དེ་ཉིད་གཡོན་ཕྱོགས་སུ་མགལ་མེའི་འཁོར་ལོ་ལྟར་དྲག་ཏུ་འཁོར་བ་ལ་སེམས་རྩེ་གཅིག་ཏུ་བཟུང་ནས་བུམ་ཅན་སྦྱོར་བ་བཞི་ལྡན་ལ་བསླབ་པར་བྱའོ། །དེ་ཡང་སྔོན་དུ་དྷཱུ་ཏིའི་རླུང་བཟླས་ཀྱི་སྐབས་སུ་རྩ་ལམ་འབྱུང་ཞིང་བུམ་ཅན་གྲུབ་ཟིན་པའམ་གཞན་དག་ཏུ་གྲུབ་ཟིན་པ་ནི་སྨོས་མ་དགོས། དེ་མིན་སྐབས་འདིར་མྱོང་བ་ཅི་རིགས་ཐོན་ཐོན་གྱི་བར་བསླབ་དགོས་ཡོ…

ལ་ཞུན་བཏང་བ་བཞིན་དམར་ལམ་ལམ་དྲོད་ཚ་འུར་སྐྱེས་པ་མོས་ནས་མི་དམིགས་ཁོ་ན་ལ་ཤེས་པ་གཏད་དེ་རྩེ་གཅིག་ཏུ་བསྒོམ། དེ་ནས་རླུང་ཐེངས་འགའ་རེ་སོང་ཞིང་དྲོད་མྱོང་བ་སྐྱེས་པ་དང་། སྲོག་ཐུར་ལྟེ་བར་སྔར་བཞིན་བཅིངས་མཚམས་ཁྱད་པར་འོག་རླུང་ལྟེ་བར་ལན་གསུམ་དྲངས་ཏེ་འཆིངས། དེ་ལ་སྟེང་རླུང་རྡབས་པས་དུ་བ་ལྟ་བུའི་རླུང་གཤང་སྒོ་ནས་སྔོ་བུན་བ…

འོག་ཏུ་བཅུག པུས་བྲང་སྦྱར་བའི་ལུས་གསུམ་ལྟབ་ཀྱིས་ཉལ། དེ་གསུམ་གང་བྱེད་ཀྱང་ལག་པ་མདུན་དུ་བསྣོལ་ནས་ལག་མཐིལ་གཉིས་མཁལ་ཁུང་གཡས་གཡོན་ལ་བཀབ། ལྟེ་བའི་ཨཾ་འབར་བ་ལ་སེམས་གཏད་དེ་བར་རླུང་ཅུང་ཟད་བཟུང་བའི་ངང་ནས་གཉིད་དུ་འགྲོ་བར་བྱ། དེས་གཉིད་ཀྱི་འོད་གསལ་ཟིན་པ་དང་། ཉིན་མོ་བསྒོམ་པའི་དྲོད་ཀྱི་རྒྱུན་དེ་མཚན་མོ་མི་ཡལ་བའི་དགོས་…

ཆུ་ལྟ་བུར་ཁྱོར་གྱིས་ཞུ་བ་ལས་བདུད་རྩིའི་རྒྱུན་སྐྱ་ནར་གྱིས་སམ། མུ་ཏིག་གི་དོག་པ་ལྟ་བུར་ཐིག་ཐིག་བབས་པ་ལྟེ་བའི་མེ་དང་འདྲེས་པས་སྡོང་རྩ་མར་ཁུས་བརླན་པ་ལྟར་མེའི་གསོས་བྱས་དེ་ཆེར་འབར་བས་ཟླ་བ་བདུད་རྩིར་ཞུ་བའི་དྭངས་མས་དབུ་མ་གང་། དེ་ལས་རྩ་ཕྲན་ཐམས་ཅད་དུ་ཟག་པས་ལུས་བ་སྤུ་ཡན་ཆད་མེར་གྱིས་གང་བ་ལ་བདེ་བའི་རོས་ཁྱབ་པར་བསམ་…

མཉམ་པར་འཇོག མཚན་མོ་ལུས་གནད་དང་རླུང་གནད་འདྲ་བ་ལས་ཁྱད་པར་ཐད་ཀའི་ལྟ་སྟངས་མིག་ཕྱེད་གདངས་ཀྱི་རྫི་མ་མི་རྡིབ་ཅིང་མིག་འབྲས་དེ་མ་འགུལ་བས་གང་དུ་གཏད་པའི་བར་སྣང་ནག་མཐིང་ངེ་བ་ལ་སེམས་མི་འཕྲོ་བའི་རྟེན་ཙམ་བྱས་ཏེ། སེམས་གནད་སྔར་བཞིན་སྒྲིམ་གློད་རེས་འཇོག་གིས་བསྒོམ། གང་ལྟར་ཡང་ལུས་གནད་ལྟ་སྟངས་བཅུན་ལ་བསྒོམ་ཉམས་བཟང་འཕྲོ་མ་…

པོ་དང་། ཟད་པར་གྱི་སྐྱེ་མཆེད་དང་། སྤྱན་དང་མངོན་ཤེས་ལ་སོགས་པའི་ཡོན་ཏན་དཔག་ཏུ་མེད་མཐའ་ཡས་པར་འཆར་བར་གསུངས་སོ། །དེ་དག་རྣམས་ནི་གཏུམ་མོ་ཙཎྜ་ལིའི་རྣལ་འབྱོར་རོ། །གསུམ་པ་བཀོད་པ་བྱང་ཆུབ་ཀྱི་སེམས་དག་པར་བྱེད་པ་བདེ་བའི་རྣལ་འབྱོར་ལ་གསུམ་སྟེ། སྟེང་སྒོ་འཇུ་འདུལ་མན་ངག་ཉི་ཟླ་ཁ་སྦྱོར་དང་། འཁོར་འདས་བསྡུ་ཞུའི་མན་ངག་རྗེས་…

མཉམ་བཞག་ལ་རྩེ་གཅིག་ཏུ་བསླབ། དེ་ལ་གོམས་འདྲིས་བརྟན་པ་ན། ཀལྤོ་ལས། རྒྱ་མཚོ་རི་རབ་ལོགས་ལ་བཀན། །གླིང་བཞི་དབང་དུ་བསྡུ་བ་དང་། །རོ་འཛིན་ངག་གི་གནས་སུ་སྦྱར། །དབང་པོའི་མཆོག་གི་སྟེང་དུ་བཞག །ངག་སྟོབས་ཧཱུཾ་དྲག་རིང་དུ་དྲངས། །ཞེས་པ་ལྟར། ལུས་གནད་ཆོས་བདུན་ལས། ལག་གཉིས་ཐུགས་ཀར་བསྣོལ། ལྟོ་བ་ཚིགས་པ་ལ་བཅེར། ཉྭ་བཞི་སྒྲིམ་ཞི…

བའི་སྐབས་སུ་འཆད་པའོ། །དེ་ནས་ཐུན་རྗེས་རྣམས་སུ་བྱང་སེམས་དབབ་པ། བཟུང་ལྡོག་ཁྱབ་དང་། དེ་ཉིད་རླུང་དང་བསྲེ་ཞིང་དབྱིངས་སུ་བསྐྱལ་བས་རླུང་གི་ཡོན་ཏན་སེམས་ལ་བསྟིམ་པ་རྣམས་ཚང་བ་རེ་བྱས་ན་ལེགས་གསུངས་པས། བྱང་སེམས་དབབ་པ། བཟུང་བ། ལྡོག་ནས་སྤྱི་བོའི་བར་བརྟན་པའི་བར་སྔར་བཞིན་སོང་བ་དང་། དེ་ཉིད་ཁྱབ་པར་དགྲམ་པ་ནི༑ ཀལྤོ་ལས། རྣ…

གསལ་བའི་སྤྱི་བོར་བདུད་རྩིའི་ཐིག་ལེ་དང་ལྟེ་བར་མེའི་ཐིག་ལེ་ཞེས་སོགས་ཏེ། ཉི་ཟླ་ཁ་སྦྱོར་དང་རྗེས་ཞིག་གི་རྣལ་འབྱོར་ལ་ཉམས་འོག་ཏུ་ཆུག་པ་དང་། རང་ཉིད་ལྷ་མོའི་སྐུར་སྟོང་གསལ་སྒྲིབ་ཐོགས་དང་བྲལ་བའི་ལུས་ཀྱི་དབུས། རྩ་གསུམ་དང་ཆོས་འབྱུང་ཨ་ཧཾ་དང་བཅས་པ་སྔར་བཞིན་གསལ་བ་ལས་ཁྱད་པར་ལག་གཉིས་ཁུ་ཚུར་པུས་མོའི་སྟེང་དུ་བཀབ་སྟེ་རླ…

ཤེས་རྩལ་ཁ་ཕྱོགས་མེད་དུ་རྒྱས་ནས་ཉམས་མྱོང་སྲོལ་དུ་ཆུབ་པས་མངོན་སུམ་གཏན་ལ་ཕེབས་པར་འགྱུར་རོ། །གཉིས་པ་མཚན་མོའི་རྣལ་འབྱོར་ནི། ཉིན་པར་བདེ་བའི་རྣལ་འབྱོར་གྱི་རྗེས་ཞིག་སྣོད་བཅུད་འོད་གསལ་སྟོང་ཉིད་དུ་སྦྱངས་ནས་མཉམ་པར་བཞག་སྟེ་བསླབ་པས། ཕྱི་ནང་གི་འབྱུང་བའི་བསྡུ་རིམ་གྱི་དུས་ཀྱི་བདེ་བའི་ཡེ་ཤེས་དང་སྟོང་ཉིད་ལ་མཉམ་པར་བཞག…

ཐིག་ལེ་ལ་སེམས་རྩེ་གཅིག་ཏུ་གཏད་དེ་གཉིད་དུ་འགྲོ་བར་བྱ། གལ་ཏེ་གཉིད་མ་བྱུང་ན་ཡང་བསྐྱར། འཕྲོ་རྒོད་ཀྱིས་གཡེང་ན་རིག་པ་སྒྲིམ་ལྷོད་སྙོམ་ལ་ངང་བསྲིངས་ཏེ་རྨི་ལམ་དང་གཉིད་ཀྱི་བར་རྣམ་རྟོག་གཞན་གྱིས་བར་མ་ཆོད་པར་བྱ། ཅུང་ཟད་རྣམ་རྟོག་གིས་བསྐྱོད་ནའང་མུ་འབྱམས་སུ་མ་སོང་བར། སྐྱེས་མཚམས་ནས། དེ་ལ་སྐྱོན་ཡོན་དང་། སྤང་བླང་བསུ་སྐ…

མང་པོ་སྤེལ་ནས་གཅིག་ཏུ་བསྡུ་བ་དང་། རེས་དག་པའི་ཞིང་ཁམས་བདེ་བ་ཅན་སོགས་དག་ཞིང་རྣམས་སུ་ཐོགས་མེད་དུ་ཕྱིན་ཏེ་སངས་རྒྱས་དང་བྱང་སེམས་རྣམས་ཀྱི་ཞལ་མཇལ་དབུགས་དབྱུང་ལུང་སྟོན་པ་དང་། རེས་རྩ་བའི་བླ་མའི་དྲུང་དུ་ཕྱིན་ནས་ཞལ་མཇལ་ཞིང་གསུང་ངག་གི་བདུད་རྩི་མྱོང་ནས་དེའི་དོན་ལ་བསམ་སྒོམ་གཉིས་ཀྱིས་སྒྲོ་འདོགས་གཅོད་པ་དང་། རེས་འགྲ…

སོ༑ ༑ཡང་སྲོད་ལ་མ་ཟིན་ན་འཛིན་དུས་གནད་གསུམ་དང་། སྲབ་མོའི་འོད་གསལ་དང་། གཉིད་འཐུག་གི་འོད་གསལ་གྱི་ཁྱད་པར། གཞན་ཡང་སྒྱུ་ལུས་དང་བྱེད་ཚུལ། འོད་གསལ་དང་བྱེད་ཚུལ། བར་དོ་གསུམ་དང་ཁྱེར་ཚུལ་རྣམས་ཀྱི་མན་ངག་དང་དབྱེ་བ་ནི་བླ་མ་དམ་པའི་ཞལ་ལུང་དང་གོང་མ་རྣམས་ཀྱི་གསུང་རབ་ལས་ཤེས་པར་བྱའོ། །དེ་ལྟར་མན་ངག་དེ་དང་ལྡན་པའི་གང་ཟག་གི་…

རྗེས་སྔ་མ་གསུམ་ལ་སྙིང་ཁའི་ཐད་མདུན་རྒྱབ་དང་། མགོ་གཟེར་བ་སོགས་ལུས་ཀྱི་ཆ་ཤས་ན་བ་ལ་གང་ན་སར་བུ་ག་ཧར་བྱུང་དུ་དོད་པ་ལས་རླུང་དང་ནད་རྣམས་ཉི་ཟེར་གྱི་རྡུལ་བཞིན་དུ་བུན་བུན་དྲག་ཏུ་འཐོན་པས་ཕན་ནོ། །འཐོན་པས་ལུས་ནང་སྟོང་སང་སང་སོང་བར་མོས་ལ༑ ལག་གཉིས་ཁུ་ཚུར་མདུན་དུ་བརྐྱང་རྗེས་ཁུ་ཚུར་གྱི་རྒྱབ་ནུ་སྟེང་དང་ལག་ངར་རྩིབ་ལོག་ལ…

ནས་གྱེན་དུ་དྲངས། དེ་དུས་དམིགས་པ་གསང་བའི་ཧཱུཾ་གྱེན་དུ་མདའ་འཕང་པ་ལྟར་སོང་བས། དེའི་ཞབས་ཀྱུ་པདྨའི་རྩ་བ་ནས་འཐེན་པས་འདབ་མ་བུ་གར་མང་ཤོང་སྟེ། རྡོ་རྗེ་རྒྱུ་མའི་ཕྱི་ནང་སློག་པ་བཞིན་སོང་བ་དབུ་མའི་ལམ་བརྒྱུད་སྤྱི་བོའི་སྟེང་དུ་ཧཱུཾ་དང་ནོར་བུའི་ཕྱིར་སློག་པ་གཉིས་སྤྱི་བོར་བརྒྱང་སྟེ་འདུག་པར་བསམ་ལ་རླུང་ཕྱིར་བཟུང་། འདི་…

བུ་མངོན་དུ་བྱེད་ཚུལ་ལ་དབང་པོ་རབ་ཚེ་འདིར་མཐོང་བའི་ཆོས་ལ། འབྲིང་བར་དོའི་འགྲུབ་ཚུལ། ཐ་མ་ཚེ་ཕྱི་མར་མཆོག་གི་དངོས་གྲུབ་ལ་སྦྱོར་བ། ལེ་ལོ་ཅན་བཙན་ཐབས་འཕོ་བའི་མན་ངག་གིས་མཚམས་སྦྱོར་བ་དང་། དེ་རྣམས་ཀྱི་ཆ་རྐྱེན་ཡན་ལག་ཏུ། གཏུམ་མོ། ཐབས་ལམ། མཚན་མོའི་རྣལ་འབྱོར། རྫོགས་རིམ་ཨ་ཏིའི་མན་ངག་འདི་ཉིད་ཀྱི་ཞར་བྱུང་ངམ། ཕན་ཚུན་འབ…

གྱུར་འགྲོ་བ་ཀུན། །སྒྲིབ་གཉིས་མུན་བཅོམ་ཚོགས་གཉིས་རབ་རྫོགས་ནས། །རྒྱལ་ཀུན་བསྐྱེད་ཡུམ་བདེ་ཆེན་ཌཱཀི་མའི། །གོ་འཕང་དཀའ་བ་མེད་པར་མྱུར་ཐོབ་ཤོག །ཅེས་མཁའ་འགྲོ་གསང་བ་ཡེ་ཤེས་ཀྱི་རིམ་གཉིས་ཟབ་མོའི་རྣལ་འབྱོར་གྱི་ལམ་རིམ་ཁྲིད་ཡིག་མན་ངག་གསལ་སྒྲོན་ཞེས་བྱ་བ་འདི་ནི། དད་སྟོབས་བློ་གྲོས་ཀྱི་དབང་ཕྱུག་སྡེ་པ་ཡང་གྲོང་གནས་འགྱུར་…

རྫོགས་ཆེན་ཨ་ཏི་ཟབ་དོན་སྙིང་པོའི་ལོ་རྒྱུས་བཞུགས་སོ༔ ཨོ་རྒྱན་གཏེར་བདག་གླིང་པ།

རྫོགས་ཆེན་ཨ་ཏི་ཟབ་དོན་སྙིང་པོའི་ལོ་རྒྱུས་བཞུགས་སོ༔ བྱ་རྩོལ་ཀུན་བྲལ་ལྷུན་གྲུབ་བདེ་བ་ཆེན་པོའི་རང་བཞིན་བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ རྒྱ་གར་སྐད་དུ༔ ཨ་ཏི་མནྟྲ་ཏནྟྲ་ཡ༔ བོད་སྐད་དུ༔ ཟབ་མོ་སྔགས་ཀྱི་རྒྱུད༔ རྒྱལ་བ་རྫོགས་པའི་སངས་རྒྱས་རྣམས་ཀྱི་ཐུགས་དགོངས་པ་ཟབ་གསལ་བདེ་ཆེན་འདུ་འབྲལ་མེད་པའི་ཀློང་ལས༔…

འདུས་མ་བྱས་པའི་ཕོ་བྲང་ཚད་ལས་འདས་པའི་དབུས་ན༔ སྟོན་པའི་ཡང་སྟོན་པ་བླ་ན་མེད་པ༔ ཆོས་ཀྱི་དབྱིངས་ལྷུན་གྱིས་གྲུབ་པ་རང་མཁྱེན་པས༔ རྒྱལ་བ་སྐུ་ལྔ་དང་ཡེ་ཤེས་ལྔ་ཡོངས་སུ་རྫོགས་པའི་བདག་ཉིད་དེ་བཞིན་གཤེགས་པ་ཐམས་ཅད་ཀྱི་ཡབ༔ སྤྲོས་པའི་མཐའ་དང་བྲལ་བའི་ཀུན་ཏུ་བཟང་པོ་ཉིད་དགོངས་པ་གསལ་འགྲིབ་མེད་པ་མཉམ་ཉིད་ཆེན་པོའི་ངང༔ འགྲོ་འོང…