བྱ་བྱེད་ཐམས་ཅད་བྱས་པ་དོན་མེད་སྡུག་བསྔལ་གྱི་འཁོར་ལོར་ཤེས་ནས་ཚེ་འདི་དང་འཁོར་བ་ལ་སྐྱུག་ཤ་མར་ལོག་པ་ཞིག་བྱུང་ན་སྔོན་འགྲོ་གནད་དུ་ཐེབས་པས་ཆོས་ཀྱི་གཞི་འཐིངས་པ་ཡིན་ནོ། །གཉིས་པ་ནི། ལོག་པའི་ལམ་ལས་ལྡོག་བྱའི་ཕྱིར༔ དཀོན་མཆོག་གསུམ་ལ་སྐྱབས་སུ་འགྲོ༔ ཞེས་པ་སྟེ། སྐྱབས་འགྲོའི་རྒྱུ་ནི། འཇིགས་པས་ཉེན་ནས་དེ་ལས་སྐྱོབ་པའི་སྐ…

དེས་འཁོར་བའི་འཇིགས་པ་ལས་སྐྱོབ་ཅིང་ཐར་པ་བླ་ན་མེད་པའི་འབྲས་བུ་ལ་འགོད་ནུས་པའི་ཕྱིར། དེ་ལ་དཀོན་མཆོག་གསུམ་ནི་སངས་རྒྱས་སྐུ་གསུམ་གྱི་བདག་ཉིད་དག་པ་གཉིས་ལྡན་མཐར་ཐུག་པ་དོན་གཉིས་ཕུན་སུམ་ཚོགས་པ། ཆོས་འགོག་ལམ་གང་རུང་གིས་བསྡུས་པའི་ཟག་མེད་རྣམ་བྱང་གི་བདེན་པ་དང་། དེ་བརྗོད་བྱར་སྟོན་པའི་གསུང་རབ་མིང་ཚིག་ཡི་གེར་སྣང་ཞིང་ག…

པ་ཡིན་ནོ། །གཉིས་པ་ཇི་ལྟར་སྐྱབས་སུ་འགྲོ་བའི་ཚུལ་ལ། གང་ལ་བརྟེན་ན་དགོས་འདོད་འབྱུང་བ་མཚོན་བྱེད་མདུན་གྱི་ནམ་མཁར་དཔག་བསམ་གྱི་ལྗོན་ཤིང་ཡལ་ག་དབུས་དང་ཕྱོགས་བཞིར་གྱེས་པའི་དབུས་མར་རྩ་བའི་བླ་མ་མཚན་རྫོགས་རྡོ་རྗེ་འཆང་དམར་པོའི་རྣམ་པར་བཞུགས་པ་ལ་དཀོན་མཆོག་གསུམ་དང་རྩ་གསུམ་ལྷ་ཚོགས་སྤྲིན་ཕུང་འཁྲིགས་པ་ཙམ་གྱིས་བསྐོར་བར་མ…

ནས་ནང་པ་སངས་རྒྱས་པའི་གྲལ་དུ་ཆུད། བསླབ་པའི་གཞི་འཛིན་པས་ཡོན་ཏན་གྱི་རྟེན་དུ་འགྱུར། ཕྱི་ནང་གི་བར་ཆད་དང་འཇིགས་པ་ཐམས་ཅད་སེལ། ཚེ་འདིར་འདོད་པའི་དོན་འགྲུབ་ཅིང་། ཕྱི་མར་མཐོ་རིས་དང་ཐར་པའི་བདེ་བ་འཐོབ་པར་འགྱུར་ཏེ། མདོ་རྒྱལ་མཚན་དམ་པ་ལས། འཚེ་བ་དག་ནི་ཐམས་ཅད་དང་། །འཇིག་ཚོགས་ཐེག་པ་དམན་དག་ལས། །སྐྱོབ་ཕྱིར་སྐྱབས་ཀྱི་དམ་…

འདོད་པ་སྟེ། མངོན་རྟོགས་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་སོ། །འདིར་གཞན་དོན་དུ་ཞེས་པ་ནི། སེམས་ཅན་ཐམས་ཅད་རྫོགས་བྱང་ལ་འགོད་པའི་ཆེད་དོ་ཞེས་པ་སྟེ། དེ་ཡང་རྒྱུ་བྱམས་པ་དང་སྙིང་རྗེ་རླབས་པོ་ཆེ་ལས་བྱུང་བ། གྲོགས་སེམས་ཅན་མ་ལུས་པའི་དོན་གྱི་ཁུར་ཆེན་རང་ཉིད་ཀྱིས་ཁྱེར་བའི་སྙི…

བྱའོ། །གནད་ཐེམས་སུ། ཞེས་པས་སེམས་བསྐྱེད་ཚད་མེད་བསྒོམ༔ ཞེས་པས་ཡུལ་སེམས་ཅན་ཚད་མེད་པའི་དོན་དུ་སྨོན་འཇུག་གི་སེམས་བསྐྱེད་ཚད་མེད་པ་བསྒོམ་པ་ལ་སྦྱར་ཡང་རུང་མོད། ཚད་མེད་བཞི་སྒོས་སུ་བསྒོམ་པར་འདོད་ན། སེམས་ཅན་རྣམས་སྔར་མེད་ཀྱི་བདེ་དགེ་གསར་པ་དང་འཕྲད་པར་འདོད་པ་བྱམས་པ། ད་ལྟར་ཡོད་པའི་སྡུག་བསྔལ་དང་བྲལ་ཞིང་ཕྱིས་སྡུག་བསྔ…

པའི་སེམས་སྐྱེས་པ་གཉིས་ཡིན་ཏེ། དེ་དང་དེས་སེམས་བསྐྱེད་རྩ་བ་ནས་གཏོང་བས་ཅི་ནས་ཀྱང་སྤང་བ་ལ་འབད། ཚེ་རབས་ཀུན་ཏུ་བྱང་ཆུབ་ཀྱི་སེམས་རྗེད་བྱེད་ཀྱི་རྒྱུ་ནག་པོའི་ཆོས་བཞི་སྤོང་ཞིང་། མི་བརྗེད་པའི་རྒྱུ་དཀར་པོའི་ཆོས་བཞི་ལ་བསླབ་པར་བྱ་བ་རྣམས་ཏེ་མདོ་ཙམ་མོ། །གཉིས་པ་ཐུན་མོང་མ་ཡིན་པའི་སྔོན་འགྲོ་ལ་གསུམ་སྟེ། འགལ་རྐྱེན་སྡིག་…

པ་འདུ་བྱེད་སེམས་པ་ཉིད་ཀྱིས་ཀུན་ནས་བསླངས་པའི་ལུས་ངག་གི་རྣམ་འགྱུར་དང་འབྲེལ་བ་ན་བསམ་པའི་ལས་སམ་ལུས་ངག་གི་ལས་ཞེས་བྱ་ཞིང་། ལུས་ངག་གི་ལས་གཉིས་ཀྱང་ཡིད་སྔོན་དུ་འགྲོ་བ་ཅན་ཡིན་པས། ཡིད་ཀྱི་ལས་རྐྱང་པ་དང་ལུས་ངག་གི་ལས་ཞེས་དབྱེའོ། །སྐབས་འདིར་སྐྱེ་བོ་ཕལ་ཆེ་བ་ལ་འབྱུང་ཉེའི་སྡིག་ལས་རགས་རིམ་ནི་མི་དགེ་བ་བཅུར་འདུས་ཏེ། དེ་…

ཡིག་བརྒྱ་དང་། ཁྲོ་བོ་ཧེ་རུ་ཀའི་ཡིག་བརྒྱ་གཉིས་སོ། །དང་པོ་ནི། དེང་སང་རྡོར་སེམས་ཡིག་བརྒྱར་གྲགས་པ་འདི་ཉིད་དེ། བཟླ་བྱའི་སྔགས་འདྲ་བ་ལས་ལྷའི་བསྐྱེད་ཚུལ་སྔགས་ཕྱི་མ་ལྟར་ཡབ་རྐྱང་དུ་བྱེད་པ་དང་། ནང་པའི་ལུགས་ཁ་སྦྱོར་ལྷན་སྐྱེས་སུ་བྱེད་པ་གཉིས་ཡོད་ཅིང་། དེ་ལའང་དམ་ཡེ་བསྐྱེད་བསྟིམ་དང་རིགས་བདག་རྒྱས་འདེབས་མཆོད་བསྟོད་སོ…

སྡིག་སྒྲིབ་སྦྱོང་བའི་མཆོག་སྟེ། ཕྱོགས་བཅུ་རྒྱས་པའི་མདོ་ལས། གང་ཞིག་འགྱོད་ཚངས་བྱེད་འདོད་ན། །དྲང་པོར་འདུག་ལ་ཡང་དག་ལྟོས། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ནས་རྣམ་པར་གྲོལ། །དེ་ནི་འགྱོད་ཚངས་མཆོག་ཡིན་ནོ། །ཞེས་སོ། །དེ་ཡང་སྡིག་སྒྲིབ་སྦྱོང་བར་བྱེད་པའི་གཉེན་པོ་ནི་མཐོལ་བཤགས་ཏེ། ཉེས་པ་བྱས་པ་གསངས་ཤིང་སྦས་ན་སྡིག་…

སེམས་ཡིན་པས། གནོང་འགྱོད་མེད་ན་བཤགས་པའི་བློ་མི་སྐྱེ་ལ། འགྱོད་པ་གཤའ་མ་ཞིག་སྐྱེས་ཕྱིན་ཆད་སྡོམ་སེམས་ཤུགས་ལ་འབྱུང་བ་འདི་ཉིད་ཡིན་ཞིང་། མཇུག་ཏུ་ཚིག་བཅད་ལྷུག་གི་བཤགས་པ་བཏོན་ན་དེ་ལའང་ཚང་སྟེ། བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །ཞེས་པས་མཐོལ་བ་དང་། བླ་མ་མགོན་པོས་སྐྱབས་མཛོད་ཅིག །ཅེས་པ་བཤགས་པ་ཡ…

སངས་རྒྱས་སྒྲུབ་པའི་རྒྱུར་བསག་བྱའི་ཚོགས་དངོས་ནི་བསོད་ནམས་དང་ཡེ་ཤེས་ཀྱི་ཚོགས་གཉིས་ཏེ། མདོ་སྡེ་རྒྱན་ལས། བྱང་ཆུབ་སེམས་དཔའ་རྣམས་ཀྱི་ཚོགས། །བསོད་ནམས་ཡེ་ཤེས་མཚུངས་པ་མེད། །གཅིག་གིས་འཁོར་བར་མངོན་མཐོ་བྱེད། །གཞན་གྱིས་ཉོན་མོངས་མེད་པར་འཁོར། །སྦྱིན་དང་ཚུལ་ཁྲིམས་བསོད་ནམས་ཀྱི། །ཚོགས་ཡིན་ཤེས་རབ་ཡེ་ཤེས་ཀྱི། །གསུམ་པོ་…

ཏེ། ཚོགས་གསོག་ཐབས་དངོས་ནི་རྡོ་རྗེ་གསུམ་གྱི་རྣལ་འབྱོར་ཉིད་ཡིན་ཡང་། སྔ་མའི་བསགས་རྒྱབ་ཁྱད་པར་ཅན་ཡོད་ན་མ་གཏོགས། རང་རྒྱུད་ལ་དགེ་ཚོགས་བསགས་པའི་གཞི་རྟེན་ཞིག་མེད་ན། དགེ་བའི་བག་ཆགས་ཡོད་ཀྱང་འཕྲལ་དུ་སད་མི་ནུས་པས། ལམ་དངོས་གཞིའི་ཉམས་མྱོང་འཕྲལ་དུ་སྐྱེ་དཀའ་ཞིང་། ཅུང་ཟད་སྐྱེ་ནའང་བུལ་ལ་རླབས་ཆུང་བ་དང་འཕེལ་སྐྱེད་མི་འབ…

མི་སྤྱོད། འབྱོར་པ་མེད་ན་ཚོམ་བུ་སྔ་མ་དེ་ཁ་བལྡབས་ཏེ་འབུལ་བ་ལས་འོས་མེད་ཅིང་། འབྲུའི་ཕུད་རེ་བསགས་པ་ཆོས་ཐུན་རྟིང་མའི་མཎྜལ་དུས་འབུལ་བའང་ཕྱག་ལེན་དུ་སྣང་། དྲི་ཆབ་ཀྱང་སྐམ་རེས་ཀྱིས་བྱུག་སྟེ་རླན་དང་མ་བྲལ་བ་སོགས་སླ་ཆོས་མི་བྱའོ། །འབུལ་ཚུལ་ནི། ལག་གཡོན་པར་འབྲུ་ཅུང་ཟད་ཙམ་དང་བཅས་པས་མཎྜལ་བཟུང་བ། སེམས་ཀྱི་རང་བཞིན་དྲི་…

གྱི་ས་གཞི་དེ་ཉིད་སྙིང་རྗེ་བྱང་ཆུབ་ཀྱི་སེམས་དང་མ་བྲལ་བ་དྲིའི་བྱུག་པ། རང་བྱུང་གི་ཡེ་ཤེས་རི་རབ། དེ་ལས་ཚད་མེད་བཞི་དང་དགའ་བ་བཞི་དང་ཡེ་ཤེས་བཞི་སོགས་འཆར་བ་གླིང་བཞི། ཐབས་ཤེས་ཟུང་དུ་འབྲེལ་བ་ཉི་ཟླ་ལ་སོགས་པའམ། ཆོས་ཉིད་འོད་གསལ་གྱི་ཞིང་ཁམས་སྐུ་དང་ཡེ་ཤེས་ཀྱི་སྣང་བ་ཆེན་པོས་ལེགས་པར་བརྒྱན་ཏེ་འབུལ་བའོ། །དེ་ཡང་ལུས་ཀྱི…

གྱི་མདོ་ལས། བ་གཅི་ཆུར་བཅས་སྦྱིན་པ་སྟེ། །བྱི་དོར་བྱས་པ་ཚུལ་ཁྲིམས་ཡིན། །སྲོག་ཆགས་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐད་ཅིག་མ། །རི་མོ་ལེགས་འབར་ཤེས་རབ་བོ། །ཕ་རོལ་ཕྱིན་པ་དྲུག་རྣམས་ཀྱིས། །ཐུབ་པའི་མཎྜལ་ལེགས་བྱས་པའོ། །འདིར་ནི་ལུས་ཀྱི་ལས་བྱས་ན། །ཁ་དོག་གསེར་ལྟར་འགྱུར་བ་དང་། །…

ཡི༔ རྣལ་འབྱོར་ལམ་ལ་འཇུག་པར་བྱ༔ ཞེས་གསུངས་པ་ལྟར་གསང་སྔགས་རྡོ་རྗེ་ཐེག་པའི་ལམ་འདིར་ཉམས་རྟོགས་ཀྱི་ཡོན་ཏན་ཐམས་ཅད་བླ་མ་དམ་པའི་བྱིན་རླབས་ཀྱི་སྒོ་ནས་ལམ་དུ་བྱེད་དགོས་པས་ཟབ་ལམ་བླ་མའི་རྣལ་འབྱོར་བསྒོམ་པ་ལ་འཇུག་པར་བྱ་སྟེ། བླ་མ་ནི་སྐྱབས་ཀུན་འདུས་པའི་སྙིང་པོ་ཡིན་པར་མ་ཟད། མཆོག་དང་ཐུན་མོང་གི་དངོས་གྲུབ་ཐམས་ཅད་བླ་མ་དམ…

ཀྱིས་དངོས་སུ་ཞལ་བསྟན་ཀྱང་། བདག་ལ་དཔལ་ལྡན་བླ་མ་ལས་ལྷག་པའི་མཛད་རྒྱུ་དང་སྟོན་རྒྱུ་མེད་པར་མ་ཟད། སངས་རྒྱས་རྣམས་ཀྱི་གཟུགས་སྐུ་དངོས་ཀྱིས་ཞལ་མཐོང་བ་དང་གསུང་ཐོས་པའི་སྐལ་བས་ཕོངས་པའི་སྐབས་འདིར་རང་རྒྱུད་ལ་སངས་རྒྱས་ཀྱི་འཕྲིན་ལས་འཇུག་པའི་བདག་རྐྱེན་མཛད་ནས་སངས་རྒྱས་ཆོས་ཀྱི་སྐུའི་ཞལ་བལྟ་བ་ལ་སྦྱོར་བའི་བཀའ་དྲིན་ནི་བསམ…

མཉེས་དེ་ཡིས་རང་གི་རྒྱུད། །ལས་ཀྱི་སྒྲིབ་པ་དག་བྱེད་དོ། །ཞེས་གསུངས་ཤིང་། གཞན་ཡང་སྔར་བཤད་པ་ལྟར་དབང་བཞིའི་ལམ་དང་རྗེས་སུ་འབྲེལ་བའི་མོས་གུས་ལམ་དུ་བྱེད་ཚུལ་རྣམས་ཀྱང་ཤེས་པར་བྱའོ། །མདོར་ན་རྩ་བའི་བླ་མ་ཉིད་སྐྱབས་གནས་ཀུན་འདུས་སུ་ཐག་ཆོད་པས་ཅི་མཛད་འགྲོ་བ་འདུལ་བའི་ཐབས་མཁས་ཀྱི་འཕྲིན་ལས་སུ་མཐོང་བ། བྱས་པ་གཟོ་བས་བཀའ་དྲ…

ལ་རང་བཞིན་གྱི་འོད་གསལ་བ་པད་ཉི་ཟླ་བའི་གདན་ལ། སངས་རྒྱས་ཀུན་འདུས་རྩ་བའི་བླ་མ་ཉིད་རྣམ་པ་ཁྱབ་བྱ་པདྨའི་རིགས་སྣང་བ་མཐའ་ཡས་ལ་ཁྱབ་བྱེད་རིགས་དྲུག་པ་རྗེས་སུ་ཞུགས་པ་གསུང་རྡོ་རྗེ་འཆང་སྟེ། བླ་མའི་བཀའ་དྲིན་ཡང་གཙོ་བོར་གསུང་གི་སྒོ་ནས་ཐོབ་པའི་རྒྱུ་མཚན་གྱིས་ཀྱང་ཡིན་ལ། དེ་ཡང་ཐུགས་རྗེས་སེམས་ཅན་ལ་རྗེས་སུ་ཆགས་པས་སྐུ་མདོག་…