ཏུ་འབྱུང་། །ཞེས་སོ། །དེ་ནས་བྱིན་རླབས་འཇུག་པའི་སླད་དུ་གསོལ་བ་གདབ་པར་བྱ་སྟེ། བླ་མའི་ཡོན་ཏན་དང་བཀའ་དྲིན་དྲན་པས་བློ་སྣ་མོས་གུས་ཀྱིས་འཕྲོགས་པའི་གདུང་ཤུགས་དྲག་པོ་ཅི་བྱེད་ཁྱེད་ཤེས་ཀྱི་རེ་ལྟོས་ལིང་བསྐྱུར་དུ་བྱས་ཏེ། རང་དང་ལྷན་ཅིག་སེམས་ཅན་ཐམས་ཅད་ཀྱིས་ཀྱང་མགྲིན་གཅིག་ཏུ་གསོལ་བ་འདེབས་པར་བསམས་ལ། སྐྱེ་མེད་སྤྲོས་བྲ…

ཕ་མཐའ་ཡས། །ཞེས་དང་། རིམ་ལྔ་ལས་ཀྱང་། རི་དབང་རྩེ་ནས་འགའ་ཞིག་ལྷུངས་གྱུར་ན། །ལྷུང་བར་མི་བྱ་སྙམ་ཡང་ལྷུང་བར་འགྱུར། །བླ་མའི་དྲིན་གྱིས་ཕན་པའི་ལུང་ཐོབ་ན། །གྲོལ་བ་མི་འདོད་ན་ཡང་གྲོལ་བར་འགྱུར། །ཞེས་གསུངས་པ་ལྟར་ཕན་ཡོན་མཐའ་ཡས་སོ། །དེ་ལྟར་སྤྱིའི་སྔོན་འགྲོ་ལས། ངེས་འབྱུང་གིས་བློ་བཅོས་ཤིང་། སྐྱབས་སུ་འགྲོ་བ་གཉིས་ནང་པ་…

ལུས་ལ་འཕྲོད་ཅིང་ས་བསིལ་དྲོད་སྙོམས་པས་ནད་མི་སྐྱེད་པ་སྟེ་ས་བཟང་བ་དང་། མཆེད་སྒོམ་ཉམས་ཅན་ནམ་མིན་ནའང་ཞི་དུལ་དང་ལྡན་ཞིང་དམ་ཚིག་གཙང་བས་གྲོགས་བཟང་བ་དང་། ས་བདག་གི་རྩོད་པ་དང་ཆོམ་རྐུན་གཅན་གཟན་སོགས་ཀྱི་འཚེ་བ་མེད་ཅིང་། སྐྱེ་བོའི་རྒྱུ་འགྲུལ་དང་སྒྲའི་ཀླག་ཅོར་སོགས་བསམ་གཏན་ལ་ཚེར་མ་མི་འབྱུང་བས་ཤིན་ཏུ་བདེ་བའི་ཡོན་ཏན་ཚ…

འཇིག་རྟེན་གྱི་ཕུན་ཚོགས་གང་ལ་རེ་བ་བྱས་ཀྱང་རེ་བ་བཞིན་མི་འགྲུབ་པས་སྡུག་བསྔལ་བསྐྱེད་པའི་ཕྱིར་རེ་བ་སྤང་བར་བྱའོ། །གཉིས་པ་ནོར་གྱི་གསོག་འཇོག་སྐྱེད་འཕེལ་སོགས་ཀྱང་སྤང་དགོས་ཏེ། ཟང་ཟིང་ཕྱིར་ནི་རྩོད་འགྱུར་ཞིང་། །ཟང་ཟིང་མེད་ན་བདེ་བའི་མཆོག ། ཆུ་སྐྱར་གྱིས་ནི་ཉ་རོ་དག །སྤངས་པའི་བདེ་བ་འཐོབ་པར་འགྱུར། །ཞེས་ཆུ་སྐྱར་གྱིས་…

གིས་ནི་བསྐོར་བ་དག །དམིགས་པ་རབ་ཏུ་བརྟན་པས་ན། །མདའ་མཁན་གྱིས་ནི་མ་མཐོང་བཞིན། །ཞེས་མདའ་མཁན་སྨྱུག་མ་སྲོང་བ་ལ་སེམས་འཇུར་བས་ཉེ་འཁོར་དུ་དམག་དཔུང་ལྷགས་པའི་ཁུ་སྒྲ་དང་གཏུག་ཆོམ་སོགས་མ་ཚོར་བ་བཞིན་ནོ། །གསུམ་པ་དམིགས་པ་བརྟན་པོ་ཐོབ་པ་ལ་རང་གཅིག་པུར་གནས་པ་ཞིག་དགོས་ཏེ། མང་པོ་རྟག་ཏུ་འཐབ་འགྱུར་ཏེ། །གཉིས་པོ་དག་ཀྱང་འགྲན་ཟླ…

རྩོལ་བའི་འབྲས་བུའོ། །སྤོང་བའི་འདུ་བྱེད་ལྷག་མ་བཞི་ནི། གདམས་ངག་བརྗེད་པའི་གཉེན་པོར་ཚིག་དོན་མི་བརྗེད་པའི་དྲན་པ། བྱིང་རྒོད་གཉིས་ཀྱི་གཉེན་པོར་འབྱུང་མི་འབྱུང་རྟོག་པའི་ཤེས་བཞིན། བྱིང་རྒོད་བྱུང་ཚེ་དེ་དག་སྤོང་བའི་གཉེན་པོ་མངོན་པར་འདུ་བྱེད་པ། བྱིང་རྒོད་ཞི་བའི་ཚེ་ཧ་ཅང་གཉེན་པོ་སྟོབས་ཆེས་པའི་གཉེན་པོར་བཏང་སྙོམས་འདུ…

མ་བརྟེན་པར་རྫོགས་རིམ་ཁོ་ནས་ལམ་གོང་མ་རྣམས་གེགས་མེད་དུ་བགྲོད་ནུས་པ་ཞིག་ཡིན་ཡང་། བསྐྱེད་རིམ་སྒོམ་པ་སྔོན་དུ་སོང་ན་བཟང་སྟེ། དེ་ཉིད་ཕྱིས་བོགས་ཆེ་ཞིང་ལམ་བགྲོད་པ་མྱུར་བ་ཡིན་པའི་ཕྱིར། དེས་ན་བསྐྱེད་པའི་རིམ་པའི་ཏིང་ངེ་འཛིན་གྲུབ་ཅིང་དེ་ལ་གནས་པས། རྫོགས་རིམ་གྱི་ཡེ་ཤེས་བསྐྱེད་པར་འདོད་པ་རྣམས་ལ་རྡོ་རྗེ་གསུམ་གྱི་རྣལ་…

ནས། དེ་རྣལ་འབྱོར་དུ་བྱེད་པའི་སྒྲུབ་པ་པོས། རྟེན་གཞལ་ཡས་ཁང་གྲུ་བཞི་སྒོ་བཞི་པར་བློས་བསླངས་བའི་ནང་དུ་བརྟེན་པ་ལྷ་རྣམས་གཙོ་འཁོར་གྱི་རྣམ་པར་ལས་བྱང་བཞིན་དུ་སྒོམ་པར་བྱེད་པ་ནི་ཡུལ་སྣང་སྟོང་ཟུང་འཇུག་གི་དཀྱིལ་འཁོར་དུ་རྒྱས་འདེབས་པས་ན་དཀྱིལ་འཁོར་ཕྱིར་འགོད་པ་ཞེས་བྱའོ། །ནང་སྒྲུབ་སྒྲུབ་པའི་ཡན་ལག་དང་གསང་སྒྲུབ་ལས་སྦྱོ…

གཏུམ་མོ། གསང་སྒྲུབ་ནི་ཐུགས་རྡོ་རྗེའི་ཕྱེད་སྔ་མ་དང་ཐབས་ལམ། ཡང་གསང་ནི་ཐུགས་རྡོ་རྗེའི་ཕྱེད་ཕྱི་མ་དང་ཨ་ཏིའི་རྟེན་དུ་འགྲོ་བ་ཡིན་ནོ། །དེ་ལྟར་བཤད་པ་ནི་བསྙེན་སྒྲུབ་ཡན་ལག་བཞིའི་སྒོ་ནས་བསྐྱེད་རིམ་རྒྱས་པར་སྒོམ་པའི་ལུགས་ཡིན་ཡང་། སྐབས་འདིར་བསྐྱེད་རིམ་གྱི་སྤྲོས་པ་ཆེས་ན་རྫོགས་རིམ་ལ་འཕྲལ་དུ་འཇུག་པ་ལས་ཕྱིར་ཕྱོགས་པར་…

རྫོགས་པའི་རྣལ་འབྱོར་དངོས་དེ་ཡེ་ཤེས་ཀྱི་ལྷ་སྐུ་ལ་ཟེར་མོད། འོན་ཀྱང་བསྐྱེད་རིམ་གྱི་རྣལ་འབྱོར་པས་ཀྱང་དེ་དང་རྣམ་པ་མཚུངས་པར་བསྒོམས་པ་ལ་རྫོགས་པའི་རྣལ་འབྱོར་ཞེས་སློབ་དཔོན་ཨ་བྷ་ཡ་ཀ་ར་སོགས་པཎ་གྲུབ་རྣམས་བཞེད་ཅིང་། ཨིནྡྲ་བྷཱུ་ཏིའི་རིམ་གཉིས་ལས་ཀྱང་། དེ་ལྟར་ལྷ་རྣམས་བསྐྱེད་པ་ནི། །བསྐྱེད་པའི་རིམ་པར་གསུངས་པའོ། །ཏིང་…

ཀྱང་བག་ཆགས་ཕལ་པས་སོ། །ཞེས་གསུངས་པ་ལྟར། སེམས་ཅན་དུ་གྲུབ་ཕྱིན་སེམས་ཀྱི་གནས་ལུགས་བདེ་བ་དང་ལུས་ཀྱི་གནས་ལུགས་ལྷའི་སྐུར་གྲུབ་པས། སེམས་ཅན་གྱི་ལུས་ངག་ཡིད་གསུམ་དང་སངས་རྒྱས་ཀྱི་སྐུ་གསུང་ཐུགས་གསུམ་གདོད་མ་ནས་ལྷན་ཅིག་ཏུ་བཞུགས་ཀྱང་། གློ་བུར་གྱི་སྒྲིབ་པས་བསྒྲིབས་ནས་རང་ངོ་མ་ཤེས་པ་དེ། རང་བཞིན་གྱིས་རྣམ་པར་དག་པ་སྟོང་ཉ…

པ་ཙམ་གྱིས་ཆོག་མོད། མགྱོགས་ཁྲིད་ཀྱི་སྐབས་སྔོན་འགྲོ་རྣམ་གཞག་གཉིས་གསུམ་ཙམ་རེ་ལས་བསྒོམ་ལོང་མ་བྱུང་ན་ཁྲིད་ཡོངས་རྫོགས་མ་ཚར་གྱི་བར་དུ་སྔ་ཐུན་ལ་ཐུན་མོང་དང་། ཐུན་མོང་མ་ཡིན་པའི་སྔོན་འགྲོ་རྣམས་དྲག་ལ་འཇུར་བ་ཡུན་རིང་ཐུང་ཅི་རིགས་པ་རེ་བསྒོམ་ཞིང་། ཕྱི་ཐུན་རྣམས་ལ་ཐུན་གྱི་སྔོན་འགྲོ་ཙམ་བསྒོམས་པས་ཆོག དེ་ནས་ལུས་གནད་རྣམ་…

དུ་འཇུག་པས་ཐལ་མོ་ཐུགས་ཀར་སྦྱོར་བ། དེ་གཉིས་དང་ངོ་བོ་རོ་གཅིག་པའི་བདེ་བ་ཆེན་པོ་ལ་འཕོ་འགྱུར་གྱི་རྟོག་པ་མེད་ཅིང་། ཡེ་ཤེས་ལྔར་འཆར་བའི་དོན་ཐལ་མོ་སྦྱར་བའི་བར་རྡོ་རྗེ་རྩེ་ལྔ་པ་བསྡམས་པས་ཡུམ་ལ་འཁྱུད་པ། འོག་མ་གཉིས་ཀྱིས་འགྲོ་བ་རྣམས་འཁོར་བ་ལས་འདྲེན་པར་མཛད་པས་པདྨའི་འཕྲེང་བ་དང་། འཁོར་བའི་ཆགས་པ་དང་བྲལ་བས་ཨུཏྤལ་དམར་པ…

པས་ཡབ་ལ་འཁྱུད་པ། གཉིས་ཀའང་རྒྱན་དང་ཆ་ལུགས་ཇི་སྐད་བཤད་པ་བཞིན་ཡོངས་སུ་རྫོགས་པ་འཇའ་ཚོན་ལྟར་གསལ་ལ་མ་འདྲེས་པའི་སྐུ་ལས་དྲི་མ་མེད་པའི་འོད་ཟེར་ཁ་དོག་ལྔ་ཕྱོགས་བཅུར་འཕྲོ་ཞིང་འབར་བའོ། །དེ་ཡང་རིམ་གྱིས་གསལ་བཏབ་ཅིང་མི་གསལ་ན་བྲིས་སྐུའམ་ཆུ་ནང་སོགས་སྐུ་ཤར་བའི་སྐུའི་གཟུགས་བརྙན་ལ་མིག་རེངས་རེངས་སུ་བལྟས་ལ། དེས་ཡིད་ལ་གསལ་…

འདབ་སུམ་ཅུ་རྩ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་སྟེ་དེ་རྣམས་སྔར་བཤད་པ་ལྟར་ཕྱི་སྐོར་གྱི་རྩ་འདབ་ཡིན་ལ། ནང་འཁོར་རྩ་འདབ་བཞི་བཞི་དྷཱུ་ཏི་ལ་ཟུག་པས་ནང་ཁོངས་འབྲེལ་བར་གནས་ཤིང་། རྩ་དེ་ཐམས་ཅད་ཀྱང་དྭངས་གསལ་སྦུབ…

ཅི་ཡིན་པ་དེ་དང་རྣམ་པ་འདྲ་བའི་ཡེ་ཤེས་སེམས་དཔའི་སྐུ་མེ་ལོང་ནང་གི་གཟུགས་བརྙན་ལྟར་དྭངས་གསལ་རྙོག་པ་མེད་པ་ལས་བཀྲག་ཅིང་འཚེར་བ་འབར་བའི་འོད་ཟེར་འཕྲོ་བ་རིན་པོ་ཆེ་དང་རུས་པ་ལ་སོགས་པའི་རྒྱན་དང་དར་གྱི་ན་བཟའ་སོགས་ཆ་ལུགས་ཐམས་ཅད་ཡོངས་སུ་རྫོགས་པའི་སྐུར་གསལ་བར་བསྒོམ་པའོ། །དེ་ཡང་ཉི་ཟླའི་དབུས་སུ་ས་བོན་གནས་པ་ཞུ་ཞིང་འདྲེས…

བའི་ངང་ལས་ལྷའི་གསལ་སྣང་དང་ང་རྒྱལ་གྱི་རྒྱུན་ལྷང་ངེ་བ་དེ་ལ་འཛིན་མེད་སྒྱུ་མ་ལྟ་བུའི་རྩིས་བཏབ་ནས་ལྷ་སྐུ་བདེ་གསལ་སྟོང་པ་ཉིད་ཀྱི་ཡེ་ཤེས་ཆོས་སྐུའི་རོལ་པར་འཆར་བའི་ཏིང་ངེ་འཛིན་ལ་མི་སྐྱོའི་བར་དུ་བསླབ་པར་བྱ་ཞིང་། དེ་ལྟར་བསླབས་པས་ལོབས་པའི་ཚད་ནི་ལྷ་སྐུ་གསལ་སྟོང་བདེ་བའི་ངང་ལ་རྩོལ་མེད་ལྷུན་གྲུབ་ཏུ་ཡུན་རིང་པོར་གནས་…

མའི་ཐིག་ལེར་ཐིམ་པར་བྱེད་ཅིང་། ཁྱད་པར་སྤྲོ་བསྡུའི་བཟླས་པས་གསུང་རྡོ་རྗེའི་སྐབས་སྙིང་གའི་ཐིག་ལེས་སྣོད་བཅུད་སྦྱང་ཞིང་བསྡུ་བ་དང་། དོ་ལིའི་བཟླས་པ་དངོས་བསྟན་དང་དེའི་གེགས་སེལ་གྱིས་རིམ་པར་གསལ་བ་དང་མི་རྟོག་པའི་ཉམས་སྐྱེ་ཞིང་ཐུར་སེལ་དང་སྟེང་རླུང་དབུ་མར་དག་པའི་སྨིན་བྱེད་དུ་འགྲོ་བ་ཡིན་ནོ། །ཇི་ལྟར་བཟླ་བ་ལ། ཡིད་བཟླ…

འོག་ཕྱོགས་མཚམས་ཀུན་ཏུ་མི་ཤིགས་པའི་རྡོ་རྗེ་མཚོན་ཆའི་གུར་ཡེ་ཤེས་ཀྱི་མེ་རབ་ཏུ་འབར་བ་དང་བཅས་པའི་སྲུང་བའི་འཁོར་ལོས་བརྟན་པར་བཅིངས་ཏེ་ཅིས་ཀྱང་མི་ཤིགས་པའི་རང་བཞིན་དུ་བསྒོམས་ལ་སྔར་བཞིན་ཡིད་བཟླས་བྱ་བ་ཡིན་ནོ། །གཉིས་པ་ནི། ཏིང་འཛིན་ཧྲཱིཿལས་མཚོན་ཆ་དང ༔ འབར་བའི་མེ་ཡིས་རྩ་སྦུབས་གང༔ ནད་གདོན་བ་སྤུའི་ཁུང་བུ་ནས༔ ཕྱིར་ད…

སྒྲིབ་རྣམས་སྔར་ལྟར་ལྷག་མེད་དུ་བསྲེགས་ཤིང་སྦྱངས། མཐར་སེམས་ཅན་ཐམས་ཅད་ཀྱང་འོད་ཀྱི་རྣམ་པར་ལྟེམ་གྱིས་ཞུ་ནས་ཚུར་འདུས་པ་ནི་རང་གི་སྙིང་གའི་ཏིང་འཛིན་སེམས་དཔའ་ཧྲཱིཿཡིག་གི་རྣམ་པར་གནས་པ་དེ་ལ་བསྟིམས་པས་གཉིས་མེད་དུ་གྱུར་པར་བསམས་ལ་ཡིད་བཟླས་བྱའོ། །གཉིས་པ་ངག་གི་བཟླས་པ་ནི། སླར་ཡང་ཧྲཱིཿམཐར་སྔགས་འཕྲེང་རྣམས༔ ཤིན་ཏུ་ཕྲ་བ…