བཞིན་གསོལ་བ་བཏབ་ན་ཐུགས་རྗེ་ལྷག་པར་སྐྱེ་སྟེ། དཔེར་ན་བཀྲེས་སྐོམ་གྱིས་ཕོངས་པས་གདུང་བའི་མི་རྣམས་ཀྱིས་སྨྲེ་སྔགས་བཏོན་པས། སྙིང་རྗེ་ཅན་རྣམས་ཀྱིས་སྦྱིན་པ་ལྷག་པར་གཏོང་བ་བཞིན་ནོ། །བཞི་པ་ཡུལ་དང་འཕྲད་པའི་ཐུགས་རྗེ་སྐྱེ་ཚུལ་ནི། གདུལ་བྱ་དུས་ལ་བབ་ཚེ་ཐབས་མཁས་ཀྱི་མཛད་པ་སྣ་ཚོགས་སུ་སྟོན་པ་སྟེ། ཁྱད་པར་རུ་ཏྲ་ནི་མཛངས་པ་སྤ…

ནས་གཞོལ། ཞེས་གསུངས་པ་ལྟར་རྩིས་མགོ་ཡན་ལག་ལྔའི་སྒོ་ནས་འཆད་དེ། དེ་ཡང་ཁུངས་ལ་ཡིད་ཆེས་བསྐྱེད་ཕྱིར་སློབ་དཔོན་གང་གིས་མཛད་པ་ནི། སྤྱིར་མཁས་ཤིང་གྲུབ་པ་བརྙེས་པའི་རྒྱ་བོད་ཀྱི་ལོ་པཎ་རྒྱུད་འདི་ཉིད་ཀྱི་དགོངས་འགྲེལ་མཛད་པ་པོ་ཐམས་ཅད་དང་། ཁྱད་པར་དུ་གཡུ་སྒྲའི་ཟློས་གར་མང་ཐོས་ལོ་ཙཱ་བ་ངག་གི་དབང་ཕྱུག་ཆོས་དཔལ་རྒྱ་མཚོའི་སྡེ་…

ཅད་ཀྱི་ལེགས་བཤད་སྙིང་པོར་དྲིལ་བ་སྟེ། གང་ཟག་དབང་པོ་རབ་འབྲིང་ཐ་གསུམ་གྱི་བློ་དང་འཚམ་པར་མཚན་དང་སྤྱི་དོན་འབྲུ་གཉེར་གསུམ་གྱི་སྒོ་ནས་བཀྲོལ་ཏེ་འཆད་པའི་ཚུལ་དུའོ། །གཞན་ཡང་སྒེག་པ་རྡོ་རྗེས་རྒྱུད་གསུམ། སྣང་བ་བཞིར་བསྡུས་ནས་འཆད་པ་དང་། སྔ་རབ་པ་རྣམས་ཀྱི་འཆད་ཚུལ་མདའ་ལྟར་རྩེ་མོ་ནས་བཟུང་སྟེ་འཆད་ཅེས་པ་རྒྱུད་འདིའི་མཚན་ཀྱ…

པོ་མགོ་སྨོས་པས་གོ་བའི་གང་ཟག་དབང་པོ་ཡང་རབ་རྣམས་ལ་རྒྱུད་ཀྱི་མཚན་བཤད་པ་ནི༑ ཐུགས་ཐིག་ལས། དང་པོར་མཚོན་པ་མཚན་གསུམ་ལྡན། ཞེས་དང་། ཁོག་གཞུང་ལས། རབ་མཚན་ཐ་སྙད་གསུམ་དུ་གྲགས། །སྒྱུ་འཕྲུལ་སྙིང་པོ་ལུང་གི་སྤྱི། །ལག་གི་རྩ་བཞིན་དབུ་ཞབས་རྟོགས། །སྐལ་བ་ཅན་གྱི་ཆེད་ཕྱིར་རོ། །ཞེས་པས་བསྟན། དེ་ལ་རབ་མཚན་དེ་ལ་གསུམ་དུ་གྲགས། ཞེས…

ཞེས་ནི་བཤད་པ་ཡིན། ཞེས་པས། རྡོ་རྗེ་ནི་རང་བཞིན་དབྱེར་མི་ཕྱེད་པས་ཤེས་རབ་སྟོང་པ་ཉིད་དང་ཞེས་པ་དེས་བསྟན། དེའི་དོན་ནི། རྡོ་རྗེའི་རང་བཞིན་གང་དང་དབྱེར་མི་ཕྱེད་ཅེ་ན། འཁོར་འདས་ཀྱི་ཆོས་ཐམས་ཅད་ཀྱི་རང་བཞིན་ནམ་གནས་ལུགས་སྟོང་པ་ཉིད་དུ་གནས་པ་དེ་ལ་རྡོ་རྗེ་ཞེས་བཤད་པ་ཡིན་ཏེ། མཉམ་སྦྱོར་ལས། རྡོ་རྗེ་སྟོང་པ་ཉིད་དུ་བཤད། །སེམ…

ཡོད་ཕྱིར་ན་ལུས་ཅན་ཀུན། །རྟག་ཏུ་བདེ་གཤེགས་སྙིང་པོ་ཅན། ཞེས་སོ། །སེམས་སྟོང་པ་ཉིད་དུ་གནས་པ་དེ་ལ་རྡོ་རྗེ་ཞེས་འདོགས་པའི་རྒྱུ་མཚན་ཇི་ལྟ་བུ་ཞེ་ན། དཔེ་འཇིག་རྟེན་ན་དྲང་སྲོང་ཞོ་འཐུང་གི་རུས་པ་ལས་གྲུབ་པའི་རྫས་རྡོ་རྗེ་ཕ་ལམ་མམ་བཛྲ་ཧི་ར་ཞེས་པའི་དངོས་པོ་ཞིག་ཡོད་པ་དེས་ཕར་མཚན་མའི་དངོས་པོ་ཐམས་ཅད་གཞོམ་པར་བྱེད་ལ་ཚུར་དེའི…

རིག་པའི་ཡེ་ཤེས་དེ་ཉིད་གློ་བུར་གསར་བྱུང་གི་ཆོས་ལྟ་བུ་མ་ཡིན་པར་གདོད་མ་ནས་རང་ལ་རང་ཆས་སུ་གནས་པ་དང་། བྱང་ཆུབ་ཅེས་པ་སྤང་ཐོབ་མེད་པའི་དོན་ཏེ། སྤང་བྱ་བདུད་བཞི་སྒྲིབ་གཉིས་བག་ཆགས་དང་བཅས་པ་སྤང་རྒྱུ་དང་། ཐོབ་བྱའི་ཡོན་ཏན་སྟོབས་བཅུ་དང་འབྲས་ཆོས་ཉེར་ལྔ་པ་སོགས་པ་གསར་དུ་ཐོབ་རྒྱུ་མེད་པའི་དོན་གྱིས་ན་བྱང་ཆུབ་ཅེས་བྱ་སྟེ། …

མཉམ་པས་ནམ་མཁའ་དང་། གཟུགས་སྐུ་གཉིས་སངས་རྒྱས་ཀྱི་ཞིང་རྣམས་སུ་ཁྱབ་པར་འགྲོ་བས་ན་འགྲོ་དང་། གུར་ནི་དྲ་བ་དང་དྲ་བས་ཕན་ཚུན་ཁྱབ་པར་འབྲེལ་བས་ཡེ་ཤེས། རྒྱལ་བ་ཀུན་གྱི་ཐུགས་རྗེའི་སྤྱི་གཟུགས་ཡིན་པའི་ཕྱིར་ཏེ། གུར་གྱི་རྒྱུད་ལས། སྟོང་ཉིད་སྙིང་པོ་ཐ་དད་མེད། །གང་དུ་སེམས་ནི་རྣམ་སྒོམ་པ། །དེ་ནི་སངས་རྒྱས་ཆོས་དང་ནི། །དགེ་འདུན…

རྒྱ་རྣམ་པར་འདེབས་པའི་ནུས་མཐུ་ཐོགས་པ་མེད་ཅིང་། དེ་ཐམས་ཅད་ལ་དཔེར་ན་ཏིལ་འབྲུ་ལ་མར་གྱིས་ཁྱབ་པ་བཞིན་ཡེ་ནས་ཁྱབ་བཅས་སུ་གནས་པ་སྟེ། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། འཇིག་རྟེན་ཁམས་ཀྱི་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཏིལ་འབྲུ་ལ་མར་གྱིས་ཁྱབ་པ་བཞིན་དུ་གནས་སོ། །ཞེས་དང་། ནོར་བུ་ཕྲ་བཀོད་ལས། ཏ…

བཤད་པ་ཡིན་ཏེ། དེ་ཉིད་ལས་གཞི་དང་འབྲས་བུའི་ཐ་སྙད་གང་ཡང་མི་འབྱུང་བས་ན་གཞི་འབྲས་གཉིས་སུ་མེད་བའི་རྡོ་རྗེ་སེམས་དཔའ་ཞེས་བྱ་སྟེ། ཀུན་བྱེད་ལས། སེམས་ལས་མ་གཏོགས་པ་ཡི་ཆོས་གཞན་ནི། །ཀུན་བྱེད་རྒྱལ་པོས་སྔར་ཡང་ལུང་མ་བསྟན། །ཕྱིས་ཀྱང་མི་སྟོན་ད་ལྟའང་སྟོན་མི་མཛད། །དེ་ནི་སངས་རྒྱས་སེམས་སུ་ཤེས་པར་བྱ། ཞེས་སོ། །གསུམ་པ་རྟོགས་…

ཞེས་བཤད་པ་ནི། དེ་ཉིད་ཀྱི་མཚན་མའི་ཕྱག་རྒྱར་སྣང་བ་དཀྱིལ་འཁོར་གྱི་གཙོ་བོ་དང་ཞེས་པ་དེས་བསྟན། དེ་ཉིད་ཅེས་པ་སེམས་ཉིད་སྣང་སྟོང་དབྱེར་མེད་རང་བྱུང་གི་ཡེ་ཤེས་ཆེན་པོ་མཚན་མེད་སྟོང་པ་ཉིད་ཀྱི་རང་བཞིན་ཅན་ཡིན་ཀྱང་། སེམས་ཅན་གྱི་བློ་ལ་ལྟོས་ནས་རིག་པ་ཉིད་མཚན་བཅས་ཀྱི་ལྷ་སྐུ་གཙོ་འཁོར་གྱི་རྣམ་པར་ཤར་བ་ཡིན་ཏེ། འདི་ཉིད་ལས། ར…

པ་རྩ་རླུང་ཐིག་ལེའི་རྣལ་འབྱོར་ལ་བརྟེན་ནས་སྒོ་གསུམ་རྡོ་རྗེ་གསུམ་དུ་ཉམས་སུ་བླང་བས་ལྷ་སྐུ་རང་ཤར་ཁོ་ན་ཁོར་ཡུག་ཏུ་འཆར་ཏེ། དེ་ལ་དབྱེ་ན་དབང་པོ་ལྔས་བསྡུས་པའི་སྦྱོར་ལམ་དྲོད་དང་རྩེ་མོ། །སྟོབས་ལྔས་བསྡུས་པའི་བཟོད་པ་དང་ཆོས་མཆོག་སྟེ། སྦྱོར་ལམ་རྣམ་བཞིའི་ཡོན་ཏན་འཆར་བ་ཡིན་ནོ། །དེའི་ཚེ་ནང་དུ་འཁོར་ལོ་བཞི་ལས་སྙིང་ཁ་ཆོས་…

སྤྲུལ་པ་ནི། འདི་ཉིད་ལས། མི་དང་ལྷ་དང་ཚངས་པ་ཡི། །སྐྱེ་བ་རྣམ་དག་འཛིན་མོད་ཀྱང་། །ཁྱད་པར་ས་ལ་གནས་གྱུར་ཡིན། ཞེས་སོ། །བཞི་པ་སྒོམ་ལམ་དུ་བསླབ་པ་ཟུང་འཇུག་གི་ལྷ་སྐུ་ཞེས་བྱ་བ། མཐོང་ལམ་གྱི་ཡོན་ཏན་དེ་དག་མཐོང་ཟིན་རྒྱུན་དུ་སྒོམ་པར་བྱེད་པས་ན་སྒོམ་ལམ་དུ་བསླབ་པ་ཟུང་འཇུག་གི་ལྷ་སྐུ་ཞེས་བྱ་སྟེ། ས་གཉིས་པ་དྲི་མ་མེད་པ་ནས་བཅ…

སེམས་ཅན་གྱི་དོན་བྱེད་པའི་ཕྱིར་རིགས་ལྔའི་རིག་འཛིན་ཞེས་བྱའོ། ལམ་རིམ་ལས། རྡོ་རྗེ་འཁོར་ལོ་རིན་པོ་ཆེ། །པདྨ་རིགས་ལྔའི་རིག་འཛིན་འགྱུར། །ཞེས་སོ། དེ་ལྟར་རིགས་ལྔས་བསྡུས་པའི་རིག་འཛིན་ལྔ་པོ་དག་ནི་སྒོམ་ལམ་ཕྱག་ཆེན་རིག་འཛིན་ཡིན་ལ། དེ་ཉིད་དུ་ལོངས་སྐུའི་ཞིང་ཙམ་དང་མཉམ་པའི་སྐུ་གཅིག་གིས་འགྲོ་བའི་དོན་བྱེད་ནུས་པ་ཡིན་ནོ། …

གསུང་ཐུགས་ཡོན་ཏན་ཕྲིན་ལས་ཀྱི་རྒྱུད་སྡེ་གང་དང་གང་འཆད་པའི་སྐབས་སུ་བཅོམ་ལྡན་འདས་རྣམ་པར་སྣང་མཛད་ལ་སོགས་པ་འཆད་པའི་སྐྱེས་བུ་རིགས་ལྔ་སོ་སོར་འབྱུང་ཡང་། འདིར་ཐུགས་ཀྱི་སྒྱུ་འཕྲུལ་འཆད་པའི་སྐབས་སུ་སྟོན་པ་རིགས་དྲུག་པ་ཀུན་ཏུ་བཟང་པོའི་མདུན་ན་འཆད་པའི་སྐྱེས་བུ་རྡོ་རྗེ་མི་བསྐྱོད་པ་ཉིད་བཞུགས་པ་ཡིན་ཏེ། ཐལ་རྒྱུད་ལས། འཁོ…

དམྱལ་བ་པ་རྣམས་ཀྱིས་ཁྲོ་ཆུ་དང་ཟངས་ཞུན་ཁོལ་མ་མཐོང་བ་དང་། ཡི་དྭགས་རྣམས་ཀྱིས་སྣག་ཁྲག་དང་ལྗན་ལྗིན་དུ་མཐོང་བ་དང་། དུད་འགྲོས་བཏུང་རུང་ཙམ་དུ་མཐོང་བ་དང་། མི་ལ་ཆུ་འདི་ལྟ་བུ་མཐོང་བ་དང་། ལྷ་མིན་གྱིས་མཚོན་དུ་མཐོང་བ་དང་། ལྷས་བདུད་རྩིར་མཐོང་བ་དང་། གྲུབ་པའི་ས་བཞུགས་པའི་འཕགས་པ་རྣམས་ཀྱིས་ཡུམ་མ་མ་ཀིའི་རང་བཞིན་དུ་གཟིགས…

འགའ༴ དེ་བཞིན༴ ཆོས༴ ཞེས་སོ། །སྟོང་པ་ཉིད་ནི་སྒྱུ་མ་ལྟ་བུར་ཅིར་ཡང་འཆར་ལ། ཐབས་རིག་པའི་ཡེ་ཤེས་སུ་འཕྲུལ་པས་སྒྱུ་འཕྲུལ་དང་། རིག་པའི་ཡེ་ཤེས་དེ་ཉིད་ཤེས་རབ་སྟོང་པ་ཉིད་དུ་གྲོལ་བས་ན་དྲྭ་བ་ཞེས་བཤད་ཅིང་། དེ་ནི་ཆོས་ཐམས་ཅད་ཀྱི་གནས་ལུགས་སམ་ཡིན་ལུགས་རྒྱལ་བའི་དགོངས་པའི་ཞེ་ཕུགས་ངེས་དོན་མཐར་ཐུག་ཏུ་བསྟན་པ་ཡིན་ཏེ། འདི་ཉིད…

གཅིག་ཏུ་འབྲེལ་བ་ཡིན་ཏེ། ལེ་ལག་ལས། ལྔ་ཕུང་སྒྱུ་མའི་ཡེ་ཤེས་ལ། །རང་རིག་ཐབས་ཀྱི་རིགས་ལྔར་འཕྲུལ། ཞེས་དང་། བླ་མ་ལས། ཀུན་འབྱུང་དཀྱིལ་འཁོར་སྒྱུ་འཕྲུལ་ཆེ། །གང་ལ་འབྲེལ་བ་དྲྭ་བའི་དོན། ཞེས་སོ། །འདི་ཉིད་ཀྱི་ལེའུ་བཞི་པར་ཡབ་རྐྱང་པའི་མཚན་ལ་སྒྱུ་འཕྲུལ་ཞེས་བརྗོད་པ་ནི། ཕུང་པོ་ལྔ་པོ་དེ་ཉིད་རང་རིག་རྟོགས་པའི་ཐབས་སུ་རིགས་…

འདི་ཕྱིར་སྟོན། །དོན་ཀུན་འདི་ལ་ཡོངས་རྫོགས་པ། །ལུང་གི་སྤྱི་ཞེས་བཤད་པ་ཡིན། ཞེས་པས་སོ་སོ་བསྟན་པ་རྒྱ་མཚོའི་རྒྱུད། ཅེས་པ། སྟོན་པ་ཡང་དག་པར་རྫོགས་པའི་སངས་རྒྱས་ཀྱིས་ཞི་བ་ཆོས་ཀྱི་བདུད་རྩི་གདུལ་བྱ་སོ་སོའི་བློ་དང་མཐུན་པར་ཉོན་མོངས་པ་བརྒྱད་ཁྲི་བཞི་སྟོང་འདུལ་བའི་གཉེན་པོར་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་ད…

ལུང་། དྲང་བ་མཚན་ཉིད་ཀྱི་ལུང་། །ངེས་པ་སྔགས་ཀྱི་ལུང་ཞེས་བཤད་པའི་ཕྱི་མར། ཞི་གནས་སྦྱོར་བའི་ལུང་། མཐུན་འཇུག་སྤྱོད་པའི་ལུང་། རྣམ་གྲོལ་རིག་པའི་ལུང་ཞེས་བཤད་ཀྱང་། འདིར་སྒྱུ་འཕྲུལ་རྡོ་རྗེ་ལས། དྲི་མ་མེད་པའི་ལུང་ཉིད་ནི། །ལས་དང་ཡེ་ཤེས་སྤྱི་ཉིད་ཀྱི༑ ༑རྫོགས་པས་རྫོགས་ཕྱིར་ལུང་ཉིད་དེ། ཞེས་པས། རྒྱ་མ་ལས་ཀྱི་ལུང་། ཡེ་ཤ…