ར་ས་ཡཱ་ནའི་ལག་ལེན་གསལ་བར་བརྗོད་པ་བདུད་རྩི་གྲུབ་པ་བཞུགས་སོ། །

ན་མོ་གུ་རུ་མཉྫུ་ཤྲཱི་ཨ་མྲྀ་ཏ་མ་ཧཱ་སུ་ཁཱ་ཡ། འདིར་བདུད་རྩི་འོད་ལྡན་གྱི་བཅུད་ལེན་ཚད་ལྡན་བྱ་བར་འདོད་པས། འཕགས་པ་འཇམ་དཔལ་གྱི་བྱིན་རླབས་དང་། སྔོན་རིགས་ལྔ་ཡབ་ཡུམ་སྦྱོར་བའི་བྱང་ཆུབ་སེམས་ཀྱི་སྤྲིན་འཁྲིགས་པའི་ཆར་ཆེན་པོ་བབ་པ་ལས་བདུད་རྩི་འོད་ལྡན་འཁྲུངས་ནས་དེ་མྱོང་བའི་མཐུས་རིགས་གསུམ་མགོན་པོའི་མཁྱེན་བརྩེ་ནུས་པའི་ད…

སྐལ་དང་ལྡན། །ཞེས་དང་། འདི་རྒྱུ་ཀུན་བཟང་བྱང་ཆུབ་སེམས། །རྒྱུ་རྐྱེན་ཡབ་ཡུམ་བདེ་སྟོང་རྩལ། །དྲོད་གཤེར་བྱིན་རླབས་འདུས་ལས་སྐྱེས། །འདི་ཡི་ཡོན་ཏན་ཐོས་པས་མྱོང་། །ཞེས་དང་། འདིས་ཡེ་ཤེས་ལྔ་དང་ལས་བཞི་གྲུབ། ལྷ་ཞལ་མཐོང་། མཁྱེན་བརྩེ་འཕེལ། དཔའ་བོ་མཁའ་འགྲོ་འདུ། ལྷ་སོགས་བྲན་དུ་འདུ་ཞིང་ལས་བྱེད། རྐང་མགྱོགས་སོགས་ཐུན་མོང་ག…

ཅིང་གཞོན་ནུ་བཅུ་དྲུག་པའི་ན་ཚོད་དུ་གྱུར་པས་ལོ་སུམ་བརྒྱར་མི་ཡུལ་དུ་བཞུགས་པ་སོགས་དེང་སང་གི་བར་དུ་མྱོང་གྲུབ་ཀྱི་བརྒྱུད་པ་ཅན་ཡིན་པས་འདི་ནི་སྦྱོར་སྡེའི་གཙོ་བོར་བྱ་སྟེ་འདིའི་ཕྱེ་མའམ་ཁནྜ་སྲང་ཉེར་གཅིག་ནས་བཅོ་ལྔའི་བར་གང་རུང་དག་ཏུ་བྱའོ། །རྩ་བ་དེའི་ཡན་ལག་ཏུ་གྱུར་པའི་སྨན་ནི། བདུད་རྩི་མཆོག་གི་ལུང་ལ་སོགས་པ་ནས་གསུང…

གིས་བཤལ་བས་ས་དྲེག་སོགས་དུག་ཐོན་ནས། བ་སེར་སྐྱའམ་མཛོ་ཡི་འོ་མར་གདུ་ནས་ཁུ་བ་རང་ཐིམ་བྱས་པ་སྲང་དོ་བྱ། དེ་བས་ཆེའང་རུང་། འདིའི་ཡོན་ཏན་ཀྱང་རུས་པ་མཁྲེགས། ཚེ་དང་མདངས་འཕེལ། རྒན་པོ་གཞོན་ནུར་འགྱུར་བ་སོགས་ཕན་ཡོན་ཚད་མེད་དོ། །དེ་བཞིན་དུ་ཡུམ་བཞིའི་རཀྟའི་བདུད་རྩི་འཛག་པའི་ཁུ་བ་ར་ས་ཡཱ་ནའི་གཙོ་བོ་བྲག་ཞུན་ཏེ་སྲིད་པ་མོ་ཡི་…

དཔལ་གྱི་བྱིན་གྱིས་བརླབས་ནས་སྐྱེས་པའི་མེ་ཏོག་ལུག་མིག་ཞེས་བྱ་བ་མེ་ཏོག་དར་ལ་རྒྱས་པ་སད་སོགས་སྐྱོན་མེད་པའི་དུས་སུ་བཏུས་པའི་ཁནྜ་སྲང་ཕྱེད་དོ་བྱ་སྟེ། ར་ས་ཡཱ་ནའི་རྒྱལ་པོ་འདི་བའོ་དང་བསྐོལ་ནས་རྔུབ་གཅིག་འཐུང་ན་བ་སྤུ་ལང་། གཉིས་ཀྱིས་རིམས་ནད་ཀུན་བྱང་། གསུམ་བཏུང་ན་མིག་རྩ་དམར་ཞིང་གཞོན་ནུའི་ལུས་སུ་འགྱུར་བར་གསུངས་སོ། …

ཚོ་འགྲུབ་པར་བྱེད་པའོ། །འདི་སྲང་གང་བྱའོ། །དེ་བཞིན་དུ་བདུད་རྩི་ར་ས་ཡཱ་ནའི་གཙོ་བོ་ཨ་ཤོ་གནྡྷ་སྟེ་རྟ་དྲིལ་གྲགས་པ་བ་སྤྲུ་སྲང་གང་། ཡང་དྲང་སྲོང་གཞོན་ནུ་ཁྱབ་འཇུག་གིས་བདུད་རྩི་བརྐུས་པའི་ཐིག་པ་ཁ་ནས་སར་ལྷུང་བ་ལས་འཁྲུངས་པ་ཉེ་ཤིང་དང་ར་མཉེ་ཞེས་བྱ་བ་ལྷ་ཀུན་གྱིས་ཀྱང་ཕྱག་འཚལ་བར་བྱས་པ་དེ་སྟོན་ཐ་ཆུང་ངམ་དཔྱིད་འབྲིང་ཉ་ཡི…

ཡང་སྔོན་གྱི་ཚེ་བདུད་རྩིའི་བཅུད་ལས་འཁྲུངས་པ་ཉི་མ་གཟི་བརྗིད་ལྡན་པའི་ཆུ་ཞེས་པ་རྒུན་འབྲུམ་དང་ཟླ་བ་གཟི་བརྗིད་ལྡན་པའི་ཆུ་ཞེས་སྟར་བུ་སྟེ། འདི་གཉིས་ཀྱིས་དུག་འཇོམས་པ་དང་ནད་སྣ་ཚོགས་སེལ་ཞིང་ར་ས་ཡཱ་ནའི་གཙོ་བོ་ཡིན་ལ། ཉི་ཟླའི་དངོས་གྲུབ་ཐོབ་ཅིང་། ཚངས་པའི་ཚེ་ཐོབ་པར་བྱེད་དོ་ཞེས་གསུངས་པས་རྒུན་འབྲུམ་དཀར་པོ་རུས་པ་མེད་པ…

དབྱར་སྟོན་སོགས་ཀྱི་རང་དུས་ལ། གཙང་མའི་བྱིས་པ་ཁྲུས་བྱས་རྒྱན་གྱིས་བརྒྱན་པའི་གྲོགས་དང་བཅས་པས་ཡར་ངོའི་བརྒྱད་དང་ཉ་སོགས་ཚེས་དགེ་ཞིང་རྒྱལ་ཕུར་འཛོམས་པ་སོགས་གཟའ་སྐར་དུས་སྦྱོར་ལེགས་པའི་ཚེ། ཤར་ཕྱོགས་སུ་ཁ་བལྟས་ལ་སེམས་ཅན་ཀུན་ལ་ཚད་མེད་པའི་སྙིང་རྗེའི་སེམས་ཀྱིས། སྣང་སྲིད་ཀུན་ཏུ་བཟང་པོ་བདུད་རྩི་བདེ་བ་ཆེན་པོའི་དཀྱིལ་འ…

གྲང་བར་རྩི་ཡི་ཚ་བ་གསུམ་དང་སེ་འབྲུ་གླ་རྩི་དག་ཀྱང་བསྣན། རྒྱུན་སྨན་དཀྱུས་མར་གཞུང་གི་སྨན་ཁོ་ནས་འཐུས་ཤིང་རྫས་ཀྱི་གྲུབ་པ་ཉིད་དུ་བྱེད་པའི་རྟེན་འབྲེལ་གྱིས་གི་ཝཾ་ཞད་ཙམ་བསྣན་ཏེ། གྲངས་སུམ་ཅུ་པ་ཉིད་དུ་བྱའོ། །འདི་སྟེང་བྷྲིང་གི་རཱ་ཛ་དང་། བཙོ་བཀྲུ་ཚུལ་བཞིན་བྱས་པའི་དངུལ་ཆུ་དང་། རིན་པོ་ཆེའི་རིགས་བསྣན་ཀྱང་རུང་། གང་ལྟ…

ཡཱ་ནའི་དཀྱིལ་འཁོར་འཇམ་དཔལ་རིགས་ལྔ་ཡབ་ཡུམ་དུ་གསལ་བའི་སྟེང་གི་ནམ་མཁར་འཇམ་དཔལ་ཡབ་ཡུམ་ལ་རྩ་གསུམ་རྒྱལ་བ་རབ་འབྱམས་ཏིལ་གྱི་གང་བུ་ལྟ་བུས་བསྐོར་བའི་དཀྱིལ་འཁོར་གྱི་ལྷ་རྣམས་ཡབ་ཡུམ་བདེ་སྟོང་སྦྱོར་བའི་འོད་ཟེར་གྱིས་འཁོར་འདས་ཀྱི་དངས་བཅུད་བདུད་རྩིའི་རྣམ་པར་བཀུག་པ་དང་། ཡབ་ཡུམ་གྱི་བྱང་ཆུབ་སེམས་བདུད་རྩི་བདེ་བ་ཆེན་པོའི…

མཐར་བྱིན་འབེབས་དང་སྨན་སྲུང་བསྐུལ་བ་སོགས་བྱས་ལ་ལྷ་རྣམས་འོད་དུ་ཞུ་ནས་སྨན་གྱི་ཕོ་བྲང་བདུད་རྩིའི་རྒྱ་མཚོར་བསམས་ལ་དབྱངས་གསལ་རྟེན་སྙིང་ཅི་ནུས་བཟླའོ། །དེ་ལྟར་རང་བཞིན་གྱིས་གྲུབ་པའི་རྫས་ཀྱི་ནུས་པ་བསམ་གྱིས་མི་ཁྱབ་སྟེ། འདི་ལྟ་བུའི་བཅུད་ལེན་སྦྱར་ནས་ཟོས་ན། ཞག་གཅིག་ཟོས་ན་ཡོན་ཏན་བཅུ། །ཞག་བཅུར་ཟོས་ན་ཡོན་ཏན་བརྒྱ། །ཟ…

བསྒྲུབ་པ་སོགས་ར་ས་ཡཱ་ནའི་རྫས་འདི་དག་དྲང་སྲོང་ཆེན་པོ་རེ་རེས་བསྒྲུབ་པས་ལ་ལས་ཡུད་ཙམ་ལ་གྲུབ་པ་ནས་ལ་ལས་ཞག་བདུན་གྱི་བར་གྱིས་གྲུབ་སྟེ་ཚེ་ཉི་ཟླ་དང་མཉམ་པ་སོགས་ཡོན་ཏན་ཚད་མེད་པའི་རིག་འཛིན་གྱི་ལུས་སུ་གྱུར་པར་གསུངས་པ་བཞིན། དེང་ཡང་དམ་ཚིག་ལ་གནས་ཤིང་མན་ངག་ལྡན་པའི་སྒྲུབ་པ་པོས་ཚུལ་བཞིན་སྒྲུབ་ན། སྒྲ་དང་དྲི་དང་འོད་དང་མ…

གྲིབ་ཁ་འཛེམ། ཅིས་ཀྱང་ཁྲག་གི་སྲིན་རྟག་ཏུ་འཁྲུགས་ན་གང་ཉེ་གང་རྒྱས་རྩ་ལ་གཏར་རུང་གཞན་ཡང་ནད་གདོན་གང་ལའང་དེའི་གཉེན་པོ་སྨན་སྔགས་ཀྱིས་ཞི་བར་བྱ་ཞིང་། བསོད་ནམས་ཀྱི་རྒྱབ་དཔུང་ཇི་རིགས་སུ་བསྐྱེད་རྒྱུན་མ་ཆད་པའི་བརྩོན་པས་སྲོད་དང་ཐོ་རངས་གཙོར་གྱུར་སྨན་ལེགས་པར་འཇུ་བའི་དུས་དང་། བཟའ་ཚོད་ཟིན་པའི་སྒོ་ནས་ཆ་བསྐྱེད་དེ་ཇི་འོས…

བཅུད་ལེན་བདུད་རྩི་བུམ་བཟང་འདི། །སྔོན་འབྲེལ་སྐལ་བ་བཟང་པོས་མི་ཕམ་པ། །འཇམ་དཔལ་དགྱེས་པའི་རྡོ་རྗེའི་ལག་ཏུ་བབ། །གྲུབ་པའི་རིག་འཛིན་དགྱེས་པའི་ཕ་ཕོགས་འདི། །སྣོད་མིན་རྣམས་ཀྱིས་མཐོང་ཡང་ལག་མི་ལོན། །དད་ལྡན་སྐལ་བཟང་རྣམས་ཀྱིས་བརྩོན་པ་ཡིས། །ཚུལ་བཞིན་འབད་ན་དངོས་གྲུབ་གཏེར་ལ་སྤྱོད། །ཅེས་དགའ་བ་ཆུ་འབྲུག་གི་ཟླ་བ་ལྔ་པའི་ཚ…

རྡོ་རྗེའི་གླུའི་མཆོད་པ་བཞུགས། །

དེ་ཡང་དཔལ་མཆོག་དང་པོ་ལས། །རྡོ་རྗེ་གླུས་ནི་གླུ་ལེན་ཅིང་། །བཟླས་པའི་དོན་ནི་ཅི་བདེ་བར། །རྡོ་རྗེ་གར་གྱི་མཆོད་པ་ཡིས། །ཡང་དག་མཆོད་ན་མྱུར་དུ་འགྲུབ། །ཅེས་གསུངས་པ་ལྟར། དཀྱིལ་འཁོར་གང་དུ་བཅོམ་ལྡན་འདས་ལྷག་པའི་ལྷའི་སྤྱན་སྔར་མེ་ཏོག་ལ་སོགས་པ་དང་། སྒེག་ཅིང་བདེ་བའི་ཉམས་སྣ་ཚོགས་པའི་གར་དང་གླུས་མཆོད་པ་བྱས་ན་དངོས་གྲུབ་མ…

ཞུགས་པའང་སློང་ངོ་ཞེས་མཉམ་སྦྱོར་ལས་ཏེ། སྙན་གསན་དབབ་པ་གསང་བ་རྡོ་རྗེའི་གླུ་མཆོག་ཏུ་གྲུབ་པའོ། །ཨོཾ་སངས་རྒྱས་ཀུན་ལྡན་རིན་ཆེན་མཆོག་གིས་བརྒྱན། །ལྷ་ཡི་ཅོད་པན་དང་བཅས་ཁྱོད་ལ་འདུད། །རྡོ་རྗེ་འཆང་བདག་རིན་ཆེན་དབང་བསྐུར་བས། །རྡོ་རྗེ་སེམས་དཔའ་ས་མ་ཡ་སཏྭཾ་ཧཾ། དམ་ཚིག་གསུམ་གྱི་རྡོ་རྗེ་སེམས་དཔའ་དབང་བསྐུར་བའི་གསང་བ་རྡོ་ར…