མཛད་འདུག་པ་དང་། ཁྱད་པར་རྣལ་འབྱོར་མ་ཀུན་སྤྱོད་ཀྱི་རྒྱུད་ལས་གསུངས་པའི་དོན་སློབ་དཔོན་དཔའ་བོ་རྡོ་རྗེས་བཀྲལ་བར། དང་པོ་ཆོས་སྐུ་བསྟན་པ་ནི། ཕྱག་རྒྱ་ཆེན་པོ་ཞེས་པ་ལ་སོགས་པས་བསྟན་ཏེ། ཕྱག་རྒྱ་ཆེན་པོ་ནི་ཆོས་ཀྱི་དབྱིངས་སོ། །རྣལ་འབྱོར་ཀུན་ཞེས་པ་ཤེས་བྱེད་ནི་ཞི་གནས་དང་ལྷག་མཐོང་ངོ་། །ཞེས་དང་། རྣལ་འབྱོར་ཀུན་གྱི་དབང་ཕྱ…

འབྱོར་ལ་མཉམ་པར་གཞག་པ་ན་སྐྱོན་མེད་པའི་ཉམས་གསུམ་སྐྱེ་བར་འགྱུར་ཏེ། ཞེན་ཆགས་དང་བྲལ་བའི་བདེ་བ་ཆེན་པོ་རྒྱུན་ཆད་མེད་པའི་ཉམས་དང་། ཡུལ་ལ་མཚན་མར་འཛིན་པ་དང་བྲལ་བའི་རང་རིག་འོད་གསལ་སྒྲིབ་གཡོག་མེད་པའི་ཉམས་དང་། བློ་ཡི་སྤྱོད་ཡུལ་ལས་འདས་པའི་མི་རྟོག་པ་སྟོང་པ་ཉིད་ལྷུན་གྱིས་གྲུབ་པའི་ཉམས་སོ། །དེ་ལྟར་བདེ་གསལ་མི་རྟོག་པའི་…

ནི་རྣམ་པ་ཀུན་ཏུ་སྤང་བར་བྱ་ཞིང་ཁྱད་པར་ཉམས་མ་སྐྱེས་པ་ལ་སྐྱེ་བའི་ཕྱིར་རྩོལ་བ་བྱེད་པ་དང་སྐྱེས་པ་ལ་ཆེད་དུ་འཛིན་པ་གཉི་གའང་སྐྱོན་ཡིན་པར་མཚུངས་ཏེ་སྔ་མས་ཉམས་མྱོང་སྐྱེ་བའི་གེགས་བྱེད་ཅིང་། ཕྱི་མས་སྐྱེས་པ་རྒྱུན་ཆད་པར་འགྱུར་བའི་ཕྱིར་རྣམ་པ་ཀུན་ཏུ་རེ་དོགས་མཚན་འཛིན་རྩོལ་སྒྲུབ་རྣམས་ཀྱི་རྟོག་པ་སྤོང་བ་ཉིད་གནད་དུ་ཆེའོ་…

རྩལ་རྫོགས་པར་འགྱུར་ཞིང་དེས་ཡོན་ཏན་ཐམས་ཅད་ལྷུན་གྲུབ་ཏུ་འབྱུང་ངོ་། །ཉམས་དེ་ལྟར་སྐྱེ་བའི་རྒྱུ་མཚན་ཡང་། མདའ་བསྣུན་ཞབས་ཀྱིས། སེམས་འགགས་པ་དང་རླུང་འགགས་པ། །དཔལ་ལྡན་བླ་མའི་མན་ངག་ཡིན། ཞེས་གསུངས་པ་ལྟར། སེམས་ཟིན་པས་རླུང་ཟིན། དེས་དྲོད་སྐྱེ། དེས་བདེ་བ་སྐྱེ། དེ་ལ་བརྟེན་ནས་གསལ་བ་དང་མི་རྟོག་པའང་འབྱུང་བར་འགྱུར་ཞིང་ག…

བ་སྤངས་པས་བདེ་སྡུག་གང་གི་ངོ་བོར་ཡང་མི་གནས་པའི་ཕྱིར་རོ། །དོན་འདི་ལ་དགོངས་ནས། ཧེ་བཛྲ་ལས། དེ་ལ་ཐོག་མ་དབུས་མཐའ་མེད། །སྲིད་མེད་མྱ་ངན་འདས་པ་མེད། །འདི་ནི་མཆོག་ཏུ་བདེ་ཆེན་ཉིད། །བདག་མེད་གཞན་ཡང་མེད་པའོ། །ཞེས་གསུངས་སོ། །འདི་ལྟ་བུའི་བདེ་བ་ཆེན་པོ་ཉིད་ལས་གསལ་བ་དང་སྟོང་པའི་ཆོས་ཤིག་ཟུར་དུ་འབྱེད་མི་རིགས་ཏེ་གསལ་སྟོང་…

བཤད་མ་ཐག་པ་ལྟར་ཉམས་སྐྱེས་པ་ལ་བཟང་རློམ་གྱི་ཤེས་པ་རང་སར་གྲོལ་ཞིང་། འཁྲུལ་ཆོས་ཀྱི་རྗེས་སུ་འབྲེང་བའི་རྟོག་པས་ནི་གནས་ལུགས་ཀྱི་དོན་མཐོང་བ་ལ་སྒྲིབ་པར་བྱེད་པས་ངན་པར་འཇོག་པའི་ཕྱིར་རྟོག་པ་ངན་པ་ཡིན་ལ་དེ་ཆེད་དུ་མ་སྤངས་ཀྱང་མཉམ་པར་བཞག་པའི་མཐུས་རང་བཞིན་གྱིས་དེ་ཁོ་ན་ཉིད་ཀྱི་དབྱིངས་སུ་དག་པས། ཐ་མལ་གྱི་ཤེས་པ་ཞེས་པ་གཉུ…

དེ་ལྟར་ཐ་མལ་གྱི་ཤེས་པ་ལ་སྤང་བླང་བྲལ་ཐོབ་ཀྱི་མཚན་མ་མཐའ་དག་རང་སར་ཞི་བས་གནས་ལུགས་མཐོང་བར་བཞག་པ་ལ་རྒྱུ་མཚན་ཡོད་དེ། རྔ་བོ་ཆེའི་མདོ་ལས། དེ་ནི་སེམས་དང་བྱང་ཆུབ་དང་། །རྣམ་པ་གཉིས་སུ་མི་མཐོང་སྟེ། །བྱང་ཆུབ་ཀྱི་ནི་མཚན་ཉིད་གང་། །སེམས་ཀྱང་དེ་ཡི་མཚན་ཉིད་ཡིན། །ཞེས་དང་། ཏིང་རྒྱལ་ལས། གཟུགས་ཀྱི་རང་བཞིན་གཞན་ཡིན་ལ། །སྟོང…

གྲོལ། །དེ་ཉིད་སྦྱོར་བ་གཉིས་མེད་གཞན། །ཞེས་སོགས་མཐའ་ཡས་པར་གསུངས་པ་ལྟར་འཁོར་འདས་སམ་བདེན་པ་གཉིས་ཞེས་བྱ་བ་ནམ་དུའང་མེད་ཅིང་མི་དམིགས་པའི་གཉིས་སུ་མེད་པའི་ཚུལ་ནི་ཐ་མལ་གྱི་སེམས་གནས་ལུགས་ཆོས་ཉིད་ཀྱི་བདེན་པ་ཡིན་ལ། དེ་དེ་ལྟར་མཐོང་བའི་ཚེ་སྤང་བླང་ལ་སོགས་པའི་མཚན་མ་སྒྲོག་རང་རྡལ་དུ་འགྲོ་སྟེ། སློབ་དཔོན་ཀླུས། གང་ལ་མྱ་ང…

ཁྱད་པར་སྐྱེས་པ་རྣམས་སྤངས་ཏེ། གཉུག་མའི་རང་བཞིན་བྱང་ཆུབ་ཀྱི་ངོ་བོ་ཤིན་ཏུ་གཟི་བརྗིད་དང་ལྡན་པའི་བློ་རྗེས་སུ་འཚོལ་ཏེ། གང་གི་ཚེ་དེས་ཀུན་ཏུ་འཁྱུད་པར་གྱུར་ན་དེའི་ཚེ་ནམ་མཁའ་དང་ནམ་མཁའ་བཞིན་དུ་འདྲེས་པར་གྱུར་ཏེ། སྔར་ཡུལ་རྣམས་ལ་དགའ་བ་དང་ཆགས་པ་དང་ལྡན་པའི་རྣམ་པར་གཡེང་བའི་ཁྱད་པར་སྐྱེ་བ་རྣམས་མེད་ཅིང་། ནམ་མཁའ་དང་མཚུང…

གྱིས་བྱང་སེམས་ལས་དང་པོ་པ་ལ་ཆོས་ཇི་ལྟར་སྟོན་དྲིས་པའི་ལན་དུ། འདོད་ཆགས་མ་སྤོང་ཞིག །ཞེ་སྡང་མ་གཞིལ་ཅིག །གཏི་མུག་མ་སེལ་ཅིག །འཇིག་ཚོགས་ལས་གྱེན་དུ་མ་སྐྱོད་ཅིག །སོགས་ནས། སངས་རྒྱས་ཡིད་ལ་མ་བྱེད་ཅིག །ཆོས་མ་སེམས་ཤིག །དགེ་འདུན་ལ་མཆོད་པ་མ་བྱེད་ཅིག །བསླབ་པ་དག་ལ་མ་ལེན་ཅིག །སྲིད་པ་ཉེ་བར་ཞི་བ་དོན་དུ་མ་གཉེར་ཅིག །ཆུ་བོ་…

བྱང་ཆུབ་སེམས་དཔའ་འདི་ནི་ཕྱིར་མི་ལྡོག་པ་སྟེ་ཕྱིར་མི་ལྡོག་པའི་སའི་སྐལ་བ་ཅན་ཡིན་ནོ་སྙམ་དུ་ཤེས་པར་བྱ་སྟེ་གདམས་ངག་འདིས་ཡང་ནས་ཡང་དུ་དགའ་བ་བསྐྱེད་པར་བྱའོ། །ཞེས་སྨྲས་པར་གསུངས་པ་ལྟར་རོ། །དེ་ལྟ་བུའི་བདེན་པ་མཐོང་བ་ཉིད་ནི་ཕྱག་རྒྱ་ཆེན་པོའི་ཡེ་ཤེས་སྐྱེས་པའང་ཡིན་ཏེ། བརྟག་གཉིས་ལས། རང་གི་རིག་པའི་ཡེ་ཤེས་ནི། །ངག་གི་སྤ…

བསྟན་པའི་ཕྱིར་རོ། །ཡང་འགའ་ཞིག་གིས་སེམས་ངོ་མཐོང་བའི་ཚད་རྣམ་རྟོག་ངོས་ཟིན་པ་ལ་བྱེད་པར་འདུག་ཀྱང་དེས་སེམས་ངོ་མཐོང་བའི་གོ་མི་ཆོད་དེ། ངོ་བོ་དང་རང་བཞིན་དོན་གཅིག་པས་རྣམ་རྟོགས་སེམས་ཀྱི་རང་བཞིན་ནམ་ངོ་བོ་ཉིད་མ་ཡིན་པའི་ཕྱིར་ཏེ། རྣམ་རྟོག་གློ་བུར་གྱི་འཁྲུལ་པ་ཡིན་པའི་ཕྱིར་རོ། ༈ །གསུམ་པ་སྟོང་ཉིད་སྙིང་རྗེ་ཟུང་འཇུག་གི…

ལུགས་ཀྱི་དོན་མཐོང་ནས་དམིགས་མེད་ཀྱི་སྙིང་རྗེ་སྐྱེ་ཞིང་། སྟོང་ཉིད་སྙིང་རྗེའི་སྙིང་པོ་ཅན། །ཞེས་བྱ་བ་དེ་འབྱུང་བ་ཡིན་པས་འདིར་བསྟན་གྱི་སྙིང་རྗེའང་ཕྱི་མ་ཡིན་ནོ། །འོ་ན་དེའི་ཚུལ་ཇི་ལྟ་བུ་ཞེ་ན། གོང་དུ་ལྟ་བའི་དོན་འཆད་པའི་སྐབས་བཤད་པ་ལྟར་འགྲོ་བ་འདི་རྣམས་ཀྱི་རང་བཞིན་ནི་དུས་རྟག་ཏུ་སངས་རྒྱས་ཆོས་ཀྱི་སྐུའི་ངོ་བོར་བཞུ…

བསྒོམས་བྱས་ན། །གཞན་གྱི་དོན་ལ་ཆགས་པའི་བློ། །འབྱུང་བར་འགྱུར་བ་ཐེ་ཚོམ་མེད། །ཅེས་འབྱུང་བས་སོ། །བྱང་ཆུབ་སེམས་དཔའ་རྣམས་ཀྱིས་སྙིང་རྗེ་དེ་ལྟ་བུ་ལ་བརྟེན་ནས། གཞན་གྱི་དོན་ཁོ་ན་ལྷུར་ལེན་པར་མཛད་པས་འགྲོ་བ་ཐམས་ཅད་སོ་སོར་མཐུན་པར་སྲིད་པ་ཉེ་བར་བཟུང་ནས་འཁོར་བ་འདོར་བར་མི་མཛད་ཀྱང་ཉེས་པས་གོས་པར་མི་འགྱུར་ཏེ། ཇི་སྐད་དུ། གང…

པས་མ་གོས་པ། །ཆུ་ཡི་པད་མའི་འདབ་མ་བཞིན། །ཞེས་བཤད་པ་ལྟར་རོ། །ཤོག་ཅེས་པ་དེ་ལྟར་སྨོན་པའི་ཚིག་གོ། ༈ །།གཉིས་པ་དེ་སྟོང་པ་ཉིད་དང་ཟུང་དུ་འཇུག་ཚུལ་ནི། བཟོད་མེད་སྙིང་རྗེའི་རྩལ་ཡང་མ་འགགས་པའི། །བརྩེ་དུས་ངོ་བོ་སྟོང་དོན་རྗེན་པར་ཤར། །ཟུང་འཇུག་གོལ་ས་བྲལ་བའི་ལམ་མཆོག་འདི། །འབྲལ་མེད་ཉིན་མཚན་ཀུན་ཏུ་སྒོམ་པར་ཤོག །ཅེས་པ་སྟེ…

ཞེས་གསུངས་ཤིང་། རྡོ་རྗེ་རྩེ་མོ་ལས་ཀྱང་། སྟོང་ཉིད་སྙིང་རྗེའི་དབྱེ་བ་ནི། །མར་མེ་དང་ནི་སྣང་བ་བཞིན། །སྟོང་ཉིད་སྙིང་རྗེ་གཅིག་པ་ཡང་། །མར་མེ་སྣང་བ་ཇི་བཞིན་ནོ། །ཞེས་གསུངས་སོ། །དེ་དོན་བྱང་སེམས་དང་ཤེས་རབ་ཀྱི་ཕར་ཕྱིན་ཡང་ཡིན་ཏེ། མན་སྙེ་ལས། འདིར་སྟོང་པ་ཉིད་དང་སྙིང་རྗེ་དབྱེར་མེད་པ་རབ་ཏུ་མི་གནས་པའི་སེམས་ནི་བྱང་ཆུབ…

བྱེད། །ཅེས་དང་། ཀླུའི་རྒྱལ་པོ་རྒྱ་མ ཚོས་ཞུས་པའི་མདོ་ལས། བདུད་ཀྱི་ལས་ནི་གཉིས་ཏེ། ཤེས་རབ་དང་བྲལ་བའི་ཐབས་དང་། །ཐབས་དང་བྲལ་བའི་ཤེས་རབ་སྟེ། །བདུད་ཀྱི་ལས་སུ་ཤེས་པས་སྤང་བར་བྱའོ། །ཞེས་དང་། ཇོ་བོ་རྗེ་ཡི་ལམ་སྒྲོན་དུ། །ཐབས་དང་བྲལ་བའི་ཤེས་རབ་དང་། །ཤེས་རབ་བྲལ་བའི་ཐབས་དག་ཀྱང་། །གང་ཕྱིར་འཆིང་བ་ཞེས་གསུངས་པས། །དེ་བས…

པས་ཉན་རང་གི་ལམ་དུ་གོལ་བར་འགྱུར་བས་གཞན་དོན་ལ་ཡུན་རིང་པོའི་གེགས་སུ་འགྱུར་བ། ཇི་སྐད་དུ། དམྱལ་བར་འགྲོ་བ་བྱང་ཆུབ་ལ། །གཏན་གྱི་གེགས་བྱེད་མ་ཡིན་ཏེ། །ཉན་ཐོས་དང་ནི་རང་རྒྱལ་དག །བྱང་ཆུབ་འཐོབ་པའི་གཏན་གྱི་གེགས། །ཞེས་འབྱུང་བ་ལྟར་ངེས་པས་ཐེག་པ་ཆེན་པོའི་ལམ་གྱི་གོལ་སའང་ཡིན་ནོ། །དེ་ལྟར་གོལ་ས་དང་བྲལ་བའི་ཟུང་འཇུག་གི་ལམ་འ…

གཅིག་གིས་ཚོགས་སྦྱོར་གྱི་ལམ་དང་། རྟོགས་པ་སྐྱེ་ཚུལ་གྱི་ཚིགས་བཅད་གཅིག་དང་། དེ་ཕྱིན་ཚིགས་བཅད་གཉིས་དང་བཅས་པ་འདིས་མཐོང་བསྒོམ་གྱི་ལམ་བསྟན་པར་ཤེས་དགོས་སོ། །འོ་ན་འདི་ཡན་ཆད་དུ་སྤྱོད་པ་མ་བསྟན་པ་ཡིན་ནམ་ཞེ་ན། སྒོམ་པ་བསྟན་པ་ཉིད་ཀྱིས་སྤྱོད་པ་བསྟན་པར་གྲུབ་སྟེ། སྤྱིར་སྔགས་ཀྱི་སྤྱོད་པ་ལ་སྤྲོས་བཅས་སྤྲོས་མེད་གཉིས་སུ་གས…

འབྱུང་། །ཕྱག་རྒྱ་དཀྱིལ་འཁོར་གསང་སྔགས་རྣམས། །རྣལ་འབྱོར་དེ་ལས་རྣམ་དག་ཉིད། །ཞི་བ་རྒྱས་པ་གཉིས་ཀྱི་ལས། །སྔགས་ལས་སྐྱེས་པ་གཞན་གང་ཡང་། །ཆུ་བོ་གང་གཱའི་བྱེ་མའི་གྲངས། །ཇི་སྙེད་དངོས་གྲུབ་ཕྲ་མོ་དང་། །ཕྱག་རྒྱའི་དངོས་གྲུབ་གཞན་ཉིད་རྣམས། །ཇི་སྙེད་ས་ལ་རྣམ་གྲགས་པ། །རྣལ་འབྱོར་འདི་ལས་སྐྱེས་པ་རུ། །ཐུགས་ཀྱི་རྡོ་རྗེ་གསུངས་…