ཁྱབ་པ་བཞིན་དུ་གནས་པ་དེ་ཡིན་པའི་ཕྱིར། མང་བའི་ཚད་དེ་ཆོས་ཅན། ཁྱོད་བཤད་དུ་ཡོད་དེ། ཁྱོད་སྔར་སྨོས་པ་དེ་ལྟ་བུའི་འཁོར་ཚོགས་ཀྱི་གྲངས་ཚད་འདི་ཙམ་ཞེས་བརྗོད་ཀྱིས་མི་ལང་བའི་ཕྱིར། འོ་ན་ཁྱབ་པ་དང་མང་བའི་བདག་ཉིད་ཅན་གྱི་འཁོར་དེ་དག་དང་གཉིས་སུ་མེད་པར་བཞུགས་ཚུལ་དེ་ཇི་ལྟ་བུ་ཞེ་ན། དེ་ཆོས་ཅན། རང་བཞིན་གཉིས་སུ་མེད་པར་བཞུགས་པ་…

བསྒྱུར་ཞེས་དང་། རང་སྣང་བར་ཉིད་ཏིང་འཛིན་གཟུགས་བརྙན་སྒྱུ་མ་རྣམ་དག་གསལ་བ་ནི། ཞེས་པ་དེ་ཆོས་ཅན། ཁྱོད་ཀྱིས་ལམ་གྱི་རྒྱུད་མདོར་བསྟན་པ་ཡིན་ཏེ། ལམ་ནི་ཤེས་འཇུག་གི་བྱེད་རྩོལ་དང་བཅས་པའི་གདུལ་བྱའི་སྣང་བ་གང་ཞིག གཞི་འཆིངས་གྲོལ་མེད་པའི་གནས་ལུགས་དེ་ཉིད་རྟོགས་པ་ལ་དབང་བསྒྱུར་བའི་ལྟ་བ་དང་། སེམས་ཉིད་ལྷའི་དཀྱིལ་འཁོར་དུ་རང…

མཚོ་ལས། འཁོར་གྱི་ནང་ན་སྐལ་ལྡན་མཆོག །འདུལ་བའི་དུས་བབ་གསང་བའི་བདག ། ལག་ན་རྡོ་རྗེས་བསྡུ་བ་མཛད། །ཅེས་གསུངས། དེ་ལྟར་རྒྱུད་འདིར་སྡུད་པ་པོ་སྨོས་པ་ཆོས་ཅན། དགོས་པ་ཡོད་དེ། སྡུད་པ་པོ་མེད་ན་སྟོན་པས་བསྟན་ཀྱང་གཏམ་ལྐུགས་པ་ལྟར་ཕྱིས་མི་འབྱུང་བའི་སྐྱོན་དང་། རྒྱུད་འདི་གནས་གང་དུ། སྟོན་པ་གང་གིས། འཁོར་གང་ལ་བསྟན་ཅིང་གཏད། …

དོ་ཅོག་ཆོས་ཅན། ཁྱོད་དཔལ་ཀུན་ཏུ་བཟང་པོའི་རང་བཞིན་དུ་ཡོད་པ་མ་ཡིན་པར་ཐལ། ཁྱོད་ལེའུ་དང་པོའི་གཙོ་འཁོར་གྱི་ནང་དུ་མ་འདུས་པའི་ཕྱིར། ཡང་སྣང་ལུགས་ཀྱི་དབང་དུ་བྱས་ན་ཡང་ལུང་རིགས་གཉིས་ཀྱིས་གྲུབ་སྟེ། སྒྱུ་འཕྲུལ་རྒྱ་མཚོ་ལས། དང་པོའི་སངས་རྒྱས་པ་རྒྱལ་བ། །སེམས་པ་ཆེ་དང་འཇོམས་པ་ཆེ། །བརྗོད་ཀྱིས་མི་ལང་ཚད་མེད་དང་། །རྣམ་གཉིས…

ཐུབ་དྲུག་སོགས་ཀྱིས་སྒྲུབ་བྱེད་སྔར་ལས་དཔགས་ཏེ་ཤེས་པར་བྱའོ། །ཡང་དོགས་སེལ་དུ། མིའི་ཐུབ་པ་ཆོས་ཅན། ཁྱོད་སྟོན་པ་མ་ཡིན་པ་ཐལ། ཁྱོད་འཁོར་ཡིན་པའི་ཕྱིར་ཏེ། གོ་ཕྱེ་བའི་འཁོར་ཡིན་པ་གང་ཞིག་རིག་པའི་སྐྱེས་བུ་ཡིན་པའི་ཕྱིར། ཁ་ཅིག་ན་རེ། རིགས་ལྔ་ནང་ཕན་ཚུན་འགལ་བ་མ་ཡིན་ཏེ། གཞི་གཅིག་གི་སྟེང་དུ་གནས་པའི་ལྷ་ཡིན་པའི་ཕྱིར་ཟེར་ན…

གྲུབ་པའི་ཕྱིར། རྣལ་ལན། འདི་ལྟར་རང་ག་མར་སྣང་བ་འདི་ཡང་མིན་ལ། འདི་ལས་གཞན་དུ་བརྗོད་དུའང་མེད་དོ། །ཞེས་བཞེད་དོ། །ཡང་ཁྲོ་བོའ་གླེང་གཞིའི་སྐབས་སུ་ཁ་ཅིག་ན་རེ། རུ་ཏྲ་དེ་སྤྲུལ་པ་བ་ཡིན་ནམ། ཐ་མལ་བ་ཡིན། དང་པོ་ལྟར་ན། ངན་སོང་གི་སྡུག་བསྔལ་མྱོང་བར་བཤད་པས་རིགས་པ་མ་ཡིན་ནོ་ཟེར། གཉིས་པ་ལྟར་ན། ཡི་དྭགས་སྲིན་པོ་ཆེན་པོ་ཟེར་བས…

བརྗོད་པ་དེ་ཡིན་པའི་ཕྱིར། བཞི་པ་གླེང་བསླང་གི་རྣམ་གྲངས་ཆོས་ཅན། ཁྱོད་ལ་དབྱེ་ན་གཉིས་སུ་ཡོད་དེ། ཐུན་མིན་ལྷན་ཅིག་པའི་འཁོར་གྱི་ཆེད་དུ་སྟོན་པས་མདུན་བསུས་ཏེ་གླེང་བསླང་བ་དང་། ཐུན་མོང་པ་གོ་ཕྱེ་བའི་འཁོར་གྱི་ཆེད་དུ་འཁོར་གྱིས་གུས་པས་དྲིས་ཏེ་གླེང་བ་གཉིས་སུ་ཡོད་པའི་ཕྱིར། དེའི་དང་པོ་ཐུན་མིན་ལྷན་ཅིག་པའི་འཁོར་གྱི་ཆེད་…

དང་འདུས་མ་བྱས་ཀྱི་ཆོས་ཀྱི་ཁམས་ཡིན་ལ། དེས་ཡིད་སྐྱེད་པར་བྱེད་ཅིང་ཡིད་ཀྱི་ཡུལ་དུ་གྱུར་པས་ན་བཙུན་མོ་བྱ་བ་མོ་ཆོས་ཀུན་ཏུ་བཟང་མོ་ཞེས་བརྗོད་པའི་ཕྱིར། དེ་ལྟ་བུའི་སྟོན་པ་ཡབ་ཡུམ་གཉིས་སྙོམས་པར་ཞུགས་པ་ལ་ཆོས་ཅན། དགོས་པ་ཡོད་དེ། དེ་ལྟར་ཞུགས་པ་ལས་བྱུང་བའི་ཉི་ཟླ་བྱང་ཆུབ་ཀྱི་སེམས་ཀྱིས་རྒྱུ་བྱས་ཤིང་། ཡབ་ཡུམ་གྱིས་ཉམས་སུ…

རྟོགས་པའི་ཕྱིར། དེ་ལྟར་བརྗོད་པ་ལ་ཆོས་ཅན། དགོས་པ་ཡོད་དེ། རྟོག་ཚོགས་ཐམས་ཅད་ཡེ་ནས་སངས་རྒྱས་པར་དེ་བཞིན་གཤེགས་པ་སྟོན་པ་ཉིད་ཀྱིས་མཁྱེན་པའི་ཕྱིར་ཏེ། འཁོར་རྣམས་ཀྱིས་དབང་ཐོབ་པ་ལ་བརྟེན་ནས་དོན་དམ་པའི་བདེན་པ་རྟོག་མེད་ཀྱི་ཡེ་ཤེས་སྐྱེས་ཀྱང་སྟོན་པའི་དགོངས་པ་དབྱེར་མེད་ཀྱི་ཡེ་ཤེས་ཆེན་པོ་ད་དུང་ཉམས་སུ་མ་མྱོང་བའི་ཕྱིར་…

ཅད་བདེ་བར་གཤེགས་པའི་སྙིང་པོ་ཅན་ཡིན་པས་གཤིས་ལ་བཅིངས་གྲོལ་མེད་པའི་དོན་དེ་ཆོས་ཅན། བཤད་དུ་ཡོད་དེ། སེམས་ཅན་ཐམས་ཅད་མ་རྟོགས་པའི་དབང་གིས་བཅིངས་གྲོལ་ལྟར་སྣང་ཡང་། སྣང་ཙམ་ཉིད་ནས་གཤིས་ལ་དེ་ལྟར་མ་གྲུབ་པས་འཁོར་འདས་མཉམ་པ་ཉིད་ལྷག་པའི་ཆོས་སྐུ་ཆེན་པོར་ཡེ་ནས་ལྷུན་རྫོགས་སུ་བཞུགས་པ་དེ་ཡིན་པའི་ཕྱིར། དེ་ལྟར་སངས་རྒྱས་ཀྱིས་…

བརྟགས་གཞི་གཉིས་ཀ་ལ་ཁྱབ་ཅིང་། ལམ་དང་འབྲས་བུ་གཉིས་རྣམ་པར་བཅད་པའོ། །གཉིས་པ་དབྱེ་བ་ལ། ངོ་བོའ་གཞི་དང་། བརྟགས་པའི་གཞི་གཉིས་ལས། དང་པོའི་མཚན་ཉིད་ནི། ཆོས་ཉིད་རང་བཞིན་གྱིས་རྣམ་པར་དག་པ། དྲི་མའི་སྦུབ་ན་ཡོད་པའི་གནས་ལུགས་དེ་བཞིན་ཉིད་དེ། དཔེར་ན། འདམ་གྱི་དབུས་ན་ཡོད་པའི་ནོར་བུ་རིན་པོ་ཆེ་ལྟ་བུའོ། །དེ་ལྟར་ཡང་རྒྱུད་ལས།…

གྱི་ལུང་རྣམས་དང་མི་འགལ་ཏེ། མདོར་ན་གཞི་ལམ་འབྲས་གསུམ་དུ་ཕྱེ་བ་ཡང་རྨི་ལམ་གྱི་རྒྱུ་འབྲས་སོ་སོར་སྣང་བ་ལྟར། རེ་ཞིག་འཁྲུལ་སྣང་ཀུན་བཏགས་ཀྱི་དབང་གིས་སོ་སོར་སྣང་བ་ཙམ་ལ་བཞག་མོད། ཆོས་ཀྱི་ངོ་བོ་ཉིད་ཀྱིས་ཕྱེ་བ་མ་ཡིན་ཏེ། ངོ་བོ་རང་རིག་པའི་བྱང་ཆུབ་སེམས་སུ་གཅིག་པའི་ཕྱིར་དང་། དོན་དམ་བློའི་སྤྱོད་ཡུལ་མ་ཡིན་ཡང་། བདེན་གཉི…

སྦགས་པའི་སེམས། །དོན་གྱི་དངོས་པོ་རབ་ཏུ་སྐྱེས། །ཞེས་དང་། མདོ་སྡེ་ས་བཅུ་པར་ཡང་ཀྱེ་རྒྱལ་བའི་སྲས་དག ཁམས་གསུམ་པོ་འདི་དག་སེམས་ཙམ་མོ། །ཞེས་སོགས་རྒྱ་ཆེར་གསུངས་པའི་ཕྱིར་རོ། །ཡང་ཁ་ཅིག སོ་སྐྱེའི་ཤེས་པ་སོར་བཞག་འདི་གནས་ལུགས་ངོ་བོ་ཉིད་ཀྱི་གཞིར་འདོད་ན་ནི། ཤེས་བྱ་མ་ནོར་བ་ཡུལ་དུ་བྱེད་པས། འཕགས་པའི་མཁྱེན་པ་དང་ཁྱད་མེད་ད…

ལ་ཡང་དག་པའི་ཡེ་ཤེས་ཤིག་ཡོད་པའི་རྒྱུས་རང་སྣང་བ་ཡིན་པའི་ཕྱིར། དེ་ཡོད་པར་གཏན་ཚིགས་བཞིས་གྲུབ་པའི་ཕྱིར་ཏེ། བཞི་གང་ཞེ་ན། སྣང་བ་མ་གྲུབ་ན་འཁྲུལ་སྣང་འབྱུང་མི་རིགས་པའི་གཏན་ཚིགས་དང་། སྣང་བ་མེད་ན་དོན་དམ་ཤེས་བྱེད་མ་གྲུབ་པའི་གཏན་ཚིགས་དང་། སྣང་ཙམ་པ་འདི་སུས་ཀྱང་དགག་མི་ནུས་པའི་གཏན་ཚིགས་དང་། རང་རིག་པ་ཐམས་ཅད་དུ་རྩལ་མ་…

དྲུག་ཏུ་དབྱེ་སྟེ། དེ་ལ་ལོག་རྟོག་སྒྱུ་མ་ནི། སྒྱུ་མའི་རྟ་གླང་ལྟར། དེ་མ་ཡིན་པ་ལ་དེར་འཛིན་གྱི་ཞེན་པའི་ལོག་རྟོག རྟེན་འབྲེལ་སྒྱུ་མ་ནི། དབང་པོ་སླད་པའི་མིག་ཡོར་གྱི་གཟུགས་ལྟར་སྣང་ལ་མ་གྲུབ་པ་དང་། དངོས་པོ་སྒྱུ་མ་ནི། སྣང་ལ་ཚིམ་པ་མེད་པ་སྨིག་རྒྱུའི་དཔེས་བུམ་པ་ལ་བུམ་པར་སྣང་བ་ལྟ་བུའི་སྣང་ཆ་དང་། ཕྱག་རྒྱ་སྒྱུ་མ་ནི། ས…

ཞེས་སོ། །གསུམ་པ་ལྷག་པ་བདེན་པ་དབྱེར་མེད་ནི། མཚན་ཉིད་ནི། སྣང་སྟོང་དབྱེར་མེད་པར་དཀོར་བདུན་ངོ་བོ་ཉིད་རྒྱུར་ལྷུན་གྱིས་གྲུབ་པའི་ཆོས་ཉིད། དེ་སྒྲུབ་པ་ལ་ལུང་རིགས་གཉིས་ལས། ལུང་ནི། འདི་ཉིད་ལས། བདེན་པ་གཉིས་ཀ་དབྱེར་མེད་པར། །འཕྲུལ་དགའི་ཚུལ་དེ་ཐ་དད་མིན། །ཞེས་དང་། རྒྱས་པ་ལས། དོན་དམ་ཀུན་རྫོབ་དབྱེར་མེད་པར། །འདུས་མ་བྱ…

ལས། ཨེ་མའོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །ཞེས་སོ། །གཉིས་པ་ནི། རྒྱུ་རྒྱུད་བདེ་གཤེགས་སྙིང་པོའི་སྣང་བ་དེས་འཁྲུལ་གཞི་བྱས་ནས་རྐྱེན་ལྷན་ཅིག་སྐྱེས་པའི་མ་རིག་པས་འཁྲུལ་ཏེ། རྒྱས་པ་ལས། རྟག་ཏུ་རང་བཞིན་སྣང་གྱུར་ཀྱང་། །མིག་གིས་མིག་བཞིན་མ་རིག་པའོ། །ཞེས་སོ། །ལྷན་ཅིག་སྐྱེས་པའི་མ་རིག་པ་དེ་གང་ཞེ…

ན་མདོ་སྔགས་གཉིས་ཀའི་འཇུག་ཡུལ་དུ་གྱུར་པའི་ཐུན་མོང་སྤྱིའི་ལམ་དང་། མ་ཧཱ་ཡོ་ག་ཉིད་ཀྱི་འཇུག་ཡུལ་དུ་གྱུར་པ་ཁྱད་པར་གྱི་ལམ་མོ། །ཐུན་མོང་གི་ལམ་ནི་ངེས་འབྱུང་གི་ཐེག་པ་བཞི་དང་ཕྱི་རྒྱུད་སྡེ་གསུམ་མོ། །ཁ་ཅིག་ན་རེ། ཐུན་མོང་གི་ལམ་དེ་ཁྱད་པར་གྱི་ལམ་དུ་འགྲོའམ་མི་འགྲོ། འགྲོ་ན་ཐུན་ཁྱད་ཁྱད་མེད་དུ་ཐལ་བ་དང་གལ་ཏེ་མི་འགྲོ་ན་ཐ…

མཐས་བློ་མ་བསྒྱུར་བའི་རྐྱེན་གྱི་དབང་གིས་སེམས་གང་དུའང་སྐྱེར་རུང་བ་སྟེ། རྒྱས་པ་ལས། ཐེག་པ་གང་དུ་བསྟན་པར་མ་ངེས་པའི། །ཞེས་དང་། ཡང་ན་ངེས་མེད་འདི་ཞེས་བརྟག་ཏུ་མེད། །ཅེས་སོ། །གསུམ་པ་ནི། རྒྱས་པ་ལས། ཆོས་ཀྱི་དབྱིངས་ཀྱི་ཀུན་ལ་ཁྱབ་གྱུར་ཀྱང་། །རང་རིག་རྟོགས་པའི་སྐབས་དང་མི་ལྡན་ན། །ཇི་ལྟར་དམུས་ལོང་མདུན་དུ་མདོག་བསྟན་བཞ…

ཞེས་སོ། །དེ་ལ་ཁ་ཅིག་ན་རེ། ལམ་རིགས་བཞི་ནས་སེམས་བསྐྱེད་པ་མི་འཐད་དེ། རང་རྒྱལ་སྔགས་ལམ་དུ་མི་འཇུག་པའི་ཕྱིར་ཏེ། དེ་ནས་སྐྱེ་བ་སྔ་མ་སྨོན་ལམ་གསུམ་བཏབ་ནས་སངས་རྒྱས་དང་ཉན་ཐོས་མི་བཞུགས་པའི་དུས་སུ་འབྱུང་བར་བཤད་དེ། ཐུན་མོང་གི་གསུང་ལས། སངས་རྒྱས་རྣམས་ནི་མི་འབྱོན་ཞིང་། །ཉན་ཐོས་རྣམས་ཀྱང་ཟད་པ་ན། །རང་སངས་རྒྱས་ཀྱི་ཡེ་ཤེས…