ངན་སོང་གསུམ་དུ་སྐྱེས་ནའང་འཇིགས་རྒྱུ་རང་ཅི་ཡོད་སྙམ་ན། བློ་རྒོད་དེ་འདྲ་མ་བསམ་པ་ཡིན། བསམ་ན་དེ་རྣམས་ཀྱི་སྡུག་བསྔལ་ཉམས་སུ་མྱོང་བ་ལྟ་ཅི་སྨོས། དེ་རྣམས་ཀྱི་གཟུགས་བརྙན་རི་མོར་བྲིས་པ་མཐོང་བའམ་ཐོས་སམ། དྲན་ཡང་རུང་སྟེ་སྡུག་བསྔལ་བསམ་ན་སྙིང་རླུང་ལྡང་བ་ཙམ་དུ་བཟོད་ཐབས་མེད་དོ། །བཤེས་སྤྲིངས་ལས། དམྱལ་བ་བྲིས་པ་མཐོང་དང་ཐ…

འཁོར་བ་ཁབ་ཀྱི་རྩེ་ཙམ་ལ། །བདེ་བ་ནམ་ཡང་ཡོད་མ་ཡིན། །ཞེས་དང་། རྒྱུད་བླ་མ་ལས། མི་གཙང་བ་ལ་དྲི་ཞིམ་མེད་བཞིན་འགྲོ་ལྔ་དག་ན་བདེ་བ་མེད། །དེ་ཡིས་སྡུག་བསྔལ་རྟག་ཏུ་མི་ཚོན་རྒྱ་ཚྭ་ལ་སོགས་རེག་སྐྱེས་བཞིན། །ཞེས་དང་། རྒྱ་ཆེ་རོལ་པ་ལས། དེ་སྲིད་མ་རིག་དབང་གིས་འགྲོ་བ་རྣམས། །མི་དང་ལྷ་དང་འགྲོ་བ་རྣམ་གསུམ་པོ། །འགྲོ་བ་ལྔ་པོ་དག་ཏ…

ལྔ་པ་ཐེག་པ་སྤྱིའི་རྨངས་རྡོ་སྐྱབས་སུ་འགྲོ་བའི་ཁྲིད་ནི། གནད་ཐེམས་ལས། སྡུག་བསྔལ་དེ་ལས་མཁའ་མཉམ་འགྲོ༔ ཞེས་སོགས་ཏེ། ཚེ་རབས་ཐོག་མ་མེད་པ་ནས་མ་རིག་པའི་མུན་པ་ཐིབས་པོས་ནོན་ཏེ། ལས་ཉོན་བག་ཆགས་ཀྱི་དབང་གིས་འཇིགས་རུང་འཁོར་བའི་བཙོན་དོང་སྡུག་བསྔལ་གྱི་རྒྱ་མཚོ་མེའི་འོབས་དང་འདྲ་བ་འདི་ལས་བསྐྱབ་ནུས་པ་ནི། དཀོན་མཆོག་རིན་པོ་…

ག་བཞི་ལ་སེང་ཁྲི་པདྨ་ཉི་ཟླ་བརྩེགས་པའི་གདན་རེ་གསལ་བའི་མདུན་གྱི་གདན་ལ་ཁྱད་པར་གྱི་སངས་རྒྱས་དཀོན་མཆོག་ཡི་དམ་དཀྱིལ་འཁོར་གྱི་ལྷ་ཚོགས་རྣམས་དང་། གཡས་ཀྱི་གདན་ལ་ཐུན་མོང་གི་སངས་རྒྱས་དཀོན་མཆོག་སྟོན་པ་ཐུབ་པའི་དབང་པོ་སོགས་དུས་གསུམ་གྱི་སངས་རྒྱས་མཆོག་གི་སྤྲུལ་སྐུ་རྣམས། རྒྱབ་ཀྱི་གདན་ལ་ཆོས་དཀོན་མཆོག་རྣམས་གླེགས་བམ་བརྩེ…

པའི་ངང་ལ་མཉམ་པར་བཞག་ཅིང་། མཐར་དགེ་བ་འདི་ཡི་སྐྱེ་བོ་ཀུན༔ ཞེས་སོགས་ཀྱི་བསྔོ་བ་བྱ། ཉལ་བའི་ཚེ་དམིགས་རྟེན་མ་བསྡུས་པར་དེ་ཉིད་ལ་མགོ་བོ་ཕྱོགས་པས་ཉལ་ལ་མོས་གུས་དུང་ངེ་བའི་ངང་ལ་གཉིད་དུ་འགྲོ་བར་བྱ། གཞན་ཡང་སྐྱབས་འགྲོའི་གོ་དོན་དང་ཕན་ཡོན་བསླབ་བྱ་སོགས་ཀྱང་སྤྲོ་ན་ཇི་ལྟར་རིགས་པར་བཤད་དོ། །དྲུག་པ་ཐེག་ཆེན་གྱི་རྩ་བ་བྱང་ཆ…

བདེ་བ་ཐམས་ཅད་སེམས་ཅན་རྣམས་ཀྱིས་ཐོབ་ནས་རྒྱུད་ལ་སྨིན་པར་གྱུར་ཅིག་བསམ་ནས་བདེ་སྡུག་གི་གཏོང་ལེན་ཅི་ནུས་སུ་བྱས་མཐར། སེམས་བསྐྱེད་པའི་ཡུལ་སེམས་ཅན། སྐྱེད་པ་པོ་གང་ཟག་རང་ཉིད། སྐྱེད་བྱེད་ཀྱི་ཀུན་སློང་གསུམ་ཀ་མི་དམིགས་པ་འཁོར་གསུམ་རྣམ་པར་མི་རྟོག་པའི་ངང་ལ་ཅི་གནས་སུ་འཇོག་ཅིང་། རྗེས་སུ། བྱང་ཆུབ་སེམས་མཆོག་རིན་པོ་ཆེ༑ ༑…

ཉིད་དཀོན་མཆོག་ཀུན་འདུས་ཀྱི་ངོ་བོར་སྐྱབས་ཡུལ་དུ་བཟུང་བ་རྟེན་གྱི་སྟོབས་དང་། སྔར་བྱས་ཀྱི་སྡིག་ལྟུང་མི་དགེ་བའི་ལས་ཐམས་ཅད་ཁོང་པར་སོང་བའི་དུག་བཞིན་གནོངས་འགྱོད་བྱེད་པ་སུན་འབྱིན་པའི་སྟོབས། ཕྱིན་ཆད་འཆི་བ་སྲོག་ལ་བབས་ཀྱང་མི་དགེ་བ་མི་བགྱིད་སྙམ་པའི་སྡོམ་སེམས་བྱེད་པ་ཉེས་པ་ལས་ལྡོག་པའི་སྟོབས། སྔར་བྱས་ཀྱི་ཉེས་ལྟུང་ག…

དམ་ཚིག་ཉམས་ཆག་ཐམས་ཅད་མཐོལ་ཞིང་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་སྦྱང་ཞིང་དག་པར་མཛད་དུ་གསོལ། ཞེས་གསོལ་བ་བཏབ་པས་རང་ལུས་དྲི་མ་མེད་པའི་ཤེལ་སྒོང་ལྟར་གྱུར་པའི་ཆ་ཐམས་ཅད་དུ་བདུད་རྩི་དེས་སྐྱ་མེར་གྱིས་ཁེངས། ལུས་སེམས་ལ་ཟག་མེད་ཀྱི་བདེ་བས་ཁྱབ་པ་ལ་རྡོ་རྗེ་སེམས་དཔའི་ཐུགས་དགྱེས་པ་ཆེན་པོས་ཞལ་འཛུམ་མཛད…

བྱུགས། མེ་ཏོག་ཚོམ་བུ་སོ་བདུན་ནམ། བདུན་ལ་སོགས་པ་བཀོད་ཅིང་ཁ་གསོ། ཡིད་ཀྱི་ལས་སུ་དབང་ཆེན་གསེར་གྱི་ས་གཞི་ལ་བརྟེན་པའི་རི་རབ་གླིང་བཞི་གླིང་ཕྲན་བརྒྱད་གསེར་རི་དང་རོལ་མཚོ་བདུན་ལྕགས་རི་མུ་ཁྱུད། སྟེང་དུ་ཉི་ཟླ་གཟའ་སྐར་སོགས་སྲིད་རྩེ་མན་ཆད་ཁམས་གསུམ་ཡོངས་སུ་རྫོགས་པའི་འཇིག་རྟེན་གྱི་ཁམས་འདི་ལྷ་མིའི་ལོངས་སྤྱོད་ཕུན་སུམ…

ལས། སྐྱབས་ཀུན་སྙིང་པོ་བླ་མ་ཡི༔ རྣལ་འབྱོར་ལམ་ལ་འཇུག་པར་བྱ༔ ཞེས་སོགས་དང་། འདི་ཉིད་ལས། བདེ་བའི་སྟན་ལ་འདུག་ནས་ལུས་དྲང་པོར་བསྲང༔ སེམས་རྣལ་དུ་ཕབ༔ སྤྱི་བོར་བླ་མ་རྡོ་རྗེ་ཆོས་སུ་སྒོམ་པ་ལ་ཞེས་སོགས་ཏེ། དེ་ཡང་ཟབ་མོའི་ལམ་འདིའི་རྟེན་འབྲེལ་གྱི་གནད་ཐམས་ཅད་འདི་ནས་བསྒྲིག་དགོས་པའི་ཕྱིར། དེའི་སླད་དུ་གསོལ་བ་གདབ་པ་དང་། ད…

མེད་པ་ཐམས་ཅད་མངོན་སུམ་ལྟ་བུར་བཀྲ་ལམ་གྱིས་བཞུགས་པར་བསམ་མོ། །དེ་ཡང་སློབ་དཔོན་ཆེན་པོས། བླ་མ་བདེ་གཤེགས་འདུས་པའི་སྐུ༔ དཀོན་མཆོག་གསུམ་གྱི་རང་བཞིན་ལ༔ ཞེས་དང་། སྡོམ་འབྱུང་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཉིད། །ཅེས་གསུང་པ་ལྟར། བླ་མ་ནི་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་འདུས་པའི་ངོ་བོ། ས…

བཞིན་རྣམ་དག་གདོད་མའི་མགོན་པོ་མཆོག༔ ཀུན་བཟང་ཆོས་སྐུ་སྣང་བ་མཐའ་ཡས་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ གསལ་མདངས་འགག་མེད་རྡོ་རྗེ་དབྱིངས་ཀྱི་ཞིང༔ ལྷུན་འགྲུབ་འོད་གསལ་བདེ་ཆེན་སྒྱུ་མའི་སྐུ༔ ལོངས་སྤྱོད་རྫོགས་སྐུ་ཐུགས་རྗེ་ཆེན་པོ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ གང་འདུལ་དེར་སྣང་ཐུགས་རྗེའ…

བ་བཏབ་པས་བླ་མ་ཉིད་དགྱེས་ཤིང་འཛུམ་པའི་གནས་གསུམ་གྱི་ཡི་གེ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས། རང་གི་གནས་གསུམ་དུ་རིམ་པར་ཞུ་ཞིང་ཐིམ་པས་ལུས་ནང་གི་འཁོར་ལོ་བཞི་གང་། སྒོ་གསུམ་གྱི་དྲི་མ་བག་ཆགས་དང་བཅས་པ་སྦྱངས། དབང་བཞི་རྫོགས་སུ་ཐོབ། སྐུ་བཞིའི་འབྲས་བུ་མངོན་དུ་ཐོབ་པར་བསམས་ཤིང་། སླར་ཡང་མོས་གུས་གདུང་ཤུགས་དྲག་…

ཐོབ་མེད་ཀྱང་དམ་ཚིག་གསོ་བ་དང་ཡོན་ཏན་ཡར་ལྡན་དུ་བསྐྱེད་པའི་ཕྱིར། སྐབས་འདིར་བླ་མ་ལ་ཞུ་ུབའམ། མ་འབྱོར་ན་སྡོམ་ལྡན་རང་ཉིད་བླངས་ཀྱང་རུང་སྟེ་འགྲུབ་ན་ལེགས་པ་ཡིན་ནོ༑ ༑གཉིས་པ་དངོས་གཞིའི་གདམས་པ་ལ། རྩ་བའི་མན་ངག་གི་རྣལ་འབྱོར་དང་། ཡན་ལག་གི་རྣལ་འབྱོར་གཉིས། དང་པོ་རྩ་བའི་མན་ངག་གི་རྣལ་འབྱོར་ལ་གནས་པ་རྩ་དག་པར་བྱེད་པ་དྷུ་ཏི…

རྩ་འཆིང་བའི་སྟོབས་ཀྱིས་རྩ་བའི་རླུང་ལྔ་སོ་སོའི་གནས་སུ་འཆིང་སྟེ། དེ་ཡང་ཐུར་སེལ་གྱི་རླུང་གསང་བར་འཆིང་། མེ་མཉམ་གྱི་རླུང་ལྟེ་བར་འཆིང་། སྲོག་འཛིན་གྱི་རླུང་སྙིང་གར་འཆིང་། གྱེན་རྒྱུའི་རླུང་མགྲིན་པར་འཆིང་། ཁྱབ་བྱེད་ཀྱི་རླུང་པགས་པའི་མཐར་ཐུག་ཏུ་གནས་པ་དེ་འཆིང་། དེ་ལྟར་རྩ་བའི་རླུང་ལྔ་ཟིན་པས་ཡན་ལག་གི་རླུང་རྣམས་རང…

དགུག་པ་སྨིན་མཚམས་ནས་སྣ་བུག་གི་ནང་གཉིས་སུ་ཟུག་ཅིང་། དེ་གཉིས་དབུ་མ་དང་ལྷན་ཅིག་གསུམ་གཤིབས་སུ་སོང་བའི་མར་སྣེ་གཉིས་དབུ་མ་ལས་ཅུང་ཟད་རིང་བ་ཡར་ལོག་སྟེ་དབུ་མའི་ནང་དུ་ཚུད་ཅིང་། འཁོར་ལོ་བཞི་སོ་སོའི་ཐད་དུ་རོ་རྐྱང་གཉིས་དབུ་མ་ལ་ཐིམ་པའི་ཚུལ་དུ་ནང་ཁོང་འབྲེལ་བ། དེ་ལས་འཁོར་ལོ་བཞིའི་འདབ་མའི་བུ་གུ་རྣམས་དྭངས་སང་ངེ་བའི་ར…

ཧྲིལ་གྱིས་སྒྲིམ༔ མ་བཅོས་མ་བསླད་འགྱུར་བ་མེད༔ ཇི་ལྟར་ནམ་མཁའ་དག་པ་བཞིན༔ མི་རྟོག་མཐའ་དབུས་མེད་པར་ཞོག༔ ཅེས་པ་ལྟར་བསྒོམ་པ་ནི་དམིགས་སྐོར་གསུམ་པའོ།། ཡང་སྒྲིམ་དྲགས་ནས་རིག་པ་གཡེར་ཞིང་འཕྲོ་རྒོད་བྱུང་ན་མ་ཡེངས་དྲན་པའི་བྱ་ར་དང་ལྡན་པས་རང་བབས་སུ་ལྷོད་ཀྱིས་ཁོང་ཀློད་ལ་འཇོག་སྟེ། ཀུན་མཁྱེན་ཆོས་རྗེས། ཆད་པ་ངལ་གསོ་བཞིན་དུ…

སྔར་བཞིན་བསྒོམ་ཞེས་སོགས་ཏེ། གོང་གི་རྗེས་ཞིག་གི་རྣལ་འབྱོར་ལ་ཉམས་མྱོང་ཅི་རིགས་འཐོན་པ་དང་། འོད་གསལ་སྟོང་ཉིད་དེ་ལས་སྐད་ཅིག་གིས་ཆུ་ལས་ཉ་ལྡང་བའི་ཚུལ་གྱིས་སྔར་བཞིན་ལྷ་སྐུར་གསལ་བའི་སྐུ་ལ་རྩ་གསུམ་འཁོར་ལོ་བཞི་སྙིང་གའི་ཆོས་འབྱུང་ཧྲཱིཿཡིག་དང་བཅས་པ་གསལ་བཏབ་སྟེ། དེ་གསལ་ཐེབ་པ་དང་ནང་ནད་གདོན་སྡིག་སྒྲིབ་ཐམས་ཅད་སང་གིས…

བསྐྱང་བ་ནི། ཉིན་མཚན་གཉིས་སོ་སོར་ཐུན་བཞིའམ་གསུམ་ལྟ་བུས་དམིགས་རིམ་དེ་ཉིད་ཁོ་ནས་ཉིན་མོ་སྨིན་མཚམས་ཀྱི་དབུ་མའི་ནང་དང་། སྙིང་གར་དབུ་མའི་ནང་དུ་བསྒོམ། མཚན་སྙིང་ག་དང་། ལྟེ་བའི་དབུ་མའི་ནང་དུ་བསྒོམ་པ་ཡིན། ཡང་ཤེས་པ་ཡུལ་ལ་འཕྲོ་ན་གང་ཤར་གང་སྣང་དེ་ཁོ་རང་ངོ་ལ་ཡུད་དེ་གསལ་བར་བཞག །འགྲོ་འོང་ཡེངས་བ་མེད་པར་ས་ལེ་ཧྲིག་གེ་ཧ་…

འབྱོར་ལ་ཁྱད་པར་ཅན་གྱི་སྔོན་འགྲོ་དང་དངོས་གཞིའི་རིམ་པ་གཉིས། དང་པོ་ཁྱད་པར་ཅན་གྱི་སྔོན་འགྲོ་ནི། ཟབ་རྒྱ་ལས། ཁྱད་པར་ཅན་གྱི་སྔོན་འགྲོ་ལ༔ བསྲུང་འཁོར་ཚོགས་བསགས་སྦྱང་བ་བྱ༔ ཞེས་པས། བསྲུང་བའི་འཁོར་ལོ་བསྒོམ་པ། ཚོགས་བསགས་ཉམས་ཆག་བསྐང་བ། ལུས་རྩ་རླུང་གསུམ་སྦྱང་བ་དང་གསུམ་ནི། རང་རིག་ལྷ་སྐུ་ཡུམ་དུ་གསལ་བའི་དམིགས་གནད་ལས་…