རྣམས་ཀྱིས་ལྐོག་ཏུ་སྦས་ནས་ཤིའོ་ཞེས་བརྗོད་པའི་ཚེ། རྒྱལ་པོ་སྡུག་བསྔལ་གྱིས་གཟིར་ཏེ། ཤི་བ་ཞེས་པ་འཇིག་རྟེན་ཕ་རོལ་དུ་སོང་བ་ཡིན་པས། གང་དང་འགྲོག་པའི་ཕྱིར་དུ་བདག་ཀྱང་འཆི་བར་འདོད་དོ་ཞེས་སྨྲ་བ་ན། བློན་པོ་རྣམས་ཀྱིས་སྙན་སྦྲན་ཏེ་བཙུན་མོ་བཏད་པས་ཨ་ཝནྟེ་ཤི་ཟིན་པ་དེ་འདྲ་བདག་གིས་སྐྱེ་བ་འདི་ཉིད་ལ་ཅི་ལྟར་ཐོབ་ཅེས་པའོ། །དོ…

སྦྱིན་མ་བྱས་ལ། སློང་བ་རྣམས་ལ་ནོར་རྣམས་མ་སྦྱིན་པར་ས་སྐྱོང་དུ་བདག་ཇི་ལྟར་འགྱུར་ཏེ་འདི་ནི་རྨི་ལམ་མ་ཡིན་ནམ་ཞེས་པའོ། །དོན་བཤད་ནི། ཞེས་པ་སྤྲོ་བ་ཁྱད་འཕགས་དག །དཔའ་བའི་ཉམས་ཀྱི་བདག་ཉིད་གནས། །ཉམས་ལྡན་ཉིད་དུ་ནུས་པ་ལ། །ཚིག་འདི་དག་ནི་དབང་བ་ཡིན། །ཞེས་པ་སྟེ། སྤྲོ་བ་འཕེལ་བར་ཁྱད་པར་འཕགས་པའི་ཚུལ་དག་བརྗོད་པ་འདི་ནི་དཔའ་…

རྙིངས་པ་མོ་ལ་བཞད་གད་ཀྱི་ཆེད་དུ་གྲོགས་མོ་མེ་ཏོག་མ་རྙིངས་མ་ཞེས་བོས་ནས། ཁྱོད་ཀྱི་ནུ་མའི་ངོས་ལ་སྦར་མོས་འཇུས་པའི་སེན་རྗེས་གསར་པ་ཆགས་པ་འདི་དག་སྟོད་གཡོགས་ལྷབ་ལྷུབ་གཡོ་བ་དག་གིས་སྒྲིབ་པར་མཛོད་ཅིག་པའོ། །བདུན་པ་རྨད་བྱུང་གི་ཉམས་ནི། དགའ་ཚལ་ལྗོན་པ་འདི་རྣམས་ཀྱི། །འདབ་མ་གསར་པ་གོས་བཟང་དང་། །མེ་ཏོག་དོ་ཤལ་ལ་སོགས་རྒྱན།…

འདོད་པ་མ་ཡིན་པས་སོ། །གཉིས་པ་ནི། ཞེས་པ་སྐྱེས་བུ་དྲེགས་ལྡན་འགས། །གཡུལ་དུ་གཞན་ནི་བཀག་བྱས་ནས། །གཏོང་བ་དེ་ལྟ་བུ་ལ་སོགས། །གཟི་བརྗིད་ལྡན་པར་ཤེས་པར་བྱ། །ཞེས་པ་སྟེ། དེ་ལྟར་སྐྱེས་བུ་དྲེགས་ལྡན་འགས་གཡུལ་དུ་གཞན་སྡེ་བཅོམ་པའི་ཚེ་བྲོས་པ་རྣམས་བཀག་པར་བྱས་ནས་གཏོང་བ་ན་ང་རྒྱལ་གྱི་ཚིག་དེ་ལྟ་བུ་ལ་སོགས་པ་བརྗོད་པའི་ཚུལ་གང་ཡ…

ཚོགས་གང་། །དེ་ནི་ཀུན་ཏུ་ཕན་པར་བརྗོད། །ཅེས་པ་སྟེ། བྱ་བའི་དངོས་པོ་འགའ་ཞིག་རྩོམ་པར་འདོད་པ་སྐལ་བའམ་བསོད་ནམས་ཀྱི་སྟོབས་ལས་ཀྱང་དེའི་སྒྲུབ་བྱེད་ཕུན་སུམ་ཚོགས་པ་གང་དག་བྱུང་བར་སྟོན་པ་དེ་ནི་ཀུན་ཏུ་ཕན་པའི་རྒྱན་ཞེས་བྱ་བར་བརྗོད་དོ། །གཉིས་པ་ནི། ཁེངས་པ་གཞོམ་ཕྱིར་དེ་ཡི་ནི། །རྐང་པ་དག་ལ་ཕྱག་འཚལ་བ། །བདག་ལ་ཕན་ཕྱིར་སྐལ་བ…

ཉིད་ཆེ། །འདིར་ནི་མངོན་པར་འབྱོར་པ་བརླིང་། །རྒྱ་ཆེ་གཉིས་པོ་འདི་དག་ཀྱང་། །རབ་ཏུ་གསལ་བར་མཚོན་པ་ཡིན། །ཞེས་པ་སྟེ། དཔེར་བརྗོད་སྔ་མར་བསམ་པའི་བདག་ཉིད་རྒྱ་ཆེ་བར་བསྟན་ལ། ཕྱི་མ་འདིར་ནི་མངོན་པར་འབྱོར་པ་བརླིང་ཞིང་ཆེ་བའི་བདག་ཉིད་དག་བསྟན་ཏེ། རྒྱ་ཆེ་བའི་རྒྱན་གཉིས་པོ་འདི་དག་ཀྱང་རབ་ཏུ་གསལ་བར་མཚོན་པ་ཡིན་ནོ། །ཉེར་གསུམ་པ…

ཅག་འདོད། །དོན་གྱི་བདག་ཉིད་འདི་ནི་གཞན། །དུག་ཟག་ཟེར་དང་ལྡན་པ་ཉིད། །ཅེས་པ་སྟེ། བདུད་རྩི་ཟག་པའི་འོད་ཟེར་གྱིས་མཛེས་པའི་རང་བཞིན་ཅན་ཟླ་བ་ཞེས་པར་བདག་ཅག་འདོད་མོད། དོན་གྱི་བདག་ཉིད་ཟླ་བ་འདི་ནི་དེ་ལས་གཞན་དུ་གྱུར་པ་སྟེ། དུག་ཟག་ཟེར་དང་ལྡན་པ་ཉིད་ཡིན་ནོ། །དོན་བཤད་ནི། ཅེས་པའི་ཟླ་བའི་ཟླ་བ་ཉིད། །བཟློག་ནས་དོན་གཞན་བདག་ཉ…

མིན་པའི་སྦྱར་བ་ནི། ཨུ་ད་ཡ་གནས་མཛེས་པ་ཅན། །དཀྱིལ་འཁོར་ལ་ཆགས་རྒྱལ་པོ་འདི། །མྲྀ་དུ་ཀ་རཿའཇིག་རྟེན་གྱི། །ཡིད་ནི་རབ་ཏུ་འཕྲོག་པར་བྱེད། །ཅེས་པ་སྟེ། དེ་ལ་སྦྱར་གཞི་ཟླ་བ་དང་རྒྱལ་པོ་སྟེ། སྦྱར་ཆོས། ཨུ་ད་ཡ་འཆར་བ་དང་དར་བ་ལ་འཇུག་པས། ཟླ་བ་འཆར་བ་ལ་གནས་པའི་མཛེས་པ་ཅན་དང་། རྒྱལ་པོ་དར་བ་ལ་གནས་པའི་མཛེས་པ་ཅན་ཞེས་སྦྱར། མཎྜ་…

ཁོང་ནས་རྒྱན་གཞན་གྱི་སྤྱོད་ཡུལ་ཅན་གྱི་སྦྱར་བ་གོང་དུ་བསྟན་ཟིན་ཏེ་ཞེས་པའོ། །གསུམ་པ་ལ་གསུམ། དམ་བཅའ་བ། མདོར་བསྟན་པ། རྒྱས་པར་བཤད་པའོ། །དང་པོ་ནི། གཞན་པ་འགའ་ཞིག་བསྟན་པར་བྱ། །ཞེས་པའོ། །གཉིས་པ་ནི། འགའ་ཞིག་བྱ་བ་ཐ་དད་མིན། །གཞན་པ་བྱ་བ་འགལ་མིན་ཡོད། །འགལ་བའི་ལས་ཅན་དག་ཀྱང་གཞན། །སྦྱར་བ་ངེས་པ་ཅན་ཡང་ཡོད། །ངེས་པ་འགོག་པ…

རྣམ་པ་ཕྱི་རོལ་དུ་རབ་ཏུ་སྟོན་པར་བྱེད་པ་སྦྱར་ཞིང་། དེ་ལྟ་བུའི་ཚ་ཟེར་ཅན་ནི་ནུབ་པར་གྱུར་ཏེ་ལུས་སྐྱེས་འདོད་པ་དག་ནི་རྣམ་པར་རྒྱས་སོ་ཞེས་ནུབ་པ་དང་རྒྱས་པ་འགལ་བའི་ལས་ཅན་གྱི་བྱ་བར་སྦྱར་བའོ། །བཞི་པ་ངེས་པ་ཅན་གྱི་སྦྱར་བ་ནི། རལ་གྲི་ཉིད་ལ་ནི་སྟྲིམ་ཤ། གཞུ་ཉིད་ལ་ནི་འཁྱོག་པོ་ཉིད། །མི་བདག་འདི་ཡི་མཱརྒཱ་ཎ། །མདའ་རྣམས་ཉིད་…

བོ་སྟེ་སྨིན་དྲུག་གི་བུ་དང་རྒྱལ་པོ། ཁྱད་ཆོས་ཤཀྟི་མདུང་ཐུང་དང་ནུས་པ་འཛིན་པ་སྟེ། ཡང་སྒྲས་གོང་མ་རྣམས་བསྡུས་པའོ། །དེ་ལྟར་སྦྱར་གཞི་གཉིས་གཉིས་སྦྱར་ཆོས་འགལ་མེད་དུ་སྦྱར་བ་ལྟ་བུའོ། །བདུན་པ་འགལ་བ་ཅན་གྱི་སྦྱར་བ་ནི། ཉམས་མེད་ཡིན་ཡང་ཆོས་གཅོད་མིན། །རྒྱལ་པོ་ཡིན་ཡང་ཟད་མི་ཤེས། །བདེ་བྱེད་ཡིན་ཡང་ལག་འགྲོ་མེད། །ལྷ་ཉིད་ཡིན…

སྟེ། མེ་ཏོག་གཞུ་ཅན་འདོད་ལྷ་དག་གི་མཚོན་འདི་ནི་རྩུབ་པ་མ་ཡིན་རྣོ་བའང་མ་ཡིན་མོད་ཀྱི། དེ་ལྟ་ན་ཡང་འདིས་ནི་ས་གསུམ་དག་ལས་རྒྱལ་བར་གྱུར་ཏོ་ཞེས་མཚོན་ཆའི་ཡོན་ཏན་རྣོ་བ་སོགས་མ་ཚང་བས་བྱེད་ལས་ས་གསུམ་ལས་རྒྱལ་བར་སྟོན་པ་ལྟ་བུའོ། །གཉིས་པ་རིགས་མ་ཚང་བ་ནི། འདི་དག་ལྷ་ཡི་བུ་མོ་མིན། །དྲི་ཟའི་རིགས་ལས་བྱུང་བའང་མིན། །དེ་ལྟ་མོད་…

གཟི་བརྗིད་ཅན་ཉི་མའི་དཀྱིལ་འཁོར་འདིས་ནི་འགྲོ་བ་གསུམ་པོ་དག་ཟིལ་གྱིས་མནན་ནོ། །དོན་བཤད་ནི། གཟི་བྱིན་ཅན་ཞེས་ཁྱད་པར་ལས། །འདི་ནི་རྒྱུ་ཡི་ཁྱད་པར་བརྗོད། །ཅེས་པ་སྟེ། རྒྱུ་དེ་དག་མ་ཚང་ཡང་གཟི་བྱིན་ཅན་ཞེས་པའི་ཁྱད་པར་གྱི་རྒྱུ་མཚན་ལས་འགྲོ་བ་གསུམ་མནན་པར་བརྗོད་པས། ཚུལ་འདི་ནི་རྒྱུའི་ཁྱད་པར་བརྗོད་པ་ཞེས་བྱའོ། །གསུམ་པ་ནི…

གྱིས་གཡོ་བའི་ཆོས་ཅན་ཡིན་པའི་ཕྱིར་སྐད་གཅིག་གཉིས་པར་མི་གནས་སོ། །ཉེར་བདུན་པ་འགལ་བའི་རྒྱན་ལ་གསུམ། མཚན་ཉིད། དཔེར་བརྗོད། མཇུག་བསྡུ་བའོ། །དང་པོ་ནི། འགལ་ཟླ་སྒྲུབ་བྱེད་སླད་དུ་ནི། །གང་དུ་དངོས་པོ་འགལ་བ་རྣམས། །ཡང་དག་འགྲོགས་པར་རབ་བསྟན་པ། །དེ་ནི་འགལ་བར་བཤད་དེ་དཔེར། །ཞེས་པ་སྟེ། ཕན་ཚུན་འགལ་ཟླ་སྒྲུབ་པར་བྱེད་པའི་སླད་…

དང་རོ་སྨད་སྦོམ་པ་འགལ་བར་བསྟན་པ་ལ་སོགས་ལྟ་བུའོ། །བཞི་པ་རྫས་དང་ལས་འགལ་བ་ནི། པད་རྩའི་ལག་པ་ཆུ་ཤིང་བརླ། །པདྨའི་གདོང་དང་ཨུཏྤལ་མིག །ཁྱོད་ཀྱི་གཟུགས་ཀྱིས་བདག་ཅག་རྣམས། །གདུང་ནུས་མིན་ནམ་ལུས་ཅན་མ། །ཞེས་པ་སྟེ། ལུས་ཅན་མ་ཞེས་བོས་ནས། འཇམ་གཉེན་པད་རྩའི་ལག་པ། འཁྲང་ཟླུམ་ཆུ་ཤིང་གི་བརླ། དཀར་མཛེས་པདྨའི་གདོང་དང་། མཐོན་མཐིང…

འགལ་ལོ། །གསུམ་པ་ནི། དེ་ལྟར་རྒྱན་འདི་རྣམ་པ་འདི། །དུ་མ་ཉིད་དུ་རབ་རྟོགས་བྱ། །ཞེས་པ་སྟེ། ཚུལ་དེ་ལྟར་གོང་དུ་བཀོད་པ་དེ་རྣམས་ཀྱིས་མཚོན་ནས་འགལ་རྒྱན་འདི་ནི་རྣམ་པ་དུ་མ་ཉིད་དུ་རབ་ཏུ་རྟོགས་པར་བྱའོ། །ཉེར་བརྒྱད་པ་སྐབས་མིན་བསྟོད་པའི་རྒྱན་ལ་གསུམ། མཚན་ཉིད། དཔེར་བརྗོད། དོན་བཤད་དོ། །དང་པོ་ནི། སྐབས་མིན་འདོད་པས་བསྟོད་པ་…

ཀྱང་། །འདི་ལ་ཁྱོད་ཀྱིས་རྒྱགས་མ་མཛད། །ཅེས་པ་སྟེ། རྒྱལ་པོ་རཱ་མ་ཎ་དཀའ་ཐུབ་ལ་གནས་པས་ཀྱང་འབྱུང་བོ་འཛིན་མ་ས་གཞིའི་ཁྱོན་འདི་ལས་རྒྱལ་བར་གྱུར་ན། ས་གཞི་དེ་ཉིད་དཔུང་ཚོགས་ཡན་ལག་བཞི་དང་བཅས་པས་རྒྱལ་པོ་ཁྱོད་ཀྱིས་ཀྱང་རྒྱལ་བར་ཐོབ་པ་འདི་ལ་ཁྱོད་ནི་རྒྱགས་པ་སྟེ་ང་རྒྱལ་མ་མཛད་ཅིག་ཅེས་རློམས་སེམས་བྱ་རིང་མི་ཆོག་པར་ལྟར་སྣང་བའ…

རྒྱན་གཞན་དག་གྱི་སྒོ་ནས་ཟོལ་གྱིས་བསྟོད་པའི་རྣམ་པ་རྣམས་རབ་ཏུ་རྒྱ་ཆེ་ཞིང་མཐའ་དང་བྲལ་བ་དག་ཀྱང་རྟོགས་པར་བྱའོ། །སུམ་ཅུ་པ་ངེས་བསྟན་གྱི་རྒྱན་ལ་གཉིས། མཚན་ཉིད་དང་། དཔེ་བརྗོད་དོ། །དང་པོ་ནི། གལ་ཏེ་དོན་གཞན་འཇུག་པ་ཡིས། །དེ་དང་མཚུངས་པའི་འབྲས་བུ་འགའ། །མཆོག་གམ་མཆོག་མིན་སྟོན་བྱེད་པ། །དེ་ནི་ངེས་པར་བསྟན་པ་ཡིན། །ཞེས་པ་ས…

བའི་ཚུལ་དུ་བརྗོད་པ་གང་ཡིན་པ་ནི་ཡོངས་བརྗེས་ཀྱི་རྒྱན་ཡིན་ཏེ། རྒྱན་གཉིས་པོ་དེ་དག་དཔེར་བརྗོད་ན་ཞེས་སོ། །གཉིས་པ་ལ། དང་པོ་ཡོན་ཏན་ལྷན་ཅིག་བརྗོད་པ་ནི། ད་ནི་མཚན་མོ་འདི་དག་རྣམས། །བདག་གི་དབུགས་དང་ལྷན་ཅིག་རིང་། །ཟླ་བའི་རྒྱན་ལྡན་མ་རྣམས་ཀྱང་། །བདག་ལུས་ཉིད་དང་ལྷན་ཅིག་སྐྱ། །ཞེས་པ་སྟེ། ད་ནི་བྲལ་བས་ཉེན་པའི་མཚན་མོའི་ཐ…

པོ་ནི། ཡོངས་སུ་བརྗེས་པའི་རང་བཞིན་ཡང་། །ངེས་པར་ཅུང་ཟད་བསྟན་པར་བྱ། །ཞེས་པ་སྟེ། གོ་སླའོ། །གཉིས་པ་ནི། ས་སྤྱོད་རྣམས་ལ་མཚོན་བསྣུན་པ། །སྟེར་བྱེད་ཁྱོད་ཀྱི་ལག་པ་ཡིས། །དེ་དག་གྲགས་པ་ཀུ་མུད་དཀར། །ཡུན་རིང་དག་ཏུ་སྒྲུབ་པ་ཕྲོགས། །ཞེས་པ་སྟེ། དགྲ་ཟླའི་ས་སྤྱོད་རྣམས་ལ་མཚོན་བསྣུན་ཏེ་འཆི་བ་སྟེར་བར་བྱེད་པ་རྒྱལ་པོ་ཁྱོད་ཀྱི…