ན་སྤང་བྱ་འགག་པ་ལ་ཕྱོགས་པས་དུས་མཉམ་པ་སྟེ། སྤང་གཉེན་ལྷན་ཅིག་རིང་དུ་མི་གནས་པའི་འགལ་སྟོབས་ཀྱིས་སྤང་བྱ་སྤང་བ་ཡིན་པའི་ཕྱིར། དཔེར་ན། སྣང་བས་མུན་པ་སྤང་བ་བཞིན། །ཞེས་གསུངས་སོ། །གཉིས་པ་ལ། མཐར་ཆགས་སུ་དང་། ཐོད་རྒལ་དུ་བརྟག་པའོ། །དང་པོ་ནི། ལྷ་རྗེ་ཁ་རག་པ་སོགས་ན་རེ། ཟག་བཅས་ཟག་མེད་ཀྱི་ལམ་དགུ་པོ་འདི་དག་ལ་རྒྱུའི་ཐེག་པའ…

གསུམ་པ་ནི། ཐོད་རྒལ་འབྱུང་བ་ལ་ལམ་རིམ་གྱིས་པ་གང་ཞིག ཆོས་གསུམ་དང་ལྡན་དགོས་ཏེ། དེ་ལས་གཞན་དུ་མི་འབྱུང་ངོ་། །ཆོས་གསུམ་གང་ཞེ་ན། ལམ་གཞན་བར་ནས་བོར་དུ་ཡོད་པ། ངང་གིས་བློ་ཆེ་བ། སྟོང་ཉིད་སྙིང་རྗེ་དབྱེར་མེད་དུ་བསྒོམ་ནུས་པ་དང་གསུམ་གཞི་གཅིག་ལ་ཚོགས་པའོ། །བཞི་པ་ནི། རྒྱུ་མཚན་དེའི་ཕྱིར། དེ་བཞིན་ཉིད་དང་། ཀུན་སྣང་བསྒོམ་པ…

ས་དང་དབྱེ་ས་མཐོང་ལམ་མ་ཡིན་པར་ཐལ། ཚོགས་སྒྲུབ་ན་ཐོད་རྒལ་འབྱུང་བའི་ཕྱིར། འདོད་མི་ནུས་ཏེ། ལམ་རིམ་ལས། ལམ་མཆོག་དབྱེ་ས་གཅིག་ཡིན་ནོ། །ཞེས་གསུངས་པ་དང་འགལ་བའི་ཕྱིར། འོ་ན་ཚེ་དབང་གི་འབྲས་བུ་ལ་བཟང་ངན་ཡོད་པར་ཐལ་ཟེར་ན། ལྷ་ལ་བཟང་ངན་མེད་ཀྱང་ལམ་པའི་བློ་ལ་ཆེ་ཆུང་ཡོད་པས་རྒྱུ་ཚོགས་བསྒྲུབ་པའི་དུས་ཀྱི་ལྷ་མང་ཉུང་གི་བྱེད་པས…

ཕྱིན་ཅི་ལོག་གི་སྒྲོ་བཏགས་ཉོན་མོངས་པའི་དང་། ལུས་རང་དབང་མེད་པར་འདོར་བ་ལུས་ཀྱི་དང་། བདེ་མི་བདེ་རང་དབང་མེད་པར་མྱོང་བ་ཁམས་ཀྱི་དང་། ལས་ཀྱི་སྟོབས་ཀྱིས་རང་དབང་མེད་པར་ལུས་ལེན་པ་སྐྱེ་གནས་ཀྱི་ཟག་པའོ། །དེའང་ཉོན་མོངས་པའི་འཛིན་པ་ནི་གཙོ་བོ་སྟེ། དེས་འཁོར་བར་ཟག་པའི་རྒྱུའི་ས་བོན་གྲུང་པོར་འགྱུར་བའི་ཕྱིར། བྲན་ནི་ཕྱི་མ་…

སྒྲུབ་ཀྱི་ཡོན་ཏན་གྱིས་ངན་འགྲོར་མི་ལྡོག་པ་སྟེ། ཐུན་མོང་གི་སྦྱོར་ལམ་བཟོད་པ་ཐོབ་པ་བཞིན་ནོ། །བཞི་པ་ནི། རིག་འཛིན་བཞི་སྟེ། རྣམ་སྨིན། ལམ་མཆོག་ཡོངས་རྫོགས་ཀྱི་ཚེ་དབང་། ཕྱག་ཆེན། ལྷུན་གྲུབ་རིག་འཛིན་ཏེ། ཐུགས་ཐིག་ལས། དེ་ནས་བཞི་ཡིས་ཟག་དང་བྲལ། །ཞེས་དང་། ལམ་རིམ་ལས། ཟག་ཀུན་ཟད་པའི་རིགས་ཆེན་འདི། །ཇི་ལྟར་སྤྱད་ཀྱང་ལྡོག་…

འབྱུང་བ་དྭངས་མའི་ལུས་སུ་བསྒྱུར་མ་ནུས་པའི་ཕྱིར། ཚེ་དབང་དང་བདེན་པའི་མཐོང་ཚུལ་ལ་ནུས་སྟོབས་ཆེ་ཆུང་ཡོད་པར་མངོན་ཏེ། ལམ་ཆུང་ལས། ནུས་པ་ཐོབ་དང་མ་ཐོབ་པའི། །མཐོང་ལམ་གཉིས་སུ་འགྱུར་བ་ཡིན། །ཞེས་སོ། །དེའི་ཕྱིར་ནུས་པ་མ་ཐོབ་པའི་མཐོང་ལམ་ནི། རྣམ་སྨིན་ཡིན་ཏེ། ལུས་རང་དབང་མེད་པར་འདོར་བའི་ཕྱིར་རོ། །དེའང་ལམ་ཆུང་ལས། སྟོབས་ཆ…

དགོངས་པ་རྒྱུའི་མཐར་ལམ་དང་མཉམ་པ་དང་། རྒྱུའི་ཐེག་པའི་ས་བཅུ་པའི་བྱང་སེམས་དང་ལྷུན་གྲུབ་རིག་འཛིན་གཉིས་མཐར་ལམ་ཙམ་དུ་སྐལ་པ་མཉམ་ཡང་དགོངས་པ་ཀུན་ཏུ་འོད་དང་མཉམ་པ་སྟེ། དགོངས་འདུས་ལས། རྒྱུ་ཡི་དང་པོར་སྐལ་མཉམ་ཡང་། །དགོངས་སྤྱོད་རྒྱ་མཚོའ་ཁྱད་པར་གྱིས། །ཞེས་སོགས་དང་། ལམ་ཆུང་ལས་ཀྱང་། དེ་ཡང་དང་པོ་དང་པོ་དང་། །སྐལ་མཉམ་གཉི…

རྩོལ་བ་མེད་པར་ལྷུན་གྱིས་གྲུབ་པའི་ཡེ་ཤེས་གཅིག་ལ་རྫོགས་པར་འགྱུར་ཏེ། མཉམ་པ་ཉིད་རང་མཚན་མཐོང་བས་ས་དང་པོ་རབ་ཏུ་དགའ་བ། མཐའི་ལྟ་ངན་དག་པས་གཉིས་པ་དྲི་མ་མེད་པ། སེམས་ཉིད་རང་གསལ་བས་འགྲོ་དོན་མི་འགོག་པས་གསུམ་པ་འོད་བྱེད། རང་རིག་ཐམས་ཅད་དུ་སྣང་བས་བཞི་པ་འོད་འཕྲོ། དོན་གཉིས་དུས་གཅིག་ཏུ་བྱེད་པས་ལྔ་པ་སྦྱང་དཀའ། སེམས་ཉིད་ཡུ…

སུ་བསྐྱེད་ཅིང་གསལ་བ་སྟེ། རྒྱས་པ་ལས། སྐད་ཅིག་སྐུར་གསལ་འོད་དུ་འབར། །སྙིང་པོ་བརྗོད་པས་འཁོར་ལོར་ཤར། །ཞེས་སོ། །གསུམ་པ་འབྲས་བུ་ནི། རིག་འཛིན་བཞིའི་ཆར་གཏོགས་པའི་ཡེ་ཤེས་ཆིག་ཆོད་དུ་མངོན་དུ་གྱུར་པ་སྟེ། འདི་ཉིད་ལས། མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་པར་འགྱུར། །ཞེས་དང་། བྱེ་བྲག་བསྟན་པ་ལས། རིམ་བྲལ་དེ་ཉ…

སུམ་ཚོགས་པ་ལྷུན་གྲུབ་རྣམས། །གསང་དབང་མཆོག་གིས་སྦྱིན་པར་བྱེད། །ཅེས་སོ། །ཞར་བྱུང་དོགས་པ་བསལ་བ་ནི། དེ་ལྟར་ན་ཐབས་ལམ་དང་གྲོལ་ལམ་གཉིས་ཀས་འབྲས་བུ་ལ་སྦྱོར་ནུས་པར་གསུངས་པའི་ཕྱིར་ལམ་རིས་སུ་ཆད་པ་ཐ་དད་པ་ཞིག་གམ་སྙམ་ན་མ་ཡིན་ཏེ། གྲོལ་ལམ་ཚོགས་སྒྲུབ་ཀྱི་དུས་སུ་ཡོ་བྱད་ཀྱི་གཙོ་བོ་ཐབས་ཀྱི་ལམ་ཨཱ་ལི་ཀཱ་ལི་གཉིས་ཡིན་ལ། དེ་ག…

པ་གང་གིས་གང་ཞིག་ལ། །གཏད་པ་གང་དེ་ཅི་ཡི་ཕྱིར། །ཞེས་པས་བཞི་སྟེ། གང་གིས། གང་ལ། གང་གི་ཕྱིར། ཇི་ལྟར་གཏད་པའོ། །དང་པོ་ནི། སྐུ་ལྔ་ལྷུན་གྱིས་གྲུབ་པའི་སྟོན་པ་ཀུན་ཏུ་བཟང་པོ་དང་། རྒྱལ་ཚབ་རྒྱུད་ཀྱི་སྟོན་པ་རིགས་ལྔས་གཏད་དེ། དེ་ལས། སྟོན་པ་རང་བྱུང་རྡོ་རྗེ་འཛིན། །རྒྱལ་ཚབ་རྒྱུད་ཀྱི་སྐྱེས་བུ་གཉིས། །ཞེས་སོ། །གཉིས་པ་ནི། ག…

རྨད་ཀྱི་ཆོས། །གཞན་ན་ཡོད་འོང་མ་ཡིན་ཏེ། །ཐབས་ལ་བརྟེན་པའི་ཤེས་རབ་ཉིད། །དེ་ལྟ་བུ་ཡི་ངང་དུ་འ བྱུང་། །ཞེས་དང་། བསམ་གཏན་མིག་སྒྲོན་གྱི་རང་འགྲེལ་ལས། དོན་དུ་རང་རིག་པ་དེ་བཞིན་ཉིད་དུ་སོན་པ་ཉིད་སངས་རྒྱས་ཀྱི་འབྲས་བུ་ཐོབ་ཅེས་བྱ་སྟེ། དེ་ཡང་རེ་ཞིག་རྟོག་པ་དང་བསྒྲུབ་པའི་ངོ་བོར་བསྟན་གྱི། དོན་དུ་བདག་ཉིད་དུ་གྱུར་པ་ལས། ཐོ…

པའི་གླིང་དོན་གྲུབ་པ་བཞིན་ནོ། །མཐར་ཐུག་བླ་ན་མེད་པའི་འབྲས་བུ་གཅིག་ཏུ་གྱུར་པས་གཅིག་པར་བཤད་པ་དང་ཡང་མི་འགལ་ཏེ། ཡིད་བཞིན་གྱི་ནོར་བུའི་གླིང་དོན་གྲུབ་པ་བཞིན་ནོ། །ཞེས་གསུངས་པ་ནི་བསྔགས་པར་འོས་པའོ། །ཁ་ཅིག གསང་སྔགས་ཀྱི་ལམ་བདེ་ཞིང་མྱུར་བའི་ཐབས་ཀྱིས་ཁྱད་པར་དུ་བྱས་ཀྱི། དམིགས་ཡུལ་མཐར་ཐུག་གི་འབྲས་བུ་ལ་ཁྱད་པར་མེད་དོ།…

པོ་མཆོག །ཅེས་སོ། །གཉིས་པ་མཚན་ཉིད་ནི། རྒྱུད་དག་པའི་སངས་རྒྱས་ཐམས་ཅད་ཀྱི་དགོངས་པ་ཆུ་ལ་ཆུ་བླུགས་པ་ལྟར་རོ་གཅིག་ཏུ་གྱུར་པའམ། ཤིང་སྤུངས་པའི་མེ་དཔུང་ལྟར་རྒྱུད་ཐ་དད་པའང་མ་ཡིན་ཏེ། གཅིག་དང་དུ་མ་ལ་སོགས་པའི་མཐའ་ཐམས་ཅད་མ་སྤངས་ལ་བྲལ་བའི་ཕྱིར། བརྗོད་དུ་མེད་པའི་དོན་མངོན་དུ་གྱུར་པས་གཟུང་ཡུལ་ལས་གྲོལ་བའོ། །དེའང་རིམ་གསུ…

ནི་དེ་ལ་བརྟེན། །མཉམ་པ་ཉིད་དང་སོ་སོར་རྟོག །བྱ་བ་གྲུབ་པ་ཁོ་ནའོ། །ཞེས་སོ། །གཉིས་པ་ལ། མ་འདྲེས་རྣམ་གྲངས་སུ་སྣང་བ་དང་། དབྱེར་མེད་ལྷུན་གྲུབ་ཀྱི་ངོ་བོའོ། །དང་པོ་ལ། རྒྱས་འབྲིང་བསྡུས་གསུམ་ལས། དང་པོ་རྒྱས་པ་ནི། སྐུ་གསུང་ཐུགས་ཡོན་ཏན་ཕྲིན་ལས་ལྔ་པོ་རེ་རེ་ལའང་བསམ་གྱིས་མི་ཁྱབ་པ་སྟེ། དེ་ལ་སྐུ་ནི། འདི་ཉིད་ལས། ཀུན་ཏུ་ས…

པར་སྣ་ཚོགས་སུ་སྣང་བ་ནི་མངོན་པར་བྱང་ཆུབ་པའི་སྐུ་སྟེ། འདི་ཉིད་ལས། མ་གཡོས་བཞིན་དུ་སྣ་ཚོགས་པའི། །དེ་ཚེ་མི་མཐུན་སྣ་ཚོགས་ལ། །སོ་སོ་འདྲ་བར་སྣང་བ་ནི། །དེ་བཞིན་ཉིད་ལས་མ་གཡོས་ཀྱང་། །ལས་འཕྲོའི་དབང་གིས་སོ་སོར་སྣང་། །ཞེས་སོ། །གཉིས་པ་གསུང་ལྔ་ནི། སྟོན་པ་སྐུ་ལྔས་རང་རང་གི་འཁོར་ལ་བརྡའ་སྤྲོད་པའི་བདག་ཉིད་ཅན་ཏེ། དེའང་ཆོ…

སོ། །བྱ་གྲུབ་ཡེ་ཤེས་ནི་སྤྲུལ་སྐུ་འགྲོ་བ་སྒྲོལ་བའི་ཐུགས་ཏེ། དེ་ལས། ཐུགས་རྗེ་ཆེན་པོས་འབྲེལ་བ་དང་། །ཉིད་ཀྱི་དབྱིངས་ལས་མི་གཞན་ཕྱིར། །མཁའ་ལ་འཇའ་ལྟར་གསལ་བ་ན། །བྱ་བྱེད་མེད་པར་རྣམ་བཞི་ཡིས། །འགྲོ་བ་ཀུན་སྒྲོལ་ཐུགས་ཆེན་ཡིན། །ཞེས་སོ། །སོ་སོར་རྟོག་པའི་ཡེ་ཤེས་ནི་མི་ཕྱེད་རྡོ་རྗེའི་ཐུགས་ཏེ། དེ་ལས། ཆོས་དང་ཆོས་ཅན་ཀུན…

གོ་བརྡའ་སྤྲོད་པས་ན་གསུང་ཉིད་དོ། །རིག་ཅིང་མཁྱེན་པས་ན་ཐུགས་ཉིད་དོ། །འདོད་རྒུ་འབྱུང་བས་ན་ཡོན་ཏན་ཉིད་དོ། །བྱ་བ་བྱེད་པས་ན་ཕྲིན་ལས་ཉིད་དོ། །ཞེས་སོ། །གཉིས་པ་ནི། རྟེན་སྐུ་དང་། བརྟེན་པ་ཡེ་ཤེས་སོ། །དང་པོ་ནི། སྒྲིབ་བྲལ་གྱི་དགོངས་པ་དབྱིངས་ཡེ་ཟུང་དུ་འཇུག་པའི་ཆོས་སྐུ། དེ་ཉིད་འཁོར་སྨིན་པ་རྒྱ་མཚོ་ལ་ངེས་པ་ལྔ་ལྡན་དུ་…

པའི་ཡེ་ཤེས་དངོས་པོ་མེད། །མེ་ལོང་ཡེ་ཤེས་རྟོག་པ་མེད། །མཉམ་ཉིད་ཡེ་ཤེས་བཟང་ངན་མེད། །ཀུན་རྟོག་ཡེ་ཤེས་མ་འདྲེས་གསལ། །བྱ་བ་ནན་ཏན་མཐར་ཕྱིན་པའོ། །ཞེས་དང་། མདོ་དགོངས་འདུས་ལས། སེམས་ཀྱི་ཆོས་ཉིད་དེ་ཁོ་ན་ཉིད་ལས་ཆོས་ཀྱི་དབྱིངས་ཀྱི་ཡེ་ཤེས་སུ་སྣང་ངོ་། །རྩ་བའི་རྣམ་པར་ཤེས་པ་ལས་ནི་མེ་ལོང་ལྟ་བུའི་ཡེ་ཤེས་སུ་སྣང་ངོ་། །དམིག…

གནས་ཀུན་ཤེས་ནའང་། རྐྱེན་གྱིས་མ་བཅོས་པའི་བཟོ་སྲིད་པ་མ་ཡིན་པའི་ཕྱིར་མི་ཤེས་པ་བཞིན་ནོ། །དེའི་ཕྱིར་ལམ་མ་སྦྱངས་པར་གྲོལ་བ་མི་མཁྱེན་མོད། ལམ་སྦྱངས་ནས་དབང་པོའ་རིམ་པས་ཉེ་འགྱངས་ཅི་རིགས་སུ་གྲོལ་བ་མཁྱེན་པ་ཡིན་ནོ། །གཉིས་པ་དབྱེར་མེད་ལྷུན་གྲུབ་ཀྱི་ངོ་བོ་ནི། འབྲས་བུ་ཉེར་ལྔ་པོ་དེ་དག་ཀྱང་སྐུ་ལྔའི་བདག་ཉིད་རྒྱལ་བ་དྲུག་པ…