བཤད་དོ། །གསུམ་པ་ནི། སྔགས་འཆང་དངོས་གྲུབ་ཡང་དག་ནི། །ཞེས་སོགས་ཏེ། གཙོ་བོ་རིགས་ལྔ་ཡབ་ཡུམ་ལ་སོ་སོའ་རིགས་ཆུང་གི་སེམས་དཔའ་ཡབ་ཡུམ་བརྒྱད་བརྒྱད་ཀྱིས་བསྐོར་བས་ལྷ་ལྔ་བཅུ། ཁྲོ་བཅུ་ཡབ་ཡུམ་ཉི་ཤུ་སྟེ་བདུན་ཅུའོ། །དེ་བཞིན་དུ། ཁྲོ་བོ་ཁྲོ་མོའི་ཚོགས་ཆེན་པོ། །ཞེས་སོགས་ཀྱི་སྐབས་སུ་ཁྲོ་བོའི་དཀྱིལ་འཁོར་ལའང་ཚོམ་བུ་གསུམ་བསྒྲེ…

གནས་སྐབས་སུ་གཙོ་བོ་ངེས་པ་རྡོ་རྗེའི་རིགས་ཀྱིས་བྱེད་པའི་ཕྱིར། ཡང་རྗེ་སྒྲོ་ཕུག་པ་ནི། སྒོམ་བྱེད་རྣལ་འབྱོར་པ་དང་། བསྒོམ་བྱ་ལྷའི་ཁྱད་པར་གཉིས་སུ་བཞེད། དང་པོ་ནི། ལྷ་དང་རྣལ་འབྱོར་པ་བྲང་སྤྲད་དེ་སྒོམ་པ་ཚོམ་བུ། རྣལ་འབྱོར་པ་ཕོ་མོ་གང་རུང་གཅིག་གིས་ལྷའི་དཀྱིལ་འཁོར་བྱུང་ཚོགས་སུ་བསྒོམ་པ་དཀྱིལ་འཁོར་རོ། །གཉིས་པ་ནི། ཚོམ…

ཕར་མི་སྤྲོ་བར་ཚུར་སྡུད་པ་ཁོ་ན་སྟེ། འོད་ཟེར་མཐིང་ག་དངོས་གྲུབ་ཀྱི་རང་བཞིན་ཅན་དུ་བསྡུས་ནས་དངོས་གྲུབ་ཀྱི་རྫས་དང་སྒྲུབ་པ་པོ་རྣམས་ཀྱི་རྒྱུད་ལ་བསྟིམ་པའོ། །དེ་རྗེས་སྒྲོལ་བ་དང་། སྦྱོར་མཆོད་བྱེད། དེ་ཡང་དངོས་གྲུབ་བླང་བ་དངོས་ལ། ལྷ་དང་། རྫས་དང་། ཡུམ་གྱི་མཁའ་ནས་བླང་བའོ། །དང་པོ་ནི། ལྷ་སྤྱི་དང་བྲེ་བྲག་སོ་སོར་བསྐུལ་…

ཀྱི་མཚན་ཡང་སྤྱི་ཙམ་དུ་སྔ་མ་ལས། མཉེན་དྲང་སྐེད་རིང་སྟོང་སྨད་ཕྱེད། །ཡན་ལག་ཕྲ་འཇམ་ཚིགས་མིག་ཟླུམ། །དཔྲལ་བའི་དབྱེས་ཕྱེད་སྨིན་དཀྱུས་རིང་། །མིག་འབྲས་དཀྱིལ་ན་ཨུཏྤལ་མདོག །མཆུ་ཞེང་གཉིས་ཀ་འབྲིང་དུ་བཤད། །ལུས་ལ་ཆུ་ཀླུང་ག་བུར་དྲི། །གསང་ཐུབ་ཤེས་རབ་སྤྱོད་པ་དལ། །དད་ལྡན་འགྲོགས་ཤིང་དང་བ་ཆེ། །གསང་བའི་གནས་སུ་སྤྱད་པར་བྱ། …

དེ་ཡུམ་གྱི་མཁའ་ལ་འབེབས་པ་ནི་སྒྲུབ་པ་སྟེ། ཡུམ་གྱི་པདྨའི་དཀྱིལ་འཁོར་དུ། །ཞེས་སོགས་ཤླཽ་ཀ་གཅིག་གསུངས་སོ། །དེ་ལ་བླ་མའི་མན་ངག་གིས་དངོས་གྲུབ་བླང་སྟེ། སྒྲུབ་པ་ཉི་ཟླ་སྙིང་པོ་དེ། །དཀྱིལ་འཁོར་རྡོ་རྗེ་ལྕེ་ཡིས་བླང་། །ཞེས་པས་ནུབ་ཐ་མའི་ཐོ་རེངས་ཀྱི་དུས་སུ་ཡབ་ཀྱི་རྡོ་རྗེའི་ལྕེས་བླངས་ཏེ་ལྡོག་དགྲམ་གྱི་ཐབས་ཀྱིས་རང་གནས་…

ནི་གསོན་པོ་དང་། མཆོག་ཕྲན་ནི་བམ་ལ་སོགས་པའོ། །ཞེས་ཀྱང་བཤད་དོ། །གཉིས་པ་ནི། འཁོར་ཁང་ནང་མར་ཆོས་འབྱུང་གི་དབུས་སུ་ཉི་ཟླའི་དཀྱིལ་འཁོར་ལ་བཞག་ནས་བསྒྲལ་ཏེ། ཧེ་རུ་ཀ་གལ་པོ་ལས། ཁ་ཊྭཾ་བརྒྱབ་པས་ཨེ་ནང་དུ། །ཉི་ཟླའི་སྟེང་དུ་གན་རྐྱལ་བསྒྱེལ། །ཞེས་སོ། །གསུམ་པ་ནི། སྒྲོལ་བ་ལ་མཁས་པའི་སློབ་དཔོན་དང་ཀིང་གིས་སོ། །དེ་ལ་སློབ་དཔོན…

པ་ནི། རིགས་དྲུག་གི་ས་བོན་དང་། གཉེན་པོ་བཀོད་ལ་འཇུ་འདུལ་གྱིས་ངན་འགྲོའི་སྒོ་བཀག་པ་སྟེ། གནས་ལྔར་རིགས་དྲུག་གི་ས་བོན་སྤྱི་བོར་གཉིས་དང་གཞན་རྣམས་སུ་རེ་རེ་དགོད། དེའང་ཕོ་མོའ་དབང་གི་ས་བོན་རེ་རེའང་གཉིས་གཉིས་སོ། །གཉེན་པོ་ནི། གནས་ལྔར། ༀ་ཨཱཿཧཱུཾ་སྭཱ་ཧཱ་ལྔ་པོ་རེ་རེའང་གཉིས་གཉིས་ས་བོན་སོ་སོའ་སྟེང་དུ་བསམ་པའོ། །དེ་ནས་འ…

གྲི་འཇམ་དཔལ་རྣོན་པོར་བསྐྱེད་པས་ཁོག་པ་གཤགས་ཏེ་མ་རིག་པའི་རྒྱ་དྲལ་བར་བསམ། ལག་སོར་ལ་དཔའ་བོ་འབྲུ་ལྔ་བཀོད་དེ་སྙིང་ཚིར་གྱིས་བཟུང་བས་རྩ་ཆེན་བཞི་ལ་གནས་པའི་ས་བོན་དྲུག་གཉིད་དང་བཅས་པ་འབྲུ་ལྔའི་འོད་ཀྱིས་བསྲེགས་པས་སྒྲིབ་པ་དག་སྟེ་ཧཱུཾ་ཡིག་དྲུག་ཏུ་བསྒྱུར། དེ་ཡང་རང་རིག་པའི་ཡེ་ཤེས་སུ་གཅིག་པའི་ཕྱིར་ཧཱུཾ་དཀར་པོ་གཅིག་ཏུ…

ཡུམ་གྱི་མཁའ་ལ་སྦ༔ ཡེ་ཤེས་དཔའ་བོར་བྱིན་བརླབས་ཏེ༔ རིག་པ་ཆོས་ཀྱི་དབྱིངས་སུ་འཕང༔ ཁྱོད་ནི་རྒྱལ་བའི་སྲས་སུ་བསྐྱེད༔ ཅེས་སོ། །དྲུག་པ་དགོས་པ་ནི། ངོ་མཚར་ངན་འགྲོ་ཐར་པའི་ཐབས། །ཞེས་པས་བསྒྲལ་བྱ་ལས་ངན་གྱི་འབྲས་བུས་ངན་སོང་དུ་འགྲོ་ངེས་ཤིང་དེར་གནས་པ་རྣམས་བདེ་བླག་ཏུ་དེ་ལས་སྒྲོལ་བའི་ཐབས་རྨད་དུ་བྱུང་བ་ལ་ངམ་པ་སྟེ། གསལ་བཀ…

བར་བཤད་པའི་ཕྱིར་ཞེ་ན། ཐམས་ཅད་ཀྱིས་ཐམས་ཅད་དུ་སྤྱད་བྱ་མ་ཡིན་པའམ་འགའ་ཞིག་གི་ཚེ་སྤྱད་བྱ་མ་ཡིན་ཏེ། འཁོར་བར་ལྟུང་བྱེད་ཡིན་པའི་ཕྱིར་ཟེར། དང་པོ་ལྟར་ན། བྱང་ཆུབ་སེམས་དཔའ་རྔོན་དང་སྨད་འཚོང་དུ་སྤྲུལ་པའི་ཐབས་མཁས་ཀྱི་མཛད་པའང་དེར་ཐལ། དེའི་ཕྱིར་ཏེ། གསལ་བཀྲ་ལས། ཐབས་ཀྱི་སྤྱོད་པས་འཆིང་འགྱུར་ན། །བྱང་ཆུབ་སེམས་དཔའ་འདུལ་དབ…

གྱི་རྟོག་ཚོགས་རང་སར་དག་པས་སྒྲོལ་བ་སྟེ། འདི་ཉིད་ལས། དབང་པོ་ཡུལ་དུས་རིག་པ་རྣམས། །བྱང་ཆུབ་སེམས་ནི་རྡོ་རྗེའི་ཚོགས། །ཞེས་སོ། །གསུམ་པ་ནི། བསྐྱེད་རིམ་པས་བསྒོམ་བྱ་སྟེ། ལྷ་ཡབ་ཡུམ་དུ་བསྐྱེད་ནས་རོལ་པ་ནི་སྦྱོར་བ། བསྒྲལ་བྱའི་རྣམ་ཤེས་འོག་མིན་དུ་སྤོར་བའི་ཏིང་ངེ་འཛིན་ནི་སྒྲོལ་བའོ། །དེའང་ཐབས་ཞགས་ལས། རྣམ་ཤེས་ཧཱུཾ་གིས…

བཞི་ན་དབང་པོ་རྣོ་ན་ཚེ་དབང་དང་། རྟུལ་ན་རྣམ་སྨིན་ལ་སྦྱོར་ཏེ། འདི་ཉིད་ལས། ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་བསྒྱུར་རིགས་ཀྱི་དམ་པ་འགྲུབ། །ཅེས་པ་སྟེ། ཞི་བའི་ཚོགས་སྒྲུབ་ཀྱི་དུས་སོ། །ཁྲོ་བོ་ནི་དེ་ལས་སྒྲུབ་ཐག་ཉེ་བས་རབ་ཀྱིས་ཟླ་བ་གཉིས། འབྲིང་གིས་ཟླ་བ་གསུམ་དང་ཞག་དྲུག །ཐ་མས་ཀྱང་ཟླ་བ…

པར་ཅན་གྱི་ཐབས་སུ་གྱུར་པ་དང་། མཐར་ཐུག་འབྲས་བུ་འགྲུབ་པའི་རྟེན་དུ་འགྱུར་བའི་ཕྱིར་ཏེ། དེ་ལས། འཕེལ་འགྲིབ་ཕན་ཡོན་ཐབས་འགྲུབ་བཞི། །ཞེས་སོ། །བཞི་པ་རིམ་པ་བགྲོད་པ་དབང་ལ་དྲུག་ལས། དང་པོ་དགོས་ཆེད་ནི། ཆོས་ཀྱི་རྒྱལ་པོའ་གོ་འཕང་རྒྱུད་ལ་ཐོབ་པའི་ཆེད་དུ་སྟེ། དེ་ཐོབ་པ་ལ་སྒྲིབ་པ་འཇོམས་ཤིང་ནུས་པ་འཇོག་པའི་ཐབས་འདིས་རིམ་པར་བག…

ས་བོན་འཇུག་དང་ནུས་བསྐྱེད་ནས། །བདེ་བའི་དབང་ནི་རིམ་བཞིན་སྦྱིན། །ཞེས་པས་ནུས་པ་འཇོག་ཚུལ་གསུམ་པོ་ཕན་ནུས་ཟབ་དབང་གསུམ་གྱི་རིམ་པར་བཞེད་པའང་ཡོད་དེ། གང་ལྟར་ཡང་འགལ་བར་མ་མཐོང་ངོ་། །གཉིས་པ་ནི། རྒྱུད་ཚོད་དང་སྦྱར་བའི་དཀྱིལ་འཁོར་བཞིར་འགྱུར་ཏེ། རང་བཞིན་ཡེ་ཤེས་ཀྱི་དང་། ལྷག་པ་ཏིང་ངེ་འཛིན་གྱི་དང་། རིག་པ་ཉམས་ཀྱི་དང་། ལྷ…

མཐར་ཉེ་ལམ་གནས་པས། །བཞི་བཅུ་རྩ་གཉིས་སུམ་འཕྲོ་ཞིང་། །སངས་རྒྱས་སྟོང་གི་དཀྱིལ་འཁོར་སོགས། །རྡོ་རྗེའི་ཐིག་ཚད་དོར་ཙམ་གྱིས། །རྒྱང་གྲགས་ལ་སོགས་མཚན་མ་ཡི། །དཀྱིལ་འཁོར་ཕྱག་རྒྱ་གསལ་ལྡན་པ། རུའི་དབང་དུ་ལྷག་པ། ཏིང་འཛིན་ལྷག་པའི་བུའི་དབང་དུ། གཟུགས་བརྙན་ཡིན། །ཞེས་སོ། །གསུམ་པ་ནི། སློབ་དཔོན་མཐོང་ལམ་པས་སློབ་མ་གཅིག་སྤྲོས་…

གསུངས་ཤིང་། སྔོན་གྱི་སློབ་དཔོན་གྲུབ་པའི་དབང་ཕྱུག་རྣམས་དེར་དབང་བསྐུར་བ་ཉིད་བཞེད་པའི་ཕྱིར་རོ། །དེས་ན་དམན་པ་རྣམས་རས་བྲིས་ཀྱི་དཀྱིལ་འཁོར་དུ་འཇུག་རུང་བར་མ་ཟད། ལས་དང་པོ་པ་ཡིན་ཡང་དབང་པོའི་ཁྱད་པར་གྱིས། རྡུལ་ཚོན། རས་བྲིས། ཚོམ་བུའི་དཀྱིལ་འཁོར་གསུངས་པའི་དབྱེ་བས་རབ་མེ་ཏོག་གི་ཚོམ་བུའི་དཀྱིལ་འཁོར་ལྟ་བུ་དམིགས་རྟེན…

རྡུལ་ཚོན་རིགས་ལྔའི་དཀྱིལ་འཁོར་ཙམ་བྱས་ལ་ཞུགས་ནའང་སྔོན་གཞན་གྱིས་ཐོབ་པ་དང་མཉམ་པའི་དངོས་གྲུབ་དང་། ཡང་ན་དཀྱིལ་འཁོར་རྒྱས་པ་དང་མཉམ་པའི་དངོས་གྲུབ་ཐོབ་པར་འགྱུར་ཞེས་བཞེད་པའི་ཕྱིར་དང་། གཞན་ཡང་ཕྱི་དཀྱིལ་དུ་མ་ཞུགས་པར་ཐོག་མ་ནས་ལུས་དཀྱིལ་དུ་འཇུག་རུང་བའི་སྐལ་ལྡན་ཡོད་དེ་དབང་གསུམ་པའི་ཡེ་ཤེས་ཀྱི་དཔེ་ཙམ་ལ་ལྟོས་མི་དགོས་…

དབང་གི་གལ་པོ་ལས། དད་བརྩོན་ལྡན་པའི་སློབ་མ་ཡིས། །རི་མོའ་དཀྱིལ་འཁོར་ཆེན་པོ་རུ། །ནུས་དང་ཕན་པའི་དབང་ཐོབ་ནས། །བརྟུལ་ཞུགས་ལྡན་པའི་བུ་མཆོག་ལ། །ཞེས་སོགས་དང་། ཁོག་གཞུང་ལས། ཕྱི་ནང་དཀྱིལ་འཁོར་རྣམ་གསུམ་དུ། །རིམ་པར་བསྐུར་བ། ཞེས་སོགས་འཇུག་པའི་རིམ་པ་གསུངས་སོ། །གསུམ་པ་ནི། ཐོག་མཐའ་བར་གསུམ་སྟེ། འདི་ལྟར་རྒྱུ་དུས་ཀྱི་དབ…

པར་མངོན་ནོ། །དེ་ནི་མི་རིགས་ཏེ། དབྱེ་གཞི་རྩ་བ་ལྔ་ལས་དབྱེ་ཆོས་སོ་དྲུག་ཏུ་དབྱེ་བ་བྱར་མེད་པ་དང་། ལུང་གི་དགོངས་པ་འདི་ལས་ལུགས་གཞན་ཡིན་པའི་ཕྱིར་རོ། །ཡང་ཉང་ཊཱིཀ་པ། ཕྱི་དབང་བཅུ་ནང་དབང་བཅུ་གཅིག སྒྲུབ་དབང་བཅུ་གསུམ། ཟབ་དབང་གཉིས་ཏེ་སོ་དྲུག་ཏུ་འབྱེད་པའང་མི་རིགས་ཏེ། དེ་མདོ་དབང་གི་ལུགས་ཡིན་ལ། དེ་འདིར་བཀབ་པ་ལ་ཤེས་བྱ…

སུ་རྡོ་རྗེའི་གཤོག་པ་དང་། རྡོར་དྲིལ་གྱི་རྗེས་སུ་མར་མེའི་དབང་འབྱུང་བའི་ཕྱིར་གྲངས་འཇིག་གོ་ཞེ་ན། འདིར་དེ་གཉིས་མ་བགྲངས་པ་ནི་ཆད་པར་མི་སེམས་ཏེ། ཡན་ལག་གི་དབང་སོགས་ལས་ཁ་བསྐང་བར་མངོན་གྱི། འདི་ཉིད་ཀྱི་དབང་རྩར་མ་གསུངས་པའི་ཕྱིར་རོ། །འོ་ན་སྙིང་པོ་ལྔ་དང་། གོ་ཆ་དང་། གདུགས་གསུམ་ཡང་རྩ་བར་མ་གསུངས་ལ། རྔ་དང་། ཡུངས་ཀར་དང…