གཟུང་འཛིན་སྲིད་རྩའི་རྣམ་རྟོག་རང་སར་གྲོལ་བས་དཔེར་ན་རྩ་བ་བཅད་པའི་སྡོང་པོ་ལ་ལོ་འདབ་ངང་གིས་སྐམ་པ་བཞིན་ནོ༔ ལུང་ལས༔ ཀུན་གཞི་རྣམ་པར་དག་ཤེས་ན༔ གཞི་དོན་མངོན་གྱུར་རང་སར་གྲོལ༔ ཅེས་སོ༔ དེ་ནས་རྣམ་རྟོག་སེམས་སུ་ངོ་སྤྲད་པ་ནི༔ རིག་པའི་རང་རྩལ་མི་དྲན་དགུ་དྲན་འདི་ལ་སེམས་ཞེས་བྱ་སྟེ༔ རགས་པ་དང་༔ ཕྲ་བ་དང་༔ ལུང་དུ་མ་བསྟན་པའ…

ཡུལ་མེད་དེ༔ སྔར་འདས་པ་མེད་དོ༔ ཕྱིས་འབྱུང་བ་མེད་དོ༔ ད་ལྟར་གནས་པ་ཡང་མེད་དོ༔ ལས་མེད་དོ༔ བག་ཆགས་མེད་དོ༔ མ་རིག་པ་མེད་དོ༔ སེམས་མེད་དོ༔ ཤེས་རབ་མེད་དོ༔ འཁོར་བ་མེད་དོ༔ མྱ་ངན་ལས་འདས་པ་མེད་དོ༔ རིག་པ་ཉིད་ཀྱང་ཡོད་པ་མ་ཡིན་ཏེ༔ ཡེ་ཤེས་སུ་སྣང་བ་གང་ཡང་མེད་དོ༔ དེ་ཐམས་ཅད་འཛིན་པ་མེད་པ་ལས་བྱུང་ངོ་༔ ཞེས་སོ༔ དེ་ནས་སྟོང་པ་ས…

དོན་རང་བྱུང་གི་རིམ་པ་གསལ་སྟོང་གཉིས་མེད་རང་གྲོལ༔ སངས་རྒྱས་ཀྱི་དགོངས་པར་ངོ་སྤྲད་དེ༔ རང་གི་རིག་པ་དངོས་པོ་དང་མཚན་མར་གྲུབ་པ་མེད་དེ༔ ངོ་བོ་སྟོང་པ་ངོས་བཟུང་མེད་པ་འདི༔ ཆོས་སྐུ་ཀུན་ཏུ་བཟང་པོ་ཡིན་ནོ༔ སྟོང་པ་སྟོང་པར་ཕྱང་མ་ཆད་པ་སྟེ༔ རང་ས་ན་ས་ལེ་ཧྲིག་གེ་བ་འདི་ཆོས་སྐུ་ཀུན་ཏུ་བཟང་པོ་ཡིན་ནོ༔ དེ་ལྟར་གསལ་སྟོང་གཉིས་སུ…

ཤེས་སུ་རང་གྲོལ༔ ང་རྒྱལ་ནི་ཀུན་ལས་ང་རྒྱལ་བས་ཏེ༔ མཉམ་པ་ཉིད་ཀྱི་ཡེ་ཤེས་གསལ་སྟོང་དུ་རང་གྲོལ༔ འདོད་ཆགས་ནི་མ་འགགས་པའི་ངོས་ནས་སོ་སོར་རྟོགས་པའི་ཡེ་ཤེས་ཏེ༔ བདེ་སྟོང་དུ་རང་གྲོལ༔ ཕྲག་དོག་ནི་ཐོགས་རྡུགས་མེད་པའི་ངོས་ནས་བྱ་བ་གྲུབ་པའི་ཡེ་ཤེས་སུ་རང་གྲོལ་བའོ༔ དེ་ལྟར་རྩ་བ་ཉོན་མོངས་པ་ལྔ་པོ་ལས་ཉོན་མོངས་པ་བརྒྱད་ཁྲི་བཞི་ས…

མེད་པར་སུས་རྟོགས་པ༔ འདི་ལ་སྣང་སྟོང་གཉིས་སུ་མེད༔ ཚོགས་དྲུག་མ་འགགས་ལྷུག་པའོ༔ ཞེས་སོ༔ དེ་ལྟར་བསམ་འདས་བརྗོད་མེད་ཀྱི་ངང་ནས་མ་ཡེངས་པར་བལྟས་པས་ཆོས་སུ་འཛིན་པ་ཐམས་ཅད་ལས་གྲོལ་ཏེ༔ གདོད་མ་ནས་ཀ་དག་གི་གཞིར་རང་གྲོལ་ལོ༔ དེ་ལྟར་རྟོགས་པའི་དོན་ལ་བློས་གཏད་པས་བསྒོམ་དུ་མེད་དེ༔ བསྒོམ་མི་བསྒོམ་གྱི་འཛིན་པ་ལས་རང་གྲོལ་ལོ༔ མ་བ…

གྱིས་གྲོལ་བས་མཐོང་སར་ཡལ༔ ཡོངས་སུ་གྲོལ་བས་འབད་རྩོལ་མེད༔ ཅེས་སོ༔ ཡང་དེ་ཉིད་ལས༔ དེ་ལྟར་རང་སེམས་གྲོལ་གྱུར་ན༔ བར་དོ་མེད་པར་སངས་རྒྱའོ༔ ཞེས་སོ༔ དེ་ལྟར་ངོ་སྤྲོད་པ་གལ་ཆེའོ༔ གཉིས་པ་ཐོད་རྒལ་གྱི་ཁྲིད་ཡིག་གཞན་དུ་ཤེས་སོ༔ ངོ་སྤྲོད་ཀྱི་ཞལ་གདམས་ཌཱཀྐི་ཡེ་ཤེས་མཚོ་རྒྱལ་ལ་གདམས་པ༔ མ་འོངས་ལས་ཅན་ཅིག་དང་འཕྲད་པར་ཤོག༔ ས་མ་ཡ༔ …

རྩལ་དབང་བཞུགས་པ་ལགས་སོ༔

དེ་ནས་ཀུན་བཟང་ཡབ་ཡུམ་གྱི༔ སྨིན་བྱེད་རིག་པའི་རྩལ་དབང་བསྐུར༔ མཚན་ཉིད་ལྡན་པའི་བླ་མ་ཡིས༔ སྐལ་བར་ལྡན་པའི་སློབ་བུ་ལ༔ རབ་འབྱམས་དབང་བསྐུར་གསུམ་དུ་བསྟན༔ བླ་མ་རྡོ་རྗེ་འཛིན་པ་ལ༔ མེ་ཏོག་ལན་དང་བཅས་ཏེ་ཞུ༔ གཏོར་ཚོགས་བཞི་སྡེ་གསུང་རབ་ཀློག༔ རིན་ཆེན་སྨན་འབྲུའི་མཎྜལ་ཕུལ༔ འུཾགཊྭཾ༔ མ་ཧཱ་གུ་རུ་ཀུན་བཟང་ཡབ་ཡུམ་ན་མོ་ཧཱུྃ༔ མ་…

རྒྱུད་ཀྱི་བཅངས་ཐབས་བཞུགས་སོ༔ ཡིད་བཞིན་ནོར་བུའི་རྒྱུད་འདི་རྣམས༔ བསྟན་པ་གང་ལ་བབས་པ་ཡི༔ རིན་ཆེན་བཞུ་བའི་ཁུ་བ་ཡིས༔ གླེགས་བམ་སོར་བརྒྱད་ལེགས་བྲིས་ལ༔ རབ་གནས་སྣ་ཚོགས་གོས་ཀྱིས་གྲིལ༔ མཎྜལ་ཁར་བཞག་ཚོགས་གཏོར་བྱ༔ རིན་ཆེན་འབྲུ་སྨན་མཎྜལ་དབུལ༔ དབང་བསྐུར་རྒྱུད་བཀླག་བུ་ལ་བཏགས༔ དེ་ཉིད་བཅངས་པས་སངས་རྒྱའོ༔ གཞན་དོན་བཞུགས་ས…

རྟགས་བསྟན་བཞུགས་སོ༔ ཨེ་མ་འདི་འཆང་བཏགས་གྲོལ་སྐྱེས་བུ་ནི༔ དུས་གསུམ་རྒྱལ་བའི་མཆོད་རྟེན་ཡིན༔ དེ་ཉིད་འདས་ཚེ་གདུང་བཞུ་བས༔ འཇའ་འོད་ཟེར་དང་མེ་འོད་དུད་པའི་རྟགས༔ གདུང་རིགས་ལྔ་འམ་གཅིག་འབྱུང་ངེས༔ རྣལ་འབྱོར་ཕྱིར་མི་ལྡོག་རྟགས་སུ༔ རྡོ་རྗེ་རིན་ཆེན་པདྨའི་གདུང་༔ ལས་དང་དེ་བཞིན་གཤེགས་པའི་གདུང་༔ ཤ་ཁྲག་རུས་དང་ཡན་ལག་དང་༔ …

གསུང་ཐོབ་རྟགས་སུ་མེ་འོད་སྒྲ༔ འཇའ་ཚོན་ནམ་མཁའ་དངས་གསལ་བ༔ ངེས་པར་ཐུགས་ཐོབ་རྟགས་ཡིན་ནོ༔ གདུང་རིགས་ལྔ་ནི་འདི་ལས་འབྱུང་༔ མགོ་དང་ཁྲག་དང་རྒལ་ཚིགས་དང་༔ རྐང་དང་སྙིང་ལས་འབྱུང་བ་ཡིན༔ རྟགས་ལ་འབྲས་བུ་འདི་བཞིན་འབྱུང་༔ ཤ་རཱི་ཆུ་རཱི་བ་རཱི་ཡིས༔ སྐྱེ་མེད་ཡོན་ཏན་ལོངས་སྐུ་ཐོབ༔ ཉ་རཱི་པཉྩ་རམ་གྱིས་སུ༔ སྤྲུལ་སྐུ་སྐུ་ལྔ་ངེས་…

ཡོན་ཏན་འབྱུང་ཚུལ་བཞུགས་སོ༔ ཨེ་མ་འདི་ནི་ཁྱད་པར་འཕགས༔ ཀུན་གྱི་སྤྱོད་ཡུལ་མ་ཡིན་ཏེ༔ དབང་པོ་རྣམ་ལྔ་འོད་གྱུར་ཅིང་༔ རྒན་གཞོན་ཕོ་མོ་དགེ་སྡིག་མེད༔ བག་ཆགས་བཟང་ངན་མེད་པ་རུ༔ འདི་ཉིད་བཅངས་པས་བུདྡྷ་འོ༔ ཐ་མ་དབུགས་ལ་སླེབ་ཀྱང་གྲོལ༔ སངས་རྒྱས་གདུང་འཛིན་སྲས་གཅིག་ཡིན༔

ཆེ་བ་བསྟན་པ་བཞུགས་སོ༔ སྟོན་པ་ཀུན་བཟང་ཡབ་ཡུམ་གྱིས༔ ཉིད་ལས་མི་གཞན་སེམས་དཔའི་སྣོད༔ བྱིན་གྱིས་རླབས་ཀྱིས་བདག་ཉིད་ལ༔ བཏགས་པས་གཅིག་ཤེས་ཆོས་ཀུན་གྲོལ༔ བཅིངས་དང་གྲོལ་བའི་ཐབས་ལས་འདས༔ རྡོ་རྗེ་སེམས་དཔའི་བྱིན་རླབས་ཀྱིས༔ རང་བྱུང་དགའ་རབ་ཐུགས་ལ་ཤར༔ སིང་ཧ་ཉིད་ལ་རྒྱུད་གཏད་པ༔ ཀྱེ་ཀྱེ་ཛོ་ཀི་ཤྲཱི་སིང་༔ སྣང་སྲིད་འཁོར་འདས་…

གང་ལ་གནང་བའི་མི་དེས་ཀྱང་༔ མ་མཐོང་རྒྱུད་དང་བསྟན་བཅོས་རྣམས༔ ལྕེ་ཡི་དབང་པོས་བརྗོད་པར་ནུས༔ རྒྱུད་འདི་མ་རྟོགས་དགེ་བ་བཅུ༔ སྤྱད་ཀྱང་འཁོར་བ་ལས་མི་གྲོལ༔ དེ་སྔར་མཚམས་མེད་ལྔ་སྤྱད་ཀྱང་༔ འདི་ཕྲད་ངན་སོང་ལྟུང་མི་སྲིད༔ འདི་རིག་གཡོ་མེད་སྐྱེས་བུ་དེ༔ བསྒོམ་མི་དགོས་ཏེ་མཐོང་གྲོལ་འགྱུར༔ ཕ་རོལ་ཕྱིན་བཅུའི་སྙིང་པོའི་རྒྱུད༔ …

ལྡན་མ་གཏོགས་སྤེལ་མི་བྱ༔ འབྲས་བུ་ཡོངས་རྫོགས་བཏགས་གྲོལ་སྙིང་པོའི་རྒྱུད༔ དྲི་མེད་སྙིང་པོ་ཞེས་བྱ་བ་མཐར་ཐུག་དོན་གྱི་མཆོག༔ ཡང་གསང་ལེའུ་གཅིག་པ་རྫོགས་སོ༔ ལས་ཅན་ཅིག་དང་འཕྲད་པར་ཤོག༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ་ཡོད་དོ༔ ས་མ་ཡ༔ ཁཐཾ༔ ཨྠྀི༔ དགེའོ༔

ཐིག་ལེ་དངས་སྙིགས་འབྱེད་པ་དང་༔ རིགས་རྒྱུད་གཞག་ཐབས་ལག་ལེན་བཞུགས་པ་ལགས་སོ༔

རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ བདག་འདྲ་པདྨ་འབྱུང་གནས་ཀྱིས༔ ལས་དང་ལྡན་པའི་སྐྱེས་བུ་ལ༔ འབྱུང་བའི་དྭངས་སྙིགས་དབྱེ་བ་དང་༔ རིགས་རྒྱུད་གཞག་པའི་གདམས་པ་བསྟན༔ ས་མ་ཡ༔ རྒྱ་རྒྱ་རྒྱ༔ དང་པོ་ཐིག་ལེའི་དངས་སྙིགས་དབྱེ་བ་བསྟན་པ་ནི༔ ཡབ་ཡུམ་སྦྱོར་བ་བྱེད་པའི་དུས་སུ༔ ཐིག་ལེ་གསང་གནས་སུ་རྫོགས་འདོད་པའི་རྩེ་མཛོད་གཤམ་དགག་དུས་…

ཡང་ཡོད༔ ཞག་གཅིག་རྩི་ལུགས་ནི་སྐྱ་རེངས་དང་པོ་ཤར་ནས་ཞག་ཕྱི་མའི་སྐྱ་རེངས་ཚུན་ཆད་ཞག་གོ༔ ཡང་ཁ་ཅིག་ལ་ཁྲག་བྱུང་ནས་ཞག་བདུན་ཚུན་ཆད་དུ་བུ་སྣོད་ཁ་བྱེ་བར་བཤད་པ་ཡང་ཡོད་ཞག་ཟུང་ལ་བུ༔ ཁ་ཡར་ལ་བུ་མོ་ཡོང་བར་བཤད༔ འགའ་ཞིག་ཡ་ལ་བུ༔ ཟུང་ལ་བུ་མོར་ཡོང་བ་ཡང་ཡོད༔ དུས་གང་ཡིན་ལ་ས་བོན་བཏང་ངོ་༔ ཟླ་བ་ཕྱི་མར་ཁྲག་མ་བྱུང་ན་ཆགས་པ་ཡིན་ནོ…

གཞན་དོན་སྤྲུལ་སྐུ་གཞག་ཐབས་བཞུགས་པ་ལགས་སོ༔ རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ སྙིགས་མ་ལྔ་བདོ་བའི་དུས་སུ༔ རང་ཚད་དང་ལྡན་པའི་རྣལ་འབྱོར་པས༔ སྤྲུལ་པའི་སྐུ་འགྱེད་དེ༔ གང་ལ་གང་འདུལ་དུ་འགྲོ་དོན་བྱ་བར་འདོད་ན༔ གོང་དུ་ཐིག་ལེ་བཟུང་བར་བཤད་པ་དང་འགལ་ལམ་སྙམ་ན་མི་འགལ་ཏེ༔ འདི་ཐེག་པ་ཆེན་པོ་གསང་སྔགས་ཀྱི་ཆོས་ཡིན་གསང་སྔགས་ནས་…