ཀྱང་། བྱང་ཆུབ་ཀྱི་སེམས་མཆོག་ལྷག་པའི་བདེན་པ་དབྱེར་མེད་དང་། དེ་ལྟར་རྟོགས་པའི་རྒྱུ་ཤེས་རབ་དམིགས་པ་མེད་པ་དང་། ཐབས་སྙིང་རྗེ་ཆེན་པོ་དང་གསུམ་ནི་བླ་མེད་མི་སྤང་བའི་དོན་ཡིན་ལ། རང་གི་བསྒྲུབ་བྱ་དཀྱིལ་འཁོར་གྱི་གཙོ་བོ་ཡི་དམ་རྒྱལ་བ་ཁྱེད་ནི་ཡོངས་སུ་མི་སྤང་ཞེས་སྤྱིར་ཡི་དམ་དུ་བཟུང་ཙམ་ལ་ནི་བྱ་བར་ཡི་དམ་དེ་ཉིད་ཀྱི་སྐུ་ག…

ཁོངས་སུ་ཡན་ལག་གི་དམ་ཚིག་ཐམས་ཅད་འདུ་བས་སྔགས་ཀྱི་དམ་ཚིག་ཡོད་དོ་ཅོག་རྣམ་གྲངས་ལྔ་པོ་དེར་བསྡུས་ཏེ་བཟུང་བ་ཡིན་ནོ། །གསུམ་པ་ལ་གསུམ། གྲུབ་པའི་ཕྲིན་ལས་སྤྱིར་སྙིང་སྟོབས་ཆེན་པོ་ནས་གཞན་དོན་གྱི་གོ་ཆ་བགོ་བ་དང་། བྱེ་བྲག་ཏུ་ལྷག་བསམ་ཆེན་པོས་སངས་རྒྱས་ཀྱི་ཆོས་ཡོངས་སུ་བཟུང་བ། ཁྱད་པར་དམ་ཚིག་ཆེན་པོས་རིག་པ་འཛིན་པ་རྣམས་ཀྱི་…

ཕན་སྙིང་རྗེ་ཆེན་པོ་ཁོ་ནའི་དབང་གིས་སྨོན་ལམ་དང་ཏིང་ངེ་འཛིན་གྱིས་བསམ་བཞིན་དུ་རང་དབང་དུ་སྐྱེ་བ་བླང་བར་བགྱིའོ། །ཞེས་གསུངས་ཤིང་། དེ་ལྟར་འཁོར་བ་ཡོངས་སུ་མི་གཏོང་བ་དེ་ཆགས་པའི་དབང་གིས་མ་ཡིན་ཏེ། བདག་ནི་འཁོར་བ་པ་རྣམས་ཀྱིས་འཁྲུལ་སེམས་ཀྱིས་ཡོངས་སུ་བཟུང་བའི་མི་བདེན་པ་སྒྱུ་མ་ལྟ་བུའི་འཇིག་རྟེན་ནམ། ཞི་བ་ཕྱོགས་གཅིག་པའ…

མེད་པར་མ་གྱུར་གྱི་བར་དེ་སྲིད་དུ་བདག་གིས་སྐྱོ་བའི་སེམས་མི་བསྐྱེད་ཅེས་དུས་རིང་པོས་མི་སྐྱོ་བར་སྟོན་པའོ། །འཁོར་བ་འདི་དག་ནི་སྡུག་བསྔལ་གྱི་རང་བཞིན་མེ་ཡི་འོབས་ལྟ་བུར་གདའ་བས་དངོས་པོར་ངན་པའི་དབང་གིས་མི་སྐྱོ་སྟེ། ཆགས་ཐོག་བྲལ་བའི་ཤེས་རབ་ཆེན་པོའི་སྒོ་ནས་གང་འདུལ་ཐབས་མཁས་ཀྱིས་འགྲོ་བ་སེམས་ཅན་གྱི་དོན་བགྱིད་པ་དེ་ཡི་…

འཇིག་རྟེན་ལྟ་བུ་ཡང་ཡིད་དུ་འོང་བ་ལྷའི་མེ་ཏོག་གི་དགའ་ཚལ་བཞིན་དུ་བལྟ་བར་བགྱི་སྟེ། འཇིག་རྟེན་གྱི་ཁམས་དེ་དག་ཏུ་མི་དགའ་མི་འདོད་སྐྱོ་བཞིན་དུ་མ་ཡིན་པར་དང་དུ་ལེན་པ་དྲག་པོའི་ཚུལ་གྱིས་འཇུག་པའོ། །གཉིས་པ་ནི། འགྲོ་ལ་ཐུགས་བརྩེ་སོགས་ཀྱིས་བསྟན་ཏེ། སྤྱིར་རྒྱལ་བའི་སྲས་ཀྱི་སྨོན་ལམ་གང་གཱའི་ཀླུང་གི་རྡུལ་སྙེད་དང་མཉམ་པ་ཐམས…

གི་བར་དུ་དམ་པའི་ཆོས་མི་ནུབ་པར་བཟུང་བའམ་རྒྱུན་སྐྱོང་བའོ། །གསུམ་པ་ནི། བླ་མེད་བྱང་ཆུབ་སོགས་ཀྱིས་བསྟན་ཏེ། ཐོག་མར་བླ་ན་མེད་པའི་བྱང་ཆུབ་མཆོག་ཏུ་སེམས་བསྐྱེད་དེ། བྱང་ཆུབ་མངོན་དུ་བྱེད་པའི་སླད་དུ་བསྒྲུབ་པ་མཆོག་སྟེ་ཐེག་པ་ཆེན་པོའི་རྣལ་འབྱོར་ལ་རྩེ་གཅིག་ཏུ་ཞུགས་པའི་སྐྱེ་བོ་ལ། ཚེ་རབས་ཀྱི་ཕྲེང་བ་རྣམས་སུ་རང་ལ་མཐུ་རྩ…

ཐམས་ཅད་ལ་ཕན་པའམ་སྨན་པའི་སླད་དུ་བྱང་ཆུབ་ཀྱི་སྙིང་པོ་བདག་གིས་ཚེ་འདི་ལ་མངོན་དུ་རྟོགས་པར་བགྱི། ཞེས་སོ། །གཉིས་པ་ནི། བདག་ནི་འཕགས་མཆོག་སོགས་ཏེ། གལ་ཏེ་ཚེ་འདི་ལ་གང་གི་གོ་འཕང་མངོན་དུ་བྱེད་མ་ནུས་པར་སྐབས་མེད་ཅེས་འཆི་བའི་དུས་ལ་མ་སླེབ་པར་གློ་བུར་དུ་འཆི་བའི་དུས་བྱུང་བའི་ཚེ་ན། བདག་གི་འཕགས་མཆོག་ཕྱག་རྒྱར་ཡི་དམ་གྱི་ལྷ…

ཀྱི་ཐེག་པའི་དམ་བཅའ་ཐམས་ཅད་འདིར་འདུ་བ་ཉིད་དོ། །དེ་ལྟར་དམ་བཅའ་ལས་མི་ལྡོག་པ་རྩེ་གཅིག་པའི་ལྷག་བསམ་བརྟན་པོས་དམ་བཅས་པ་མཚོན་བྱེད་སྙིང་གར་རྡོ་རྗེ་རྩེ་གཅིག་པའི་ཕྱག་རྒྱ་བཅའ་བར་བྱའོ། །ཟབ་དོན་རྒྱ་མཚོ་ལྟ་བུའི་མཛད། །བདག་བློས་ཇི་བཞིན་རྟོགས་མིན་ཀྱང་། །བླ་མའི་དྲིན་ལས་ལེགས་བཤད་ཆ། །ཡོད་ན་དགེ་དེ་འགྲོ་བར་བསྔོ། །དེ་ལྟར་ད…

དཔལ་ས་ར་ཧས་མཛད་པའི་དོ་ཧ་མཛོད་ཀྱི་གླུའི་མཆན་འགྲེལ་གཉུག་མ་རྡོ་རྗེའི་སྒྲ་དབྱངས་ཞེས་བྱ་བ་བཞུགས།

ན་མོ་གུ་རུ་བཛྲ་དྷཱ་ར་ཡེ། མཆོག་ཏུ་མི་འགྱུར་ཟག་བྲལ་བདེ་བ་ཆེ། །འོད་གསལ་རང་བཞིན་གཉུག་མ་ལྷན་ཅིག་སྐྱེས། །གཞོམ་མེད་ན་དཱའི་སྒྲ་ཡིས་འདོམ་མཁས་པ། །གྲུབ་པའི་དབང་ཕྱུག་མདའ་སྣུན་ཞབས་ཀྱིས་སྐྱོངས། །འདིར་འཕགས་ཡུལ་གྲུབ་བརྒྱའི་སྤྱི་མེས་དཔལ་ས་ར་ཧ་ཆེན་པོས་མཛད་པའི་དོ་ཧ་མཛོད་ཀྱི་གླུ་འདི་ཉིད་འཆད་པ་ལ། ཐོག་མར་མཚན་དོན་ནི། རྒྱ་…

བཀོད་པའོ། །གཞུང་དངོས་ནི། དུག་སྦྲུལ་ལྟ་བུའི་གང་ཟག་སྐལ་མེད་རྣམས་ནི། ངེས་པར་སྐྱེ་བོ་དམ་པ་གཞན་ལ། ཟབ་མོའི་ཆོས་སྤང་བ་སོགས་སྐྱོན་གྱི་དྲི་མས་དགོད་པའི་ཕྱིར།མཐོང་བ་ཙམ་གྱིས་འཇིགས་པར་བྱོས་ལ་དོར་བར་བྱའོ། །དེ་ཡང་སྤྱིར་མུ་སྟེགས་པའི་ལུགས་ལ་སྟོན་པ་སྲིད་རལ་ཅན་ཞེས་པ་ཐོག་མ་མེད་པ་ནས་སྲིད་པ་དང་ཐར་པའི་གཞིར་གྲུབ་པ་རྟག་ཅིང་…

ཕྱུག་གི་ཞལ་ནས་གདུལ་བྱ་རྗེའུའི་རིགས་ལ་ལྟ་བ་བདག་རང་དབང་ཅན་དུ་ལྟ་བ་དང་སྤྱོད་པ་ཐལ་གོས་དང་རལ་པ་འཕྱང་བ་ལ་སོགས་པའི་ཆོས་སྟོན་ཞིང་། གཡོན་ཕྱོགས་ཁྱབ་འཇུག་གི་ཞལ་ནས་གདུལ་བྱ་དམངས་རིགས་ལ་ལྟ་བ་བདག་ནམ་མཁའི་ལྟར་ཁྱབ་པར་ལྟ་བ་དང་སྤྱོད་པ་གཅེར་བུ་པ་ལ་སོགས་པའི་ཆོས་སྟོན་པར་འདོད་དོ། །དེ་ལས་མུ་སྟེགས་རིགས་བྱེད་པ་རྣམས། དེ་ཉིད་ག…

ཞིང་། ལམ་དེས་ཐར་པར་འགྲོ་བར་འདོད་པ་རྣམས་ནི་ལོག་པའི་ལམ་བརྫུན་པ་ཉིད་དུ་གོལ་བའོ། །ཐལ་གོས་པ་རྣམས། ཨེ༷་རའི་སྟེ་རོ་བསྲེག་པ་སོགས་ཀྱི་ཐལ་བས་ལུས་ལ་བྱུགས་ནས་སུ། མགོ་ལ་རལ་པའི་ཁུར་བུ་སྟེ་སྐྲ་རིང་པོར་བྱས་པ་ཁུར་བར་བྱེད་ཅིང་། ཁྱིམ་དུ་ཚིལ་ཞུན་གྱི་མར་མེ་བཏང་ནས་གནས་པ་དང་། ཁྱབ་འཇུག་དང་དབང་ཕྱུག་གི་དཀྱིལ་འཁོར་བྲིས་ཏེ་དེ་…

ཡིད་གཅིག་པུས་ཐམས་ཅད་ལ་ཁྱབ་པའི་བདག་ཉིད་ཅན་དུ་བསྒོམ་སོགས་གནོད་པར་བྱེད་པ་ལམ་གྱི་གཟུགས་བརྙན་ཙམ་པ་དེས། ཐར་པའི་ཆེད་དུ་སྐྱེ་བོ་བདག་ཉིད་འགྲོ་བར་བྱེད་པ་རྣམས་བསླུ་བར་བྱེད་དེ། དེ་ཡང་གཅེར་བུས་གལ་ཏེ་གྲོལ་གྱུར་ན། །ཁྱི༷་དང་ཝ་སོགས་ཀྱང་ཅིས་མི་གྲོལ། །སྤུ་བཏོགས་པས་ནི་གྲོལ་གྱུར་ན། །བུད་མེད་ཀྱིས་སྐྱེ་གནས་ཤིས་པའི་སླད་དུ་…

བནྡེ༷་རྣམས་ནི་བཤད་མ་ཐག་པ་དེ་ལྟར་རབ་ཏུ་བྱུང་ནས། ཁ་ཅིག་མདོ་སྡེ་ཡི་དོན་འཆད་པར་བྱེད་ཅིང་བྱེ་སྨྲའི་གྲུབ་མཐར་འཇུག །ལ་ལ་ཆོས་ཀུན་རོ་གཅིག་པར་སེམས་ཀྱི་ཚུལ་ཙམ་ཙམ་དུ་གཅིག་པའི་གྲུབ་མཐའ་འཛིན་པར་མཐོང་། ཁ་ཅིག་ཐེག་ཆེན་དེ་ལ་དོན་གཉེར་གྱིས་རྒྱུག་པར་བྱེད་ཅིང་དབུ་མར་སྨྲ་བ། དེ་རྣམས་ནི་སངས་རྒྱས་པའི་གཞུང་ལུགས་ཚད་མའི་བསྟན་བཅ…

པའི་རྗེས་སུ་མི་བྱེད་པས་སོ། །གནས་ལུགས་སྒོམ་པ་ལ་བྱས་ཆོས་མར་མེ་ཅི་དགོས་ལྷ་བཤོས་དེ་ཡང་ཅི་དགོས་ཏེ། གནས་ལུགས་དེ་ལ་ནན་ཏན་དུ་མཆོད་པ་དེས་ཅི་བྱ་གསང་སྔགས་བཀླག་པ་སོགས་བསྟན་པ་ཡང་ཅི་ཞིག་དགོས། ཁྲུས་ཀྱི་འབབ་སྟེགས་སུ་འགྲོ་བ་དང་དཀའ་ཐུབ་ཀྱང་མི་དགོས་ཏེ། རྒྱུ་མཚན་འདི་ལྟར་ཆུ་ལ་ཞུགས་པས་ཐར་པ་ཐོབ་བམ་ཅི་སྟེ་དོན་མེད་པས་སོ། །ས…

གནད་དུ་འཆད་པའང་དེ་ཡིན་ནོ། །གནས་ལུགས་ཀྱི་དོན་དེ་ནི་མཚོན་པའི་ལྟ་བ་ཡོད་པ་མིན་ཏེ་ཐམས་ཅད་དེའི་རང་བཞིན་ཡིན་མོད་ཀྱི། དེ་བརྗོད་བྲལ་ཡིན་ཀྱང་ཐམས་ཅད་དེའི་སྒོར་གྱུར་པས་སོ། །འོན་ཀྱང་དེ་ཁོ་ན་ཉིད་གཅིག་པུ་དེ་ནི་བླ་མའི་ཞལ་ལ་ལྟོས་པ་ཡིན་གྱི་ཐམས་ཅད་དུ་ཤེས་པ་མིན་ནོ། །བླ་མས་ཟབ་དོན་གྱི་མན་ངག་སྨྲས་པ་གདུལ་བྱ་སྐལ་བཟང་གང་གི་ས…

འབོད་པར་བྱེད་དོ། །ཆགས་བདེའམ་རྣམ་རྟོག་གང་ཞིག་བླངས་ནས་སྐྱེ་བ་དང་ཤི་བ་ལ་སོགས་པའི་སྡུག་བསྔལ་གནས་སུ་གྱུར་པ་ཡིན་ལ། གཉུག་མའི་དེ་ཁོ་ན་ཉིད་བླངས་བའམ་བཟུང་ནས་འགྱུར་བ་དེའི་ཟུག་ངུ་དང་བྲལ་བའི་བདེ་ཆེན་མཆོག་གྲུབ་བོ་ཅེས། སྐད་གསང་མཐོན་པོས་མདའ་བསྣུན་གྱིས་འདི་སྐད་སྨྲ་བར་བྱེད་ཀྱང་། བྱོལ་སོང་ལྟ་བུའི་འཇིག་རྟེན་འདི་དག་གིས་…

སོགས་ཀྱི་སྒོ་ནས་རྟག་ཏུ་ལུས་སེམས་ལྷན་སྐྱེས་ཀྱི་བདེ་བ་རྒྱུན་མི་ཆད་པས་ཡང་དང་ཡང་དུ་རང་ལུས་ཀྱི་རྩ་ཡི་འཁོར་ལོ་དྲུག་པོ་འགེངས་བར་བྱའོ། །དེ་ལྟར་ཆོས་འདི་ལྟ་བུའི་འཇིག་རྟེན་ཕ་རོལ་གྱི་དོན་ཆེན་པོ་སངས་རྒྱས་སུ་འགྲུབ་པར་འགྱུར་ཏེ། འདོད་ཡོན་སྤོང་བའི་བཀའ་ཐུབ་འདོད་པ་རྨོངས་པ་འཇིག་རྟེན་པའི་མགོ་བོར་རྡོག་པས་མནན་ནས་ཀུན་གྱི་ཀ…