སང་ཉང་ཆུང་རལ་པ་ཅན། །སྔོན་གྱི་སྒྲ་བསྒྱུར་ལོ་ཙཱ་བ། །དུས་དེང་སང་སྨྱོན་པ་ང་འདྲ་བྱུང་། །ཞེས་འབྱུང་བའི་ཕྱིར་རོ། །ཁྱུང་པོ་རྣལ་འབྱོར་ནི། ནཱ་རོ་པའི་ལྕམ་མོ་ནི་གུ་མ་སོགས་ཀྱིས་རྗེས་སུ་བཟུང་བའི་གྲུབ་ཐོབ་ཆེན་པོ་དེ་ཉིད་དེ། བརྒྱུད་པའང་ཤངས་པ་བཀའ་བརྒྱུད་ཅེས་ཡོངས་སུ་གྲགས་པ་འདིའོ། །རོང་སྒོམ་ཆོས་བཟང་ནི། སྔགས་རྙིང་མའི་དག…

དེ་ལྟར་གྲྭ་པ་མངོན་ཤེས་གཏེར་སྟོན་གྱི་སྐྱེ་འཕྲེང་ལྔའི་གྲས་སུ་རང་གཏེར་གྱི་ལུང་བྱང་དུ་གསུངས་པའི་ལྷག་ཉི་མ་སེང་གེ་སོགས་བཅུ་གསུམ་བྱུང་བས། བཅུ་ཕྲག་གཅིག་དང་གསུམ་ཙམ་འདས་པའི་མཐར༔ ཞེས་གབ་རྒྱ་ཅན་གྱི་ལུང་བྱང་དང་ཡང་འབྱོར་བ་ཡིན་ནོ། །གཞན་ཡང་ལོ་ཙཱ་བ་ཆེན་པོ་བཻ་རོའི་རྣམ་སྤྲུལ་ཙཱ་མི་སངས་རྒྱས་གྲགས། ཆོས་རྗེ་ས་སྐྱ་པཎྜི་ཏ། …

ཡིད་གསུམ་གྱི། །འབྲེལ་བ་གང་ལྟར་ཐོགས་པ་རྣམས། །རིགས་དྲུག་འཁོར་བ་དོང་སྤྲུགས་ནས། །པདྨས་བརྒྱན་པའི་ཞིང་ཁམས་སུ། །ཁོ་བོ་བླ་ན་མེད་པ་ཡི། །རྣམ་རོལ་མཐའ་ཡས་མགོན་པོ་ཆེར། །ཡང་དག་མངོན་འཚང་རྒྱ་བའི་ཚེ། །སྲས་འཁོར་རྒྱ་མཚོའི་ཐོག་མར་སྐྱེ། །སྐྱེ་མེད་ཆོས་ལ་བཟོད་ཐོབ་ནས། །དཔའ་འགྲོ་སྒྱུ་མ་རྡོ་རྗེ་ཡི། །ཏིང་འཛིན་རྣམ་གསུམ་མངོན་གྱ…

ཐབས་ཀྱིས་འདུལ༔ གཅིག་ནི་ཨོ་རྒྱན་ཛ་ག་ཊར༔ གྲུབ་ཐོབ་ཀུན་བཟང་སྤྱོད་པ་ཅན༔ འབྲེལ་ཚད་དོན་དང་ལྡན་པར་སྐྱེ༔ དེ་ནས་རེས་འགའ་པད་འབྱུང་ངའི༔ ཐུགས་ཀྱི་ཀློང་དུ་གཉིས་མེད་ཐིམ༔ རེས་འགའ་སྤྲུལ་པའི་འོད་ཟེར་ནི༔ གང་འདུལ་མོས་པའི་དཔལ་དུ་འཆར༔ ཐ་མར་བསྐལ་བཟང་སངས་རྒྱས་ནི༔ མོས་པ་ཞེས་བྱར་མངོན་འཚང་རྒྱ༔ ད་ལྟའི་འབྲེལ་ཐོགས་སྐལ་ལྡན་ཀུན༔ …

པར་དཀའ་ན་བདག་ཅག་བྱིས་པའི་སྐྱེ་བོས་བརྗོད་པར་མི་ནུས་སོ། །འོན་ཀྱང་རྒྱལ་བའི་ཡོན་ཏན་ལས་ཆ་ཤས་ཙམ་མཐོང་བ་དང་ཐོས་པ་དང་དྲན་པ་ཙམ་གྱིས་ཀྱང་བསོད་ནམས་མངོན་པར་འཕེལ་བར་གསུངས་པས། དེའི་ཕྱིར་སྐུ་ཚེ་སྔ་མའི་འཕྲིན་ལས་དང་སྐྱེ་བའི་འཕྲེང་བ་ཟུར་ཙམ་ཞིག་སྨོས་པ་ཡིན་ནོ། །འདིར་སྨྲས་པ། སློང་པོར་གྱུར་ཚེ་བྱང་ཆུབ་ཐུགས་བསྐྱེད་ནས། །གྲང…

༈ ༀ་སྭ་སྟི་སིདྷཾ། གང་གི་ཡོན་ཏན་དཔག་ཡས་ཆུ་གཏེར་ཆེར། །བདག་ཡིད་དད་པའི་གཉིས་འཐུང་སོང་གྱུར་པས། །ཐར་གླིང་དེད་དཔོན་བླ་ན་མེད་པ་དེའི། །ཞིང་འདིའི་མཛད་པ་བརྗོད་ལ་སྤྲོ་བར་གྱུར། །མཐའ་དག་འདི་ཞེས་ཁམས་གསུམ་ཀུན་སྦྱོར་ལས། །རྣམ་པར་གྲོལ་བ་རྣམས་ཀྱིའང་བསྙད་བྱ་མིན། །འོན་ཀྱང་དམ་པའི་གསུང་ནན་མ་ལྡོག་པས། །ཐུན་མོང་མཛད་པ་ཆ་ཙམ་དེང་…

དོ་ཤལ་གྱིས་བསྐོར་བའི་དབུས། པུར་རྒྱལ་བོད་ཀྱི་ལྗོངས་འདི་ནི་འཕགས་པ་འཇིག་རྟེན་དབང་ཕྱུག་ཕྱག་ན་པདྨོས་བྱིན་གྱིས་བརླབས་ཤིང་དེ་ཉིད་ཆོས་ཀྱི་རྒྱལ་པོའི་རྣམ་པར་རོལ་པས་ལེགས་པར་སྐྱོང་བའི་གནས། རི་མཐོ་ཞིང་ས་གཙང་བ་ཆུ་བྲག་ཤིང་གསུམ་སོགས་བཀྲ་ཤིས་དང་དགེ་མཚན་དུ་མས་སྤྲས་པའི་སའི་ཐིག་ལེ། ཟས་ནོར་གོས་རྒྱན་སོགས་མངོན་པར་འདོད་པའི…

བདག་གི་ལུང་བྱང་ལས། སྤར་རྗེས་ཅན་གྱི་བྱང་ཕྱོགས་སུ༔ ལས་ཀྱི་མཁའ་འགྲོས་བྱིན་རླབས་པ༔ རུས་སྨྱོས་དམ་ཉམས་སྒྲོལ་ལ་བརྩོན༔ བྱ་མཐིང་མ་ཞེས་བྱ་བ་འབྱུང༔ ཞེས་ལུང་བསྟན་པ་ལྟར་ཉང་རིན་པོ་ཆེ་ཡབ་སྲས་ཀྱི་སློབ་མ་བྱང་ལས་ཀྱི་མཁའ་འགྲོའི་བཀའ་བབས་མཐིང་མ་སྨྱོས་ཞིག་ཆེན་པོ་ནས། སྨྱོས་སྒོམ་ཆེན་པོ་པདྨ་རྡོ་རྗེ། ཨ་མི་ཀཱིརྟི། བླ་མ་གྲགས་པ…

གནས་རྣམས་དང་། ཁྱད་པར་གསུང་སྤྲུལ་བསྟན་འཛིན་གྲགས་པ་སོགས་རྡོ་རྗེ་འཛིན་པ་མང་དུ་བསྟེན་ཏེ། གསང་སྔགས་ཕྱི་ནང་གི་དབང་ལུང་རྒྱུད་བཤད་ལག་ལེན་མན་ངག་མང་པོ་ལ་སྦྱངས་ཤིང་མཁས་པར་གྱུར་ནས་སྒྲུབ་སྡེ་ཕན་ཚུན། སྲིན་ཞོལ་ཐ་ཕུག་སོགས་སུ་ཡུན་རིང་དུ་སྒྲུབ་པར་མཛད་པས་རྟོགས་པའང་མངོན་པར་མཐོ་བ་ཞིག་སྟེ། ཅི་མཛད་རྗེ་བཙུན་མར་དྲིས་པས་ལུང་…

བཀའ་གཏེར་མང་པོ་ལ་ཐོས་བསམ་གྱིས་སྒྲོ་འདོགས་ཆོད་པར་མཛད་ཅིང་། གཞན་ཡང་པད་གླིང་གསུམ་པ་ཚུལ་ཁྲིམས་རྡོ་རྗེ། ལོ་ཆེན་གཞན་ཕན་རྡོ་རྗེ། ལྷ་བཙུན་ནམ་མཁའ་འཇིགས་མེད། རྫོགས་ཆེན་པ་འབྲུག་སྒྲ་བཟང་པོ། འཁྲུལ་ཞིག་ནོར་བུ་ཆོས་བསྟན། བོན་ལུང་པ་ཚུལ་ཁྲིམས་རྒྱལ་མཚན། གྲུབ་ཆེན་ཆོས་དབང་ཀུན་བཟང་། ཟུར་ཆེན་བཀྲ་ཤིས་ཀུན་དགའ། སྤ་བྲོ་བ་ཆོས་…

མཆེད་དེ། གྲྭའི་རྟགས་རྗེ་མཁར་དང་། བདེ་སྐྱིད་གླིང་སོགས་བཟུང་། རྟིང་སོར་བདེ་སྐྱིད་གླིང་པ་ལས་འཇད་འདུམ་པོ་བ་མཆེད་དེ། རིམ་པར་ཞི་རྙིང་གི་སྦྱིན་བདག་ཟམ་མ་ཆད་པར་བྱོན་པའི་མཐར། ཐ་སྙད་ཀྱི་རིག་གནས་ལ་མཁས་ཤིང་ཁྱིམ་ན་གནས་ཀྱང་བྱང་ཆུབ་སེམས་དཔའི་སྤྱོད་པས་འཚོ་བ་རྗེ་དོན་གྲུབ་དབང་རྒྱལ་བའི་སྲས་མོ་ལྷ་འཛིན་དབྱངས་ཅན་སྒྲོལ་མ་ན…

དབྱངས་མིང་མས༔ བསྐྱེད་པའི་རྣལ་འབྱོར་སྔགས་ཀྱི་བརྟུལ་ཞུགས་ཅན༔ མེ་ཁམས་ཁྱི་ཡི་ལོ་པ་པདྨའི་མིང༔ གཟུགས་བྱད་ཧ་ཅང་མི་རིང་མི་ཐུང་བ༔ མདངས་སྣུམ་རིན་ཆེན་རིགས་ཀྱི་རྟགས་འཆང་བ༔ པདྨ་ང་ལ་མོས་པ་ལྷག་པར་བྱེད༔ བཅོ་བརྒྱད་ལོ་ལ་གཏེར་ཁ་དང་པོ་འབྱེད༔ ཅེས་ལུང་བསྟན་པའི་དོན་བཞིན་ཡབ་རྗེ་རིག་འཛིན་ཆེན་པོ་དགུང་ལོ་སུམ་ཅུ་རྩ་ལྔ་དང་། ཡུམ…

ངེས་པས་དེའི་མཐུ་དཔལ་འབའ་ཞིག་ཏུ་གོར་མ་ཆག་གོ །དེ་ནས་མངལ་འཛིན་པའི་ཟླ་བ་རྫོགས་པ་དང་། འཕགས་ཡུལ་དུ་ཨ་བྱ་ཡ་ཞེས་པ་མི་ཟད་པར་གྲགས་ཤིང་། ཤར་ཕྱོགས་མང་བཀུར་གྱི་ཁབ་ཏུ་བིང་ཟུའི་ཞེས་པ་མེ་ཕོ་ཁྱིའི་ལོའི་ཧོར་ཟླ་གཉིས་པ་སྟེ། རྒྱ་རྩིས་པའི་དབྱར་ར་སྦྲུལ་གྱི་ཟླ་བ་དང་། རྒྱ་གར་བ་ལ་སོགས་པའི་དབོའི་ཟླ་བ་རྟ་བདུན་གྱི་དབང་པོ་ཉའི་ཁྱ…

གྱི་ཉེས་སྐྱོན་དང་། །སྲིད་པར་འཁྲུངས་ནའང་སྲིད་པས་གོས་པ་མེད། །དེའི་ནུབ་མོ་ཀུན་མཁྱེན་མདོ་སྔགས་བསྟན་འཛིན་གྱི་གྲྭ་པ་བསྟན་འཛིན་གསལ་བྱེད་བྱ་བའི་རྨི་ལམ་དུ་གཟིམས་སྤྱིལ་དེ་ལ་འཇའི་གུར་གདུགས་ལྟར་དུ་ཕུབ་པ་དང་། ནམ་མཁའི་མཐོངས་ནས་ན་ཆུང་མང་པོས་མཆོད་པ་བྱེད་པ་སོགས་རྨིས་པས་ཕྱིས་སུ་ཡང་ཞབས་དྲུང་གདུང་བརྒྱུད་འདི་སྐྱེས་ཆེན་ཞ…

པོ་ཞེས། །ངོ་མཚར་མཚན་དབྱངས་དེ་གསོལ་ཚེ། །གཞོན་ནུ་ལ་ནི་དོན་གྲུབ་བཞིན། །མཚན་དང་མཐུན་པར་སྐྱེ་རྒུ་ཀུན། །ཀུན་དགའི་དཔལ་ལ་སྤྱོད་པར་གྱུར། །དེ་ནས་རིམ་གྲོ་པ་ཀརྨ་ལྷ་མཛེས་བྱ་བ་ལ་གཏད་དེ་སྐུ་བསྐྱེད་བསྐྲུན་པའི་ཚེ་ན་ཡང་ཞབས་ཏོག་སྒྲུབ་སླ་ཞིང་། སྙུང་གཞི་དཀོན་པ་སོགས་ཞབས་རིམ་པ་རྣམས་ངལ་བ་ལས་སྐྱོབ་པར་མཛད་ཅིང་། རྫིང་ན་གནས་པའ…

པའི་ཐོག་མ་དེ་ཡིན་གསུང་། དབང་དེའི་ནང་གི་དྲེགས་པའི་སྲོག་དབང་གི་སྐབས་དྲེགས་པ་རེ་རེ་བཞིན་ནས་ཞབས་བ རྫིས་གསུམ་གསུམ་ཙམ་མཛད་པས་ཡབ་རྗེའི་ཞལ་ནས་དྲེགས་པ་ལས་ལ་འཁོལ་བ་ཞིག་འོང་བར་འདུག་ཅེས་གསུངས། གཞན་ཡང་དེའི་ཚེ་སྤ་གྲོ་ཆོས་རྗེ་དང་མཉམ་དུ་ན་རག་དོང་སྤྲུགས་ཀྱི་དབང་དང་། དགོངས་འདུས་ཀྱི་དབང་། དར་གླིང་དུ་དཔེ་རྒྱུན་གང་བཞུགས…

དཀར་གྱི་ཞལ་ངོ་སྟངས་དཔྱལ་གཉིས་ཀས་གཅེས་པར་བསྐྱངས་ཤིང་། སྐབས་ཤིག་གཅེས་ལང་བཞེངས་པ་ལྟ་བུས་ཞལ་ངོའི་སྙན་རྒྱན་གྱི་བྱུ་རུ་གཏོགས་ཏེ་མཐིལ་གྱི་རྡོ་གཅལ་དུ་བསྐྱུར་བས་ཅི་ཡང་མ་གནོད་པ་དང་། ཡང་ལན་ཅིག་བཟང་ལྡན་གྱིས་རྒྱབ་ཏུ་ཞུས་ནས་གསོལ་ཇ་བཞེས་དུས་རྗེ་རང་གི་ཞལ་དཀར་ཆུང་ངུ་ཞིག་ཡོད་པ་དེ་མ་བྱུང་བར་གཞན་ཞིག་ཏུ་ཞུས་པས་ཐུགས་རྒྱལ…

གུ་རུ་ཞི་དྲག ཚེ་རྟ། ཕྱག་རྡོར་སོགས་དབང་བཀའ་ཆེ་ཆུང་། རབ་གནས། གནས་ལུང་། སྦྱིན་སྲེག་སོགས་ཕྱག་ལེན་གྱི་སྐོར་རྣམས་གདན་ས་དང་འདུམ་པོ་གཉིས་སུ་སྤེལ་མར་བཞུགས་ནས་ཚེ གས་མེད་པར་ཐུགས་སུ་ཆུད། བོན་ལུང་པ་ཚུལ་ཁྲིམས་རྒྱལ་མཚན་དར་གླིང་དུ་ཕེབས་པར་ཚེ་དབང་ཞིག་དང་། གསུང་སྤྲུལ་རིན་པོ་ཆེར་ཡང་དབང་ལུང་ཁ་ཤས་གསན། དགུང་ལོ་བཅུ་པ་ཤིང་…

བྱང་པའི་གཟའ་ཕོད་སོགས་རྟེན་མཇལ་རྣམས་ཀྱང་ཞིབ་གཟིགས་མཛད། དེའི་སང་ནུབ་སྙེ་ཕུ་སྨོན་གྲོང་དུ་སྤྱན་དྲངས་ཏེ་བསྙེན་བཀུར་རྒྱ་ཆེར་བསྟབས། རིམ་པར་གུང་ཐང་དུ་ཕེབས་ནས་ཟུར་ཀུན་མཁྱེན་ཆོས་དབྱིངས་རང་གྲོལ་ལ་བདུད་རྩི་བུམ་པ་དང་། མོན་པ་ཀེ་ཏའི་སྐོར་གསན། དེ་ནས་ལྷ་གདོང་གྲུ་བཏོན་ཏེ་ཆོས་འཁོར་ལྷ་སར་ས་དབང་ཆེན་པོར་ཕྱག་འབུལ་མཛད་ནས། …

མ་རོང་ཟོམ་ལུགས། ཇོ་མོ་ལུགས་ཉང་ནག་ལས་བརྒྱུད་པ། རྩ་དུམ་གྱི་མན་ངག་དྲག་སྔགས་མཆོག་ཏུ་གསང་བ་སྣ་ནམ་ལུགས་སོགས་དབང་ལུང་མན་ངག་འགའ་ཞིག་གསན། ཡབ་རྗེ་ཟླ་བ་གཅིག་བསྐོར་ནས་ཕྱིར་ཕེབས། རྗེ་ཉིད་ནས་བོན་ལུང་རང་དུ་གདན་འཇགས། མི་རིང་བར་གསུང་སྤྲུལ་རིན་པོ་ཆེ་ཡབ་སྲས་ལྷོར་ཐེགས་པའི་ཞབས་སྐྱེལ་དུ་ཤ་ར་གྲུ་ཁའི་བར་ཕེབས། དེ་ནས་ས་ཁྱི་ཧ…