་ཤིང་ཤེས་པར་བྱས་པས་ཐོས་པ་ལས་བྱུང་བའི་ཤེས་རབ་སྐྱེ་ཞིང་དེའི་མི་མཐུན་ཕྱོགས་ལུ…

ཐབས་ཚུལ་མན་ངག་སྟོན་པ་གྲོགས་ཀྱི་མཆོག །ཅེས་སོགས་གསུངས་པའོ།། ༈ །།གཉིས་པ་ནི། མན་ངག་ཅེས་པ། ལེགས་སྦྱར་ཨུ་པ་དེ་ཤ་སྟེ་བདེ་བར་གཤེགས་པས་རང་རེའི་སྲིད་ཞིའི་འཆིང་བ་ལས་སྒྲོལ་བར་མཛད་པའི་སླད་དུ་ཐུགས་བརྩེ་བས་ཉེ་བར་བསྟན་པའི་དོན་དེ་དག་རང་རྒྱུད་དང་སྦྱར་ཏེ་ཚུལ་བཞིན་དུ་སེམས་པར་བྱེད་པ་ནི་མན་ངག་བསམ་པ་ཡིན་ཞིང་། ཁྱད་པར་དུ་བད…

བཅོམ་ཞེས་པའོ།། ༈ །།གསུམ་པ་ནི་མང་དུ་ཐོས་ཤིང་ཐོས་པའི་དོན་ལ་ཚུལ་བཞིན་དུ་བསམ་པར་བྱས་པས་ཐེ་ཚོམ་དང་བྲལ་བའི་ངེས་པ་རྙེད་པ་དེ་ལ་མཉམ་པར་བཞག་ཅིང་སྒོམ་པ་ལས། བསྒོམས་བྱུང་གི་ཤེས་རབ་སྐྱེ་ཞིང་ཤེས་རབ་ཀྱི་འོད་དེས་གནས་ལུགས་ཀྱི་ངོ་བོ་ཉིད་ཇི་ལྟ་བ་བཞིན་དུ་གསལ་ཞེས་པའོ། །གནས་ལུགས་ཞེས་བྱ་བ་ནི་གཟུགས་ནས་རྣམ་མཁྱེན་གྱི་བར་གྱི་ཆ…

ལས་བདེ་བ། །དེ་ཉིད་སངས་རྒྱས་དངོས་པོ་མིན། །དེ་ཉིད་དངོས་མེད་ཚུལ་ཡང་མིན་། །ཞལ་ཕྱག་རྣམ་པའི་གཟུགས་ཅན་ཉིད། །མཆོག་ཏུ་མི་འགྱུར་བདེ་བའི་གཟུགས། །དེ་ཕྱིར་འགྲོ་ཀུན་ལྷན་ཅིག་སྐྱེས། །ཞེས་ཁུ་བའི་སྒྲས་ཀུན་རྫོབ་བྱང་ཆུབ་ཀྱི་སེམས་ལས་གྲུབ་ཅིང་སྣང་བ་མཆོག་ཏུ་མི་འགྱུར་བའི་བདེ་བའི་རྟེན་རྩ་རླུང་ཐིག་ལེའི་དྭངས་མ་རྡུལ་གྱི་ཆོས་ཉི…

སྣང་ཞིང་འཐད་པ་སྒྲུབ་པའི་ལུང་རིགས་མང་ཡང་རེ་ཞིག་མ་སྤྲོས་སོ།། ༈ །།གཉིས་པ་སེམས་དངོས་པོའི་གནས་ལུགས་ནི། རྒྱར་མ་ཆད་ཕྱོགས་སུ་མ་ལྷུང་སྤྲོས་པའི་མཐའ་དང་བྲལ་བའི་ཆོས་ཀྱི་དབྱིངས་སོ། །དེའང་གྲོལ་ཐིག་ལས། རྣམ་པར་རྟོག་པ་ཀུན་བྲལ་བས། །བསམ་བརྗོད་ཡུལ་ལས་ཤིན་ཏུ་འདས། །མཁའ་བཞིན་དྲི་མེད་ཀུན་འབྱུང་བ། །བརྟག་བྲལ་ཟབ་མོ་ཉིད་ཅེས་བྱ…

ལུགས་དེ་གཉིས་ཆུ་དང་འཁྱག་སྦྲམ་བཞིན་དུ་དབྱེར་མི་ཤེས་པས་གཞི་དུས་ཀྱི་སྐུ་གཉིས་ཟུང་འཇུག་ཅེས་བྱ་ཞིང་། དེ་ཉིད་སྒོམ་སྟོབས་ཀྱིས་རང་རིག་མངོན་སུམ་ཁོ་ནས་གསལ་བར་ནུས་ཀྱི་ཐབས་གཞན་གྱིས་མ་ཡིན་ཏེ། །འདི་ལ་བསལ་བྱ་ཅི་ཡང་མེད། །གཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་ལྟ། །ཡང་དག་མཐོང་ན་རྣམ་པར་གྲོལ། །ཅེས་འབྱུང་ངོ་། །ཤེས་…

རྒྱས་པས་དེ་ཁོ་ན་ཉིད་ཀྱི་རང་བཞིན་མངོན་སུམ་དུ་གསལ་བར་གྱུར་ཅིག་ཅེས་པའོ།། ༈ །།གསུམ་པ་འཁྲུལ་མེད་ཀྱི་ལམ་ཉིད་ལ་སྨོན་པ་ནི། །རྟག་ཆད་མཐའ་བྲལ་བདེན་གཉིས་གཞི་ཡི་དོན། །སྒྲོ་སྐུར་མཐའ་བྲལ་ཚོགས་གཉིས་ལམ་མཆོག་གིས། །སྲིད་ཞིའི་མཐའ་བྲལ་དོན་གཉིས་འབྲས་ཐོབ་པའི། །གོལ་འཕྱུགས་མེད་པའི་ཆོས་དང་འཕྲད་པར་ཤོག །ཅེས་པ་སྟེ། དེའང་ཚིག་རྐང…

སོ། །དེ་གཉིས་ཀྱི་མཚན་ཉིད་ཀྱང་རིམ་བཞིན་ཆོས་གང་ལའང་ཡོད་ཅེས་མཐའ་གཅིག་ཏུ་བཟུང་བ་དང་མེད་ཅེས་མཐའ་གཅིག་ཏུ་བཟུང་བའི་རྟོག་པ་ཡིན་ཏེ། ཇི་སྐད་དུ། ཡོད་ཅེས་བྱ་བ་རྟག་པར་ལྟ། །མེད་ཅེས་བྱ་བ་ཆད་པར་ལྟ། །ཞེས་འབྱུང་བའི་ཕྱིར་རོ། །དེ་ལྟ་བུའི་ལྟ་བ་འཛིན་པ་པོ་གང་དུ་ཡོད་ཅེ་ན། གཙོ་བོར་ཕྱི་རོལ་པ་དང་། ནང་པ་ལའང་ཡོད་དེ། ཕྱི་རོལ་པ་ལ…

སུ་འབྲང་ཞིང་། ཤེས་བྱ་ཚིག་དོན་དྲུག་སོགས་ཁས་ལེན་པ་དབང་ཕྱུག་པ་དང་། ཁྱབ་འཇུག་ལྷར་འཛིན་ཞིང་སྟོན་པ་རྒྱལ་དཔོགས་པ་སོགས་ཀྱི་རྗེས་སུ་འབྲང་བ་ཁྱབ་འཇུག་པ་དང་། དྲང་སྲོང་རྒྱལ་བ་དམ་པའི་རྗེས་སུ་འབྲང་ནས་རྫས་དྲུག་སོགས་ཁས་ལེན་པ། གཅེར་བུ་པ་སྟེ་འདི་དག་རྟག་སྨྲ་སྡེ་བཞི་ཞེས་གྲགས་པ་རྣམས་སོ། །གཞན་ཡང་། ལྷ་མ་ཡིན་གྱི་རྗེས་སུ་འབྲ…

ཕྲན་ཡོད་པར་སྨྲ་བ་སོགས་དང་། སེམས་ཙམ་པས་གཉིས་སྟོང་གི་ཤེས་པ་བདེན་གྲུབ་ཏུ་འདོད་པས་འཛིན་པ་ཆོས་ཀྱི་བདག་ཁས་བླངས་པར་སོང་བ་སོགས། ཡོད་མེད་ཀྱི་མཐའ་བཟུང་བའི་ལྟ་བ་ཅན་རྣམས་ཏེ། སློབ་དཔོན་བློ་བརྟན་གྱིས་སུམ་ཅུ་པའི་འགྲེལ་བར། གང་དག་ཤེས་པ་བཞིན་དུ་ཤེས་བྱ་ཡོད་དོ། །ཞེས་སྨྲ་བ་ནི་རྟག་པའི་མཐའ་དང་། གང་དག་ཤེས་བྱ་བཞིན་དུ་ཤེས་པའ…

མ་ལྷུང་། བསམ་བརྗོད་ཀྱི་ཡུལ་ལས་ཤིན་ཏུ་འདས་པ། དང་པོའི་སངས་རྒྱས་དང་། གདོད་མའི་མགོན་པོ་དང་། དེ་བཞིན་ཉིད་སོགས་ཀྱི་སྒྲས་བསྟན་པ་དེའོ། །ཕྱི་མ་ནི་བརྟན་གཡོའི་ཆོས་ཐམས་ཅད་ཀྱི་སྣང་ཚུལ་སྤྲོས་པ་སྣ་ཚོགས་པ་རྟེན་ཅིང་འབྲེལ་པར་འབྱུང་བ་སྒྱུ་མ་ལྟ་བུ་འདིའོ། །དེ་ལྟར་ཡང་། སློབ་དཔོན་ཡེ་ཤེས་སྙིང་པོས། ཇི་ལྟར་སྣང་བ་འདི་ཁོ་ན། །ཀ…

འགྱུར། །གང་ལ་སྟོང་ཉིད་མི་རུང་བ། །དེ་ལ་ཐམས་ཅད་རུང་མ་ཡིན། ཞེས་གསུངས་པ་སོགས་གལ་ཏེ་ཆོས་རྣམས་རང་ངོ་ནས་བདེན་པར་གྲུབ་པ་ཞིག་ཡིན་ན་རང་རང་གི་མཚན་ཉིད་མི་གཏོང་བས། གཅིག་གིས་གཅིག་གི་གོ་བཀག་སྟེ་འབྱུང་བ་དང་འཇིག་པ་སོགས་མི་རུང་བར་འགྱུར་ཞིང་། གལ་ཏེ་ཆོས་ཐམས་ཅད་སྟོང་པ་ཉིད་ཡིན་ན་སྐྱོན་དེ་མི་གནས་པའི་ཕྱིར་སྟོང་པ་ཉིད་ལ་རྟེན…

འཕགས་པ་རྣམས་ཀྱིས་ཕྱིན་ཅི་མ་ལོག་པར་ཐུགས་སུ་ཆུད་པས་ཆོས་ཐམས་ཅད་སྐྱེ་བ་མེད་པར་གཟིགས་པ་གང་ཡིན་པ་སྟེ། དེ་ནི་དེ་ཉིད་ལ་དོན་དམ་པར་གཟིགས་པ་ཉིད་ཡིན་པས་དོན་དམ་པའི་བདེན་པའོ། །ཞེས་དང་། གང་གིས་ཐ་སྙད་ལ་མ་བརྟེན་པར་དོན་དམ་པ་བསྟན་པར་མི་ནུས་པ་དང་། གང་གི་ཕྱིར་དོན་དམ་པ་ལ་མ་བརྟེན་པར་མྱ་ངན་ལས་འདས་པ་ཐོབ་པར་མི་འགྱུར་པ་དེའི་ཕ…

འབྲས་སོགས་རྟེན་ཅིང་འབྲེལ་པར་འབྱུང་བའི་ཚུལ་དུ་སྣང་ཞིང་སྣང་ངོ་ཙམ་དུ་དོན་བྱེད་ནུས་པའི་གནད་མ་ཤེས་པར་ཐབས་ཀྱི་ཆ་སྤོང་བ་ཡོད་པ་ལ་མེད་པར་སྐུར་པ་འདེབས་པའི་མཐར་ལྷུང་བ་གཉིས་སུ་འདུས་པའི་དོན་ནོ། །མཐའ་བྲལ་ཚོགས་གཉིས་ལམ་མཆོག་ཅེས་པ། བཤད་མ་ཐག་པ་ལྟར་སྐུར་པ་འདེབས་པའི་མཐའ་ལ་མི་གནས་པའི་ཕྱིར་དེ་བཞིན་གཤེགས་པའི་གཟུགས་ཀྱི་སྐུ…

སྡེ་རྒྱན་ལས། སྦྱིན་དང་ཚུལ་ཁྲིམས་བསོད་ནམས་ཀྱི། །ཚོགས་ཡིན་ཤེས་རབ་ཡེ་ཤེས་ཀྱི། །གསུམ་པོ་གཞན་ནི་གཉི་གའི་སྟེ། །ཞེས་འབྱུང་ངོ་། །དེ་གཉིས་ཟུང་འཇུག་ཏུ་ཉམས་སུ་ལེན་དགོས་པའང་། བྱང་ཆུབ་ལམ་སྒྲོན་ལས། ཐབས་དང་བྲལ་བའི་ཤེས་རབ་དང་། །ཤེས་རབ་བྲལ་པའི་ཐབས་དག་ཀྱང་། །གང་ཕྱིར་འཆིང་བ་ཞེས་གསུངས་པས། །དེ་བས་གཉིས་ག་སྤང་མི་བྱ། །ཞེས་…